СВЕТЛОЕ ХРИСТОВО ВОСКРЕСЕНИЕ. ПАСХА. Воскрéсная прáздничная слýжба состоúт из
полýнощницы,
заýтрени и
обéдницы для домáшнего (келéйного) совершéния. Слýжба мирскúм чúном.
Полýнощницу, заýтреню и обе́дницу с ударе́дниями посмотреть и скачать в формате
doc, в формате
pdf ПОЛУНОЩНИЦА
Молитвами святых отéц нáших, Гóсподи Iисýсе Христé, Бóже наш, помилуй нас, аминь.
Слáва Тебе, Бóже наш, слáва Тебе.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благúх и жúзни Подáтелю, прiидú и вселúся в ны, и очúсти ны от вся́кiя сквéрны, и спасú, Блáже, Дýши нáша.
Святы́й Бóже, Святы́й Крéпкiй, Святый Безсмéртный, помúлуй нас.(3 раза)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Пресвятáя Трóице, поми́луй нас, Гóсподи, очи́сти грехи́ нáша, Влады́ко, прости́ беззакóнiя нáша, Святы́й, посети́ и исцели́ нéмощи нáша и́мене Твоегó рáди.
Гóсподи, помúлуй. (3 раза)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Óтче наш, И҆́же еси на небесéх. Да святи́тся Имя Твоé, да прiи́дет Цáрствiе Твоé, да бýдет вóля Твоя, я́ко на небеси́ и на земли́. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введи́ нас во искушéнiе, но избáви нас от лукáваго.
Гóсподи, Iисýсе Христé, Сы́не Бóжiй, помúлуй нас. Амúнь.
Гóсподи, помúлуй, (12 раз.)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Прiидúте, поклонúмся Царéви нáшему Бóгу.
Прiидúте, поклонúмся и припадéм Христý, Царéви нáшему Бóгу.
Прiидúте, поклонúмся и припадéм Самомý Христý, Царéви и Бóгу нáшему.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твои́х очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Еди́ному согреши́х, и лукáвая пред Тобóю сотвори́х; яко да оправди́шися во словесéх Твои́х и победи́ши, внегдá суди́ти Ти. Се бо в беззакóнiих зачáт есмь, и во гресéх роди́ мя мáти моя. Се бо и́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлiе, возрáдуются кóсти смирéнныя. Отврати́ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твои́м, и нечести́вiи к Тебé обратятся. Избáви мя от кровéй, Бóже, Бóже спасéнiя моегó, возрáдуется язы́к мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнiем Твои́м Сиóна, и да сози́ждутся стéны Иерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
КАНОН ВЕЛИКОЙ СУББОТЫ, ГЛАС 6
ПЕСНЬ 1
Ирмóс: Волнóю морскóю/ Скры́вшаго дрéвле,/ гонителя мучителя, под землéю скры́ша/ спасéнных óтроцы;/ но мы, яко отроковицы,/ Гóсподеви поим,// слáвно бо прослáвися. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Гóсподи Бóже мой, исхóдное пéние, и надгрóбную Тебé песнь воспою, погребéнием Твоим жизни моея вхóды отвéрзшему, и смéртию смерть и ад умертвившему. (4 рáза)
Хор: Слáва Тебé, Гóсподи, слáва Тебé.
Чтец (тропарь):Горé Тя на престóле, и дóле во грóбе, премирная и подзéмная помышляющая, Спáсе мой, зы́бляхуся умерщвлéнием Твоим: пáче ума бо, виден был еси мертв. Живоначáльниче. (4 рáза)
Хор: Слáва Отцу и Сыну и Святóму Духу.
Чтец (тропáрь): Да Твоея слáвы вся испóлниши, сшел еси в нижняя земли: от Тебé бо не скры́ся состáв мой иже во Адáме, и погребéн истлéвша мя обновляеши, Человеколюбче.
Хор: И ныне и присно и во вéки векóв. Аминь.
Чтец (тропáрь): Да Твоея слáвы вся испóлниши, сшел еси в нижняя земли: от Тебé бо не скрыся состáв мой иже во Адáме, и погребéн истлéвша мя обновляеши, Человеколюбче.
Катавáсия:Волнóю морскóю/ Скрывшаго дрéвле,/ гонителя мучителя, под землéю скры́ша/ спасéнных óтроцы;/ но мы, яко отроковицы,/ Гóсподеви поим,// слáвно бо прослáвися.
ПЕСНЬ 3
Ирмóс: Тебé, на водáх/ повéсившаго/ всю зéмлю неодержимо,/ тварь видевши/ на лóбнем висима,/ ýжасом мнóгим содрогáшеся,/ несть свят,// рáзве Тебé Гóсподи, взывáющи. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Образы погребéния Твоегó показáл еси, видéния умнóжив: ныне же сокровéнная Твоя Богомýжно уяснил еси, и сýщым во аде Влады́ко, несть Свят, разве Тебé, Гóсподи, взывáющым.
Хор: Слáва Тебé, Гóсподи, слáва Тебé.
Чтец (тропáрь): Простéрл еси длáни, и соединил еси дрéвле разстоящаяся. Одеянием же Спáсе, éже в плащанице и во грóбе, оковáнныя разрешил еси, несть свят, рáзве Тебé Гóсподи, взывáющия.
Хор: Слáва Отцу и Сыну и Святóму Духу.
Чтец (тропáрь): Грóбом и печáтьми, Невместиме, содержимь был еси хоте́нием: ибо силу Твою дéйствы показáл еси, богодéйственно поющым: несть Свят, рáзве Тебé, Гóсподи Человеколюбче.
Хор: И ныне и присно и во вéки векóв. Аминь.
Чтец (тропáрь): Грóбом и печáтьми, Невместиме, содержимь был еси хотéнием: ибо силу Твою дéйствы показáл еси, богодéйственно поющым: несть Свят, рáзве Тебé, Гóсподи Человеколюбче.
Катавáсия: Тебé, на водáх/ повéсившаго/ всю зéмлю неодержимо,/ тварь видевши/ на лóбнем висима,/ ýжасом мнóгим содрогáшеся,/ несть свят,// рáзве Тебé Гóсподи, взывáющи.
Гóсподи, помилуй. (3 раза)
Седáлен, глас 1: Гроб Твой Спáсе, вóини стрегýщии,/ мéртви от облистáния явльшагося Ангела быша,/ проповéдающа женáм Воскресéние./ Тебé слáвим, тли потребителя!/ Тебé припáдаем, Воскрéсшему из грóба,// и Единому Бóгу нáшему!
Слáва Отцу и Сыну и Святóму Духу, и ныне и присно и во вéки векóв, аминь.
Гроб Твой Спáсе, вóини стрегýщии,/ мéртви от облистáния явльшагося Ангела бы́ша,/ проповéдающа женáм Воскресéние./ Тебé слáвим, тли потребителя!/ Тебé припáдаем, Воскрéсшему из грóба,// и Единому Бóгу нáшему!
ПЕСНЬ 4
Ирмóс: На Крестé Твоé/ Божéственное истощáние/ провидя Аввакýм,/ ужáсся, вопияше:/ Ты сильных пресéкл еси/ держáву Блáже,// приобщáяся сущим во áде, яко Всесилен. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Седмы́й день днесь освятил еси, егóже дрéвле благословил еси упокоéнием дел: превóдиши бо всяческая и обновляеши, суббóтствуя, Спáсе мой, и назидáя.
Хор: Слáва Тебé, Гóсподи, слáва Тебé.
Чтец (тропáрь): Силою лýчшаго, победившаго Тебé, от плóти душá Твоя разделися: растерзáющи бо обоя ýзы, смéрти и áда, Слóве, держáвою Твоéю.
Хор: Слáва Отцу и Сыну и Святóму Духу.
Чтец (тропáрь): Ад, Слóве, срет Тя огорчися, Человéка зря обожéна, уязвлена рáнами, и Всесильнодéтеля, Стрáшным же зрáком погибе.
Хор: И ныне и присно и во вéки векóв. Аминь.
Чтец (тропáрь): Ад, Слóве, срет Тя огорчися, Человéка зря обожéна, уязвлена рáнами, и Всесильнодéтеля, Стрáшным же зрáком погибе.
Катавáсия: На Крестé Твоé/ Божéственное истощáние/ провидя Аввакýм,/ ужáсся, вопияше:/ Ты сильных пресéкл еси/ держáву Блáже,// приобщáяся сущим во áде, яко Всесилен.
ПЕСНЬ 5
Ирмóс: Богоявлéния Твоегó Христé,/ к нам милостивно бывшаго,/ Исáия Свет видев Невечéрний,/ из нóщи ýтреневав взывáше:/ воскрéснут мéртвии,/ и востáнут сýщии во гробéх,// и вси земнорóднии возрáдуются. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Новотвориши земныя Создáтелю, пéрстен быв, и плащаница и гроб являют éже в Тебé, Слóве, тáинство: благообрáзный бо совéтник, Тебé, рóждшаго совéт, образует, в Тебé велелéпно новотвoрящаго мя.
Хор: Слáва Тебé, Гóсподи, слáва Тебé.
Чтец (тропáрь): Смéртию смéртное, погребéнием тлéнное прелагáеши, нетлéнно твориши бо, благолéпно безсмéртно творя приятие: плоть бо Твоя истлéния не виде, Владыко, нижé душá Твоя во аде страннолéпно оставлéна бысть.
Хор: Слáва Отцу и Сыну и Святóму Духу.
Чтец (тропáрь): Из Небрáчныя прошéд, и прободéн в рéбра, Содéтелю мой, из Нея содéлал еси обновлéние Éвино, Адáм быв, уснýв пáче естествá сном естéственным, и жизнь воздвигнув от сна и тлéния яко Всесилен.
Хор: И ныне и присно и во вéки векóв. Аминь.
Чтец (тропáрь): Из Небрáчныя прошéд, и прободéн в рéбра, Содéтелю мой, из Нея содéлал еси обновлéние Éвино, Адáм быв, уснýв пáче естествá сном естéственным, и жизнь воздвигнув от сна и тлéния яко Всесилен.
Катавáсия: Богоявлéния Твоегó Христé,/ к нам милостивно бывшаго,/ Исáия Свет видев Невечéрний,/ из нóщи утреневав взывáше:/ воскрéснут мéртвии,/ и востáнут сýщии во гробéх,// и вси земнорóднии возрáдуются.
ПЕСНЬ 6
Ирмóс: Ят бысть,/ но не удержáн в пéрсех китовых Иóна:/ Твой бо óбраз нося,/ Страдáвшаго, и погребéнию дáвшагося,/ яко от чертóга от звéря изыде./ Приглашáше же кустодии,/ хранящии сýетная и лóжная,// милость сию остáвили естé. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Биéн был еси, но не разделился, еси, Слóве, еяже причастился еси плóти: áще бо и разорися Твой храм во врéмя стрáсти, но и тáко един бе состáв Бóжества и плóти Твоея. Во обоих бо един еси Сын, Слóво Бóжие, Бог и Человéк.
Хор: Слáва Тебé, Гóсподи, слáва Тебé.
Чтец (тропáрь): Человекоубийственно, но не богоубийственно бысть прегрешéние Адáмово: áще бо и пострадá Твоея плóти пéрстное существó, но Божествó безстрáстно пребысть: тлéнное же Твоé на нетлéние преложил еси, и нетлéнныя жизни показáл еси Истóчник воскресéнием.
Хор: Слáва Отцу и Сыну и Святóму Духу.
Чтец (тропáрь): Цáрствует ад, но не вéчнует, над рóдом человéческим: Ты бо полóжся во грóбе держáвне. Живоначáльною длáнию, смéрти ключи развéргл еси, и проповéдал еси от вéка тáмо спящим избавлéние нелóжное, быв Спáсе мéртвым Пéрвенец.
Хор: И ныне и присно и во вéки векóв. Аминь.
Чтец (тропáрь): Цáрствует ад, но не вéчнует, над рóдом человéческим: Ты бо полóжся во грóбе держáвне. Живоначáльною длáнию, смéрти ключи развéргл еси, и проповéдал еси от вéка тáмо спящим избавлéние нелóжное, быв Спáсе мéртвым Пéрвенец.
Катавáсия: Ят бысть,/ но не удержáн в пéрсех китовых Иóна:/ Твой бо óбраз нося,/ Страдáвшаго, и погребéнию дáвшагося,/ яко от чертóга от звéря изыде./ Приглашáше же кустодии,/ хранящии сýетная и лóжная,// милость сию оставили естé.
Гóсподи, помилуй. (3 раза)
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Кондáк, глас 6: Бéздну заключивый, мертв зрится,/ и смирною и плащаницею обвився,/ во грóбе полагáется яко смéртный Безсмéртный:/ жены же приидóша помáзати Егó миром,/ плáчущия гóрько и вопиющия:/ сия суббóта есть преблагословéнная,// в нéйже Христóс уснув, воскрéснет триднéвен.
Икос: Содержáй вся на Крестé вознесéся, и рыдáет вся тварь, Того видящи нáга висяща на дрéве, сóлнце лучи сокры, и звéзды отложиша свет, земля же со мнóгим стрáхом поколебáся, и мóре побежé, и камéние распадéся, грóбы же мнóзи отверзóшася, и телесá востáша святых мужéй. Ад низу стенéт, и иудéе совéтуют оклеветáти Христóво Воскресéние, жены же взывáют: Сия суббóта есть преблагословéнная, в нéйже Христóс уснýв воскрéснет триднéвен.
ПЕСНЬ 7
Ирмóс: Неизречéнное чýдо,/ в пещи избáвивый/ преподóбныя óтроки из плáмене,/ во грóбе мертв/ бездыхáнен полагáется,/ во спасéние нас поющих:/ Избáвителю Бóже,// благословéн еси. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Уязвися ад, в сéрдце приéм Уязвéннаго копиéм в рéбра, и воздыхáет огнéм Божéственным иждивáемь, во спасéние нас поющих: Избáвителю Бóже, благословéн еси.
Хор: Слáва Тебé, Гóсподи, слáва Тебé.
Чтец (тропáрь): Богáт гроб, в себé бо приим яко спяща Содéтеля, жизни Божéственное сокрóвище показáся, во спасéние нас поющих: Избáвителю Бóже, благословéн еси.
Хор: Слáва Тебé, Гóсподи, слáва Тебé.
Чтец (тропáрь): Закóном умéрших еже во грóбе положéние, всех приéмлет жизнь, и сегó истóчника показýет востáния, во спасéние нас поющих: Избáвителю Бóже, благословéн еси.
Хор: Слáва Отцý и Сыну и Святóму Дýху.
Чтец (тропáрь): Едино бяше неразлучное, éже во аде, и во грóбе, и во Едéме, Божествó Христóво, со Отцéм и Дýхом, во спасение нас поющих: Избáвителю Бóже, благословéн еси.
Хор: И ныне и прúсно и во вéки векóв, амúнь.
Чтец (тропáрь): Едино бяше неразлýчное, éже во аде, и во грóбе, и во Едéме, Божествó Христóво, со Отцéм и Дýхом, во спасение нас поющих: Избáвителю Бóже, благословéн еси.
Катавáсия: Неизречéнное чýдо,/ в пещи избáвивый/ преподóбныя óтроки из плáмене,/ во грóбе мертв/ бездыхáнен полагáется,/ во спасéние нас поющих:/ Избáвителю Бóже,// благословéн еси.
ПЕСНЬ 8
Ирмóс: Ужаснися бояйся нéбо,/ и да подвижатся основáния земли:/ се бо в мертвецéх вменяется в вышних Живый,/ и во гроб мал странноприéмлется./ Егóже óтроцы благословите,/ свящéнницы воспóйте,// людие превозносите во вся вéки. (Двáжды)
Хор: Слáва Тебé, Гóсподи, слáва Тебé.
Чтец (тропáрь): Разрушися Пречистый Храм, пáдшую же совозставляет скинию: Адáму бо пéрвому Вторый, Иже в Вышних живый, сниде дáже до áдовых сокрóвищ. Егóже óтроцы благословите, свящéнницы воспóйте, людие превозносите во вся вéки.
Хор: Слáва Тебé, Гóсподи, слáва Тебé.
Чтец (тропáрь): Преста дéрзость ученикóв, Аримафéй же изрядствует Иóсиф: мéртва бо и нáга зря над всéми Бóга, прóсит и погребáет, зовый: óтроцы благословите, свящéнницы воспóйте, людие превозносите во вся вéки.
Хор: Благословúм Отцá, и Сы́на, и Святáго Дýха, Гóспода.
Чтец (тропáрь): О чудéс нóвых! О блáгости! О неизречéннаго терпéния! Вóлею бо под землéю печатлéется, Иже в Вышних живый, и яко льстец, Бог оклеветáется. Егóже óтроцы благословите, свящéнницы воспóйте, людие превозносите во вся вéки.
Хор: И ныне и прúсно и во вéки векóв, амúнь.
Чтец (тропáрь): О чудéс нóвых! О блáгости! О неизречéннаго терпéния! Вóлею бо под землéю печатлéется, Иже в Вышних живый, и яко льстец, Бог оклеветáется. Егóже óтроцы благословите, свящéнницы воспóйте, людие превозносите во вся вéки.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсия: Ужаснися бояйся нéбо,/ и да подвижатся основáния земли:/ се бо в мертвецéх вменяется в вышних Живый,/ и во гроб мал странноприéмлется./ Егóже óтроцы благословите,/ свящéнницы воспóйте,// людие превозносите во вся вéки.
ПЕСНЬ 9
Ирмóс: Не рыдáй Менé Мáти,/ зрящи во грóбе,/ Егóже во чрéве без сéмене зачалá еси Сына:/ востáну бо и прослáвлюся,/ и вознесý со слáвою, непрестáнно яко Бог,// вéрою и любóвию Тя величáющия. (Дважды)
Хор: Слáва Тебé, Гóсподи, слáва Тебé.
Чтец (тропáрь): В стрáннем Твоéм рождествé, болéзней избежáвши пáче естества, ублажихся Безначáльне Сыне: ныне же Тя, Бóже Мой, бездыхáнна зрящи мéртва, оружием печáли растерзáюся люте, но воскресни, яко да возвеличуся.
Хор: Слáва Тебé, Гóсподи, слáва Тебé.
Чтец (тропáрь): Земля покрывáет Мя хотяща, но устрашáются áдовы врáтницы, одéяна видяще одéждею окровавлéною Мáти, отмщéнiя: враги бо Крестóм поразив яко Бог, воскрéсну пáки, и возвеличу Тя.
Хор: Слáва Отцу и Сыну и Святóму Духу.
Чтец (тропáрь): Да рáдуется тварь, да веселятся вси земнорóднiи, враг бо пленися ад: с миры жéны да сретáют, Адáма со Евою избавляю всерóдна, и в трéтий день воскрéсну.
Хор: И ныне и присно и во вéки векóв. Аминь.
Чтец (тропáрь): Да рáдуется тварь, да веселятся вси земнорóднiи, враг бо пленися ад: с миры жéны да сретáют, Адáма со Евою избавляю всерóдна, и в трéтий день воскрéсну.
Катавáсия: Не рыдáй Менé Мáти,/ зрящи во грóбе,/ Егóже во чрéве без сéмене зачалá еси Сына:/ востáну бо и прослáвлюся,/ и вознесý со слáвою, непрестáнно яко Бог,// вéрою и любóвию Тя величáющiя.
Святы́й Бóже, Святы́й Крéпкiй, Святый Безсмéртный, помилуй нас. (3 раза)
Слáва Отцý и Сыну и Святóму Дýху, и ныне и присно и во веки векóв, аминь.
Пресвятáя Трóице, поми́луй нас, Гóсподи, очи́сти грехи́ нáша, Влады́ко, прости́ беззакóнiя нáша, Святы́й, посетѝ и исцелѝ нéмощи нáша и́мене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Óтче наш, И҆́же есѝ на небесéх. Да святи́тся Имя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Христé, Сы́не Бóжiй, поми́луй нас. Ами́нь.
Тропарь, глас 2: Егдá снизшéл есѝ к смéрти, Животé Безсмéртный,/ тогдá ад умертви́л есѝ блистáнием Божествá./ Егдá же и умéршыя от преиспóдних воскреси́л еси,/ вся Силы Небéсныя взывáху:// Жизнодáвче, Христé Бóже наш, слáва Тебé.
Гóсподи, помилуй, (40 раз.)
Слáва Отцý и Сы́ну и Святóму Дýху, и ныне и присно и во вéки векóв. Аминь.
Честнéйшую Херувíм и слáвнейшую без сравнéния Серафíм, без истлéнiя Бóга Слóва рóждшую, сущую Богорóдицу, Тя величáем.
Слáва Отцý и Сыну и Святóму Дýху, и ны́не и при́сно и во вéки векóв, аминь.
Именем Госпóдним Гóсподи, благословѝ.
И҆́же нас рáди и нáшего рáди спасéнiя смири́вый Себé, и в нáшу нищетý облекíйся, и вóлею стрáсти претерпéвый, и смерть вкуси́вый, и во грóбе положи́выйся, Христé, Истинный Бóже наш, молитвами Пречи́стыя Своея Мáтере и всех святых, поми́луй и спасѝ нас, яко Благ и Человеколюбец. Аминь.
Гóсподи, поми́луй. (3 раза)
И глаголи
заутреню