Выпадкова заўважылі, што жонцы ўчора, калі яна была крыху збянтэжаная пасля стаматолага, прабілі ў краме вялок капусты, як бананы.

Даводзіць карціну лёгкай блытатніны да стану шызафрэніі тое, што атрымалася танней, чым калі б мы плацілі за капусту. Трэба, як ачуняю, схадзіць у краму, папрасіць прабачэння і аддаць розніцу. Такі вось капуснік.

Раз ужо я тут пачаў вымётваць водгукі на тавары і паслугі, то лагічным было б нарэшце расказаць пра самую цікавую гісторыю мінулага года на гэтую тэму. Хто не схаваўся - я не вінаваты.
( Як гэта было, ці уся праўда пра Фандок і )

У сувязі з даволі вялікай пакупкай паспрабавалі ўзяць крэдыт. Па неасцярожнасці ўляпаліся ў Дельтабанк, аб чым хачу зараз падрабязна расказаць. Мо каму будзе карысна, каб пазбегнуць нашых памылак.
( Сучаснабеларускі фарс. Заснавана на рэальных падзеях. )

Выпадкова пачуў у навінах, што Нацбанк збіраецца ўсур'ёз займацца дэдаларызацыяй, каб насельніцтва не пералічвала заробкі ў даляры. І смех і грэх.
( І вось што я на гэты конт панадумаў )

Мінздраў адсмаліў. Мне здаецца, яна вырашілі ўнесці сваю долю у забеспячэнне беларусаў жыллём. У тым сэнсе, што хто перажыве калапс медыцыны (а да доктара і зараз з талонам патрапіць трэба некалькі гадзін), той пастараецца з'ехаць.

Нешта апошнім часам урад усё больш і больш уваходзіць у ролю сквапнара рыцара.

Учора шукаў капялюш, каб не абгарэць пад час вандроўкі ў Гародню, што запланаваная на наступную суботу. ШЧыра кажучы, сказаць што я ўражаны - нічога не сказаць. Я разумеў, што ў нас пакупнік "хавае што даюць", але маштабы з'явы ўсё ж я неяк сабе паменьш ўяўляў.
( Назіранні і думкі. Шмат літар (больш за дзве) )

Адразу заўважу, што гэта маё меркаванне, і калі яно вас не цікавіць - смела і шчыра не чытайце далей. Я не з'яўляюся эканамістам, палітолагам, уролагам, практолагам ці кім там яшчэ з універсытэцкім дыпломам, які дазваляе прыгожым рухам папраўляць акуляры і, надзмуўшчы шчокі, выказваць меркаванні, што праз пару месяцаў не спраўджваюцца.
( За два крокі )

Вой, дарэмна Лукашэнка даў прытулак таму Бакіеву! У Бакса вельмі благая карма: не мінула і года, як у нас таксама пачала выспяваць рэвалюцыйная сітуацыя. Можа нам яго куды у Батсвану збыць з даплатаю?

За апошнія гады мы больш-меньш звыклі да таго, што тое што трэба часцей за ўсё ёсць у крамах. Па коштах, якія ўражваюць замежных гасцёў, але ёсць. Цяпер мы паціху прызвычайваемся да таго, што яны там могуць "з'яўляцца", хаця класічнае савецкае "выкінулі" пакуль, здаецца яшчэ не ўвайшло ў абіход. Ну і гэта не лічачы кошты, якія растуць хутчэй чым на ( Read more... )

На гэтым тыдні Нацбанк працягваў смаліць, проста як плазмаган. Штодня я бачу ўранку людзей, што больш стала уладкоўваюцца каля двух абменнікаў на цокальным паверсе чыгуначнага вакзала. Практычна ўсе забяспечаныя зэдлікамі і скрынкамі, каб было чым сядзець, некаторыя чытаюць, каб пабавіць час (мы зноўку маем шанец стаць самай чытаючай краінай!!!) і ( Read more... )