Святителя Николая, арх. Мир Ликийских чудотворца (Никола зимний) ВСЕНОЩНОЕ БДЕНИЕ.ВЕЛИКАЯ ВЕЧЕРНЯ.
19 декабря́ 2023 гóда. Втóрник 29-й седмúцы по Пятидеся́тнице. И́же во святы́х отцà нáшего Нiколáя, архиепíскопа Мир Ликíйских, чудотвóрца. (Нiкóла зúмнiй). Глас 3. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездè сый и вся исполня́яй, Сокрóвище благи́х и жи́зни Подáтелю, прiидѝ и всели́ся в ны, и очи́сти ны от вся́кiя сквéрны, и спасѝ, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегò рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Стiхù избрáннiи: Благословѝ, душè моя́, Гóспода./ Благословéн есѝ, Гóсподи./ Гóсподи, Бóже мой, возвели́чился есѝ зелò./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредè гор прóйдут вóды./ Ди́вна делà Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благословѝ, душè моя, Гóспода. Гóсподи, Бóже мой, возвеличился есѝ зелò. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своè, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегò убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижè обратя́тся покры́ти зéмлю. Посылáяй истóчники в дéбрех, посредè гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды̀ кáменiя дадя́т глас. Напая́яй гóры от превы́спренних Свои́х, от плодà дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винò весели́т сéрдце человéка, умáстити лицè елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временà, сóлнце познà зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себè. Возсiя́ сóлнце и собрáшася и в лóжах свои́х ля́гут. Изы́дет человéк на дéло своè и на дéланiе своè до вéчера. Яко возвели́чишася делà Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числà, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебè чáют, дáти пи́щу им во блáго врéмя. Дáвшу Тебè им соберýт, отвéрзшу Тебè рýку вся́ческая испóлнятся блáгости, отврáщшу же Тебè лицè, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегò, и сози́ждутся, и обнови́ши лицè землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животè моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душè моя́, Гóспода. Сóлнце познà зáпад свой. Положи́л еси тму, и бысть нощь. Яко возвели́чишася делà Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгò, и в закóне Егò поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своè, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицà землѝ. Сегó рáди не воскрéснут нечести́вiи на суд, нижè грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстà Егò. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдà возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негò над Сióном, горóю святóю Егò, возвещáяй повелéнiе Госпóдне. Госпóдь речè ко Мне: Сын Мой еси Ты, Аз днесь роди́х Тя. Просѝ от Менè, и дам Ти язы́ки достоя́нiе Твоè, и одержáнiе Твоè концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдà прогнéвается Госпóдь и поги́бнете от путѝ прáведнаго, егдà возгори́тся вскóре я́рость Егò. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгò. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы̀ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоè.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоè.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебè Бóже. (трúжды)
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 3
Хор: Гóсподи, воззвáх к Тебè, услы́ши мя./ Услы́ши мя, Гóсподи./ Гóсподи, воззвáх к Тебè, услы́ши мя:/ вонмѝ глáсу молéнія моегò,/ внегдà воззвáти ми к Тебè./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моè в словесà лукáвствiя, непщевáти вины̀ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы̀ моея́, я́ко ещè и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебè, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моè, печáль мою́ пред Ним возвещý. Внегдà исчезáти от менè дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менè: поги́бе бéгство от менè, и несть взыскáяй дýшу мою́. Воззвáх к Тебè, Гóсподи, рех: Ты есѝ уповáнiе моè, часть моя́ есѝ на землѝ живы́х. Вонмѝ молéнiю моемý, я́ко смири́хся зелò, избáви мя от гоня́щих мя, я́ко укрепи́шася пáче менè.
[Пропускается до стихир]Изведи́ из темни́цы дýшу мою́, исповéдатися и҆́мени Твоемý. Менè ждут прáведницы, дóндеже воздáси мне.
На 8. Стiх: Из глубины̀ воззвáх к Тебè, Гóсподи,// Гóсподи, услы́ши глас мой.
Стiхúры святúтеля, глас 2: В Ми́рех пожи́в чýвственно,/ ми́ро вои́стинну яви́лся еси́,/ ми́ром помáзався ýмным,/ свя́те Нiкóлае, святи́телю Хрiстóв,/ и благоухáеши ли́ца,/ вéрою и любóвiю твою́ всеслáвную пáмять совершáющих при́сно,/ разрешáя бед, и напáстей, и скорбéй сих, óтче,// к Бóгу твои́ми моли́твами.
Да бýдут ýши Твоù// внéмлюще глáсу молéнiя моегò.
Стiхúра: Побéды тезоимени́т вои́стинну,/ вéрным лю́дем яви́лся еси́ в напáстех крéпок,/ свя́те Нiкóлае, святи́телю Хрiстóв;/ вездé бо призывáемь, бы́стро предваря́еши/ любóвiю притекáющих под кров твой:/ ты бо, во дни и нóщи вéрным явля́яся,// спасáеши от напáстей и обстоя́нiй.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.
Стiхúра: Яви́лся еси́ Константíну царю́ и Авлáвiю во сне/ и, сим страх вложи́в,/ си́це тем рекл еси́:/ разреши́те ýбо вскóре,/ я́же держитé свя́занныя в темни́це,/ непови́нни бо суть беззакóннаго заколéнiя./ Обáче áще преслýшаеши менé,// мольбý сотворю́ царю́ на тя, ко Гóсподу моля́ся.
И҆́мене рáди Твоегò потерпéх Тя, Гóсподи, потерпè душà моя́ в слóво Твоè,// уповà душà моя на Гóспода.
Стiхúра: Вéлiй застýпник и тéплый/ в бедáх обретáющимся еси́, слáвне,/ свя́те Нiкóлае, священнопроповéдниче Хрiстóв,/ сýщим на земли́ и плáвающим,/ сýщим далéче и близ обретáющимся/ я́ко зелó ми́лостивнейшiй и молéбник крéпкiй./ Тéмже, сошéдшеся, вопiéм:/ моли́ся ко Гóсподу,// я́ко да вся́каго избáвимся обстоя́нiя.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
И҆́ны стiхúры святúтеля: Кíими похвáльными венцы́ увязéм святи́теля?/ Плóтiю в Ми́рех сýща,/ и духóвно всем достизáюща,/ чи́сте тогó лю́бящим,/ всех предстáтеля и застýпника,/ и всех скóрбных утéшителя,/ и всех сýщих в бедáх прибéжище,/ благочéстiя столпá,/ вéрных побóрника./ Егóже рáди шатáнiя врагóв Хрiстóс низложи́,// имéяй вéлiю ми́лость.
Яко у Гóспода мúлость, и мнóгое у Негò избавлéнiе,// и Той избáвит Iзрáиля от всех беззакóнiй eгò.
Стiхúра: Кíими похвáльными венцы́ увязéм святи́теля?/ Плóтiю в Ми́рех сýща,/ и духóвно всем достизáюща,/ чи́сте тогó лю́бящим,/ всех предстáтеля и застýпника,/ и всех скóрбных утéшителя,/ и всех сýщих в бедáх прибéжище,/ благочéстiя столпá,/ вéрных побóрника./ Егóже рáди шатáнiя врагóв Хрiстóс низложи́,// имéяй вéлiю ми́лость.
На 2. Стiх: Хвалúте Гóспода вси язы́цы, похвалúте Егò вси лю́дiе.
Стiхúра: Кíими пéсненными пéнiи похвáлим святи́теля?/ Нечéстiя противоборцá и благочéстiя побóрника,/ Цéркве первостоя́теля,/ вели́каго застýпника же и учи́теля,/ вся злослáвныя посрамля́юща,/ потреби́теля Áрiева и тогó посóбников./ Егóже рáди сих шатáнiе Хрiстóс низложи́,// имéяй вéлiю ми́лость.
Яко утвердúся мúлость Егò на нас,// и и҆́стина Госпóдня пребывáет во век.
Стiхúра: Кíими прорóческими пéсньми похвáлим святи́теля?/ И́же далéче сýщая прови́дяща/ и отстоя́щая, я́ко близ сýща, прорóчествующа нелóжно,/ и всю вселéнную назирáюща,/ и вся оби́димыя избавля́юща,/ во сне я́вльшася царю́ Богомýдрому/ и дрéвле свя́занныя заколéнiя непрáведнаго избáвльша,// и дáрующа вéлiю ми́лость?
Слáва Отцý и Сы́ну и Святóму Дýху.
Глас 6: Святи́телей удобрéнiе и отцéв слáву,/ истóчника чудéс и вéрных застýпника вели́каго,/ сошéдшеся, о празднолю́бцы,/ пéсненными похвалáми воспои́м, глагóлюще:/ рáдуйся, ми́ряном храни́телю,/ и первоседáтелю честны́й, и стóлпе неподви́жимый;/ рáдуйся, свети́льниче всесвéтлый,/ и́же мiрскíя концы́ просвещáя чудесы́;/ рáдуйся, скорбя́щих Божéственная рáдосте/ и оби́димых тéплый предстáтелю./ И ны́не, всеблажéнне Нiкóлае,/ не престáй моля́ся Хрiстý Бóгу/ о вéрою и любóвiю чтýщих// приснорáдостную и всепрáзднственную пáмять твою́.
И ны́не и прúсно и во вéки векóв, амúнь.
Предпрaзднства, глас 6: Вертéпе, благоукраси́ся,/ Áгница бо грядéт, чревонося́щи Хрiстá;/ я́сли же, подыми́те слóвом разреши́вшаго от безсловéснаго дея́нiя нас, земнорóдных;/ пáстырiе, свиря́юще, свидéтельствуйте чудеси́ стрáшному;/ и волсви́ от Персíды, злáто, и лiвáн, и сми́рну Царю́ принеси́те,/ я́ко яви́ся Госпóдь из Дéвы Мáтере./ Емýже, и прини́кши, рáбски Мáти поклони́ся/ и привещáше к Держи́мому на объя́тiих Ея́:/ кáко все́ялся еси́ Мне/ или́ кáко прозя́бл еси́ во Мне,// Избáвителю Мой и Бóже.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцà Небéснаго, Святáго, Блажéннаго, Iисýсе Хрїстè! Пришéдше на зáпад сóлнца, ви́девше свет вечéрнiй, поéм Ѻтцà, Сы́на и Святáго Дýха, Бóга. Достóин есѝ во вся временà пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН В ПОНЕДЕЛЬНИК ВЕЧЕРА
Чтец: Прокíмен, глас четвéртый: Госпóдь услы́шит мя, внегдá воззвáти ми к Немý. (Пс.4:4Б)
Хор: Госпóдь услы́шит мя,/ внегдá воззвáти ми к Немý.
Чтец: Внегдá призвáти ми, услы́ша мя Бог прáвды моея́. (Пс.4:2А)
Хор: Госпóдь услы́шит мя,/ внегдá воззвáти ми к Немý.
Чтец: Госпóдь услы́шит мя.
Хор: Внегдá воззвáти ми к Немý.
ПАРЕМИИ СВЯТИТЕЛЮ
Чтец: При́тчей чтéнiе.
(Из глав 10, 3 и 8): Пáмять прáведнаго с похвалáми, и благословéнiе Госпóдне на главè егó. Блажéн человéк, и́же обрéте премýдрость, и смéртен, и́же увéде рáзум. Лýчше бо сiю́ куповáти, нéжели злáта и сребрà сокрóвища. Честнéйшая же есть кáменiй многоцéнных, все же честнóе недостóйно ея́ есть. Долготà бо дней и лéта животà в десни́це ея́, в шýйце же ея́ богáтство и слáва. От уст ея́ исхóдит прáвда, закóн же и ми́лость на язы́це нóсит. Послýшайте ýбо менè, о чáда, честнáя бо рекý, и блажéн человéк, и́же путѝ моя́ сохрани́т. Исхóди бо моѝ - исхóди животà, и уготовля́ется хотéнiе от Гóспода. Сегó рáди молю́ вас и предлагáю мой глас сыновóм человéческим: я́ко аз, премýдрость, устрóих совéт, и рáзум и смысл аз призвáх. Мой совéт и утверждéнiе, мой рáзум, моя́ же крéпость. Аз менè лю́бящiя люблю́, и́щущiи же менè обря́щут благодáть. Разумéйте ýбо, незлóбивiи, ковáрство, ненакáзаннiи же, прилагáйте сердцà. Послýшайте менè и пáки, честнáя бо рекý, и отвéрзу от устéн прáвая, я́ко и́стине поучи́тся гортáнь мой, мéрзки же предо мнóю устны́ лжи́выя. С прáвдою вси глагóлы уст мои́х, ничтóже в них стрóпотно, нижè развращéнно. Вся прáва суть разумевáющим и прóста обретáющим рáзум. Научáю бо вас и́стине, да бýдет о Гóсподе надéжда вáша, и испóлнитеся Дýха.
[Синодальный перевод]Память праведника пребудет благословенна, и благословения - на голове его. Блажен человек, который снискал мудрость, и человек, который приобрел разум, - потому что приобретение её лучше приобретения серебра, и прибыли от неё больше, нежели от золота: она дороже драгоценных камней, и ничто из желаемого тобою не сравнится с нею. Долгоденствие - в правой руке её, а в левой у неё - богатство и слава; из уст её выходит правда; закон и милость она на языке носит. Слушайте меня, дети, потому что я буду говорить важное: Блажен человек, который слушает меня, потому что, кто нашел меня, тот нашел жизнь, и получит благодать от Господа. К вам, люди, взываю я, и к сынам человеческим голос мой! Я, премудрость, обитаю с разумом и ищу рассудительного знания. У меня совет и правда; я разум, у меня сила. Любящих меня я люблю, и ищущие меня найдут меня. Научитесь, неразумные, благоразумию, и глупые - разуму. Слушайте, потому что я буду говорить важное, и изречение уст моих - правда; ибо истину произнесет язык мой, и нечестие - мерзость для уст моих; все слова уст моих справедливы; нет в них коварства и лукавства; все они ясны для разумного и справедливы для приобретших знание. Ибо я учу вас истинному, чтобы была в Господе надежда ваша, и вы исполнились Духа.(Притч.10:7А 5 А; 3:13-16; 8:6, 34А, 35, 4, 12, 14, 17, 5-9)
Чтец: При́тчей чтéнiе.
(Из глав 10 и 11): Устà прáведнаго кáплют премýдрость, язы́к же непрáведнаго поги́бнет. Устнé мужéй прáведных кáплют благодáти, устà же нечести́вых развращáются. Мéрила льсти́вая - мéрзость пред Гóсподем, вес же прáведный прiя́тен Емý. Идéже áще вни́дет досаждéнiе, тáмо и безчéстiе, устà же смирéнных поучáются премýдрости. Совершéнiе прáвых настáвит их и поползновéнiе отрицáющихся упасéт их. Не пóльзуют имéнiя в день я́рости, прáвда же избáвит от смéрти. У́мер прáведный, остáви раскáянiе, нарýчна же бывáет и посмея́тельна нечести́вых пáгуба. Прáвда непорóчнаго исправля́ет пути́, в нечéстiе же пáдает непрáвда. Прáвда мужéй прáвых избáвит их, безсовéтiем же пленя́ются беззакóннiи. Скончáвшуся мýжу прáведну, не поги́бнет надéжда, похвалà же нечести́вых поги́бнет. Прáведник от лóва убéгнет, в негóже мéсто предаéтся нечести́вый. Во устéх нечести́вых сеть грáжданом, чýвство же прáведных благоспéшное. Во благи́х прáведных испрáвится град, и в поги́бели нечести́вых рáдованiе. Во благословéнiи прáвых возвы́сится град, усты́ же нечести́вых раскопáется. Ругáется грáжданом лишéнный рáзума, муж же мýдрый безмóлвiе вóдит.
[Синодальный перевод]Уста праведника источают мудрость, а язык зловредный отсечется. Уста праведного знают благоприятное, а уста нечестивых - развращенное. Неверные весы - мерзость пред Господом, но правильный вес угоден Ему. Придет гордость, придет и посрамление; но со смиренными - мудрость. (Праведник, умирая, оставляет сожаление; но внезапна и радостна бывает погибель нечестивых.) Непорочность прямодушных будет руководить их, а лукавство коварных погубит их. Не поможет богатство в день гнева, правда же спасет от смерти. Правда непорочного уравнивает путь его, а нечестивый падет от нечестия своего. Правда прямодушных спасет их, а беззаконники будут уловлены беззаконием своим. Со смертью человека нечестивого исчезает надежда, и ожидание беззаконных погибает. Праведник спасается от беды, а вместо него попадает в нее нечестивый. Устами лицемер губит ближнего своего, но праведники прозорливостью спасаются. При благоденствии праведников веселится город, и при погибели нечестивых бывает торжество. Благословением праведных возвышается город, а устами нечестивых разрушается. Скудоумный высказывает презрение к ближнему своему; но разумный человек молчит. (Притч.10:31-11:12)
Чтец: Премýдрости Соломóни чтéнiе.
(Из главы 4): Прáведник, áще пости́гнет скончáтися, в покóи бýдет./ Стáрость бо честнà не многолéтна,/ нижè в числè лет исчитáется. Сединà же есть мýдрость человéком/ и вóзраст стáрости - житiè несквéрное./ Благоугóден Бóгови быв, возлю́блен бысть/ и живы́й посредè грéшник, престáвлен бысть./ Восхищéн бысть, да не злóба измени́т рáзума егò,/ илѝ лесть прельсти́т дýшу егò./ Рачéнiе бо злóбы помрачáет дóбрая,/ и парéнiе пóхоти пременя́ет ум незлóбив./ Скончáвся вмáле, испóлни лéта дóлга,/ угóдна бо бе Гóсподу душà егò,/ сегò рáди потщáся от среды̀ лукáвствiя. Лю́дiе же, ви́девше, и не разумéвше,/ нижè полóжше в помышлéнiи таковóе,/ я́ко благодáть и ми́лость в преподóбных Егò// и посещéнiе во избрáнных Егò.
[Синодальный перевод]Праведник, если и рановременно умрёт, будет в покое, ибо не в долговечности честная старость и не числом лет измеряется: мудрость есть седина для людей, и беспорочная жизнь - возраст старости. Как благоугодивший Богу, он возлюблен, и, как живший посреди грешников, преставлен, восхищен, чтобы злоба не изменила разума его, или коварство не прельстило души его. Ибо упражнение в нечестии помрачает доброе, и волнение похоти развращает ум незлобивый. Достигнув совершенства в короткое время, он исполнил долгие лета; ибо душа его была угодна Господу, потому и ускорил он из среды нечестия. А люди видели это и не поняли, даже и не подумали о том, что благодать и милость со святыми Его и промышление об избранных Его.(Прем.4:7-15)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехà сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоè во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебè подобáет хвалà. Тебè подобáет пéнiе,/ Тебè слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры святúтеля, глас 2, самоглáсны, византíево: Прáвило вéры и óбраз крóтости/ яви́ тя стáду твоемý Хрiстóс Бог, святи́телю Нiкóлае,/ в Ми́рех ýбо благоухáющу ти,/ всю́ду сiя́ют свéтло Божéственная твоя́ исправлéнiя,/ си́рых и вдови́ц предстáтелю.// Тéмже моли́ся непрестáнно спасти́ дýши нáша.
Óтче Нiкóлае,/ мирополóжница мощéй твои́х Ми́ры обогащáет,/ в ни́хже и свя́занныя, непрáведно осуждéнныя,/ во сне царю́ видéнием твои́м яви́вся,/ свободи́л еси́ от смéрти, и уз, и темни́цы./ Но и ны́не, я́коже тогдà и при́сно,/ видéнием твои́м яви́ся,// моля́й о душáх нáших.
Ѻ́тче Нiкóлае,/ áще и Ми́рская странà молчи́т,/ но мiр весь, и́же тобóю просвещéнный,/ ми́ра же благоухáнiи и чудéс мнóжествы/ взывáет благохвáльными пéсньми;/ и спáсшiися тобóю осуждéннiи,/ с сýщими в Ми́рех и мы, пою́ще, вопiéм:// моли́ спасти́ся душáм нáшим.
Глас 4: Ѻ́тче Нiкóлае,/ Пресвятáго Дýха мирополóжница сый,/ я́ко в Ми́рех благоухáеши Божéственными аромáты:/ Хрiстóвым бо апóстолом подóбник быв,/ вселéнную обхóдиши словесы́ чудéс твои́х./ Тéмже и дáльним, я́ко близ, во сне явля́яся,/ от смéрти избавля́еши,/ и́же непрáведным судóм умрéти имýщiя,/ спасáя преслáвно от бед мнóгих призывáющiя тя./ Тéмже, и нас, от находя́щих лю́тых свободи́// твои́ми моли́твами, при́сно восхваля́ющих тя.
Глас 8: Дóблестей твои́х, преподóбне óтче,/ плод просвети́л есть вéрных сердцà:/ кто бо, слы́ша безмéрное твоé смирéнiе,/ терпéнiю не удиви́ся,/ éже к ни́щим ти́хости, к скорбя́щим утешéнiю;/ вся Боголéпно научи́л еси́, святи́телю Нiкóлае,/ и ны́не неувядáемым венцéм увя́злся еси́,// моли́ся о душáх нáших.
На хвалý потéкл еси́ Госпóдню, Нiкóлае,/ во врéменней жи́зни,/ и Той тя прослáви на Небéсней и и́стинней жи́зни./ Тéмже дерзновéнiе стяжáв к Немý,// моли́ спасти́ дýши нáша.
Слáва Ѻтцý и Сы́ну и Святóму Дýху.
Глас 6: Благíй рáбе вéрный,/ дéлателю виногрáда Хрiстóва,/ ты и тяготý дневнýю понéсл еси́,/ ты и дáнный ти талáнт возрасти́л еси́/ и по тебé пришéдшим не зави́дел еси́./ Тéмже вратá Небéсная отверзóшася тебé,/ вни́ди в рáдость Гóспода твоегó// и моли́ о нас, свя́те Нiкóлае.
И ны́не и прúсно и во вéки векóв, амúнь.
Сióне, торжествýй, Iерусали́ме, весели́ся,/ грáде Хрiстà Бóга, подыми́ Зижди́теля,/ в вертéпе и я́слех вмещáемаго,/ отвéрзите ми вратà/ и, вшед в ня, узрю́ я́ко Младéнца, пеленáми повивáемаго,/ длáнию же содержáщаго тварь./ Егóже пою́т Áнгели непрестáнным глáсом,/ Жизнодáвца Гóспода,// спасáющаго род наш.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры святúтеля, глас 5): Рáдуйся, свящéнная главó,/ чи́стый добродéтелей дóме,/ Божéственнейшаго свящéнства прáвило,/ пáстырю вели́кiй,/ свети́льниче светлéйшiй,/ и́же побéды нося́ и́мя,/ и моля́щимся ми́лостивен преклони́тель,/ проницáяй к немощны́х прошéнiям,/ избáвителю готóвейшiй,/ храни́телю спаси́тельный/ всем, вéрою чтýщим всеслáвную пáмять твою́,/ Хрiстà моли́, преблажéнне,// низпослáти мíру вéлiю ми́лость.
Стiх: Честнá пред Гóсподем/ смерть преподóбных Егó.(Пс.115:6)
Рáдуйся, свящéннейший ýме,/ Трóицы чи́стое обитáлище,/ стóлпе церкóвный,/ вéрных утверждéнiе,/ побеждáемым пóмощь,/ звездó, я́же сiя́ньми благопрiя́тных твои́х моли́тв/ разоря́я напáстей же и скорбéй тьму всегдà,/ святи́телю Нiкóлае,/ пристáнище ти́хое, в нéже притекáюще/ треволнéньми житiя́ одержи́мiи спасáются,/ Хрiстà моли́// душáм нáшим дáти вéлiю ми́лость.
Стiх: Свящéнницы Твоú облекýтся прáвдою, и преподóбнiи Твоú возрáдуются.(Пс.131:9)
Рáдуйся, рéвности Божéственныя испóлнивыйся/ и наведéнiя зла избáвль непрáведно хотя́щих умрéти/ предстáнiем стрáшным и сна запрещéньми,/ истóчниче, источáяй в Ми́рех Нiкóлае, ми́ро богáтно/ и дýши напоя́ющее,/ смрáды же страстéй отгоня́ющее,/ мечь, плéвелы прéлести посекáющiй,/ лопáта, развевáющая Áрiева плéвельная учéнiя./ Хрiстà моли́// низпослáти душáм нáшим вéлiю ми́лость.
Слáва Отцý и Сыну и Святóму Дýху.
Iоáнна монáха, глас 6: Человéче Бóжiй и вéрный рáбе,/ слугó Госпóдень,/ мýжу желáнiй,/ сосýде избрáнный,/ стóлпе и утверждéнiе Цéркве,/ Цáрствiя наслéдниче,// не премолчи́, вопiя́ за ны ко Гóсподу.
И ны́не и прúсно и во вéки векóв, амúнь.
Византíево: Безневéстная Дéво,/ откýду пришлà еси́?/ Кто роди́вый Тя?/ Кто и мáти Твоя́?/ Кáко Зижди́теля нóсиши на рукý?/ Кáко не растли́лася еси́ утрóбою?/ О, вели́ких, преслáвных на Тебé стрáшных тáинств,/ на земли́ совершáемых, зрим, Всесвятáя/ И предуготовля́ем достóйный Тебé долг,/ на земли́ вертéп,/ и от Небéс прóсим подáти звездý,/ и волсви́ же прихóдят от востóков земли́ к зáпадом/ ви́дети человéческое Спасéнiе,// во я́слех пеленáми повивáемое.
Молитва святаго Симеона Богоприимца
Ны́не отпущáеши рабà Твоегò, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоè,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегò рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Тропáрь cв. Нiколáя, глас 4: Прáвило вéры и óбраз крóтости,/ воздержáнiя учúтеля/ явù тя стáду твоемý/ Я́же вещéй И́стина./ Сегò рáди стяжáл есù смирéнiем высóкая,/ нищетóю богáтая,/ óтче священноначáльниче Нiкóлае,/ молù Хрїстà Бóга,// спастúся душáм нáшим.(Двáжды)
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегò,// яко Спáса родилà есù душ нáших.
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практитке пропускается]/ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
И глаголи ýтреню