Каруру

[volhafranco]

Кажу маме, паедзем да сваякоў на каруру, трэба будзе як-небудзь і цябе звазіць, а то ты такога яшчэ не ведаеш. Яна кажа, як так, каруру я ела, памятаю. Але ж тое іншая справа. Каруру (націск на апошні склад) - гэта і страва (асноўны інгрыдыент - бамія, або яшчэ завецца окра, у Беларусі не сустракала, то можаце ў гугле глянуць), і сьвята.

Comments

[ofeliya666]

А што, прыйшоў нехта без запрашэння)
Жадзі тааааак!)))))) Помнім))))

[volhafranco]

ну ўвогуле асобна нікога не запрашаюць, проста ўсе ведаюць, што апошняя суботу кастрычніка - каруру, значыцца, узгадалі - прыйшлі. ну ці там суседзі пачулі, што сёньня - таксама падцягнуліся. нам таксама запрашэньняў не дасылалі, але мы загадзя ўдакладнялі, ці будзе і ў які дакладна дзень, бо не памяталі, таму як бы паведамілі, што будзем, але ўвогуле гэта не абавязкова.

[branislavawna]

які цікавы дом! :)

і жадзі класная :)

[huli_tam]

як цікава!! пра бразільскія сьвяты і традыцыі зусім нічога не ведаю, твой ЖЖ як акно ў іншы свет. здымак (дзіцячы партрэт) як retablo.

а карура хутчэй вясёлая-ўтульная ці хутчэй ўрачыстая-рэлігійная?

окра прадаецца ў Львове ў афрыканскім краме, а мяне з ёй J пазнаёміў ў Польшчы, мы там з яе рабілі рагу

[volhafranco]

карура - мае бацькі таксама так перайначваюць
вясёлая-ўтульная, дакладна. мне падаецца, малітва неяк быццам больш па інэрцыі, бо так прынята, але неяк без фанатызму асаблівага.
окра крутая, праўда? рагу таксама робяць, а для гэтай стравы з рэдкіх інгрыдыентаў трэба яшчэ алей дэндэ, гэта пальмавы алей нерафінаваны, можа ў афрыканскай краме таксама і знойдзецца, ён такі жоўта-карычневы, можа памаранчавы.

[huli_tam]

а пальмавый алей вельмі адрозніваецца ад сланечнікавага?

[volhafranco]

вельмі, там смак вельмі моцны і спецыфічны, не ведаю, з чым параўнаць можна. без яго зусім не тое. ну і калі пальмавы алей сьветлы, рафінаваны, напэўна, таксама ня пойдзе.

[zoi_ka]

Не, ну, цудоўна ж!..
Яшчэ асабліва забаўна праводзіць паралелі. Напрыклад, рытуальнай стравы каруру з куцьцёй.
Усе мы ўсё роўна з аднаго агульна дрэва параслі...