Загадкі Мінскага капішча. Ці быў дуб “Волатам”?

[zmicierbielapol]

Cфармуляваў думкі пра пэўную неадпаведнасць некаторых звестак пра Мінскае капішча. Невялікі этна-гістарычны дэтэктыў. Ёсць сумненні ў тым, што дуб меў назву "Волат", ахвярнік - "Жыжа", і нават ёсць пытанні пра камень "Дзед". Мяркую, што мог іх прыдумаць Міхаіл Кацар. Гэтаму і прысвячаецца тэкст "Загадкі Мінскага капішча. Ці быў дуб “Волатам”?".

Comments

[uladzimer]

Слушныя назіраньні і высновы. Шчыра кажучы, інфармацыя пра "класічнае" менскае капішча бянтэжыла даўно...

[zmicierbielapol]

Дзякуй! Вось і ў мяне "класічнае" апісанне выклікае пэўныя пытанні. Некаторыя з іх нарэшце агучыў. Як мне распавялі, у іншых сацыяльных сетках ужо назіралася абурэнне з нагоды тэкста.

[uladzimer]

Абурэньне замест пісьменнай спробы разабрацца - тыповая беларуская рэакцыя як з боку аматараў "паганскай мінуўшчыны", так і з боку нібыта прафесіяналаў. Памятаю шчырае абурэньне Васілевіча, калі крытыкнулі "пантэон" Шпілеўскага. Маўляў, маскалі хочуць адабраць нашых паганскіх багоў, бо зайздросьцяць.)

[zmicierbielapol]

Так. Ды й крытыку не ўмеюць уважліва чытаць і адпаведныя высновы рабіць. З тым жа Шпілеўскім варта было не перадрукоўваць у тысячны раз звесткі, але зрабіць адэкватны крытычны разгляд, што чыстая прыдумка, а што было ўзята з рэальных крыніц. Леўкіеўская ў гэтым сэнсе слушна адзначыла, што гэта незвычайная фальсіфікацыя, а больш складаная з'ява

[bulbaed]

Дык ці было гэта капішчам? Ці проста адзін з многіх шанаваных камянёў?

[zmicierbielapol]

У стандартным разуменні, мяркую, што не. Па апісаннях, гэта адзін з многіх шанаваных камянёў, але не проста камянёў, а ў комплексе. Што таксама не ёсць унікальнай з'явай, бо нярэдка сустракаецца комплекс "гара-крыніца", "гара-камень", "камень-крыніца" і т.п. Таксама вядома, што на такіх аб'ектах маглі быць агароджы, навесы і іншыя канструкцыі. "Мінскае капішча" у гэтым сэнсе нічым не вылучаецца.

Адзіная дэталь, што адрознівае - гэта звесткі пра дынастыю "святароў", якая асблугоўвала комплекс. Вось гэта сапраўды вылучае.