Неделя 26 по Пятидесятнице. Святителя Николая (Никола зимний). ВСЕНОЩНОЕ БДЕНИЕ. ВЕЛИКАЯ ВЕЧЕРНЯ.
19 декабря́ 2021 г. Недéля 26 по Пятидеся́тнице. Святúтеля Николáя, архиепúскопа Мир Ликúйских, чудотвóрца. Глас 1. Воскрéсная прáздничная Слýжба Октóиха совершáется в соединéнии с бдéнной слýжбой святúтеля Николáя, архиепúскопа Мир Ликúйских, чудотвóрца. Всéнощное бдéние для домáшнего (келéйного) совершéния состоúт из Велúкой вечéрни, ýтрени с чтéнием Евáнгелия, тáже канóна и пéрвого чáса. Слýжба мирскúм чúном. С этого дня до 20 декабря в седмúчные дни поéтся Октóих.
ВЕЛИКАЯ ВЕЧЕРНЯ
Молитвами святых отéц нáших, Гóсподи Иисýсе Христé, Бóже наш, помилуй нас, аминь.
Слáва Тебе, Бóже наш, слáва Тебé.
Царю Небéсный, Утéшителю, Дýше Истины, Иже вездé сый и вся исполняяй, Сокрóвище благих и жизни Подáтелю, прииди и вселися в ны, и очисти ны от всякия сквéрны, и спаси, Блáже, Дýши нáша.
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцý и Сыну и Святóму Дýху, и ныне и присно и во веки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
Отче наш, Иже еси на небесéх. Да святится Имя Твоé, да приидет Цáрствие Твоé, да бýдет вóля Твоя, яко на небеси и на земли. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисýсе Христé, Сыне Бóжий, помилуй нас. Аминь.
Гóсподи, помилуй, (12 раз.)
Слáва Отцу и Сыну и Святóму Духу, и ныне и присно и во вéки векóв, аминь.
Приидите, поклонимся Царéви нáшему Бóгу.
Приидите, поклонимся и припадéм Христý, Царéви нáшему Бóгу.
Приидите, поклонимся и припадéм Самомý Христý, Царéви и Бóгу нáшему.
Псалом 103, предначинáтельный
Стихи избрáннии: Благослови, душé моя, Гóспода./ Благословéн еси, Гóсподи./ Гóсподи, Бóже мой, возвеличился еси зелó./ Благословéн еси, Гóсподи./ Во исповéдание и в велелéпоту/ облéклся еси. Благословéн еси, Гóсподи./ Посредé гор прóйдут вóды./ Дивна делá Твоя, Гóсподи./ Вся премýдростию сотворил еси./ Слáва Ти, Гóсподи, сотворившему вся.
[Псалом полностью]Благослови, душé моя, Гóспода, Бóже мой, возвеличился еси зелó. Во исповéдание и в велелéпоту облéклся еси. Одеяйся свéтом, яко ризою, простирáяй нéбо, яко кóжу. Покрывáяй водáми превыспренняя Своя, полагáяй óблаки на восхождéние Своé, ходяй на крилý вéтреню. Творяй Ангелы Своя дýхи и слуги Своя плáмень óгненный. Основáяй зéмлю на твéрди ея, не преклонится в век вéка. Бéздна, яко риза, одеяние ея, на горáх стáнут вóды, от запрещéния Твоегó побéгнут, от глáса грóма Твоегó убоятся. Восхóдят гóры и нисхóдят поля в мéсто, éже основáл еси им. Предéл положил еси, eгóже не прéйдут, нижé обратятся покрыти зéмлю. Посылáяй истóчники в дéбрех, посредé гор прóйдут вóды. Напаяют вся звéри сéльныя, ждут онáгри в жáжду свою. На тых птицы небéсныя привитáют, от среды кáмения дадят глас. Напаяяй гóры от превыспренних Своих, от плодá дел Твоих насытится земля. Прозябáяй травý скотóм, и злак на слýжбу человéком, извести хлеб от земли. И винó веселит сéрдце человéка, умáстити лицé елéем, и хлеб сéрдце человéка укрепит. Насытятся древá польскáя, кéдри Ливáнстии, ихже еси насадил. Тáмо птицы вогнездятся, еродиево жилище предводительствует ими. Гóры высóкия елéнем, кáмень прибéжище зáяцем. Сотворил есть лунý во временá, сóлнце познá зáпад свой. Положил еси тму, и бысть нощь, в нéйже прóйдут вси звéрие дубрáвнии. Скимни рыкáющии, восхитити и взыскáти от Бóга пищу себé. Возсия сóлнце и собрáшася и в лóжах своих лягут. Изыдет человéк на дéло своé и на дéлание своé до вéчера. Яко возвеличишася делá Твоя, Гóсподи, вся премýдростию сотворил еси, испóлнися земля твáри Твоея. Сиé мóре великое и прострáнное, тáмо гáди, имже несть числá, живóтная мáлая с великими, тáмо корабли преплáвают, змий сей, eгóже создáл еси ругáтися eму. Вся к Тебé чáют, дáти пищу им во блáго врéмя. Дáвшу Тебé им соберут, отвéрзшу Тебé рýку всяческая испóлнятся блáгости, отврáщшу же Тебé лицé, возмятýтся, отъимеши дух их, и исчéзнут, и в персть свою возвратятся. Пóслеши Духа Твоегó, и созиждутся, и обновиши лицé земли. Бýди слáва Госпóдня во вéки, возвеселится Госпóдь о дéлех Своих, призирáяй на зéмлю, и творяй ю трястися, прикасáяйся горáм, и дымятся. Воспою Гóсподеви в животé моéм, пою Бóгу моемý, дóндеже есмь, да усладится Емý бесéда моя, аз же возвеселюся о Гóсподе. Да исчéзнут грéшницы от земли, и беззакóнницы, якоже не быти им. Благослови, душé моя, Гóспода. Сóлнце познá зáпад свой. Положил еси тму, и бысть нощь. Яко возвеличишася делá Твоя, Гóсподи, вся премýдростию сотворил еси.
Слáва Отцý и Сыну и Святóму Дýху, и ныне и присно и во вéки векóв, аминь.
Аллилýиа, аллилýиа, аллилýиа, слáва Тебé Бóже. (3 раза)
Гóсподи, помилуй. (12 раз)
Слáва Отцу и Сыну и Святóму Духу, и ныне и присно и во вéки векóв, аминь.
Пéрвая кафи́сма
Читаем либо кафисму 1-ю (1-ю cтатью(«Блажен муж» - 1-й антифон.)
[Псалом 1]Блажéн муж, иже не иде на совéт нечестивых и на пути грéшных не ста, и на седáлищи губителей не сéде, но в закóне Госпóдни вóля eгó, и в закóне Егó поучится день и нощь. И будет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, елика áще творит, успéет. Не тáко нечестивии, не тáко, но яко прах, eгóже возметáет ветр от лицá земли. Сегó рáди не воскрéснут нечестивии на суд, нижé грéшницы в совéт прáведных. Яко весть Госпóдь путь прáведных, и путь нечестивых погибнет.
[Псалом 2]Вскýю шатáшася языцы, и людие поучишася тщéтным? Предстáша цáрие зéмстии, и князи собрáшася вкýпе на Гóспода и на Христá Егó. Растóргнем ýзы их и отвéржем от нас иго их. Живый на Небесéх посмеéтся им, и Госпóдь поругáется им. Тогдá возглагóлет к ним гнéвом своим и яростию Своéю смятéт я. Аз же постáвлен есмь Царь от Негó над Сиóном, горóю святóю Егó, возвещáяй повелéние Госпóдне. Госпóдь речé ко Мне: Сын Мой еси Ты, Аз днесь родих Тя. Проси от Менé, и дам Ти языки достояние Твоé, и одержáние Твоé концы земли. Упасéши я жезлóм желéзным, яко сосýды скудéльничи сокрушиши я. И ныне, цáрие, разумéйте, накажитеся вси судящии земли. Рабóтайте Гóсподеви со стрáхом и рáдуйтеся Ему с трéпетом. Приимите наказáние, да не когдá прогнéвается Госпóдь и погибнете от пути прáведнаго, егдá возгорится вскóре ярость Егó. Блажéни вси надéющиися Нань.
[Псалом 3]Гóсподи, что ся умнóжиша стужáющии ми? Мнóзи востают на мя, мнóзи глагóлют души моéй: несть спасéния eму в Бóзе eгó. Ты же, Гóсподи, Застýпник мой еси, слáва моя и возносяй главý мою. Глáсом моим ко Гóсподу воззвáх, и услыша мя от горы святыя Своея. Аз уснýх, и спах, востáх, яко Госпóдь застýпит мя. Не убоюся от тем людéй, óкрест напáдающих на мя. Воскресни, Гóсподи, спаси мя, Бóже мой, яко Ты поразил еси вся враждýющыя ми всýе: зýбы грéшников сокрушил еси. Госпóдне есть спасéние, и на людех Твоих благословéние Твоé.
Либо поем стихи избрáннии
БЛАЖЕН МУЖ
Чтец (или хор): Блажéн муж, иже не иде на совéт нечестивых.
Хор: Аллилýиа, аллилýиа, аллилýиа.
Чтец (или хор): Яко весть Госпóдь путь прáведных, и путь нечестивых погибнет.
Хор: Аллилýиа, аллилýиа, аллилýиа.
Чтец (или хор): Рабóтайте Гóсподеви со стрáхом и рáдуйтеся Ему с трéпетом.
Хор: Аллилýиа, аллилýиа, аллилýиа.
Чтец (или хор): Блажéни вси надéющиися Нань.
Хор: Аллилýиа, аллилýиа, аллилýиа.
Чтец (или хор): Воскресни, Гóсподи, спаси мя, Бóже мой.
Хор: Аллилýиа, аллилýиа, аллилýиа.
Чтец (или хор): Госпóдне есть спасéние, и на людех Твоих благословéние Твоé.
Хор: Аллилýиа, аллилýиа, аллилýиа.
Чтец: Слáва Отцу и Сыну и Святóму Духу.
Хор: Аллилýиа, аллилýиа, аллилýиа.
Хор: И ныне и присно и во вéки векóв, аминь.
Хор: Аллилýиа, аллилýиа, аллилýиа.
Аллилýиа, аллилýиа, аллилýиа, слáва Тебé Бóже. (трижды)
Гóсподи, помилуй. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
ГОСПОДИ ВОЗЗВАХ, ГЛАС 1
Хор: Гóсподи, воззвáх к Тебé, услыши мя./ Услыши мя, Гóсподи./ Гóсподи, воззвáх к Тебé, услыши мя:/ вонми глáсу молéния моегó,/ внегдá воззвáти ми к Тебé./ Услыши мя, Гóсподи.
Хор: Да испрáвится молитва моя,/ яко кадило пред Тобóю,/ воздеяние рукý моéю/ - жéртва вечéрняя./ Услыши мя, Гóсподи.
[в приходской практике пропускается до стихир](в приходской практике пропускается до стихир): Положи́, Гóсподи, хранéние устóм мои́м, и дверь ограждéния о устнáх мои́х. Не уклони́ сéрдце моé в словесá лукáвствия, непщевáти вины́ о гресéх, с человéки дéлающими беззакóние, и не сочтýся со избрáнными их. Накáжет мя прáведник ми́лостию и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéниих их. Пожéрты бы́ша при кáмени судии́ их: услы́шатся глагóли мои́, я́ко возмогóша. Я́ко тóлща земли́ просéдеся на земли́, расточи́шася кóсти их при áде. Я́ко к Тебé, Гóсподи, Гóсподи, óчи мои́: на Тя уповáх, не отыми́ дýшу мою́. Сохрани́ мя от сéти, ю́же состáвиша ми, и от соблáзн дéлающих беззакóние. Падýт во мрéжу свою́ грéшницы: еди́н есмь аз, дóндеже прейдý.
[в приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролию́ пред Ним молéние моé, печáль мою́ пред Ним возвещý. Внегдá исчезáти от менé дýху моемý: и Ты познáл еси́ стези́ моя́: на пути́ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты еси́ уповáние моé, часть моя́ еси́ на земли́ живы́х. Вонми́ молéнию моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведи из темницы дýшу мою, исповéдатися имени Твоемý.
Стихиры воскрéсные, глас 1: Вечéрния нáша моли́твы/ приими́, Святы́й Гóсподи,/ и подáждь нам оставлéние грехóв,/ я́ко Еди́н еси́// явлéй в ми́ре Воскресéние.
Менé ждут прáведницы, дóндеже воздáси мне.
Стихи́ра: Обыди́те лю́дие Сиóн,/ и обыми́те Егó,/ и дади́те слáву в нем Воскрéсшему из мéртвых:/ я́ко Той есть Бог наш,// Избавлéй нас от беззакóний нáших.
На 8. Стих: Из глубины воззвáх к Тебе, Гóсподи, Гóсподи, услыши глас мой.
Стихи́ра: Прииди́те лю́дие,/ воспои́м, и поклони́мся Христý,/ слáвяще Егó из мéртвых Воскресéние:/ я́ко Той есть Бог наш,// от прéлести врáжия мир Избавлéй.
Да бýдут ýши Твои внéмлюще глáсу молéния моегó.
Стихи́ра: Весели́теся Небесá,/ воструби́те основáния земли́,/ возопи́йте гóры весéлие:/ се бо Емманýил грехи́ нáша на Крестé пригвозди́,/ и живóт дая́й, смерть умертви́,// Адáма Воскреси́вый, я́ко Человеколю́бец.
На 6. Стих: Аще беззакóния нáзриши, Гóсподи, Гóсподи, кто постоит? Яко у Тебé очищéние есть.
Стихúры святúтеля, глас 2: В Ми́рех пожи́в чýвственно,/ ми́ро вои́стинну яви́лся еси́,/ ми́ром помáзався ýмным,/ свя́те Никóлае, святи́телю Христóв,/ и благоухáеши ли́ца,/ вéрою и любóвию твою́ всеслáвную пáмять совершáющих при́сно,/ разрешáя бед, и напáстей, и скорбéй сих, óтче,// к Бóгу твои́ми моли́твами.
Имене рáди Твоегó потерпéх Тя, Гóсподи, потерпé душá моя в слóво Твоé, уповá душá моя на Гóспода.
Стихúра: Побéды тезоимени́т вои́стинну,/ вéрным лю́дем яви́лся еси́ в напáстех крéпок,/ свя́те Никóлае, святи́телю Христóв;/ вездé бо призывáемь, бы́стро предваря́еши/ любóвию притекáющих под кров твой:/ ты бо, во дни и нóщи вéрным явля́яся,// спасáеши от напáстей и обстоя́ний.
На 4. Стих: От стрáжи ýтренния до нóщи, от стрáжи ýтренния, да уповáет Изрáиль на Гóспода.
Стихúра: Яви́лся еси́ Константи́ну царю́ и Авлáвию во сне/ и, сим страх вложи́в,/ си́це тем рекл еси́:/ разреши́те ýбо вскóре,/ я́же держитé свя́занныя в темни́це,/ непови́нни бо суть беззакóннаго заколéния./ Обáче áще преслýшаеши менé,// мольбý сотворю́ царю́ на тя, ко Гóсподу моля́ся.
Яко у Гóспода милость, и многое у Него избавлéние, и Той избáвит Изрáиля от всех беззакóний eго.
Стихúра: Ки́ими похвáльными венцы́ увязéм святи́теля?/ Плóтию в Ми́рех сýща,/ и духóвно всем достизáюща,/ чи́сте тогó лю́бящим,/ всех предстáтеля и застýпника,/ и всех скóрбных утéшителя,/ и всех сýщих в бедáх прибéжище,/ благочéстия столпá,/ вéрных побóрника./ Егóже рáди шатáния врагóв Христóс низложи́,// имéяй вéлию ми́лость.
На 2. Стих: Хвалите Гóспода вси языцы, похвалите Егó вси людие.
Стихúра: Ки́ими пéсненными пéнии похвáлим святи́теля?/ Нечéстия противоборцá и благочéстия побóрника,/ Цéркве первостоя́теля,/ вели́каго застýпника же и учи́теля,/ вся злослáвныя посрамля́юща,/ потреби́теля Áриева и тогó посóбников./ Егóже рáди сих шатáние Христóс низложи́,// имéяй вéлию ми́лость.
Яко утвердися милость Егó на нас, и истина Госпóдня пребывáет во век.
Стихúра: Ки́ими прорóческими пéсньми похвáлим святи́теля?/ И́же далéче сýщая прови́дяща/ и отстоя́щая, я́ко близ сýща, прорóчествующа нелóжно,/ и всю вселéнную назирáюща,/ и вся оби́димыя избавля́юща,/ во сне я́вльшася царю́ Богомýдрому/ и дрéвле свя́занныя заколéния непрáведнаго избáвльша,// и дáрующа вéлию ми́лость?
Слáва Отцу и Сыну и Святóму Духу.
Стихúра святúтеля, глас 6: Святи́телей удобрéние и отцéв слáву,/ истóчника чудéс и вéрных застýпника вели́каго,/ сошéдшеся, о празднолю́бцы,/ пéсненными похвалáми воспои́м, глагóлюще:/ рáдуйся, ми́ряном храни́телю,/ и первоседáтелю честны́й, и стóлпе неподви́жимый;/ рáдуйся, свети́льниче всесвéтлый,/ и́же мирски́я концы́ просвещáя чудесы́;/ рáдуйся, скорбя́щих Божéственная рáдосте/ и оби́димых тéплый предстáтелю./ И ны́не, всеблажéнне Никóлае,/ не престáй моля́ся Христý Бóгу/ о вéрою и любóвию чтýщих// приснорáдостную и всепрáзднственную пáмять твою́.
И ныне и присно и во вéки векóв, аминь.
Догмáтик. Глас 1: Всеми́рную слáву,/ от человéк Прозя́бшую,/ и Влады́ку Рóждшую,/ Небéсную Дверь,/ воспои́м Мари́ю Дéву,/ Безплóтных песнь, и вéрных удобрéние:/ Сия́ бо яви́ся Нéбо, и Храм Божествá:/ Сия́ преграждéние вражды́ разруши́вши,/ мир введé, и Цáрствие отвéрзе./ Сию́ ýбо имýще вéры Утверждéние,/ Побóрника и́мамы из Нея́ Рóждшагося Гóспода./ Дерзáйте ýбо, дерзáйте лю́дие Бóжии:// и́бо Той победи́т враги́, я́ко Всеси́лен.
СВЕТЕ ТИХИЙ
Хор: Свéте Тихий святы́я слáвы Безсмéртнаго Отцá Небéснаго, Святáго, Блажéннаго, Иисусе Христé! Пришéдше на зáпад сóлнца, видевше свет вечéрний, поéм Отцá, Сына и Святáго Духа, Бóга. Достóин еси во вся временá пет бы́ти глáсы преподóбными, Сы́не Бóжий, живóт даяй; тéмже мир Тя слáвит.
ПРОКИМЕН ВОСКРЕСНЫЙ
Чтец: Прокимен, глас шесты́й: Госпóдь воцарися, в лéпоту облечéся.
Хор: Госпóдь воцарúся,/ в лéпоту облечéся.
Чтец: Облечéся Госпóдь в си́лу и препоя́сася.
Хор: Госпóдь воцарúся,/ в лéпоту облечéся.
Чтец: Ибо утверди вселéнную, я́же не подвижится.
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святыня, Гóсподи, в долготý дний.
Хор: Госпóдь воцарúся,/ в лéпоту облечéся.
Чтец: Госпóдь воцарися.
Хор: В лéпоту облечéся.
ПАРЕМИИ
Чтец: При́тчей чтéние.
(Из глав 10, 3 и 8) Пáмять прáведнаго с похвалáми, и благословéние Госпóдне на главé егó. Блажéн человéк, и́же обрéте премýдрость, и смéртен, и́же увéде рáзум. Лýчше бо сию́ куповáти, нéжели злáта и сребрá сокрóвища. Честнéйшая же есть кáмений многоцéнных, все же честнóе недостóйно ея́ есть. Долготá бо дней и лéта животá в десни́це ея́, в шýйце же ея́ богáтство и слáва. От уст ея́ исхóдит прáвда, закóн же и ми́лость на язы́це нóсит. Послýшайте ýбо менé, о чáда, честнáя бо рекý, и блажéн человéк, и́же пути моя́ сохрани́т. Исхóди бо мои́ - исхóди животá, и уготовля́ется хотéние от Гóспода. Сегó рáди молю́ вас и предлагáю мой глас сыновóм человéческим: я́ко аз, премýдрость, устрóих совéт, и рáзум и смысл аз призвáх. Мой совéт и утверждéние, мой рáзум, моя́ же крéпость. Аз менé лю́бящия люблю́, и́щущии же менé обря́щут благодáть. Разумéйте ýбо, незлóбивии, ковáрство, ненакáзаннии же, прилагáйте сердцá. Послýшайте менé и пáки, честнáя бо рекý, и отвéрзу от устéн прáвая, я́ко и́стине поучи́тся гортáнь мой, мéрзки же предо мнóю устны́ лжи́выя. С прáвдою вси глагóлы уст мои́х, ничтóже в них стрóпотно, нижé развращéнно. Вся прáва суть разумевáющим и прóста обретáющим рáзум. Научáю бо вас и́стине, да бýдет о Гóсподе надéжда вáша, и испóлнитеся Дýха.
[русский синодальный перевод]Память праведника пребудет благословенна, и благословения - на голове его. Блажен человек, который снискал мудрость, и человек, который приобрел разум, - потому что приобретение её лучше приобретения серебра, и прибыли от неё больше, нежели от золота: она дороже драгоценных камней, и ничто из желаемого тобою не сравнится с нею. Долгоденствие - в правой руке её, а в левой у неё - богатство и слава; из уст её выходит правда; закон и милость она на языке носит. Слушайте меня, дети, потому что я буду говорить важное: Блажен человек, который слушает меня, потому что, кто нашел меня, тот нашел жизнь, и получит благодать от Господа. К вам, люди, взываю я, и к сынам человеческим голос мой! Я, премудрость, обитаю с разумом и ищу рассудительного знания. У меня совет и правда; я разум, у меня сила. Любящих меня я люблю, и ищущие меня найдут меня. Научитесь, неразумные, благоразумию, и глупые - разуму. Слушайте, потому что я буду говорить важное, и изречение уст моих - правда; ибо истину произнесет язык мой, и нечестие - мерзость для уст моих; все слова уст моих справедливы; нет в них коварства и лукавства; все они ясны для разумного и справедливы для приобретших знание. Ибо я учу вас истинному, чтобы была в Господе надежда ваша, и вы исполнились Духа.
Чтец: При́тчей чтéние.
(Из глав 10-11) Устá прáведнаго кáплют премýдрость, язы́к же непрáведнаго поги́бнет. Устнé мужéй прáведных кáплют благодáти, устá же нечести́вых развращáются. Мéрила льсти́вая - мéрзость пред Гóсподем, вес же прáведный прия́тен Емý. Идéже áще вни́дет досаждéние, та́мо и безчéстие, устá же смирéнных поучáются премýдрости. Совершéние прáвых настáвит их и поползновéние отрицáющихся упасéт их. Не пóльзуют имéния в день я́рости, прáвда же избáвит от смéрти. У́мер прáведный, остáви раскáяние, нарýчна же бывáет и посмея́тельна нечести́вых пáгуба. Прáвда непорóчнаго исправля́ет пути́, в нечéстие же пáдает непрáвда. Прáвда мужéй прáвых избáвит их, безсовéтием же пленя́ются беззакóннии. Скончáвшуся мýжу прáведну, не поги́бнет надéжда, похвалá же нечести́вых поги́бнет. Прáведник от лóва убéгнет, в негóже мéсто предаéтся нечести́вый. Во устéх нечести́вых сеть грáжданом, чýвство же прáведных благоспéшное. Во благи́х прáведных испрáвится град, и в поги́бели нечести́вых рáдование. Во благословéнии прáвых возвы́сится град, усты́ же нечести́вых раскопáется. Ругáется грáжданом лишéнный рáзума, муж же мýдрый безмóлвие вóдит.
Чтец: Премýдрости Соломóновы чтéние.
(Из главы 4) Прáведник, áще пости́гнет скончáтися, в покóи бýдет. Стáрость бо честнá, не многолéтна, нижé в числé лет исчитáется. Седи́на же есть мýдрость человéком, и вóзраст стáрости - житиé несквéрное. Благоугóден Бóгу быв, возлю́блен бысть, и живы́й посредé грéшник престáвлен бысть. Восхищéн бысть, да не злóба измени́т рáзума егó, или́ лесть прельсти́т ду́шу егó. Рачéние бо злóбы помрачáет дóбрая, и парéние пóхоти пременя́ет ум незлóбив. Скончáвся вмáле, испóлни лéта дóлга, угóдна бо бе Гóсподу душá егó, сегó рáди потщáся от среды́ лукáвствия. Лю́дие же ви́девше и не разумéвше, нижé полóжше в помышлéнии таковóе, я́ко благодáть и ми́лость в преподóбных Егó и посещéние во избрáнных Егó.
[русский синодальный перевод]А праведник, если и рановременно умрет, будет в покое, ибо не в долговечности честная старость и не числом лет измеряется: мудрость есть седина для людей, и беспорочная жизнь - возраст старости. Как благоугодивший Богу, он возлюблен, и, как живший посреди грешников, преставлен, восхищен, чтобы злоба не изменила разума его, или коварство не прельстило души его. Ибо упражнение в нечестии помрачает доброе, и волнение похоти развращает ум незлобивый. Достигнув совершенства в короткое время, он исполнил долгие лета; ибо душа его была угодна Господу, потому и ускорил он из среды нечестия. А люди видели это и не поняли, даже и не подумали о том, что благодать и милость со святыми Его и промышление об избранных Его.
Гóсподи, помилуй. (40 раз)
Слáва Отцý и Сыну и Святóму Дýху, и ныне и присно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохранитися нам./ Благословéн еси, Гóсподи Бóже отéц нáших,/ и хвáльно и прослáвлено имя Твоé во вéки, аминь.
Буди, Гóсподи, милость Твоя на нас, якоже уповáхом на Тя./ Благословéн еси, Гóсподи, научи мя оправдáнием Твоим./ Благословéн еси, Владыко, вразуми мя оправдáнием Твоим./ Благословéн еси, Святый, просвети мя оправдáнии Твоими.
Гóсподи, милость Твоя во век, дел рукý Твоéю не прéзри./ Тебé подобáет хвалá. Тебé подобáет пéние,/ Тебé слáва подобáет, Отцý и Сыну и Святóму Дýху, ныне и присно и во вéки векóв. Аминь.
Гóсподи, помилуй. (12 раз)
Слáва Отцý и Сыну и Святóму Дýху, и ныне и присно и во вéки векóв, аминь.
ЛИТИЯ
Стихúры святúтеля, глас 2, самоглáсны: Прáвило вéры и óбраз крóтости/ яви́ тя стáду твоемý Христóс Бог, святи́телю Никóлае,/ в Ми́рех ýбо благоухáющу ти,/ всю́ду сия́ют свéтло Божéственная твоя́ исправлéния,/ си́рых и вдови́ц предстáтелю.// Тéмже моли́ся непрестáнно спасти́ дýши нáша.
Óтче Никóлае,/ мирополóжница мощéй твои́х Ми́ры обогащáет,/ в ни́хже и свя́занныя, непрáведно осуждéнныя,/ во сне царю́ видéнием твои́м яви́вся,/ свободи́л еси́ от смéрти, и уз, и темни́цы./ Но и ны́не, я́коже тогдá и при́сно,/ видéнием твои́м яви́ся,// моля́й о душáх нáших.
Óтче Никóлае,/ áще и Ми́рская странá молчи́т,/ но мiр весь, и́же тобóю просвеще́нный,/ ми́ра же благоухáнии и чуде́с мнóжествы/ взывáет благохвáльными пе́сньми;/ и спáсшиися тобóю осужде́ннии,/ с су́щими в Ми́рех и мы, пою́ще, вопие́м:// моли́ спасти́ся душáм нáшим.
Стихúры Святúтеля, глас 4, самоглáсны: Óтче Никóлае,/ Пресвятáго Дýха мирополóжница сый,/ я́ко в Ми́рех благоухáеши Божéственными аромáты:/ Христóвым бо апóстолом подóбник быв,/ вселéнную обхóдиши словесы́ чудéс твои́х./ Тéмже и дáльним, я́ко близ, во сне явля́яся,/ от смéрти избавля́еши,/ и́же непрáведным судóм умрéти имýщия,/ спасáя преслáвно от бед мнóгих призывáющия тя./ Те́мже, и нас, от находя́щих лю́тых свободи́// твои́ми моли́твами, при́сно восхваля́ющих тя.
Глас 8: Дóблестей твои́х, преподóбне óтче,/ плод просвети́л есть вéрных сердцá:/ кто бо, слы́ша безмéрное твоé смирéние,/ терпéнию не удиви́ся,/ éже к ни́щим ти́хости, к скорбя́щим утешéнию;/ вся Боголéпно научи́л еси́, святи́телю Никóлае,/ и ны́не неувядáемым венцéм увя́злся еси́,// моли́ся о душáх нáших.
На хвалý потéкл еси́ Госпóдню, Никóлае,/ во врéменней жи́зни,/ и Той тя прослáви на Небéсней и и́стинней жи́зни./ Тéмже дерзновéние стяжáв к Немý,// моли́ спасти́ дýши нáша.
Слáва Отцý и Сыну и Святóму Дýху.
Глас 6: Возсия́ день рáдостен/ и прáздник всечéстен:/ днесь бо я́же прéжде Рождествá и по Рождествé Дéва пребы́вши,/ в храм Госпóдень привóдится,/ и рáдуется Захáрия стáрец, роди́тель Предтéчев,/ и вопиéт вéсело:/ прибли́жися, Предстáтельница скорбя́щих,/ в храм святы́й, я́ко Святá,/ освяти́тися во оби́телище Всецаря́./ Да весели́тся Иоаки́м прáoтец, и Áнна да рáдуется,/ я́ко принесóша Бóгу я́ко трилéтствующую Ю́ницу/ непорóчную Влады́чицу./ Мáтeри, срáдуйтеся, дéвы, взыгрáйте,/ и неплóды, сликовствýйте,/ я́ко отвéрзе нам Небéсное Цáрство пронаречéнная Всецари́ца,// рáдуйтеся, лю́дие, и весели́теся.
И ныне и прúсно и во вéки векóв. Амúнь.
Сиóне, торжествýй, Иерусали́ме, весели́ся,/ грáде Христá Бóга, подыми́ Зижди́теля,/ в вертéпе и я́слех вмещáемаго,/ отвéрзите ми вратá/ и, вшед в ня, узрю́ я́ко Младéнца, пеленáми повивáемаго,/ длáнию же содержáщаго тварь./ Егóже пою́т Áнгели непрестáнным глáсом,/ Жизнодáвца Гóспода,// спасáющаго род наш.
Гóсподи, помилуй. (40 раз)
Слáва Отцý и Сыну и Святóму Дýху, и ныне и присно и во вéки векóв, аминь.
СТИХИРЫ НА СТИХОВНЕ
Чтец (Стихúры воскрéсные, глас 1): Стрáстию Твоéю, Христé,/ от страстéй свободи́хомся,/ и воскресéнием Твои́м из истлéния избáвихомся,// Гóсподи, слáва Тебé.
Стих: Госпóдь воцари́ся, в лéпоту облечéся.
Да рáдуется тварь, небесá да веселя́тся,/ рукáми да восплéщут язы́цы с весéлием:/ Христóс бо Спас наш, на Крестé пригвозди́ грехи́ нáша:/ и смерть умертви́в, живóт нам даровá,/ пáдшаго Адáма всерóднаго Воскреси́вый,// я́ко Человеколю́бец.
Стих: И́бо утверди́ вселéнную, я́же не подви́жется.
Царь сый небесé и земли́ непостижи́ме,/ вóлею распя́лся еси́ за человеколю́бие./ Егóже ад срет дóле, огорчи́ся,/ и прáведных дýши приéмша, возрáдовашася:/ Адáм же, ви́дев Тя, Зижди́теля в преиспóдних, воскрéсе./ О чудесé! Кáко смéрти вкуси́ всех жизнь;/ но я́коже восхотé мир просвети́ти зовýщий и глагóлющий:// Воскресы́й из мéртвых, Гóсподи, слáва Тебé.
Стих: Дóму Твоемý подобáет святы́ня, Гóсподи, в долготý дний.
Жены́ миронóсицы, ми́ра нося́ща,/ со тщáнием и рыдáнием грóба Твоегó достигóша,/ и не обрéтша Пречи́стаго Тéла Твоегó,/ от Áнгела же увéдевша нóвое и преслáвное чýдо,/ Апóстолом глагóлаху:/ воскрéсе Госпóдь,// подая́ ми́рови вéлию ми́лость.
Слáва Отцу и Сыну и Святóму Духу.
Стихúра святúтеля, глас 6: Человéче Бóжий и вéрный рáбе,/ слугó Госпóдень,/ мýжу желáний,/ сосýде избрáнный,/ стóлпе и утверждéние Цéркве,/ Цáрствия наслéдниче,// не премолчи́, вопия́ за ны ко Гóсподу.
И ныне и присно и во вéки векóв. Аминь.
Богорóдичен из Минéи, глас 6: Безневéстная Дéво,/ откýду пришлá еси́?/ Кто роди́вый Тя?/ Кто и мáти Твоя́?/ Кáко Зижди́теля нóсиши на рукý?/ Кáко не растли́лася еси́ утрóбою?/ О, вели́ких, преслáвных на Тебé стрáшных тáинств,/ на земли́ совершáемых, зрим, Всесвятáя/ И предуготовля́ем достóйный Тебé долг,/ на земли́ вертéп,/ и от Небéс прóсим подáти звездý,/ и волсви́ же прихóдят от востóков земли́ к зáпадом/ ви́дети человéческое Спасéние,// во я́слех пеленáми повивáемое.
Молитва святаго Симеона Богоприимца
Ныне отпущáеши рабá Твоегó, Владыко,/ по глагóлу Твоемý, с миром;/ яко видеста óчи мои спасéние Твоé,/ éже еси уготóвал пред лицéм всех людéй,/ свет во откровéние языков,// и слáву людéй Твоих Изрáиля.
Трисвятое по Отче наш
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святы́й, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцý и Сыну и Святóму Дýху, и ныне и присно и во вéки векóв, аминь.
Óтче наш, Иже еси на небесéх. Да святится Имя Твоé, да приидет Цáрствие Твоé, да бýдет вóля Твоя, яко на небеси и на земли. Хлеб наш насýщный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисýсе Христé, Сыне Бóжий, помилуй нас. Аминь.
Тропáрь, глас 4: Богорóдице Дéво, рáдуйся,/ Благодáтная Мари́е, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá еси душ нáших. (Дважды)
Тропáрь Святителя Николáя, глас 4: Прáвило вéры и óбраз крóтости,/ воздержáния учи́теля/ яви́ тя стáду твоемý/ Я́же вещéй И́стина./ Сегó рáди стяжáл еси́ смирéнием высóкая,/ нищетóю богáтая,/ óтче священноначáльниче Никóлае,/ моли́ Христá Бóга,// спасти́ся душáм нáшим.
Буди имя Госпóдне благословéно от ныне и до вéка. (3 раза)
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Немý и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послýшайте менé,/ стрáху Госпóдню научý вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
И глагóли ýтреню