СВЕТЛОЕ ХРИСТОВО ВОСКРЕСЕНИЕ. ПАСХА. ЗАУТРЕНЯ. Служба мирским чином.
Свéтлое Хрїстóво Воскресéнiе. ПАСХА. Послéдование полýнощницы, заýтрени, часóв и обéдницы для домáшнего (келéйнаго) совершéнiя. Слýжба мiрскúм чúном.
СВЕТЛАЯ ПАСХАЛЬНАЯ ЗАУТРЕНЯ
Возжигаем свéчи и держим их в руках до хвалитных стихир.
Стихира, глас 6: Воскресéнiе Твоé, Хрїстé Спáсе,/ Áнгели поют на небесéх,/ и нас на землú сподóби/ чистым сéрдцем/ Тебé слáвити. (Трижды)
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас.
Хор: Ами́нь.
ПАСХАЛЬНОЕ НАЧАЛО
Хор, тропáрь, глас 5: Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (Трижды)
Стих 1: Да воскрéснет Бог, и расточáтся вразѝ Егó,/ и да бежáт от Лицá Егó ненави́дящiи Егó.
Хор: Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.
Стих 2: Яко исчезáет дым, да исчéзнут,/ яко тáет воск от лицá огня.
Хор: Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.
Стих 3: Тáко да погибнут грéшницы от Лицá Бóжiя,/ а прáведницы да возвеселятся.
Хор: Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.
Стих 4: Сей день, егóже сотворѝ Госпóдь,/ возрáдуемся и возвеселимся вонь.
Хор: Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.
Чтец: Слáва Отцу и Сыну и Святóму Духу.
Хор: Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.
Чтец: И ныне и присно и во вéки векóв. Аминь.
Хор:Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.
И паки: Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв.
Гóсподи, помилуй, (12 раз.)
Слáва Отцу и Сыну и Святóму Духу, и ныне и присно и во вéки векóв, аминь.
КАНОН ПАСХАЛЬНЫЙ, ГЛАС 1
Пасхальный канон поется полностью хором: и ирмосы, и припевы, и тропари, и катавасии.
ПЕСНЬ 1
Ирмóс: Воскресéнiя день,/ просвети́мся, лю́дiе./ Пáсха, Госпóдня Пáсха:/ от смéрти бо к жизни,/ и от землѝ к небесѝ,/ Хрїстóс Бог нас преведé,// побéдную пою́щiя.
Припéв: Хрїстóс воскрéсе из мéртвых.
Тропáрь: Очистим чýвствiя, и ýзрим/ непристýпным свéтом/ Воскресéнiя, Хрїстá/ блистáющася,/ и рáдуйтеся, рекýща,/ ясно да услышим,// побéдную пою́ще.
Припéв: Хрїстóс воскрéсе из мéртвых.
Тропáрь: Небесá ýбо достóйно да веселятся,/ земля же да рáдуется,/ да прáзднует же мiр,/ видимый же весь и невидимый:/ Хрiстóс бо востá,// весéлiе вéчное.
Катавáсiя: Воскресéнiя день,/ просвети́мся, лю́дiе./ Пáсха, Госпóдня Пáсха:/ от смéрти бо к жизни,/ и от землѝ к небесѝ,/ Хрїстóс Бог нас преведé,// побéдную пою́щiя.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды, поскóру)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
ПЕСНЬ 3
Ирмóс: Прiидите, пиво пiéм нóвое,/ не от кáмене неплóдна чудодéемое,/ но нетлéнiя истóчник/ из грóба одождивша Хрiстá,// в Нéмже утверждáемся.
Припéв: Хрїстóс воскрéсе из мéртвых.
Тропáрь: Ныне вся испóлнишася свéта,/ нéбо же и земля, и преиспóдняя:/ да прáзднует убо вся тварь/ востáнiе Хрiстóво,// в нéмже утверждáется.
Припéв: Хрїстóс воскрéсе из мéртвых.
Тропáрь: Вчерá спогребóхся Тебé Хрiстé,/ совостаю́ днесь/ воскрéсшу Тебé,/ сраспинáхся Тебé вчерá,// Сам мя спрослáви Спáсе во Цáрствiи Твоéм.
Катавáсiя: Прiидите, пиво пиéм нóвое,/ не от кáмене неплóдна чудодéемое,/ но нетлéнiя истóчник/ из грóба одождивша Хрiстá,// в Нéмже утверждáемся.
Хрїстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (Трижды, поскóру)
Гóсподи, помилуй. (3 раза)
Слáва Отцу и Сыну и Святóму Дýху, и ныне и присно и во вéки векóв, аминь.
Ипакоѝ, глас 4: Предварившiя ýтро яже о Марíи,/ и обрéтшiя кáмень отвалéн от грóба,/ слышаху от Áнгела: во свéте присносýщнем Сýщаго,/ с мéртвыми что ищете, яко человéка?/ Видите грóбныя пелены, тецыте и мíру проповéдите,/ яко востá Госпóдь, умертвивый смерть,// яко есть Сын Бóга, спасáющаго род человéческiй.
ПЕСНЬ 4
Iрмóс: На Божéственней стрáжи/ богоглагóливый Аввакýм/ да стáнет с нáми, и покáжет/ светонóсна Áнгела,/ ясно глагóлюща:/ днесь спасéнiе мíру,/ яко воскрéсе Хрiстóс,// яко всесилен.
Припéв: Христóс воскрéсе из мéртвых.
Тропáрь: Мýжескiй ýбо пол,/ яко развéрзый дéвственную утрóбу,/ явися Хрiстóс:/ яко человéк же,/ Áгнец наречéся:/ непорóчен же,/ яко невкýсен сквéрны,/ нáша Пáсха,/ и яко Бог истинен// совершéн речéся.
Припéв: Христóс воскрéсе из мéртвых.
Тропáрь: Яко единолéтный áгнец,/ благословéнный нам венéц Хрiстóс,/ вóлею за всех заклáн бысть,/ Пáсха чистительная,/ и пáки из грóба крáсное// прáвды нам возсiя Сóлнце.
Припéв: Христóс воскрéсе из мéртвых.
Тропáрь: Богоотéц ýбо Давíд/ пред сéнным ковчéгом скакáше игрáя,/ лю́дiе же Бóжiи святíи,/ образóв сбытиé зряще,/ веселимся Божéственне,/ яко воскрéсе Хрiстóс,// яко Всесилен.
Катавáсия: На Божéственней стрáжи/ богоглагóливый Аввакýм/ да стáнет с нáми, и покáжет/ светонóсна Ангела,/ ясно глагóлюща:/ днесь спасéнiе мíру,/ яко воскрéсе Христóс,// яко всесилен.
Хрiстóс воскрéсе из мéртвых,/ смéртiю смерть попрáв/ и сущим во гробéх живóт даровáв. (Трижды, поскóру)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки вeкóв, аминь.
ПЕСНЬ 5
Ирмóс: Утренюем ýтреннюю глубокý,/ и вмéсто мира песнь принесéм Владыце,/ и Хрiстá ýзрим/ прáвды Сóлнце,// всем жизнь возсiяюща.
Припéв: Христóс воскрéсе из мéртвых.
Тропáрь: Безмéрное Твоé благоутрóбiе,/ áдовыми ýзами содержимiи зряще,/ к свéту идяху Хрiстé,/ весéлыми ногáми,// Пáсху хвáляще вéчную.
Припéв: Христóс воскрéсе из мéртвых.
Тропáрь: Приступим свещенóснии,/ исходящу Хрiстý из грóба, яко женихý,/ и спрáзднуем любопрáзднственными чинми// Пáсху Бóжию спасительную.
Катавáсия: Утренюем ýтреннюю глубокý,/ и вмéсто мира песнь принесéм Владыце,/ и Хрiстá ýзрим/ прáвды Сóлнце,// всем жизнь возсiяюща.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды, поскóру)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
ПЕСНЬ 6
Iрмóс: Снизшéл есѝ в преиспóдняя землѝ,/ и сокрушил еси вереѝ вéчныя,/ содержáщiя связанныя, Хрiстé,/ и триднéвен, яко от кита Иóна,// воскрéсл есѝ от грóба.
Припéв: Христóс воскрéсе из мéртвых.
Тропáрь: Сохранив цéла знáмения Хрiстé,/ воскрéсл еси от грóба,/ ключѝ Дéвы не вредивый в рождествé Твоéм,// и отвéрзл еси нам рáйскiя двéри.
Припéв: Христóс воскрéсе из мéртвых.
Тропáрь: Спáсе мой,/ живóе же и нежéртвенное заколéние,/ яко Бог Сам Себé/ вóлею привéл Отцу,/ совоскресил еси всерóднаго Адáма,// воскрéс от грóба.
Катавáсiя: Снизшéл есѝ в преиспóдняя землѝ,/ и сокрушил еси вереѝ вéчныя,/ содержáщия связанныя, Хрiстé,/ и триднéвен, яко от кита Иóна,// воскрéсл есѝ от грóба.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды, поскóру)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Кондáк, глас 8: Аще и во гроб снизшéл есѝ, Безсмéртне,/ но áдову разрушил есѝ силу,/ и воскрéсл есѝ, яко победитель, Хрiстé Бóже,/ женáм мироно́сицам вещáвый: рáдуйтеся,/ и Твоим апóстолом мир дáруяй,// пáдшим подаяй воскресéнiе.
Íкос: Еже прéжде сóлнца Сóлнце зашéдшее иногдá во гроб,/ предвариша ко утру, ищущiя яко дне миронóсицы дéвы,/ и другá ко друзéй вопiяху:/ о другини! Прiидите, вонями помáжем тéло живонóсное и погребéное,/ плоть воскресившаго пáдшаго Адáма, лежáщую во грóбе./ Идем, потщимся якоже волсвѝ, и поклонимся,/ и принесéм мира яко дáры, не в пеленáх, но в плащанице обвитому,/ и плáчим, и возопiим: о Владыко, востáни,// пáдшим подаяй воскресéнiе.
Воскресéнiе Хрiстóво видевше,/ поклонимся Святóму Гóсподу Iисусу,/ единому безгрéшному,/ Кресту Твоему покланяемся, Хрiстé,/ и святóе Воскресéние Твоé поéм и слáвим:/ Ты бо еси Бог наш,/ рáзве Тебé инóго не знáем,/ имя Твоé именуем./ Прiидите вси вéрнии,/ поклонимся Святóму Хрiстóву Воскресéнию:/ се бо прииде Крестóм рáдость всему миру./ Всегдá благословяще Гóспода,/ поéм Воскресéние Егó:/ распятие бо претерпéв,// смéртию смерть разруши. (Трижды)
Воскрéс Иисус от грóба,/ якоже проречé,/ дадé нам живóт вéчный// и вéлию милость. (Трижды)
ПЕСНЬ 7
Ирмóс: Отроки от пéщи избáвивый,/ быв Человéк,/ стрáждет яко смéртен,/ и стрáстию смéртное,/ в нетлéния облачит благолéпие,/ Един благословéн// отцéв Бог, и препрослáвлен.
Припéв: Христóс воскрéсе из мéртвых.
Тропáрь: Жены с миры богомудрыя в след Тебé течáху:/ Егóже, яко мéртва, со слезáми искáху,/ поклонишася рáдующияся Живóму Бóгу,/ и Пáсху тáйную// Твоим, Христé, ученикóм благовестиша.
Припéв: Христóс воскрéсе из мéртвых.
Тропáрь: Смéрти прáзднуем умерщвлéние,/ áдово разрушéние,/ инóго житiя вéчнаго начáло,/ и игрáюще поéм Винóвнаго,/ Единаго благословéннаго// отцéв Бóга, и препрослáвленнаго.
Припéв: Христóс воскрéсе из мéртвых.
Яко воистинну свящéнная,/ и всепрáзднственная сiя спасительная нощь,/ и светозáрная,/ светонóснаго дне,/ востáнiя сущи провозвéстница:// в нéйже безлéтный Свет из грóба плóтски всем возсия.
Катавáсия: Отроки от пéщи избáвивый,/ быв Человéк,/ стрáждет яко смéртен,/ и стрáстию смéртное,/ в нетлéния облачит благолéпие,/ Един благословéн// отцéв Бог, и препрослáвлен.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды, поскóру)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
ПЕСНЬ 8
Ирмóс: Сей наречéнный и святый день,/ Един суббóт Царь и Госпóдь,/ прáздников прáздник/ и торжествó есть торжéств,// вóньже благословим Хрiстá во вéки.
Припéв: Христóс воскрéсе из мéртвых.
Тропáрь: Прiидите, нóваго виногрáда рождéнiя,/ Божéственнаго весéлiя,/ в нарóчитом дни Воскресéнiя,/ Цáрствiя Хрiстóва приобщимся,/ поюще Егó// яко Бóга во вéки.
Припéв: Христóс воскрéсе из мéртвых.
Тропáрь: Возведи óкрест óчи твои, Сиóне, и виждь:/ се бо приидóша к тебé,/ яко богосвéтлая светила,/ от зáпада, и сéвера, и мóря,/ и востóка чáда твоя,// в тебé благословящая Христá во вéки.
Припев: Пресвятáя Трóице, Бóже наш, слáва Тебé.
Трóичен: Отче Вседержителю, и Слóве, и Душе,/ тремѝ соединяемое во Ипостáсех Естествó,/ Пресущественне и Пребожéственне,/ в Тя крестихомся,// и Тя благословим во вся вéки.
Катавáсия: Сей наречéнный и святый день,/ Един суббóт Царь и Госпóдь,/ прáздников прáздник/ и торжествó есть торжéств,// вóньже благословим Христá во вéки.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды, поскóру)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Припев: Величит душá моя воскрéсшаго триднéвно от грóба, Христá Жизнодáвца.
ПЕСНЬ 9
Ирмóс: Светися, светися,/ нóвый Иерусалиме:/ слáва бо Госпóдня/ на тебé возсия./ Ликуй ныне/ и веселися, Сиóне./ Ты же, Чистая, красуйся, Богорóдице,// о востáнии Рождествá Твоегó.
Припéв: Величит душá моя/ воскресшаго триднéвно от грóба// Христá Жизнодáвца.
Тропáрь: Светися, светися,/ нóвый Иерусалиме:/ слáва бо Госпóдня/ на тебé возсия./ Ликуй ныне/ и веселися, Сиóне./ Ты же, Чистая, красуйся, Богорóдице,// о востáнии Рождествá Твоегó.
Припéв: Величит душá моя/ вóлею страдáвша, и погребéна,// и воскрéсшаго триднéвно от грóба.
Тропáрь: Светися, светися,/ нóвый Иерусалиме:/ слáва бо Госпóдня/ на тебé возсия./ Ликуй ныне/ и веселися, Сиóне./ Ты же, Чистая, красуйся, Богорóдице,// о востáнии Рождествá Твоегó.
Припéв: Христóс нóвая Пáсха,/ Жéртва живáя,/ Агнец Бóжий,// взéмляй грехи мира.
Тропáрь: О Божéственнаго, о любéзнаго,/ о сладчáйшаго Твоегó глáса!/ С нáми бо нелóжно/ обещáлся еси быти,/ до скончáния вéка Христé:/ Егóже, вéрнии,// утверждéние надéжди имуще, рáдуемся.
Припéв: Ангел вопияше Благодáтней:/ Чистая Дéво, рáдуйся!/ И пáки реку: рáдуйся!/ Твой Сын воскрéсе/ триднéвен от грóба,/ и мéртвыя воздвигнувый:// людие, веселитеся.
Тропáрь: О Божéственнаго, о любéзнаго,/ о сладчáйшаго Твоегó глáса!/ С нáми бо нелóжно/ обещáлся еси быти,/ до скончáния вéка Христé:/ Егóже, вéрнии,// утверждéние надéжди имуще, рáдуемся.
Припéв: Возбудил еси уснув мéртвыя от вéка,// цáрски рыкáвый яко от Иуды лев.
Тропáрь: О Божéственнаго, о любéзнаго,/ о сладчáйшаго Твоегó глáса!/ С нáми бо нелóжно/ обещáлся еси быти,/ до скончáния вéка Христé:/ Егóже, вéрнии,// утверждéние надéжди имуще, рáдуемся.
Припéв: Магдалина Мария притечé ко грóбу,/ и Христá видевши,// яко вертогрáдаря вопрошáше.
Тропáрь: О Божéственнаго, о любéзнаго,/ о сладчáйшаго Твоегó глáса!/ С нáми бо нелóжно/ обещáлся еси быти,/ до скончáния вéка Христé:/ Егóже, вéрнии,// утверждéние надéжди имуще, рáдуемся.
Припéв: Ангел облистáяй женáм вопияше:// престáните от слез, яко Христóс воскрéсе.
Тропáрь: О Пáсха вéлия и свящéннейшая, Христé!/ О мудросте, и Слóве Бóжий, и сило!/ Подавáй нам истее Тебé причащáтися,// в невечéрнем дни Цáрствия Твоегó.
Припéв: Христóс воскрéсе, смерть попрáвый,/ и мéртвыя воздвигнувый,// людие веселитеся.
Тропáрь: О Пáсха вéлия и свящéннейшая, Христé!/ О мудросте, и Слóве Бóжий, и сило!/ Подавáй нам истее Тебé причащáтися,// в невечéрнем дни Цáрствия Твоегó.
Припéв: Днесь всяка тварь веселится и рáдуется:// яко Христóс воскрéсе, и ад пленися.
Тропáрь: О Пáсха вéлия и свящéннейшая, Христé!/ О мудросте, и Слóве Бóжий, и сило!/ Подавáй нам истее Тебé причащáтися,// в невечéрнем дни Цáрствия Твоегó.
Припéв: Днесь Владыка плени áда,// воздвигнувый юзники, яже от вéка имяше люте одержимыя.
Тропáрь: О Пáсха вéлия и свящéннейшая, Христé!/ О мудросте, и Слóве Бóжий, и сило!/ Подавáй нам истее Тебé причащáтися,// в невечéрнем дни Цáрствия Твоегó.
Припéв: Величит душá моя// Триипостáснаго и Нераздéльнаго Божествá держáву.
Тропáрь: О Пáсха вéлия и свящéннейшая, Христé!/ О мудросте, и Слóве Бóжий, и сило!/ Подавáй нам истее Тебé причащáтися,// в невечéрнем дни Цáрствия Твоегó.
Припéв: Рáдуйся, Дéво, рáдуйся,/ рáдуйся, Благословéнная,/ рáдуйся, Препрослáвленная!// Твой бо Сын воскрéсе триднéвен от грóба.
Тропáрь: О Пáсха вéлия и свящéннейшая, Христé!/ О мудросте, и Слóве Бóжий, и сило!/ Подавáй нам истее Тебé причащáтися,// в невечéрнем дни Цáрствия Твоегó.
Припéв: Величит душá моя/ воскрéсшаго триднéвно от грóба// Христá Жизнодáвца.
Тропáрь: Светися, светися,/ нóвый Иерусалиме:/ слáва бо Госпóдня/ на тебé возсия./ Ликуй ныне/ и веселися, Сиóне./ Ты же, Чистая, красуйся, Богорóдице,// о востáнии Рождествá Твоегó.
Припéв: Величит душá моя/ вóлею страдáвша, и погребéна,// и воскрéсшаго триднéвно от грóба.
Тропáрь: Светися, светися,/ нóвый Иерусалиме:/ слáва бо Госпóдня/ на тебé возсия./ Ликуй ныне/ и веселися, Сиóне./ Ты же, Чистая, красуйся, Богорóдице,// о востáнии Рождествá Твоегó.
Катавáсия: Светися, светися,/ нóвый Иерусалиме:/ слáва бо Госпóдня/ на тебé возсия./ Ликуй ныне/ и веселися, Сиóне./ Ты же, Чистая, красуйся, Богорóдице,// о востáнии Рождествá Твоегó.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (трижды)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Ексапостилáрiй: Плóтию уснув,/ яко мертв,/ Царю́ и Гóсподи,/ триднéвен воскрéсл еси,/ Адáма воздвиг от тли,/ и упразднив смерть:/ Пáсха нетлéнiя,// мира спасéнiе. (трижды)
ХВАЛИТНЫ ПСАЛМЫ, ГЛАС 1
Хор: Всякое дыхáние да хвáлит Гóспода./ Хвалите Гóспода с небéс,/ хвалите Егó в вышних.// Тебé подобáет песнь Бóгу.
Хвалите Егó вси áнгели Егó,/ хвалите Егó вся силы Егó.// Тебé подобáет песнь Бóгу.
На 4. Чтец (стихиры праздника, глас 1): Хвалите Егó на силах Егó, хвалите Егó по множеству величествия Егó.
Поéм Твою́, Христé, спасительную страсть,// и слáвим Твоé Воскресéнiе.
Хвалите Егó во глáсе трубнем,/ хвалите Егó во псалтири и гуслех.
Крест претерпéвый, и смерть упраздни́вый,/ и воскресый из мéртвых,/ умири нáшу жизнь, Гóсподи,// яко Еди́н Всеси́лен.
Хвалите Егó в тимпáне и лице,/ хвалите Егó во струнах и оргáне.
Ада пленивый и человéка воскресивый,/ Воскресéнием Твоим, Хрiстé,/ сподóби ны чистым сéрдцем,// Тебé пéти и слáвити.
Хвалите Егó в кимвáлех доброглáсных, хвалите Егó в кимвáлех восклицáния,/ всякое дыхáние да хвáлит Гóспода.
Боголéпное Твоé снизхождéние слáвяще,/ поéм Тя, Хрiстé:/ роди́лся еси от Дéвы,/ и неразлучéн был еси от Отцá:/ пострадáл еси яко человéк,/ и вóлею претерпéл еси Крест,/ воскрéсл еси от грóба яко от чертóга произшéд,/ да спасéши мир,// Гóсподи, слáва Тебé.
СТИХИРЫ ПАСХИ, ГЛАС 5
Да воскрéснет Бог,/ и расточáтся врази Егó.
Пáсха/ свящéнная нам днесь показáся;/ Пáсха нóва святáя;/ Пáсха тáинственная;/ Пáсха всечестнáя./ Пáсха Хрiстóс Избáвитель;/ Пáсха непорóчная;/ Пáсха вели́кая;/ Пáсха вéрных./ Пáсха двéри рáйскiя нам отверзáющая.// Пáсха всех освящáющая вéрных.
Яко исчезáет дым,/ да исчéзнут.
Прiиди́те/ от видéния жены благовéстницы,/ и Сиóну рцыте:/ прiими/ от нас рáдости благовéщения, Воскресéния Христóва:/ красуйся, ликуй/ и рáдуйся, Iерусали́ме,/ Царя Хрiстá узрéв из грóба,/ яко женихá происходяща.
Тáко да погибнут грéшницы от Лицá Бóжия,/ а прáведницы да возвеселятся.
Миронóсицы жены,/ утру глубоку,/ предстáвша грóбу Живодáвца,/ обретóша Ангела/ на кáмени седяща,/ и той провещáв им,/ си́це глагóлаше:/ что и́щете Живáго с мéртвыми;/ что плáчете Нетлéннаго во тли?// Шéдше, проповéдите ученикóм Егó.
Сей день, егóже сотвори Госпóдь,/ возрáдуемся и возвеселимся вонь.
Пáсха крáсная,/ Пáсха, Госпóдня Пáсха!/ Пáсха всечестнáя/ нам возсiя. Пáсха,/ рáдостию друг друга обымем./ О Пáсха!/ Избавлéние скóрби,/ ибо из грóба днесь,/ яко от чертóга/ возсияв Христóс,/ жены рáдости испóлни, глагóля:/ проповéдите апо́столом.
Слáва Отцу и Сыну и Святóму Духу, и ныне и присно и во вéки векóв, аминь.
Воскресéнiя день,/ и просветимся торжествóм,/ и друг друга обымем./ Рцем брáтiе,/ и ненавидящим нас,/ простим вся Воскресéнiем,/ и тáко возопiим:/ Хрiстóс воскрéсе из мéртвых,/ смéртию смерть попрáв// и сущим во гробéх живóт даровáв.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды) И после пения стихир Пасхи христосуемся друг с другом.
СЛО́ВО ОГЛАСИ́ТЕЛЬНОЕ ИОА́ННА ЗЛАТОУ́СТОГО
Аще кто благочести́в и боголюби́в, да наслади́тся сегó дóбраго и свéтлаго торжествá. Аще кто раб благоразумный, да вни́дет рáдуяся в рáдость Гóспода своегó. Аще кто потруди́ся постяся, да воспрiи́мет ныне динáрiй. Аще кто от пéрваго часá дéлал есть, да прiи́мет днесь прáведный долг. Аще кто по трéтiем часé прiи́де, благодаря да прáзднует. Аще кто по шестóм часé дости́же, ничтóже да сумни́тся, ибо ничи́мже отщетевáется. Аще кто лиши́ся и девятаго часá, да приступит, ничтóже сумняся, бояся. Аще кто тóчiю дости́же, и во единонадесятый час, да не устраши́тся замедлéнiя: любочести́в бо Сый Владыка, прiéмлет послéдняго якоже и пéрваго: упокоевáет в единонадесятый час пришéдшаго, якоже дéлавшаго от пéрваго часá. И послéдняго ми́лует, и пéрвому угождáет, и óному даéт, и сему дáрствует, и делá прiéмлет, и намéренiе целует, и деянiе почитáет, и предложéнiе хвáлит. Тéмже убо вни́дите вси в рáдость Гóспода своегó: и пéрвiи и втории, мзду прiими́те. Богáтiи и убóзiи, друг со другом ликуйте. Воздéржницы и лени́вiи, день почти́те. Пости́вшiися и непости́вшiися, возвесели́теся днесь. Трапéза испóлнена, наслади́теся вси. Телéц упитáнный, никтóже да изыдет áлчай, вси наслади́теся пи́ра вéры: вси воспрiими́те богáтство блáгости. Никтóже да рыдáет убóжества, яви́ся бо óбщее Цáрство. Никтóже да плáчет прегрешéнiй, прощéнiе бо от грóба возсiя. Никтóже да убои́тся смéрти, свободѝ бо нас Спáсова смерть. Угасѝ ю́, Иже от нея держи́мый. Пленѝ áда, Сошéдый во ад. Огорчѝ егó вкуси́вша плóти Егó. И сié предпрiéмый Исáiа возопѝ: ад, глагóлет, огорчи́ся, срет Тя дóле. Огорчи́ся, ибо упраздни́ся. Огорчи́ся, ибо поруган бысть. Огорчи́ся, ибо умертви́ся. Огорчи́ся, ибо низложи́ся. Огорчи́ся, ибо связáся. Прiят тéло, и Бóгу прирази́ся. Прiят зéмлю, и срéте Нéбо. Прiят éже ви́дяше, и впадé во éже не ви́дяше. Где твоé, смéрте, жáло; где твоя, áде, побéда? Воскрéсе Хрiстóс, и ты низвéрглся еси. Воскрéсе Хрiстóс, и падóша дéмони. Воскрéсе Хрiстóс, и рáдуются Ангели. Воскрéсе Хрiстóс, и жизнь жи́тельствует. Воскрéсе Хрiстóс, и мéртвый ни еди́н во грóбе. Хрiстóс бо востáв от мéртвых, Начáток усóпших бысть. Тому слáва и держáва, во вéки векóв. Ами́нь.
[русский перевод]Кто благочестив и боголюбив, - тот пусть насладится этим прекрасным и светлым торжеством. Кто раб благоразумный, - тот пусть, радуясь, войдёт в радость Господа своего. Кто потрудился, постясь, - тот пусть возьмёт ныне динарий. Кто работал с первого часа, - тот пусть получит сегодня должную плату. Кто пришёл после третьего часа, - пусть с благодарностью празднует. Кто успел придти после шестого часа, - пусть нисколько не беспокоится; ибо ничего не лишится. Кто замедлил до девятого часа, - пусть приступит, нисколько не сомневаясь, ничего не боясь. Кто успел придти только в одиннадцатый час, - пусть и тот не страшится за своё промедление. Ибо щедрый Владыка принимает и последнего, как первого; успокаивает пришедшего в одиннадцатый час так же, как и работавшего с первого часа; и последнего милует, и о первом печётся; и тому даёт, и этому дарует; и дела принимает, и намерение приветствует; и деятельности отдаёт честь и расположение хвалит. Итак, все войдите в радость Господа нашего; и первые и вторые получите награду; Богатые и бедные, ликуйте друг с другом; Воздержные и нерадивые, почтите этот день; Постившиеся и непостившиеся, веселитесь ныне. Трапеза обильна, - насыщайтесь все; Телец велик, - никто пусть не уходит голодным; все наслаждайтесь пиршеством веры; все пользуйтесь богатством благости. Никто пусть не жалуется на бедность, ибо открылось общее Царство. Никто пусть не плачет о грехах, ибо из гроба воссияло прощение. Никто пусть не боится смерти, ибо освободила нас смерть Спасителя. Он истребил её, быв объят ею; Он опустошил ад, сошедши во ад; Огорчил того, который коснулся плоти Его. Об этом и Исаия, предузнав, воскликнул: «Ад, - говорит он, - огорчися, срет тя доле». Он огорчился, ибо стал праздным; Огорчился, ибо посрамлён; Огорчился, ибо умерщвлён; Огорчился, ибо низложен; Огорчился, ибо связан. Он взял тело и нашёл в нём Бога; Взял землю и увидел в ней небо; Взял то, что видел, и подвергся тому, чего не видел. «Где ти, смерте, жало? Где ти, аде, победа?» Воскрес Христос, - и ты низложился; Воскрес Христос, - и пали бесы; Воскрес Христос, - и радуются ангелы; Воскрес Христос, - и водворяется жизнь; Воскрес Христос, - и мёртвого ни одного нет во гробе. Ибо Христос, воскресший из мертвых, - «Начаток умершим бысть». Ему слава и держава во веки веков. Аминь.
Тропарь святаго Iоанна, глас 8: Уст твоих, якоже свéтлость огня/ возсiявши, благодáть вселéнную просветѝ:/ не сребролю́бiя мирови сокрóвища снискá,/ высоту нам смиреномудрiя показá,/ но твоими словесы наказуя, óтче Iоáнне Златоусте,/ молѝ Слóва, Христá Бóга, спастися душáм нáшим.
Гóсподи, помилуй. (40 раз)
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (12 раз)
Слáва Отцу и Сыну и Святóму Духу, и ныне и присно и во вéки векóв, аминь.
Утвердѝ, Бóже, святую правослáвную вéру, правослáвных хрiстiáн во век вéка.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (трижды)
ОТПУСТ
Хрiстóс, воскресый из мéртвых, смéртiю смерть попрáвый и сущим во гробéх живóт даровáвый, истинный Бóже наш, молитвами Пречистыя Твоея Мáтере и всех святых, помилуй и спасѝ нас, яко Благ и Человеколю́бец. Аминь.
Христóс воскрéсе! Воúстину воскрéсе!
Христóс воскрéсе из мéртвых,/ смéртию смерть попрáв/ и сýщим во гробéх живóт даровáв. (трижды)
И нам даровá живóт вéчный, покланяемся Егó триднéвному Воскресéнию.
[МНОГОЛЕТИЕ]Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!
И глаголи часы с обедницей