Цуд на Каляды

[galinaeditor]

Я ўжо расказвала пра адну дзіўную зьяву, якая здарылася нядаўна ў маёй кватэры. Пэўна тая зьява мае нейкія фізычныя падставы, і яе можна вытлумачыць законамі прыроды. Аднак гэта адзіны такі "прыземлены" выпадак, бо ўсе астатнія дзівосы, якія адбываліся ў маім жыцьці, маюць містычны характар, і навукова вытлумачыць іх немагчыма, прынамсі зь

Comments

[vushasti]

Нічога дзіўнага - просты цуд :)

[galinaeditor]

Ага, ПРОСТЫ цуд!
Як сухая вада, як мяккі камень, як гарачы лёд...

[vushasti]

Дык кажуць, што ў гэтым сутнасць веры: успрымаць менавіта так, як ёсць: і полымя, якое не паліць, і па вадзе, як па сухому...
Дарэчы, а Вы слова стрымалі перад Богам?)

[galinaeditor]

У прынцыпе - стрымала. Дзеці хрышчоныя.
Але я доўга шукала, куды ўладкаваць сваю хісткую веру, шмат чытала і вывучала. Ні праваслаўя, ні каталіцтва мая дума не прымала. З часам я прыхілілася да пратэстанцкай царквы.
Дзяцей вадзіла на казаньні, каб слухалі. Спачатку дачка прыняла хрышчэньне, а потым і сын вырашыў хрысьціцца, і я разам зь ім. У некаторых пратэстанцкіх цэрквах гэта нармальная зьява - хрысьціцца сьвядома і ў сьвядомым узросьце.

Пра свае стасункі з царквою я калі-небудзь абавязкова напішу. Складаныя стасункі. Рытуалаў ніколі не прымала, і цяпер не прымаю.
Апярэджваючы свой аповед, скажу, што ўжо 2 гады я ў царкву не хаджу. І болей не пайду. Перарасла я гэта. Усявышні ня ў цэрквах - вось мая выснова. Але гэта складаная тэма і пісаць пра яе буду вельмі асьцярожна. Да таго ж у мяне ў сябрах шмат шчырых вернікаў. Вы, мяркую, таксама зь іх?

Звычайны цуд

[vitaly68]

Калі-б, апынуўшыся ў цяжкім становішчы, Вы зьвярнуліся з просьбай да бацькі, які моцна Вас любіць: "Татачка, родненькі, прашу цябе, дапамажы мне, калі ласка!", хіба ён адштурхнуў-бы Вас? Хіба не дапамог-бы дзіцяці, нават калі праблема была-б не такая ўжо й сур'ёзная? Чаму-ж тады Вы пішаце: "У гэта немагчыма паверыць! Так не бывае! Таму што ня можа такога быць"?

Re: Звычайны цуд

[galinaeditor]

"Татачка, родненькі" - рэальны, я яго бачыла сваімі вачамі.

Я верыла толькі ў матэрыяльнае, а ўсё астатняе - "опіюм для народу".

Мне і цяпер той выпадак падаецца цудам, у які вельмі цяжка паверыць. Калі б потым не пацягнуўся ланцужок іншых дзівосаў, я б з часам стала ўспрымаць гэты цуд проста як зьбег абставінаў.

Опіюм для народу

[vitaly68]

"Я радыяцыі ня бачу, значыць яе няма".
"Адзін мяшок пшаніцы, адзін баран, адзін рубель - гэта я разумею. А камплексны лік "і" я памацаць не магу. Значыць, гэта зусім поўная абстрацыя. Вы бачылі калі "і" рублёў?"

Re: Опіюм для народу

[galinaeditor]

Параўналі! Камплексным лікам ніхто ня моліцца, дамоў пакланеньня ім не будуюць, грошай зь іх не "стрыгуць".
А вы што, адразу нарадзіліся зь вераю ва Ўсявышнага? І ніколі не было сумневаў?

[lianina_minsk]

Ведаю людзей. якія карыстаюцца дапамогай сусьвету и без хрышчэння... І дапамагае

[galinaeditor]

Гэта ня дзіва. Проста на той час я лічыла, што Ўладар сусьвету - гэта менавіта хрысьціянскі Бог, а калі верыш у яго - трэба хрысьціцца. Цяпер у мяне нашмат больш інфармацыі, але я пакуль не хачу варушыць той пласт ведаў і дзяліцца зь іншымі - таму што ён, гэты пласт, яшчэ недастаткова грунтоўны.

[lianina_minsk]

Разумею. Я таксама праз хрысціянства прайшла. Перахварэла. Але не стану хаяць а ні сваіх, ні чужых багоў, хаця свой пагляд на царкву ужо злажыла.