Неделя 8 по Пятидесятнице. ВСЕНОЩНОЕ БДЕНИЕ. УТРЕНЯ. КАНОН. Успение святой праведной Анны, глас 7.
7 áвгуста 2022 гóда. Недéля 8 по Пятидеся́тнице. Успéнiе св. прав. Áнны, мáтери Пресвятóй Богорóдицы. Глас 7. Всeнóщное бдéнiе для домáшнего (келéйнаго) совершéнiя. Слýжба мiрскúм чúном.
Начало зри здесь ( великая вечéрня) и здесь ( ýтреня)
ПОЛИЕЛЕЙ
Хор: Хвали́те И҆́мя Госпóдне, хвали́те, раби́ Гóспода.
Аллилýiа (трúжды)
Благословéн Госпóдь от Сióна, живы́й во Iерусали́ме.
Аллилýiа (трúжды)
Исповéдайтеся Гóсподеви, я́ко Благ, я́ко в век ми́лость Егó.
Аллилýiа (трúжды)
Исповéдайтеся Бóгу Небéсному, я́ко в век ми́лость Егó.
Аллилýiа (трúжды)
ТРОПАРИ ВОСКРЕСНЫ ПО НЕПОРОЧНАХ, ГЛАС 5
Благословéн есú, Гóсподи,/научú мя оправдáнiем Твоúм. (Пс.118:12)
Áнгельскiй собóр удиви́ся,/ зря Тебé в мéртвых вмени́вшася,/ смéртную же, Спáсе, крéпость разори́вша,/ и с Собóю Адáма воздви́гша,/ и от áда вся свобóждша.
Благословéн есú, Гóсподи,/научú мя оправдáнiем Твоúм.
Почтó ми́ра с ми́лостивными слезáми,/ о учени́цы, растворя́ете?/ Блистáяйся во грóбе Áнгел миронóсицам вещáше:/ ви́дите вы гроб и уразумéйте,/ Спас бо воскрéсе от грóба.
Благословéн есú, Гóсподи,/научú мя оправдáнiем Твоúм.
Зелó рáно мvронóсицы течáху/ ко грóбу Твоему рыдáющiя,/ но предстá к ним Áнгел и речé:/ рыдáнiя врéмя престá, не плáчите,/ воскресéнiе же апóстолом рцы́те.
Благословéн есú, Гóсподи,/научú мя оправдáнiем Твоúм.
Мvронóсицы жены́ с ми́ры пришéдшiя/ ко грóбу Твоемý, Спáсе, рыдáху,/ Áнгел же к ним речé, глагóля:/ что с мéртвыми живáго помышля́ете?/ Яко Бог бо, воскрéсе от грóба.
Слáва Отцý и Сы́ну и Святóму Дýху.
Трóичен: Поклони́мся Ѻтцý/ и Егó Сы́нови, и Святóму Дýху,/ Святéй Трóице во еди́ном существé,/ с Серафíмы зовýще:/ Свят, Свят, Свят еси, Гóсподи.
И ны́не и прúсно и во вéки векóв. Амúнь.
Богорóдичен: Жизнодáвца рóждши,/ грехá, Дéво, Адáма избáвила еси,/ рáдость же Éве/ в печáли мéсто подалá еси,/ пáдшiя же от жи́зни/ к сей напрáви/ из Тебé воплоти́выйся Бог и Человéк.
Чтец: Аллилýiа, аллилýiа, аллилýiа, слáва Тебé Бóже. (3 раза)
Гóсподи, поми́луй. (3 раз)
Слáва Ѻтцý и Сыну и Святóму Дýху, и ныне и при́сно и во вéки векóв. Аминь.
Ипакоú воскрéсны, глас 7: И҆́же наш зрак воспрiéмый,/ и претерпéвый Крест плóтски,/ спаси́ мя воскресéнiем Твои́м Хрiстé Бóже,// я́ко Человеколю́бец.
СТЕПЕННА, ГЛАС 7
1 АНТИФОН
Хор: Плен Сióнь от лéсти обрати́в,/ и менé Спáсе, оживи́,// изимáя рабóтныя стрáсти. (Двáжды)
В юг сéяй скóрби пóстныя со слéзами,// сей рáдостныя пóжнет рукоя́ти присноживопитáнiя. (Двáжды)
Слáва Ѻтцý и Сы́ну и Святóму Дýху.
Святы́м Дýхом истóчник Божéственных сокрóвищ,/ от Негóже премýдрость, рáзум, страх:// Томý хвалá и слáва, честь и держáва.
И ны́не и прúсно и во вéки векóв. Амúнь.
Святы́м Дýхом истóчник Божéственных сокрóвищ,/ от Негóже премýдрость, рáзум, страх:// Томý хвалá и слáва, честь и держáва.
2 АНТИФОН
Áще не Госпóдь сози́ждет дом душéвный, всýе труждáемся:// рáзве бо Тогó ни дея́нiе, ни слóво совершáется. (Двáжды)
Плодá чрéвна, святíи духодви́жно прозябáют// отéческая предáнiя, сыноположéнiя. (Двáжды)
Слáва Ѻтцý и Сы́ну и Святóму Дýху.
Святы́м Дýхом, вся́ческая éже бы́ти и҆́мут:/ прéжде бо всех Бог, всех Госпóдьство,// свет непристýпен, живóт всех.
И ны́не и прúсно и во вéки векóв. Амúнь.
Святы́м Дýхом, вся́ческая éже бы́ти и҆́мут:/ прéжде бо всех Бог, всех Госпóдьство,// свет непристýпен, живóт всех.
3 АНТИФОН
Боя́щiися Гóспода, пути́ животá обрéтше,// ны́не и при́сно ублажáются слáвою нетлéнною. (Двáжды)
Óкрест трапéзы твоея́, я́ко стéблiе ви́дя исчáдiя твоя́,// рáдуйся и весели́ся, приводя́ сiя́ Хрiстóви пастыреначáльнику. (Двáжды)
Слáва Ѻтцý и Сы́ну и Святóму Дýху.
Святы́м Дýхом глубинá даровáнiй,/ богáтство слáвы, судéб глубинá вéлiя:// единослáвен Отцý, и Сы́ну, служи́мь бо.
И ны́не и прúсно и во вéки векóв. Амúнь.
Святы́м Дýхом глубинá даровáнiй,/ богáтство слáвы, судéб глубинá вéлiя:// единослáвен Отцý, и Сы́ну, служи́мь бо.
ПРОКИМЕН
Чтец: Прокíмен, глас седьмы́й. Воскресни́, Гóсподи Бóже мой, да вознесéтся рукá Твоя́, не забýди убóгих Твои́х до концá. (Пс.9:33)
Хор: Воскреснú, Гóсподи Бóже мой, да вознесéтся рукá Твоя́,// не забýди убóгих Твоúх до концá.
Чтец: Исповéмся Тебé Гóсподи всем сéрдцем мои́м, повéм вся чудесá Твоя́.(Пс.9:2А/Пс.110:1А)
Хор: Воскреснú, Гóсподи Бóже мой, да вознесéтся рукá Твоя́,// не забýди убóгих Твоúх до концá.
Чтец: Воскресни́, Гóсподи Бóже мой, да вознесéтся рукá Твоя́.
Хор: Не забýди убóгих Твоúх до концá.
Чтец: Гóсподу помóлимся.
Хор: Гóсподи, поми́луй.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Вся́кое дыхáнiе да хвáлит Гóспода.(Пс.150:6)
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егó, хвали́те Егó во утвержéнiи си́лы Егó.(Пс.150:1)
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
ЕВАНГЕЛИЕ
Чтец: Чтец: От Iоáнна Святáго Евáнгелiя чтéнiе.
Хор: Слáва Тебé, Гóсподи, слáва Тебé.
(Ин.зач.64): Во врéмя óно, Марíя стоя́ше у грóба вне плáчущи. Я́коже плáкашеся, прини́че во гроб и ви́де два Áнгела в бéлых ри́зах седя́ща, еди́наго у главы́ и еди́наго у ногý, идéже бе лежáло тéло Iисýсово. И глагóласта ей óна: жéно, что плáчешися? Глагóла и҆́ма: я́ко взя́ша Гóспода моегó, и не вем, где положи́ша Егó. И сiя́ рéкши обрати́ся вспять и ви́де Iисýса стоя́ща, и не вéдяше, я́ко Iисýс есть. Глагóла ей Iисýс: жéно, что плáчеши, когó и҆́щеши? Онá же мня́щи, я́ко вертогрáдарь есть, глагóла Емý: гóсподи, áще ты еси́ взял Егó, повéждь ми, где еси́ положи́л Егó, и аз возмý Егó. Глагóла ей Iисýс: Марíе. Онá же обрáщшися глагóла Емý: Раввуни́, éже глагóлется, Учи́телю. Глагóла ей Iисýс: не прикасáйся Мне, не у бо взыдóх ко Отцý Моемý: иди́ же ко брáтiи Моéй и рцы им: восхождý ко Отцý Моемý и Отцý вáшему, и Бóгу Моемý и Бóгу вáшему. Прiи́де же Марíя Магдали́на повéдающи ученикóм, я́ко ви́де Гóспода, и сiя́ речé ей.
[Русский синодальный перевод]В то время, Мария стояла у гроба и плакала. И, когда плакала, наклонилась во гроб, и видит двух Ангелов, в белом одеянии сидящих, одного у главы и другого у ног, где лежало тело Иисуса. И они говорят ей: жена! Что ты плачешь? Говорит им: унесли Господа моего, и не знаю, где положили Его. Сказав сие, обратилась назад и увидела Иисуса стоящего; но не узнала, что это Иисус. Иисус говорит ей: жена! что ты плачешь? кого ищешь? Она, думая, что это садовник, говорит Ему: господин! если ты вынес Его, скажи мне, где ты положил Его, и я возьму Его. Иисус говорит ей: Мария! Она, обратившись, говорит Ему: Раввунú! - что значит: Учитель! Иисус говорит ей: не прикасайся ко Мне, ибо Я еще не восшел к Отцу Моему; а иди к братьям Моим и скажи им: восхожу к Отцу Моему и Отцу вашему, и к Богу Моему и Богу вашему. Мария Магдалина идет и возвещает ученикам, что видела Господа и что Он это сказал ей. (Ин.20:11-18)
Хор: Слáва Тебé, Гóсподи, слáва Тебé.
Воскресéнiе Хрiстóво ви́девше, поклони́мся Святóму Гóсподу Iисýсу, еди́ному безгрéшному, Крестý Твоемý покланя́емся, Хрiстé, и святóе Воскресéнiе Твоé поéм и слáвим: Ты бо еси́ Бог наш, рáзве Тебé инóго не знáем, и҆́мя Твоé именýем. Прiиди́те вси вéрнiи, поклони́мся Святóму Хрiстóву Воскресéнiю: се бо прiи́де Крестóм рáдость всемý мíру. Всегдá благословя́ще Гóспода, поéм Воскресéнiе Егó: распя́тiе бо претерпéв, смéртiю смерть разруши́.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдá суди́ти Ти. Се бо в беззакóнiих зачáт есмь, и во гресéх роди́ мя мáти моя. Се бо и҆́стину возлюби́л еси́, безвéстная и тáйная премýдрости Твоея яви́л ми еси́. Окропи́ши мя иссóпом и очи́щуся, омы́еши мя, и пáче снéга убелюся. Слýху моемý дáси рáдость и весéлiе, возрáдуются кóсти смирéнныя. Отврати́ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обнови́ во утрóбе моéй. Не отвéржи менé от лицá Твоегó, и Дýха Твоегó Святáго не отыми́ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твоим, и нечести́вiи к Тебé обратятся. Избáви мя от кровéй, Бóже, Бóже спасéнiя моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажи́, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
Слáва Ѻтцý и Сы́ну и Святóму Дýху.
глас 6: Моли́твами апóстолов,/ Ми́лостиве, очи́сти// мнóжество согрешéнiй нáших.
И҆ ны́не и прúсно и во вéки векóв. Амúнь.
Моли́твами Богорóдицы,/ Ми́лостиве, очи́сти// мнóжество согрешéнiй нáших.
Таже, глас 6: Поми́луй мя, Бóже,/ по вели́цей ми́лости Твоéй, / и по мнóжеству щедрóт Твои́х,/ очи́сти беззакóнiе моé. (Пс.50:3)
Стiхúра, глас 6: Воскрéс Iисýс от грóба,/ я́коже проречé,/ дадé нам живóт вéчный// и вéлiю ми́лость.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
КАНОН ВОСКРЕСНЫЙ, ГЛАС 7
(совмещенный с канóном крестовоскрéсным (глас 7), Богорóдицы (глас 7) и канóном св. прав. Áнны, глас 4)
ПЕСНЬ 1
Iрмóс: Мáнiем Твои́м/ на земны́й óбраз преложи́ся/ прéжде удоборазливáемое/ воднóе естествó, Гóсподи./ Тéмже немóкренно пешешéствовав Iзрáиль,// поéт Тебé песнь побéдную.
Хор (припéв): Слáва, Гóсподи, Святóму Воскресéнiю Твоемý.
Чтец (тропáрь): Осуди́ся смéртное мучи́тельство дрéвом,/ непрáведною смéртiю осуждéну Ти, Гóсподи:/ отню́дуже князь тьмы Тебé не одолéв,// прáведно изгнáн бысть.
Хор: Слáва, Гóсподи, Святóму Воскресéнiю Твоемý.
Чтец: Ад Тебé прибли́жися,/ и зубы́ не возмóг стéрти тéло Твоé,/ челюстьми́ сокруши́ся./ Отню́дуже Спáсе, болéзни разрýш смéртныя,// воскрéсл еси́ триднéвен.
Хор: Пресвятáя Богорóдице, спасú нас.
Богорóдичен: Разреши́шася болéзни прамáтере Éвы:/ болéзни бо избежáвше, неискусомýжно родилá еси́.// Отню́дуже я́ве Богорóдицу, Пречи́стая, вéдуще Тя, вси слáвим.
Канон крестовоскресный, глас 7
Хор: Слáва, Гóсподи, Крестý Твоемý Честнóму и Воскресéнiю.
Чтец: Два истóчника нам на крестé источи́ Спас живонóсная/ от Своегó прободéннаго ребрá.// Пои́м Емý: я́ко прослáвися.
Хор: Слáва, Гóсподи, Крестý Твоемý Честнóму и Воскресéнiю.
Чтец: Во гроб всели́вся, и воскрéс триднéвен,/ нетлéнiе подадé, чáянiе Хрiстóс смéртным.// Пои́м Емý: я́ко прослáвися.
Канон Богородицы, глас 7
Хор: Пресвятáя Богорóдице, спасú нас.
Чтец: Бéздну рóждшая благоутрóбiя, Дéво,/ дýшу мою́ озари́ светонóсным Твои́м сiя́нiем,// я́ко да достóйно воспою́ твои́х чудéс бéздну.
Хор: Пресвятáя Богорóдице, спасú нас.
Чтец: Стрелóю грехóвною уя́звлены нас Слóво ви́дев,/ я́ко Благодéтель ущéдри:/ отню́дуже несказáнно соедини́ся, Всечи́стая, плóтiю,// и҆́же из Тебé Пребожéственный.
Канон св. прав. Анны, глас 4
Припéв: Святáя прáведная Áнно, молú Бóга о нас.
Тропáрь: Согрешéнiй прощéнiе, и злых избавлéнiе,/ и житiя́ исправлéнiе ны́не ми испроси́,/ твою́ светонóсную пáмять почитáющему днесь, Áнно всехвáльная. (Двáжды)
Припéв: Святáя прáведная Áнно, молú Бóга о нас.
Тропáрь: Живóт рóждшую боголéпно родила́ еси́,/ тéмже к присножи́зненней жи́зни престáвилася еси́,/ наслаждáющися рáдости неизглагóланныя и Свéта невечéрняго, Áнно Богозвáнная.
Припéв: Святáя прáведная Áнно, молú Бóга о нас.
Тропáрь: Благодáть Божéственная к рáдости престáви,/ без сéмене ю́же роди́ Дщи сея́ Чи́стая,/ и предстои́т со мнóгим дерзновéнiем,/ Гóсподеви моля́щися спасти́ся всем.
Слáва Ѻтцý и Сы́ну и Святóму Дýху.
Тропáрь: Прáведно и преподóбно пожи́вши, всехвáльная,/ к Прáведному Гóсподу ны́не престáвилася еси́/ рáдоватися с прáведными, и҆́же от вéка,/ тéмже, сошéдшеся, тя вéрою почитáем.
И҆ ны́не и прúсно и во вéки векóв. Амúнь.
Богорóдичен: Из Тебé нам возсiя́ Сóлнце прáведное,/ и всю озари́ Богоразýмiем зéмлю,/ и разори́ мглу неразýмiя, Чи́стая, Всенепорóчная, и Всеблажéнная.
Катавáсiя (глас 4): Отвéрзу устá моя́,/ и напóлнятся Дýха,/ и слóво отры́гну Цари́це Мáтери,/ и явлю́ся, свéтло торжествýя,/ и воспою́, рáдуяся, Тоя́ вхождéнiе.
ПЕСНЬ 3
Iрмóс: В начáле Небесá/ всеси́льным Слóвом Твои́м утверждéй Гóсподи Спáсе,/ и Вседéтельным и Бóжiим Дýхом,/ всю си́лу их,/ на недви́жимем мя кáмени// исповéданiя Твоегó утверди́.
Хор: Слáва, Гóсподи, Святóму Воскресéнiю Твоемý.
Чтец: Ты возшéд на дрéво,/ о нас болéзнуеши вóлею, благоутрóбне Спáсе,/ и терпи́ши я́зву, примирéнiя ходáтайственну, и спасéнiя вéрным:// éюже Твоемý, Ми́лостиве, вси примири́хомся Роди́телю.
Хор: Слáва, Гóсподи, Святóму Воскресéнiю Твоемý.
Чтец: Ты мя очи́стив от я́звы,/ душéю уя́звленнаго змíевым угрызéнiем, Хрiстé,/ и показáл еси́ свет, во тьме дрéвле мне слежáщу и во тлéнiи:// Крестóм бо во ад сошéд, менé совоскреси́л еси́.
Хор: Пресвятáя Богорóдице, спасú нас.
Богорóдичен: Неискусомýжныя Твоея́ Мáтере мольбáми/ мир мíрови подáждь, Спáсе,// и несказáнныя Твоея́ слáвы славослóвящiя Тя сподóби.
Глас 7
Хор: Слáва, Гóсподи, Крестý Твоемý Честнóму и Воскресéнiю.
Чтец: И҆́же на крестé стрáсти претерпéвый,/ и разбóйнику рай отвéрзый, я́ко благодéтель и Бог,// утверди́ мой ум в вóлю Твою́, еди́не Человеколю́бче.
Хор: Слáва, Гóсподи, Крестý Твоемý Честнóму и Воскресéнiю.
Чтец: Воскресы́й триднéвен из грóба,/ и живóт мíрови возсiявый, я́ко Жизнодáвец и Бог,// утверди́ мой ум в вóлю Твою́, еди́не Человеколю́бче.
Глас 7
Хор: Пресвятáя Богорóдице, спасú нас.
Чтец: Змiй поползы́й из Едéма,/ менé обожéнiя желáнiем прельсти́в, вéрже в зéмлю:/ но И҆́же ми́лостив, и естествóм благоутрóбен, ущéдрив богосодéла,// во чрéво Твоé всéлься, и подóбен мне быв, Мáти Дéво.
Хор: Пресвятáя Богорóдице, спасú нас.
Чтец: Благословéн плод Твоегó чрéва, Дéво Богорóдице, всех рáдосте,/ рáдость бо всемý мíру родилá еси́, и весéлiе вои́стинну// разгоня́ющее печáль грехóвную, Богоневéсто.
Глас 4
Припéв: Святáя прáведная Áнно, молú Бóга о нас.
Тропáрь: Зачéншую Содержáщаго вся зачалá еси́/ и родилá еси́ пáче слóва Хрiстá рóждшую,// тéмже твоé успéнiе, Áнно, почитáем. (Двáжды)
Припéв: Святáя прáведная Áнно, молú Бóга о нас.
Тропáрь: С похвалáми совершáется слáвная пáмять твоя́,/ я́ко родилá еси́ нам хвалéнiй превы́шшую,// Чи́стую Богомáтерь, Áнно Богопрiя́тная.
Припéв: Святáя прáведная Áнно, молú Бóга о нас.
Тропáрь: Я́коже сóлнце с лунóю, Áнне совокупля́яся,/ слáвный Iоаки́м, дéвства зарю́ раждáет,// Ея́же рáди Божествá лучá просiя́.
Слáва Ѻтцý и Сы́ну и Святóму Дýху.
Тропáрь: Гóру Божéственную из чресл твои́х родилá еси́// и к горáм мы́сленным и рая́ селéнiем, Áнно, преминýла еси́, Богоблажéнная.
И҆ ны́не и прúсно и во вéки векóв. Амúнь.
Богорóдичен: Тя Предстáтельницу твéрдую, Богороди́тельнице, стяжáхом,/ уповáнiе на Тя возложи́вше, спасáемся// и, к Тебé бо прибегáюще, ограждáемся.
Катавáсiя (глас 4): Твоя́ песнослóвцы, Богорóдице,/ живы́й и незави́стный Истóчниче,/ лик себé совокýпльшiя, духóвно утверди́,/ в честнéм вхождéнiи Твоéм// венцéв слáвы сподóби.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк прав. Áнны, глас 2: Прароди́телей Хрiстóвых пáмять прáзднуем,/ тех вéрно прося́ще пóмощи/ избáвитися всем от вся́кiя скóрби, зовýщим:// Бог наш с нáми, сих прославлéй, я́коже благоволи́.
И҆́кос: Прорóчески сни́демся вси достóйно пéти прамáтере Хрiстóвы блажéнное преставлéнiе:/ днесь бо от врéменныя престáвися жи́зни,/ на Небесéх с рáдостiю шéствiе творя́щи, рáдуется,/ я́ко сýщи мáти и҆́стинныя сýщiя Богорóдицы, и взывáет вéрно:/ вели́чит душá моя́ Гóспода, я́ко роди́х Сегó Мáтерь на земли́,// И҆́же Сiю́ прославлéй, я́коже благоволи́.
Седáлен св. прав. Áнны, глас 8: Мáтере Влады́ки и Творцá/ мáти былá еси́, Áнно всехвáльная, Тогó повелéнiя при́сно храня́щи,/ сегó рáди, умéрши, к жи́зни безсмéртней престáвилася еси́ вои́стинну/ и к Свéту невечéрнему./ Тéмже светонóсную и святýю твою́ пáмять совершáем,/ дýхом просвещáеми всегдá, и соглáсно вопiéм ти:/ моли́ Хрiстá Бóга грехóв оставлéнiе даровáти// чтýщим любóвiю святýю пáмять твою́.
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Седáлен св. прав. Áнны, глас 8: Мáтере Влады́ки и Творцá/ мáти былá еси́, Áнно всехвáльная, Тогó повелéнiя при́сно храня́щи,/ сегó рáди, умéрши, к жи́зни безсмéртней престáвилася еси́ вои́стинну/ и к Свéту невечéрнему./ Тéмже светонóсную и святýю твою́ пáмять совершáем,/ дýхом просвещáеми всегдá, и соглáсно вопiéм ти:/ моли́ Хрiстá Бóга грехóв оставлéнiе даровáти// чтýщим любóвiю святýю пáмять твою́.
ПЕСНЬ 4
Iрмóс: Óтча нéдра не остáвль,/ и сошéд на зéмлю, Хрiстé Бóже,/ тáйну услы́шах смотрéнiя Твоегó,// и прослáвих Тя, Еди́не Человеколю́бче.
Хор: Слáва, Гóсподи, Святóму Воскресéнiю Твоемý.
Чтец: Своя́ плещи́ дав, и҆́же от Дéвы воплóщься, на рáны, рабý прегреши́вшу,/ бiéн бывáет Влады́ка непови́нен,// разрешáя моя́ согрешéнiя.
Хор: Слáва, Гóсподи, Святóму Воскресéнiю Твоемý.
Чтец: Предстоя́в суди́щу судíй законопрестýпных,/ я́ко осуди́мый пови́нен бывáет, и заушáется брéнною рукóю,// создáвый человéка я́ко Бог, и судя́й прáведно земли́.
Хор: Пресвятáя Богорóдице, спаси нас.
Богорóдичен: Я́ко вои́стинну Мáти Бóжiя, Творцá Твоегó и Сы́на моли́,// к спаси́тельному напрáвити мя пристáнищу, Всенепорóчная, слáвнаго Егó хотéнiя.
Глас 7
Хор: Слáва, Гóсподи, Крестý Твоемý Честнóму и Воскресéнiю.
Чтец: Не вéдый грехá, и егó рáди быв Гóсподи, éже не был еси́ воображáешися,/ прiéм чýждее, да спасéши мiр,// и убiéши прельсти́в мучи́теля.
Хор: Слáва, Гóсподи, Крестý Твоемý Честнóму и Воскресéнiю.
Чтец: На Крестé воздви́жен был еси́,/ и прáотца Адáма разреши́л еси́ грех/ [егóже рáди Твою́ услы́шах си́лу:]// я́ко вся спасти́ помáзанныя Твоя́ пришéл еси́.
Глас 7
Хор: Пресвятáя Богорóдице, спасú нас.
Чтец: Избрáнная вся и дóбрая,/ я́вльшися Бóгу прéжде создáнiя свéтлостiю, Всепéтая,// светоли́тiем Твои́м пою́щiя Тя просвети́.
Хор: Пресвятáя Богорóдице, спасú нас.
Чтец: Бóга человéком родилá еси́, Чи́стая,/ воплощéнна от чи́стых кровéй Твои́х,/ избавля́юща согрешéнiй мнóгих,// любóвiю слáвящiя и почитáющiя Тя, Мáти Дéво.
Глас 4
Припéв: Святáя прáведная Áнно, молú Бóга о нас.
Тропáрь: Я́же в закóне пи́саная, поучáющися, соверши́ла еси́/ и Законодáвца Мáтере мáти былá еси́,// тéмже тебé вся тварь по дóлгу ны́не сотворя́ет твою́ рáдостно пáмять. (Двáжды)
Припéв: Святáя прáведная Áнно, молú Бóга о нас.
Тропáрь: Блажéнное чрéво твоé вои́стинну,/ носи́вшее Свет мíра внутрь во чрéве носи́вшую,/ и сосцá твоя́ крáсная,// я́ко дои́вшая дои́вшую, Áнно, Хрiстá, Питáтеля нáшего. (Двáжды)
Слáва Ѻтцý и Сы́ну и Святóму Дýху.
Тропáрь: Я́ко пожи́вши непорóчно, Ю́же непорóчно родилá еси́, Богорóдицу Отрокови́цу,/ Слóво Ѻ́тчее породи́вшую,/ и к Немý со слáвою всели́лася еси́,// обоженá честны́ми вои́стинну причáстiи.
И҆ ны́не и прúсно и во вéки векóв. Амúнь.
Богорóдичен: Дéвы чрéво - стог, я́коже на гумнé, вои́стинну яви́ся,/ клас недéланен имýщи, и҆́мже питáется вся́кое естествó, зовýщее:// Всеси́льне, слáва, Хрiстé, си́ле Твоéй.
Катавáсiя (глас 4): Седя́й в Слáве/ на Престóле Божествá/ во óблаце лéгце,/ прiи́ди Iисýс Пребожéственный,/ Нетлéнною Длáнiю/ и спасé зовýщiя:// слáва, Хрiстé, си́ле Твоéй.
ПЕСНЬ 5
Iрмóс: Нощь не светлá невéрным Хрiстé,/ вéрным же просвещéнiе в слáдости словéс Твои́х./ Сегó рáди к Тебé ýтренюю,// и воспевáю Твоé Божествó.
Хор: Слáва, Гóсподи, Святóму Воскресéнiю Твоемý.
Чтец: За Твоя́ рабы́ продаéшися, Хрiстé,/ и по лани́те ударéнiе терпи́ши,/ свобóде ходáтайственно пою́щим:// к Тебé ýтренюю, и воспевáю Твоé Божествó.
Хор: Слáва, Гóсподи, Святóму Воскресéнiю Твоемý.
Чтец: Божéственною Твоéю си́лою, Хрiстé,/ нéмощiю плотскóю крéпкаго низложи́л еси́,// и победи́теля мя смéрти, Спáсе, воскресéнiем показáл еси́.
Хор: Пресвятáя Богорóдице, спасú нас.
Богорóдичен: Бóга родилá еси́ Мáти чи́стая,/ воплощéннаго из Тебé боголéпно, Всепéтая:/ понéже не познáла еси́ мýжеска пóла,// но от Святáго раждáеши Дýха.
Глас 7
Хор: Слáва, Гóсподи, Крестý Твоемý Честнóму и Воскресéнiю.
Чтец: Егдá со беззакóнными вмени́вся, вознéслся еси́ на лóбнем,/ свети́ла сокрывáхуся, и земля́ колебáшеся, и церкóвная свéтлость раздрáся,// еврéйское явля́ющи отпадéнiе.
Хор: Слáва, Гóсподи, Крестý Твоемý Честнóму и Воскресéнiю.
Чтец: Тебé разруши́вшаго мучи́телеву всю си́лу/ крéпостiю непостижи́маго Твоегó Божествá,// и мéртвыя Твои́м воскресéнiем воздви́гшаго пе́сньми слáвим.
Глас 7
Хор: Пресвятáя Богорóдице, спасú нас.
Чтец: Лéствицу узрéв Iáков, к высотé утверждéну,/ óбразу научи́ся, неискусобрáчная Тебé:// Тобóю бо Бог человéком приобщи́ся, Всечи́стая Влады́чице.
Хор: Пресвятáя Богорóдице, спасú нас.
Чтец: Избавлéнiе вéчное Тобóю, Дéво, ны́не обрéтше/ усéрдно зовéм Ти: éже рáдуйся, Богоневéстная:// и Твои́м свéтом возрáдовавшеся, Всепéтая, пéсньми Тя поéм.
Глас 4
Припéв: Святáя прáведная Áнно, молú Бóга о нас.
Тропáрь: Нéбо родилá еси́ на земли́ вои́стинну, рóждшую Небесé Творцá,// днесь тя преставля́юща к Небéсным со слáвою, Áнно преслáвная. (Двáжды)
Припéв: Святáя прáведная Áнно, молú Бóга о нас.
Тропáрь: С невещéственными чи́нми невещéственным умóм ликýеши рáдостно,/ исполня́ема сiя́нiя Богатодáвца,// но нас поминáй, вéрою хвáлящих тя. (Двáжды)
Слáва Ѻтцý и Сы́ну и Святóму Дýху.
Тропáрь: От кóрене Iессéева прозя́бшая я́ве,/ благоцветýщiй жезл, Чи́стую, израсти́ла еси́, слáвная,// израсти́вшую цвет неувядáющiй, Iисýса, Избáвителя нáшего.
И҆ ны́не и прúсно и во вéки векóв. Амúнь.
Богорóдичен: К Тебé прибегáю еди́ней держáвней, вéрных покрóву,/ на Тя надéжду возлагáю спасéнiя моегó,/ Пресвятáя Влады́чице Богорóдице, не прéзри менé.
Катавáсiя (глас 4): Ужасóшася вся́ческая/ о Божéственней слáве Твоéй:/ Ты бо, Неискусобрáчная Дéво,/ имéла еси́ во утрóбе над всéми Бóга/ и родилá еси́ безлéтнаго Сы́на,/ всем воспевáющим Тя// мир подавáющая.
ПЕСНЬ 6
Iрмóс: Плáвающаго в молвé житéйских попечéнiй,/ с кораблéм потопля́ема грехи́,/ и душетлéнному звéрю приметáема,/ я́ко Ióна, Хрiстé, вопiю́ Ти:// из смертонóсныя глубины́ возведи́ мя.
Хор: Слáва, Гóсподи, Святóму Воскресéнiю Твоемý.
Чтец: Воспоминáху Тя заключéнныя во áде дýши, и остáвльшiяся прáведных,/ и от Тебé спасéнiя моля́хуся:/ éже Крестóм, Хрiстé, пóдал еси́ преиспóдним,// пришéд я́ко благоутрóбен.
Хор: Слáва, Гóсподи, Святóму Воскресéнiю Твоемý.
Чтец: Ко одушевлéнному Твоемý и нерукотворéнному хрáму,/ разрушéну бы́вшу страдáньми,/ воззрéти пáки лик апóстольскiй отчáяся:/ но пáче надéжды поклóнься,// воскрéсша повсю́ду проповéда.
Хор: Пресвятáя Богорóдице, спасú нас.
Богорóдичен: Неизречéннаго рождествá Твоегó всенепорóчнаго óбраз,/ Дéво богоневéстная, и҆́же нас рáди,/ кто от человéк сказáти возмóжет?/ Я́ко Бог неопи́санне, Слóво соедини́вся Тебé,// плоть из Тебé бысть.
Глас 7
Хор: Слáва, Гóсподи, Крестý Твоемý Честнóму и Воскресéнiю.
Чтец: На крестé вознéсся, Спáсе вóлею,/ врáжiю плени́л еси́ держáву,// на сем пригвозди́в грехóвное, Блáже, рукописáнiе.
Хор: Слáва, Гóсподи, Крестý Твоемý Честнóму и Воскресéнiю.
Чтец: Из мéртвых воскрéс Спáсе влáстiю,/ совоздви́гл еси́ человéческiй род,// живóт и нетлéнiе даровáвый нам, я́ко Человеколюбец.
Глас 7
Хор: Пресвятáя Богорóдице, спасú нас.
Чтец: Закóннiи Тя óбразы, и прорóческая проречéнiя я́ве предвозвещáху,/ хотя́щую роди́ти Благодéтеля, Чи́стая, всея́ твáри,/ многочáстне и многообрáзне благодéйствовавшаго// вéрно воспевáющих Тя.
Хор: Пресвятáя Богорóдице, спасú нас.
Чтец: Устрáншагося дрéвле навéтом человекоубíйцы, Адáма первоздáннаго/ рáйскiя божéственныя слáдости,/ Неискусобрáчная, пáки возвелá еси́,// рóждши и҆́же от преступлéнiя нас избáвившаго.
Глас 4
Припéв: Святáя прáведная Áнно, молú Бóга о нас.
Тропáрь: Гóспода Iисýса Бóга прáотцы,/ Iоаки́м же и Áнна, прáвдою укрáшени,// по достоя́нiю в пéснех да восхвáлятся днесь. (Двáжды)
Припéв: Святáя прáведная Áнно, молú Бóга о нас.
Тропáрь: Вся́ческих похвáл Áнна превзы́де,/ я́ко вся́кiя похвалы́ превозшéдшую родилá есть,// сегó рáди в ли́це прáведных водворя́ется.
Припéв: Святáя прáведная Áнно, молú Бóга о нас.
Тропáрь: Светонóсiя и свéтлости испóлнена пáмять твоя́,/ сiя́нiя же в мíре спаси́тельная испущáющи,// целомýдренная Áнно, даровáнiй вся́ческих испóлни.
Слáва Ѻтцý и Сы́ну и Святóму Дýху.
Тропáрь: Рýчку, мáнну Божéственную вмести́вшую, во чрéве носи́ла еси́, Áнно,/ и, с Нéю ны́не на Небесéх живýщи,// о всех мóлишися, прехвáльная.
И҆ ны́не и прúсно и во вéки векóв. Амúнь.
Богорóдичен: От Áнны мíрови роди́лася еси́,/ Цари́це, всех Царя́ рóждшая,// и, дéвствующи по Рождествé, Херувíм превы́шши, Пренепорóчная.
Катавáсiя (глас 4): Божéственное сié и всечестнóе/ совершáюще прáзднество,/ Богомýдрiи, Богомáтере,/ прiиди́те, рукáми восплéщим,// от Нея́ рóждшагося Бóга слáвим.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк воскрéсный, глас 7: Не ктомý держáва смéртная/ возмóжет держáти человéки:/ Хрiстóс бо сни́де, сокрушáя и разоря́я си́лы ея́./ Связýем бывáет ад,/ прорóцы соглáсно рáдуются:/ предстá, глагóлюще, Спас сýщим в вéре,// изыди́те, вéрнiи, в воскресéнiе.
И҆́кос: Вострепетáша дóле преиспóдняя днесь,/ ад и смерть Еди́наго от Трóицы:/ земля́ поколебáся, врáтницы же áдовы ви́девше Тя, ужасóшася:/ вся же тварь со прорóки рáдующися поéт Тебé побéдную песнь,/ избáвителю Бóгу нáшему,/ разруши́вшему ны́не смéртную си́лу./ Да воскли́кнем и возопiи́м ко Адáму, и к сýщим из Адáма:/ дрéво сегó пáки введé.// Изыди́те, вéрнiи, в воскресéнiе.
ПЕСНЬ 7
Iрмóс: Пещь óтроцы огнепáльну/ дрéвле росоточáщу показáша,/ Еди́наго Бóга воспевáюще и глагóлюще:/ превозноси́мый отцéв Бог// и препрослáвлен.
Хор: Слáва, Гóсподи, Святóму Воскресéнiю Твоемý.
Чтец: Дрéвом умерщвля́ется Адáм, вóлею преслушáнiе содéлав:/ послушáнiем же Хрiстóвым пáки обновля́емь есть.// Менé бо рáди распинáется Сын Бóжiй, препрослáвленный.
Хор: Слáва, Гóсподи, Святóму Воскресéнiю Твоемý.
Чтец: Тебé воскрéсшаго, Хрiстé, из грóба, тварь вся воспé:/ Ты бо жизнь сýщим во áде процвéл еси́,/ мéртвым воскресéнiе,// и́же во тьме, свет препрослáвленный.
Хор: Пресвятáя Богорóдице, спасú нас.
Богорóдичен: Рáдуйся, Дщи Адáма тлéннаго./ Рáдуйся, еди́на Богоневéсто./ Рáдуйся, éюже тля изгнáна бысть, я́же Бóга рóждши:// Егóже моли́, Чи́стая, спасти́ся всем нам.
Глас 7
Хор: Слáва, Гóсподи, Крестý Твоемý Честнóму и Воскресéнiю.
Чтец: И҆́же на дрéве крéстнем грехóвное жáло притупи́в,/ и Адáмова преступлéнiя рукописáнiе разруши́в копiéм ребрá Твоегó,// благословéн еси́, Гóсподи Бóже отéц нáших.
Хор: Слáва, Гóсподи, Крестý Твоемý Честнóму и Воскресéнiю.
Чтец: И҆́же в ребрó прободéн быв,/ и кроплéньми крóве божéственныя зéмлю очи́стив,/ кровьми́ идолобéсiя осквернéнную,// благословéн еси́, Гóсподи Бóже отéц нáших.
Глас 7
Хор: Пресвятáя Богорóдице, спасú нас.
Чтец: Преиспещрéну, позлащéну ýтварь Тя имýщу/ возлюби́ Создáтель Твой, Дéво, и Госпóдь:// превозноси́мый отцéв Бог и препрослáвлен.
Хор: Пресвятáя Богорóдице, спасú нас.
Чтец: Очищáется, Отрокови́це, угль дрéвле Исáiа прiéм:/ знаменáтельне Твоé рождествó ви́дев,// превозноси́маго отцéв Бóга, и препрослáвлена.
Глас 4
Припéв: Святáя прáведная Áнно, молú Бóга о нас.
Тропáрь: Я́ко жи́зни и҆́стинныя, Áнно, Мáтерь рóждши,/ к жи́зни и҆́стинней престáвилася еси́ ко свéту, взывáющи:// препéтый Гóсподи, Бóже отéц нáших, благословéн еси́. (Двáжды)
Припéв: Святáя прáведная Áнно, молú Бóга о нас.
Тропáрь: Я́же Мáтери Избáвителя мáти сýщи, А́нно,/ от земли́ к Небеси́, добродéтельми укрáшена, востечé, во хвалéнiи зовýщи:// Бóже отéц нáших, благословéн еси́.
Припéв: Святáя прáведная Áнно, молú Бóга о нас.
Тропáрь: К нескончáемей жи́зни, к прострáнней широтé рáйскiя пи́щи,/ к невечéрнему свéту отшлá еси́, Богонóсице, зовýщи:// Бóже отéц нáших, благословéн еси́.
Слáва Ѻтцý и Сы́ну и Святóму Дýху.
Тропáрь: Испещрéна добродéтельми, добрóтою Божéственных даровáнiй укрáшена,/ к Бóгу преложи́ся, непрестáнно зовýщи:// препéтый Гóсподи, Бóже отéц нáших, благословéн еси́.
И҆ ны́не и прúсно и во вéки векóв. Амúнь.
Богорóдичен: Укрáшена добрóтами добродéтелей,/ крáснаго пáче сынóв человéческих и родилá еси́ Слóво, Пренепорóчная,// крáсными лéпотами украшáющаго Тебé песнослóвящих.
Катавáсiя (глас 4): Не послужи́ша твáри Богомýдрiи,/ пáче Создáвшаго,/ но, óгненное прещéнiе мýжески попрáвше,/ рáдовахуся, пою́ще:// препéтый отцéв Госпóдь и Бог, благословéн еси́.
Продолжение здесь