БЛАГОВЕЩЕНИЕ ПРЕСВЯТОЙ БОГОРОДИЦЫ. ВСЕНОЩНОЕ БДЕНИЕ УТРЕНЯ (ок-ние) ЧАС ПЕРВЫЙ. Служба мирским чином
7 апрéля 2023 гóда. Пя́тница 6-й седмúцы, вáiй. Благовéщенiе Пресвятóй Богорóдицы. Воскрéсная прáздничная слýжба для домáшнего (келéйнаго) совершéнiя. Послéдованiе ýтрени (окончáнiе). Пéрвый час.
Окончáнiе всенóщного бдéнiя. Начáло здесь ( велúкое повечéрiе), здесь ( ýтреня) здесь ( продолжéнiе ýтрени с канóном)
ПЕСНЬ 8
Iрмóс: Слы́ши, Отрокови́це, Де́во чи́стая,/ да рече́т у́бо Гаврiи́л/ сове́т Вы́шняго дре́внiй и́стинный:/ бу́ди к прiя́тiю готóва Бóжiю,/ Тобóю бо Невмести́мый с челове́ки поживе́./ Тем и, ра́дуяся вопiю́:// благослови́те, вся дела́ Госпóдня, Гóспода.
Хор: Пресвятáя Богорóдице, спасù нас.
Богорóдица речé: Ум всяк побежда́ется земны́х, - отвеща́ Деви́ца, -/ и́щущи, я́же Мне веща́еши, пресла́вная:/ слы́шах твоя́ словеса́, но бою́ся, ужаса́ющися,/ да не ле́стiю Мя, я́ко Е́ву, дале́че пóслеши от Бóга./ Но оба́че се вопiю́// благослови́те, вся дела́ Госпóдня, Гóспода и превозноси́те Егó во ве́ки.
На 12.Хор: Благословúте, вся делá Госпóдня, Гóспода,/ пóйте и превозносúте Егó во вéки.
Áнгел возопú: Се Тебе́ недоуме́нное разреши́ся, - глагóлет к сим Гаврiи́л, - дóбре бо рекла́, еси́, вещь неудобопости́жна./ Словесе́м Твои́х усте́н повину́ющися прóчее,/ не сумни́ся, я́ко ле́сти, я́коже ве́щи, ве́руй./ Аз бо, ра́дуяся, вопiю́:// благослови́те, вся дела́ Госпóдня, Гóспода и превозноси́те Егó во ве́ки.
Хор: Благословúте, Áнгели Госпóдни, Небесá Госпóдня, Гóспода,/ пóйте и превозносúте Егó во вéки.
Богорóдица речé: Закóн сей от Бóга есть челове́ком, - Непорóчная а́бiе глагóлет, -/ от óбщiя любве́ рождествó происхóдит./ Не вем супру́жника сла́сти всеконе́чно,/ ка́ко, у́бо глагóлеши, я́ко рожду́?/ Бою́ся, еда́ лесть глагóлеши?/ Но оба́че се вопiю́:// благослови́те, вся дела́ Госпóдня, Гóспода и превозноси́те Егó во ве́ки.
На 10.Хор: Благословúте, вóды вся, я́же превы́ше Небéс, вся сúлы Госпóдни, Гóспода,/ пóйте и превозносúте Егó во вéки.
Áнгел возопú: Глагóлы, я́же мне веща́еши, Чи́стая, -/ А́нгел па́ки глагóлет, -/ обы́чая есть рождества́ челове́ков сме́ртных,/ и́стинно Бóга Тебе́ обещава́ю,/ па́че слóва же и смы́сла воплоща́ема, я́ко весть, из Тебе́./ Те́мже и, ра́дуяся, вопiю́:// благослови́те, вся дела́ Госпóдня, Гóспода и превозноси́те Егó во ве́ки.
Хор: Благословúте, сóлнце и мéсяц, звéзды небéсныя, Гóспода,/ пóйте и превозносúте Егó во вéки.
Богорóдица речé: Явля́ешися Мне и́стины веща́тель, - рече́ Де́ва, -/ ра́дости бо óбщiя прише́л еси́ благове́стник./ Ду́шу у́бо очи́стих с те́лом, и по глагóлу твоему́ бу́ди Мне,/ да всели́тся Бог в Мя, к Нему́же вопiю́ с тобóю:/ благослови́те, вся дела́ Госпóдня, Гóспода и превозноси́те Егó во ве́ки.
ПЕРВЫЙ ТРИПЕСНЕЦ ТРИОДИ, ГЛАС 4
На 8.Хор: Благословúте, вся птúцы небéсныя, звéрiе и вси скóти, Гóспода,/ пóйте и превозносúте Егó во вéки.
Чтец: Воскресе́нiе и живóт иму́ще жены́ любе́зное, что рыда́ете гóрько?/ И́дет оживи́ти бли́жняго дру́га, свои́м Воскресе́нiем,// воста́нiе всех провозвеща́яй, Все́х Благоде́тель.
Хор: Благословúте, сы́нове человéчестiи, да благословúт Iзрáиль Гóспода,/ пóйте и превозносúте Егó во вéки.
Чтец: Жили́ща мона́хов собери́теся я́ко а́гнцы слове́снiи,/ Началопа́стыря Хрiста́ усря́щите,/ ны́не ве́тви нося́ще: предгряде́т вóлею, я́ко а́гнец закла́тися Госпóдь,// я́ко да от вóлча изме́т мучи́тельства.
На 6.Хор: Благословúте, свящéнницы Госпóдни, рабú Госпóдни, Гóспода,/ пóйте и превозносúте Егó во вéки.
Чтец: Гряду́щу Ти к Виффаги́и, топта́нiе Твои́х ног,/ враг ощуща́ше ад, и нога́ма Ла́заревыма прикаса́шеся, глагóля:/ а́ще восхóщет зва́ти Тя Жи́знь, не облени́ся, но изы́ди:// разуме́х бо мое́ разруше́нiе вскóре.
Хор: Благословúте, дýси и дýши прáведных,/ преподóбнiи и смирéннiи сéрдцем, Гóспода,/ пóйте и превозносúте Егó во вéки.
Богорóдичен: Свяще́ннiи гла́си тя́ прорóков пропове́дуют обра́зно,/ две́рь, и гóру, и се́нь, зе́млю святу́ю, све́тлый óблак:/ из негóже су́щим во тьме́ и се́ни седя́щим, возсiя́ сóлнце, Де́во,// Еди́н Светода́тель.
ИНЫЙ ТРИПЕСНЕЦ ТРИОДИ, ГЛАС 8
На 4.Хор: Благословúте Анáнiя, Азáрiя, Мiсаúл, Гóспода,/ пóйте и превозносúте Егó во вéки.
Чтец: Двóица ученик пóсланная привести́ подъяре́мника на óблацех Восходя́щему,// Его́же вся́ пою́т, и превознóсят во вся́ ве́ки.
Хор: Благословúте, апóстоли, прорóцы и мýченицы Госпóдни, Гóспода,/ пóйте и превозносúте Егó во вéки.
Чтец: При две́рех Хрiстóс, прóчее Вифа́нiе не се́туй:/ в ра́дость бо преложи́т плачь твой, твое́ воспита́нiе воздви́г Ла́заря из грóба,// пою́ща и превознося́ща Хрiста́ во ве́ки.
Благословúм Отцá, и Сы́на, и Святáго Дýха, Гóспода.
Трóичен: Еди́н Бог у́бо Трóица,/ ни Отцу́ изступи́вшу в сыновствó,/ ниже́ Сы́ну премени́вшуся во исхожде́нiе:// но свóйственная и обое́, свет Бóга Три́, сла́влю во ве́ки.
И ны́не и прúсно и во вéки векóв. Амúнь.
Богорóдичен: Еди́на нетле́нная ражда́еши,/ Еди́на дои́ши младе́нца небра́чная,/ Еди́на Зижди́теля ражда́еши и Влады́ку Твоегó, а́ще и Ма́терь и Раба́:// Тя́ Де́во Ма́ти пое́м во ве́ки.
Хор: Слáва Тебé, Бóже наш, слáва Тебé.
Чтец: Сады́ доброде́телей,/ и чу́вственно ве́твьми я́ко сугу́ба Хрiста́ уготóвимся вси прiя́ти, носи́ма на жребя́ти:// Егóже превознóсим во вся́ ве́ки.
Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя (Трióди, глас 8): А́нгели и Небеса́,/ на престóле сла́вы седя́щаго/ и я́ко Бóга непреста́нно сла́вимаго,// благослови́те, пóйте и превозноси́те Егó во ве́ки.
Вóзглас: Благовествýй, землé, рáдость вéлiю,/ хвалúте, Небесá, Бóжiю слáву.
ПЕСНЬ 9
Iрмóс: Я́ко одушевле́нному Бо́жiю кiво́ту,/ да ника́коже ко́снется рука́ скве́рных./ Устне́ же ве́рных, Богоро́дице, немо́лчно,/ глас А́нгела воспева́юще,/ с ра́достию да вопию́т:/ ра́дуйся, Благода́тная,// Госпо́дь с Тобо́ю.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Iрмóс: Я́ко одушевле́нному Бо́жию киво́ту,/ да ника́коже ко́снется рука́ скве́рных./ Устне́ же ве́рных, Богоро́дице, немо́лчно,/ глас А́нгела воспева́юще,/ с ра́достию да вопию́т:/ ра́дуйся, Благода́тная,// Госпо́дь с Тобо́ю.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Чтец: Па́че смы́сла заче́нши Бо́га, естества́ обы́чая утаи́ся, Отрокови́це,/ Ты бо в рождестве́ ма́терскаго избежа́ла еси́ тле́ннаго естества́/ и превы́шши су́щи./ Те́мже досто́йно слы́шиши:// ра́дуйся, Благода́тная, Госпо́дь с Тобо́ю.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Чтец: Ка́ко то́чиши млеко́, Де́во Чи́стая, не мо́жет изрещи́ язы́к зе́млен,/ стра́нну бо естества́ показу́еши вещь, зако́ннаго рождества́ уста́в прехо́диши./ Те́мже досто́йно слы́шиши:// ра́дуйся, Благода́тная, Госпо́дь с Тобо́ю.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Чтец: Та́йно во свяще́нных писа́ниих/ глаго́лася о Тебе́, Ма́ти Вы́шняго,/ ле́ствицу бо дре́вле Иа́ков, Тя образу́ющую, ви́дев, рече́:/ степе́нь Бо́жия сия́./ Те́мже досто́йно слы́шиши:// ра́дуйся, Благода́тная, Госпо́дь с Тобо́ю.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Чтец: Чу́дное священноявле́нному Моисе́ю/ купина́ и огнь показа́ чу́до,/ ища́й же конца́ в прехожде́нии време́н, во Отрокови́це чи́стей, рече́, узрю́./ Е́йже, я́ко Богоро́дице, да рече́тся:// ра́дуйся, Благода́тная, Госпо́дь с Тобо́ю.
ПЕРВЫЙ ТРИПЕСНЕЦ ТРИОДИ, ГЛАС 4
Хор: Слáва Тебé, Бóже наш, слáва Тебé.
Чтец: Се предвозгласи́л еси́ Iису́се, взы́дем ко гра́ду свято́му,// и рука́ма убíйц вои́стинну преда́мся Кресту́, уби́тися пло́тiю.
Хор: Слáва Тебé, Бóже наш, слáва Тебé.
Чтец: От сме́рти хотя́ Сло́ве, восхи́тити дру́га Твоего́,/ пло́тию умертви́тися на́с ра́ди пригвожда́ешися,// челове́ки обезсмертвля́я ве́рныя, Еди́не Безсме́ртне.
Хор: Слáва Тебé, Бóже наш, слáва Тебé.
Чтец: Ва́иа целому́дрия принесе́м Хрiсту́,/ на жребя́ти смири́вшуся пло́тию, и рце́м Ему́:// на стра́сть прише́дый, благослове́н еси́ Спа́се.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Богорóдичен: Стра́шное твое́ рожде́ние, Богоро́дице Ма́ти Христа́:/ те́мже Тя́ блажи́м ве́рно,// и сла́вим че́стно, ро́дове родо́в во ве́ки, ами́нь.
ИНЫЙ ТРИПЕСНЕЦ ТРИОДИ, ГЛАС 8
Хор: Слáва Тебé, Бóже наш, слáва Тебé.
Чтец: Ны́не посыла́я ученики́, Христо́с рече́:/ отреши́вше мне́ жребя́ приведи́те все́сти,// да разрешу́ язы́ки от безслове́сия, и покорю́ я́ко Сы́н Отцу́.
Хор: Слáва Тебé, Бóже наш, слáва Тебé.
Чтец: Гряде́т Госпо́дь, отве́рзи твоя́ две́ри Вифа́ние, приими́ ве́рою влады́ку:/ и́бо гряде́т воскреси́ти от гро́ба Ла́заря,// я́ко еди́н всеси́лен.
Хор: Пресвятáя Трóице, Бóже наш, слáва Тебé.
Тропáрь: Трисия́нное Го́споди Твоего́ единонача́лия, све́тлыми сия́ньми,/ у́м на́ш облиста́я,// от ле́сти многообра́зныя обраща́ет на́с к соедини́тельному обоже́нию.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Богорóдичен: Ра́дуйся Пала́то все́х Царя́, Е́юже Ца́рство Небе́сное отве́рзеся су́щим на земли́,// Богоро́дице Де́во, и со А́нгелы житие́.
Хор: Слáва Тебé, Бóже наш, слáва Тебé.
Тропáрь: В пусты́нях и гора́х, и в верте́пех су́щии,/ прииди́те собери́теся с на́ми ваиено́сцы, сре́сти Царя́ и Влады́ку:// гряде́т бо спасти́ ду́ши на́ша.
Катавáсiя (Трióди, глас 8): Проявле́нное на горе́ законополо́жнику во огни́ и купине́,/ Рождество́ Присноде́вы в на́ше ве́рных спасе́ние,// пе́сньми немо́лчными велича́ем.
Хор: Благовествýй, землé, рáдость вéлiю,/ хвалúте, Небесá, Бóжiю слáву.
Катавáсiя (глас 4): Я́ко одушевле́нному Бо́жiю кiво́ту,/ да ника́коже ко́снется рука́ скве́рных./ Устне́ же ве́рных, Богоро́дице, немо́лчно,/ глас А́нгела воспева́юще,/ с ра́достию да вопию́т:/ ра́дуйся, Благода́тная,// Госпо́дь с Тобо́ю.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
СВЕТИЛЕН ПРАЗДНИКА
Светúлен Благовéщенiя: А́нгельских сил Архистрати́г/ по́слан бысть от Бо́га Вседержи́теля к Чи́стей и Де́ве/ благовести́ти стра́нное и неизрече́нное чу́до:/ зане́ Бог, я́ко Челове́к, из Нея́ младоде́йствуется без се́мене,/ назида́яй весь челове́ческий род.// Лю́дие, благовести́те обновле́ние ми́ра.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Ин светúлен Благовéщенiя: Е́же от ве́ка днесь познава́ется та́инство Бо́жие:/ Бог Сло́во Сын Де́вы Мари́и за милосе́рдие быва́ет,/ и ра́дость благове́щения Гаврии́л провещава́ет./ С ни́мже возопие́м Ей:// ра́дуйся, Ма́ти Госпо́дня.
ХВАЛИТНЫ
Хор, глас 1: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егó в вы́шних.// Тебé подобáет песнь Бóгу.
Хвали́те Егó вси áнгели Егó,/ хвалите Егó вся си́лы Егó.// Тебé подобáет песнь Бóгу.
[В приходской практике пропускается до стихир]Хвали́те Егó, сóлнце и лунá, хвали́те Егó, вся звéзды и свет. Хвали́те Егó Небесá небéс и водá, я́же превы́ше небéс. Да восхвáлят и҆́мя Госпóдне: я́ко Той речé, и бы́ша, Той повелé, и создáшася. Постáви я́ в век и в век вéка, повелéнiе положи́, и не ми́мо и҆́дет. Хвали́те Гóспода от земли́, змíеве и вся бéздны: огнь, град, снег, гóлоть, дух бýрен, творя́щая слóво Егó, гóры и вси хóлми, древá плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiи́ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогó Еди́наго, исповéданiе Егó на земли́ и на небеси́. И вознесéт рог людéй Свои́х, песнь всем преподóбным Егó, сыновóм Iзрáилевым, лю́дем, приближáющымся Емý.
[В приходской практике пропускается до стихир]Воспóйте Гóсподеви песнь нóву, хвалéнiе Егó в цéркви преподóбных. Да возвеселится Iзрáиль о сотвóршем Егó, и сы́нове Сióни возрáдуются о Царé своéм. Да восхвáлят и҆́мя Егó в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечи́ обою́ду остри́ в рукáх их: сотвори́ти отмщéнiе во языцех, обличéнiя в лю́дех, связáти цари́ их пýты, и слáвныя их ручными окóвы желéзными,
[Пропускается до стихир]Сотвори́ти в них суд напи́сан:/ слáва сiя бýдет всем преподóбным Егó. Хвали́те Бóга во святых Егó,/ хвали́те Егó в утвержéнiи си́лы Егó.
На 6: Хвалúте Егó на сúлах Егó, хвалúте Егó по мнóжеству велúчествiя Егó.
Стiхúра: С Небе́сных круго́в слете́в Гаврии́л в Назаре́т, / прии́де к Де́ве Мари́и, / вопия́ Ей: ра́дуйся! / Зачне́ши Сы́на, Ада́ма дре́внейшаго, / Творца́ веко́в и Изба́вителя / вопию́щих Тебе́: // ра́дуйся, Чи́стая.
Хвалúте Егó во глáсе трýбнем, хвалúте Егó во псалтúри и гýслех.
Стiхúра: Соприсносу́щное Сло́во Пребезнача́льного Отца́,/ не разлучи́вся Го́рних,/ ны́не предста́ до́льным, ра́ди кра́йняго благоутро́бия,/ ми́лость прие́м, е́же на ны поползнове́ния,/ и, Ада́мову нищету́ восприе́м,// вообрази́ся в чужде́е.
На 4. Хвалúте Егó в тимпáне и лúце, хвалúте Егó во стрýнах и оргáне.
Стiхúра: Гаврии́л, Де́ве благове́стие с Небесе́ прине́с,/ вопия́ше: ра́дуйся!/ Зачне́ши во чре́ве Твое́м/ Тобо́ю вмести́маго,/ Невмести́маго же все́ми,/ и ражда́ющая яви́шися// от Отца́ пре́жде денни́цы возсия́вшаго.
Хвалúте Егó в кимвáлех доброглáсных, хвалúте Егó в кимвáлех восклицáнiя. Всякое дыхáнiе да хвáлит Гóспода.
Стiхúра: Пресу́щественное Сло́во,/ пло́тию всели́вся в Тя/ О́тчим сове́том, Богоро́дице Де́во,/ назда́ род, и́же по нам,/ па́дший от дре́вния кля́твы./ Тем - е́же ра́дуйся - Тебе́ вси, Ма́ти Христо́ва,// со А́нгелом вопие́м ве́рно.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Глас 2: Е́же от ве́ка та́инство открыва́ется днесь,/ и Сын Бо́жий Сын челове́чь быва́ет,/ да, ху́ждшее восприе́м, пода́ст ми лу́чшее./ Солга́ся дре́вле Ада́м,/ и Бог, возжеле́в бы́ти, не бысть:/ Челове́к быва́ет Бог,/ да бо́га Ада́ма соде́лает./ Да весели́тся тварь, да ликовству́ет естество́,/ я́ко Арха́нгел Де́ве со стра́хом предстои́т/ и - е́же ра́дуйся - прино́сит, печа́ли сопроти́вное./ За милосе́рдие ми́лости вочелове́чивыйся,/ Бо́же наш, сла́ва Тебе́.
Возглас: Слáва Тебé, показáвшему нам свет.
Славословие вседневное
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстé, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцá, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцá, ами́нь.
На всяк день благословлю́ Тя и восхвалю́ и҆́мя Твоé во вéки, и в век вéка.
Сподóби, Гóсподи, в день сей без грехá сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоé во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри: Тебé подобáет хвалá, Тебé подобáет пéнiе, Тебé слáва подобáет, Отцý, и Сы́ну, и Святóму Дýху, ны́не и при́сно, и во вéки векóв, ами́нь.
Гóсподи поми́луй (12 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
СТИХИРЫ НА СТИХОВНЕ
Стiхúры Трióди, глас 1: Презре́вши душе́ моя́ Боже́ственных пома́заний,/ объя́та была́ еси́ козньми́ врага́,/ свои́м хоте́нием преда́вшися тли́,/ и отягчи́вшися от греха́ мно́гаго,/ Боготка́нную оде́жду оскверни́ла еси́./ И неукра́шену ца́рскому бра́ку сотвори́ла еси́./ Но да не со грехо́м привлече́шися,/ и покрове́нна оде́ждею страсте́й возле́гши, вины́ вхо́да возда́си,/ и черто́га изгна́на бу́деши, Спа́су возопи́й:/ стра́шное о́ко, приимы́й е́же е́смь, и е́же бы́л еси́ не оста́вивый,/ и пре́жде Креста́ хлами́дою поруга́ния, мене́ ра́ди облеки́йся,/ вре́тище мое́ расто́ргни, и в весе́лие облецы́,/ и тьмы́ вне́шния, и пла́ча ве́чнаго изба́ви мя́,// и поми́луй мя́.
Стiх: Испо́лнихомся зау́тра ми́лости Твоея́ Го́споди, и возра́довахомся, и возвесели́хомся, во вся дни на́ша возвесели́хомся, за дни в ня́же смири́л ны еси́, ле́та в ня́же ви́дехом зла́я, и при́зри на рабы́ Твоя́, и на дела́ Твоя́, и наста́ви сы́ны их.
Стiхúра: Презре́вши душе́ моя́ Боже́ственных пома́заний,/ объя́та была́ еси́ козньми́ врага́,/ свои́м хоте́нием преда́вшися тли́,/ и отягчи́вшися от греха́ мно́гаго,/ Боготка́нную оде́жду оскверни́ла еси́./ И неукра́шену ца́рскому бра́ку сотвори́ла еси́./ Но да не со грехо́м привлече́шися,/ и покрове́нна оде́ждею страсте́й возле́гши, вины́ вхо́да возда́си,/ и черто́га изгна́на бу́деши, Спа́су возопи́й:/ стра́шное о́ко, приимы́й е́же е́смь, и е́же бы́л еси́ не оста́вивый,/ и пре́жде Креста́ хлами́дою поруга́ния, мене́ ра́ди облеки́йся,/ вре́тище мое́ расто́ргни, и в весе́лие облецы́,/ и тьмы́ вне́шния, и пла́ча ве́чнаго изба́ви мя́,// и поми́луй мя́.
Стiх: И бу́ди све́тлость Го́спода Бо́га на́шего на нас, и дела́ рук на́ших испра́ви на нас, и де́ло рук на́ших испра́ви.
Мýченичен: Страстоте́рпцы Христо́вы,/ прииди́те лю́дие вси́ почти́м,/ пе́сньми и пе́ньми духо́вными,/ свети́ла ми́ра, и пропове́дники ве́ры,/ исто́чники приснотеку́щия,/ из ни́хже истека́ют ве́рным исцеле́ния./ Те́х моли́твами Христе́ Бо́же на́ш,// ми́р да́руй ми́рови Твоему́,// и душа́м на́шим ве́лию ми́лость.
Слáва Отцý и Сыну и Святóму Дýху.
Глас 8: Душеполе́зную соверши́вше четыредеся́тницу,/ и Святу́ю седми́цу стра́сти Твоея́,/ про́сим ви́дети Человеколю́бче,/ е́же просла́вити в не́й вели́чия Твоя́,/ и неизрече́нное на́с ра́ди смотре́ние Твое́,// единому́дренно воспева́юще: Го́споди сла́ва Тебе́.
И ны́не и прúсно и во вéки векóв. Амúнь.
Стiхúра Благовéщенiя, глас 8 (Iоáнна монáха): Да веселя́тся Небеса́, и ра́дуется земля́,/ и́бо Отцу́ Соприсносу́щный, Собезнача́льный и Сопресто́льный,/ щедро́тство прие́м и человеколю́бную ми́лость,/ Себе́ поста́ви во истоща́ние/ благоволе́нием и сове́том О́тчим/ и во утро́бу всели́ся Деви́чу, предочище́нную Ду́хом./ О, чудесе́!/ Бог в челове́цех, Невмести́мый в ложесна́х, Безле́тный в ле́то,/ и е́же пресла́внее, я́ко и зача́тие безсе́менно,/ и истоща́ние несказа́нно, и та́инство ели́ко./ Бог бо истощава́ется, и воплоща́ется, и зи́ждется,/ А́нгелу к Чи́стей зача́тие глаго́лавшу:/ ра́дуйся, Обра́дованная, Госпо́дь с Тобо́ю,// име́яй ве́лию ми́лость.
Чтец: Бла́го есть испове́датися Го́сподеви, и пе́ти И́мени Твоему́, Вы́шний: возвеща́ти зау́тра ми́лость Твою́, и и́стину Твою́ на вся́ку нощь.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжїй, поми́луй нас. Ами́нь.
Тропáрь Благовéщенiя, глас 4: Днесь спасéнiя нáшего глави́зна/ и éже от вéка тáинства явлéнiе:/ Сын Бóжiй Сын Дéвы бывáет,/ и Гаврiи́л благодáть благовествýет./ Тéмже и мы с ним Богорóдице возопiи́м:/ рáдуйся, Благодáтная,// Госпóдь с Тобóю.
Гóсподи поми́луй (40 раз)
Небе́сный Царю́, ве́ру утверди́, язы́ки укроти́, мир умири́, святы́й храм сей до́бре сохрани́: пре́жде отше́дшия отцы́ и бра́тию на́шу в селе́ниих пра́ведных учини́, и нас в покая́нии и испове́дании приими́, я́ко Благи́й и Человеколю́бец.
Молитва святаго Ефрема Сирина
Гóсподи и Влады́ко животá моегó, дух прáздности, уны́нiя, любоначáлiя, и празднослóвiя не даждь ми. (Земнóй поклóн.)
Дух же целомýдрiя, смиренномýдрiя, терпéнiя, и любвé, дáруй ми рабý Твоемý. (Земнóй поклóн.)
Ей, Гóсподи Царю́, дáруй ми зрéти моя прегрешéнiя, и не осуждáти брáта моегó, яко благословéн еси во вéки векóв, аминь. (Земнóй поклóн.)
ПЕРВЫЙ ЧАС
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 5
Глагóлы моя́ внушѝ, Гóсподи, разумéй звáнiе моé. Вонмѝ глáсу молéнiя моегó, Царю́ мой и Бóже мой, яко к Тебé помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Яко Бог не хотя́й беззакóнiя, Ты есѝ: не присели́тся к Тебé лукáвнуяй, нижé пребýдут беззакóнницы пред очи́ма Твои́ма: возненави́дел еси вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг моих рáди испрáви пред Тобóю путь мой. Яко несть во устéх их и҆́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, яко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебé лю́бящiи имя Твоé. Яко Ты благослови́ши прáведника, Гóсподи: яко орýжiем благоволéнiя венчáл еси нас.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты еси. Не отвратѝ человéка во смирéнiе, и рекл еси: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, и҆́же мимои́де, и стрáжа нощнáя. Уничижéнiя их лéта бýдут. Утро яко травá мимои́дет, ýтро процветéт и прéйдет: на вéчер отпадéт ожестéет и и҆́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л еси беззакóнiя нáша пред Тобóю: век наш в просвещéнiе лицá Твоегó. Яко вси днíе нáши оскудéша, и гнéвом Твоим исчезóхом, лéта нáша яко паучи́на поучáхуся. Днíе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегó, и от стрáха Твоегó, я́рость Твою исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы́ Твоя. Испóлнихомся заýтра ми́лости Твоея, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны еси, лéта в ня́же ви́дехом злáя. И при́зри на рабы́ Твоя́, и на делá Твоя, и настáви сы́ны их. И бýди свéтлость Гóспода Бóга нáшего на нас, и делá рук нáших испрáви на нас, и дéло рук нáших испрáви.
Псалом 100
Ми́лость и суд воспою́ Тебé, Гóсподи. Пою́ и разумéю в путѝ непорóчне, когдá прiи́деши ко мне? Прехождáх в незлóбiи сéрдца моегó посредé дóму моегó. Не предлагáх пред очи́ма мои́ма вещь законопрестýпную: творя́щыя преступлéнiе возненави́дех. Не прильпé мне сéрдце стропти́во, уклоня́ющагося от менé лукáваго не познáх. Оклеветáющаго тай и҆́скренняго своегó, сегó изгоня́х: гóрдым óком, и несы́тым сéрдцем, с сим не ядя́х. Ѻ́чи моѝ на вéрныя землѝ, посаждáти я́ со мнóю: ходя́й по путѝ непорóчну, сей ми служáше. Не живя́ше посредé дóму моегó творя́й горды́ню, глагóляй непрáведная, не исправля́ше пред очи́ма мои́ма. Во ýтрiя избивáх вся грéшныя землѝ, еже потреби́ти от грáда Госпóдня вся дéлающыя беззакóнiе.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, помúлуй. (3 раза)
Слáва Отцý и Сы́ну и Святóму Дýху.
Тропáрь Благовéщенiя, глас 4: Днесь спасéнiя нáшего глави́зна и éже от вéка тáинства явлéнiе: Сын Бóжiй Сын Дéвы бывáет, и Гаврiи́л благодáть благовествýет. Тéмже и мы с ним Богорóдице возопiи́м: рáдуйся, Благодáтная, Госпóдь с Тобóю.
И ны́не и прúсно и во вéки векóв. Амúнь.
Богорóдичен: Что Тя наречéм, о Благодáтная? Нéбо, я́ко возсiя́ла есѝ Сóлнце Прáвды. Рай, я́ко прозяблá есѝ цвет нетлéнiя. Дéву, я́ко пребылá есѝ нетлéнна. Чи́стую Мáтерь, яко имéла есѝ на святы́х Твои́х объя́тiях Сы́на, всех Бóга. Тогó молѝ спасти́ся душáм нáшим.
Стопы́ моя́ напрáви по словесѝ Твоемý и да не обладáет мнóю вся́кое беззакóнiе. Избáви мя от клеветы́ человéческiя, и сохраню́ зáповеди Твоя́. Лицé Твоé просветѝ на рабá Твоегó и научѝ мя оправдáнiем Твои́м.
Да испóлнятся устá моя хвалéнiя Твоегó, Гóсподи, я́ко да воспою́ слáву Твою́, весь день великолéпiе Твоé.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сыне Бóжїй, поми́луй нас. Ами́нь.
КОНДАК
Кондáк Благовéщенiя, глас 8: Взбрáнной Воевóде победи́тельная, я́ко избáвльшеся от злы́х, благодáрственная восписýем Ти́ раби́ Твои́, Богорóдице; но я́ко имýщая держáву непобеди́мую, от вся́ких нас бед свободи́, да зовéм Ти́: рáдуйся, Невéсто Неневéстная.
Гóсподи, помилуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Молитва святаго Ефрема Сирина
Гóсподи и Влады́ко животá моегó, дух прáздности, уны́нiя, любоначáлiя, и празднослóвiя не даждь ми. (Земнóй поклóн.)
Дух же целомýдрiя, смиренномýдрiя, терпéнiя, и любвé, дáруй ми рабý Твоемý. (Земнóй поклóн.)
Ей, Гóсподи Царю́, дáруй ми зрéти моя прегрешéнiя, и не осуждáти брáта моегó, яко благословéн еси во вéки векóв, аминь. (Земнóй поклóн.)
Хрїстé, Свéте И҆́стинный, просвещáяй и освящáяй вся́каго человéка, грядýщаго в мiр, да знáменается на нас свет лицá Твоегó, да в нем ýзрим Свет Непристýпный: и испрáви стопы́ нáша к дéланiю зáповедей Твои́х, моли́твами Пречи́стыя Твоея́ Мáтере, и всех Твои́х святы́х, ами́нь.
Кондáк, глас 8: Взбрáнной Воевóде победи́тельная,/ я́ко избáвльшеся от злы́х,/ благодáрственная восписýем Ти́ раби́ Твои́, Богорóдице;/ но я́ко имýщая держáву непобеди́мую,/ от вся́ких нас бед свободи́, да зовéм Ти́:// рáдуйся, Невéсто Неневéстная.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
Хрїстé, и҆́стинный Бóже наш, моли́твами пречи́стыя Твоея́ Мáтере и всех святы́х, поми́луй и спасᴎ́ нас, я́ко Благ и Человеколю́бец.
С утрá чти часы 3-й, 6-й, 9-й и обéдницу