Неделя 4 по Пятидесятнице. Апостола Иуды, брата Господня. Глас 3. ВСЕНОЩНОЕ БДЕНИЕ ВЕЛИКАЯ ВЕЧЕРНЯ
2 iю́ля 2023 гóда. Недéля 4 по Пятидеся́тнице. Апóстола Iýды, брáта Госпóдня. Глас 3. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Слáва Тебé, Бóже наш, слáва Тебé.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стiхù избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода. Гóсподи, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читáем кафíсму 1-ю лúбо 1-ю cтатiю(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоé.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебé Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 3
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведù из темнúцы дýшу мою́,// исповéдатися и҆́мени Твоемý.
Стiхúры воскрéсные, глас 3: Твои́м Крестóм, Хрїстé Спáсе,/ смéрти держáва разруши́ся,/ и дiáволя прéлесть упраздни́ся,/ род же человéческiй, вéрою спасáемый,// песнь Тебé всегдá принóсит.
Менé ждут прáведницы,// дóндеже воздáси мне.
Стiхúра: Просвети́шася вся́ческая/ Воскресéнiем Твои́м, Гóсподи,/ и рай пáки отвéрзеся,/ вся же тварь восхваля́ющи Тя,// песнь Тебé всегдá принóсит.
На 8. Стiх: Из глубины́ воззвáх к Тебé, Гóсподи,// Гóсподи, услы́ши глас мой.
Стiхúра: Слáвлю Отцá и Сы́на си́лу,/ и Святáго Дýха пою́ власть,/ нераздéльное, несоздáнное Божествó,/ Трóицу Единосýщную,// цáрствующую в век вéка.
Да бýдут ýши Твоù// внéмлюще глáсу молéнiя моегó.
И҆́ны стiхúры Анатóлiевы, глас 3: Крестý Твоемý честнóму покланя́емся, Хрїстé,/ и Воскресéнiе Твоé поéм и слáвим.// Рáною бо Твоéю мы вси исцелéхом.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúры ап. Iýды, глас 1: Iýдо всехвáльне,/ твоé вещáнiе изы́де,/ я́коже мóлнiя, в концы́ всея́ земли́, мýдре,/ помрачéнныя лéстiю безбóжiя,/ к Свéту наставля́я невечéрнему,/ и́мже ны́не сiя́я,// испроси́ душáм нáшим вéлiю ми́лость.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: Iýдо всехвáльне,/ твоé вещáнiе изы́де,/ я́коже мóлнiя, в концы́ всея́ земли́, мýдре,/ помрачéнныя лéстiю безбóжiя,/ к Свéту наставля́я невечéрнему,/ и́мже ны́не сiя́я,// испроси́ душáм нáшим вéлiю ми́лость.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Iýдо чýдный,/ Хрїстóва колесни́ца я́ко быв,/ íдольскую горды́ню низложи́л еси́,/ плен же тáйно Слóвом Бóжiим плени́л еси́/ к жи́зни нетлéнней, слáвне,/ éюже наслаждáяся ны́не,// испроси́ душáм нáшим мир и вéлiю ми́лость.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Iýдо чýдный,/ Хрїстóва колесни́ца я́ко быв,/ íдольскую горды́ню низложи́л еси́,/ плен же тáйно Слóвом Бóжiим плени́л еси́/ к жи́зни нетлéнней, слáвне,/ éюже наслаждáяся ны́не,// испроси́ душáм нáшим мир и вéлiю ми́лость.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Iýдо, апóстоле Хрїстóв,/ учени́к быв воплóщшагося Бóга нáшего,/ от Негóже, я́ко овчá посредé волкóв,/ вои́стинну послáлся еси́,/ слóвом твои́м сих претворя́я злочéстiе ко благочéстiю/ и Божéственному разумéнiю Святы́я Трóицы.// Тéмже восхваля́ем тя.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Iýдо, апóстоле Хрїстóв,/ учени́к быв воплóщшагося Бóга нáшего,/ от Негóже, я́ко овчá посредé волкóв,/ вои́стинну послáлся еси́,/ слóвом твои́м сих претворя́я злочéстiе ко благочéстiю/ и Божéственному разумéнiю Святы́я Трóицы.// Тéмже восхваля́ем тя.
Слáва Отцý и Сыну и Святóму Дýху.
Глас 8: И́же Божéственнаго Дýха я́сно благодáть прiéм,/ свящéннаго ли́ка апóстольска сопричáстник быв, Iýдо апóстоле,/ тем носи́мое с Небесé иногдá дыхáнiе óгненное/ óгненным язы́ком вдохнýв,/ язы́ческое тернóвное попали́л еси́ безбóжiе./ Хрїстá Бóга, проповéдниче, моли́/ спасти́ся душáм нáшим.
И ныне и прúсно и во вéки векóв, амúнь.
Догмáтик. Глас 3: Кáко не диви́мся/ Богомýжному Рождествý Твоемý, Пречестнáя?/ Искушéнiя бо мýжескаго не прiéмши, Всенепорóчная,/ родилá бо еси́ без Ѻтцá Сы́на плóтiю./ Прéжде век от Ѻтцá рождéннаго без мáтере,/ никáкоже претерпéвшаго изменéнiя,/ или́ смешéнiя, или́ разделéнiя,/ но обою́ существý свóйство цéло сохрáншаго./ Тéмже, Мáти Дéво Влады́чице,/ Тогó моли́ спасти́ся душáм,// правослáвно Богорóдицу исповéдающих Тя.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
ПАРИМИИ
Чтец: Собóрнаго послáнiя Iýдина чтéнiе.
(Из главы 1): Iýда, Iисýсу Хрїстý раб, брат же Iáкову, сýщим о Бóзе Отцé освящéнным, Iисýс Хрїстóм соблюдéнным звáнным: ми́лость вам, и мир, и любы́ да умнóжится. Возлю́бленнiи, вся́ко тщáнiе творя́ писáти вам о óбщем спасéнiи вáшем, нýжда ми бысть писáти вам, моля́ подвизáтися о предáнней вéре святы́м еди́ною. Привнидóша бо нéцiи человéцы, [дрéвле предустáвленнiи на сié осуждéнiе,] нечести́вiи, Бóга нáшего благодáть прелагáющiи в сквéрну, и еди́наго Влады́ки Бóга и Гóспода нáшего Iисýса Хрїстá отметáющiися. Воспомянýти же вам хощý, вéдущим и вам еди́ною сié, я́ко Госпóдь лю́ди от земли́ Еги́петскiя спасé, последи́ невéровавшiя погуби́. Áнгелы же не соблю́дшiя своегó начáльства, но остáвльшiя своé жили́ще, на суд вели́каго дне, ýзами вéчными под мрáком соблюдé. Я́коже Содóма и Гомóрра и окрéстныя их грáды, подóбным их óбразом преблуди́вша и ходи́вша в след плóти ины́я, предлежáт в показáнiе, огня́ вéчнаго суд подъéмше. Тáкожде ýбо и сíи, сóнiя ви́дяще плоть ýбо скверня́т, госпóдьства же отметáются, слáвы же хýляще [не трепéщут]. Мiхаи́л же Архáнгел егдá со дiáволом разсуждáя глагóлаше о Моисéове телеси́, не смéяше судá навести́ хýльна, но речé: да запрети́т тебé Госпóдь. Сíи же, ели́ка ýбо не вéдят, хýлят: ели́ка же по естествý, я́ко безсловéсная живóтная, вéдят, в сих скверня́тся.
[Русский синодальный перевод]Иуда, раб Иисуса Христа, брат Иакова, призванным, которые освящены Богом Отцем и сохранены Иисусом Христом: милость вам и мир и любовь да умножатся. Возлюбленные! имея все усердие писать вам об общем спасении, я почел за нужное написать вам увещание - подвизаться за веру, однажды преданную святым. Ибо вкрались некоторые люди, издревле предназначенные к сему осуждению, нечестивые, обращающие благодать Бога нашего в повод к распутству и отвергающиеся единого Владыки Бога и Господа нашего Иисуса Христа. Я хочу напомнить вам, уже знающим это, что Господь, избавив народ из земли Египетской, потом неверовавших погубил, и ангелов, не сохранивших своего достоинства, но оставивших свое жилище, соблюдает в вечных узах, под мраком, на суд великого дня. Как Содом и Гоморра и окрестные города, подобно им блудодействовавшие и ходившие за иною плотию, подвергшись казни огня вечного, поставлены в пример, - так точно будет и с сими мечтателями, которые оскверняют плоть, отвергают начальства и злословят высокие власти. Михаил Архангел, когда говорил с диаволом, споря о Моисеевом теле, не смел произнести укоризненного суда, но сказал: "да запретит тебе Господь". А сии злословят то, чего не знают; что же по природе, как бессловесные животные, знают, тем растлевают себя. (Иуд.1:1-10)
Чтец: Собóрнаго послáнiя Iýдина чтéнiе.
(Из главы 1): Гóре им, я́ко в путь Кáiнов ходи́ша, и в лесть Валаáмовы мзды пролiя́шася, и в пререкáнiи Коррéове погибóша. Сíи суть в любвáх вáших скверни́тели, с вáми ядýще, без боя́зни себé пасýще, óблацы безвóдни, от ветр преноси́ми, древесá есéнна безплóдна, двáжды умéрша, искоренéна. Вóлны свирéпыя мóря, воспеня́юще своя́ стыдéнiя, звéзды прелéстныя, и́мже мрак тьмы во вéки блюдéтся. Прорóчествова же и о сих седмы́й от Адáма Енóх, глагóля: се прiи́дет Госпóдь во тьмах святы́х [Áнгел] Свои́х сотвори́ти суд о всех и изобличи́ти всех нечести́вых о всех дéлех нечéстiя их, и́миже нечéствоваша, и о всех жестóких словесéх их, я́же глагóлаша нань грéшницы нечести́вiи. Сíи суть ропотницы́, укори́тели, часть порóчна, в пóхотех свои́х ходя́ще, нечéстiем и законопреступлéнiем, и устá их глагóлют прегóрдая, чудя́щеся ли́цам пóльзы рáди.
[Русский синодальный перевод]Горе им, потому что идут путем Каиновым, предаются обольщению мзды, как Валаам, и в упорстве погибают, как Корей. Таковые бывают соблазном на ваших вечерях любви; пиршествуя с вами, без страха утучняют себя. Это безводные облака, носимые ветром; осенние деревья, бесплодные, дважды умершие, исторгнутые; свирепые морские волны, пенящиеся срамотами своими; звезды блуждающие, которым блюдется мрак тьмы на веки. О них пророчествовал и Енох, седьмый от Адама, говоря: "се, идет Господь со тьмами святых Ангелов Своих - сотворить суд над всеми и обличить всех между ними нечестивых во всех делах, которые произвело их нечестие, и во всех жестоких словах, которые произносили на Него нечестивые грешники". Это ропотники, ничем не довольные, поступающие по своим похотям нечестиво и беззаконно; уста их произносят надутые слова; они оказывают лицеприятие для корысти. (Иуд.1:11-16)
Чтец: Собóрнаго послáнiя Iýдина чтéнiе.
(Из главы 1): Вы же, возлю́бленнiи, поминáйте глагóлы, преждеречéнныя от апóстол Гóспода нáшего Iисýса Хрїстá. Занé глагóлаху вам, я́ко в послéднее врéмя бýдут ругáтели, по свои́х пóхотех ходя́ще и нечéстiих. Сíи суть отделя́юще себé от еди́ности вéры и суть телéсни, Дýха не имýще. Вы же, возлю́бленнiи, святóю вáшею вéрою назидáюще себé, Дýхом Святы́м, и моля́щеся, сáми себé в любви́ Бóжiей соблюдáйте, ждýще ми́лости Гóспода нáшего Iисýса Хрїстá, в жизнь вéчную. И óвех ýбо ми́луйте разсуждáюще, óвех же стрáхом спасáйте, от огня́ восхищáюще. Обличáйте же с боя́знiю, ненави́дяще и я́же от плóти осквернéнную ри́зу. Могýщему же сохрани́ти вы без грехá и без сквéрны, и постáвити пред слáвою Своéю непорóчны в рáдости, Еди́ному премýдрому Бóгу и Спáсу нáшему [Iисýсом Хрїстóм Гóсподем нáшим] слáва и вели́чiе, держáва и власть прéжде всегó вéка, и ны́не, и во вся вéки, ами́нь.
[Русский синодальный перевод]Вы же, возлюбленные, помните предсказанное Апостолами Господа нашего Иисуса Христа. Они говорили вам, что в последнее время появятся ругатели, поступающие по своим нечестивым похотям. Это люди, отделяющие себя от единства веры, душевные, не имеющие духа. А вы, возлюбленные, назидая себя на святейшей вере вашей, молясь Духом Святым, сохраняйте себя в любви Божией, ожидая милости от Господа нашего Иисуса Христа, для вечной жизни. И к одним будьте милостивы, с рассмотрением, а других страхом спасайте, исторгая из огня, обличайте же со страхом, гнушаясь даже одеждою, которая осквернена плотью. Могущему же соблюсти вас от падения и поставить пред славою Своею непорочными в радости, Единому Премудрому Богу, Спасителю нашему чрез Иисуса Христа Господа нашего, слава и величие, сила и власть прежде всех веков, ныне и во все веки. Аминь. (Иуд.1:17-25)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры апóстола Iýды, глас 4: Прiя́л еси́, апóстоле,/ над дéмоны непобеди́мую влáсть и си́лу/ и о и́мени Хрїстóве начáла тьмы отгони́ти,/ прошéл еси́ зéмлю, просвещáя, я́ко сóлнце,/ и вся страны́ научáя,/ и пéрвое, слáвне, Хрїстóво проповéдал еси́// спаси́тельное пришéствiе.
Пéрвей блáгости/ и естéственному и пребожéственному житiю́ подóбяся,/ муж был еси́ благ, Iýдо, по существý,/ и брат Госпóдень именýемь,/ нрáва твоегó благодáтiю/ и обы́чая красотóю,// Хрїстóв показáлся еси́ учени́к и́скреннiй.
Слáва Ѻтцý и Сы́ну и Святóму Дýху.
Глас 4: Оргáн, дóбре состáвлен,/ Божéственным окормлéнiем,/ апóстоле Iýдо,/ язы́ком звáнiю ты ввéрился еси́,/ к познáнiю Хрїстóву наставля́я словесы́ и дея́нiи,/ вся просвети́л еси́/ исповéдати и́стинное Iисýса Божествó,// Спáса душ нáших.
И ны́не и прúсно и во вéки векóв, амúнь.
Богорóдичен воскрéсен, глас 4 (по глáсу «Слáвы»): При́зри на молéнiя Твои́х раб, Всенепорóчная,/ утоля́ющи лю́тая на ны востáнiя,/ вся́кiя скóрби нас изменя́ющи./ Тя бо, Еди́ну, твéрдое и извéстное Утверждéнiе и́мамы,/ и Твоé предстáтельство стяжáхом./ Да не постыди́мся, Влады́чице, Тя призывáющiи,/ потщи́ся на умолéнiе, Тебé вéрно вопiю́щих:/ рáдуйся, Влады́чице, всех Пóмоще,// Рáдосте и Покрóве, и Спасéнiе душ нáших.
Гóсподи, поми́луй. (40 раз)
Слáва Отцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 3): Стрáстiю Твоéю, Хрїстé,/ омрачи́вый сóлнце/ и свéтом Твоегó Воскресéнiя,/ просвети́вый вся́ческая,// прiими́ нáшу вечéрнюю песнь, Человеколю́бче.
Стiх: Госпóдь воцарúся,/ в лéпоту облечéся.
И҆́ны по алфавúту, глас 3: Живопрiéмное Твоé востáнiе, Гóсподи,/ вселéнную всю просвети́,/ и Твоé создáнiе истлéвшее призвá./ Тéмже кля́твы Адáмовы измéншеся, вопiéм:// Всеси́льне Гóсподи, слáва Тебé.
Стiх: И҆́бо утвердú вселéнную,/ я́же не подвúжется.
Бог сый неизмéнен,/ плóтiю страждá измени́лся еси́,/ Егóже тварь не терпя́щи ви́сяща зрéти,/ стрáхом прекланя́шеся,/ и стеня́щи поéт Твоé долготерпéнiе:/ сошéд же во ад, триднéвен воскрéсл еси́,// жизнь дáруя мíрови, и вéлiю ми́лость.
Стiх: Дóму Твоемý подобáет святы́ня, Гóсподи,/ в долготý днiй.
Да род наш от смéрти, Хрїстé, избáвиши,/ смерть претепéл еси́:/ и триднéвен из мéртвых воскрéс,/ с Собóю воскреси́л еси́,/ и҆́же Тя Бóга познáвших:/ и мiр просвети́л еси́.// Гóсподи, слáва Тебé.
Слáва Отцý и Сыну и Святóму Дýху.
Стiхúра Апóстола, глас 2: Рéвности Божéственныя испóлнен,/ апóстоле Iýдо досточýдне,/ ревнýя, поревновáл еси́ Бóгу Вседержи́телю,/ и Божéственных тя чудéс испóлнена показá,/ стрáнную бо рéвность имéя,/ дéйствiем нрав стяжáл еси́./ Тéмже Вы́шнiй сый, с Вы́шними ли́ки вселя́емь,/ моли́ся, Богови́дче, Слóву, Хрїстý Бóгу нáшему,// даровáти нам вéлiю ми́лость.
И ны́не и прúсно и во вéки векóв, амúнь.
Богорóдичен воскрéсен, глас 2 (по глáсу «Слáвы»): О чудесé нóваго всех дрéвних чудéс!/ Кто бо познá мáтерь без мýжа рóждшую,/ и на рукý нося́щую,/ всю тварь Содержáщаго?/ Бóжiе есть изволéнiе, Рóждшееся./ Егóже я́ко Младéнца, Пречи́стая,/ Твои́ма рукáма носи́вшая,/ и Мáтерне дерзновéнiе к Немý имýщая,/ не престáй моля́щи о чтýщих Тя,// ущéдрити и спасти́ дýши нáша.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Егó во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[B приходской практитке пропускается]/ Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню