vyazen2904
Dec 03, 2009 13:05
Пустыя вуліцы і плошчы
І не працуюць ліхтары
Я паміраю сёння ўночы
Мне абрубаюць карані
Я жыў у розныя эпохі
Я помню нават караля
Але цяпер мой век нядоўгі
Бо блытаюся ў правадах
Ні ў чым я больш не вінаваты
Я тры стагоддзі перажыў
Мяне забілі кілаваты
Мяне забілі правады...
03.12.2009
Вершы 2007-2009
vyazen2904
Nov 11, 2009 21:58
info: першы верш напісаны правай рукой.
Праваруч мяне - бясконцая цямрэча
Леваруч мяне - агеньчыкі святла
У мяне ёсць выбар - у нябыт ці ў вечнасць...
Я зрабіў свой выбар - больш мяне няма.
11.11.2009
minds: Паміраць пакуль не збіраюся, але калі раптам што, хацелася б, каб на магільным камені выбілі б вершаваныя радкі. Да прыкладу гэтыя.
Вершы 2007-2009
vyazen2904
Oct 16, 2009 19:06
Гісторыя майго жыцця
Гісторыя майго вар'яцтва
Па-над зямлёю цішыня
І сіл ужо няма змагацца
Ды ты прымаеш мужна бой
Ты не зважаеш на пакуты
Жалехным моцным ланцугом
Да Беларусі ты прыкуты
16.10.2009
Вершы 2007-2009
vyazen2904
Sep 30, 2009 16:03
Для восені складаць санэты
Не жадаю
Пакут не вытрымаўшы
Паміраю
Мае санэты дачакаюцца вясны
Магчыма, іх пачуеш
Ты?
30.09.2009, Электронныя прыборы
Вершы 2007-2009
vyazen2904
Jul 12, 2009 12:49
Сыйдзем мы. Пройдзе пару дзесяткаў год
І наш час праглыне гісторыя
Ці ўзгадае нашчадак свой радавод,
Ці ўзрасціць дрэўца хоць бы кволае?
Пэўна не. Бо не будзе каму расказаць
Наш ланцуг пакаленняў ушчэнт разарваны
І мы звыкліся ўжо пра дзядоў ўспамінаць
Толькі на пахаванні
12.07.2009
Вершы 2007-2009