Літургія свт. Іоанна Золотоуста (цся київського iзводу) Ч.3. Херувимська Пісня - Євхаристичний канон
Частина 1
Частина 2
Співаки співають Херувимську пісню:
Iже Херуви́ми та́йно образу́юще і Животворя́щей Тро́йці Трисвяту́ю піснь припіва́юще, вся́коє ни́ні жите́йскоє отложíм попече́ніє.
[По тексту Служебника свт. Петра Могили:
Херуви́ми та́йно образу́ющії і Животворя́щой Тро́йці Трисвяту́ю піснь принося́щії, вся́кую ни́ні жите́йскую отвержíм печа́ль.]
У цей час дiакон звершує кадіння.
Предстоятель тихо читає молитву Херувимської пісні:
Нікто́же досто́їн от связа́вшихся пло́тскими по́хотьми і сла́стьми приходи́ти, íли приближи́тися, íли служи́ти Тебí, Ца́рю Сла́ви, є́же бо служи́ти Тебí - вели́ко і стра́шно і самíм Небе́сним си́лам. Но оба́че неізрече́ннаго ра́ди і безмíрнаго Твоє́го человіколю́бія непрело́жно і неізмíнно бил єси́ Человíк, і Архієре́й нам наре́клся єси́, і служе́бния сея́, і безкро́вния Же́ртви священнодíйствіє преда́л єси́ нам, я́ко Влади́ка вся́ческих. Ти бо єди́н, Го́споди Бо́же наш, владичеству́єши Небе́сними і зе́мними, на престо́лі Херуви́мском яздя́й, Серафи́мом Госпо́дь і Цар Ізра́їлев, Єди́н Свят і на святи́х почива́яй. Тебе́ у́бо молю́, Єдина́го Блага́го і благопослушли́ваго: призри́ на́ м’я, грíшнаго і непотре́бнаго раба́ Твоє́го, і очисти́ мою́ ду́шу і се́рдце от со́вісти лука́вия, і удовли́ м’я, си́лою Свята́го Твоє́го Ду́ха, облече́нна Свяще́нства благода́тію, предста́ти свято́й Твоє́й сей Тра́пезі, і священнодійствова́ти Свято́є і Пречи́стоє Твоє́ Тíло і Че́стную Кро́в. К Тебí бо прихожду́, прекло́нь мою́ ви́ю, і молю́ся Тебí: да не отврати́ши лица́ Твоє́го от мене́, нíже да отрине́ши м’я от отро́к Твої́х, но сподоби́ принесе́нном Тебí би́ти от мене́, грíшнаго і недосто́йнаго раба́ Твоє́го, да́ром сим. Ти бо єси́ принося́й і приноси́мий, і приємля́й, і раздава́ємий, Хри́сте Бо́же наш, і Тебí сла́ву возсила́єм, со Безнача́лним Ти Отце́м, і Пресвяти́м, і Благи́м, і Животворя́щим Ти Ду́хом, ни́ні, і при́сно, і во вíки віко́м. Амíнь.
Предстоятель молиться з піднятими руками: Херуви́ми та́йно образу́ющії і Животворя́щой Тро́йці Трисвяту́ю піснь принося́щії, вся́кую ни́ні жите́йскую отвержíм печа́ль.
Дiакон: Яко Царя́ всіх приє́млюще, А́нгелскими невиди́мо дориноси́ма чи́ньми. Алилу́я, алилуя, алилуя.
(тричi)
Усі підходять до жертовника.
Дiакон: Возми́, Влади́ко.
Предстоятель, віддаючи Дискос диякону: В ми́рі воздеждíте ру́ки ва́ша во Свята́я і благословíте Го́спода.
Співаки переривають спів Херувимської пісні. Клірики шествують по храму.
Дiакон: Всіх вас, правосла́вних христіа́н, да пом’яне́т Госпо́дь Бог во Ца́рствії Своє́м всегда́, ни́ні, і при́сно, і во вíки віко́м.
Предстоятель: Боголюби́ваго Єпи́скопа на́шего Кир (ім’яре́к) да пом’яне́т Госпо́дь Бог во Ца́рствії Своє́м всегда́, ни́ні, і при́сно, і во вíки віко́м.
Перший спiвслужачий: Святiйшия патрiархi православния, блаженiйшия архiєпископи i митрополити, преосвященния митрополити, архієпископи i єпископи, весь священичеський і монашеський чин і весь причет церковний, да пом’яне́т Госпо́дь Бог во Ца́рствії Своє́м всегда́, ни́ні, і при́сно, і во вíки віко́м.
Другий спiвслужачий: Настоятеля, братiю, тружда́ющихся, пою́щих, i всiх парафiян святаго храма сего, да пом’яне́т Госпо́дь Бог во Ца́рствії Своє́м всегда́, ни́ні, і при́сно, і во вíки віко́м.
Третiй спiвслужачий:
Всіх любящих і ненавiдящих нас, всіх, заповідавших нам, недостойним, молитися за них, да пом’яне́т Госпо́дь Бог во Ца́рствії Своє́м всегда́, ни́ні, і при́сно, і во вíки віко́м.
Четвертий спiвслужачий:
Всіх усопших в надеждi Воскресенiя i жизнi вічния рабо́в Божиї́х (ім’яре́к),
да пом’яне́т Госпо́дь Бог во Ца́рствії Своє́м всегда́, ни́ні, і при́сно, і во вíки віко́м.
Предстоятель:
Всіх вас, правосла́вних христіа́н, да пом’яне́т Госпо́дь Бог во Ца́рствії Своє́м, всегда́, ни́ні, і при́сно, і во вíки віко́м.
Усi: Амíнь.
Співаки закінчують спів Херувимської пісн::
Яко да Царя́ всіх приї́мем, А́нгелскими невиди́мо дориноси́ма чи́ньми. Аллилу́я, аллилуя, аллилуя.
[По тексту Служебника свт. Петра Могили:
Яко Царя́ всіх приє́млюще, А́нгелскими невиди́мо дориноси́ма чи́ньми. Алилу́я, алилуя, алилуя.]
Пресвíтер тихо, під час співу:
Во гро́бі пло́тски, во а́ді же с душе́ю, я́ко Бог, в раї́ же с разбо́йником, і на Престо́лі бил єси́, Хри́сте, с Отце́м і Ду́хом вся́ ісполня́я, неописа́нний.
Я́ко живоно́сец, я́ко рая́ краснíйший воíстинну і черто́га вся́каго ца́рскаго яви́ся світлíйший, Хри́сте, гроб Твой, істо́чник на́шему Воскресе́нію.
Благоо́бразний Іоси́ф, от дре́ва снем Пречи́стоє Твоє́ Тíло, плащани́цею чи́стою обви́в, і во́нями во гро́бі но́ві закри́в, положи́.
Ублажи́, Го́споди, благоволе́нієм Твої́м Сіо́на, і да сози́ждутся стíни Ієрусали́мскія. Тогда́ благоізволи́ши в же́ртві пра́вди, в возноше́ніїх і всесожига́ємих, тогда́ возло́жат на О́лтар Твой те́лця.
К дiакону: Пом’яни́ м’я, бра́те і сослужи́телю.
Дiакон: Дух Святи́й на́йдет на́ тя, і Си́ла Ви́шняго осíнит тя.
Пресвíтер: Сам Той Дух да дійству́єт с на́ми вся́ дні живота́ на́шего.
Дiакон: Пом’яни́ м’я, Влади́ко святи́й.
Пресвíтер: Да пом’яне́т тя Госпо́дь Бог во Ца́рствії Своє́м, всегда́, ни́ні, і при́сно, і во вíки віко́м
Дiакон: Амíнь
Прохальна єктенія
Дiакон: Іспо́лнім моли́тви на́ша Господеві.
Усi: Го́споди, поми́луй.
Дiакон: О предложе́нних Че́стних Да́ріх, Го́споду помолíмся.
Усi: Го́споди, поми́луй.
Дiакон: О свято́м Хра́мі сем, і с вíрою, благоговíнієм і стра́хом Бо́жіїм входя́щих в о́нь, Го́споду помолíмся.
Усi: Го́споди, поми́луй.
Дiакон: О є́же ізба́витися нам от вся́кія ско́рби, гнíва, бiди і ну́жди, Го́споду помолíмся.
Усi: Го́споди, поми́луй.
Дiакон: Заступи́, спаси́, поми́луй, і сохрани́ нас, Бо́же, Твоє́ю благода́тію.
Усi: Го́споди, поми́луй.
Дiакон: Дне всего́ соверше́нна, свята́, ми́рна і безгрíшна, у Го́спода просíм.
Усі: Пода́й, Го́споди.
Дiакон: А́нгела ми́ра, вíрна наста́вника, храни́теля душа́м і тíлом на́шим, у Го́спода просíм.
Усі: Пода́й, Го́споди.
Дiакон: Ми́лости і оставле́нія гріхо́в і прегріше́нієм на́шим, у Го́спода просíм.
Усі: Пода́й, Го́споди.
Дiакон: До́брих і по́лезних душа́м на́шим і мира мíровi, у Го́спода просíм.
Усі: Пода́й, Го́споди.
Дiакон: Про́чеє вре́м’я живота́ на́шего в ми́рі і покая́нії сконча́ти, у Го́спода просíм
Усі: Пода́й, Го́споди.
Дiакон: Христіа́нскія кончини́ животу́ на́шему, безстра́стни, непости́дни, ми́рни і до́браго отвíта на Стра́шном су́дищи Христо́ві просíм.
Усі: Пода́й, Го́споди.
Дiакон: Всесвяту́ю, непоро́чную, Преблагослове́нную, Сла́вную Влади́чицу на́шу Богоро́дицу і при́сно Дíву Марíю, со всíми святи́ми пом’яну́вше, са́мі себе́, і друг дру́га, і вес живо́т наш Христу́ Бо́гу предадíм.
Усі: Тебí, Го́споди.
Учиненний пресвiтер тихо:
Молитва Принесення, після поставлення Св. Дарів на Престолі
Го́споди, Бо́же Вседержи́телю, Єди́не Святе́, приємля́й же́ртву хвале́нія от призива́ющих Тя всім се́рдцем. Прийми́ і нас грíшних моле́ніє, і принеси́ ко свято́му Твоє́му Жерто́внику, і удовли́ нас принести́ Тебí да́ри же і же́ртви духо́вния о на́ших согріше́ніїх і лю́дских невíждествіїх, і сподоби́ нас обрісти́ благода́ть пред Тобо́ю, є́же би́ти Тебí благоприя́тной же́ртві на́шей, і всели́тися Ду́ху благода́ти Твоє́я Благо́му в нас, і во предлежа́щих Да́рех сих, і во всіх лю́дех Твої́х.
піднімаючи голос: щедрота́ми Єдиноро́днаго Си́на Твоє́го, с Ни́мже благослове́н єси́, со Пресвяти́м, і Благи́м, і Животворя́щим Тi Духо́м, ни́ні, і при́сно, і во вíки віко́м.
Усі: Амíнь.
Прдстоятель: Мир всiм!
Усі: І ду́хові твоє́му.
Дiакон: Возлюбíм друг дру́га, да в єдиноми́слії ісповíми
Все: Отца́, і Си́на, і Свята́го Ду́ха - Тро́йцу Єдиносу́щную і Нераздíлную.
Пресвíтер, звертаючись до народу: Христо́с посре́ді нас!
Усі відповідають: І єст, і бу́дет! Цими словами всі вітають одне одного.
Дiакон: Прему́дростію вонмíм.
Символ вiри
1 Вíрую во Єди́наго Бо́га, Отца́ Вседержи́теля, Тво́рца не́бу і землí, види́мим же всім, і невиди́мим. 2 І во Єди́наго Го́спода Ісу́са Христа́, Си́на Бо́жія, Єдиноро́днаго, от Отца́ рожде́ннаго пре́жде всіх вíков. Світ от Свíта, Бо́га І́стинна от Бо́га І́стинна. Рожде́нна а не сотворе́нна, єдиносу́щна Отцу́, І́мже вся би́ша. 3 Нас дíля человíк і на́шего ра́ди спасе́нія соше́дшаго с небе́с, і воплоти́вшагося от Ду́ха Свята́ і Марíя Дíви, і вочеловíчшася. 4 Расп’я́та же за ни, при По́нтстім Пила́ті. І страда́вшаго, і погребе́ннаго. 5 Воскре́сшаго во тре́тій день по Писа́нієм 6 І возше́дшаго на небеса́, і сідя́щаго оде́сную Отца́, 7 і па́ки гряду́щаго со сла́вою суди́ти живи́м і ме́ртвим, Єго́же Ца́рствію нíсть конца́. 8 І в Ду́ха Свята́го, Го́спода Животворя́щаго, от Отца́ ісходя́щаго, со Отце́м і Си́ном сопоклоня́єма і сосла́вима, глагола́вшаго Проро́ки. 9 Во Єдину́ Святу́ю Собо́рную і Апо́столскую Це́рков. 10 Ісповіду́ю єдино́ Креще́ніє в оставле́ніє гріхо́в. 11 Ча́ю Воскреше́нія ме́ртвим. 12 І жи́зні бу́дущаго вíка. Амíнь.
Євхаристичний канон
Дiакон: Ста́нім до́брі, ста́нім со стра́хом, вонмíм свято́є Возноше́ніє с ми́ром приноси́ти.
Усі: Ми́лость ми́ра, / же́ртву хвале́нія.
Предстоятель, благословляючи народ: Благода́ть Го́спода на́шего Ісу́са Христа́, і любо́в Бо́га і Отца́, і прича́стіє Свята́го Ду́ха бу́ди со всíми ва́ми.
Усі: І со ду́хом твої́м.
Предстоятель: Го́рі імíїм се́рдца!
Усі: Іма́ми ко Го́споду.
Предстоятель: Благодарíм Го́спода!
Усі: Досто́йно і пра́ведно.
Предстоятель:
Досто́йно і пра́ведно Тебе́ пíти, Тебе́ благослови́ти, Тебе́ хвали́ти, Тебí благодари́ти, Тебí покланя́тися на вся́ком мíсті Влади́чествія Твоє́го. Ти́ бо єси́ Бог Неізрече́нний, Недовíдомий, Неви́димий, Непостижи́мий, при́сно си́й, та́кожде си́й, Ти і Єдиноча́дий Тво́й Син, і Дух Тво́й Святи́й. Ти от неби́тія во є́же би́ти нас приве́л єси́, і отпа́дших воста́вил єси́ па́кi, і не отступи́л єси́ вся творя́, до́ндеже нас на не́бо возве́л єси́, і Ца́рство дарова́л єси́ бу́дущеє. О си́х всіх благодари́м Тебí і Єдиноро́дному Твоє́му Си́ну, і Ду́ху Твоє́му Свято́му о всіх, я́же вíми і я́же невíми, явле́нних і неявле́нних благодія́ній Твої́х на нас би́вших. Благодари́м Тi і о слу́жбі сей, ю́же от ру́к на́ших прия́ти благоізво́лил єси́, а́ще і предстоя́т Тебí ти́сящи Арха́нгел і тми А́нгел, Херуви́ми, і Серафи́ми шестокри́латії, і многоочи́тії возвиша́ющіїся перна́тії,
побíдную пíснь пою́ще, вопію́ще, взива́юще і глаголю́ще:
Усі: Свят, Свят, Свят, Госпо́дь Савао́ф, / іспо́лнь не́бо і земля́ сла́ви Твоєя. / Оса́нна во ви́шних, / благослове́н гряди́й во Ім’я́ Госпо́днє. // Оса́нна во ви́шних.
Предстоятель:
С си́ми блаже́нними Си́лами і ми, Влади́ко Человіколю́бче, вопіє́м і глаголе́м: Свя́т єси́ і Пресвя́т, Ти і Єдиноро́дний Твой Син, і Дух Твой Святи́й, Свят єси́ і Пресвя́т, і великолíпна сла́ва Твоя́, íже мíр Твой та́ко возлюби́л єси́, я́коже і Си́на Твоє́го Єдиноро́днаго да́ти, да вся́к вíруяй в Не́го не поги́бнет, но íмат живо́т вíчний. І́же прише́д, і все́ є́же о нас смотре́ніє ісполни́в, в но́щ в ню́же преда́н бива́ше, па́че же Сам ся предая́ше за живо́т мíра, приíм хліб во святи́я Своя́, і пречи́стия, і непоро́чния ру́ки, благодари́в, і благослови́в, освяти́в, переломи́в, даде́ святи́м Свої́м у́чеником і Апо́столом, рек:
приймíте, ядíте, Сíє єст Тíло Моє́, є́же за́ ви ломи́моє в оставле́ніє гріхо́в.
Усі: Амíнь.
Предстоятель:
Та́кожде і Ча́шу по Вече́рі, глаголя́:
пи́йте от не́я всі, Сíя єст Кро́в Моя́ Но́ваго Завíта, я́же за́ ви і за мно́ги ізлива́ємая в оставле́ніє гріхо́в.
Усі: Амíнь.
Предстоятель:
[Сiє творíте в Моє воспоминанiє.]
Помина́юще у́бо спаси́тельную сíю за́повідь і вся́ о нас би́вшая: Кре́ст, Гро́б, тридне́вноє Воскресе́ніє, на небеса́ Возше́ствіє, оде́сную сідíніє, Вто́роє і сла́вноє па́ки прише́ствіє,
твоя́ от Твої́х, Тебí принося́ще, о всíх і за вся́,
Усі: Тебе́ поє́м, / Тебе́ благослови́м, / Тебе́ благодари́м, Го́споди, // і молíм Тi ся, Бо́же наш.
Предстоятель виголошує голосно, але не наспівно:
Єще́ приносим Тебí слове́сную сíю і безкро́вную слу́жбу, і про́сим, і мо́лимся, і ми́лися дíєм, посли́ Дух Твой Святи́й на́ ни, і на предлежа́щия Да́ри сíя.
I осіняє св. Агнець хресним знаменням зі словами:
i сотвори́ у́бо хлíб сей Че́стноє Тíло Христа́ Твоє́го,
Усі: Амíнь.
Предстоятель, благословляючи св. чашу:
а є́же во Ча́ші сей - Че́стную Кро́в Христа́ Твоє́го,
Усі: Амíнь.
Предстоятель, благословляючи обидві Святині разом:
преложи́в я Ду́хом Твої́м Святи́м.
Усі: Амíнь, Амíнь, Амíнь.
Предстоятель:
якоже би́ти причаща́ющимся во трезве́ніє душа́, в оставле́ніє гріхо́в, в обще́ніє Свято́го Твоє́го Ду́ха, в ісполне́ніє Ца́рствія Небе́снаго, в дерзнове́ніє, є́же к Тебí, не в су́д íли в осужде́ніє.
Взявши кадило:
Єще́ прино́сим Тебí слове́сноє сíє служе́ніє о в вíрі усо́пших: Пра́отцех, Отце́х, Патріа́рсіх, Проро́ціх, Апо́століх, Проповíдниціх, Євангели́стіх, Му́чениціх, Ісповíдниціх, Возде́ржниціх і о вся́ком ду́сі пра́ведном в вíрі сконча́вшемся, iзря́дніє о Всесвятíй, непоро́чній, Преблагослове́нній, Сла́вній Влади́чиці на́шей Богоро́диці і при́сно Дíві Марíї.
Усi: Досто́йно єст, я́ко воíстинну / блажи́ти Тя, Богоро́дицу, / Присноблаже́нную, і Пренепоро́чную, / і Ма́тер Бо́га на́шего. / Честнíйшую Херуви́м / і Славнíйшую без сравне́нія Серафи́м, / без істлíнія Бо́га Сло́ва ро́ждшую, // Су́щую Богоро́дицу - Тя велича́єм.
Перший спiвслужачий:
о свято́м Іоа́ні Проро́ці, Предте́чі і Крести́телі, о святи́х і прехва́лних Апо́столех, о свято́м ім’яре́к, єго́же і па́м’ять соверша́єм, і о всіх святи́х Твої́х, ї́хже моли́твами посіти́ нас, Бо́же.
Другий спiвслужачий:
I пом’яни́ всіх пре́жде усо́пших о наде́жді Воскресе́нія живота́ вíчнаго. І згадує cпочилих вірних, кого хоче, за іменами. І упоко́й їх, Боже наш, іде́же присіща́єт свíт лица́ Твоє́го.
Третiй спiвслужачий:
Єще́ мо́лим Тя, пом’яни́, Го́споди, вся́коє Єпи́скопство правосла́вних, пра́во пра́вящих сло́во Твоє́я íстинни, вся́коє Пресвíтерство, о Христí Діа́конство і вся́кий Свяще́нний чин.
Чевертий спiвслужачий:
Єще́ прино́сим Тебí слове́сноє сíє служе́ніє о Вселе́нной, о Свято́й Кафоли́ческой Апо́столской Це́ркві, о в чистотí і че́стном жи́тії живу́щих, о богохранимій страні нашей, властіх і воїнстві єя: да́жд їм, Го́споди, ми́рноє правленiє, да і ми́ в тишинí їх ти́хоє і безмо́лвноє жи́тіє пре́йдем во вся́ком благоче́стії і че́сності.
Предстоятель:
Во пе́рвих пом’яни́, Го́споди, Боголюби́ваго Єпи́скопа на́шего Кир (ім’яре́к), єго́же дару́й святи́м Твої́м Церква́м в ми́рі, цíла, че́стна, здра́ва, долгоденству́юща і правоправя́ща сло́во Твоє́я íстинни.
Усi: І всíх і вся́.
Предстоятель:
Пом’яни́, Го́споди, град сей, в не́мже жителству́єм, і вся́кий град, і весь, і вся́ку стра́ну, і вíрою живу́щих в них. Пом’яни́, Го́споди, плава́ющих, путьшеству́ющих, боля́щих, стра́ждущих, пліне́нних, і спасе́ніє їх. Пом’яни́, Го́споди, плодонося́щих і добродíющих во святи́х Твої́х Церква́х, і помина́ющих ни́щия, (I згадує за іменами живих, кого хоче)
і на всíх нас ми́лості Твоя́ низпосли́.
ВСІ ПРЕСВІТЕРИ,
i да́жд нам єдинíми усти́ і єдинíм се́рдцем сла́вити і воспіва́ти Прече́стноє і Великолíпоє Ім’я́ Твоє́, Отца́, і Си́на, і Свята́го Ду́ха, ни́ні, і при́сно, і во вíки віко́м.
Усi: Амíнь!
Предстоятель, благословляючи народ:
I да бу́дут ми́лості Вели́каго Бо́га і Спа́са на́шего Ісу́са Христа́ со всíми ва́ми.
Усi: І со ду́хом твої́м.
Частина 4