Літургія свт. Іоанна Золотоуста (цся київського iзводу) Ч. 2. До Херувимської Пісні.
Частина 1
Дiакон: Прему́дрость!
Читець надписанiє Апостолу: Дія́ній святи́х Апо́стол чте́ніє / Собо́рнаго посла́нія ім’яре́к чте́ніє / К Римля́ном посла́нія свято́го Апо́стола Па́вла чте́ніє:
Дiакон: Вонмíм!
Після закінчення читання Апостолу пресвíтер: Мир тi, чтущому!
Чтец: І духо́ві твоє́му.
Дiакон: Прему́дрость!
Читець i співаки cпiвають Алилуарiй. У цей час дiакон звершує кадіння.
Дiакон: Го́споду помолíмся.
Усі: Го́споди, поми́луй.
Учиненний пресвíтер:
Молитва перед читанням Євангелія
Восія́й в се́рдцах на́ших, Человіколю́бче Влади́ко, Твоє́го Богоразу́мія нетлíнний свíт, і ми́сленния на́ша отверзи́ о́чі, в Єва́нгелских Твої́х проповіда́ній разумíніє. Вложи́ в нас і блаже́нних Твої́х за́повідій страх, да пло́тскія по́хоті вся попра́вше, духо́вноє жи́телство про́йдем, вся, я́же ко благоугожде́нію Твоє́му, і мудрству́юще, і дíюще,
Ти́ бо єси́ Просвіще́ніє душ і тіле́с на́ших, Хри́сте Бо́же, і Тебí сла́ву возсила́єм, со Безнача́лним Тi Отце́м, і Всесвяти́м і Благи́м, і Животворя́щим Тi Ду́хом, ни́ні, і при́сно, і во вíки віко́м.
Усі: Амíнь.
Дiакон: Благослови́, Влади́ко, благовісти́теля свята́го сла́внаго всехва́лнаго Апо́стола і Євангели́ста Христо́ва, ім’яре́к.
Предстоятель: Бог моли́твами свята́го сла́внаго і всехва́лнаго Апо́стола і Євангели́ста ім’яре́к, да да́сть тi глаго́л благовіству́ющому си́лою мно́гою во ісполне́ніє Єва́нгелія возлюбле́ннаго Си́на Єго́, Го́спода же на́шего Ісу́са Христа́.
Дiакон: Амíнь.
Другий дiакон: Прему́дрость, про́сті, усли́шим Свята́го Єва́нгелія.
Предстоятель: Мир всíм!
Усі: І духо́ві твоє́му.
Дiакон: От ім’яре́к, Свята́го Єва́нгелія чте́ніє.
Усі: Слава Тебí, Го́споди, [слава Тебí].
Другий дiакон: Вонмíм!
Після закінчення читання Євангелія пресвíтер: Ми́р тi благовіству́ющому.
Усі: Слава Тебí, Го́споди, [слава Тебí].
Предстоятель (або iнший проповiдник) вимовляє Проповідь з амбону.
Сугуба єктенiя
Дiакон: Рцíм всі от всея́ душа́, і от всего́ помишле́нія на́шего рцíм.
Усі: Го́споди, поми́луй.
Дiакон: Го́споди Вседержи́телю, Бо́же Оте́ц на́ших, молíм Тi ся, услиши́ і поми́луй.
Усі: Го́споди, поми́луй.
Дiакон: Поми́луй нас, Бо́же, по вели́цій ми́лости Твоє́й, молíм Тi ся, усли́ши і поми́луй.
Усі: Го́споди, поми́луй. (тричі).
Дiакон: Єще́ молíмся о Боголюбивом єпи́скопі на́шем Кир (ім’яре́к) і все́й о Христí бра́тії на́шей.
Усі: Го́споди, поми́луй. (тричі).
Дiакон: Єще́ молíмся о богохранимій страні нашей, властіх і воїнстві єя, да тихоє і мирноє житіє поживем во всяком благочестії і чистоті.
Усі: Го́споди, поми́луй. (тричі).
Дiакон: Єще́ молíмся о блаже́нних і при́сно помина́ємих кти́торех святи́я оби́телі сея́ і всіх пре́жде почи́вших отце́х і бра́тіях зде лежа́щих і повсю́ду, правосла́вних.
Тут можна додати інші прохання
Усі: Го́споди, поми́луй. (тричі).
Дiакон: Єще́ молíмся о плодонося́щих і добродíющих во свято́м і всече́стном хра́мі сем, тружда́ющихся, пою́щих, і предстоя́щих лю́дех, і ча́ющих от Тебе́ вели́кія і бога́тия ми́лості.
Усі: Го́споди, поми́луй. (тричі).
Учиненний пресвíтер:
Молитва старанного моління
Го́споди Бо́же наш, приле́жную сíю мо́льбу прийми́ от Свої́х раб, і поми́луй нас по мно́жеству ми́лости Твоє́я, і щедроти́ Твоя́ низпосли́ на́ ни і на вся́ лю́ди Твоя́, ожида́ющия от Тебе́ бога́тия ми́лості,
яко Ми́лостив і Человіколю́бец Бог єси́, і Тебí сла́ву возсила́єм, Отцу́, і Си́ну, і Свято́му Ду́ху, ни́ні, і при́сно, і во вíки віко́м.
Усі: Амíнь.
Єктенія про спочилих
Дiакон: Поми́луй нас, Бо́же, по вели́цій ми́лости Твоє́й, молíм Ти ся усли́ши і поми́луй.
Усі: Го́споди, поми́луй. (тричі).
Дiакон: Єще́ молíмся о оставле́нії согріше́ній, преста́вльшимся рабо́м Бо́жіїм, ім’яре́к, о ни́хже помина́ніє тво́рим: о є́же прости́тися їм вся́кому согріше́нію во́лному же і нево́лному.
Усі: Го́споди, поми́луй. (тричі).
Дiакон: Я́ко да Госпо́дь Бог наш сочи́нет душа́ їх іде́же пра́веднії почива́ют.
Усі: Го́споди, поми́луй. (тричі).
Дiакон: Ми́лости Бо́жія, Ца́рствія Небе́снаго і оставле́нія гріхо́в їх у Христа́, Бесме́ртнаго Царя́ і Бо́га на́шего, просíм.
Усі: Пода́й, Го́споди.
Дiакон: Го́споду помолíмся
Усі: Го́споди, поми́луй.
Предстоятель:
Молитва за спочилих
Бо́же ду́ховом, і вся́коя пло́ти, сме́рть попра́вий, діа́вола же упраздни́вий і живо́т ми́ру Своє́му дарова́вий. Сам, Го́споди, поко́й душа́ преста́вльшихся раб Твої́х (ім’яре́к), в мíсті свíтлі, в мíсті зла́чні, в мíсті прохла́дні, отню́дуже отбіже́ бо́лізнь, печа́ль і воздиха́ніє. Вся́коє согріше́ніє от них содія́нноє сло́вом, íли дíлом, íли помишле́нієм, я́ко Благ і Человіколю́бец Бог прости́, я́ко нíсть человíка, íже поживе́т і не согріши́т, Ти́ бо Єди́н єси́ кро́мі гріха́, пра́вда Твоя́ - пра́вда во вік, і сло́во Твоє́ - íстинна,
я́ко Ти́ єси́ Воскресе́ніє, Живо́т і Поко́й усо́пшим рабо́м Твої́м, (ім’яре́к), Хри́сте Бо́же наш, і Тебí сла́ву возсила́єм со Безнача́лним Ти Отце́м, і со Пресвяти́м, і Благи́м, і Животворя́щим Тi Ду́хом, ни́ні, і при́сно, і во вíки віко́м.
Усі: Амíнь.
Єктенія про оголошених
Дiакон: Помолíтеся, оглаше́ннії, Господеві.
Усі: Го́споди, поми́луй.
Дiакон: Вíрнії о оглаше́нних помолíмся, да Госпо́дь поми́луєт їх.
Усі: Го́споди, поми́луй.
Дiакон: Огласи́т їх сло́вом íстинни.
Усі: Го́споди, поми́луй.
Дiакон: Откри́єт їм Єва́нгеліє пра́вди.
Усі: Го́споди, поми́луй.
Дiакон: Соєдини́т їх Свято́й Своє́й Собо́рной Апо́столской Це́ркві.
Усі: Го́споди, поми́луй.
Дiакон: Спаси́, поми́луй, заступи́ і сохрани́ їх, Бо́же, Твоє́ю благода́тію.
Усі: Го́споди, поми́луй.
Дiакон: Оглаше́ннії, гла́ви ва́ша Господеві преклонíте.
Усі: Тебí, Го́споди.
Предстоятель:
Молитва за оголошених
Го́споди Бо́же наш, во висо́ких живи́й і сміре́нная призира́яй, спасе́ніє ро́ду человíческому ниспосла́вий Єдиноро́днаго Твоє́го Си́на і Бо́га, Го́спода на́шего Ісу́са Христа́. Призри́ на раби́ Твоя́ оглаше́нния, преклони́вшия Тебí своя́ ви́я, і сподоби́ їх во вре́м’я благополу́чно ба́ня па́ки би́тія, оставле́нія гріхо́в і оде́жди нетлíнія; соєдини́ їх Свято́й Твоє́й Собо́рной і Апо́столской Це́ркві і сопричти́ їх ізбра́нному Твоє́му ста́ду,
да і тíї с на́ми сла́вят Прече́стноє і Великолíпоє Ім’я́ Твоє́, Отца́, і Си́на, і Свята́го Ду́ха, ни́ні, і при́сно, і во вíки віко́м.
Усі: Амíнь.
Перший дiакон: Єли́ци оглаше́ннії, ізийдíте.
Другiй дiакон: Оглаше́ннії, ізийдíте.
Тре́тій дiакон: Єли́ци оглаше́ннії, ізийдíте.
Предстоятель с сослужащими роскрывает АНТИМИНС
ЛИТУРГIЯ ВIРНИХЄктенія вiрних перша
Дiакон: Да нікто́ от оглаше́нних, єли́ци вíрнії, па́кi і па́кi ми́ром Го́споду помолíмся.
Усі: Го́споди, поми́луй.
Дiакон: Заступи́, спаси́, поми́луй і сохрани́ нас, Бо́же, Твоє́ю благода́тію. Усі: Го́споди, поми́луй.
Дiакон: Премудрость.
Учиненний пресвíтер тихо:
Перша молитва вiрных
Благодари́м Тебí, Го́споди Бо́же сил, сподоби́вшому нас предста́ти і ни́ні свято́му Твоє́му Жерто́внику, і припа́сти к щедрота́м Твої́м о на́ших согріше́ніїх і о лю́дских невíждествіїх. Прийми́, Бо́же, моле́ніє на́ше, створи́ ни досто́йни би́ти, є́же приноси́ти Тебí моле́нія, і мо́льби, і же́ртви безкро́вния за вся лю́ди Твоя́. І удовли́ нас, ї́хже поста́вил єси́ на служе́ніє Твоє́ сíє, в си́лі Ду́ха Твоє́го Свято́го неосужде́нно і непреткнове́нно, в чи́стом свідíтелстві со́вісти на́шея призива́ти Тебе́ на вся́коє вре́м’я і мíсто, да послуша́я нас, ми́лостив нам бу́деши во множествí Твоє́я бла́гости.
піднімаючи голос: яко подоба́єт Тi вся́кая сла́ва, че́сть і поклоне́ніє, Отцу́, і Си́ну, і Свято́му Ду́ху, ни́ні, і при́сно, і во вíки віко́м.
Усi: Амíнь.
Єктенія вiрних друга
Дiакон: Па́кi і па́кi ми́ром Го́споду помолíмся.
Усі: Го́споди, поми́луй.
Дiакон:О сви́шнім ми́рі і спасе́нії душ на́ших, Го́споду помолíмся.
Усі: Го́споди, поми́луй.
Дiакон: О ми́рі всего́ ми́ра, благостоя́нії святи́х Бо́жіїх Церквíй і соєдине́нії всіх, Го́споду помолíмся.
Усі: Го́споди, поми́луй.
Дiакон: О свято́м Хра́мі сем і с вíрою, і благоговíнієм, і стра́хом Бо́жіїм входя́щих в онь, Го́споду помолíмся.
Усі: Го́споди, поми́луй.
Дiакон: О є́же ізба́витися нам от вся́кія ско́рби, гнíва і ну́жди, Го́споду помолíмся.
Усі: Го́споди, поми́луй.
Дiакон: Заступи́, спаси́, поми́луй і сохрани́ нас, Бо́же, Твоє́ю благода́тію.
Усі: Го́споди, поми́луй.
Дiакон: Премудрость.
Учиненний пресвíтер:
Друга молитва вiрных
Па́кi і многа́жди Тебí припада́єм і Тебí ся моли́м, Бла́же і Человіколю́бче, я́ко да призрíв на моле́ніє на́ше очисти́ши на́ша душа́ і тілеса́ от вся́кія скве́рни пло́ти і ду́ха, і подаси́ нам непови́нноє і неосужде́нноє предстоя́ніє свято́го Твоє́го Жерто́вника. Дару́й же, Бо́же, і моля́щимся с на́ми предспія́ніє жи́тія, і вíри, і ра́зума духо́внаго, да́жд їм всегда́ со стра́хом і любо́вію служа́щим Тебí неповинно і неосужде́нно причаща́тися Святи́м Твої́м Та́йнам, і Небе́снаго Твоє́го Ца́рствія сподоби́тися,
яко да под держа́вою Твоє́ю всегда́ храни́ми, Тебí сла́ву возсила́єм, Отцу́, і Си́ну, і Свято́му Ду́ху, ни́ні, і при́сно, і во вíки віко́м.
Усi: Амíнь.
Частина 3 - Херувимська Пісня - Євхаристичний канон
Частина 4 - Пiсля Євхаристичного канону