Недeля 17 по Пятидесятнице.Попразднство Воздвижения Креста,глас 8 ВСЕНОЩНОЕ БДЕНИЕ ВЕЛИКАЯ ВЕЧЕРНЯ

Sep 29, 2023 11:19


1 октября́ 2023 гóда. Недéля 17 по Пятидеся́тнице, по Воздвúженiи. Попрáзднство Воздвúженiя Честнáго и Животворя́щего Крестá Госпóдня. Прп. Евмéнiя, епíскопа Гортúнского. Глас 8. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.

ВЕЛИКАЯ ВЕЧЕРНЯ

Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.

Слáва Тебè, Бóже наш, слáва Тебè.

Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.

Святы́й Бóже, Святый Крéпкiй, Святый Безсмéртный, поми́луй нас.(3 раза)

Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.

Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.

Гóсподи, поми́луй. (трúжды)

Слáва Ѻтцý и Сы́ну и Святóму Дýху, и ны́не и присно и во вéки векóв, аминь.

Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.

Гóсподи, Iисýсе Хрїстè, Сы́не Бóжїй, поми́луй нас. Ами́нь.

Гóсподи, поми́луй, (12 раз)



Слáва Ѻтцý и Сыну и Святóму Дýху, и ны́не и при́сно и во вéки векóв, аминь.

Пріиди́те, поклони́мся Царéви нáшему Бóгу.

Пріиди́те, поклони́мся и припадéм Хрїстý, Царéви нáшему Бóгу.

Пріиди́те, поклони́мся и припадéм Самомý Хрїстý, Царéви и Бóгу нáшему.

Псалом 103, предначинaтельный

Стiхù избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.

[Псалом полностью]Благословѝ, душé моя, Гóспода. Гóсподи, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Аллилýїа, аллилýїа, аллилýїа, слáва Тебè Бóже. (3 раза)

Гóсподи, поми́луй. (12 раз)

Слáва Отцý и Сы́ну и Святóму Дýху, и ны́не и присно и во вéки векóв, аминь.

Первая кафизма

Читáем кафíсму 1-ю лúбо 1-ю cтатiю(«Блажéн муж» - 1-й антiфóн.)

[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.

[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.

[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.

Лúбо поéм стiхù избрáннiи

БЛАЖЕН МУЖ

Чтец (или хор): Блажéн муж, и҆́же не и҆́де на совéт нечести́вых.

Хор: Аллилýїа, аллилýїа, аллилýїа.

Чтец (или хор): Яко весть Госпóдь путь прáведных, и путь нечести́вых поги́бнет.

Хор: Аллилýїа, аллилýїа, аллилýїа.

Чтец (или хор): Рабóтайте Гóсподеви со стрáхом и рáдуйтеся Емý с трéпетом.

Хор: Аллилýїа, аллилýїа, аллилýїа.

Чтец (или хор): Блажéни вси надéющiися Нань.

Хор: Аллилýїа, аллилýїа, аллилýїа.

Чтец (или хор): Воскреснѝ, Гóсподи, спасѝ мя, Бóже мой.

Хор: Аллилýїа, аллилýїа, аллилýїа.

Чтец (или хор): Госпóдне есть спасéнiе, и на лю́дех Твои́х благословéнiе Твоé.

Хор: Аллилýїа, аллилýїа, аллилýїа.

Чтец: Слáва Ѻтцý и Сы́ну и Святóму Дýху.

Хор: Аллилýїа, аллилýїа, аллилýїа.

Хор: И ны́не и при́сно и во вéки векóв, ами́нь.

Хор: Аллилýїа, аллилýїа, аллилýїа.

Аллилýїа, аллилýїа, аллилýїа, слáва Тебé Бóже. (трúжды)

Гóсподи, поми́луй. (3 раза)

Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.

ГОСПОДИ ВОЗЗВАХ, ГЛАС 8

Хор: Гóсподи, воззвáх к Тебè, услы́ши мя./ Услы́ши мя, Гóсподи./ Гóсподи, воззвáх к Тебè, услы́ши мя:/ вонми́ глáсу молéнія моегó,/ внегдá воззвáти ми к Тебè./ Услы́ши мя, Гóсподи.

Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.

[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещè и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебè, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.

[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моè, печáль мою́ пред Ним возвещý. Внегдá исчезáти от менè дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менè: поги́бе бéгство от менè, и несть взыскáяй дýшу мою́. Воззвáх к Тебè, Гóсподи, рех: Ты есѝ уповáнiе моè, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менè.

На 10 Чтец: Изведù из темнúцы дýшу мою́,// исповéдатися úмени Твоемý.

Стiхúры воскрéсные, глас 8: Вечéрнюю песнь, и словéсную слýжбу,/ Тебè, Хрїстè, принóсим,/ я́ко благоволи́л еси́// поми́ловати нас Воскресéнiем.

Менè ждут прáведницы,// дóндеже воздáси мне.

Стiхúра: Гóсподи, Гóсподи,/ не отвéржи нас от Твоегó лицá,// но благоволи́ поми́ловати нас Воскресéнiем.

На 8. Стiх: Из глубины́ воззвáх к Тебè, Гóсподи,// Гóсподи, услы́ши глас мой.

Стiхúра: Рáдуйся, Сióне Святы́й,/ мáти церквéй, Бóжiе жили́ще,/ Ты бо прiя́л еси́ пéрвый,// оставлéнiе грехóв, Воскресéнiем.

Да бýдут ýши Твоù// внéмлюще глáсу молéнiя моегó.

И҆́ны стiхúры анатóлiевы: Éже от Бóга Отцá Слóво,/ прéжде век Рóждшееся, в послéдняя же временá,/ Тóежде от Неискусобрáчныя воплóщшееся вóлею,/ распя́тiе смéртное претерпè:/ и дрéвле умерщвлéннаго человéка спасè// Свои́м Воскресéнiем.

На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.

Стiхúры Попрáзднства, глас 4: Возноси́му Тебè, Влады́ко, на Крест,/ совознéсл еси́ пáдшее адáмово естествó все;/ сегó рáди вознося́ще/ пречи́стый Крест Твой, Человеколю́бче,/ от вы́шнiя Твоея́ крéпости/ прóсим, зовýще:/ спаси́, Вы́шнiй, я́ко Бог Ми́лостив,/ почитáющiя честнóе и светонóсное// Твоегó Крестá божéственное вознесéнiе.

И҆́мене рáди Твоегó потерпéх Тя, Гóсподи, потерпè душá моя́ в слóво Твоè,// уповá душá моя на Гóспода.

Стiхúра: Псалóмски ны́не предзря́ще/ поднóжiе Твоé, Влады́ко,/ идéже нóги Твоя́ стоя́ша пречи́стыя,/ днесь любóвiю почитáем Крест Твой пречестны́й/ и, вознося́ще благочести́во,/ мóлим Тя, взывáюще:/ Вы́шнiй, вся Крестóм Твои́м Божéственным освяти́в,/ Твоегó неизречéннаго благоутрóбiя// причáстники покажи́ и благодáти.

На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.

Стiхúра: Я́ко непобеди́мому орýжiю,/ щитý непребори́му/ и я́ко ски́птру Божéственному,/ поклони́мся Крестý Твоемý, Хрїстè, пресвятóму,/ и́мже мiр спасéся,/ и ликýет Адáм;/ земны́х собóри, сегó пéсньми благохвáляще почитáем/ и, тогó Божéственное воздви́женiе совершáюще,// очищéнiя прóсим.

Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.

Стiхúры Прп. Евмéнiя, глас 4: Дýшу и тéло твоè/ от страстéй очи́стив,/ Святáго Дýха дом был еси́,/ и свящéнных мáстiю/ себè украси́л еси́,/ предстáтель изя́щный был еси́, Евмéнiе,/ и собесéдник святы́х Áнгелов,/ и слáвы Госпóдни наслéдник,// и молéбник о хвáлящих тя.

На 2. Стiх: Хвалúте Гóспода вси язы́цы, похвалúте Егó вси лю́дiе.

Стiхúра: Преслáвное житiè твоè,/ добродéтельми просвети́вшееся,/ и чудéс просiя́ свéтлостьми,/ и благослáвна тя концéм, всеблажéнне, содéла,/ и свети́льника непрелéстна,/ и святы́х единосéльна,/ и грáда святáго граждани́на iерáрха,/ Áнгелов сограждани́на,// чудотвóрче достослáвне.

Яко утвердúся мúлость Егó на нас,// и и҆́стина Госпóдня пребывáет во век.

Стiхúра: Кри́тское удобрéнiе,/ горти́нскаго председáтеля,/ Цéркве непоколеби́мое основáнiе,/ iерáрха Евмéнiя,/ в чудесéх величáйшаго,/ и в си́лах мнóгих бы́вша преслáвнаго,/ и просвети́вша сýщая во мрáце сердцá,/ я́ко свети́льника вéрных,// велеглáсно, сошéдшеся, почти́м.

Слáва Отцý и Сыну и Святóму Дýху.

Воздвúженiя, глас 2, самоглáсен (Феофáново): Божéственное сокрóвище, в земли́ скрывáемо,/ Жизнодáвца Крест,/ на небесéх показáся царю́ благочести́вому/ и побéды на враги́ подписáнiе явля́ет разýмно;/ егóже, рáдуяся, вéрою и любóвiю, божéственно востéк к высотè зрéнiя,/ тщáнiем же тогó от земны́х недр изнесè,// во избавлéнiе мíра и спасéнiе душ нáших.

И ны́не и прúсно и во вéки векóв, амúнь.

Догмáтик. Глас 8: Царь Небéсный за человеколю́бiе на земли́ яви́ся,/ и с человéки поживè:/ от Дéвы бо Чи́стыя плоть прiéмый,/ и из Нея́ прошéдый с воспрiя́тiем./ Еди́н есть Сын, сугýб естествóм,/ но не Ипостáсiю./ Тéмже совершéнна Тогó Бóга/ и совершéнна Человéка вои́стину проповéдающе,/ исповéдуем Хрїстá Бóга нáшего:/ Егóже моли́, Мáти Безневéстная,// поми́ловатися душáм нáшим.

СВЕТЕ ТИХИЙ

Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстè! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.

ПРОКИМЕН ВОСКРЕСНЫЙ

Чтец: Прокíмен, глас шесты́й: Госпóдь воцари́ся, в лéпоту облечéся.

Хор: Госпóдь воцарúся,/ в лéпоту облечéся. (Пс.92:1А)

Чтец: Облечéся Госпóдь в си́лу и препоя́сася. (Пс.92:1Б)

Хор: Госпóдь воцарúся,/ в лéпоту облечéся.

Чтец: И҆́бо утверди́ вселéнную, я́же не подви́жится. (Пс.92:1В)

Хор: Госпóдь воцарúся,/ в лéпоту облечéся.

Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)

Хор: Госпóдь воцарúся,/ в лéпоту облечéся.

Чтец: Госпóдь воцари́ся.

Хор: В лéпоту облечéся.

Гóсподи, поми́луй. (40 раз)

Слáва Ѻтцý и Сыну и Святóму Дýху, и ны́не и при́сно и во вéки векóв, аминь.

СПОДОБИ ГОСПОДИ

Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.

Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.

Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.

Гóсподи, поми́луй. (12 раз)

Слáва Ѻтцý и Сы́ну и Святóму Дýху, и ны́не и присно и во вéки векóв, аминь.

ЛИТИЯ

Стiхúры Попрáзднства, глас 2: Днесь Крест Хрїстóв/ вознóсится,/ живонóсное Дрéво,/ на нéмже Плóтiю распя́тся,// вся призывáя.

Рáдуйся, вéрных/ храни́ло Божéственное,/ необори́мая стенó,/ Крéсте Госпóдень,// и́мже от земли́ вознесóхомся.

Прiиди́те вéсело,/ целýем вси/ живонóсное Дрéво,/ на нéмже распрострéся// Хрїстóс, Избавлéнiе.

Слáва Ѻтцý и Сы́ну и Святóму Дýху и ны́не и прúсно и во вéки векóв, амúнь.

Попрáзднства. Глас 4 (Анатóлiя): Светосiя́нен звездáми óбраз/ предпоказá, Крéсте, побéду одолéнiя/ благочести́вому царю́ вели́кому,/ егóже мáти Елéна изобрéтши,/ ми́ру явлéнна сотвори́,/ и, тя днесь воздви́жуще, вéрных ли́цы, зовéм:/ просвети́ ны свéтлостiю твоéю,/ Крéсте живонóсный,/ освяти́ ны крéпостiю твоéю,/ всечестны́й Крéсте,/ и утверди́ ны воздви́женiем твои́м,// воздвигáемый ко ополчéнiю врагóв.

Гóсподи, поми́луй. (40 раз)

Слáва Ѻтцý и Сыну и Святóму Дýху, и ны́не и при́сно и во вéки векóв, аминь.

СТИХИРЫ НА СТИХОВНЕ

Чтец (Стiхúры воскрéсные, глас 8): Возшéл еси́ на Крест, Iисýсе,/ снизшéдый с Небесè,/ пришéл еси́ на смерть, Животé Безсмéртный,/ к сýщим во тьме Свет и҆́стинный,/ к пáдшым всех Воскресéнiе,// просвещéнiе, и Спáсе наш, слáва Тебè.

Стiх: Госпóдь воцарúся, в лéпоту облечéся.

И҆́ны по алфавúту, глас 8: Хрїстá славослóвим, воскрéсшаго от мéртвых:/ дýшу бо и тéло прiéм,/ стрáсти отъобою́ду отсечè,/ пречи́стей ýбо души́ во ад сошéдшей,/ егóже и плени́:/ во грóбе же истлéнiя не ви́де святóе тéло,// Избáвителя душ нáших.

Стiх: И҆́бо утвердù вселéнную,/ я́же не подвúжется.

Псалмы́ и пéсньми славослóвим, Хрїстè,/ от мéртвых Твоè Воскресéнiе:/ и҆́мже нас свободи́л еси́ мучи́тельства áдова,/ и я́ко Бог даровáл еси́ жизнь вéчную,// и вéлiю ми́лость.

Стiх: Дóму Твоемý подобáет святы́ня, Гóсподи,/ в долготý днiй.

О Влады́ко всех Непостижи́ме,/ Твóрче небесè и земли́,/ крестóм пострадáвый, мне безстрáстiе источи́л еси́:/ погребéнiе же прiéм, и воскрéс во слáве,/ совоскреси́л еси́ Адáма рукóю всеси́льною./ Слáва Твоемý триднéвному востáнiю,/ и҆́мже даровáл еси́ нам вéчную жизнь,/ и очищéнiе грехóв,// я́ко Еди́н Благоутрóбен.

Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.

Попрáзднства. Глас 4 (Анатóлiя): Честнáго Крестá, Хрїстè, дéйство прообрази́в, Моисéй/ победи́ проти́внаго Амали́ка в пусты́ни Сiнáйстей:/ егдá бо простирáше рýце, Крестá óбраз творя́,/ укрепля́хуся лю́дiе;/ ны́не же вещéй сбытiè в нас испóлнися,/ днесь Крест воздвизáется,/ и дéмони бéгают,/ днесь тварь вся от тли свободи́ся,/ вся бо Крестá рáди возсiя́ша нам даровáнiя./ Тéмже, рáдующеся, вси/ припáдаем Тебè, глагóлюще:// я́ко возвели́чишася делá Твоя́, Гóсподи, слáва Тебè.

Молитва святаго Симеона Богоприимца

Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоè,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.

Трисвятое по Отче наш

Святы́й Бóже, Святый Крéпкiй, Святый Безсмéртный, поми́луй нас.(3 раза)

Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.

Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.

Гóсподи, поми́луй. (трúжды)

Слáва Ѻтцý и Сы́ну и Святóму Дýху, и ны́не и присно и во вéки векóв, аминь.

Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.

Гóсподи, Iисýсе Хрїстè, Сы́не Бóжiй, поми́луй нас. Ами́нь.

Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Двáжды)

Тропáрь Крестá, глас 1: Спасѝ, Гóсподи, лю́ди Твоя́/ и благословѝ достоя́нiе Твоè,/ побéды правослáвным хрїстiáнам на сопроти́вныя дáруя// и Твоè сохраня́я Крестóм Твои́м жи́тельство.

[ц.ч.]Спаси́, Гóсподи, лю́ди Твоя́/ и благослови́ достоя́нiе Твоè,/ побéды грядýщему рýсскому Царю́ и правослáвным хрїстiáнам на сопроти́вныя дáруя// и Твоè сохраня́я Крестóм Твои́м жи́тельство.

Бýди и҆́мя Госпóдне благословéно от ны́не и до вéка. (Трúжды)

Псалом 33

Благословлю́ Гóспода на вся́кое врéмя,/ вы́ну хвалá Егó во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практитке пропускается]/ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.

И глаголи ýтреню

всенощное бдение, 17 ytltkz, 8 ukfc, глас 8, vbhcrbv xbyjv, 31 октября, мирским чином, великая вечерня, 17 ytltkz gj gznbltcznybwt, самогласен, Попразднство Воздвижения, 17 неделя по Пятидесятнице, Феофаново, преподобного Евмения, 4(3/1) на 3 на 3/8 на Господи воззвах, неделя по Воздвижении, анатолия, служба мирским чином, 8 глас, прп. Евмения, ukfc 8

Previous post Next post
Up