( Read more... )

( Read more... )

( Read more... )

Красавік - проста красава! Столькі цеплыні, сонца, птушыных сьпеваў, што хочацца насунуць на галаву шапку-аблавуху і сьпяваць ваенныя маршы.

Учоры бачыў, як з прыгараднага дызеля вываліў цэлы натоўп рыбакоў. Вярталіся зь лёду, але расійскага. Там забароны на зімовую рыбалку ў красавіку няма. Вось палачане і аблаўліваюць памежныя азёры Невельшчыны. Пра вынікі рыбалкі не пытаўся. Збаяўся, што задушыць прыступ зайздрасьці...

*    *    *
Дзень касманаўтыкі.
На пачарнелым лёдзе Дзьвіны
апошні сядзіць касманаўт
і зоркі свае пільнуе.
Плотка, падлешчык, акунь
нямотна шапочуць лёду:
Паехалі, ёк тваю макаўку!

( Read more... )

"Ні дня без радка", - ёсьць такія словы ў песьні пралетарыяў разумовай працы. А я чакаю красавіка, каб спраўдзіць зваротнае: цэлы месяц без аніводнага радка! І будзе мне шчасьце, бо так дастала гэтая пісаніна...

Неба нізкае і шэрае, набрынялае веснавой вільгацьцю. Здаецца, варта толькі ўзьняць руку і таргануць за бліжэйшую хмару, як пойдзе доўгі і нудны дождж. Каб ліло дні два-тры, было б добра. Сьнегу шмат, але ён ужо не жылец. Сонца зь ім больш ня будзе гуляцца. Сонца зь мёртвымі не гуляецца. Дождж прыбраў бы цела, змыў паўдзённай вадой чорную зямлю. А ( Read more... )