Պարզվում է մենք հերոսներ չունենք

[talinci]

Վերջերս «բախտ» վիճակվեց լսել պատմական գիտությունների դոկտոր, ԵՊՀ պատմականի նախկին դեկան Բաբկեն Հարությունյանի մտքերը Վարդանանց ու ընդհանրապես Հայոց Պատմության վերաբերյալ: Պարզվում է, Վարդան Մամիկոնյանը հենց իմացել է, որ պարսիկները գալիս են, հավաքել է ընտանիքն ու փախչել է Հայաստանից: Հետագայում նրան «ամոթանք» տալով Հայաստան է բերել Վասակ Սյունին:

Comments

[mar_amirchanyan]

պետք չէ միանգամից բարկանալ:) Վարդանանց պատերազմի, Վարդան Մամիկոնյանի և Սյունու մասին մեր պատկերացումներն հիմնված են Եղիշեի պատմության վրա, իսկ Եղիշեն Մամիկոնյան տոհմի պատմիչն էր, այդ պատճառով ապրիորի չի կարող օբյեկտիվ համարվել: Վարդան Մամիկոնյանն իրոք Բյուզանդիա տեղափոխվելու մտադրություն է ունեցել, և այդ քայլից նրան իրոք հետ է պահել Սյունին: այդ փաստն այնքան ակնառու էր, որ Եղիշեն էլ դրա մասին գրել:)
Բացի այդ, մեր պատմիչները, լինելով հոգևորականներ, չէին կարող իրենց աշխատություններում ազդված չլինել եկեղեցական հովերից: Նոիյն Պապ արքան, որը մեր արքաների մեջ աչքի է ընկնում իր տաղանդավոր գործելաոճով և արտակարգ խելոցի բարեփոխումներով, մեր պատմիչների մոտ այնպիսի սարսափելի գծերով է նկարագրված, միմիայն այն պատճառով, որ համարձակվել է եկեղեցու տնտեսական հզորությանը դիպչել...
այնպես որ, այն, ինչ գրված է պատմիչների մոտ, միշտ չէ, որ համպատասխանում է իրականությանը: Եվ Մամիկոնյան տոհմի դերն էլ հայոց պատմության մեջ այնքան էլ միանաշանակ չէ...

[ahousekeeper]

Մի րոպե, էլի... Ինչի՞ց որոշվեց, որ Վարդանը "փախնում" էր։

Եթե այլ աղբյուր չկա, բացի Եղիշեից (ի դեպ, մեկ աղբյուր այնուամենայնիվ կա՝ Փարպեցին է), ապա էդ «ինտիմ» մանրամասները որտեղի՞ց։

Ենթադրենք Եղիշեն օբյեկտիվ չէր... Բայց ո՞վ ասաց, որ իր գրածի հակառակը պնդելը օբյեկտիվություն է, եթե այդ պնդումները հաստատող որևէ պատմական աղբյուր չկա։

Եթե Վարդուհու մաման ասում է, որ իր աղջիկը լավ աղջիկ է, ուրեմն ելնելով այն փաստից, որ մայրը հաստատ օբյեկտիվ չէ՝ պիտի պնդենք, որ Վարդուշը փչացածի մեկն է, հա՞ :))

[mar_amirchanyan]

Վարդան Մամիկոնյանը պատրաստվում էր տեղափոխվել Բյուզնդիա: Գերդաստանով: Մամիկոնյանները միշտ ունեցել են բյուզանդամետ կողմնորոշում: Ես որևէ տեղ չեմ նշում դա որպես դավաճանություն: Բայց և փաստ է, որ նույն Վասակն է հետ պահել նրան մեկնելուց:
Ասածս այն է, որ պատմությունը սև սպիտակ չէ, ես հո չասացի Վարդանը դավաճան էր, կամ Վարդուշը` փչացած:))) Պարզապես իրականությունն իրոք մի փոքր, իսկ երբեմն էլ շատ ավելի շատ, տարբերվում է "պատմական հիշատակումներից"

[koreolan]

///Պարզապես իրականությունն իրոք մի փոքր, իսկ երբեմն էլ շատ ավելի շատ, տարբերվում է "պատմական հիշատակումներից"///

Հարցն այն է, որ երբ մարդը պնդում է, թե իրականում այսպես է եղել, այդ պնդումների համար նա պիտի հիմքեր ունենա:

[mar_amirchanyan]

և հետո մեր պատմության մեջ շատ կերպարներ կան, որոնք հերոսացման արժանի են, շատ կերպարներ, որոնք մոռացության են մատնվել, շատ հմուտ դիվանագետներ և տաղանդավոր արքաներ, այնպես որ հաստատ Շպռոտի և այլոց հույսին չենք մնա:)))

[talinci]

>հաստատ Շպռոտի և այլոց հույսին չենք մնա:)))
Կմնանք: Շպռոտներին առաջխաղացման համար համակարգ է գործում, իսկ ո՞վ է հայտնաբերելու ու ճանաչելի դարձնելու այդ կորած հերոսներին: Հաստատ ոչ մեր պետությունը կամ այլք

[mar_amirchanyan]

խոստանում եմ այսուհետ անդրադառնալ պատմության մեջ կորած մեր հերոսներին:)

[talinci]

Շատ լավ է, ես հետաքրքրությամբ կկարդամ :)

Ցավոք դա շաաաաատ քիչ է :)

[ahousekeeper]

Կուռք սարքելը ցանկացած դեպքում ես էլ եմ սխալ համարում։

Ոչ ոք անթերի չէր, և երբ փորձում ես անթերիի կերպար ստեղծել, միանգամից դարձնում ես խոցելի։ Ընդհակառակը, կարծում եմ, որ հերոսը մարդկային թերություններով հանդերձ շատ ավելի գրավիչ է, քան քարոզչությամբ ստեղծած անբնական ու անմարդկային «արձանները»...

Իհարկե, հնի հերոսների մարդկային թուլություններն անիմաստ է փնտրել, քանի որ պահպանված չի լինի, բայց ոչ այնքան վաղ անցյալի հերոսների թուլությունները չեմ կարծում, որ իմաստ ունի թաքցնել կամ վախենալ դրանից։

[iza1976]

Լսել էի, որ չինացիա, բայց որ էսենց...
Էխ, ինչքան են ինձ խաբել դպրոցում:)

[ahousekeeper]

Էդ չինացին էլ է հեքիաթ... «Ճենաց երկիրը»՝ Սև ծովի ափն է, հիմիկվա Համշենն ու Լազիստանը։ Ի դեպ, համշենցիները լազերին մինչև այսօր էլ ասում են «ճոն»։

[iza1976]

Գիտեմ, սկիսորս պատմեց:ՃՃՃՀամշենահայա:ՃՃ

[robbt]

Դա էլ է ենթադրություն՝ Ադոնցի ենթադրությունը ու աղբյուրներով չի հաստատվում :ճ
Ի դեպ, Վասակ Սյունու արդարացման շարժման սկզբնավորողն էլ Ադոնց է:

[robbt]

Որ Վարդան Մամիկոնյանը ուզում էր գերդաստանով տեղափոխվել Հայաստանի բյուզանդական մաս՝ փաստ է. դա պատմիչների կողմից վկայված է: Դրա մեջ որևէ ամոթալի բան չկար՝ նման տեղափոխումները հաճախ երևույթ էին Հայաստանի բաժանումից հետո: Հայ նախախարները հատում էին սահմանը, երբ պարսիկների հալածանքները ուժեղանում էին, և վերադառնում, երբ Պարսկաստանի գահին նստում էր ավելի հադուրժող արքա: Դա ավարտվեց արդեն 6-րդ դարում, երբ մի կողմից Հուստինիանոսը բարեփոխումների միջոցով "ջարդեց" Արևմտյան մասում հայ նախարարական տների համակարգը, իսկ մյուս կողմից հայ եկեղեցու հակաքաղկեդոնական կեցվածքը որոշ չափով փարատեց պարսիկ արքաների կասկածները հայերի ոչ հավատարիմ լինելու խնդրում...

[ahousekeeper]

Բայց ընդունիր, էլի, որ լրիվ տարբեր է հնչում. «Պատրաստվում էր փախնել Բյուզանդիա» և «Պատրաստվում էր տեղափոխվել Հայաստանի բյուզանդական մաս»...

[koreolan]

Վարդանի Հայաստանի բյուզանդական մաս տեղափոխվելը, եթե այդպիսի բան իսկապես եղել է, կարող է մեկ այլ բացատրություն էլ ունենալ. Մամիկոնյան տոհմի մի ճյուղն այնտեղ էր:

[mar_amirchanyan]

սպարապետի համար ընդհանրապես տարօրինակ էր տեղափոխվելը:)
և այդ տեղափոխումների ընթացքում միշտ չէ, որ մնում էին Հայաստանի բյուզանդական մասում, այլ հայտնվում էին Թրակիաներում և այլուր:)