ВЫЯЗНЫЯ КУРСЫ

[valjaryna]

Надвор'е шаптала...
Чарнявы баск Кепа
вучыў мантаваць кіно.
Ён казаў: "Дзетка,
don't worry, be happy,
ня страшна, што ляснула,
усё пачынай наноў..."


Ён усьміхаўся,
мацаў за плечы,
нібы супакойваючы.
І дамінантна натхняў.
А яна рэцэсіўна
паенчыла
і ўсё ж вырашыла,
што Кепа -
прафесіянал.
І ўсё, што ён кажа, -
гэта так трэба...

І Эландскі мост -
ад неба да неба -
іх па-над фільмам
ў-зьняў,
узьняў над старонкамі web'a.

Надвор'е шаптала...
Чарнявы баск Кепа
вучыў мантаваць кіно...

17 кастрычніка 2012