Літургія свт. Іоанна Золотоуста (цся київського iзводу) Ч.3. Пiсля Євхаристичного канону
Частина 1 - До читання Апостолу
Частина 2. - До Херувимської Пісні
Частина 3 - Херувимська Пісня - Євхаристичний канон
Підготовка до причастя
Єктенія перед св. Причастям
Дiакон: Вся святи́я пом’яну́вше, па́кi і па́кi ми́ром Го́споду помолíмся.
Усi: Го́споди, поми́луй
О пренесе́нних і освяще́нних Че́стних Да́ріх, Го́споду помолíмся.
Усi: Го́споди, поми́луй
Дiакон: Я́ко да Человіколю́бец Бог наш, приє́м я во свя́тий пренебе́сний і ми́слний Свой Жерто́вник в во́ню благоуха́нія духо́внаго, вознизпосле́т нам Божестве́нную благода́ть і дар Свято́го Ду́ха, помолíмся.
Усi: Го́споди, поми́луй
Дiакон: Соєдине́ніє Вíри і прича́стіє Свято́го Ду́ха іспроси́вше, са́мі себе́, і друг дру́га, і вес живо́т наш Христу́ Бо́гу предадíм.
Усi: Тебí, Го́споди.
Учиненний пресвíтер:
Молитва перед св. Причастям
Тебí предлага́єм живо́т наш вес і наде́жду, Влади́ко Человіколю́бче, і про́сим, і мо́лимся, і ми́лися дíєм: сподоби́ нас причасти́тися Небе́сних Твої́х і Стра́шних Та́їн, се́я свяще́нния і духо́вния Тра́пези с чи́стою со́вістію, в оставле́ніє гріхо́в, во проще́ніє прегріше́ній, в Ду́ха Свята́го обще́ніє, в наслíдіє Ца́рствія Небе́снаго, в дерзнове́ніє, є́же к Себí, не в суд íли в осужде́ніє,
i сподоби́ нас, Влади́ко, со дерзнове́нієм не осужде́нно смíти назива́ти Тебе́, Небе́снаго Бо́га Отцем, і глагола́ти:
Усi: Отче наш, íже єси́ на небесе́х, да святи́тся Ім’я́ Твоє́, да при́йдет Ца́рствіє Твоє́, да бу́дет во́ля Твоя́, я́ко на небесí, і на землí. Хлíб наш насу́щний дажд нам дне́сь. І оста́ви нам долги́ наша, я́коже і ми оставля́єм должнико́м на́шим. І не введи́ нас во іскуше́ніє, но ізба́ви нас от лука́ваго;
Учиненний пресвíтер: яко Твоє́ єст Ца́рство, і си́ла, і сла́ва, Отца́, і Си́на, і Свято́го Ду́ха, ни́ні, і при́сно, і во вíки віко́м..
Усi: Амíнь.
Предстоятель: Мир всiм!
Усi: І ду́хові твоє́му.
Дiакон: Гла́ви на́ша Господеві приклонíм.
Усi: Тебí, Го́споди.
Учиненний пресвíтер:
Молитва главопреклонна
Владико Господи, Отче щедрот и Боже всякого утiшенiя! Приклоньшия Тебе своя глави благослови, осв’яти, соблюди, укрiпи, утверди, от всякаго дiла лукава отстави, всякому же дiлу благому сочетай, и сподоби неосужденно причаститися пречистых сих и животворящих Твоїх Та́їн, в оставле́ніє гріхо́в, в Духа Святаго причастіє,
благода́тію, і щедрота́ми, і человіколю́бієм Єдиноро́днаго Твоє́го Си́на, с Ни́мже благослове́н єси́, со Пресвяти́м, і Благи́м, і Животворя́щим Ти Ду́хом, ни́ні, і при́сно, і во вíки віко́м.
Усi: Амíнь.
Дiакон: Вонмiм!
Предстоятель:
Воньми́, Го́споди Ісу́се Хри́сте, Бо́же наш, от свято́го жи́лища Твоє́го, і от Престо́ла сла́ви Ца́рствія Твоє́го, і прийди́ во є́же освяти́ти нас, го́рі Отцу́ сосідя́й і зде нам невиди́мо сопребива́яй. І сподоби́ держа́вною Ти руко́ю препода́ти на Пречи́стоє Тíло Твоє́ і Че́стную Кро́в, і на́ми - всім лю́дем.
І, пiдносячи Святий Хліб, вилошує::
Святая - святим!
Все: Єди́н Свят, // Єди́н Госпо́дь, Ісу́с Христо́с, во сла́ву Бо́га Отца. Амíнь.
Усі у вівтарі роблять земний уклін, за звичаєм, зі словами:
Бо́же наш, ослаби́, отпусти́, прости́ ми прегріше́нія моя́, єли́ка Ти согріши́х, а́ще во відíнії íли невідíнії, а́ще сло́вом íли дíлом, во́лею íли нево́лею, вся́ ми прости́, я́ко Бла́г і Человіколю́бец.
Також просять вибачення один в одного і в народу.
Предстоятель, вийшовши на амбон, починає разом з народом читати молитву перед Св. Причастям:
Вíрую, Го́споди, і ісповіду́ю, я́ко Ти єси́ воíстинну Христо́с, Син Бо́га Жива́го, прише́дий в мiр грíшних спасти́, от ни́хже пе́рвий єсм аз. Єще вірую, яко сіє єст самоє пречистое Тіло Твоє, і сія єст самая честная Кров Твоя. Молюся убо Тебі: помилуй мя і прости ми прегрішенія моя, вольная і невольная, яже словом, яже ділом, яже відінієм і невідінієм; і сподоби мя неосужденно причаститися пречистих Твоїх Таїнств, во оставленіє гріхов і в жизнь вічную. Амінь.
Вече́рі Твоє́й та́йной дне́сь, Си́не Бо́жий, прича́стника м’я прийми́, не бо́ враго́м Твої́м Та́йни повíм, ні лобза́нія Тi да́м, я́ко Іу́да, но, я́ко разбо́йник, ісповіда́юся Тебí: пом’яни́ м’я, Го́споди, во Ца́рствії Твоє́м.
Да не в суд іли во осужденіє будет мні причащеніє святих Твоїх Тайн, Господи, но во ісціленіє душі і тіла. Амíнь.
Також, за бажанням:
Господи, я недостойний, щоб Ти увiйшов пiд кров мiй: але скажи лише слово і одужає душа моя.
Під час причастя співаки співають Причастний вірш чи інші пiснеспіви.
Дiакон: Cо стра́хом Бо́жіїм, с вíрою i любовiю приступíте.
Усі: Благослове́н гряди́й во Ім’я́ Госпо́днє, Бог Госпо́дь, і яви́ся нам!
Народ приступає до Причастя.
Після того, як усі причастилися: Аллилуиа. (тричі)
Предстоятель благословляючи народ:
Спаси́, Бо́же, люди́ Своя́, і благослови́ достоя́ніє Твоє́.
Вимовляє тихо:
Вознеси́ся на небеса́, Бо́же, і по все́й землí сла́ва Твоя́.
Усi: Видіхом світ істинний, / прияхом Духа небеснаго, / обрітохом віру істинную, / Нераздільній Тройці покланяємся, // Та бо нас спасла єсть.
Предстоятель: Благословен Бог наш - всегда́, ни́ні, і при́сно, і во вíки віко́м.
Усi: Амíнь. Да ісполня́тся уста́ на́ша хвале́нія Твоє́го, Го́споди, / я́ко да воспо́єм сла́ву Твою́, / я́ко сподоби́л єси́ причасти́тися Святи́м, Безсме́ртним, Пречи́стим і Животворя́щим Твої́м Та́йнам. / Утверди́ нас во Твоє́й святи́ні, вес день поуча́тися Пра́вді Твоє́й. // Алилу́я, Алилу́я, Алилу́я.
Єктенія благодарення
Дiакон: Про́сті приє́мше Божестве́нния, Святи́я, Пречи́стия, Бесме́ртния, Пренебе́сния і Животворя́щія, Стра́шния Христо́ви Та́йни, досто́йно благодарíм Го́спода!
Усi: Го́споди, поми́луй.
Заступи́, спаси́, поми́луй, і сохрани́ нас, Бо́же, Твоє́ю благода́тію.
Усi: Го́споди, поми́луй.
День весь совершен, свят, мирен и безгрешен испросивше, самих себя и друг друга, и всю жизнь нашу Христу Богу предадим.
Усi: Тебí, Го́споди.
Предстоятель:
Благодари́м Тя, Влади́ко Человіколю́бче, Благодíтелю душ на́ших, я́ко і в настоя́щий день сподоби́л єси́ нас Небе́сних Твої́х і Безсме́ртних Та́їн. Іспра́ви наш путь, утверди́ нас во стра́сі Твоє́м всíх; огради́ наш живо́т; укріпи́ на́ша сто́пи, моли́твами і моле́ньми Сла́вния Богоро́дица і при́сно Дíви Марíя, і всіх святи́х Твої́х,
яко Ти єси́ Освяще́ніє на́ше, і Тебí сла́ву возсила́єм, Отцу́, і Си́ну, і Свято́му Ду́ху, ни́ні, і при́сно, і во вíки віко́м.
Усi: Амíнь.
Молодший пресвітер: С ми́ром ізи́йдім.
Усi: О І́мени Госпо́дні.
Дiакон: Го́споду помолíмся.
Усi: Го́споди, поми́луй.
Молодший пресвітер:
Заамбонна молитва
Благословя́й благословя́щия Тя, Го́споди, і освяща́яй на́ Тя упова́ющия, спаси́ лю́ди Своя́ і благослови́ достоя́ніє Твоє́, ісполне́ніє Це́ркве Твоє́я сохрани́, освяти́ люб’я́щих благолíпіє Хра́ма Твоє́го: Ти ти́я возпрослави́ Божестве́нною си́лою Твоє́ю і не оста́ви нас, упова́ющих на́ Тя. Мир мíрові Твоє́му дару́й, Церква́м Твої́м, ієре́єм, і всім лю́дем Твої́м. Я́ко вся́ко дая́ніє благо́є і вся́к дар соверше́нний сви́шше єст, сходя́й от Тебе́, Отца́ свíтов, і Тебí сла́ву, і благодаре́ніє, і поклоне́ніє возсила́єм, Отцу́, і Сину́, і Свято́му Ду́ху, ни́ні, і при́сно, і во вíки віко́м.
Усi: Амíнь.
И далее:
Бу́ди Ім’я́ Госпо́днє благослове́нно отнинi и до вiка. (3)
Предстоятель тихо читає молитву над дияконом:
Iсполне́ніє За́кона і Проро́к, Са́м Си́й, Хри́сте Бо́же наш, ісполни́вий все О́тческоє смотре́ніє, ісполни́ ра́дости і весе́лія се́рдца на́ша, всегда́, ни́ні, і при́сно, і во вíки віко́м.
Дiакон: Амíнь.
Предстоятель: Благослове́ніє Госпо́днє на вас, Того́ благода́тію і человіколю́бієм, всегда́, ни́ні, і при́сно, і во вíки віко́м.
Усi: Амíнь.
Предстоятель: Сла́ва Тебí, Хри́сте Бо́же, Упова́ніє на́ше, сла́ва Тебí
Усi: Сла́ва… і ни́ні… Го́споди, поми́луй. (3). Благослови.
Предстоятель: Воскреси́й із ме́ртвих Христо́с, íстинний Бог наш, моли́твами Пречи́стия Своє́я Ма́тере, і íже во святи́х Отца́ на́шего Архієпи́скопа Константи́ня гра́да Іоа́на Златоу́стаго, і всíх святи́х, поми́луєт і спасе́т нас, я́ко Благ Бог і Человіколю́бец.
Усi: Амíнь.