Неделя 11 по Пятидесятнице. Сретение Владимирской иконы Божией Матери. ОБЕДНИЦА (Изобразительные)
8 сентября́ 2024 гóда. Недéля 11 по Пятидеся́тнице. Срéтенiе чудотвóрныя iкóны Пресвяты́я Богорóдицы, я́же нарицáется «Владúмирская». Мýчеников Адрiáна и Натáлiи. Глас 2. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душè моя́, Гóспода,/ благословéн есѝ Гóсподи.
Псалом 102
Благословѝ, душè моя́, Гóспода,/ и вся внýтренняя моя и҆́мя святóе Егò./ Благословѝ, душè моя, Гóспода,/ и не забывáй всех воздая́нїй Егò,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоè:/ обновится я́ко óрля ю́ность твоя́./ Творя́й ми́лостыни Госпóдь,/ и судьбý всем оби́димым./ Сказà путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концà прогнéвается,/ нижè во век враждýет,/ не по беззакóнїем нáшим сотвори́л есть нам,/ нижè по грехóм нáшым воздáл есть нам./ Я́ко по высотè небéсней от землѝ,/ утверди́л есть Госпóдь ми́лость Свою́ на боя́щихся Егò./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егò./ Я́ко Той познà создáнїе нáше,/ помянý, яко персть есмы̀./ Человéк, яко травà днíе eгò,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегò./ Ми́лость же Госпóдня от вéка и до вéка на боя́щихся Егò,/ и прáвда Егò на сынéх сынóв, храня́щих завéт Егò, и пóмнящих зáповеди Егò твори́ти я./ Госпóдь на Небесѝ уготóва Престóл Свой,/ и Цáрство Егò всéми обладáет./ Благослови́те Гóспода вси Áнгели Егò,/ си́льнїи крéпостїю, творя́щїи слóво Егò, услышати глас словéс Егò./ Благослови́те Гóспода вся Си́лы Егò,/ слýги Егò, творя́щїи вóлю Егò./ Благослови́те Гóспода вся делà Егò,/ на всяком мéсте влады́чества Егò.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благословѝ, душè моя, Гóспода,/ и вся внýтренняя моя и҆́мя святóе Егò./ Благословéн есѝ, Гóсподи.
Слáва Ѻтцý и Сы́ну и Святóму Дýху.
Псалом 145
Хвалѝ, душè моя, Гóспода./ Восхвалю́ Гóспода в животè моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгò/ и возврати́тся в зéмлю свою́./ В той день поги́бнут вся помышлéнїя eгò./ Блажéн, eмýже Бог Iáковль Помóщник егò,/ уповáнiе eгò на Гóспода Бóга своегò,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы̀./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстè Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдà прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Чтец (стiхúры воскрéсные, глас 2): Глас Ти принóсим разбóйничь, и мóлимся: помянѝ нас, Спáсе, во Цáрствiи Твоéм.
Хор: Блажéни áлчущiи и жáждущiи прáвды,/ я́ко тíи насы́тятся.
Чтец: Крест Тебè принóсим в прощéнiе прегрешéнiй: егóже нас рáди прiя́л есѝ, Человеколю́бче.
На 8. Хор: Блажéни мúлостивiи,/ я́ко тíи помúловани бýдут.
Чтец: Покланя́емся Твоемý, Влады́ко, погребéнiю и востáнiю: и́миже от тлéнiя избáвил есѝ мiр, Человеколю́бче.
Хор: Блажéни чúстiи сéрдцем,/ я́ко тíи Бóга ýзрят.
Чтец: Смéртiю Твоéю, Гóсподи, пожéрта бысть смерть: и Воскресéнiем Твои́м, Спáсе, мiр спасл есѝ.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Мvронóсицы срéтил есѝ, воскрéс от грóба, и ученикóм возвести́л есѝ, рещѝ Твоè востáнiе.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: И҆́же во тьме спя́щiи Тя, свет, ви́девше, в преиспóднейших áдовых, Хрїстè, воскресóша.
На 4. Хор: Блажéни естè, егдà понóсят вам,/ и изженýт, и рекýт всяк зол глагóл на вы лжýще Менè рáди.
На 4.Чтец (Богорóдицы Владúмирская, глас 4): Все помышлéнiе отвéргше, Богомýдрiи, прiиди́те в срéтенiе прекрáсныя зарѝ,/ держáщiя пресвéтлую лучý, вся просвещáющую// и ми́лостiю весь мiр обогáщшую.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Твою́, Богомáти, всечестнýю и чудотвóрную iкóну Россíйстiи лю́ди стяжáвше,/ я́ко заступлéнiе крéпко и стéну неруши́му,// мóлятся Ти, на врагѝ побéду даровáти отéчеству нáшему.
Хор: Слáва Ѻтцý и Сы́ну и Святóму Дýху.
Чтец: Óблак светозáрный показáся,/ росóю благодáти вся омывáющи телéсныя сквéрны// и дýши просвещáющи, еди́на Всепéтая.
Хор: И ны́не и прúсно и во вéки векóв. Амúнь.
Богорóдичен: Дрéво многоплóдно яви́лася есѝ, пи́щею неги́блющею вся насыщáющи,/ дýши же веселя́щи, Богоневéсто Чи́стая,/ добродея́нiя всем источѝ// и от скорбéй нýждных спасѝ.
Тропари и кондаки
Тропáрь воскрéсный, глас 2: Егдà снизшéл есù к смéрти, Животè Безсмéртный,/ тогдà ад умертвúл есù блистáнiем Божествà./ Егдà же и умéршыя от преиспóдних воскресúл есù,/ вся Сúлы Небéсныя взывáху:// Жизнодáвче, Хрїстè Бóже наш, слáва Тебè.
Тропáрь Богорóдицы (Владúмирская), глас 4: Днесь свéтло красýется слáвнейшiй град Москвà,/ я́ко зарю́ сóлнечную, воспрiéмши, Влады́чице,/ чудотвóрную Твою́ iкóну,/ к нéйже ны́не мы притекáюще и моля́щеся Тебè, взывáем сúце:/ о пречýдная Влады́чице Богорóдице!/ Молúся из Тебè воплощéнному Хрїстý Бóгу нáшему,/ да избáвит град сей и вся грáды и страны̀ хрїстiáнскiя/ невредúмы от всех навéт врáжiих// и спасéт дýшы нáшя, я́ко Милосéрд.
Тропáрь мýчеников, глас 4: Мýченицы Твоù, Гóсподи,/ во страдáнiих своúх венцы̀ прiя́ша нетлéнныя от Тебè, Бóга нáшего:/ имýще бо крéпость Твою́,/ мучúтелей низложúша,/ сокрушúша и дéмонов немощны́я дéрзости./ Тех молúтвами// спасù дýшы нáшя.
Кондáк воскрéсный, глас 2: Воскрéсл есù от грóба, Всесúльне Спáсе,/ и ад, вúдев чýдо, ужасéся,/ и мéртвiи востáша;/ тварь же вúдящи срáдуется Тебè,/ и Адáм свеселúтся,// и мiр, Спáсе мой, воспевáет Тя прúсно.
Кондáк мчч. Адрiáна и Натáлiи, глас 4: Мýченик возсiя́ Божéственная пáмять/ и земны́я озарù вся концы̀ свéтло, с весéлiем зовýщих:// Ты есù мýчеников, Хрїстè, рáдованiе.
Слáва Ѻтцý и Сы́ну и Святóму Дýху.
И҆́н кондáк мчч. Адрiáна и Натáлiи, глас 4: Жены̀ Богомýдрыя Божéственная словесà в сéрдце положúв,/ Адрiáне, мýчениче Хрїстóв, к мучéнiем усердно устремúлся есù,// с супрýгою венец прiéмь.
И ны́не и прúсно и во вéки векóв, амúнь.
Кондáк Богорóдицы (Владúмирская), глас 8: Взбрáнной Воевóде победúтельная,/ я́ко избáвльшеся от злых,/ благодáрственная восписýем Ти рабù Твоù, Богорóдице;/ но я́ко имýщая держáву непобедúмую,/ от вся́ких нас бед свободù, да зовéм Ти:// рáдуйся, Невéсто Неневéстная.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен воскресный, глас 2
Чтец: Прокíмен, глас вторы́й, псалóм Давíдов: Крéпость моя́ и пéнiе моè Госпóдь, и бысть мне во Спасéнiе. (Пс.117:14)
Хор: Крéпость моя́ и пéнiе моè Госпóдь,/ и бысть мне во Спасéнiе.
Чтец: Наказýя наказà мя Госпóдь, смéрти же не предадè мя. (Пс.117:18)
Хор: Крéпость моя́ и пéнiе моè Госпóдь,/ и бысть мне во Спасéнiе.
Прокимен Богородицы, глaс 3
Чтец: Прокíмен, глас трéтiй, песнь Богорóдицы: Вели́чит душà Моя́ Гóспода, и возрáдовася дух Мой о Бóзе Спáсе Моéм. (Лк.1:46Б-47)
Хор: Велúчит душà Моя́ Гóспода,/ и возрáдовася дух Мой о Бóзе Спáсе Моéм.
АПОСТОЛ
Чтец: К Корíнфяном послáнiя святáго апóстола Пáвла чтéнiе.
(1Кор.зач.141): Брáтiе, печáть моегó апóстольства вы естé о Гóсподе. Мой отвéт востязýющым менé сей есть. Едá не и҆́мамы влáсти я́сти и пи́ти? Едá не и҆́мамы влáсти сестрý женý води́ти, я́ко и прóчiи Апóстоли, и брáтiя Госпóдня, и Ки́фа? Или́ еди́н аз и Варнáва не и҆́мамы влáсти éже не дéлати? Кто вóинствует свои́ми обрóки когдá? Или́ кто насаждáет виногрáд, и от плодá егó не яст? Или́ кто пасéт стáдо, и от млекá стáда не яст? Едá по человéку сiя́ глагóлю? Не и закóн ли сiя́ глагóлет? В Моисéове бо закóне пи́шет: да не загради́ши устнý волá молотя́ща. Едá о волóвех ради́т Бог? Или́ нас рáди вся́ко глагóлет? Нас бо рáди вписáся, я́ко о надéжди дóлжен есть оря́й орáти, и молотя́й с надéждею своегó уповáнiя причащáтися. Áще мы духóвная сéяхом вам, вели́ко ли, áще мы вáша телéсная пóжнем? Áще инíи влáсти вáшея причащáются, не пáче ли мы? Но не сотвори́хом по óбласти сей, но вся терпи́м, да не прекращéнiе кóе дáмы благовествовáнiю Хрiстóву.
Братия, печать моего апостольства - вы в Господе. Вот мое защищение против осуждающих меня. Или мы не имеем власти есть и пить? Или не имеем власти иметь спутницею сестру жену, как и прочие Апостолы, и братья Господни, и Кифа? Или один я и Варнава не имеем власти не работать? Какой воин служит когда-либо на своем содержании? Кто, насадив виноград, не ест плодов его? Кто, пася стадо, не ест молока от стада? По человеческому ли только рассуждению я это говорю? Не то же ли говорит и закон? Ибо в Моисеевом законе написано: не заграждай рта у вола молотящего. О волах ли печется Бог? Или, конечно, для нас говорится? Так, для нас это написано; ибо, кто пашет, должен пахать с надеждою, и кто молотит, должен молотить с надеждою получить ожидаемое. Если мы посеяли в вас духовное, велико ли то, если пожнем у вас телесное? Если другие имеют у вас власть, не паче ли мы? Однако мы не пользовались сею властью, но все переносим, дабы не поставить какой преграды благовествованию Христову.(1Кор.9:2-12)
(Флп.зач.240): Брáтiе, сiè да мýдрствуется в вас, éже и во Хрїстè Iисýсе. И҆́же во óбразе Бóжiи сый, не восхищéнiем непщевà бы́ти рáвен Бóгу. Но Себè умáлил, зрак рабà прiи́м, в подóбiи человéчестем быв, и óбразом обрéтеся я́коже человéк. Смири́л Себè, послушли́в быв дáже до смéрти, смéрти же крéстныя. Тéмже и Бог Егò превознесè, и даровà Емý и҆́мя, éже пáче вся́каго и҆́мене. Да о и҆́мени Iисýсове вся́ко колéно поклони́тся Небéсных, и земны́х, и преиспóдних. И всяк язы́к исповéсть, я́ко Госпóдь Iисýс Хрїстóс, в слáву Бóга Отцà.
Братия, в вас должны быть те же чувствования, какие и во Христе Иисусе: Он, будучи образом Божиим, не почитал хищением быть равным Богу; но уничижил Себя Самого, приняв образ раба, сделавшись подобным человекам и по виду став как человек; смирил Себя, быв послушным даже до смерти, и смерти крестной. Посему и Бог превознес Его и дал Ему имя выше всякого имени, дабы пред именем Иисуса преклонилось всякое колено небесных, земных и преисподних, и всякий язык исповедал, что Господь Иисус Христос в славу Бога Отца.(Флп.2:5-11)
Аллилуарий воскресный, глас 2
Чтец: Аллилýїа, аллилýїа, аллилýїа, глас вторы́й, псалóм Давíдов. Услы́шит тя Госпóдь в день печáли, защи́тит тя И҆́мя Бóга Iáковля. (Пс.19:2)
Хор: Аллилýїа, аллилýїа, аллилýїа.
Чтец: Гóсподи, спасѝ царя́, и услы́ши ны, вóньже áще день призовéм Тя. (Пс.19:10)
Хор: Аллилýїа, аллилýїа, аллилýїа.
Аллилуарий Богородицы, глас 8
Чтец: Аллилýїа, аллилýїа, аллилýїа, глас осьмы́й. Слы́ши, Дщи, и виждь, и приклонѝ ýхо Твоè. (Пс.44:11А)
Хор: Аллилýїа, аллилýїа, аллилýїа.
Чтец: Лицý Твоемý помóлятся богáтiи лю́дстiи. (Пс.44:13Б)
Хор: Аллилýїа, аллилýїа, аллилýїа.
ЕВАНГЕЛИЕ
Чтец: От Матфéя Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мф.зач.77): Речé Госпóдь при́тчу сiю́: уподóбися Цáрствiе Небéсное человéку царю́, и́же восхотé стязáтися о словеси́ с рабы́ свои́ми. Начéншу же емý стязáтися, приведóша емý еди́наго должникá тмóю талáнт. Не имýщу же емý воздáти, повелé и госпóдь егó продáти, и женý егó, и чáда, и вся, ели́ка имéяше, и отдáти. Пад ýбо раб той, клáняшеся емý, глагóля: гóсподи, потерпи́ на мне, и вся ти воздáм. Милосéрдовав же госпóдь рабá тогó, прости́ егó и долг отпусти́ емý. Изшéд же раб той, обрéте еди́наго от клеврéт свои́х, и҆́же бе дóлжен емý стом пéнязь, и ем егó давля́ше, глагóля: отдáждь ми, и҆́мже ми еси́ дóлжен. Пад ýбо клеврéт егó на нóзе егó, моля́ше егó, глагóля: потерпи́ на мне, и вся воздáм ти. Он же не хотя́ше, но вед всади́ егó в темни́цу, дóндеже воздáст дóлжное. Ви́девше же клеврéти егó бы́вшая, сжáлиша си зелó и пришéдше сказáша господи́ну своемý вся бы́вшая. Тогдá призвáв егó господи́н егó, глагóла емý: рáбе лукáвый, весь долг он отпусти́х тебé, понéже умоли́ мя еси́, не подобáше ли и тебé поми́ловати клеврéта твоегó, я́коже и аз тя поми́ловах? И прогнéвався госпóдь егó, предадé егó мучи́телем, дóндеже воздáст весь долг свой. Тáко и Отéц Мой Небéсный сотвори́т вам, áще не отпуститé кóждо брáту своемý от сердéц вáших прегрешéнiя их.
Посему Царство Небесное подобно царю, который захотел сосчитаться с рабами своими; когда начал он считаться, приведен был к нему некто, который должен был ему десять тысяч талантов*; (*Вес серебра) а как он не имел, чем заплатить, то государь его приказал продать его, и жену его, и детей, и всё, что он имел, и заплатить; тогда раб тот пал, и, кланяясь ему, говорил: государь! потерпи на мне, и всё тебе заплачу. Государь, умилосердившись над рабом тем, отпустил его и долг простил ему. Раб же тот, выйдя, нашел одного из товарищей своих, который должен был ему сто динариев, и, схватив его, душил, говоря: отдай мне, что́ должен. Тогда товарищ его пал к ногам его, умолял его и говорил: потерпи на мне, и всё отдам тебе. Но тот не захотел, а пошел и посадил его в темницу, пока не отдаст долга. Товарищи его, видев происшедшее, очень огорчились и, придя, рассказали государю своему всё бывшее. Тогда государь его призывает его и говорит: злой раб! весь долг тот я простил тебе, потому что ты упросил меня; не надлежало ли и тебе помиловать товарища твоего, ка́к и я помиловал тебя? И, разгневавшись, государь его отдал его истязателям, пока не отдаст ему всего долга. Тáк и Отец Мой Небесный поступит с вами, если не простит каждый из вас от сердца своего брату своему согрешений его.(Мф.18:23-35)
(Лк.зач.54): Во врéмя óно, вни́де Iисýс в весь нéкую: женà же нéкая и҆́менем Мáрфа прiя́т Егò в дом свой. И сестрà ей бе нарицáемая Марíя, я́же и сéдши при ногý Iисýсову, слы́шаше слóво Егò. Мáрфа же мóлвяше о мнóзе слýжбе, стáвши же речè: Гóсподи, не брежéши ли, я́ко сестрà моя́ еди́ну мя остáви служи́ти; рцы ýбо ей, да ми помóжет. Отвещáв же Iисýс, речè ей: Мáрфо, Мáрфо, печéшися и мóлвиши о мнóзе. Еди́но же есть на потрéбу. Марíя же благýю часть избрà, я́же не оты́мется от нея́. Бысть же егдà глагóлаше сiя́, воздви́гши нéкая женà глас от нарóда, речè Емý: блажéно чрéво носи́вшее Тя, и сосцà, яже есѝ ссал. Он же речè: тéмже ýбо блажéни слы́шащiи слóво Бóжiе, и храня́щiи è.
В те дни пришел Иисус в одно селение; здесь женщина, именем Марфа, приняла Его в дом свой; у неё была сестра, именем Мария, которая села у ног Иисуса и слушала слово Его. Марфа же заботилась о большом угощении и, подойдя, сказала: Господи! или Тебе нужды нет, что сестра моя одну меня оставила служить? скажи ей, чтобы помогла мне. Иисус же сказал ей в ответ: Марфа! Марфа! ты заботишься и суетишься о многом, а одно только нужно; Мария же избрала благую часть, которая не отнимется у неё. Когда же Он говорил это, одна женщина, возвысив голос из народа, сказала Ему: блаженно чрево, носившее Тебя, и сосцы, Тебя питавшие! А Он сказал: блаженны слышащие слово Божие и соблюдающие его.(Лк.10:38-42,11:27-28)
Хор: Слáва Тебè, Гóсподи, слáва Тебè.
Помянѝ нас, Гóсподи, егдà прїи́деши во Цáрствiи Твоéм.
Помянѝ нас, Влады́ко, егдà прїи́деши во Цáрствiи Твоéм.
Помянѝ нас, Святы́й, егдà прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицà вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцà, Вседержи́теля, Творцà нéбу и землѝ, ви́димым же всем и неви́димым. И во Еди́наго Гóспода Iисýса Хрїстà, Сы́на Бóжiя, Единорóднаго, И҆́же от Ѻтцà Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесà и седя́ща одеснýю Ѻтцà. И пáки грядýщаго со слáвою суди́ти живы́м и мéртвым, Егóже Цáрствiю не бýдет концà. И в Дýха Святáго, Гóспода, Животворя́щаго, И҆́же от Ѻтцà исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, простѝ Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умè и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 2: Воскрéсл есù от грóба, Всесúльне Спáсе,/ и ад, вúдев чýдо, ужасéся,/ и мéртвiи востáша;/ тварь же вúдящи срáдуется Тебè,/ и Адáм свеселúтся,// и мiр, Спáсе мой, воспевáет Тя прúсно.
Гóсподи, поми́луй. (12 раз)
И молúтву: Всесвятáя Трóице, Единосýщная Держáво, Нераздéльное Цáрство, всех благи́х Винà, благоволѝ же и о мне грéшнем, утвердѝ, вразумѝ сéрдце моè, и всю мою отымѝ сквéрну, просветѝ мою мысль, да вы́ну слáвлю, пою́, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 рáза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
Достойно есть
Хор: Достóйно есть я́ко воúстинну блажúти Тя, Богорóдицу,/ Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, помúлуй. (3 рáза)
Гóсподи, благословᴎ́.
ОТПУСТ
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.