СВЕТЛОЕ ХРИСТОВО ВОСКРЕСЕНИЕ. ПАСХА. Пасхальные ЧАСЫ и ОБЕДНИЦА. Мирским чином.
Светлое Христово Воскресение. ПАСХА. Послéдование полýнощницы, заýтрени, часóв и обéдницы для домáшнего (келéйного) совершéния. Слýжба мирскúм чúном.
ПАСХАЛЬНЫЕ ЧАСЫ
Часы Пасхальные поются полностью (без чтения).
Хрiстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (Трúжды)
Воскресéнiе Хрiстóво ви́девше,/ поклони́мся Святóму Гóсподу Iисýсу,/ еди́ному безгрéшному,/ Крестý Твоемý покланя́емся, Хрiстé,/ и святóе Воскресéнiе Твоé поéм и слáвим:/ Ты бо еси Бог наш,/ рáзве Тебé инóго не знáем,/ и́мя Твоé именýем./ Прiиди́те вси вéрнiи,/ поклони́мся Святóму Хрiстóву Воскресéнiю:/ се бо прiи́де Крестóм рáдость всемý мíру./ Всегдá благословя́ще Гóспода,/ поéм Воскресéнiе Егó:/ распя́тiе бо претерпéв,// смéртiю смерть разруши́. (Трúжды)
Ипакоú, глас 4: Предвари́вшiя ýтро я́же о Марíи,/ и обрéтшия кáмень отвалéн от грóба,/ слы́шаху от Áнгела: во свéте присносýщнем Сýщаго,/ с мéртвыми что и́щете, я́ко человéка?/ Ви́дите грóбныя пелены́, тецы́те и мíру проповéдите,/ я́ко востá Госпóдь, умертви́вый смерть,// яко есть Сын Бóга, спасáющаго род человéческiй.
Кондáк, глас 8: Áще и во гроб снизшéл есѝ, Безсмéртне,/ но áдову разруши́л есѝ си́лу,/ и воскрéсл есѝ, я́ко победитель, Хрiстé Бóже,/ женáм мvроно́сицам вещáвый: рáдуйтеся,/ и Твои́м апóстолом мир дáруяй,// пáдшим подая́й воскресéнiе.
Во грóбе плóтски, во áде же с душéю яко Бог,/ в раи же с разбóйником, и на Престóле был еси Хрiстé, со Отцéм и Духом,// вся исполня́яй, неопи́санный.
Слáва Отцу и Сыну и Святóму Духу.
Яко Живонóсец, яко рая́ краснéйшiй,/ вои́стину и чертóга вся́каго цáрскаго показáся светлéйшiй, Хрiстé, гроб Твой,// истóчник нáшего воскресéнiя.
И ныне и присно и во вéки векóв. Аминь.
Вышняго освящéнное Божéственное селéнiе, рáдуйся,/ Тобóю бо дадéся рáдость, Богорóдице, зовýщим:// благословéнна Ты в женáх еси, Всенепорóчная Владычице.
Гóсподи, помилуй. (40 раз)
Слáва Отцу и Сыну и Святóму Духу, и ны́не и присно и во вéки векóв, аминь.
Честнéйшую Херувíм и слáвнейшую без сравнéния Серафíм, без истлéнiя Бóга Слóва рóждшую, сущую Богорóдицу, Тя величáем.
И҆́менем Госпóдним Гóсподи, благословѝ.
Молитвами святых отéц нáших, Гóсподи Iисусе Хрiстé, Бóже наш, помилуй нас, аминь.
Хрiстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (Трúжды)
Слáва Отцу и Сыну и Святóму Духу, и ныне и присно и во вéки векóв, аминь.
Гóсподи, помилуй. (3 раза)
ОТПУСТ
Воскресый из мéртвых Христóс, И҆́стинный Бог наш, молитвами Пречистыя Своея Мáтере, преподóбных и богонóсных отéц нáших и всех святых, помилует и спасéт нас, яко Благ и Человеколюбец.
Хор: Аминь.
ОБЕДНИЦА
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трúжды)
ПАСХАЛЬНОЕ НАЧАЛО
Хор, тропáрь, глас 5: Христóс воскрéсе из мéртвых,/ смéртию смерть попрáв/ и сýщим во гробéх живóт даровáв. (Трúжды)
Стих 1: Да воскрéснет Бог, и расточáтся врази Егó,/ и да бежáт от Лицá Егó ненавидящии Егó.
Хор: Христóс воскрéсе из мéртвых,/ смéртию смерть попрáв/ и сущим во гробéх живóт даровáв.
Стих 2: Яко исчезáет дым, да исчéзнут,/ яко тáет воск от лицá огня.
Хор: Христóс воскрéсе из мéртвых,/ смéртию смерть попрáв/ и сущим во гробéх живóт даровáв.
Стих 3: Тáко да погибнут грéшницы от Лицá Бóжия,/ а прáведницы да возвеселя́тся.
Хор: Христóс воскрéсе из мéртвых,/ смéртию смерть попрáв/ и сущим во гробéх живóт даровáв.
Стих 4: Сей день, егóже сотвори Госпóдь,/ возрáдуемся и возвеселимся вонь.
Хор: Христóс воскрéсе из мéртвых,/ смéртию смерть попрáв/ и сущим во гробéх живóт даровáв.
Чтец: Слáва Отцу и Сыну и Святóму Духу.
Хор: Христóс воскрéсе из мéртвых,/ смéртию смерть попрáв/ и сущим во гробéх живóт даровáв.
Чтец: И ныне и присно и во вéки векóв. Аминь.
Хор: Христóс воскрéсе из мéртвых,/ смéртию смерть попрáв/ и сущим во гробéх живóт даровáв.
АНТИФОН ПЕРВЫЙ, ПСАЛОМ 65, ГЛАС 2
Стих 1: Воскликните Гóсподеви вся земля́.
Хор: Молитвами Богорóдицы, Спáсе, спаси нас.
Тóйже стих: Воскликните Гóсподеви вся земля́, пóйте же имени Егó, дадите слáву хвалé Егó.
Хор: Молитвами Богорóдицы, Спáсе, спаси нас.
Стих 2: Рцыте Бóгу: коль стрáшна делá Твоя́, во мнóжестве силы Твоея́ сóлжут Тебé врази Твои.
Хор: Молитвами Богорóдицы, Спáсе, спаси нас.
Стих 3: Вся земля́ да поклóнится Тебé, и поéт Тебé, да поéт же имени Твоему Вышний.
Хор: Молитвами Богорóдицы, Спáсе, спаси нас.
Слáва Отцу и Сыну и Святóму Духу, и ныне и присно и во вéки векóв, аминь.
Хор: Молитвами Богорóдицы, Спáсе, спаси нас.
АНТИФОН ВТОРЫЙ, ПСАЛОМ 66, ГЛАС ТОЙЖЕ
Стих 1: Бóже ущéдри ны и благослови ны.
Хор: Спаси ны Сыне Бóжий,/ воскрeсый из мертвых, поющия Ти:/ аллилуиа.
Тóйже стих: Бóже, ущéдри ны и благослови ны, просвети лице Твоé на ны и помилуй ны.
Хор: Спаси ны Сыне Бóжий,/ воскрeсый из мертвых, поющия Ти:/ аллилуиа.
Стих 2: Да познáем на земли путь Твой, во всех языцех спасéние Твоé.
Хор: Спаси ны Сыне Бóжий,/ воскрeсый из мертвых, поющия Ти:/ аллилуиа.
Стих 3: Да исповéдятся Тебé людие, Бóже, да исповéдятся Тебé людие вси.
Хор: Спаси ны Сыне Бóжий,/ воскрeсый из мертвых, поющия Ти:/ аллилуиа.
Слáва Отцу и Сыну и Святóму Духу, и ныне и присно и во вéки векóв. Аминь.
ЕДИНОРОДНЫЙ СЫНЕ
Единорóдный Сыне и Слóве Бóжий, Безсмéртен Сый/ и извóливый спасéния нáшего рáди/ воплотитися от Святыя Богорóдицы и Приснодéвы Марии,/ непрелóжно вочеловéчивыйся,/ распныйся же, Христé Бóже, смéртию смерть попрáвый,/ Един Сый Святыя Трóицы,/ спрославляемый Отцу и Святóму Духу, спаси нас.
АНТИФОН ТРЕТИЙ, ПСАЛОМ 67, ГЛАС 5
Стих 1: Да воскрéснет Бог,/ и расточáтся врази Егó.
Хор: Христóс воскрéсе из мéртвых,/ смéртию смерть попрáв/ и сýщим во гробéх живóт даровáв.
Тóйже стих: Да воскрéснет Бог, и расточáтся врази Егó,/ и да бежáт от лицá Егó ненавидящии Егó.
Хор: Христóс воскрéсе из мéртвых,/ смéртию смерть попрáв/ и сýщим во гробéх живóт даровáв.
Стих 2: Яко исчезáет дым, да исчéзнут,/ яко тáет воск от лицá огня.
Хор: Христóс воскрéсе из мéртвых,/ смéртию смерть попрáв/ и сýщим во гробéх живóт даровáв.
Стих 3: Тáко да погибнут грéшницы от Лицá Бóжия,/ а прáведницы да возвеселятся.
Хор: Христóс воскрéсе из мéртвых,/ смéртию смерть попрáв/ и сýщим во гробéх живóт даровáв.
Тропари и кондаки
Хор, тропáрь, глас 5: Христóс воскрéсе из мéртвых,/ смéртию смерть попрáв/ и сущим во гробéх живóт даровáв.
Ипакоú, глас 4: Предварившия ýтро яже о Марии,/ и обрéтшия кáмень отвалéн от грóба,/ слышаху от Ангела: во свéте присносýщнем Сýщаго,/ с мéртвыми что ищете, яко человéка?/ Видите грóбныя пелены, тецыте и миру проповéдите,/ яко востá Госпóдь, умертвивый смерть,// яко есть Сын Бóга, спасáющаго род человéческий.
Слáва Отцу и Сыну и Святóму Духу, и ныне и присно и во вéки векóв. Аминь.
Кондáк, глас 8: Аще и во гроб снизшéл еси, Безсмéртне,/ но áдову разрушил еси силу,/ и воскрéсл еси, яко победитель, Христé Бóже,/ женáм миронóсицам вещáвый: рáдуйтеся,/ и Твоим апóстолом мир дáруяй,// пáдшим подаяй воскресéние.
Вместо Трисвятого
Хор: Ели́цы во Хрiстá крести́стеся,/ во Хрiстá облекóстеся.// Аллилýіа. (Трúжды)(Гал.3:27)
Хор: Слáва Отцý и Сыну и Святóму Дýху, и ныне и при́сно и во вéки векóв. Ами́нь.
Хор: Во Хрiстá облекóстеся.// Аллилýіа.
Хор: Елицы во Хрiстá крести́стеся,/ во Хрiстá облекóстеся.// Аллилýіа.
Прокимен, глас 8
Чтец: Прокимен, глас осьмый. Сей день егóже сотвори Госпóдь, возрáдуемся и возвеселимся вонь.
Хор: Сей день егóже сотворú Госпóдь,/ возрáдуемся и возвеселúмся вонь.
Чтец: Исповéдайтеся Гóсподеви, яко благ, яко в век милость Егó.
Хор: Сей день егóже сотворú Госпóдь,/ возрáдуемся и возвеселúмся вонь.
Чтец:Сей день егóже сотвори Госпóдь.
Хор: Возрáдуемся и возвеселúмся вонь.
АПОСТОЛ
Чтец: Деяний святых апóстол чтéние.
(Деян.зач.1) Пéрвое ýбо слóво сотвори́х о всех, о Феóфiле, я́же начáт Iисýс твори́ти же и учи́ти. Дáже до дне, вóньже, заповéдав Апóстолом Дýхом Святы́м, и́хже избрá, вознесéся. Пред ни́миже и постáви Себé жи́ва по страдáнiи Своéм, во мнóзех и́стинных знáменiих, дéньми четы́редесятьми явля́яся им, и глагóля я́же о Цáрствiи Бóжiи: С ни́миже и яды́й, повелé им от Iерусали́ма не отлучáтися, но ждáти обетовáнiя Ѻ́тча, éже слы́шасте от Менé: яко Iоáнн ýбо крести́л есть водóю, вы же и́мате крести́тися Дýхом Святы́м, не по мнóзех сих днех. Онѝ же ýбо сошéдшеся, вопрошáху Егó, глагóлюще: Гóсподи, áще в лéто сié устроя́еши цáрствiе Iзрáилево? Речé же к ним: несть вáше разумéти временá и лéта, я́же Отéц положѝ во Своéй влáсти: Но прiи́мете силу, нашéдшу Святóму Дýху на вы, и бýдете Ми свидéтели во Iерусали́ме же и во всей Iудéи и Самарíи, и дáже до послéдних землѝ.
[русский перевод](Первую книгу написал я к тебе, Феофил, о всем, что Иисус делал и чему учил от начала до того дня, в который Он вознесся, дав Святым Духом повеления апостолам, которых Он избрал, которым и явил Себя живым, по страдании Своем, со многими верными доказательствами, в продолжение сорока дней являясь им и говоря о Царствии Божием. И, собрав их, Он повелел им: не отлучайтесь из Иерусалима, но ждите обещанного от Отца, о чем вы слышали от Меня, ибо Иоанн крестил водою, а вы, через несколько дней после сего, будете крещены Духом Святым. Посему они, сойдясь, спрашивали Его, говоря: не в сие ли время, Господи, восстановляешь Ты царство Израилю? Он же сказал им: не ваше дело знать времена или сроки, которые Отец положил в Своей власти, но вы примете силу, когда сойдет на вас Дух Святой; и будете Мне свидетелями в Иерусалиме и во всей Иудее и Самарии и даже до края земли.)
Аллилуарий
Чтец: Аллилýіа, аллилýіа, аллилýіа, глас четвéртый
Хор: Аллилýіа, аллилýіа, аллилýіа.
Чтец: Ты воскрéс ущéдриши Сиóна.
Хор: Аллилýіа, аллилýіа, аллилýіа.
Чтец: Госпóдь с Небесé на зéмлю призрé.
Хор: Аллилýіа, аллилýіа, аллилýіа.
ЕВАНГЕЛИЕ
От Иоáнна Святáго Евáнгелия чтéние
Хор: Слáва Тебé, Гóсподи, слáва Тебé.
(Ин.зач.1)В начáле бе Слóво, и Слóво бе к Бóгу, и Бог бе Слóво. Сей бе искони к Бóгу. Вся Тем быша, и без Негó ничтóже бысть, éже бысть. В Том живóт бе, и живóт бе свет человéком. И свет во тьме свéтится, и тьма егó не объят. Бысть человéк пóслан от Бóга, имя ему Иоáнн. Сей прииде во свидéтельство, да свидéтельствует о Свéте, да вси вéру имут Ему. Не бе той свет, но да свидéтельствует о Свéте. Бе Свет истинный, Иже просвещáет всякаго человéка грядущаго в мир. В мире бе, и мир Тем бысть, и мир Егó не познá. Во своя прииде, и свои Егó не прияша. Елицы же прияша Егó, дадé им óбласть чáдом Бóжиим быти, вéрующим во имя Егó. Иже не от крóве, ни от пóхоти плотския, ни от пóхоти мужеския, но от Бóга родишася. И Слóво плоть бысть, и вселися в ны, и видехом слáву Егó, слáву яко Единорóднаго от Отцá, испóлнь благодáти и истины. Иоáнн свидéтельствует о Нем и воззвá, глагóля: Сей бе, Егóже рех, Иже по мне Грядый, прéдо мнóю бысть, яко пéрвее менé бе. И от исполнéния Егó мы вси прияхом, и благодáть воз благодáть: Яко закóн Моисéом дан бысть, благодáть же и истина Иисус Христóм бысть.
[русский перевод](В начале было Слово, и Слово было у Бога, и Слово было Бог. Оно было в начале у Бога. Все чрез Него нáчало быть, и без Него ничто не нáчало быть, что нáчало быть. В Нем была жизнь, и жизнь была свет человеков. И свет во тьме светит, и тьма не объяла его. Был человек, посланный от Бога; имя ему Иоанн. Он пришел для свидетельства, чтобы свидетельствовать о Свете, дабы все уверовали чрез него. Он не был свет, но был послан, чтобы свидетельствовать о Свете. Был Свет истинный, Который просвещает всякого человека, приходящего в мир. В мире был, и мир чрез Него нáчал быть, и мир Его не познал. Пришел к своим, и свои Его не приняли. А тем, которые приняли Его, верующим во имя Его, дал власть быть чадами Божиими, которые ни от крови, ни от хотения плоти, ни от хотения мужа, но от Бога родились. И Слово стало плотию, и обитало с нами, полное благодати и истины; и мы видели славу Его, славу, как Единородного от Отца. Иоанн свидетельствует о Нем и, восклицая, говорит: Сей был Тот, о Котором я сказал, что Идущий за мною стал впереди меня, потому что был прежде меня. И от полноты Его все мы приняли и благодать на благодать, ибо закон дан чрез Моисея; благодать же и истина произошли чрез Иисуса Христа.)
Хор: Слáва Тебé, Гóсподи, слáва Тебé.
Помяни нас, Гóсподи, егда приидеши во Цáрствии Твоéм.
Помяни нас, Владыко, егда приидеши во Цáрствии Твоéм.
Помяни нас, Святый, егда приидеши во Цáрствии Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Стих: Приступите к Нему и просветитеся, и лицá вáша не постыдятся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
Слáва Отцу и Сыну и Святóму Духу.
Лик святых Ангел и Архáнгел со всéми Небéсными силами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля слáвы Твоея.
И ныне и присно и во вéки векóв. Аминь.
Символ веры
Вéрую во Еди́наго Бóга Отцá, Вседержителя, Творцá нéбу и земли, ви́димым же всем и неви́димым. И во Еди́наго Гóспода Иисýса Христа, Сына Бóжия, Единорóднаго, Иже от Отцá Рождéннаго прéжде всех век; Свéта от Свéта, Бóга Истинна от Бóга Истинна, рождéнна, несотворéнна, единосýщна Отцý, Имже вся быша. Нас рáди человéк и нáшего рáди спасéния сшéдшаго с небéс и воплоти́вшагося от Дýха Свята и Мари́и Дéвы и вочеловéчшася. Распя́таго же за ны при Понти́йстем Пилáте, и страдáвша и погребéнна. И воскрéсшаго в трéтий день по Писáнием, и возшéдшаго на небесá и седя́ща одеснýю Отцá. И пáки грядýщаго со слáвою суди́ти живым и мéртвым, Егóже Цáрствию не бýдет концá. И в Дýха Святáго, Гóспода, Животворя́щаго, Иже от Отцá исходя́щаго, Иже со Отцéм и Сыном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéние во оставлéние грехóв. Чáю воскресéния мéртвых, и жи́зни бýдущаго вéка. Аминь.
Ослáби, остáви, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.
Óтче наш, Иже есѝ на небесéх. Да святи́тся Имя Твоé, да пріи́дет Цáрствіе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéніе, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
Кондáк Пáсхи, глас 8: Áще и во гроб снизшéл есѝ, Безсмéртне,/ но áдову разруши́л есѝ си́лу,/ и воскрéсл есѝ, я́ко победитель, Хрiстé Бóже,/ женáм мvроно́сицам вещáвый: рáдуйтеся,/ и Твои́м апóстолом мир дáруяй,// пáдшим подая́й воскресéнiе.
Слáва Отцу и Сыну и Святóму Духу, и ныне и присно и во вéки векóв, аминь.
Вышняго освящéнное Божéственное селéние, рáдуйся. Тобóю бо дадéся рáдость, Богорóдице, зовущим: благословéнна Ты в женáх еси, всенепорóчная Владычице.
Господи помилуй (40 раз)
Един свят, един Госпóдь Iисус Хрiстóс, во слáву Бóга Отцá. Аминь.
Хрiстóс воскрéсе из мéртвых,/ смéртiю смерть попрáв/ и сущим во гробéх живóт даровáв. (Трижды)
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм имя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щий воззвá, и Госпóдь услы́ша и,/ и от всех скорбéй егó спасé и./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, иже уповáет нань./ Бóйтеся Гóспода, вси святи́и Егó,/ яко несть лишéния боя́щымся Его./ Богáтии обнищáша и взалкáша,/ взыскáющии же Гóспода не лишáтся вся́каго блáга./ Прииди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержи́ язык твой от зла,/ и устнé твои́, éже не глагóлати льсти./ Уклони́ся от зла и сотвори́ блáго,/ взыщи́ ми́ра, и пожени́ и./ Очи Госпóдни на прáведныя,/ и ýши Егó в моли́тву их./ Лицé же Госпóдне на творя́щия злáя,/ еже потреби́ти от земли́ пáмять их./ Воззвáша прáведнии, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящии прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющии на Негó.
Вместо Достойно есть
Задостóйник: Áнгел вопiя́ше Благодáтней:/ Чи́стая Дéво, рáдуйся!/ И пáки реку: рáдуйся!/ Твой Сын воскрéсе/ триднéвен от грóба,/ и мéртвыя воздви́гнувый:// людiе, весели́теся.
Свети́ся, свети́ся,/ нóвый Iерусали́ме:/ слáва бо Госпóдня/ на тебé возсiя́./ Ликýй ны́не/ и весели́ся, Сióне./ Ты же, Чи́стая, красýйся, Богорóдице,// о востáнiи Рождествá Твоегó.
Слáва Отцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благословѝ.
ОТПУСТ
Христóс, воскресый из мéртвых, смéртию смерть попрáвый и сýщим во гробéх живóт даровáвый, истинный Бóже наш, молитвами Пречистыя Твоея Мáтере и всех святых, помилуй и спаси нас, яко Благ и Человеколюбец. Аминь.
Хрiстóс воскрéсе! Воúстину воскрéсе!
Хрiстóс воскрéсе из мéртвых,/ смéртiю смерть попрáв/ и сýщим во гробéх живóт даровáв. (трúжды)
И нам даровá живóт вéчный, покланяемся Егó триднéвному Воскресéнiю.
[МНОГОЛЕТИЕ]Благочестивейшаго, Самодержáвнейшаго, Великаго грядущаго Госудáря нáшего Имперáтора (его имя Ты вем) святéйшыя вселéнския патриáрхи преосвящéнныя митрополиты, архиепископы и епископы православныя, иерéи и дьяконы и весь причет церкóвный и вся правослáвныя христиáны, Гóсподи, сохрани их на мнóгая лéта!