Неделя 12 по Пятидесятнице. Попразднство Успения Богородицы ВСЕНОЩНОЕ БДЕНИЕ.ВЕЛИКАЯ ВЕЧЕРНЯ глас 3
4 сентября́ 2022 гóда. Недéля 12 по Пятидеся́тнице. Попрáзднство Успéнiя Пресвятóй Богорóдицы. Мч. Агафонúка и úже с ним. Глас 3. Послéдованiе Всенóщнаго бдéнiя для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святы́й Крéпкiй, Святый Безсмéртный, помилуй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Гóсподи, поми́луй, (12 раз.)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стихú избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýіа, аллилýіа, аллилýіа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читаем либо кафúсму 1-ю (1-ю cтатию(«Блажен муж» - 1-й антифон.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрiстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поем стiхú избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýіа, аллилýіа, аллилýіа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýіа, аллилýіа, аллилýіа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýіа, аллилýіа, аллилýіа.
Чтец (или хор): Блажéни вси надéющiися Нань.
Хор: Аллилýіа, аллилýіа, аллилýіа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýіа, аллилýіа, аллилýіа.
Чтец (или хор): Госпóдне есть спасéнiе, и на лю́дех Твои́х благословéнiе Твоé.
Хор: Аллилýіа, аллилýіа, аллилýіа.
Чтец: Слáва Ѻтцý и Сы́ну и Святóму Дýху.
Хор: Аллилýіа, аллилýіа, аллилýіа.
Хор: И ны́не и при́сно и во вéки векóв, ами́нь.
Хор: Аллилýіа, аллилýіа, аллилýіа.
Аллилýіа, аллилýіа, аллилýіа, слáва Тебé Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 3
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведú из темнúцы дýшу мою́,// исповéдатися и҆́мени Твоемý.
Стiхúры воскрéсные, глас 3: Твои́м Крестóм, Хрiстé Спáсе, смéрти держáва разруши́ся, и диáволя прéлесть упраздни́ся, род же человéческiй, вéрою спасáемый, песнь Тебé всегдá принóсит.
Менé ждут прáведницы,// дóндеже воздáси мне.
Стiхúра: Просвети́шася вся́ческая Воскресéнiем Твои́м, Гóсподи, и рай пáки отвéрзеся, вся же тварь восхваля́ющи Тя, песнь Тебé всегдá принóсит.
На 8. Стiх: Из глубины́ воззвáх к Тебé, Гóсподи,// Гóсподи, услы́ши глас мой.
Стiхúра: Слáвлю Отцá и Сы́на си́лу, и Святáго Дýха пою́ власть, нераздéльное, несоздáнное Божествó, Трóицу Единосýщную, цáрствующую в век вéка.
Да бýдут ýши Твоú// внéмлюще глáсу молéнiя моегó.
И҆́ны стiхúры анатóлiевы: Крестý Твоемý честнóму покланя́емся, Хрiстé,/ и Воскресéнiе Твоé поéм и слáвим.// Рáною бо Твоéю мы вси исцелéхом.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúры Попрáзднства Успéнiя, глас 8: О, преслáвнаго чудесé!/ И́же Бóга плóтiю Неискусомýжно рóждши/ и Дéва пребы́вши,/ от житiя́ преставля́ется/ и, приврéменныя жи́зни отходя́щи,/ к нестарéемей преложи́ся./ Тéмже стекáются на óблацех днесь/ Хрiстóвы ученицы́ и апóстоли// к погребéнiю Ея́.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: Днесь свéтло торжествó,/ благопремени́мся вси,/ со Áнгелы слáвяще/ честнóе преставлéнiе Мáтере Бóга нáшего:/ святýю бо и светонóсную дýшу/ предáвши в рýце Сы́на,/ с Ним совокупля́ется в жи́зни присносýщней,// духóвно всегдá моля́щи о нас прилéжно.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Прiиди́те мы́сленно,/ предвари́м Гефсимáнiю честнýю/ и святы́й дом слáвнаго телесé Мáтере Бóга нáшего./ Со апóстолы благоухáемся/ и со Áнгелы песнослóвим:/ еди́на бо бысть рáдость днесь/ сýщим на земли́ и Небеси́// во успéнiи Ея́.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра мýченика Агафонúка, глас 4: Пéрвую блáгость/ и пáче умá красотý ищá, Агафони́че,/ рáдуяся, пошéл еси́/ к предлежáщим дóблественне подвигóм,/ и, сплéтся со врагóм,/ мýжески о зéмлю разрази́л еси́,/ и побéды свéтел исплéл еси́ венéц,// моля́ Человеколю́бца о воспевáющих тя.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Мýдростiю укрáшен,/ слóво животóчно источи́л еси́,/ обращáя несмы́сленныя,/ обличáя мучи́теля,/ многобóжiя бýрю утишáя,/ утверди́л еси́ вéрныя/ пребывáти в Бóжiей благодáти./ Тéмже лю́тая претерпéв опалéнiя,// к Вы́шнему Цáрству венценóсец востéкл еси́.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Крóвiю кáплей/ терпели́ваго твоегó страдáнiя/ Влады́це предстáл еси́ жéртва благовóнна,/ чи́сто заколéнiе,/ благопрiя́тен дар, свящéнно приношéнiе/ и свящéнiе совершéнно непорóчно./ Тéмже моли́твами твои́ми/ цéрковное исполнéнiе в мíре соблюди́,// страдáльче Агафони́че.
Слáва Отцý и Сыну и Святóму Дýху.
Стiхúра мýченика, глас 1: Тезоимéнне назвáлся еси́,/ благíя побéды тезоимени́т,/ Агафони́че многострадáльне:/ Божéственным бо желáнiем уязви́вся,/ и́дольския лéсти и мучи́тельскiя отвéргся,/ к жи́зни некончáемей пресла́вно прешéл еси́./ Тéмже в слáвней твоéй пáмяти,/ дерзновéнiе имы́й к Бóгу,// моли́ спасти́ся душáм нáшим.
И ныне и прúсно и во вéки векóв, амúнь.
Богорóдичен, глас 3: Кáко не диви́мся/ Богомýжному Рождествý Твоемý, Пречестнáя?/ Искушéния бо мýжескаго не приéмши, Всенепорóчная,/ родилá бо еси́ без Отцá Сы́на плóтiю./ Прéжде век от Отцá рождéннаго без мáтере,/ никáкоже претерпéвшаго изменéнiя,/ или́ смешéнiя, или́ разделéнiя,/ но обою́ существý свóйство цéло сохрáншаго./ Тéмже, Мáти Дéво Влады́чице,/ Тогó моли́ спасти́ся душáм,// правослáвно Богорóдицу исповéдающих Тя.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сына и Святáго Дýха, Бóга. Достóин еси во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
Гóсподи, поми́луй. (40 раз)
Слáва Отцý и Сыну и Святóму Дýху, и ныне и присно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры Попрáзднства Успéнiя, глас 2: Пéсньми Твоé/ честнóе и богопрiя́тное тéло/ провождáюще,/ Божéственнiи апóстоли вопiя́ху:// камо ны́не и́деши, Влады́чице?
Прiиди́те, земноро́днiи,/ состáвим лик,/ исхóдная вопiю́ще/ в преставлéнiи// Богорóдице днесь.
Земля у́бо Твои́м погребéнiем/ благослови́ся, Дéво,/ возду́х же восхождéнiем/ освяти́ся стрáнным,// закóном умирáющи естествá.
Слáва Ѻтцý и Сы́ну и Святóму Дýху и ны́не и прúсно и во вéки векóв, амúнь.
Глас 2: Вси земнорóднiи,/ стецéмся усéрдно/ со Безплóтными/ погребсти́ рóждшую// Творцá твáри.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Стiхúра воскрéсная, глас 3: Стрáстiю Твоéю, Хрiстé,/ омрачи́вый сóлнце/ и свéтом Твоегó Воскресéнiя,/ просвети́вый вся́ческая,// прiими́ нáшу вечéрнюю песнь, Человеколю́бче.
Стiх: Госпóдь воцарúся,/ в лéпоту облечéся.
И҆́ны по алфавúту, глас 3: Живопрiéмное Твоé востáнiе, Гóсподи,/ вселéнную всю просвети́,/ и Твоé создáнiе истлéвшее призвá./ Тéмже кля́твы Адáмовы измéншеся, вопiéм:// Всеси́льне Гóсподи, слáва Тебé.
Стiх: И҆́бо утвердú вселéнную,/ я́же не подвúжется.
Бог сый неизмéнен,/ плóтiю страждá измени́лся еси́,/ Егóже тварь не терпя́щи ви́сяща зрéти,/ стрáхом прекланя́шеся,/ и стеня́щи поéт Твоé долготерпéнiе:/ сошéд же во ад, триднéвен воскрéсл еси́,// жизнь дáруя мíрови, и вéлiю ми́лость.
Стiх: Дóму Твоемý подобáет святы́ня, Гóсподи,/ в долготý днiй.
Да род наш от смéрти, Хрiстé, избáвиши,/ смерть претепéл еси́:/ и триднéвен из мéртвых воскрéс,/ с Собóю воскреси́л еси́,/ и́же Тя Бóга познáвших:/ и мир просвети́л еси́.// Гóсподи, слáва Тебé.
Слáва Отцу и Сыну и Святóму Духу.
Стiхúра мýченика, глас 8, самоглáсен: Тезоимéнно звáнiе прiéм благи́х сокрóвищ,/ храм себé освяти́л еси́, мýчениче Агафони́че,/ за всех Царя́ в мýках закóнно подви́гся,/ лю́таго врагá низложи́л еси́ си́лу/ и, побéды взем пóчесть,/ венценóсец в Вы́шних Бóгу предстои́ши,/ Егóже и моли́ти не престáй о чтýщих тя,// мýчеников удобрéнiе.
И ныне и присно и во веки векóв. Аминь.
Стiхúра Попрáзднства Успéнiя, глас 8: Уверя́я Iисýс, Сын Твой, Богорóдице, и Бог наш/ два естествá Своя́,/ я́ко ýбо человéк умирáет,/ и я́коже Бог востаéт./ И Тя, Богомáти, закóном естествá умрéти благоизвóли,/ да не невéрным привидéнiе мни́тся смотрéнiе,/ прешлá бо еси́ к Небéсней странé, Небéсная Невéсто,/ я́ко от чертóга селéнiя Твоегó от земли́ взятá./ Освяти́ся воздýх восхождéнiем Твои́м,/ я́ко просвети́ся земля́ рождествóм Твои́м,/ предпосылáют апóстоли, и Áнгели подъéмлют./ Тéмже, погрéбше пречи́стое тéло Твоé/ и надгрóбное пéнiе воспéвше,/ ужáсно зря́ху и со стрáхом глагóлаху:/ сiя измéна десни́цы Вы́шняго,/ Той бо посреди́ Тебé, и не подви́жешися./ Но, о Многопéтая Мáти,/ не отступáй, нас назирáющи:/ мы бо лю́дiе Твои́ и óвцы пáжити Твоея́,/ и и҆́мя Твоé призывáем,// прося́ще Тебé рáди спасéнiя и вéлiя ми́лости.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святы́й Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Двáжды)
Тропáрь Успéния, глас 1: В рождествé дéвство сохрани́ла eси́,/ во успéнiи мíра не остáвила eси́, Богорóдице,/ престáвилася eси́ к животý, Мáти сýщи Животá,// и моли́твами Твои́ми избавля́еши от смéрти дýши нáша.
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[в приходской практитке пропускается]/Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню