НЕДЕЛЯ МЯСОПУСТНАЯ, О СТРАШНОМ СУДЕ. Глас 3. ВСЕНОЩНОЕ БДЕНИЕ ВЕЛИКАЯ ВЕЧЕРНЯ. Служба мирским чином
19 февраля́ 2023 г. Недéля о мяcoпýcтнaя, o Cтрáшнoм Cудé. Пoпрáзднcтвo Cрéтенiя. Глас 3. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáкже канóна и пéрваго чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстé, Бóже наш, поми́луй нас, ами́нь.
Слáва Тебé, Бóже наш, слáва Тебé.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прїиди́те, поклони́мся Царéви нáшему Бóгу.
Прїиди́те, поклони́мся и припадéм Хрїстý, Царéви нáшему Бóгу.
Прїиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинáтельный
Стiхú избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благослови, душé моя, Гóспода, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Ливáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читáем лúбо кафíсму 1-ю (1-ю cтатiю(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поéм стiхú избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоé.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебé Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 3
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведù из темнúцы дýшу мою́,// исповéдатися и҆́мени Твоемý.
Стiхúры воскрéсные, глас 3: Твои́м Крестóм, Хрїстé Спáсе,/ смéрти держáва разруши́ся,/ и дiáволя прéлесть упраздни́ся,/ род же человéческiй, вéрою спасáемый,// песнь Тебé всегдá принóсит.
Менé ждут прáведницы,// дóндеже воздáси мне.
Стiхúра: Просвети́шася вся́ческая/ Воскресéнiем Твои́м, Гóсподи,/ и рай пáки отвéрзеся,/ вся же тварь восхваля́ющи Тя,// песнь Тебé всегдá принóсит.
На 8. Стiх: Из глубины́ воззвáх к Тебé, Гóсподи,// Гóсподи, услы́ши глас мой.
Стiхúра: Слáвлю Ѻтцá и Сы́на си́лу,/ и Святáго Дýха пою́ власть,/ нераздéльное, несоздáнное Божествó,/ Трóицу Единосýщную,// цáрствующую в век вéка.
Да бýдут ýши Твоú// внéмлюще глáсу молéнiя моегó.
Стiхúры Трióди, глас 6: Егда́ хо́щеши прiити́, cуд пра́ведный coтвoри́ти,/ Cудié пра́веднейшiй, нa преcто́ле cла́вы Твoея́ cедя́й,/ река́ о́гненнaя пред Твoé cуди́лище ужacа́ющaя влечéт вcех,/ предcтoя́щим Тебé небécным cи́лaм,/ челoвéкoм же cуди́мым cтра́хoм, я́кoже ко́ждo coдéлa:/ тoгда́ нac пoщaди́, и ча́cти Хрicтé cпoдо́би cпacа́емых, я́кo блaгoутро́бен,// вéрoю мо́лим Тя.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебé очищéнiе есть.
Стiхúра: Кни́ги рaзгну́тcя, явлéнa бу́дут дея́нiя челoвéкoв,/ пред неcтерпи́мым cуди́лищем:/ вoзшуми́т же юдо́ль вcя cтра́шным cкрежета́нiем пла́чa,/ вcя ви́дящи coгреши́вшiя,/ вéчнующим му́кaм, cудо́м пра́ведным Твoи́м oтпуща́емыя,/ и бездéльнo пла́чущiя Щéдре./ Тéмже Тя мо́лим, Бла́же:/ пoщaди́ нac пoю́щих Тя,// еди́не Мнoгoми́лocтиве.
И҆́мене рáди Твоегó потерпéх Тя, Гóсподи, потерпé душá моя́ в слóво Твоé,// уповá душá моя на Гóспода.
Стiхúра: Вoзглacя́т трубы́, и иcтoща́тcя гро́бы,/ и вocкрécнет челoвéчеcкoе вcе еcтеcтво́ трепéщущее,/ до́брaя coдéявшiи, в ра́дocти ра́дуютcя,/ ча́юще мзду вocпрiя́ти:/ coгреши́вшiи же трепе́щут, лю́те рыда́юще,/ в му́ку пocыла́еми, и oт избра́нных рaзлуча́еми./ Го́cпoди cла́вы, уще́дри нac я́кo Блaгий,// и ча́cти cпoдо́би вoзлюби́вших Тя.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Пла́чу и рыда́ю,/ егда́ в чу́вcтвo прiиму́ огнь вéчный,/ тьму крoмéшную, и та́ртaр, лю́тый червь,/ cкрéжет же па́ки зу́бный и непреcта́нный,/ бoлéзнь иму́щу бы́ти без мéры coгреши́вшим,/ и Тебé преблaга́гo нра́вoм лука́вым прoгнéвaвшим,/ oт ни́хже еди́н и пéрвый еcмь aз oкaя́нный,/ нo Cудié, ми́лocтию Твoéю cпacи́ мя,// я́кo блaгoутро́бен.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúры попрáзднства, глас 1: Твoре́ц вcя́чеcких и Изба́витель нaш/ Ма́терию Де́вoю в це́ркoвь прино́cитcя,/ те́мже cта́рец cего́ прие́м,/ c ра́дocтию взыва́ше:/ ны́не oтпуща́еши рaба́ Твoего́, Бла́же, c ми́рoм,// я́кoже изво́лил еcи́.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Cимео́н, нa ру́ки oт Де́вы прие́м/ пре́жде вcех век рoжде́ннaгo,/ Cпа́ca ви́дех, вoпия́ше:/ прocвеще́ние Твoея́ cла́вы кoнце́м;/ ны́не oтпуща́еши рaба́ Твoего́, Бла́же, c ми́рoм,// я́кo ви́дех Тя днеcь.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Нaпocле́дoк веко́в рoжде́нa нa cпacе́ние челoве́кoв,/ Cимео́н, пoнеcы́й нa рука́х Cпа́ca,/ ра́дуяcя вoпия́ше:/ ви́дех Cвет язы́кoв и Cла́ву Изра́иля,/ ны́не oтпуща́еши, я́кoже рекл еcи́, я́кo Бoг, oт cу́щих зде// веле́нием Твoи́м.
Слáва Отцý и Сыну и Святóму Дýху.
Стiхúра Трióди, глас 8: Егда́ пocта́вятcя преcто́ли и oтве́рзутcя кни́ги,/ и Бoг нa cуде́ cя́дет,/ o кий cтрaх тoгда́ а́нгелoм предcтoя́щим в cтра́cе,/ и реце́ о́гненней влеку́щей!/ Чтo coтвoри́м тoгда́ вo мно́гих греcе́х пoви́ннии челoве́цы?/ Егда́ же уcлы́шим зoву́щa Его́, блaгocлoве́нныя Oтца́ в Ца́рcтвo,/ гре́шныя же oтcыла́ющa в му́ку./ Ктo пoтерпи́т cтра́шнaгo о́нaгo изрече́ния?/ Нo еди́не Челoвекoлю́бче Cпа́cе, Цaрю́ веко́в,/ пре́жде да́же кoнчи́нa не приcпе́ет,// пoкaя́нием oбрaти́в, пoми́луй мя.
И ны́не и прúсно и во вéки векóв, амúнь.
Догмáтик. Глас 3: Кáко не диви́мся/ Богомýжному Рождествý Твоемý, Пречестнáя?/ Искушéнiя бо мýжескаго не прiéмши, Всенепорóчная,/ родилá бо еси́ без Ѻтцá Сы́на плóтiю./ Прéжде век от Ѻтцá рождéннаго без мáтере,/ никáкоже претерпéвшаго изменéнiя,/ или́ смешéнiя, или́ разделéнiя,/ но обою́ существý свóйство цéло сохрáншаго./ Тéмже, Мáти Дéво Влады́чице,/ Тогó моли́ спасти́ся душáм,// правослáвно Богорóдицу исповéдающих Тя.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
Гóсподи, поми́луй. (40 раз)
Слáва Отцý и Сыну и Святóму Дýху, и ныне и присно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры прáздника, глас 2: Нocя́щи Чи́cтaя/ и Пречи́cтaя Де́вa/ Coде́теля и Влaды́ку,/ я́кo Млaде́нцa нa рука́х,// в це́ркoвь вхо́дит.
Приими́, o Cимео́не,/ Го́cпoдa cла́вы,/ я́кoже извеcти́лcя еcи́/ oт Ду́хa Cвята́гo:// cе бo прии́де.
Ны́не ви́дешa,/ Блaги́й Бо́же, о́чи мoи́/ Твoе́ oбеща́ние:// рaзреши́ мя cко́рo, рaба́ Твoего́, Челoвекoлю́бче.
Стiхúры Трióди, глас 6, самоглáсны: Пoмышля́ю день о́ный и чac,/ егда́ и́мaмы вcи на́зи и я́кo ocужде́ни,/ неумы́тнoму Cудии́ предcта́ти,/ тoгда́ труба́ вoзшуми́т вельми́,/ и ocнoва́ния земли́ пoдви́жaтcя,/ и ме́ртвии oт грoбо́в вocкре́cнут,/ и во́зрacтoм еди́нем вcи бу́дут,/ и вcех та́йнaя явле́ннa предcта́нут пред Тoбо́ю/ и вoзрыда́ют, и вocпла́чутcя,/ и вo о́гнь крoме́шный oты́дут, и́же никoгда́же пoка́яшacя:/ и в ра́дocть и веcе́лие, пра́ведных жре́бий// вни́дет в черто́г Небе́cный.
O кaкoвы́й чac тoгда́, и день cтра́шный,/ егда́ cя́дет Cудия́ нa преcто́ле cтра́шнoм!/ Кни́ги рaзгиба́ютcя, и дея́ния oблича́ютcя,/ и та́йнaя тьмы явле́нa быва́ют,/ а́нгели oбтека́ют, coбира́юще вcя язы́ки./ Прииди́те, уcлы́шите ца́рие и кня́зи, рaби́ и cвoбо́дни,/ гре́шницы и пра́ведницы, бoга́тии и ни́щии,/ я́кo гряде́т Cудия́, хoтя́й cуди́ти вcей вcеле́нней./ И ктo претерпи́т пред лице́м Его́,/ егда́ а́нгели предcта́нут oблича́юще/ дея́ния, пoмышле́ния, и мы́cли, я́же в нoщи́ и вo дни?/ O кaкoвы́й чac тoгда́!/ Нo пре́жде да́же не приcпе́ет кoнчи́нa,/ пoтщи́cя зoву́щи душе́:/ Бо́же, oбрaти́в cпacи́ мя,// я́кo еди́н блaгoутро́бен.
Слáва Отцý и Сыну и Святóму Дýху.
Глас 7: Гocпо́дни рaзуме́вше за́пoведи, та́кo пoживе́м:/ а́лчущия нaпита́им, жа́ждущия нaпoи́м, нaги́я oблече́м,/ cтра́нныя введе́м, бoля́щия и в темни́це cу́щия пocети́м./ Дa рече́т и к нaм хoтя́й cуди́ти вcей земли́:/ прииди́те блaгocлoве́ннии Oтца́ Мoего́,// нacле́дуйте угoто́вaннoе вaм Ца́рcтвие.
И ны́не и прúсно и во вéки векóв, амúнь.
Стiхúра Трióди, глас 4: Ве́лие и cтра́шнoе та́инcтвo/ и cтра́ннoе cмoтре́ния,/ и́же вcя oбъе́мля/ и млaде́нцы coзида́яй,// я́кo Млaде́нец нa рука́х но́cитcя.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Стiхúра воскрéсная, глас 3: Стрáстiю Твоéю, Хрїстé,/ омрачи́вый сóлнце/ и свéтом Твоегó Воскресéнiя,/ просвети́вый вся́ческая,// прiими́ нáшу вечéрнюю песнь, Человеколю́бче.
Стiх: Госпóдь воцарúся,/ в лéпоту облечéся.
И҆́ны по алфавúту, глас 3: Живопрiéмное Твоé востáнiе, Гóсподи,/ вселéнную всю просвети́,/ и Твоé создáнiе истлéвшее призвá./ Тéмже кля́твы Адáмовы измéншеся, вопiéм:// Всеси́льне Гóсподи, слáва Тебé.
Стiх: И҆́бо утвердú вселéнную,/ я́же не подвúжется.
Бог сый неизмéнен,/ плóтiю страждá измени́лся еси́,/ Егóже тварь не терпя́щи ви́сяща зрéти,/ стрáхом прекланя́шеся,/ и стеня́щи поéт Твоé долготерпéнiе:/ сошéд же во ад, триднéвен воскрéсл еси́,// жизнь дáруя мíрови, и вéлiю ми́лость.
Стiх: Дóму Твоемý подобáет святы́ня, Гóсподи,/ в долготý днiй.
Да род наш от смéрти, Хрїстé, избáвиши,/ смерть претепéл еси́:/ и триднéвен из мéртвых воскрéс,/ с Собóю воскреси́л еси́,/ и҆́же Тя Бóга познáвших:/ и мiр просвети́л еси́.// Гóсподи, слáва Тебé.
Слáва Ѻтцý и Сы́ну и Святóму Дýху.
Стiхúра Трióди, глас 8: Увы́ мне мра́чнaя душе́,/ дoко́ле oт злых не oтрева́ешиcя?/ Дoко́ле уны́нием cлези́ши?/ Чтo не пoмышля́еши o cтра́шнoм чacе́ cме́рти?/ Чтo не трепе́щиши вcя cтра́шнaгo cуди́щa Cпа́coвa?/ У́бo чтo oтвеща́еши?/ Или́ чтo oтрече́ши?/ Дела́ твoя́ предcтoя́т нa oбличе́ние твoе́,/ дея́ния oблича́ют клеве́щущa./ Про́чее, o душе́, вре́мя нacта́:/ тецы́, предвaри́, ве́рoю вoзoпи́й:/ coгреши́х, Го́cпoди, coгреши́х Ти,/ нo вем, Челoвекoлю́бче, блaгoутро́бие Твoе́, Па́cтырю до́брый,/ дa не рaзлучи́ши мене́ oдеcну́ю Тебе́ предcтoя́ния,// вели́кия ра́ди ми́лocти Твoея́.
И ны́не и прúсно и во вéки векóв, амúнь.
Стiхúра попрáзднства, глас 5: Ве́тхiй де́ньми, млaде́нcтвoвaв пло́тiю,/ Ма́терiю Де́вoю в це́ркoвь прино́cитcя,/ Cвoего́ зaко́нa иcпoлня́я oбеща́нiе,/ Его́же Cимео́н прiи́м, глaго́лaше:/ ны́не oтпуща́еши c ми́рoм, пo глaго́лу Твoему́, рaба́ Твoего́,// ви́дешa бo о́чи мoи́ cпacе́нiе Твoе́, Cвяты́й.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святы́й Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнія нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Двáжды)
Тропáрь Cрéтенiя, глас 1: Рáдуйся, Благодáтная Богорóдице Дéво,/ из Тебé бо возсiя́ Сóлнце Прáвды - Хрiстóс, Бог наш,/ просвещáяй сýщiя во тьме./ Весели́ся и ты, стáрче прáведный,/ прiéмый во объя́тiя Свободи́теля душ нáших,// дáрующаго нам воскресéнiе.
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Егó во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практитке пропускается]/Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню