* * *
Нехта піша за Куставу вершы...
Адчуваю, што гэта Паэт.
І паэт не апошні, а першы...
Толькі гэта пакуль што сакрэт!
Бо хто прозу ёй піша - вядома.
Я дазнаўся з фэйбучных навін:
за яе эратычна і клёва
піша нехта спадарыня Нін...

(c) Эдуард Акулiн

- - - - - - - - - - - - - - - - - - - - - - -

Эдуард, мы чаргуемся, праўда ( Read more... )

Калі я і эмігрую - то праз надвор'е: паўгадовая зіма пры паўнагадовай дыктатуры - гэта перадоз :)

Таму ў якасьці тэрапеўтычных сродкаў...

Click to view

Элітны хлопчык,
чароўны опчык
у італійскім спінжаку
доўга паціскаў руку,

так доўга,
што ў гэтым пацісканні,
яна ўявіла двое разнаполых дзяцей
і мільёны супольных світанняў,

каву ў ложак,
ложак двухспальны
з люстэркам і балдахінам
і бясхібныя тэхнікі
альтэрнатыўнага кахання
належным чынам.

2 сьнежня 2012

Надвор'е шаптала...
Чарнявы баск Кепа
вучыў мантаваць кіно.
Ён казаў: "Дзетка,
don't worry, be happy,
ня страшна, што ляснула,
усё пачынай наноў..."

( Чытаць далей... )

СЭКСУАЛ

Яго арыентацыю
можна было вызначыць
проста -
прасьцей за прынятае -
як: сэксуал.
Па карыстанні
дадаткова
выдавалася інструкцыя:
каб уладальнік -
хваліў, цаніў, шкадаваў.

( І пры магчымасьці - скарыстоўваў магчымасьць. )

Відэаімправізацыя з серыі "лёгкіх тэкстаў" :)

Click to view

Здымала Воля Гапеева

( Чытаць сам тэкст )

Мора Балцкага вольныя хвалі
пра любоў мне туравалі -
ў таварыстве бязбашанных баб -
я быў рады, я быў рад.

Мора Балцкага вольныя хвалі
ў летні холад з табой скаралі
ў таварыстве бязбашанных баб.
Я быў рады. І ты быў рад.

Мора Балцкага вольныя хвалі
штоначы аб пірс грукаталі
ў рытме нашых бязбашанных баб.
Я быў рады. І ты быў рад.

( Далей... )

Спадару,
лавiце момант:
ваш калега
прызнаўся
сёння,
што гатовы
злавіць вясёлку
для мяне.
( Ну, а вы?.. )

Сёння ў рэстарацыі "Госці" сустрэлі Аляксандра Дамагарава, усяго ў харызме і ферамонах. Прасьпяваў нам "А белый лебедь на пруду...". А як сьпяваў - душа оот так разгарнуся, а потым оооот так згарнулася... А як сядзеў - дык у яго, відаць, у акулярах - па магнітным полі ўшыта. Ці гэта мяне Космас так магніціць астатнім часам. Карацей, дастойны фон, я ( Read more... )

*   *   *

Зарачаны. Аграсядзіба.
Крыху дзіка.
Крыху па-райску.
Сядзіш. Вудзіш.
Працягваеш
да жабак ды
гарлачыкаў
руку.
А ён такі круты
беларуска-фінскі
з рудою грывай
з лазьні
выходзіць
у адным адзіным
ручніку.