Недeля 20 по Пятидесятнице. Святых отцов VII Вселенского собора. ВСЕНОЩНОЕ БДЕНИЕ.ВЕЛИКАЯ ВЕЧЕРНЯ
22 октября́ 2023 гóда. Недéля 20 по Пятидеся́тнице. Святы́х отéц VII Вселéнского Собóра. Апóстола Iáкова Алфéева. Глас 3. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездè сый и вся исполня́яй, Сокрóвище благи́х и жи́зни Подáтелю, прiидѝ и всели́ся в ны, и очи́сти ны от вся́кiя сквéрны, и спасѝ, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Стiхù избрáннiи: Благословѝ, душè моя́, Гóспода./ Благословéн есѝ, Гóсподи./ Гóсподи, Бóже мой, возвели́чился есѝ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредè гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благословѝ, душè моя, Гóспода. Гóсподи, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своè, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижè обратя́тся покры́ти зéмлю. Посылáяй истóчники в дéбрех, посредè гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицè елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себè. Возсiя́ сóлнце и собрáшася и в лóжах свои́х ля́гут. Изы́дет человéк на дéло своè и на дéланiе своè до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебè чáют, дáти пи́щу им во блáго врéмя. Дáвшу Тебè им соберýт, отвéрзшу Тебè рýку вся́ческая испóлнятся блáгости, отврáщшу же Тебè лицè, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицè землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животè моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душè моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читáем кафíсму 1-ю лúбо 1-ю cтатiю(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своè, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижè грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речè ко Мне: Сын Мой еси Ты, Аз днесь роди́х Тя. Просѝ от Менè, и дам Ти язы́ки достоя́нiе Твоè, и одержáнiе Твоè концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоè.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоè.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебè Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 3
Хор: Гóсподи, воззвáх к Тебè, услы́ши мя./ Услы́ши мя, Гóсподи./ Гóсподи, воззвáх к Тебè, услы́ши мя:/ вонмѝ глáсу молéнія моегó,/ внегдá воззвáти ми к Тебè./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моè в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещè и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебè, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моè, печáль мою́ пред Ним возвещý. Внегдá исчезáти от менè дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менè: поги́бе бéгство от менè, и несть взыскáяй дýшу мою́. Воззвáх к Тебè, Гóсподи, рех: Ты есѝ уповáнiе моè, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менè.
На 10 Чтец: Изведù из темнúцы дýшу мою́,// исповéдатися úмени Твоемý.
Стiхúры воскрéсные, глас 3: Твои́м Крестóм, Хрїстè Спáсе,/ смéрти держáва разруши́ся,/ и дiáволя прéлесть упраздни́ся,/ род же человéческiй, вéрою спасáемый,// песнь Тебè всегдá принóсит.
Менè ждут прáведницы,// дóндеже воздáси мне.
Стiхúра: Просвети́шася вся́ческая/ Воскресéнiем Твои́м, Гóсподи,/ и рай пáки отвéрзеся,/ вся же тварь восхваля́ющи Тя,// песнь Тебé всегдá принóсит.
На 8. Стiх: Из глубины́ воззвáх к Тебè, Гóсподи,// Гóсподи, услы́ши глас мой.
Стiхúра: Слáвлю Отцá и Сы́на си́лу,/ и Святáго Дýха пою́ власть,/ нераздéльное, несоздáнное Божествó,/ Трóицу Единосýщную,// цáрствующую в век вéка.
Да бýдут ýши Твоù// внéмлюще глáсу молéнiя моегó.
Стiхúры св. отцéв, глас 6: Честны́я Собóры отцéв/ в рáзная временá состáвив,/ во еди́но собрá еди́нем и тéмже прáвилом/ зелó дóбре Патрiáрх Гéрман Нóвый,/ пишá кýпно же и держá догмáты сих,/ и́же и моли́твенники бóдрственныя сiя́ спасéнiя// Гóсподу предлагáет, и пáстве с пáстыри.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.
Стiхúра: Закóна писáнiе дéтем еврéйским положи́ честнýю седми́цу,/ сéни придержáщимся и служáщим сей,/ ю́же отцы́, стéкшеся на Седмóм Собóре мáнiем Бóжiим,/ в шести́ днех все сié соверши́вшаго,/ и седмы́й благослови́вшаго,// честнéйшую содéлаша, предéл вéры изложи́вше.
И҆́мене рáди Твоегó потерпéх Тя, Гóсподи, потерпè душá моя́ в слóво Твоè,// уповá душá моя на Гóспода.
Стiхúра: Трóицу, всем от вещéй/ мiробы́тiя сýщую винý,/ я́сно предáсте, треблажéннiи отцы́:/ Три бо и Четы́ре Собóры, тáинственнейшим слóвом положи́вше,/ и отмсти́телiе я́вльшеся Правослáвнаго слóва,/ стихíа четы́ре сýща,/ и Трóицу изъясни́сте,// создáвшую сiя́ и мiр сотвóршую.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Довля́ше и еди́ною жизнь вдохнýти/ лежáщему сы́ну служáщiя,/ прорóка Елiссéя слячéнiе зéльно;/ обáче обрати́ся седми́жды и прекланя́шеся семý,/ провозвещáя я́ко прови́дец вáша Собóры,/ и́миже умерщвлéнiе Божéственнаго Слóва водуши́сте,// Áрiя умертви́вше, и егó свéрстники.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúры ап. Iáкова Алфéева, глас 4: Возсiя́л еси́, апóстоле,/ светови́ден, я́ко сóлнце, заря́ми Дýха/ и всю просвети́л еси́ вселéнную, блажéнне, Богознáнiем,/ и отгнáл еси́ мрак многобóжный Божéственным проповéданiем,/ тем твоé пресвéтлое и достохвáльное днесь совершáюще торжествó,// благочéстно тя слáвим.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Возгремéл еси́, премýдре,/ вселéнней учéнiя свящéнная и спаси́тельная/ и всю очи́стил еси́ идолонеи́стовства тварь, Богомýдре,/ и просвети́л еси́ лю́ди Богознáнiя сiя́нiем./ И́дольская же трéбища разоря́я благодáтiю,// цéркви на похвалéнiе Бóга нáшего воздви́гл еси́.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: На высотé седя́й Богознáнiя, Iáкове,/ прiя́л еси́ Дýха благодáть,/ я́вльшуюся тебé óгненным ви́дом,/ и язы́ком óгненным всю попали́л еси́ я́ве злочéстiя ти́ну многобóжную./ Тем тя, я́ко апóстола и Богоглагóльника, хвáлим,// святóе твоé днесь совершáюще торжествó.
Слáва Отцý и Сыну и Святóму Дýху.
Стiхúра св. отцéв, глас 6: Тáинственныя днесь Дýха трубы́/ Богонóсныя отцы́ восхвáлим,/ песнопéвшiя посредé Цéркве песнь сли́чную Богослóвiя:/ Трóицу Еди́ну Непремéнную,/ Существó же и Божествó,/ низложи́тели Áрiевы и правослáвных побóрники,/ моля́щiяся всегда Гóсподу// поми́ловатися душáм нáшим.
И ны́не и прúсно и во вéки векóв, амúнь.
Догмáтик. Глас 3: Кáко не диви́мся/ Богомýжному Рождествý Твоемý, Пречестнáя?/ Искушéнiя бо мýжескаго не прiéмши, Всенепорóчная,/ родилá бо еси́ без Ѻтцá Сы́на плóтiю./ Прéжде век от Ѻтцá рождéннаго без мáтере,/ никáкоже претерпéвшаго изменéнiя,/ или́ смешéнiя, или́ разделéнiя,/ но обою́ существý свóйство цéло сохрáншаго./ Тéмже, Мáти Дéво Влады́чице,/ Тогó моли́ спасти́ся душáм,// правослáвно Богорóдицу исповéдающих Тя.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстè! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
ПАРИМИИ
Чтец: Бытiя́ чтéнiе.
(Из главы 14): Слы́шав Аврáм, я́ко пленéн бысть Лот, братáнич егó, сочтè своя́ домочáдцы три́ста и осмнáдесять и погнá во след их дáже до Дáна. И нападè на ня нóщiю сам и óтроцы егó с ним; и порази́ их, и гони́ их до Ховáла, éже есть ошýюю Дамáска. И возврати́ вся́каго коня́ Содóмскаго, и Лóта, братáнича своегó, возврати́, и вся имéнiя егó, и жены́, и лю́ди. Изы́де же царь Содóмскiй в срéтенiе емý, повнегдá возврати́тися емý от сéча ходоллогомóрскаго и с царьми́, и́же с ним, во юдóль Сáвин, сiè же бя́ше пóле царéво. И Мелхiседéк, царь Сали́мскiй, изнесé хлéбы и винó, бя́ше же свящéнник Бóга Вы́шняго. И благослови́ Аврáма, и речé: благословéн Аврáм Бóгом Вы́шним, И҆́же создá Нéбо и зéмлю, и благословéн Бог Вы́шнiй, И҆́же предадè враги́ твоя́ под рýки тебè.
[Синодальный перевод]Аврам, услышав, что Лот, сродник его взят в плен, вооружил рабов своих, рожденных в доме его, триста восемнадцать, и преследовал неприятелей до Дана; и, разделившись, напал на них ночью, сам и рабы его, и поразил их, и преследовал их до Ховы, что по левую сторону Дамаска; и возвратил всё имущество и Лота, сродника своего, и имущество его возвратил, также и женщин и народ. Когда он возвращался после поражения Кедорлаомера и царей, бывших с ним, царь Содомский вышел ему навстречу в долину Шаве, что ныне долина царская; и Мелхиседек, царь Салимский, вынес хлеб и вино, - он был священник Бога Всевышнего, - и благословил его, и сказал: благословен Аврам от Бога Всевышнего, Владыки неба и земли; и благословен Бог Всевышний, Который предал врагов твоих в руки твои.(Быт.14:14-20)
Чтец: Вторáго закóна чтéнiе.
(Из главы 1): Во днех óнех речè Моисéй к сынóм Iзрáилевым: ви́дите, предáх пред лицéм вáшим зéмлю, вшéдше, наслéдуйте зéмлю, éюже кля́тся Госпóдь отцéм вáшим, Авраáму, и Iсаáку, и Iáкову, дáти им и сéмени их по них. И рекóх к вам во врéмя óно, глагóля: не возмогý еди́н води́ти вас. Госпóдь Бог ваш умнóжил вы есть, и се естè днесь, я́ко звéзды небéсныя, мнóжеством. Госпóдь Бог отéц нáших да приложи́т вам, я́ко да бýдете ты́сящами сугýбо, и да благослови́т вас, я́коже глагóла вам. И взях от вас мýжи мýдры, и свéдомы, и смы́слены, и постáвих их владéти над вáми, тысященачáльники, и стоначáльники, и пятьдесятоначáльники, и десятоначáльники, и писмовводи́тели судiя́м вáшим. И заповéдах судiя́м вáшим во врéмя óно, глагóля: разслýшайте посредè брáтiй вáших и суди́те прáведно посредè мýжа, и посредè брáта егó, и посредè пришéльца егó. Да не познáете лицá в судè, мáлому и вели́кому сýдиши и не устыди́шися лицá человéческа, я́ко суд Бóжiй есть.
[Синодальный перевод]В те дни сказал Моисей сынам Израилевым: Господь, Бог наш, говорил нам: «Вот, Я даю вам землю сию, пойдите, возьмите в наследие землю, которую Господь с клятвою обещал дать отцам вашим, Аврааму, Исааку и Иакову, им и потомству их». И я сказал вам в то время: не могу один водить вас; Господь, Бог ваш, размножил вас, и вот, вы ныне многочисленны, как звезды небесные; Господь, Бог отцов ваших, да умножит вас в тысячу крат против того, сколько вас теперь, и да благословит вас, как Он говорил вам. И взял я главных из колен ваших, мужей мудрых, разумных и испытанных, и сделал их начальниками над вами, тысяченачальниками, стоначальниками, пятидесятиначальниками, десятиначальниками и надзирателями по коленам вашим. И дал я повеление судьям вашим в то время, говоря: выслушивайте братьев ваших и судите справедливо, как брата с братом, так и пришельца его; не различайте лиц на суде, как малого, так и великого выслушивайте: не бойтесь лица человеческого, ибо суд - дело Божие.(Втор.1:8-11;15-17)
Чтец: Вторáго закóна чтéнiе.
(Из главы 10) Во днех óнех речè Моисéй к сынóм Iзрáилевым: се Гóспода Бóга твоегó нéбо и нéбо небесè, земля́ и вся, ели́ка суть на ней. Обáче отцы́ вáша произвóли Госпóдь люби́ти я́ и избрá сéмя их по них, вас, пáче всех язы́к, в день сей. И обрéжите жестокосéрдiе вáше, и вы́и вáшея не ожесточи́те ктомý. И҆́бо Госпóдь Бог ваш, Сей Бог богóв и Госпóдь господéй, Бог вели́кiй, и крéпкiй, и стрáшный, И҆́же не диви́тся лицý, нижé взéмлет дар. Творя́й суд пришéльцу, и сиротè, и вдовè и лю́бит пришéльца, дáти емý хлеб и ри́зу. И возлюби́те пришéльца, пришéльцы бо бéсте в земли́ Еги́петстей. Гóспода Бóга твоегó да убои́шися, и Томý еди́ному послýжиши, и к Немý прилепи́шися, и И҆́менем Егó кленéшися. Той хвалá твоя́, и Той Бог твой, и́же сотвори́л ти есть вели́кая и слáвная сiя́, я́же ви́десте óчи твои́.
[Синодальный перевод]В те дни сказал Моисей сынам Израилевым: вот у Господа, Бога твоего, небо и небеса небес, земля и всё, что на ней; но только отцов твоих принял Господь и возлюбил их, и избрал вас, семя их после них, из всех народов, как ныне видишь. Итак обрежьте крайнюю плоть сердца вашего и не будьте впредь жестоковыйны; ибо Господь, Бог ваш, есть Бог богов и Владыка владык, Бог великий, сильный и страшный, Который не смотрит на лица и не берёт даров, Который дает суд сироте и вдове, и любит пришельца, и дает ему хлеб и одежду. Любите и вы пришельца, ибо сами были пришельцами в земле Египетской. Господа, Бога твоего, бойся и Ему одному служи, и к Нему прилепись и Его именем клянись: Он хвала твоя и Он Бог твой, Который сделал с тобою те великие и страшные дела, какие видели глаза твои.(Втор.10:14-18;20-21)
Чтец: Собóрнаго Послáнiя Iоáннова чтéнiе.
(Из главы 1) Éже бе испéрва, éже слы́шахом, éже ви́дехом очи́ма нáшима, éже узрéхом, и рýки нáша осязáша, о Словеси́ Живóтнем. И Живóт яви́ся, и ви́дехом, и свидéтельствуем, и возвещáем вам Живóт вéчный, И́же бе у Отцá, и яви́ся нам. Éже ви́дехом и слы́шахом, повéдаем вам, да и вы общéнiе и́мате с нáми: общéнiе же нáше со Отцéм и с Сы́ном Егó Iисýсом Хрiстóм. И сiя́ пи́шем вам, да рáдость вáша бýдет испóлнена. И сiè есть обетовáнiе, éже слы́шахом от Негó, и повéдаем вам, я́ко Бог Свет есть, и тьмы в Нем несть ни еди́ныя. Áще речéм, я́ко общéнiе и́мамы с Ним, и во тьме хóдим, лжем и не твори́м и́стины. Áще ли же во свéте хóдим, я́коже Сам Той есть во свéте, общéнiе и́мамы друг ко дрýгу, и Кровь Iисýса Хрiстá Сы́на Егó очищáет нас от вся́каго грехá.
[Синодальный перевод]О том, что было от начала, что мы слышали, что видели своими очами, что рассматривали и что осязали руки наши, о Слове жизни, - ибо жизнь явилась, и мы видели и свидетельствуем, и возвещаем вам сию вечную жизнь, которая была у Отца и явилась нам, - о том, что мы видели и слышали, возвещаем вам, чтобы и вы имели общение с нами: а наше общение - с Отцем и Сыном Его, Иисусом Христом. И сие пишем вам, чтобы радость ваша была совершенна. И вот благовестие, которое мы слышали от Него и возвещаем вам: Бог есть свет, и нет в Нем никакой тьмы. Если мы говорим, что имеем общение с Ним, а ходим во тьме, то мы лжем и не поступаем по истине; если же ходим во свете, подобно как Он во свете, то имеем общение друг с другом, и Кровь Иисуса Христа, Сына Его, очищает нас от всякого греха.(1Ин.1:1-7)
Чтец: Собóрнаго Послáнiя Iáковля чтéнiе.
(Из главы 1) Iáков, Бóгу и Гóсподу Iисýсу Хрiстý раб, обеманáдесяте колéнома, и́же в разсéянiи, рáдоватися. Вся́ку рáдость имéйте, брáтiе моя́, егдá во искушéнiя впáдаете разли́чна, вéдяще, я́ко искушéнiе вáшея вéры содéловает терпéнiе. Терпéнiе же дéло совершéнно да и́мать, я́ко да бýдете совершéни и всецéли, ни в чéмже лишéни. Áще же кто от вас лишéн есть премýдрости, да прóсит от даю́щаго Бóга всем нелицепрiéмне, и не поношáющаго, и дáстся емý. Да прóсит же вéрою, ничтóже сумня́ся: сумня́йся бо уподóбися волнéнiю морскóму, вéтры возметáему и развевáему. Да не мнит бо человéк он, я́ко прiи́мет что от Бóга. Муж двоедýшен, неустрóен во всех путéх свои́х. Да хвáлится же брат смирéнный в высотé своéй, богáтый же во смирéнiи своéм, занè, я́коже цвет травны́й, мимои́дет. Возсiя́ бо сóлнце со знóем, и изсуши́ травý, и цвет ея́ отпадè, и благолéпiе лицá ея́ поги́бе. Си́це и богáтый в хождéнiи своéм увядáет. Блажéн муж, и́же претерпи́т искушéнiе, занè искýсен быв, прiи́мет венéц жи́зни, егóже обещá Бог лю́бящим Егó.
[Синодальный перевод]Иаков, раб Бога и Господа Иисуса Христа, двенадцати коленам, находящимся в рассеянии, - радоваться. С великою радостью принимайте, братия мои, когда впадаете в различные искушения, зная, что испытание вашей веры производит терпение; терпение же должно иметь совершенное действие, чтобы вы были совершенны во всей полноте, без всякого недостатка. Если же у кого из вас недостает мудрости, да просит у Бога, дающего всем просто и без упреков, - и дастся ему. Но да просит с верою, нимало не сомневаясь, потому что сомневающийся подобен морской волне, ветром поднимаемой и развеваемой. Да не думает такой человек получить что-нибудь от Господа. Человек с двоящимися мыслями не тверд во всех путях своих. Да хвалится брат униженный высотою своею, а богатый - унижением своим, потому что он прейдет, как цвет на траве. Восходит солнце, настает зной, и зноем иссушает траву, цвет ее опадает, исчезает красота вида ее; так увядает и богатый в путях своих. Блажен человек, который переносит искушение, потому что, быв испытан, он получит венец жизни, который обещал Господь любящим Его.(Иак.1:1-12)
Чтец: Собóрнаго Послáнiя Iýдина чтéнiе.
(Из главы 1) Iýда, Iисýсу Хрiстý раб, брат же Iáкову, сýщим о Бозе Отцè освящéнным, Iисýс Хрiстóм соблюдéнным звáнным. Ми́лость вам, и мир, и любы́ да умнóжится. Возлю́бленнiи, вся́ко тщáнiе творя́ писáти вам о óбщем спасéнiи вáшем, нуждý возимéх писáти вам, моля́ подвизáтися о предáнней вéре святы́м еди́ною. Привнидóша бо нéцыи человéцы (дрéвле предустáвленнiи на сiè осуждéнiе) нечести́вiи, Бóга нáшего благодáть прелагáющiи в сквéрну, и Еди́наго Влады́ки Бóга, и Гóспода нáшего Iисýса Хрiстá отметáющiися. Воспомянýти же вам хощý, вéдущим и вам еди́ною сiè, я́ко Госпóдь лю́ди от земли́ еги́петскiя спасè, последи́ невéровавшыя погуби́. Áнгелы же не соблю́дшыя своегó начáльства, но остáвльшыя своé жили́ще, на суд вели́каго дне, ýзами вéчными под мрáком соблюдè. Я́коже Содóма и Гомóрра, и окрéстныя их грáды, подóбным им óбразом преблуди́вше, и ходи́вше в след плóти ины́я, предлежáт в показáнiе огня́ вéчнаго суд подъéмше. Вы же, возлю́бленнiи, поминáйте глагóлы преждеречéнныя от апóстол Гóспода нáшего Iисýса Хрiстá. Занè глагóлаху вам, я́ко в послéднее врéмя бýдут ругáтели, по свои́х пóхотех ходя́ще и нечéстiих. Сíи суть отделя́юще себè (от еди́ности вéры и суть) телéсни, Дýха не имýще. Вы же, возлю́бленнiи, святóю вáшею вéрою назидáюще себè, Дýхом Святы́м моля́щеся, сáми себè в любви́ Бóжiей соблюдáйте, ждýще ми́лости Гóспода нáшего Iисýса Хрiстá в жизнь вéчную. И óвех ýбо ми́луйте разсуждáюще, óвех же стрáхом спасáйте, от огня́ восхищáюще. Обличáйте же с боя́знiю, ненави́дяще и я́же от плóти осквернéную ри́зу. Могýщему же сохрани́ти вы без грехá и без сквéрны, и постáвити пред слáвою своéю непорóчных в рáдости, Еди́ному Премýдрому Бóгу и Спáсу нáшему (Iисýсом Хрiстóм Гóсподем нáшим), слáва и вели́чiе, держáва и власть, прéжде всегó вéка, и ны́не, и во вся вéки. Ами́нь.
[Синодальный перевод]Иуда, раб Иисуса Христа, брат Иакова, призванным, которые освящены Богом Отцем и сохранены Иисусом Христом: милость вам и мир и любовь да умножатся. Возлюбленные! имея все усердие писать вам об общем спасении, я почел за нужное написать вам увещание - подвизаться за веру, однажды преданную святым. Ибо вкрались некоторые люди, издревле предназначенные к сему осуждению, нечестивые, обращающие благодать Бога нашего в повод к распутству и отвергающиеся единого Владыки Бога и Господа нашего Иисуса Христа. Я хочу напомнить вам, уже знающим это, что Господь, избавив народ из земли Египетской, потом неверовавших погубил, и ангелов, не сохранивших своего достоинства, но оставивших свое жилище, соблюдает в вечных узах, под мраком, на суд великого дня. Как Содом и Гоморра и окрестные города, подобно им блудодействовавшие и ходившие за иною плотию, подвергшись казни огня вечного, поставлены в пример. А вы, возлюбленные, назидая себя на святейшей вере вашей, молясь Духом Святым, сохраняйте себя в любви Божией, ожидая милости от Господа нашего Иисуса Христа, для вечной жизни. И к одним будьте милостивы, с рассмотрением, а других страхом спасайте, исторгая из огня, обличайте же со страхом, гнушаясь даже одеждою, которая осквернена плотью. Могущему же соблюсти вас от падения и поставить пред славою Своею непорочными в радости, Единому Премудрому Богу, Спасителю нашему чрез Иисуса Христа Господа нашего, слава и величие, сила и власть прежде всех веков, ныне и во все веки. Аминь. (Иуд.1:1-7;20-25)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебè подобáет хвалá. Тебè подобáет пéнiе,/ Тебè слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры ап. Iáкова, глас 4: Мóлнiями проповéданiя во тьме седя́щыя невéденiя, слáвне, просвети́в,/ показáл еси́ сы́ны Влады́ки и Бóга вéры рáди,/ Егóже страстéй ревновáл еси́ и смéрти,/ и слáвы был еси́ наслéдник,// я́ко мудр и Богоглагóлив, я́ко учени́к и́стиннейшiй.
Слáва Ѻтцý и Сы́ну и Святóму Дýху.
Стiхúра ап. Iáкова, глас 3: Апóстольских предáнiй извéстнiи храни́телiе бы́сте, святíи отцы́,/ Святы́я бо Трóицы единосýщное, правослáвно научи́вше,/ Áрiево хулéнiе собóрне низложи́сте,/ с ни́мже и Македóнiя духобóрца обличи́вше,/ осуди́сте Нестóрiя, Евти́хiя и Дiоскóра,/ Савéллiя же и Севи́ра безглáвнаго./ И́хже прéлести испроси́те избáвитися нам// и несквéрну нáшему житiю́ в вéре сохрани́тися, мóлимся.
И ны́не и прúсно и во вéки векóв, амúнь.
Богорóдичен воскрéсен, глас 3 (по глáсу «Слáвы»): Без сéмене от Божéственнаго Дýха/ вóлею же Óтчею зачалá еси́ Сы́на Бóжiя,/ от Отцá без мáтере прéжде век сýща,/ нас же рáди, из Тебé без отцá бы́вша, плóтiю родилá еси́/ и Младéнца млекóм питáла еси́./ Тéмже не престáй моли́ти// избáвитися от бед душáм нáшим.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 3): Стрáстiю Твоéю, Хрїстé,/ омрачи́вый сóлнце/ и свéтом Твоегó Воскресéнiя,/ просвети́вый вся́ческая,// прiими́ нáшу вечéрнюю песнь, Человеколю́бче.
Стiх: Госпóдь воцарúся, в лéпоту облечéся.
И҆́ны по алфавúту, глас 3: Живопрiéмное Твоé востáнiе, Гóсподи,/ вселéнную всю просвети́,/ и Твоé создáнiе истлéвшее призвá./ Тéмже кля́твы Адáмовы измéншеся, вопiéм:// Всеси́льне Гóсподи, слáва Тебé.
Стiх: И҆́бо утвердù вселéнную,/ я́же не подвúжется.
Бог сый неизмéнен,/ плóтiю страждá измени́лся еси́,/ Егóже тварь не терпя́щи ви́сяща зрéти,/ стрáхом прекланя́шеся,/ и стеня́щи поéт Твоé долготерпéнiе:/ сошéд же во ад, триднéвен воскрéсл еси́,// жизнь дáруя мíрови, и вéлiю ми́лость.
Стiх: Дóму Твоемý подобáет святы́ня, Гóсподи,/ в долготý днiй.
Да род наш от смéрти, Хрїстé, избáвиши,/ смерть претепéл еси́:/ и триднéвен из мéртвых воскрéс,/ с Собóю воскреси́л еси́,/ и҆́же Тя Бóга познáвших:/ и мiр просвети́л еси́.// Гóсподи, слáва Тебé.
Слáва Ѻтцý и Сы́ну и Святóму Дýху.
Стiхúра св. отцéв, глас 4: Молéбную пáмять днесь богонóсных отцéв,/ от всея́ вселéнныя собрáвшихся,/ в свéтлем грáде Нiкéйстем,/ правослáвных собрáнiя, благочéствующе вéрно прáзднуим./ Сíи бо лю́таго Áрiа безбóжное велéнiе благочестномýдренне низложи́ша,/ и от кафолíческiя Цéркве собóрне тогó изгнáша,/ и я́сно Сы́на Бóжiя/ единосýщна и соприсносýщна, прéжде век сýща,/ всех научи́ша исповéдати во изображéнiи вéры,/ извéстно и благочéстно сié изложи́вше./ Тéмже и мы божéственным их повелéнiем послéдствующе,/ извéстно вéрующе слýжим,/ со Отцéм Сы́ну, и Дýху Всесвятóму, во еди́ном Божествé,// Трóице Единосýщней.
И ны́не и прúсно и во вéки векóв, амúнь.
Богорóдичен воскрéсен, глас 4 (по глáсу «Слáвы»): При́зри на молéнiя Твои́х раб, Всенепорóчная,/ утоля́ющи лю́тая на ны востáнiя,/ вся́кiя скóрби нас изменя́ющи./ Тя бо, Еди́ну, твéрдое и извéстное Утверждéнiе и́мамы,/ и Твоé предстáтельство стяжáхом./ Да не постыди́мся, Влады́чице, Тя призывáющiи,/ потщи́ся на умолéнiе, Тебé вéрно вопiю́щих:/ рáдуйся, Влады́чице, всех Пóмоще,// Рáдосте и Покрóве, и Спасéнiе душ нáших.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоè,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасè и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.
И глаголи ýтреню