Неделя 18 по Пятидесятнице. Сщмч. Дионисия Ареопагита, глас 1 ОБЕДНИЦА (Изобразительные).
16 октября́ 2022 гóда. Недéля 18 по Пятидеся́тнице. Священномýченика Дiонúсiя Ареопагíта, епíскопа Афúнскаго. Глас 1. Воскрéсная прáздничная слýжба для домáшнего (келéйнаго) совершéнiя. Послéдованiе изобразúтельных. Слýжба мiрскúм чúном.
Прежде глаголи часы. Аще имаши произволение то чти ýтреню с канóном и пéрвым чáсом, аще же ни, токмо часы.
ЧИН ОБЕДНИЦЫ
Глагóли сúце: Благословѝ, душé моя́, Гóспода,/ благословéн есѝ Гóсподи.
Псалом 102
Благословѝ, душé моя́, Гóспода,/ и вся внýтренняя моя и҆́мя святóе Егó./ Благословѝ, душé моя, Гóспода,/ и не забывáй всех воздая́нїй Егó,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоé:/ обновится я́ко óрля юность твоя́./ Творя́й ми́лостыни Госпóдь,/ и судьбý всем оби́димым./ Сказá путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концá прогнéвается,/ нижé во век враждýет,/ не по беззакóнїем нáшим сотвори́л есть нам,/ нижé по грехóм нáшым воздáл есть нам./ Я́ко по высотé небéсней от землѝ,/ утверди́л есть Госпóдь ми́лость Свою́ на боя́щихся Егó./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егó./ Я́ко Той познá создáнїе нáше,/ помянý, яко персть есмы́./ Человéк, яко травá днíе eгó,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегó./ Ми́лость же Госпóдня от вéка и до вéка на боя́щихся Егó,/ и прáвда Егó на сынéх сынóв, храня́щих завéт Егó, и пóмнящих зáповеди Егó твори́ти я./ Госпóдь на Небесѝ уготóва Престóл Свой,/ и Цáрство Егó всéми обладáет./ Благослови́те Гóспода вси Áнгели Егó,/ си́льнїи крéпостїю, творя́щїи слóво Егó, услышати глас словéс Егó./ Благослови́те Гóспода вся Си́лы Егó,/ слýги Егó, творя́щїи вóлю Егó./ Благослови́те Гóспода вся делá Егó,/ на всяком мéсте влады́чества Егó.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благослови́, душé моя, Гóспода,/ и вся внýтренняя моя и҆́мя святóе Егó./ Благословéн еси, Гóсподи.
Слáва Ѻтцý и Сы́ну и Святóму Дýху.
Псалом 145
Хвали́, душé моя, Гóспода./ Восхвалю́ Гóспода в животé моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгó/ и возврати́тся в зéмлю свою́./ В той день поги́бнут вся помышлéнїя eгó./ Блажéн, eмýже Бог Iáковль Помóщник егó,/ уповáнiе eгó на Гóспода Бóга своегó,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы́./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстé Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянú нас, Гóсподи,/ егдá прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 1): Снéдiю изведé из рая́ враг Адáма:/ Крестóм же разбóйника введé Хрiстóс вонь,/ помяни́ мя, зовýща,// егдá прiи́деши во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Покланя́юся страстéм Твои́м,/ славослóвлю и Воскресéнiе со Адáмом и разбóйником,/ со глáсом свéтлым вопiю́ Ти:/ помяни́ мя Гóсподи,// егдá прiи́деши во Цáрствiи Твоéм.
На 8. Хор: Блажéни мúлостивiи,/ я́ко тíи помúловани бýдут.
Чтец: Распя́лся еси безгрéшне,/ и во гробе положи́лся еси́ волею,/ но воскрéсл еси яко Бог,/ совоздви́гнувый Себé Адáма,/ помяни́ мя, зовýща,// егдá прiи́деши во Цáрствiи Твоéм.
Хор: Блажéни чúстiи сéрдцем,/ я́ко тíи Бóга ýзрят.
Чтец: Храм Твой телéсный триднéвным Воскреси́вый погребéнiем,/ со Адáмом, и и҆́же от Адáма, воскреси́л еси́ Хрiстé Бóже:/ помяни́ нас зовýщих,// егдá прiи́деши во Цáрствiи Твоéм.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Мvронóсицы прiидóша плáчуща,/ на гроб Твой Хрiстé Бóже, зелó рáно:/ и в бéлых ризах обретóша Áнгела седя́ща,/ что и҆́щете; зовýща.// Воскрéсе Хрiстóс, не рыдáйте прóчее.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Апóстоли Твои Гóсподи/ на гóру, áможе повелéл еси им, пришéдше Спáсе,/ и Тя ви́девше поклони́шася.// И҆́хже и послáл еси во язы́ки учи́ти и крести́ти я.
На 4. Хор: Блажéни естé, егдá понóсят вам,/ и изженýт, и рекýт всяк зол глагóл на вы лжýще Менé рáди.
Чтец (стiхúры сщмч. Дiонúсiя, глас 8): Небéсных кругóв превозшéд, óтче, преми́рных чи́ны, и вóинства, и свéтлости,// высоковеща́ньми словéс и всемýдрыми учéнiи всем изъясни́л еси́.
Хор: Рáдуйтеся и веселúтеся, я́ко мзда вáша мнóга на Небесéх.
Чтец:Высóкаго видéнiя насы́щся, преподóбне,/ имéн Божéственных Божéственное разумéнiе Богослóвил еси́,// Трóичный Богослóв быв благодáтiю, Богоблажéнне Дiони́сiе.
Хор: Слáва Отцý и Сы́ну и Святóму Дýху.
Чтец (Трóичен): Умертви́вся ны́нешним желáнiем, éже к Бóгу,/ и любомýдрiю крéпко научи́вся,// сýщим пáче умá животвóрным даровáнiем Богонóсный оргáн, óтче, был еси́.
Хор: И ны́не и прúсно и во вéки векóв. Амúнь.
Чтец (Богорóдичен): Дея́нiем, Дéво, Вседéтельнаго Дýха,/ тéло Влады́це всех плодоноси́ла еси́,// в Нéмже осуди́ся ми́ра грех и Жизнь источи́ся вéчнующая.
Тропари и кондаки
Тропáрь воскрéсный, глас 1: Кáмени запечáтану от iудéй/ и вóином стрегýщим Пречи́стое Тéло Твоé,/ воскрéсл еси триднéвный, Спáсе,/ дáруяй мíрови жизнь./ Сегó рáди си́лы небéсныя вопiя́ху Ти, Жизнодáвче:/ слáва Воскресéнiю Твоемý, Хрiстé,/ слáва Цáрствiю Твоемý,// слáва смотрéнiю Твоемý, еди́не Человеколю́бче.
Тропáрь сщмч. Дiонúсiя, глас 4: Блáгости научи́вся и трезвя́ся во всех,/ благóю сóвестiю священнолéпно обóлкся,/ почéрпл еси от сосýда избрáннаго неизречéнная/ и, вéру соблю́д, рáвное течéнiе соверши́л еси́,/ священномýчениче Дiони́сiе,// моли́ Хрiстá Бóга спасти́ся душáм нáшим.
Слáва Отцý и Сы́ну и Святóму Дýху.
Кондáк сщмч. Дiонúсiя, глас 8: Небéсная вратá прошéд дýхом я́ко учени́к/ до трéтiяго Небесé дости́гшаго апóстола, Дiони́сiе,/ неизречéнных обогати́лся еси́ вся́ким рáзумом/ и озари́л еси́ во тьме невéденiя седя́щiя./ Тéмже зовéм:// рáдуйся, óтче всемíрный.
И ны́не и прúсно и во вéки векóв. Амúнь.
Кондáк воскрéсный, глас 1: Воскрéсл еси́, я́ко Бог, из грóба во слáве,/ и мiр совоскреси́л есѝ;/ и естествó человéческое я́ко Бóга воспевáет Тя, и смерть исчезé;/ Адáм же ликýет, Влады́ко;/ Éва ны́не от уз избавля́ема рáдуется, зовýщи:// Ты есѝ, И҆́же всем подая́, Хрiстé, воскресéнiе.
Трисвятое
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас. (3 раза)
Хор: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Хор: Святы́й Безсмéртный, поми́луй нас.
Хор: Святы́й Бóже,/ Святы́й Крéпкїй,/ Святы́й Безсмéртный, поми́луй нас.
Прокимен воскресный, глас 1
Чтец: Прокíмен, глас пéрвый, псалóм Давíдов: Бýди, Гóсподи, ми́лость Твоя́ на нас, я́коже уповáхом на Тя. (Пс.32:22)
Хор: Бýди, Гóсподи, мúлость Твоя́ на нас,/ я́коже уповáхом на Тя.
Чтец:Рáдуйтеся, прáведнiи, о Гóсподе, прáвым подобáет похвалá. (Пс.32:1)
Хор: Бýди, Гóсподи, мúлость Твоя́ на нас,/ я́коже уповáхом на Тя.
Прокимен священномученика, глaс 8
Чтец: Прокíмен, глас осьмы́й, псалóм Давíдов: Восхвáлятся преподóбнiи во слáве и возрáдуются на лóжах свои́х. (Пс.149:5)
Хор: Восхвáлятся преподóбнiи во слáве/ и возрáдуются на лóжах свои́х.
АПОСТОЛ
Чтец: К Корíнфяном послáнiя святáго апóстола Пáвла чтéнiе.
(2Кор.зач.188): Брáтiе, сéяй скýдостiю, скýдостiю и пóжнет, а сéяй о благословéнiи, о благословéнiи и пóжнет. Кóждо я́коже изволéнiе и҆́мать сéрдцем, не от скóрби, ни от нýжды: доброхóтна бо дáтеля лю́бит Бог. Си́лен же Бог вся́ку благодáть изоби́ловати в вас, да о всем всегдá вся́ко довóльство имýще, избы́точествуете во вся́ко дéло блáго, я́коже есть пи́сано: расточи́, дадé убóгим, прáвда егó пребывáет во вéки. Дая́й же сéмя сéющему и хлеб в снедь, да подáст и умнóжит сéмя вáше, и да возрасти́т жи́та прáвды вáшея, да о всем богатя́щеся во вся́ку простотý, я́же содевáет нáми благодарéнiе Бóгу.
[русский синодальный перевод]Братья, кто сеет скупо, тот скупо и пожнет; а кто сеет щедро, тот щедро и пожнет. Каждый уделяй по расположению сердца, не с огорчением и не с принуждением; ибо доброхотно дающего любит Бог. Бог же силен обогатить вас всякою благодатью, чтобы вы, всегда и во всем имея всякое довольство, были богаты на всякое доброе дело, как написано: расточил, раздал нищим; правда его пребывает в век. Дающий же семя сеющему и хлеб в пищу подаст обилие посеянному вами и умножит плоды правды вашей, так чтобы вы всем богаты были на всякую щедрость, которая через нас производит благодарение Богу.(9:6-11)
(Деян.зач.40А): Во дни óны, во Афи́нех ждýщу Пáвлу Сíлы и Тiмофéа, раздражáшеся дух егó в нем зря́щем íдол полн сущь град. Стязáшеся же ýбо на сóнмищи со iудéи и с чести́выми, и на тóржищи по вся дни с приключáющимися. Нéцыи же от епiкýр и от стóiк фiлосóф стязáхуся с ним, и нéцыи глагóлаху: что ýбо хóщет суеслóвивый сей глагóлати? Инíи же: чужди́х богóв мни́тся проповéдник бы́ти, я́ко Iисýса и воскресéнiе благовествовáше им. Поéмше же егó, ведóша на ареопáг, глагóлюще: мóжем ли разумéти, что нóвое сié глагóлемое тобóю учéнiе? Стрáнна бо нéкая влагáеши во ушесá нáша, хóщем ýбо разумéти, что хотя́т сiя́ бы́ти? Афинéи же вси и приходя́щiи стрáннiи ни во чтóже и҆́но упражня́хуся, рáзве глагóлати что или́ слы́шати нóвое. Став же Пáвел посредé ареопáга, речé: мýжiе афинéйстiи, по всемý зрю вы áки благочести́выя. Проходя́ бо и согля́дая чествовáнiя вáша, обретóх и кáпище, на нéмже бе напи́сано: невéдомому Бóгу. Егóже ýбо не вéдуще благолéпно чтетé, Сегó аз проповéдую вам. Бог сотвори́вый мiр и вся, я́же в нем, Сей небесé и земли́ Госпóдь сый, не в рукотворéнных хрáмех живéт, ни от рук человéческих угождéнiя прiéмлет, трéбуя что, Сам дая́ всем живóт и дыхáнiе и вся. Сотвори́л же есть от еди́ныя крóве весь язы́к человéчь, жи́ти по всемý лицý земнóму, устáвив предучинéная временá и предéлы селéнiя их, взыскáти Гóспода, да понé ося́жут Егó и обря́щут, я́ко не далéче от еди́наго коегóждо нас сýща. О Нем бо живéм и дви́жемся и есмы́, я́коже и нéцыи от вáших кни́жник рекóша: Сегó бо и род есмы́. Род ýбо сýще Бóжiй, не дóлжни есмы́ непщевáти подóбно бы́ти Божествó злáту, или́ сребрý, или́ кáменю худóжне начертáнну, и смышлéнiю человéчу. Лéта ýбо невéденiя презирáя Бог, ны́не повелевáет человéком всем всю́ду покáятися. Занé устáвил есть день, вóньже хóщет суди́ти вселéнней в прáвде, о Мýже, Егóже предустáви, вéру подая́ всем, воскреси́в Егó от мéртвых. Слы́шавше же воскресéнiе мéртвых, óвiи ýбо ругáхуся, óвiи же рéша: да слы́шим тя пáки о сем. И тáко Пáвел изы́де от среды́ их. Нéцыи же мýжiе прилепи́вшеся емý, вéроваша, в ни́хже бе и Дiони́сiй Ареопаги́тскiй, и женá и҆́менем Дáмарь, и друзíи с ни́ми.
[русский синодальный перевод]В ожидании их в Афинах Павел возмутился духом при виде этого города, полного идолов. Итак, он рассуждал в синагоге с Иудеями и с чтущими Бога, и ежедневно на площади со встречающимися. Некоторые из эпикурейских и стоических философов стали спорить с ним; и одни говорили: «что́ хочет сказать этот суеслов?», а другие: «кажется, он проповедует о чужих божествах», потому что он благовествовал им Иисуса и воскресение. И, взяв его, привели в ареопаг и говорили: можем ли мы знать, что это за новое учение, проповедуемое тобою? Ибо что-то странное ты влагаешь в уши наши. Посему хотим знать, что́ это такое? Афиняне же все и живущие у них иностранцы ни в чем охотнее не проводили время, как в том, чтобы говорить или слушать что-нибудь новое. И, став Павел среди ареопага, сказал: Афиняне! по всему вижу я, что вы как бы особенно набожны. Ибо, проходя и осматривая ваши святыни, я нашел и жертвенник, на котором написано «неведомому Богу». Сего-то, Которого вы, не зная, чтите, я проповедую вам. Бог, сотворивший мир и всё, что в нем, Он, будучи Господом неба и земли, не в рукотворенных храмах живет и не требует служения рук человеческих, как бы имеющий в чем-либо нужду, Сам дая всему жизнь и дыхание и всё. От одной крови Он произвел весь род человеческий для обитания по всему лицу земли, назначив предопределенные времена и пределы их обитанию, дабы они искали Бога, не ощутят ли Его и не найдут ли, хотя Он и недалеко от каждого из нас: ибо мы Им живем и движемся и существуем, как и некоторые из ваших стихотворцев говорили: «мы Его и род». Итак, мы, будучи родом Божиим, не должны думать, что Божество подобно золоту, или серебру, или камню, получившему образ от искусства и вымысла человеческого. Итак, оставляя времена неведения, Бог ныне повелевает людям всем повсюду покаяться, ибо Он назначил день, в который будет праведно судить вселенную, посредством предопределенного Им Мужа, подав удостоверение всем, воскресив Его из мертвых. Услышав о воскресении мертвых, одни насмехались, а другие говорили: об этом послушаем тебя в другое время. Итак, Павел вышел из среды их. Некоторые же мужи, пристав к нему, уверовали; между ними был Дионисий Ареопагит и женщина, именем Дамарь, и другие с ними.(17:16-34)
Аллилуарий воскресный, глас 1
Чтец: Аллилýіа, аллилýіа, аллилýіа, глас пéрвый, псалóм Давíдов:
Чтец: Бог дая́й отмщéнiе мне, и покори́вый лю́ди под мя. (Пс.17:48)
Хор: Аллилýіа, аллилýіа, аллилýіа.
Чтец: Величáяй спасéнiя царéва и творя́й ми́лость хрiстý Своемý Давíду и сéмени егó до вéка. (Пс.17:51)
Хор: Аллилýіа, аллилýіа, аллилýіа.
Аллилуарий священномученика, глас 2
Чтец: Глас вторы́й: Свящéнницы Твои́ облекýтся прáвдою, и преподóбнiи Твои́ возрáдуются. (Пс.131:9)
Хор: Аллилýіа, аллилýіа, аллилýіа.
ЕВАНГЕЛИЕ
От Луки́ Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Лк.зач.26): Речé Госпóдь: я́коже хóщете да творя́т вам человéцы, и вы твори́те им тáкожде. И áще лю́бите лю́бящыя вы, кáя вам благодáть есть? И҆́бо и грéшницы лю́бящыя их лю́бят. И áще благотворитé благотворя́щым вам, кáя вам благодáть есть? И҆́бо и грéшницы тóжде творя́т. И áще взаи́м даетé, от ни́хже чáете воспрiя́ти, кáя вам благодáть есть, и҆́бо и грéшницы грéшником взаи́м давáют, да воспрiи́мут рáвная. Обáче люби́те враги́ вáша, и благотвори́те, и взаи́м дáйте, ничесóже чáюще, и бýдет мзда вáша мнóга, и бýдете сы́нове Вы́шняго, я́ко Той благ есть на безблагодáтныя и злы́я. Бýдите ýбо милосéрди, я́коже и Отéц ваш милосéрд есть.
[Русский синодальный перевод]И кáк хотите, чтобы с вами поступали люди, та́к и вы поступайте с ними. И если любите любящих вас, какая вам за то благодарность? ибо и грешники любящих их любят. И если делаете добро тем, которые вам делают добро, какая вам за то благодарность? ибо и грешники то́ же делают. И если взаймы даёте тем, от которых надеетесь получить обратно, какая вам за то благодарность? ибо и грешники дают взаймы грешникам, чтобы получить обратно столько же. Но вы люби́те врагов ваших, и благотворите, и взаймы давайте, не ожидая ничего; и будет вам награда великая, и будете сынами Всевышнего; ибо Он благ и к неблагодарным и злым.Итак, будьте милосерды, как и Отец ваш милосерд.(6:31-36)
(Мф.зач.55): Речé Госпóдь при́тчу сiю́: подóбно есть Цáрствiе Небéсное сокрóвищу сокровéну на селé, éже обрéт человéк скры, и от рáдости егó и҆́дет, и вся, ели́ка и҆́мать, продаéт, и купýет селó то. Пáки подóбно есть Цáрствiе Небéсное человéку купцý, и҆́щущу дóбрыя би́серы, и҆́же обрéт еди́н многоцéнен би́сер, шед продадé вся, ели́ка имя́ше, и купи́ егó. Пáки подóбно есть Цáрствiе Небéсное нéводу ввéржену в мóре и от вся́каго рóда собрáвшу, и҆́же егдá испóлнися, извлекóша и на край, и сéдше избрáша дóбрыя в сосýды, а злы́я извергóша вон. Тáко бýдет в скончáнiе вéка: изы́дут Áнгели, и отлучáт злы́я от среды́ прáведных, и ввéргут их в пещь óгненную, ту бýдет плачь и скрéжет зубóм. Глагóла им Iисýс: разумéсте ли сiя́ вся? Глагóлаша Емý: ей, Гóсподи. Он же речé им: сегó рáди всяк кни́жник, научи́вся Цáрствiю Небéсному, подóбен есть человéку домови́ту, и҆́же изнóсит от сокрóвища своегó нóвая и вéтхая. И бысть, егдá скончá Iисýс при́тчи сiя́, прéйде оттýду. И пришéд во отéчествiе Своé, учáше их на сóнмищи их.
[Русский синодальный перевод]Еще подобно Царство Небесное сокровищу, скрытому на поле, которое, найдя, человек утаил, и от радости о нем идет и продает всё, что имеет, и покупает поле то. Еще подобно Царство Небесное купцу, ищущему хороших жемчужин, который, найдя одну драгоценную жемчужину, пошел и продал всё, что имел, и купил ее. Еще подобно Царство Небесное неводу, закинутому в море и захватившему рыб всякого рода, который, когда наполнился, вытащили на берег и, сев, хорошее собрали в сосуды, а худое выбросили вон. Так будет при кончине века: изыдут Ангелы, и отделят злых из среды праведных, и ввергнут их в печь огненную: там будет плач и скрежет зубов. И спросил их Иисус: поняли ли вы всё это? Они говорят Ему: та́к, Господи! Он же сказал им: поэтому всякий книжник, наученный Царству Небесному, подобен хозяину, который выносит из сокровищницы своей новое и старое. И, когда окончил Иисус притчи сии, пошел оттуда. И, придя в отечество Свое, учил их в синагоге их. (13:44-54А)
Хор: Слáва Тебé, Гóсподи, слáва Тебé.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стих: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пилáте, и страдáвша и погребéнна. И воскрéсшаго в трéтiй день по Писáнiем, и҆ возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 1: Воскрéсл еси́, я́ко Бог, из грóба во слáве,/ и мiр совоскреси́л есѝ;/ и естествó человéческое я́ко Бóга воспевáет Тя, и смерть исчезé;/ Адáм же ликýет, Влады́ко;/ Éва ны́не от уз избавля́ема рáдуется, зовýщи:// Ты есѝ, И҆́же всем подая́, Хрiстé, воскресéнiе.
Гóсподи, поми́луй. (12 раз)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 раза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалá Его во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и҆ вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасé и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Его./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Ѻ́чи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негó.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Гóсподи, поми́луй. (3 раза)
Гóсподи, благословѝ.
ОТПУСТ
Хрїстóс, и҆́стинный Бог наш, моли́твами пречи́стыя Своея́ Мáтере, святы́х слáвных и всехвáльных Апóстол, преподóбных и Богонóсных отéц нáших и всех святы́х, поми́лует и спасéт нас, я́ко Благ и Человеколю́бец.