Кніга Лянкевіча - катастрофа для беларускіх этнографаў?

[skepsys]

«Андрэй Лянкевіч прэзентаваў Беларусі фотаальбом "Паганства"[…]. Ірына Мазюк, якая дапамагала Андрэю з пошукам народных традыцый, адзначыла, што для большасці беларускіх этнографаў кніга Андрэя Лянкевіча - катастрофа».

Comments

[uladzimer]

Лянкевіч у інтэрвію НН настойваў, што здымкі носяць не пастановачны, але дакументальны (!) характар, што адпрэчвае інтэрпрэтацыю І. Мазюк пра суб'ектыўнае бачаньне мастака. Такім чынам, заяўка на дакументальнасьць - гэта заяўка на аб'ектыўнасьць. Аднак, варта толькі раз пабываць у этнаграфічнай экспедыцыі, каб пераканацца, што бабулі ў народных (псеўданародных) строях з'яўляюцца па сьвістку мясцовай загадчыцы клуба, як тое было на "Жаніцьбе Цярэшкі" на Лепельшчыне, якую так натхнёна здымаў Лянкевіч.

[zmicierbielapol]

Мне падаецца, што Мазюк сама не згодная тут з Лянкевічам, а таму на прэзентацыі і паспрабавала неяк выправіць будучую крытыку менавіта з боку адмыслоўцаў.

[uladzimer]

То бок, чалавек, які прэтэндуе на аб'ектыўнае адлюстраваньне традыцыі (пытаньне, ці магчыма гэта ў прынцыпе?) мусіць быць адэкватным і адказным за кожнае слова.

[skepsys]

наколькі ведаю, Ірына была за больш карэктную назву. як і належыць прафэсіяналу.

[jakub_v]

Думаю, "падмена паняццяў" тут апраўданая. Відавочна альбом арыентаваны на публіку "незаангажаваную", для якой словы "Традыцыя" ці "народнае хрысьціяньства" не нясуць патрэбнага выдаўцу прэзентатыўнага сэнсу. Назва "Паганства" арыентуе публіку найлепш.

[pan_purkrabek]

Ну і не варта забываць, што мяркуючы па публікацыі, да альбома прыклаў руку і дызайнер, які мог прымяніць свае ўласныя крытэрыi. І, хутчэй за ўсё, ужыў. Карацей, гэта артпраект ў стылі фэкшн, вядома.

[skepsys]

//Назва "Паганства" арыентуе публіку найлепш.
хутчэй найлепш дэзарыентуе публіку. якая і так заблытаўшыся. выдаўцу ж трэба ня сэнсы, а пакупнікі.

[necrotugava]

+1

[zmicierbielapol]

Дык што гэта: мастацкі погляд і аўтарскае суб’ектыўнае бачаньне ці падмена паняцьцяў дзеля кан’юнктуры і самапіяру?

- Дарэчы, а адно другому ж не супярэчыць зусім;))

[skepsys]

Так, акурат ;) Але ўпартасьць, зь якой аўтар наперакор усім сваім кансультантам учапіўся за слова "Паганства", выдае што каньюнктуры тут больш. Імхо.

[skepsys]

Чалавечае: Думай, што вярзеш. Уладзімер Лобач зрабіў і робіць для вывучэньня і папулярызацыі беларускай традыцыі непараўнальна больш за кніжку з карцінкамі.

Мадэратарскае: сачыце за мовай. Гэта першае і апошняе мадэратарскае папярэджаньне.

тады скарэктую

[ex_krywal]

крытыкі кшталту uladzimera не выдаюць кніг, якія можна прадаць, таму канешне, для іх самазакахання гэта катастрофа.

а тое, што Лянкевіч прыцягнуў увагу да гэтае тэмы, натхніў маладых фатографаў, этнографаў і проста цікаўных да гэтае тэмы - гэта херня, дрынам яго, ага.

Лянкевіч рабіў свае здымкі як мастак, а не як фотафіксатар. Цікава, карціны на тую ж тэму да-фатаграфічных часоў - гэта таксама бяда для этнографаў?
=====
"кніжка з карцінкамі" дапамагае вывесці тэму з рангу элітарна-адмысловых у папулярную. гэта станоўчая з'ява нават для этнографаў, каторыя кніжак з карцінкамі не выдаюць і не прадаюць.

Re: тады скарэктую

[skepsys]

//каторыя кніжак з карцінкамі не выдаюць і не прадаюць.
Калі апошнім разам ты быў у кнігарні, дарагой друх-кенгуру?

//прыцягнуў увагу да гэтае тэмы…
Менавіта заточанасьць пад "папулярнасьць" гэтую ўвагу робіць павярхоўнай. Аднадзённы пшык: людзі пабачылі, пабеглі далей і заўтра забыліся, пабачыўшы чарговую экзотыку.

А "крытыкі" аруць гэтую глебу усё жыцьцё. І наўрад ці ўзьніклі б такія "папулярызатары" без "крытыкаў"-прафэсіяналаў накшатлт Мазюк і Лобача. Усё б добра, вось толькі ступень сваёй адказнасьці Лянкевіч, мне падаецца, так і не зразумеў.

[vycinanka]

Відавочна, што піярыць выданне прасцей, маючы правакацыйную назву. і тут нічога дрэннага няма. грамадскі рэзананс - істотны для будучага прыняцця массавай свядомасцю нават меньш агрэсіўна ўспрымаемых тэрмінаў з дыяпазону Традыцыя-паганьства.
Але хачу падтрымаць uladzimerа у тым, што любы чалавек, мастак ці этнограф, выносячы на шырокі погляд сваё разуменне аўтэнтычнага матэрыялу, мусіць усведамляць адказнасць не толькі перад мэтавай аўдыторыяй, але і перад тым чалавекам, які даверыў яму здымаць сябе, сваё жыццё, сваю веру, рытуалы і г.д.

[skepsys]

http://community.livejournal.com/by_ethno/221860.html?thread=1533604#t1533604

:)

[vycinanka]

праўду кажаш