СВЕТЛОЕ ХРИСТОВО ВОСКРЕСЕНИЕ. ПАСХА. Воскрéсная прáздничная слýжба состоúт из
полýнощницы,
заýтрени и
обéдницы для домáшнего (келéйного) совершéнiя. Слýжба мiрскúм чúном.
Полýнощницу, заýтреню и обе́дницу с ударе́нiями посмотреть и скачать в формате
doc, в формате
pdf ПОЛУНОЩНИЦА
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Слáва Тебé, Бóже наш, слáва Тебé.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твои́х очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Еди́ному согреши́х, и лукáвая пред Тобóю сотвори́х; яко да оправди́шися во словесéх Твои́х и победи́ши, внегдá суди́ти Ти. Се бо в беззакóнiих зачáт есмь, и во гресéх роди́ мя мáти моя. Се бо и́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлiе, возрáдуются кóсти смирéнныя. Отврати́ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твои́м, и нечести́вiи к Тебé обратятся. Избáви мя от кровéй, Бóже, Бóже спасéнiя моегó, возрáдуется язы́к мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнiем Твои́м Сиóна, и да сози́ждутся стéны Иерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
КАНОН ВЕЛИКОЙ СУББОТЫ, ГЛАС 6
ПЕСНЬ 1
Iрмóс: Волнóю морскóю/ Скры́вшаго дрéвле,/ гони́теля мучи́теля, под землéю скры́ша/ спасéнных óтроцы;/ но мы, я́ко отрокови́цы,/ Гóсподеви пои́м,// слáвно бо прослáвися. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Гóсподи Бóже мой, исхóдное пéнiе, и надгрóбную Тебé песнь воспою́, погребéнiем Твои́м жи́зни моея́ вхóды отвéрзшему, и смéртiю смерть и ад умертви́вшему. (4 рáза)
Хор: Слáва Тебé, Гóсподи, слáва Тебé.
Чтец (тропарь):Горé Тя на престóле, и дóле во грóбе, преми́рная и подзéмная помышля́ющая, Спáсе мой, зы́бляхуся умерщвлéнiем Твои́м: пáче ума бо, ви́ден был есѝ мертв. Живоначáльниче. (4 рáза)
Хор: Слáва Ѻтцý и Сы́ну и Святóму Дýху.
Чтец (тропáрь): Да Твоея́ слáвы вся испóлниши, сшел еси в ни́жняя землѝ: от Тебé бо не скры́ся состáв мой и́же во Адáме, и погребéн истлéвша мя обновля́еши, Человеколю́бче.
Хор: И ны́не и прúсно и во вéки векóв. Амúнь.
Чтец (тропáрь): Да Твоея́ слáвы вся испóлниши, сшел еси в ни́жняя землѝ: от Тебé бо не скры́ся состáв мой и́же во Адáме, и погребéн истлéвша мя обновля́еши, Человеколю́бче.
Катавáсiя: Волнóю морскóю/ Скры́вшаго дрéвле,/ гони́теля мучи́теля, под землéю скры́ша/ спасéнных óтроцы;/ но мы, я́ко отрокови́цы,/ Гóсподеви пои́м,// слáвно бо прослáвися.
ПЕСНЬ 3
Iрмóс: Тебé, на водáх/ повéсившаго/ всю зéмлю неодержи́мо,/ тварь ви́девши/ на лóбнем ви́сима,/ ýжасом мнóгим содрогáшеся,/ несть свят,// рáзве Тебé Гóсподи, взывáющи. (Двáжды)
Хор: Слáва Тебé, Гóсподи, слáва Тебé.
Чтец: Образы погребéния Твоегó показáл еси, видéния умнóжив: ны́не же сокровéнная Твоя́ Богомýжно уясни́л еси, и сýщым во аде Влады́ко, несть Свят, разве Тебé, Гóсподи, взывáющым.
Хор: Слáва Тебé, Гóсподи, слáва Тебé.
Чтец: Простéрл еси длáни, и соедини́л еси дрéвле разстоя́щаяся. Одея́нiем же Спáсе, éже в плащани́це и во грóбе, оковáнныя разреши́л еси, несть свят, рáзве Тебé Гóсподи, взывáющiя.
Хор: Слáва Ѻтцý и Сы́ну и Святóму Дýху.
Чтец: Грóбом и печáтьми, Невмести́ме, содержи́мь был еси хотéнiем: и́бо си́лу Твою́ дéйствы показáл еси, богодéйственно пою́щым: несть Свят, рáзве Тебé, Гóсподи Человеколю́бче.
Хор: И ны́не и прúсно и во вéки векóв. Амúнь.
Чтец: Грóбом и печáтьми, Невмести́ме, содержи́мь был еси хотéнием: и́бо си́лу Твою́ дéйствы показáл еси, богодéйственно пою́щым: несть Свят, рáзве Тебé, Гóсподи Человеколю́бче.
Катавáсiя: Тебé, на водáх/ повéсившаго/ всю зéмлю неодержи́мо,/ тварь ви́девши/ на лóбнем ви́сима,/ ýжасом мнóгим содрогáшеся,/ несть свят,// рáзве Тебé Гóсподи, взывáющи.
Гóсподи, помилуй. (3 раза)
Седáлен, глас 1: Гроб Твой Спáсе, вóини стрегýщiи,/ мéртви от облистáнiя я́вльшагося Áнгела бы́ша,/ проповéдающа женáм Воскресéнiе./ Тебé слáвим, тли потреби́теля!/ Тебé припáдаем, Воскрéсшему из грóба,// и Еди́ному Бóгу нáшему!
Слáва Ѻтцý и Сы́ну и Святóму Дýху, и ныне и присно и во вéки векóв, аминь.
Гроб Твой Спáсе, вóини стрегýщiи,/ мéртви от облистáнiя я́вльшагося Áнгела бы́ша,/ проповéдающа женáм Воскресéнiе./ Тебé слáвим, тли потреби́теля!/ Тебé припáдаем, Воскрéсшему из грóба,// и Еди́ному Бóгу нáшему!
ПЕСНЬ 4
Iрмóс: На Крестé Твоé/ Божéственное истощáнiе/ прови́дя Аввакýм,/ ужáсся, вопiя́ше:/ Ты си́льных пресéкл есѝ/ держáву Блáже,// приобщáяся сущим во áде, я́ко Всеси́лен. (Двáжды)
Хор: Слáва Тебé, Гóсподи, слáва Тебé.
Чтец: Седмы́й день днесь освяти́л еси, егóже дрéвле благослови́л есѝ упокоéнiем дел: превóдиши бо вся́ческая и обновля́еши, суббóтствуя, Спáсе мой, и назидáя.
Хор: Слáва Тебé, Гóсподи, слáва Тебé.
Чтец: Си́лою лýчшаго, победи́вшаго Тебé, от плóти душá Твоя́ раздели́ся: растерзáющи бо обоя́ ýзы, смéрти и áда, Слóве, держáвою Твоéю.
Хор: Слáва Ѻтцý и Сы́ну и Святóму Дýху.
Чтец: Ад, Слóве, срет Тя огорчи́ся, Человéка зря обожéна, уя́звлена рáнами, и Всеси́льнодéтеля, Стрáшным же зрáком поги́бе.
Хор: И ны́не и прúсно и во вéки векóв. Амúнь.
Чтец: Ад, Слóве, срет Тя огорчи́ся, Человéка зря обожéна, уя́звлена рáнами, и Всеси́льнодéтеля, Стрáшным же зрáком поги́бе.
Катавáсiя: На Крестé Твоé/ Божéственное истощáнiе/ прови́дя Аввакýм,/ ужáсся, вопiя́ше:/ Ты си́льных пресéкл есѝ/ держáву Блáже,// приобщáяся сущим во áде, я́ко Всеси́лен.
ПЕСНЬ 5
Ирмóс: Богоявлéния Твоегó Хрiстé,/ к нам ми́лостивно бы́вшаго,/ Исáiя Свет ви́дев Невечéрнiй,/ из нóщи ýтреневав взывáше:/ воскрéснут мéртвiи,/ и востáнут сýщiи во гробéх,// и вси земнорóднiи возрáдуются. (Двáжды)
Хор: Слáва Тебé, Гóсподи, слáва Тебé.
Чтец: Новотвори́ши земны́я Создáтелю, пéрстен быв, и плащани́ца и гроб явля́ют éже в Тебé, Слóве, тáинство: благообрáзный бо совéтник, Тебé, рóждшаго совéт, образýет, в Тебé велелéпно новотвoря́щаго мя.
Хор: Слáва Тебé, Гóсподи, слáва Тебé.
Чтец: Смéртiю смéртное, погребéнием тлéнное прелагáеши, нетлéнно твори́ши бо, благолéпно безсмéртно творя́ прiя́тiе: плоть бо Твоя́ истлéния не ви́де, Влады́ко, нижé душá Твоя́ во аде страннолéпно оставлéна бысть.
Хор: Слáва Ѻтцý и Сы́ну и Святóму Дýху.
Чтец: Из Небрáчныя прошéд, и прободéн в рéбра, Содéтелю мой, из Нея́ содéлал еси обновлéнiе Éвино, Адáм быв, уснýв пáче естествá сном естéственным, и жизнь воздви́гнув от сна и тлéнiя я́ко Всеси́лен.
Хор: И ны́не и прúсно и во вéки векóв. Амúнь.
Чтец: Из Небрáчныя прошéд, и прободéн в рéбра, Содéтелю мой, из Нея́ содéлал еси обновлéнiе Éвино, Адáм быв, уснýв пáче естествá сном естéственным, и жизнь воздви́гнув от сна и тлéния я́ко Всеси́лен.
Катавáсiя: Богоявлéнiя Твоегó Хрiстé,/ к нам ми́лостивно бы́вшаго,/ Исáiя Свет ви́дев Невечéрнiй,/ из нóщи ýтреневав взывáше:/ воскрéснут мéртвiи,/ и востáнут сýщiи во гробéх,// и вси земнорóднiи возрáдуются.
ПЕСНЬ 6
Iрмóс: Ят бысть,/ но не удержáн в пéрсех ки́товых Ióна:/ Твой бо óбраз нося́,/ Страдáвшаго, и погребéнiю дáвшагося,/ я́ко от чертóга от звéря изы́де./ Приглашáше же кустодíи,/ храня́щiи сýетная и лóжная,// ми́лость сiю́ остáвили естé. (Двáжды)
Хор: Слáва Тебé, Гóсподи, слáва Тебé.
Чтец: Бiéн был еси, но не раздели́лся, еси, Слóве, ея́же причасти́лся еси плóти: áще бо и разори́ся Твой храм во врéмя стрáсти, но и тáко еди́н бе состáв Бóжества и плóти Твоея́. Во обои́х бо еди́н еси Сын, Слóво Бóжiе, Бог и Человéк.
Хор: Слáва Тебé, Гóсподи, слáва Тебé.
Чтец: Человекоубiйственно, но не богоубiйственно бысть прегрешéнiе Адáмово: áще бо и пострадá Твоея́ плóти пéрстное существó, но Божествó безстрáстно пребы́сть: тлéнное же Твоé на нетлéнiе преложи́л еси, и нетлéнныя жи́зни показáл еси Истóчник воскресéнiем.
Хор: Слáва Ѻтцý и Сы́ну и Святóму Дýху.
Чтец: Цáрствует ад, но не вéчнует, над рóдом человéческим: Ты бо полóжся во грóбе держáвне. Живоначáльною длáнiю, смéрти ключѝ развéргл есѝ, и проповéдал есѝ от вéка тáмо спя́щим избавлéнiе нелóжное, быв Спáсе мéртвым Пéрвенец.
Хор: И ны́не и прúсно и во вéки векóв. Амúнь.
Чтец: Цáрствует ад, но не вéчнует, над рóдом человéческим: Ты бо полóжся во грóбе держáвне. Живоначáльною длáнию, смéрти ключѝ развéргл есѝ, и проповéдал есѝ от вéка тáмо спя́щим избавлéнiе нелóжное, быв Спáсе мéртвым Пéрвенец.
Катавáсiя: Ят бысть,/ но не удержáн в пéрсех ки́товых Иóна:/ Твой бо óбраз нося́,/ Страдáвшаго, и погребéнiю дáвшагося,/ я́ко от чертóга от звéря изы́де./ Приглашáше же кустодíи,/ храня́щiи сýетная и лóжная,// ми́лость сiю́ оставили естé.
Гóсподи, помилуй. (3 раза)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Кондáк, глас 6: Бéздну заключи́вый, мертв зри́тся,/ и сми́рною и плащани́цею обви́вся,/ во грóбе полагáется я́ко смéртный Безсмéртный:/ жены́ же прiидóша помáзати Егó ми́ром,/ плáчущiя гóрько и вопiю́щiя:/ сiя́ суббóта есть преблагословéнная,// в нéйже Хрiстóс уснýв, воскрéснет триднéвен.
Íкос: Содержáй вся на Крестé вознесéся, и рыдáет вся тварь, Того ви́дящи нáга ви́сяща на дрéве, сóлнце лучѝ сокры́, и звéзды отложи́ша свет, земля́ же со мнóгим стрáхом поколебáся, и мóре побежé, и камéнiе распадéся, грóбы же мнóзи отверзóшася, и телесá востáша святы́х мужéй. Ад ни́зу стенéт, и iудéе совéтуют оклеветáти Хрiстóво Воскресéнiе, жены же взывáют: Сiя́ суббóта есть преблагословéнная, в нéйже Хрiстóс уснýв воскрéснет триднéвен.
ПЕСНЬ 7
Iрмóс: Неизречéнное чýдо,/ в пещѝ избáвивый/ преподóбныя óтроки из плáмене,/ во грóбе мертв/ бездыхáнен полагáется,/ во спасéнiе нас пою́щих:/ Избáвителю Бóже,// благословéн есѝ. (Двáжды)
Хор: Слáва Тебé, Гóсподи, слáва Тебé.
Чтец: Уязви́ся ад, в сéрдце прiéм Уязвéннаго копiéм в рéбра, и воздыхáет огнéм Божéственным иждивáемь, во спасéнiе нас пою́щих: Избáвителю Бóже, благословéн есѝ.
Хор: Слáва Тебé, Гóсподи, слáва Тебé.
Чтец: Богáт гроб, в себé бо прiи́м я́ко спя́ща Содéтеля, жи́зни Божéственное сокрóвище показáся, во спасéнiе нас пою́щих: Избáвителю Бóже, благословéн есѝ.
Хор: Слáва Тебé, Гóсподи, слáва Тебé.
Чтец: Закóном умéрших еже во грóбе положéнiе, всех прiéмлет жизнь, и сегó истóчника показýет востáнiя, во спасéнiе нас пою́щих: Избáвителю Бóже, благословéн есѝ.
Хор: Слáва Отцý и Сыну и Святóму Дýху.
Чтец: Еди́но бя́ше неразлýчное, éже во аде, и во грóбе, и во Едéме, Божествó Хрiстóво, со Отцéм и Дýхом, во спасенiе нас пою́щих: Избáвителю Бóже, благословéн есѝ.
Хор: И ны́не и прúсно и во вéки векóв. Амúнь.
Чтец: Еди́но бя́ше неразлýчное, éже во аде, и во грóбе, и во Едéме, Божествó Хрiстóво, со Отцéм и Дýхом, во спасенiе нас пою́щих: Избáвителю Бóже, благословéн есѝ.
Катавáсiя: Неизречéнное чýдо,/ в пещѝ избáвивый/ преподóбныя óтроки из плáмене,/ во грóбе мертв/ бездыхáнен полагáется,/ во спасéнiе нас пою́щих:/ Избáвителю Бóже,// благословéн есѝ.
ПЕСНЬ 8
Iрмóс: Ужасни́ся боя́йся нéбо,/ и да подви́жатся основáнiя землѝ:/ се бо в мертвецéх вменя́ется в вы́шних Живы́й,/ и во гроб мал страннопрiéмлется./ Егóже óтроцы благослови́те,/ свящéнницы воспóйте,// лю́дiе превозноси́те во вся вéки. (Двáжды)
Хор: Слáва Тебé, Гóсподи, слáва Тебé.
Чтец: Разруши́ся Пречи́стый Храм, пáдшую же совозставля́ет ски́нiю: Адáму бо пéрвому Вторы́й, Иже в Вы́шних живы́й, сни́де дáже до áдовых сокрóвищ. Егóже óтроцы благослови́те, свящéнницы воспóйте, лю́дiе превозноси́те во вся вéки.
Хор: Слáва Тебé, Гóсподи, слáва Тебé.
Чтец: Преста дéрзость ученикóв, Аримафéй же изря́дствует Ióсиф: мéртва бо и нáга зря над всéми Бóга, прóсит и погребáет, зовы́й: óтроцы благослови́те, свящéнницы воспóйте, лю́дiе превозноси́те во вся вéки.
Хор: Благословúм Отцá, и Сы́на, и Святáго Дýха, Гóспода.
Чтец: О чудéс нóвых! О блáгости! О неизречéннаго терпéнiя! Вóлею бо под землéю печатлéется, Иже в Вы́шних живы́й, и я́ко льстец, Бог оклеветáется. Егóже óтроцы благослови́те, свящéнницы воспóйте, лю́дiе превозноси́те во вся вéки.
Хор: И ны́не и прúсно и во вéки векóв. Амúнь.
Чтец: О чудéс нóвых! О блáгости! О неизречéннаго терпéнiя! Вóлею бо под землéю печатлéется, Иже в Вы́шних живы́й, и я́ко льстец, Бог оклеветáется. Егóже óтроцы благослови́те, свящéнницы воспóйте, лю́дiе превозноси́те во вся вéки.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя: Ужасни́ся боя́йся нéбо,/ и да подви́жатся основáнiя землѝ:/ се бо в мертвецéх вменя́ется в вы́шних Живы́й,/ и во гроб мал страннопрiéмлется./ Егóже óтроцы благослови́те,/ свящéнницы воспóйте,// лю́дiе превозноси́те во вся вéки.
ПЕСНЬ 9
Iрмóс: Не рыдáй Менé Мáти,/ зря́щи во грóбе,/ Егóже во чрéве без сéмене зачалá еси Сы́на:/ востáну бо и прослáвлюся,/ и вознесý со слáвою, непрестáнно я́ко Бог,// вéрою и любóвiю Тя величáющiя. (Дважды)
Хор: Слáва Тебé, Гóсподи, слáва Тебé.
Чтец: В стрáннем Твоéм рождествé, болéзней избежáвши пáче естества, ублажи́хся Безначáльне Сы́не: ны́не же Тя, Бóже Мой, бездыхáнна зря́щи мéртва, орýжiем печáли растерзáюся лю́те, но воскреснѝ, я́ко да возвели́чуся.
Хор: Слáва Тебé, Гóсподи, слáва Тебé.
Чтец: Земля покрывáет Мя хотя́ща, но устрашáются áдовы врáтницы, одéяна ви́дяще одéждею окровавлéною Мáти, отмщéнiя: врагѝ бо Крестóм порази́в я́ко Бог, воскрéсну пáки, и возвели́чу Тя.
Хор: Слáва Отцý и Сыну и Святóму Дýху.
Чтец: Да рáдуется тварь, да веселя́тся вси земнорóднiи, враг бо плени́ся ад: с ми́ры жéны да сретáют, Адáма со Евою избавля́ю всерóдна, и в трéтiй день воскрéсну.
Хор: И ны́не и прúсно и во вéки векóв. Амúнь.
Чтец: Да рáдуется тварь, да веселя́тся вси земнорóднiи, враг бо плени́ся ад: с ми́ры жéны да сретáют, Адáма со Евою избавля́ю всерóдна, и в трéтiй день воскрéсну.
Катавáсiя: Не рыдáй Менé Мáти,/ зря́щи во грóбе,/ Егóже во чрéве без сéмене зачалá еси Сы́на:/ востáну бо и прослáвлюся,/ и вознесý со слáвою, непрестáнно я́ко Бог,// вéрою и любóвiю Тя величáющiя.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжїй, поми́луй нас. Ами́нь.
Тропарь, глас 2: Егдá снизшéл есѝ к смéрти, Животé Безсмéртный,/ тогдá ад умертви́л есѝ блистáнiем Божествá./ Егдá же и умéршыя от преиспóдних воскреси́л еси,/ вся Силы Небéсныя взывáху:// Жизнодáвче, Хрiстé Бóже наш, слáва Тебé.
Гóсподи, помилуй, (40 раз.)
Слáва Отцý и Сы́ну и Святóму Дýху, и ныне и присно и во вéки векóв. Аминь.
Честнéйшую Херувíм и слáвнейшую без сравнéния Серафíм, без истлéнiя Бóга Слóва рóждшую, сущую Богорóдицу, Тя величáем.
Слáва Отцý и Сыну и Святóму Дýху, и ны́не и при́сно и во вéки векóв, аминь.
Именем Госпóдним Гóсподи, благословѝ.
И҆́же нас рáди и нáшего рáди спасéнiя смири́вый Себé, и в нáшу нищетý облекíйся, и вóлею стрáсти претерпéвый, и смерть вкуси́вый, и во грóбе положи́выйся, Хрiстé, Истинный Бóже наш, моли́твами Пречи́стыя Своея́ Мáтере и всех святы́х, поми́луй и спасѝ нас, яко Благ и Человеколю́бец. Ами́нь.
Гóсподи, поми́луй. (3 раза)
И глаголи
заýтреню