Служба священномученику Викентию диакону, Сарагосскому
Выкладываю в «Уставные заметки» полиелейную службу святому священномученику Викентию диакону, Сарагосскому (†304), составленную клириком Украинской Православной Церкви протоиереем Илией Тетерько (Одесса) в 2020 году. Текст публикуется по авторской машинописи, цензурными инстанциями текст пока не рассматривался. Священномученик Викентий - один из самых почитаемых святых Испании, однако в славянской месячной Минее отдельной службы ему нет, он лишь упоминается несколько раз в службе празднуемому в тот же день святому великомученику Мине Египетскому. На других языках священномученику Викентию составлены ещё две службы, обе бденные: на греческом языке (творение инока Герасима из святогорского Малого скита святой Анны, по ссылке выложен файл в WinWord в RAR-архиве) и на румынском языке (файл в формате PDF). Священномученику Викентию составлены также два акафиста: на французском языке (творение иподиакона Клавдия Лопез-Жинисти) и на румынском языке.
СЛУЖБА
святому мученику диакону Викентию Сарагосскому
НА ВЕЧЕРНИ
На Господи, воззвах: стихиры, глас 1:Добродетелей верх и верных основание, / Викентий чудный, мучеников похвала, / вся призывает светло верныя в память свою честную / воспети сего яко победителя, // на земли Бога прославльшаго.
Благодушно Викентий страдания сконча и подвиги, / и побеждая нечестивыя терпением, / и удивляя неверныя болезней нестерпимых наведеньми, / темже по кончине ублажается. / Того молитвами, Господи, // всем подаждь велию милость.
Веры евангельския поборника, / благочестия учителя и христиан утешителя, / диаконскаго служения доброе правило, / нищих помощника и питателя, // восхвалим днесь Викентия досточуднаго.
Имея житие Небесно, / приносил еси Богу службы умом чистым. / Труды многи претерпел еси и болезни, Викентие достоблаженне, / проповедания ради Божественнаго и твердыя истины, / юже твоими словесы утвердил еси, // безумныя обличая явственно.
Слава, глас тойже:Каплями кровей терпеливаго твоего страдания / убелил еси священныя ризы твоя / и Владыце Христу предстал еси жертва благовонна, / чисто заколение, благоприятен дар, / священное приношение и посвящение непорочно. / Темже молитвами твоими, святе Викентие, / церковное исполнение в мире соблюди, // и подаждь нам мир и велию милость.
И ныне, догматик, глас тойже: Всемирную славу:
На стиховне стихиры, глас 4:Светлый и всепразднственный твой день, мучениче Викентие, / созывает нас духовно праздновати, / и честныя мощи твоя усердно почитати, // и славити единаго Бога в Троице, дивнаго во святых Своих.
Стих: Праведник, яко финикс, процветет, / яко кедр, иже в Ливане, умножится.
Сокрушаему твоему телесе, / радовался еси, мучениче славне Викентие, / страданьми бо попрал еси главу вражию, / и сокрушил еси нечестивых шатания, / и шествовал еси крепко стезею Небесною, // Владыце победоносец явлься, всехвальне.
Стих: Возвеселится праведник о Господе / и уповает на Него.
Якоже Моисею Аарона, / дарова тя Христос святителю Виталию, / имуща дарование слова и добродетельный нрав, / мучениче диаконе Викентие, / темже многи обратил еси ко благочестию // и страданьми своими возшел еси в Небесная.
Слава, глас тойже:Троицы вернаго служителя, / Церкве светильника всесветлаго, / Викентия архидиакона предивнаго / ныне, в память его сошедшеся, // воспоим любовию.
И ныне, глас тойже:Пресвятая Мати Божия, / с лики Небесными / молися из Тебе Воплощенному, / Солнцу Правды, Господу, // спасти и просветити души наша.
Тропарь, глас 4:Мученик Твой, Господи, Викентий, / во страдании своем венец прият нетленный от Тебе, Бога нашего: / имеяй бо крепость Твою, / мучителей низложи, / сокруши и демонов немощныя дерзости. / Того молитвами // спаси души наша.
НА УТРЕНИ
На Бог Господь: тропарь святаго дважды.
Слава, и ныне, Богородичен.
По стихословии седален, глас 2:Кровь твою, яко алавастр мира, Христови принесл еси, мучениче Викентие. / Темже преблагий и великий Дарователь Бог прият тя в Небесныя обители, / сего ради память твою с верою почитаем, досточудне.
Слава, и ныне, глас тойже:Едина истинная христиан Покровительнице, / всяких лютых обстояний, / бед и скорбей нас избави / и молитвами Твоими спаси души наша.
По полиелее седален, глас 8:Служитель быв Христу всяческих Владыце, / научил еси люди и просветил еси словесы Божественным, / к разумению сих наставль, Викентие всечудне: / темже проповедника тя истины вси именуем, // мученика славного и угодника Христова.
Слава, и ныне, глас тойже:Устами и сердцем величаем Тя, / Дево Мати Марие: / Ты же, рождшая Бога, // не отрини нас от Твоего заступления.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них.
Стих: Предзрех Господа предо мною выну, / яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Радуяся шествовал еси стезею мучения, прехвальне, / ранами телесе своего попрал еси главу вражию, / исповеданием имени Христова просвещая люди, / восход совершел еси в Небесная, // Владыце победоносец явлься, Викентие славне.
Канон святаго мученика, глас 6.
Песнь 1Ирмос: Яко по суху, пешешествовав Израиль / по бездне стопами, / гонителя фараона / видя потопляема, / Богу / победную песнь // поим, вопияше.
Дарованием вышним моего разума мрак отжени твоими молитвами, служителю Христов Викентие, / яко да воспою, славне, твою священную и светозарную память песньми.
Весь любовию Христовою укреплься, Викентие пребогате, / плоть преобидел еси, яко растлетися хотящу, / и претерпел еси муки, нравом мужественным, / обличив идольскую прелесть.
Ревностию любве Христовы разжегся и к подвигом совлекся, / веры и Духа Божественнаго исполнився, мучениче, / евангельскую проповедь всем известил еси.
Богородичен: Боголепное селение, Чистая, Ты была еси, / Небес пространнейшее и чистейшее, Богородице Дево Марие, / и ныне о Тебе радуется девственный лик.
Песнь 3Ирмос: Несть свят, / якоже Ты, / Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.
Яко проповедник сокровенныя и Божественный жизни, / настоящую якоже забыв, / делом показа яве всем Викентий победоносную истину, Владыко Спасе, / пренебрегши смертию.
Поя, пребыл еси в узах, Бога и Господа исповедая, / Небесными благами укрепляя свою душу, Викентие славне.
Украшаемь благолепия венцем, мучениче Христов Викентие, / всегда со избранными мученики в радости предстоиши.
Ученьми воистинну сбытием мудрых дел твоих / Церкви был еси мученик и учитель, Викентие.
Богородичен: Якоже неистощимое сокровище дарований Тя имуще, Владычице, / независтныя дары от Тебе чудес вси приемлем.
Седален, глас 6:Таин Божиих служителю / и делатель быв заповедей Господних, Викентие всечестне, / сего ради возшед на Небеса, и ныне предстоиши Престолу Владычню, // со Ангельскими лики непрестанно воспеваеши Троицу Единосущную.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4Ирмос: Христос моя сила, / Бог и Господь, / честная Церковь / Боголепно поет, взывающи, // от смысла чиста о Господе празднующи.
Имеяй Креста победу, / к сопротивоборцем доблественне ополчился еси / и победы венценосец явился еси, досточудне.
Любовь твоя излияся на ближния и дальния, / и миром покрываше землю твою, святе, / таже по успении твоем в чудесех нам источися, славящим твое к Богу восшествие.
Имуще честныя мощи твоя, от нихже исцеления дары приемлем, / память твою чтим, святе Викентие, / Христа Спаса славяще яко Всемогуща.
Богородичен: Свет рождшая, тьму разруши многих моих прегрешений Твоею зарею, Пренепорочная Владычице, / Яже Солнце правды верным возсиявшая.
Песнь 5Ирмос: Божиим светом Твоим, Блаже, / утреннюющих Ти души / любовию озари, молюся, / Тя ведети, Слове Божий, / истиннаго Бога, // от мрака греховнаго взывающа.
Служитель Христов Викентий словом украшен, / за Спасову любовь закалается / и со Словом Превечным праведно царствует ныне, / веселия и славы Его насыщался.
Свидетельства облистав светлыми лучами, / омрачив темное безбожие, всемудре, / просветил еси верных исполнения, / воспевающих тя, всехвальне.
Вельми Христа возлюбив, Викентие, / страстем Того мужески уподобился еси, / заколен быв, яко агнец, волею, великомучениче досточудне.
Богородичен: Божественным сиянием Твоим, Благая, / просвети омраченную душу мою и к спасения стези направи, / Едина Спаса Христа рождшая.
Песнь 6Ирмос: Житейское море, / воздвизаемое зря / напастей бурею, / к тихому пристанищу Твоему притек, вопию Ти: // возведи от тли живот мой, Многомилостиве.
Мечу сам себе предав вседушно, диаконе всехвальне, / кроплении кровей обагрил еси ризу, / в нюже одеявшися, на Небесех живеши.
Усмотряя, всеблаженне, воздаяния Божественная, / терпел еси, Викентие, нестерпимыя раны и болезни крепчайше.
Претерпев муки многоплетенныя и главы честныя отсечение, Богомудре, / в славе присносущней ликуеши на Небесех, о нас, Викентие, моляся.
Богородичен: Архангельский глас вопием Ти: / Радуйся, Благодатная, Господь с Тобою; / радуйся, Благословенная, Заступница наша и скорая в бедах Помощница.
Кондак, глас 4:Законно течение совершив / и веру соблюл еси, / сего ради мучения венцев сподобился еси / и Церкве столп непоколебим явился еси, / Сына, Отцу Собезначальна и Духу исповедав, / Троицу Нераздельную, / Юже моли избавитися от бед чтущим тя, / да зовем тебе: // радуйся, Викентие богомудре.
Песнь 7Ирмос: Росодательну убо пещь содела Ангел / преподобным отроком, / халдеи же опаляющее веление Божие мучителя увеща вопити: // благословен еси, Боже отец наших.
Исправно Богу работая и священную твою одежду носив священно, / нечестивыя просветил еси, всечестне, / Единство Несозданно в Трех Лицех проповедал еси, Викентие премудре.
Весь свету приближился еси Начальный Троицы, / яко служитель Тоя, сый световиден был еси, страстотерпче, / озаряя поющия тя.
Просвещся любовию всех Владыки, мучениче Викентие, / подклонил еси выю мечу и мучеников счислился еси воинству, взывая: / благословен еси, Боже отец наших.
Богородичен: Во тьме неразумения мя пребывающаго, / просвети Светом Неприступным Сына Твоего, Пречистая, / и настави верно взывати Ему благочестно: / благословен еси, Боже отец наших.
Песнь 8Ирмос: Из пламене преподобным росу источил еси, / и праведнаго жертву с водою попалил еси: / вся бо твориши, Христе, токмо еже хотети. // Тя превозносим во вся веки.
На земли пострадавши, святе Викентие, / в Царствии Небеснем венец правды от руки Христовы приял еси, вопиюще: / Тя воспеваю, Боже, во веки.
Царское украшение Церкве Христовы, / страстей Спасовых изображение мученик твердый, / верных утверждение, песньми да восхвалится Викентий великий.
Уязвився божественным желанием, всеблаженне, / непорочно и праведно житие препроводил еси, / дондеже достигл еси поклонитися Престолу Господню, со Ангелы Богу поя: / Тя превозносим во вся веки.
Троичен: Яко Единицу естеством, Тя пою, Божество Всесвятое, / Треми же Ипостасьми несечно разделяя, зову: / Тя, Трисвятый Боже, превозносим во вся веки.
Богородичен: Яже Владыку всех плотию рождшая, насилия страстей избави мя, Отроковице, / и Творцу всяческих присвой любовию, поющаго во вся веки.
Песнь 9Ирмос: Бога / человеком не возможно видети, / на Него же не смеют чини Ангельстии взирати; / Тобою же, Всечистая, явися человеком / Слово воплощенно, / Его же величающе, // с Небесными вои Тя ублажаем.
Сам себе на заколение вольное, яко агня, даде, непорочно, / Агнцу Божию подобяся, вземлющему грехи мира, Викентие диаконе добропобедне, / и венец нетленный от Сего приял еси.
Днесь веселие в твоей Божественней памяти Церковь познавает, Викентие, / воине Христов неодоленный, / в нюже поющия тя вся спасай молитвами твоими.
С Вышними ликуя Ангелы, и святыми, и преподобными, / о иже верою чтущих тя и восхваляющих, Викентие святе, / Благодетеля Господа непрестанно моли.
Совлекшись своего многострадальнаго тела, мучениче Викентие всечестне, / воинство Ангельское тя приемлет, / к Небесному граду, к Свету Невечернему.
Богородичен: Мысленно Твоим стопам прикасаяся, Всенепорочная, молю Тя: / пение мое приими и от бед избави мя, молитвами Твоими, Дево Марие, / да любовию Тя величаю.
Светилен:Предстощи ныне Трисиянному Великому Свету / и пребывающи в неизреченней светлости со всеми святыми, / Викентие добропобедне, помяни всех нас, / память твою светоносно совершающих.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай молящи, / да подаст нам милость Свою в день судный.
Стихиры, глас 1:Богоблаженне мучениче Викентие, / от земли преставився, востекл еси к Небесным, /и в Горних жити селениих сподобился еси, / жизнь свою всецело Христу отдав, / Егоже ныне моли // даровати душам нашим мир и велию милость.
Главе твоей отсекаемей, / главу врага сокрушил еси / доблий страдальче Викентие, / мужества правило, жертво одушевленная, / храма небеснаго сокровище, // мир испроси душам нашим.
Просвещение Христос тебе быв, / Своею крепостию препояса тя / и к Себе возведе и дарова тебе Царство негиблющее, // оттуду нас, святе Викентие, поминай.
Приидите, вернии, / возрадуемся и возвеселимся днесь, / во всечестный сей праздник Викентия дивнаго мученика, / и славу и хвалу Христу Богу воздадим, / давшему нам таковаго к Нему предстателя // и молитвенника о душах наших.
Слава, глас 2:Запад сиянии мысленными ты восток соделал еси, / солнца носящий Божия познания, / от Девы нам возсиявшаго, / и, зашед страданием, святе Викентие, / возсиял еси к свету Невечернему, // идеже молишися о душах наших.
И ныне, глас тойже:Все упование мое на Тя возлагаю, Мати Божия, // сохрани мя под кровом Твоим.
НА ЛИТУРГИИПрокимен, глас 4: Святым, иже суть на земли Его, / удиви Господь вся хотения своя в них. Стих: Предзрех Господа предо мною выну, / яко одесную мене есть, да не подвижуся.
Апостол к Галатом, зачало 214.
Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь.
Евангелие от Иоанна, зачало 51.
Причастен: Радуйтеся, праведнии, о Господе, правым подобает похвала.
МОЛИТВАО, доблий страстотерпче и неодоленный воине Христов Викентие! Приникни с Горних селений на притекающих к тебе и вонми молению нашему, умоли Господа Бога даровати нам вся, еже ко спасению нашему мы просим от Него при святых мощах твоих. Умоли Спаса нашего даровати стране нашей крепкий и ненарушимый мир, благочиние, просвещение умов и сердец и земли плодоносие, всем же христианом - здравие и благочестие. Сохраняй нас от всех наветов вражиих, да словом и делом прославляется Всесвятое Имя Отца, и Сына, и Святаго Духа, ныне, и присно, и во веки веков. Аминь.
СЛУЖБА
святому мученику диакону Викентию Сарагосскому
НА ВЕЧЕРНИ
На Господи, воззвах: стихиры, глас 1:Добродетелей верх и верных основание, / Викентий чудный, мучеников похвала, / вся призывает светло верныя в память свою честную / воспети сего яко победителя, // на земли Бога прославльшаго.
Благодушно Викентий страдания сконча и подвиги, / и побеждая нечестивыя терпением, / и удивляя неверныя болезней нестерпимых наведеньми, / темже по кончине ублажается. / Того молитвами, Господи, // всем подаждь велию милость.
Веры евангельския поборника, / благочестия учителя и христиан утешителя, / диаконскаго служения доброе правило, / нищих помощника и питателя, // восхвалим днесь Викентия досточуднаго.
Имея житие Небесно, / приносил еси Богу службы умом чистым. / Труды многи претерпел еси и болезни, Викентие достоблаженне, / проповедания ради Божественнаго и твердыя истины, / юже твоими словесы утвердил еси, // безумныя обличая явственно.
Слава, глас тойже:Каплями кровей терпеливаго твоего страдания / убелил еси священныя ризы твоя / и Владыце Христу предстал еси жертва благовонна, / чисто заколение, благоприятен дар, / священное приношение и посвящение непорочно. / Темже молитвами твоими, святе Викентие, / церковное исполнение в мире соблюди, // и подаждь нам мир и велию милость.
И ныне, догматик, глас тойже: Всемирную славу:
На стиховне стихиры, глас 4:Светлый и всепразднственный твой день, мучениче Викентие, / созывает нас духовно праздновати, / и честныя мощи твоя усердно почитати, // и славити единаго Бога в Троице, дивнаго во святых Своих.
Стих: Праведник, яко финикс, процветет, / яко кедр, иже в Ливане, умножится.
Сокрушаему твоему телесе, / радовался еси, мучениче славне Викентие, / страданьми бо попрал еси главу вражию, / и сокрушил еси нечестивых шатания, / и шествовал еси крепко стезею Небесною, // Владыце победоносец явлься, всехвальне.
Стих: Возвеселится праведник о Господе / и уповает на Него.
Якоже Моисею Аарона, / дарова тя Христос святителю Виталию, / имуща дарование слова и добродетельный нрав, / мучениче диаконе Викентие, / темже многи обратил еси ко благочестию // и страданьми своими возшел еси в Небесная.
Слава, глас тойже:Троицы вернаго служителя, / Церкве светильника всесветлаго, / Викентия архидиакона предивнаго / ныне, в память его сошедшеся, // воспоим любовию.
И ныне, глас тойже:Пресвятая Мати Божия, / с лики Небесными / молися из Тебе Воплощенному, / Солнцу Правды, Господу, // спасти и просветити души наша.
Тропарь, глас 4:Мученик Твой, Господи, Викентий, / во страдании своем венец прият нетленный от Тебе, Бога нашего: / имеяй бо крепость Твою, / мучителей низложи, / сокруши и демонов немощныя дерзости. / Того молитвами // спаси души наша.
НА УТРЕНИ
На Бог Господь: тропарь святаго дважды.
Слава, и ныне, Богородичен.
По стихословии седален, глас 2:Кровь твою, яко алавастр мира, Христови принесл еси, мучениче Викентие. / Темже преблагий и великий Дарователь Бог прият тя в Небесныя обители, / сего ради память твою с верою почитаем, досточудне.
Слава, и ныне, глас тойже:Едина истинная христиан Покровительнице, / всяких лютых обстояний, / бед и скорбей нас избави / и молитвами Твоими спаси души наша.
По полиелее седален, глас 8:Служитель быв Христу всяческих Владыце, / научил еси люди и просветил еси словесы Божественным, / к разумению сих наставль, Викентие всечудне: / темже проповедника тя истины вси именуем, // мученика славного и угодника Христова.
Слава, и ныне, глас тойже:Устами и сердцем величаем Тя, / Дево Мати Марие: / Ты же, рождшая Бога, // не отрини нас от Твоего заступления.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них.
Стих: Предзрех Господа предо мною выну, / яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Радуяся шествовал еси стезею мучения, прехвальне, / ранами телесе своего попрал еси главу вражию, / исповеданием имени Христова просвещая люди, / восход совершел еси в Небесная, // Владыце победоносец явлься, Викентие славне.
Канон святаго мученика, глас 6.
Песнь 1Ирмос: Яко по суху, пешешествовав Израиль / по бездне стопами, / гонителя фараона / видя потопляема, / Богу / победную песнь // поим, вопияше.
Дарованием вышним моего разума мрак отжени твоими молитвами, служителю Христов Викентие, / яко да воспою, славне, твою священную и светозарную память песньми.
Весь любовию Христовою укреплься, Викентие пребогате, / плоть преобидел еси, яко растлетися хотящу, / и претерпел еси муки, нравом мужественным, / обличив идольскую прелесть.
Ревностию любве Христовы разжегся и к подвигом совлекся, / веры и Духа Божественнаго исполнився, мучениче, / евангельскую проповедь всем известил еси.
Богородичен: Боголепное селение, Чистая, Ты была еси, / Небес пространнейшее и чистейшее, Богородице Дево Марие, / и ныне о Тебе радуется девственный лик.
Песнь 3Ирмос: Несть свят, / якоже Ты, / Господи Боже мой, / вознесый рог верных Твоих, Блаже, / и утвердивый нас на камени // исповедания Твоего.
Яко проповедник сокровенныя и Божественный жизни, / настоящую якоже забыв, / делом показа яве всем Викентий победоносную истину, Владыко Спасе, / пренебрегши смертию.
Поя, пребыл еси в узах, Бога и Господа исповедая, / Небесными благами укрепляя свою душу, Викентие славне.
Украшаемь благолепия венцем, мучениче Христов Викентие, / всегда со избранными мученики в радости предстоиши.
Ученьми воистинну сбытием мудрых дел твоих / Церкви был еси мученик и учитель, Викентие.
Богородичен: Якоже неистощимое сокровище дарований Тя имуще, Владычице, / независтныя дары от Тебе чудес вси приемлем.
Седален, глас 6:Таин Божиих служителю / и делатель быв заповедей Господних, Викентие всечестне, / сего ради возшед на Небеса, и ныне предстоиши Престолу Владычню, // со Ангельскими лики непрестанно воспеваеши Троицу Единосущную.
Слава, и ныне, Богородичен:Пречистыя Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твоя милости.
Песнь 4Ирмос: Христос моя сила, / Бог и Господь, / честная Церковь / Боголепно поет, взывающи, // от смысла чиста о Господе празднующи.
Имеяй Креста победу, / к сопротивоборцем доблественне ополчился еси / и победы венценосец явился еси, досточудне.
Любовь твоя излияся на ближния и дальния, / и миром покрываше землю твою, святе, / таже по успении твоем в чудесех нам источися, славящим твое к Богу восшествие.
Имуще честныя мощи твоя, от нихже исцеления дары приемлем, / память твою чтим, святе Викентие, / Христа Спаса славяще яко Всемогуща.
Богородичен: Свет рождшая, тьму разруши многих моих прегрешений Твоею зарею, Пренепорочная Владычице, / Яже Солнце правды верным возсиявшая.
Песнь 5Ирмос: Божиим светом Твоим, Блаже, / утреннюющих Ти души / любовию озари, молюся, / Тя ведети, Слове Божий, / истиннаго Бога, // от мрака греховнаго взывающа.
Служитель Христов Викентий словом украшен, / за Спасову любовь закалается / и со Словом Превечным праведно царствует ныне, / веселия и славы Его насыщался.
Свидетельства облистав светлыми лучами, / омрачив темное безбожие, всемудре, / просветил еси верных исполнения, / воспевающих тя, всехвальне.
Вельми Христа возлюбив, Викентие, / страстем Того мужески уподобился еси, / заколен быв, яко агнец, волею, великомучениче досточудне.
Богородичен: Божественным сиянием Твоим, Благая, / просвети омраченную душу мою и к спасения стези направи, / Едина Спаса Христа рождшая.
Песнь 6Ирмос: Житейское море, / воздвизаемое зря / напастей бурею, / к тихому пристанищу Твоему притек, вопию Ти: // возведи от тли живот мой, Многомилостиве.
Мечу сам себе предав вседушно, диаконе всехвальне, / кроплении кровей обагрил еси ризу, / в нюже одеявшися, на Небесех живеши.
Усмотряя, всеблаженне, воздаяния Божественная, / терпел еси, Викентие, нестерпимыя раны и болезни крепчайше.
Претерпев муки многоплетенныя и главы честныя отсечение, Богомудре, / в славе присносущней ликуеши на Небесех, о нас, Викентие, моляся.
Богородичен: Архангельский глас вопием Ти: / Радуйся, Благодатная, Господь с Тобою; / радуйся, Благословенная, Заступница наша и скорая в бедах Помощница.
Кондак, глас 4:Законно течение совершив / и веру соблюл еси, / сего ради мучения венцев сподобился еси / и Церкве столп непоколебим явился еси, / Сына, Отцу Собезначальна и Духу исповедав, / Троицу Нераздельную, / Юже моли избавитися от бед чтущим тя, / да зовем тебе: // радуйся, Викентие богомудре.
Песнь 7Ирмос: Росодательну убо пещь содела Ангел / преподобным отроком, / халдеи же опаляющее веление Божие мучителя увеща вопити: // благословен еси, Боже отец наших.
Исправно Богу работая и священную твою одежду носив священно, / нечестивыя просветил еси, всечестне, / Единство Несозданно в Трех Лицех проповедал еси, Викентие премудре.
Весь свету приближился еси Начальный Троицы, / яко служитель Тоя, сый световиден был еси, страстотерпче, / озаряя поющия тя.
Просвещся любовию всех Владыки, мучениче Викентие, / подклонил еси выю мечу и мучеников счислился еси воинству, взывая: / благословен еси, Боже отец наших.
Богородичен: Во тьме неразумения мя пребывающаго, / просвети Светом Неприступным Сына Твоего, Пречистая, / и настави верно взывати Ему благочестно: / благословен еси, Боже отец наших.
Песнь 8Ирмос: Из пламене преподобным росу источил еси, / и праведнаго жертву с водою попалил еси: / вся бо твориши, Христе, токмо еже хотети. // Тя превозносим во вся веки.
На земли пострадавши, святе Викентие, / в Царствии Небеснем венец правды от руки Христовы приял еси, вопиюще: / Тя воспеваю, Боже, во веки.
Царское украшение Церкве Христовы, / страстей Спасовых изображение мученик твердый, / верных утверждение, песньми да восхвалится Викентий великий.
Уязвився божественным желанием, всеблаженне, / непорочно и праведно житие препроводил еси, / дондеже достигл еси поклонитися Престолу Господню, со Ангелы Богу поя: / Тя превозносим во вся веки.
Троичен: Яко Единицу естеством, Тя пою, Божество Всесвятое, / Треми же Ипостасьми несечно разделяя, зову: / Тя, Трисвятый Боже, превозносим во вся веки.
Богородичен: Яже Владыку всех плотию рождшая, насилия страстей избави мя, Отроковице, / и Творцу всяческих присвой любовию, поющаго во вся веки.
Песнь 9Ирмос: Бога / человеком не возможно видети, / на Него же не смеют чини Ангельстии взирати; / Тобою же, Всечистая, явися человеком / Слово воплощенно, / Его же величающе, // с Небесными вои Тя ублажаем.
Сам себе на заколение вольное, яко агня, даде, непорочно, / Агнцу Божию подобяся, вземлющему грехи мира, Викентие диаконе добропобедне, / и венец нетленный от Сего приял еси.
Днесь веселие в твоей Божественней памяти Церковь познавает, Викентие, / воине Христов неодоленный, / в нюже поющия тя вся спасай молитвами твоими.
С Вышними ликуя Ангелы, и святыми, и преподобными, / о иже верою чтущих тя и восхваляющих, Викентие святе, / Благодетеля Господа непрестанно моли.
Совлекшись своего многострадальнаго тела, мучениче Викентие всечестне, / воинство Ангельское тя приемлет, / к Небесному граду, к Свету Невечернему.
Богородичен: Мысленно Твоим стопам прикасаяся, Всенепорочная, молю Тя: / пение мое приими и от бед избави мя, молитвами Твоими, Дево Марие, / да любовию Тя величаю.
Светилен:Предстощи ныне Трисиянному Великому Свету / и пребывающи в неизреченней светлости со всеми святыми, / Викентие добропобедне, помяни всех нас, / память твою светоносно совершающих.
Слава, и ныне, Богородичен:Света Превечнаго родила еси нам, Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай молящи, / да подаст нам милость Свою в день судный.
Стихиры, глас 1:Богоблаженне мучениче Викентие, / от земли преставився, востекл еси к Небесным, /и в Горних жити селениих сподобился еси, / жизнь свою всецело Христу отдав, / Егоже ныне моли // даровати душам нашим мир и велию милость.
Главе твоей отсекаемей, / главу врага сокрушил еси / доблий страдальче Викентие, / мужества правило, жертво одушевленная, / храма небеснаго сокровище, // мир испроси душам нашим.
Просвещение Христос тебе быв, / Своею крепостию препояса тя / и к Себе возведе и дарова тебе Царство негиблющее, // оттуду нас, святе Викентие, поминай.
Приидите, вернии, / возрадуемся и возвеселимся днесь, / во всечестный сей праздник Викентия дивнаго мученика, / и славу и хвалу Христу Богу воздадим, / давшему нам таковаго к Нему предстателя // и молитвенника о душах наших.
Слава, глас 2:Запад сиянии мысленными ты восток соделал еси, / солнца носящий Божия познания, / от Девы нам возсиявшаго, / и, зашед страданием, святе Викентие, / возсиял еси к свету Невечернему, // идеже молишися о душах наших.
И ныне, глас тойже:Все упование мое на Тя возлагаю, Мати Божия, // сохрани мя под кровом Твоим.
НА ЛИТУРГИИПрокимен, глас 4: Святым, иже суть на земли Его, / удиви Господь вся хотения своя в них. Стих: Предзрех Господа предо мною выну, / яко одесную мене есть, да не подвижуся.
Апостол к Галатом, зачало 214.
Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь.
Евангелие от Иоанна, зачало 51.
Причастен: Радуйтеся, праведнии, о Господе, правым подобает похвала.
МОЛИТВАО, доблий страстотерпче и неодоленный воине Христов Викентие! Приникни с Горних селений на притекающих к тебе и вонми молению нашему, умоли Господа Бога даровати нам вся, еже ко спасению нашему мы просим от Него при святых мощах твоих. Умоли Спаса нашего даровати стране нашей крепкий и ненарушимый мир, благочиние, просвещение умов и сердец и земли плодоносие, всем же христианом - здравие и благочестие. Сохраняй нас от всех наветов вражиих, да словом и делом прославляется Всесвятое Имя Отца, и Сына, и Святаго Духа, ныне, и присно, и во веки веков. Аминь.