ПРЕОБРАЖЕНИЕ ГОСПОДНЕ. ВСЕНОЩНОЕ БДЕНИЕ. ВЕЛИКАЯ ВЕЧЕРНЯ. Служба мирским чином. ЯБЛОЧНЫЙ СПАС.
19 áвгуста 2022 гóда. Преображéнiе Госпóда Спáса нáшего Iисýса Хрїстá. Воскрéсная прáздничная слýжба для домáшнего (келéйнаго) совершéнiя. Всенóщное бдéнiе состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном. (Яблочный Спас)
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святы́й Крéпкiй, Святый Безсмéртный, помилуй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Гóсподи, поми́луй, (12 раз.)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стихú избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýіа, аллилýіа, аллилýіа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
ГОСПОДИ ВОЗЗВАХ, ГЛАС 8
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[в приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[в приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
[Пропускается до стихир]На 10 Чтец: Изведú из темнúцы дýшу мою,// исповéдатися úмени Твоемý. Менé ждут прáведницы,// дóндеже воздáси мне.
На 8. Стiх: Из глубины́ воззвáх к Тебе, Гóсподи,// Гóсподи, услы́ши глас мой.
Стiхиры прáздника, самоглáсны, глас 4: Прéжде Крестá Твоегó, Гóсподи,/ горá Небеси́ подóбящися,/ и óблак, я́ко сень, протязáшеся,/ Тебé преобразу́ющуся,/ от Отцá же свидéтельствуему:/ тáмо бе Петр со Iáковом и Iоáнном,/ я́ко хотя́ху бы́ти с Тобóю и во врéмя предáнiя Твоегó,/ да, ви́девше чудесá Твоя́,/ не устрашáтся страдáнiй Твои́х,/ и҆́мже поклони́тися нам в ми́ре сподóби,// вели́кiя рáди Твоея́ ми́лости.
Да бýдут ýши Твоú// внéмлюще глáсу молéнiя моегó.
Стiхúра: Прéжде Крестá Твоегó, Гóсподи,/ горá Небеси́ подóбящися,/ и óблак, я́ко сень, протязáшеся,/ Тебé преобразу́ющуся,/ от Отцá же свидéтельствуему:/ тáмо бе Петр со Iáковом и Iоáнном,/ я́ко хотя́ху бы́ти с Тобóю и во врéмя предáнiя Твоегó,/ да, ви́девше чудесá Твоя́,/ не устрашáтся страдáнiй Твои́х,/ и҆́мже поклони́тися нам в ми́ре сподóби,// вели́кiя рáди Твоея́ ми́лости.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúра: Прéжде Крестá Твоегó, Гóсподи,/ пои́м ученики́ на гóру высóку,/ преобрази́лся еси́ пред ни́ми,/ лучéю си́лы озаря́я их,/ отсю́ду ýбо человеколю́бiем,/ отонýду влáстiю,/ показáти хотя́ воскресéнiя свéтлость,/ егóже и нас, Бóже, в ми́ре сподóби,// я́ко Ми́лостив и Человеколю́бец.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: Прéжде Крестá Твоегó, Гóсподи,/ пои́м ученики́ на гóру высóку,/ преобрази́лся еси́ пред ни́ми,/ лучéю си́лы озаря́я их,/ отсю́ду ýбо человеколю́бiем,/ отонýду влáстiю,/ показáти хотя́ воскресéнiя свéтлость,/ егóже и нас, Бóже, в ми́ре сподóби,// я́ко Ми́лостив и Человеколю́бец.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Горá, я́же, иногдá мрáчна и ды́мна,/ ны́не же честнá и святá есть,/ на нéйже нóзе Твои́ стоя́сте, Гóсподи,/ превéчное бо сокровéнное тáинство/ напослéдок явлéно сотвори́,/ стрáшное Твоé преображéнiе,/ Петрý, и Iоáнну, и Iáкову./ И҆́же, таковá сiя́нiя лицá Твоегó не терпя́ще/ и свéтлости риз Твои́х,/ ниц на лицé земли́ покрывáхуся,/ и҆́же и ýжасом одержи́ми, дивля́хуся,/ ви́дяще Моисéя и Iлiю́, глагóлюща с Тобóю,/ хотя́щая приключи́тися Тебé;/ и глас от Отцá свидéтельствоваше, глагóля:/ Сей есть Сын Мой возлю́бленный,/ о Нéмже благоизвóлих,/ Тогó послýшайте,// И҆́же и дáрует мíрови вéлiю ми́лость.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Горá, я́же, иногдá мрáчна и ды́мна,/ ны́не же честнá и святá есть,/ на нéйже нóзе Твои́ стоя́сте, Гóсподи,/ превéчное бо сокровéнное тáинство/ напослéдок явлéно сотвори́,/ стрáшное Твоé преображéнiе,/ Петрý, и Iоáнну, и Iáкову./ И҆́же, таковá сiя́нiя лицá Твоегó не терпя́ще/ и свéтлости риз Твои́х,/ ниц на лицé земли́ покрывáхуся,/ и҆́же и ýжасом одержи́ми, дивля́хуся,/ ви́дяще Моисéя и Iлiю́, глагóлюща с Тобóю,/ хотя́щая приключи́тися Тебé;/ и глас от Отцá свидéтельствоваше, глагóля:/ Сей есть Сын Мой возлю́бленный,/ о Нéмже благоизвóлих,/ Тогó послýшайте,// И҆́же и дáрует мíрови вéлiю ми́лость.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: На горé высóце преобрáжся, Спас,/ верхóвныя имéя ученики́,/ преслáвно облистáл есть,/ показýя, я́ко высотóю добродéтелей облистáвше/ и Божéственней слáве сподóбятся./ Глагóлющiи со Хрiстóм Моисéй и Iлiя покáзоваху,/ я́ко живы́ми и мéртвыми обладáет/ и и҆́же дрéвле закóном и прорóки глагóлавый есть Бог,/ Емýже и глас Отéч из óблака свéтла послýшествоваше, глагóлющiй:/ Тогó послýшайте,/ И҆́же Крестóм áда плени́вша// и мéртвым дáрующа живóт вéчный.
Яко утвердúся мúлость Егó на нас,// и úстина Госпóдня пребывáет во век.
Стiхúра: На горé высóце преобрáжся, Спас,/ верхóвныя имéя ученики́,/ преслáвно облистáл есть,/ показýя, я́ко высотóю добродéтелей облистáвше/ и Божéственней слáве сподóбятся./ Глагóлющiи со Хрiстóм Моисéй и Iлiя покáзоваху,/ я́ко живы́ми и мéртвыми обладáет/ и и҆́же дрéвле закóном и прорóки глагóлавый есть Бог,/ Емýже и глас Отéч из óблака свéтла послýшествоваше, глагóлющiй:/ Тогó послýшайте,/ И҆́же Крестóм áда плени́вша// и мéртвым дáрующа живóт вéчный.
Слáва Ѻтцý и Сы́ну и Святóму Дýху и ны́не и прúсно и во вéки векóв, амúнь.
Глас 6: Прообразу́я воскресе́нiе Твое́, Хрiсте́ Бóже,/ тогдá поя́т три Твоя́ ученики́,/ Петрá, и Iáкова, и Iоáнна,/ на Фавóр возше́л еси́./ Тебе́ же, Спáсе, преобразу́ющуся,/ Фавóрская горá Све́том покрывáшеся,/ ученицы́ Твои́, Слóве,/ повергóша себе́ дóлу на земли́,/ не терпя́ще зре́ти неви́димаго зрáка,/ А́нгели служáху стрáхом и тре́петом,/ небесá убоя́шася,/ земля́ вострепетá,// ви́дяще на земли́ слáвы Гóспода.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сына и Святáго Дýха, Бóга. Достóин еси во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ВЕЧЕРНИЙ ПРОКИМЕН ДНЯ
Чтец: Прокíмен, глас шесты́й: Пóмощь моя́ от Гóспода, сотвóршаго нéбо и зéмлю.(Пс.102:2)
Хор: Пóмощь моя́ от Гóспода,/ сотвóршаго нéбо и зéмлю.
Чтец: Возведóх óчи мои́ в гóры, отню́дуже прiи́дет пóмощь моя́(Пс.102:1)
Хор: Пóмощь моя́ от Гóспода,/ сотвóршаго нéбо и зéмлю.
Чтец: Пóмощь моя́ от Гóспода.
Хор: Сотвóршаго нéбо и зéмлю.
ПАРЕМИИ
Чтец: Исхóда чтéнiе.
(Из главы 24) Речé Госпóдь к Моисéю: взы́ди ко Мне на гóру и стáни тáмо, и дам ти скрижáли кáменныя, закóн и зáповеди, я́же написáх взакóнити им. И востáв Моисéй и Iису́с, предстоя́й ему́, взыдóша на гóру Бóжiю. И стáрцем речé: безмóлвствуйте тáмо, дóндеже возврати́мся к вам, и се Аарóн и Ор с вáми, áще кому́ прилучи́тся суд, да и́дут к ним. И взы́де Моисéй на гóру, и покры́ óблак гóру. И сни́де слáва Бóжiя на гóру Сiнáйскую, и покры́ ю óблак шесть дней, и призвá Госпóдь Моисéя в день седмы́й из среды́ óблака. Видéнiе же слáвы Госпóдни, я́ко огнь, паля́ на версé горы́, пря́мо сыно́в Iзра́илевых. И вни́де Моисéй посредé óблака, и взы́де на гóру, и бе та́мо на горé, четы́редесять дней и четы́редесять нощéй.
[русский синодальный перевод]И сказал Господь Моисею: взойди ко Мне на гору и будь там; и дам тебе скрижали каменные, и закон и заповеди, которые Я написал для научения их. И встал Моисей с Иисусом, служителем своим, и пошел Моисей на гору Божию, а старейшинам сказал: оставайтесь здесь, доколе мы не возвратимся к вам; вот Аарон и Ор с вами; кто будет иметь дело, пусть приходит к ним. И взошел Моисей на гору, и покрыло облако гору, и слава Господня осенила гору Синай; и покрывало ее облако шесть дней, а в седьмой день [Господь] воззвал к Моисею из среды облака. Вид же славы Господней на вершине горы был пред глазами сынов Израилевых, как огонь поядающий. Моисей вступил в средину облака и взошел на гору; и был Моисей на горе сорок дней и сорок ночей.(Исх.24:12-18)
Чтец: Исхóда чтéнiе.
(Из глав 33-34) Во днех óнех, глагóла Госпóдь к Моисéю лицéм к лицу́, я́ко áще бы кто возглагóлал к своему́ дру́гу, и отсылáшеся в полк; слугá же Iису́с, сын Нави́н, ю́ноша не исхождáше из ски́нiи. И речé Моисéй ко Гóсподу: се Ты мне глагóлеши, изведи́ лю́ди сiя́, Ты же не яви́л ми еси́, егóже пóслеши со мнóю. Ты же мне рекл еси́: вем тя пáче всех, и благодáть и́маши у Менé. А́ще у́бо обретóх благодáть пред Тобóю, яви́ ми Самáго Тебé разу́мно, да ви́жу Тя: я́ко да обрéт бу́ду благодáть пред Тобóю, и да разумéют, я́ко лю́дiе Твои́ язы́к сей. И глагóла ему́ Госпóдь: Аз Сам предыду́ пред тобóю и упокóю тя. И речé к Нему́ Моисéй: áще Сам Ты не шéствуеши с нáми, да не изведéши мя отсю́ду. И кáко вéдомо бу́дет вои́стинну, я́ко обретóх благодáть у Тебé, аз же и лю́дiе Твои́, тóчiю иду́щу Ти с нáми? И прослáвлен бу́ду аз же и лю́дiе Твои́ пáче всех язы́к, ели́цы суть на земли́. Речé же Госпóдь к Моисéю: сié слóво твоé, éже рекл еси́, сотворю́, обрéл бо еси́ благодáть прéдо Мнóю, и вем тя пáче всех. И глагóла Моисéй: покажи́ ми слáву Твою́. И речé: Аз предыду́ пред тобóю слáвою Моéю и воззову́ о и́мени Моéм, Госпóдь пред тобóю. И поми́лую, егóже áще ми́лую, и ущéдрю, его́же áще щéдрю. И речé: не возмóжеши ви́дети лицé Моé: не бо у́зрит человéк лицé Моé, и жив бу́дет. И речé Госпóдь: се мéсто у Менé, и стáнеши на кáмени, до́ндеже у́бо прéйдет слáва Моя́, и положу́ тя в разсéлине кáмене, и покры́ю рукóю Моéю над тобóю, дóндеже мимоиду́. И отыму́ ру́ку Мою́, и тогдá у́зриши зáдняя Моя́, лицé же Моé не яви́т ти ся. И у́треневав, Моисéй зау́тра взы́де на гóру Сiнáйскую, я́коже глагóла ему́ Госпóдь. И сни́де Госпóдь во óблаце, и предстá Ему́ тáмо Моисéй, и призвá и́менем Госпóдним. И мимои́де Госпóдь пред лицéм егó, и призвá: Госпóдь Бог Щедр и Ми́лостив, Долготерпели́в, и Многоми́лостив, и И́стинен. И потщáвся Моисéй, прини́к на зéмлю, поклони́ся Гóсподеви. (Исх.33:11-23,34:4-6,8)
Чтец: Ца́рств трéтiих чтéнiе.
(Из главы 19):Во днех óнех, прiи́де Iлiя́ в Вирсави́ю, я́же есть земля́ Iу́дова, и остáви óтрочища своегó та́мо. И сам пóйде в пусты́ню путь дне, и прiи́де, и сéде под смéрчiем, и у́спе, и сон ви́де тáмо, под сáдом. И се нéкiй прикосну́ся ему́, и речé ему́: востáни, яждь и пiй. И воззрé Iлiя́, и се при возглáвiи егó опреснóк ячмéнный и корчáг воды́; и востá, и ядé, и пит, и, обрáщься, у́спе. И обрáщся А́нгел Госпóдень втори́цею, и косну́ся егó, и речé ему́: востáни, яждь и пiй, я́ко мног от тебé путь. И востá, и ядé, и пит, и и́де в крéпости я́ди тоя́ четы́редесять дней и четы́редесять нощéй до горы́ Хори́вскiя. И вни́де тáмо в пещéру, и всели́ся в ней. И се глагóл Госпóдень к нему́, и речé ему́ Госпóдь: изы́ди и стáни на горé пред Гóсподем. И се Госпóдь мимои́дет, и дух вéлiй и крéпок разоря́я гóры, и сокрушáя кáменiе пред Гóсподем: и не в ду́се Госпóдь. И по ду́се трус, и не в тру́се Госпóдь. И по тру́се огнь, и не во огни́ Госпóдь. И по огни́ глас хлáда тóнка, и тáмо Госпóдь. И бысть, я́ко услы́ша Iлiя́, покры́ лицé своé ми́лотiю своéю, и изы́де, и ста близ пещéры. И речé Госпóдь к нему́: иди́ и возврати́ся в путь твой, и пóйдеши в путь пусты́ни Дамáсковы, и помáжеши Елиссéя, сы́на Асафáтова, вмéсто тебé прорóка. (3Цар.19:3-9,11-13,15-16)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхиры прáздника, самоглáсны, глас 2: И҆́же Све́том Твои́м всю вселе́нную освяти́в,/ на горе́ высо́це преобрази́лся еси́, Блáже,/ показáв ученико́м Твои́м си́лу Твою́,/ я́ко мир избавля́еши от преступле́нiя./ Те́мже вопiе́м Ти:// Милосе́рде Го́споди, спаси́ ду́ши нáша.
И҆́же на горе́ Фаво́рстей преобрáжся во слáве, Хрiсте́ Бо́же,/ и показáв ученико́м Твои́м слáву Твоего́ Божествá,/ озари́ и нас све́том Твоего́ разуме́нiя/ и настáви на стезю́ зáповедей Твои́х,// я́ко еди́н Благ и Человеколю́бец.
И҆́же пре́жде со́лнца Свет Хрiсто́с/ теле́сне на земли́ жи́тельствуя/ и пре́жде Креста́ вся, я́же стрáшнаго смотре́нiя, соверши́в боголе́пно,/ днесь на Фаво́рстей горе́,/ тáйно Тро́ицы о́браз показу́я,/ изя́щныя три ученики́,/ Петрá, и Iáкова, и Iоáнна, на ню возве́л еси́ наедине́/ и, мáло скрыв пло́ти воспрiя́тiе,/ преобрази́лся еси́ пред ни́ми,/ явля́я началообрáзныя добро́ты благоле́пiе/ и то не всесоверше́нно:/ о́во известву́я ты́я, вку́пе и щадя́,/ да не кáко со зрáком и е́же жи́ти погубя́т,/ но я́ко можáху вмещáти, теле́сныма очи́ма стерпя́ще./ И проро́ков верхо́вныя, Моисе́я и Iлiю́, приве́л еси́,/ непрекосло́вне свиде́тельствующия Его́ Божество́/ и я́ко Той есть и́стинное Оте́ческаго Существá сiя́нiе,/ госпо́дствуяй живы́ми и ме́ртвыми./ Тем и о́блак, я́коже сень, объя́т их,/ и глас свы́ше Оте́ч/ из о́блака шу́мно предсвиде́тельствующ и глаго́лющ:/ Сей есть, Его́же нетле́нно из чре́ва пре́жде денни́цы роди́х,/ Сын возлю́бленный Мой,/ Его́же послáх спасти́/ во Отцá и Сы́на и Ду́ха Святáго крещáемыя/ и испове́дающия ве́рно,/ я́ко неразде́льна есть еди́на держáва Божествá,/ Того́ послу́шайте./ Сам у́бо, Человеколю́бче Христе́ Бо́же,/ и нас озари́ Све́том непристу́пныя Твоея́ слáвы/ и досто́йны покажи́ насле́дники// безконе́чнаго Цáрствiя Твоего́, я́ко Преблáг.
Слáва Ѻтцý и Сы́ну и Святóму Дýху.
Глас 5: Прiиди́те, взы́дем на го́ру Госпо́дню/ и в дом Бо́га нáшего/ и у́зрим слáву преображе́нiя Его́,/ слáву я́ко Единоро́днаго от Отцá,/ све́том прiи́мем Свет/ и, возвы́шени бы́вше ду́хом,// Тро́ицу единосу́щную воспои́м во ве́ки.
И ны́не и прúсно и во вéки векóв, амúнь.
Глас 5: Зако́на и проро́ков/ Тя, Хрiсте́, Творцá и Испо́лнителя свиде́тельствоваша,/ зря́ще во о́блаце,/ Моисе́й Богови́дец и Iлiя́ огнеколесни́чник/ и неопáльный небоше́ственник/ в преображе́нiи Твое́м./ С ни́миже и нас Твоего́ просвеще́нiя сподо́би, Влады́ко,// пе́ти Тя во ве́ки.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхиры прáздника, самоглáсны, глас 1): И҆́же дре́вле с Моисе́ом глагóлавый на горе́ Сiнáйстей óбразы,/ Аз есмь, глагóля, Сый,/ днесь на горе́ Фавóрстей преобрáжся пред ученики́,/ показá началообрáзную добрóту зрáка,/ в Себе́ воспрiи́м челове́ческое существó,/ и таковы́я благодáти свиде́тели постáвль - Моисе́я и Iлiю́,/ óбщники творя́ше весе́лiя,/ провозвещáющiя слáвное Крестá рáди// и спаси́тельное воскресе́нiе.
Стих: Твоя́ суть небесá,/ и Твоя́ есть земля́. (Пс.88:12А)
Твоего́ Единоро́днаго Сы́на прови́дев Ду́хом/ плотско́е к челове́ком прише́ствiе,/ Богооте́ц Дави́д издале́ча к весе́лiю созывáет тварь/ и проро́чески взывáет:/ Фаво́р и Ермо́н о И́мени Твое́м возрáдуются./ На сiю́ бо возше́д го́ру, Спáсе, со ученики́ Твои́ми,/ очерне́вшее Адáмово естество́,/ преобрáжся, облистáти пáки сотвори́л еси́,/ претвори́в е в Твоего́ Божествá слáву же и све́тлость./ Те́мже вопiе́м Ти:// Соде́телю вся́ческих, Го́споди, слáва Тебе́.
Стих: Фавóр и Ермóн/ о И҆́мени Твоéм возрáдуетася. (Пс.102:13Б)
Неодержи́мое Твоего́ светоли́тiя,/ и непристу́пное Божествá,/ зря́ще апо́столов лу́чшiи,/ на горе́ Преображе́нiя, Безначáльне Хрiсте́,/ Боже́ственным измени́шася у́жасом/ и, о́блаком осiя́вшеся све́тлым,/ глас слы́шаху Оте́ч, известву́ющ та́инство Твоего́ вочелове́ченiя,/ я́ко еди́н еси́ и по воплоще́нiи,/ Сын Единоро́дный// и Спас ми́ра.
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Глас 6: Петру́, и Iáкову, и Iоáнну,/ лу́чшим ученико́м Твои́м, Го́споди,/ днесь показáл еси́ на горе́ Фаво́рстей/ слáву Боже́ственнаго Твоего́ зрáка:/ ви́дяху бо ри́зы Твоя́, облистáвшiя, я́ко свет,/ и лице́ Твое́ пáче со́лнца,/ не терпя́ще зре́ти нестерпи́мое Твоего́ сiя́нiя,/ на зе́млю низпáдаху,/ никáкоже зре́ти могу́ще./ Глас же слы́шаху, свиде́тельствующ свы́ше:/ Сей есть Сын Мой возлю́бленный,// прише́дый в мир спасти́ челове́ка.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святы́й Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Кондáк Преображéнiя, глас 7: На горé преобрази́лся еси́,/ и я́коже вмещáху ученицы́ Твои́,/ слáву Твою́, Хрїстé Божé, ви́деша,/ да егдá Тя ýзрят распинáема,/ страдáнiе ýбо уразумéют вóльное,/ мíрови же проповéдят,// я́ко Ты еси́ вои́стинну Ѻ́тчее сiя́нiе. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.
в приходской практитке пропускается
И глаголи ýтреню