Служба святой мученице Цецилии (Кикилии) и иже с нею пострадавшим
Выкладываю в «Уставные заметки» полиелейную службу святым мученице Цецилии (в русском календаре - Кикилии) и с нею пострадавшим мученикам Валериану, брату его Тибурцию (в русском календаре - Тивуртию) и Максиму воину, Римским († ок. 229 - 230), составленную клириком Украинской Православной Церкви протоиереем Илией Тетерько (Одесса) в 2020 году. Текст публикуется по авторской машинописи, цензурными инстанциями текст пока не рассматривался. Акафист святой мученице Цецилии составлен по-английски современной американской песнописицей Наталией Гарланд.
22 ноября
СЛУЖБА
святой мученице Цецилии, мученикам Валериану, Тибуртию и Максиму
НА ВЕЧЕРНИ
На Господи, воззвах: стихиры, глас 4:Приидите, мучениколюбцы, / песньми хвалебными прославим добропобедную мученицу, / светильник души своея вжегшую / и сретившую Христа в багрянице страданий своих. / Ейже с любовию возопиим, / всеславная и чудная Цецилие, / моли грехов оставление даровати, // празднующим честную память твою.
Глаголом внимающи сладким / Божественнаго и Всесвятаго Духа, / достославная Цецилие, / горесть всяку плотских страстей оставила еси / и смертию к безсмертней славе преминула еси, // Христа молящи всем даровати велию милость.
На колесницу вшедше страданий твоих / востекла еси в Горняя селения, / Цецилие мученице всеславная, / нам же честныя мощи твоя, / нетлением процветшия и чудеса точащия, / яко наследие богатое, оставила еси. / Темже молим тя в памяти твоей, // испроси нам у Христа велия и богатыя милости.
Мудрыми словесы и теплою любовию / Вилериана и Тибуртия закону Христову научила еси, / яко подобает паче всех Христа любити / и верно Ему служити. / Они же, послушав советы твоя, // даже до смерти вся исполниша.
Слава, глас тойже:Вашу достославную память совершающе, / любовию почитающии вас, мученицы честнии, поем Христа, / вас ради подающаго крепость исцелений, // Емуже всегда молитеся о всех нас.
И ныне, Богородичен, глас тойже:Едина истинная христиан Покровительнице, / Дево Марие Богородице, / всяких лютых обстояний, / бед и скорбей и болезней нас избави // и молитвами Твоими спаси души наша.
На стиховне стихиры, глас 1:Хвалений всяких достойна еси, / Цецилие всеславная, / в заповедех Господних ходившая, // Божиею милостию подвизаема.
Стих: Блажени вси, боящиися Господа, / ходящии в путех Его.
Чистую веру к Богу имела еси, / нелицемерную любовь ко всем показала еси, Цецилие, / тем, торжествующе, ублажаем тя, // память твою верно чтуще.
Стих: Умножил еси на мне величествие Твое / и, обращся, утешил мя еси.
Велики за Христа подвиги прошла еси, / Цецилие мученице всехвальная, / благородство души соблюдши / и веру истинную сохраньши. // Темже ныне радуешися.
Слава, глас тойже:Да торжествует Твоя Церковь, Христе, / украшенная сонмом славных мучеников, / жизнь свою Тебе предавших / и от Тебе жизнь вечную получивших; / их молитвами Долготерпеливе, Человеколюбче Господи, // в правоверии нас сохрани до скончания века.
И ныне, Богородичен, глас тойже:Небесных чинов радование, / на земли человеков крепкое предстательство, / Пречистая Дево, спаси нас, иже к Тебе прибегающия, // яко на Тя упование по Бозе, Богородице, возложихом.
Тропарь, глас 4:Мученицы Твои, Господи, / во страданиих своих венцы прияша нетленныя от Тебе, Бога нашего, / имуще бо крепость Твою, / мучителей низложиша, / сокрушиша и демонов немощныя дерзости. / Тех молитвами // спаси души наша.
Ин тропарь святой Цецилии, глас тойже:Похвальныя песни, аки царский венец, / богомудрей главе твоей приносим, / достославная мученице Цецилие, / ибо Христос тя нетлением венча / и Царствия Небеснаго сподоби, / темже вопием тебе с любовию: // молися прилежно о душах наших.
НА УТРЕНИ
По 1-м стихословии седален, глас 2:Подвигом, мученице, добрым подвизався и светлыя венцы приим, / Свету предстоиши, просвещаема по причастию Невещественному, // тем молим тя: просвети нас молитвами твоими.
Слава, и ныне, Богородичен:Свет, от Света происходяй, во Твою Девичу утробу вниде / и плотию обложися недомысленно и несказанно, / рождеством же Его вся тварь обновися и идольская лесть разорися. / Тем молим Тя, Пречистая: // моли, да спасет души наша.
По 2-м стихословии седален, глас 6:Светлый твой, мученице Цецилие, праздник / вся созва радостно на трапезу днесь, / предложив страданий твоих борения, мужество и противление, // имиже насыщшеся, верою тя и любовию ублажаем.
Слава, и ныне, Богородичен:Труждает мя буря греховная / и возмущение безместных помышлений: / умилосердися, Всенепорочная, / и руку помощи, яко Милосердная, простри ми, // да величаю Тя, спасаемый.
Величание:Величаем тя, / страстотерпице святая Цецилие, / и чтим честная страдания твоя, // яже за Христа претерпела еси.
Псалом избранный:1. Терпя потерпех Господа, и внят ми, и услыша молитву мою.
2. Бог нам Прибежище и Сила, Помощник в скорбех, обретших ны зело.
1. Многи скорби праведным и от всех их избавит я Господь.
2. Приведутся Царю девы, приведутся в веселии и радовании.
1. Девы да восхвалят имя Господне.
2. Суди ми, Господи, яко аз незлобою моею ходих.
1. Искуси мя, Господи, и испытай мя, разжи утробы моя, и сердце мое.
2. Да не погубиши с нечестивыми душу мою.
1. Аз же незлобою моею ходих, избави мя, Господи, и помилуй мя.
2. Нога моя ста на правоте: в церквах благословлю Тя, Господи.
По полиелеи седален, глас 8:Вожделевши от души Христу послужити, / украсила еси себе саму смирением и чистотою, / любовь же тленную и желания отринула еси, / житие свое светлостию дел просветила еси, / темже и светлость святых узрела еси, / сего ради и мы хвалим тя, // мученице Цецилие Богоблаженная.
Слава, и ныне, Богородичен:Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси // молитвами Твоими, Пречистая.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Днесь светло празднуем / память всечестных страданий твоих, / почитающе тя любовию, / достохвальная мученице Цецилие, / и прилежно вопием тебе: / испроси душам нашим мир и единомыслие // и всем верным велию милость.
Канон святым мученикам, глас 2.
Песнь 1Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Припев: Святии мученицы, молите Бога о нас.
Христову Престолу ныне предстоя, венценосица славная мученице Цецилие, / светоносную мне зарю и благодать с Небесе даждь молитвами твоими.
Паче сияния злата и многоценнаго камене / мученическими ранами украсилися есте, Валериане и Тибуртие славнии, / возшедше в Чертог Небеснаго Царя.
Уязвившеся желанием претерпевшаго нас ради Крест и смерть, / сего стопам последоваша всеславнии мученицы, / плотскую немощь отвергше.
Богородичен: Светлыми лучами Твоего Сына, Богородице, / просвети омраченную мою душу / и страстей смущение отжени, Твоими, Чистая, ходатайствы.
Песнь 3Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Проповедью евангельскою просветила еси сердца Валериана и Тибуртия, Цецилия Богомудрая, / с нимиже ныне предстоиши Христу, нося венец страданий твоих.
Встал еси пред судищем мучителя дерзновенно, Максиме всечестне, / исповедуя Христа воскресшаго и жизнь вечную верным Своим дарующаго.
Украшается мучением за имя Христово полк блаженнейший, / и страстьми сугубыми венцы плетет.
Богородичен: Якоже неистощимое сокровище дарований Тя имуще, Владычице, / независтныя дары от Тебе чудес вси приемлем.
Седален, глас 6:Чудес вас источники стяжавше, / почерпаем здравие обильно, мученцы прехвальнии, / поюще болезни ваша, и ревность Божественную, / и язвы доблественныя и подвиги: // и совершаем вашу досточудную память в славу Бога нашего.
Слава, и ныне, Богородичен:Молитвы твоих раб приими, Богородице, / и избави нас от всякия беды: / яко родила еси Христа Спаса, // избавителя душ наших.
Песнь 4Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Красоту душевную жениха своего видящи, / сего уловляет Цецилия Богомудрая словесы Божественными, / и приводит к Свету Невечернему и славе негибнущей.
Светлое ваше празднество, Цецилие славная, Валериане всечестне и Тибуртие чудне, / светом Божия Духа сияющее, озаряет души наша, / верою чтущих вас, святии.
Наслаждаяся Божественными светолитии, / мук течения неуязвлен прешел еси, Максиме досточудне, / и победы венец достойно приял еси.
Богородичен: Свет рождшая, тьму разруши многих моих прегрешений Твоею зарею, Пренепорочная Владычице, / Яже Солнце правды верным возсиявшая.
Песнь 5Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Ангелообразныя души сияя красотою и добротою телесною, / вышнюю зарю Божественнаго сияния прияла еси, Цецилия хвальная, / светло и, радуяся, взывала еси: / разве бо Тебе иного бога не знаю.
Веру тверду и упование к Богу стяжав, / претекл еси жития нестоятельное и, мечем посекаемь, Валериане блаженне, / к пространней широте прешел еси.
Твердо поставив ноги твоя, страдальче Максиме, на камени исповедания и веры, / ветрами мучений не поколебался еси.
Богородичен: Божественным сиянием Твоим, Благая, / просвети омраченную душу мою и к спасения стези направи, / Едина Спаса Христа рождшая.
Песнь 6Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.
Агница Христова житием была еси, Цецилие, / кротостию и смирением душу твою украсивши, / темже тя Спаситель в нетленныя чертоги прият.
В ризу спасения и веселия одежду явственно, / кровию твоею обагрившуюся, премудре Валериане, яко мученик, облеклся еси.
Болезни ран претерпел еси, Тибуртие мучениче, / течение совершив свидетельства и победитель быв, / приял еси почести небесныя.
Богородичен: Архангельский глас вопием Ти: Радуйся, Благодатная, Господь с Тобою; / радуйся, Благословенная, Заступница наша и скорая в бедах Помощница.
Кондак, глас 4:Пострадавше за Христа крепко, / вражию гордыню на землю низложили есте, / озарившеся благодатию несозданныя Троицы, / славнии страстотерпцы Господни, // молитеся непрестанно о всех нас.
Песнь 7Ирмос: Да преславное рождество Твое, Христе, / еже от Девы прообразиши яве, / неопалимы в пещи отроки сохранил еси, / песньми поющыя Тебе: // отцев, Боже, благословен еси.
Избавится прегрешений ныне моли, Цецилие приснославная, / верою чтущим твою честную память / и поющим с тобою велегласно: Боже, благословен еси.
Друг другу родством телесным и верою привязаеми купно и влекоми, Валериане и Тибуртие, / разрешение телесе, яко крепцыи страдальцы, приясте, / Господу соединишася и велегласно поюще: Боже, благословен еси.
Воинством истинным от Бога препоясався, / привременное служение оставил еси веры ради / и, радуяся, пострадал еси за Христа, Максиме, поюще: / Боже, благословен еси.
Богородичен: Во тьме неразумения мя пребывающаго, / просвети Светом Неприступным Сына Твоего, Пречистая, / и настави верно взывати Ему благочестно: / благословен еси, Боже отец наших.
Песнь 8Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Славу Небесную, юже приобрела еси страданием, Цецилие всечестная, / моли и нас улучити сию, верою вопиющим с тобою: / благословите, вся дела Господня, Господа.
Крепчайше, якоже лев, мучителя низлагая, Валериане, / по муках взывал еси весело: / благословите, вся дела Господня, Господа.
Волны лютых мучений окормлением Христовым преидосте / и к пристанищу Божественнаго Царствия Небеснаго пристаете в нетление, / нас же подвизаете взывати: / благословите, вся дела Господня, Господа.
Богородичен: Яже Владыку всех плотию рождшая, насилия страстей избави мя, Отроковице, / и Творцу всяческих присвой любовию, поющаго: / благословите, вся дела Господня, Господа.
Песнь 9Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.
Милостива быти моли Владыку верою тя чтущим / и твой светоносный и честный праздник совершающим, / Цецилие достохвальная, мучеников украшение.
Божественная двоица братий и светозарная, / Валериане приснославный и Тибуртие доблемудрый, / Троице Пресвятей молитеся / мир и избавление от зла подати душам нашим.
Яко предобра твоя любовь, юже к Богу стяжал еси, Максиме, / и тепла твоя ревность, огнем Божественным распалаема, / и чудно страдание, с Небесными воинствами тя сочетавшее.
Телеса ваша Рим славный имать, мученицы Божественнии, / обогатившися вами яко заступниками и врачами, / целящими телес и душ недуги приходящих к вам с верою.
Богородичен: Мысленно Твоим стопам прикасаяся, Всенепорочная, молю Тя: / пение мое приими и от бед избави мя, молитвами Твоими, Дево Марие, / да любовию Тя величаю.
Светилен:Предстоще ныне Трисиянному Великому Свету / и пребывающе в неизреченней светлости со всеми святыми, / добрии мученицы, помяни всех нас, / память вашу светоносно совершающих.
Слава, и ныне, Богородичен:Света Превечнаго родила еси нам, / Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай молящи, / да подаст нам милость Свою в День Судный.
На хвалитех стихиры, глас 4:Процвела еси любовию Христовою / и евангельскою мудростию, Цецилие всеславная, / терпением же мук безумие обличаеши гонителей, / Церковь же назидаеши красотою жития твоего, // верных же подвизаеши пети Богу Всещедрому.
Уязвися, Христе, любовию Твоею сладкою Цецилия премудрая / и страдания славно претерпевает, Слове Божий, / темже к неболезненному преставляется наслаждению, / яко нескверна и нетленна. // Тоя молитвами даруй всем, Господи, велию милость.
Яко добре воинствовав Царю сил, / тебе самаго, Максиме, предал еси на вольное мучение, / сочетався с ликами исповедников, блаженне. / С нимиже и венцы победы приял еси // молися о нас, всеславне.
Богомудрая Цецилия, / доблии Валериан и Тибуртий / со славным Максимом враги победивше / и возсиявше яве, яко звезды многосветлыя, / уясниша верных сердца // и прелести тьму отгнаша светозарением Всятаго Духа.
Слава, глас 8:Подавают исцеления требующим / капли кровей ваших, преславнии мученцы, / яко источник утоляют страсти болезненныя, / и бесов прогоняют полки: / сердца же Боголюбивых напояют // на благоплодие Божиих дел.
И ныне, глас тойже:Владычице, приими молитвы раб Твоих / и избави нас // от всякия нужды и печали.
НА ЛИТУРГИИПрокимен, глас 4: Святым, иже суть на земли Его, / удиви Господь вся хотения Своя в них. Стих: Предзрех Господа предо мною выну, / яко одесную мене есть, да не подвижуся.
Апостол, к Галатом, зачало 214.
Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь.
Евангелие от Иоанна, зачало 51.
Причастен: Радуйтеся, праведнии, о Господе, правым подобает похвала.
МОЛИТВАО, достохвальная и премудрая мученице Цецилие! Ныне почитающе святую память твою, к тебе усердно прибегаем и во умилении сердец наших молимся. Ты паче всех благ земных Сладчайшаго Господа Иисуса Христа возлюбила еси и Тому чрез все житие верно последовала еси, Божественною благодатию душу свою питающи. Испроси убо и нам благодать просвещающую нас, да ею осеняеми, в вере и благочестии, в подвизех целомудрия и любви преуспевати будем и Христу в ближних Его служити неленостно потщимся. Да твоими подвиги и нашими делы благими славословится и святится Имя Отца и Сына и Святаго Духа во веки веков. Аминь.
22 ноября
СЛУЖБА
святой мученице Цецилии, мученикам Валериану, Тибуртию и Максиму
НА ВЕЧЕРНИ
На Господи, воззвах: стихиры, глас 4:Приидите, мучениколюбцы, / песньми хвалебными прославим добропобедную мученицу, / светильник души своея вжегшую / и сретившую Христа в багрянице страданий своих. / Ейже с любовию возопиим, / всеславная и чудная Цецилие, / моли грехов оставление даровати, // празднующим честную память твою.
Глаголом внимающи сладким / Божественнаго и Всесвятаго Духа, / достославная Цецилие, / горесть всяку плотских страстей оставила еси / и смертию к безсмертней славе преминула еси, // Христа молящи всем даровати велию милость.
На колесницу вшедше страданий твоих / востекла еси в Горняя селения, / Цецилие мученице всеславная, / нам же честныя мощи твоя, / нетлением процветшия и чудеса точащия, / яко наследие богатое, оставила еси. / Темже молим тя в памяти твоей, // испроси нам у Христа велия и богатыя милости.
Мудрыми словесы и теплою любовию / Вилериана и Тибуртия закону Христову научила еси, / яко подобает паче всех Христа любити / и верно Ему служити. / Они же, послушав советы твоя, // даже до смерти вся исполниша.
Слава, глас тойже:Вашу достославную память совершающе, / любовию почитающии вас, мученицы честнии, поем Христа, / вас ради подающаго крепость исцелений, // Емуже всегда молитеся о всех нас.
И ныне, Богородичен, глас тойже:Едина истинная христиан Покровительнице, / Дево Марие Богородице, / всяких лютых обстояний, / бед и скорбей и болезней нас избави // и молитвами Твоими спаси души наша.
На стиховне стихиры, глас 1:Хвалений всяких достойна еси, / Цецилие всеславная, / в заповедех Господних ходившая, // Божиею милостию подвизаема.
Стих: Блажени вси, боящиися Господа, / ходящии в путех Его.
Чистую веру к Богу имела еси, / нелицемерную любовь ко всем показала еси, Цецилие, / тем, торжествующе, ублажаем тя, // память твою верно чтуще.
Стих: Умножил еси на мне величествие Твое / и, обращся, утешил мя еси.
Велики за Христа подвиги прошла еси, / Цецилие мученице всехвальная, / благородство души соблюдши / и веру истинную сохраньши. // Темже ныне радуешися.
Слава, глас тойже:Да торжествует Твоя Церковь, Христе, / украшенная сонмом славных мучеников, / жизнь свою Тебе предавших / и от Тебе жизнь вечную получивших; / их молитвами Долготерпеливе, Человеколюбче Господи, // в правоверии нас сохрани до скончания века.
И ныне, Богородичен, глас тойже:Небесных чинов радование, / на земли человеков крепкое предстательство, / Пречистая Дево, спаси нас, иже к Тебе прибегающия, // яко на Тя упование по Бозе, Богородице, возложихом.
Тропарь, глас 4:Мученицы Твои, Господи, / во страданиих своих венцы прияша нетленныя от Тебе, Бога нашего, / имуще бо крепость Твою, / мучителей низложиша, / сокрушиша и демонов немощныя дерзости. / Тех молитвами // спаси души наша.
Ин тропарь святой Цецилии, глас тойже:Похвальныя песни, аки царский венец, / богомудрей главе твоей приносим, / достославная мученице Цецилие, / ибо Христос тя нетлением венча / и Царствия Небеснаго сподоби, / темже вопием тебе с любовию: // молися прилежно о душах наших.
НА УТРЕНИ
По 1-м стихословии седален, глас 2:Подвигом, мученице, добрым подвизався и светлыя венцы приим, / Свету предстоиши, просвещаема по причастию Невещественному, // тем молим тя: просвети нас молитвами твоими.
Слава, и ныне, Богородичен:Свет, от Света происходяй, во Твою Девичу утробу вниде / и плотию обложися недомысленно и несказанно, / рождеством же Его вся тварь обновися и идольская лесть разорися. / Тем молим Тя, Пречистая: // моли, да спасет души наша.
По 2-м стихословии седален, глас 6:Светлый твой, мученице Цецилие, праздник / вся созва радостно на трапезу днесь, / предложив страданий твоих борения, мужество и противление, // имиже насыщшеся, верою тя и любовию ублажаем.
Слава, и ныне, Богородичен:Труждает мя буря греховная / и возмущение безместных помышлений: / умилосердися, Всенепорочная, / и руку помощи, яко Милосердная, простри ми, // да величаю Тя, спасаемый.
Величание:Величаем тя, / страстотерпице святая Цецилие, / и чтим честная страдания твоя, // яже за Христа претерпела еси.
Псалом избранный:1. Терпя потерпех Господа, и внят ми, и услыша молитву мою.
2. Бог нам Прибежище и Сила, Помощник в скорбех, обретших ны зело.
1. Многи скорби праведным и от всех их избавит я Господь.
2. Приведутся Царю девы, приведутся в веселии и радовании.
1. Девы да восхвалят имя Господне.
2. Суди ми, Господи, яко аз незлобою моею ходих.
1. Искуси мя, Господи, и испытай мя, разжи утробы моя, и сердце мое.
2. Да не погубиши с нечестивыми душу мою.
1. Аз же незлобою моею ходих, избави мя, Господи, и помилуй мя.
2. Нога моя ста на правоте: в церквах благословлю Тя, Господи.
По полиелеи седален, глас 8:Вожделевши от души Христу послужити, / украсила еси себе саму смирением и чистотою, / любовь же тленную и желания отринула еси, / житие свое светлостию дел просветила еси, / темже и светлость святых узрела еси, / сего ради и мы хвалим тя, // мученице Цецилие Богоблаженная.
Слава, и ныне, Богородичен:Тя надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси // молитвами Твоими, Пречистая.
Таже степенна, 1-й антифон, глас 4.Прокимен, глас 4: Святым, иже суть на земли Его, / удиви Господь вся хотения своя в них. Стих: Презрех Господа предо мною выну, / яко одесную мене есть, да не подвижуся.
Всякое дыхание: Евангелие от Матфея, зачало 36.
По 50-м псалме стихира самогласна, глас 6:Днесь светло празднуем / память всечестных страданий твоих, / почитающе тя любовию, / достохвальная мученице Цецилие, / и прилежно вопием тебе: / испроси душам нашим мир и единомыслие // и всем верным велию милость.
Канон святым мученикам, глас 2.
Песнь 1Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, // яко прославися.
Припев: Святии мученицы, молите Бога о нас.
Христову Престолу ныне предстоя, венценосица славная мученице Цецилие, / светоносную мне зарю и благодать с Небесе даждь молитвами твоими.
Паче сияния злата и многоценнаго камене / мученическими ранами украсилися есте, Валериане и Тибуртие славнии, / возшедше в Чертог Небеснаго Царя.
Уязвившеся желанием претерпевшаго нас ради Крест и смерть, / сего стопам последоваша всеславнии мученицы, / плотскую немощь отвергше.
Богородичен: Светлыми лучами Твоего Сына, Богородице, / просвети омраченную мою душу / и страстей смущение отжени, Твоими, Чистая, ходатайствы.
Песнь 3Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, // и несть праведен паче Тебе, Господи.
Проповедью евангельскою просветила еси сердца Валериана и Тибуртия, Цецилия Богомудрая, / с нимиже ныне предстоиши Христу, нося венец страданий твоих.
Встал еси пред судищем мучителя дерзновенно, Максиме всечестне, / исповедуя Христа воскресшаго и жизнь вечную верным Своим дарующаго.
Украшается мучением за имя Христово полк блаженнейший, / и страстьми сугубыми венцы плетет.
Богородичен: Якоже неистощимое сокровище дарований Тя имуще, Владычице, / независтныя дары от Тебе чудес вси приемлем.
Седален, глас 6:Чудес вас источники стяжавше, / почерпаем здравие обильно, мученцы прехвальнии, / поюще болезни ваша, и ревность Божественную, / и язвы доблественныя и подвиги: // и совершаем вашу досточудную память в славу Бога нашего.
Слава, и ныне, Богородичен:Молитвы твоих раб приими, Богородице, / и избави нас от всякия беды: / яко родила еси Христа Спаса, // избавителя душ наших.
Песнь 4Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: // слава силе Твоей, Господи.
Красоту душевную жениха своего видящи, / сего уловляет Цецилия Богомудрая словесы Божественными, / и приводит к Свету Невечернему и славе негибнущей.
Светлое ваше празднество, Цецилие славная, Валериане всечестне и Тибуртие чудне, / светом Божия Духа сияющее, озаряет души наша, / верою чтущих вас, святии.
Наслаждаяся Божественными светолитии, / мук течения неуязвлен прешел еси, Максиме досточудне, / и победы венец достойно приял еси.
Богородичен: Свет рождшая, тьму разруши многих моих прегрешений Твоею зарею, Пренепорочная Владычице, / Яже Солнце правды верным возсиявшая.
Песнь 5Ирмос: Света подателю и веков Творче, Господи, / во свете Твоих повелений настави нас; // разве бо Тебе иного бога не знаем.
Ангелообразныя души сияя красотою и добротою телесною, / вышнюю зарю Божественнаго сияния прияла еси, Цецилия хвальная, / светло и, радуяся, взывала еси: / разве бо Тебе иного бога не знаю.
Веру тверду и упование к Богу стяжав, / претекл еси жития нестоятельное и, мечем посекаемь, Валериане блаженне, / к пространней широте прешел еси.
Твердо поставив ноги твоя, страдальче Максиме, на камени исповедания и веры, / ветрами мучений не поколебался еси.
Богородичен: Божественным сиянием Твоим, Благая, / просвети омраченную душу мою и к спасения стези направи, / Едина Спаса Христа рождшая.
Песнь 6Ирмос: В бездне греховней валяяся, / неизследную милосердия Твоего / призываю бездну: // от тли, Боже, мя возведи.
Агница Христова житием была еси, Цецилие, / кротостию и смирением душу твою украсивши, / темже тя Спаситель в нетленныя чертоги прият.
В ризу спасения и веселия одежду явственно, / кровию твоею обагрившуюся, премудре Валериане, яко мученик, облеклся еси.
Болезни ран претерпел еси, Тибуртие мучениче, / течение совершив свидетельства и победитель быв, / приял еси почести небесныя.
Богородичен: Архангельский глас вопием Ти: Радуйся, Благодатная, Господь с Тобою; / радуйся, Благословенная, Заступница наша и скорая в бедах Помощница.
Кондак, глас 4:Пострадавше за Христа крепко, / вражию гордыню на землю низложили есте, / озарившеся благодатию несозданныя Троицы, / славнии страстотерпцы Господни, // молитеся непрестанно о всех нас.
Песнь 7Ирмос: Да преславное рождество Твое, Христе, / еже от Девы прообразиши яве, / неопалимы в пещи отроки сохранил еси, / песньми поющыя Тебе: // отцев, Боже, благословен еси.
Избавится прегрешений ныне моли, Цецилие приснославная, / верою чтущим твою честную память / и поющим с тобою велегласно: Боже, благословен еси.
Друг другу родством телесным и верою привязаеми купно и влекоми, Валериане и Тибуртие, / разрешение телесе, яко крепцыи страдальцы, приясте, / Господу соединишася и велегласно поюще: Боже, благословен еси.
Воинством истинным от Бога препоясався, / привременное служение оставил еси веры ради / и, радуяся, пострадал еси за Христа, Максиме, поюще: / Боже, благословен еси.
Богородичен: Во тьме неразумения мя пребывающаго, / просвети Светом Неприступным Сына Твоего, Пречистая, / и настави верно взывати Ему благочестно: / благословен еси, Боже отец наших.
Песнь 8Ирмос: Пещь иногда огненная в Вавилоне действа разделяше, / Божиим велением халдеи опаляющая, / верныя же орошающая, поющия: // благословите, вся дела Господня, Господа.
Славу Небесную, юже приобрела еси страданием, Цецилие всечестная, / моли и нас улучити сию, верою вопиющим с тобою: / благословите, вся дела Господня, Господа.
Крепчайше, якоже лев, мучителя низлагая, Валериане, / по муках взывал еси весело: / благословите, вся дела Господня, Господа.
Волны лютых мучений окормлением Христовым преидосте / и к пристанищу Божественнаго Царствия Небеснаго пристаете в нетление, / нас же подвизаете взывати: / благословите, вся дела Господня, Господа.
Богородичен: Яже Владыку всех плотию рождшая, насилия страстей избави мя, Отроковице, / и Творцу всяческих присвой любовию, поющаго: / благословите, вся дела Господня, Господа.
Песнь 9Ирмос: Безначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: // тем всепетую Богородицу величаем.
Милостива быти моли Владыку верою тя чтущим / и твой светоносный и честный праздник совершающим, / Цецилие достохвальная, мучеников украшение.
Божественная двоица братий и светозарная, / Валериане приснославный и Тибуртие доблемудрый, / Троице Пресвятей молитеся / мир и избавление от зла подати душам нашим.
Яко предобра твоя любовь, юже к Богу стяжал еси, Максиме, / и тепла твоя ревность, огнем Божественным распалаема, / и чудно страдание, с Небесными воинствами тя сочетавшее.
Телеса ваша Рим славный имать, мученицы Божественнии, / обогатившися вами яко заступниками и врачами, / целящими телес и душ недуги приходящих к вам с верою.
Богородичен: Мысленно Твоим стопам прикасаяся, Всенепорочная, молю Тя: / пение мое приими и от бед избави мя, молитвами Твоими, Дево Марие, / да любовию Тя величаю.
Светилен:Предстоще ныне Трисиянному Великому Свету / и пребывающе в неизреченней светлости со всеми святыми, / добрии мученицы, помяни всех нас, / память вашу светоносно совершающих.
Слава, и ныне, Богородичен:Света Превечнаго родила еси нам, / Христа, Бога нашего, Пречистая Дево, / избавльшаго весь мир от лести диавола. / Темже молим Тя: не престай молящи, / да подаст нам милость Свою в День Судный.
На хвалитех стихиры, глас 4:Процвела еси любовию Христовою / и евангельскою мудростию, Цецилие всеславная, / терпением же мук безумие обличаеши гонителей, / Церковь же назидаеши красотою жития твоего, // верных же подвизаеши пети Богу Всещедрому.
Уязвися, Христе, любовию Твоею сладкою Цецилия премудрая / и страдания славно претерпевает, Слове Божий, / темже к неболезненному преставляется наслаждению, / яко нескверна и нетленна. // Тоя молитвами даруй всем, Господи, велию милость.
Яко добре воинствовав Царю сил, / тебе самаго, Максиме, предал еси на вольное мучение, / сочетався с ликами исповедников, блаженне. / С нимиже и венцы победы приял еси // молися о нас, всеславне.
Богомудрая Цецилия, / доблии Валериан и Тибуртий / со славным Максимом враги победивше / и возсиявше яве, яко звезды многосветлыя, / уясниша верных сердца // и прелести тьму отгнаша светозарением Всятаго Духа.
Слава, глас 8:Подавают исцеления требующим / капли кровей ваших, преславнии мученцы, / яко источник утоляют страсти болезненныя, / и бесов прогоняют полки: / сердца же Боголюбивых напояют // на благоплодие Божиих дел.
И ныне, глас тойже:Владычице, приими молитвы раб Твоих / и избави нас // от всякия нужды и печали.
НА ЛИТУРГИИПрокимен, глас 4: Святым, иже суть на земли Его, / удиви Господь вся хотения Своя в них. Стих: Предзрех Господа предо мною выну, / яко одесную мене есть, да не подвижуся.
Апостол, к Галатом, зачало 214.
Аллилуиа, глас 4: Воззваша праведнии, и Господь услыша их, и от всех скорбей их избави их. Стих: Многи скорби праведным, и от всех их избавит я Господь.
Евангелие от Иоанна, зачало 51.
Причастен: Радуйтеся, праведнии, о Господе, правым подобает похвала.
МОЛИТВАО, достохвальная и премудрая мученице Цецилие! Ныне почитающе святую память твою, к тебе усердно прибегаем и во умилении сердец наших молимся. Ты паче всех благ земных Сладчайшаго Господа Иисуса Христа возлюбила еси и Тому чрез все житие верно последовала еси, Божественною благодатию душу свою питающи. Испроси убо и нам благодать просвещающую нас, да ею осеняеми, в вере и благочестии, в подвизех целомудрия и любви преуспевати будем и Христу в ближних Его служити неленостно потщимся. Да твоими подвиги и нашими делы благими славословится и святится Имя Отца и Сына и Святаго Духа во веки веков. Аминь.