Слова

[ukrainka_s]

      Ёмкі хлопец Яўменка. На сажню з гакам узрос. А плечукі - аж на два аршыны раздаліся. І працавіты, што мураш, і цягавіты, як млынароў вол. Адна хібка ў Яўмена - прасцяком урадзіўся. Пра што падумае, тое і выкажа. Думы ж у хлопца... Ну пра што можа думаць васямнаццацігадовы дзяцюк

Comments

а вось пра "круглыя" фразы :)

[zaprudski]

М. Крывіч: "як рэвалюцыянер, Ц. Гартны адрэзвае словы; у яго няма мяшчанскай закругленасці фразы; стыль яго жорсткі і, значыцца, рэвалюцыйны"

Re: а вось пра "круглыя" фразы :)

[ukrainka_s]

З усіх творцаў той пары я, здаецца, найцяжэй успрымаю якраз Гартнага. Нават не з-за яго прасцякаватай р-рэвалюцыйнасці, а хутчэй з-за маёй прыхільнасці да тых самых мяшчанскіх "круглых" слоў. Жорсткі стыль цікавы ў творах кароткай формы. У аповесцях ды раманах - надакучвае даволі хутка.

Re: а вось пра "круглыя" фразы :)

[zaprudski]

"найцяжэй" азначае, што ў цябе і з іншымі тагачаснымі праблемы? Я дык ад іх (ад Гартнага найбольш) "млею" :)

У поўным выглядзе цытата была б такая: "Вельмі высока стаіць мова аўтара, -- адбітак жывой народнай капыльскай мовы; як рэвалюцыянер, Ц. Гартны адрэзвае словы; у яго няма мяшчанскай закругленасці фразы; стыль яго жорсткі...".

Я не разумею добра, што мае на ўвазе М. Крывіч -- М. Байкоў пад "жорсткім стылем" і адсутнасцю ў Гартнага "закругленасці" фразы (але разумею, што значыць "адрэзвае словы"). Фраза ў Гартнага як фраза, як "ва ўсіх", часам яго дакараюць акурат за празмерна доўгія перыяды. Мяркую, што тут як мовазнавец Байкоў пісаў больш пра мову і моўны (не літаратурны) стыль.

Re: а вось пра "круглыя" фразы :)

[ukrainka_s]

Адразу відзён прыродны мовазнаўца з "чорным поясам" па філалогіі :). Не, я таксама смакую слова ў часе чытання, але мне (як магілёўцу?) чамусьці больш блізкая мова твораў Гарэцкага, чымся Зміцера Хведаравіча.
А праблемы з прачытаннем класікаў, вядома, ёсць. Чым далей па часе адыходжу ад іх прафесійнага :) вывучэння (4 гады прамінула, як сышоў з "праслойкі"), тым болей "белетрызуюся". На жаль.