Неделя 6 по Пятидесятнице, мироносицы равноап. Марии Магдалины. Глас 5 ЧАСЫ ТРЕТИЙ, ШЕСТЫЙ И ДЕВЯТЫЙ
4 áвгуста 2024 гóда. Недéля 6 по Пятидеся́тнице. Святы́я миронóсицы и равноапóстольныя Марíи Магдалúны. Глас 5. Воскрéсная прáздничная слýжба для домáшнего (келéйнаго) совершéнiя. Слýжба мiрскúм чúном. Послéдованiе часóв.
Áще имаши произволéнiе то прéжде чти ýтреню с канóном и пéрвым чáсом.
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездè сый и вся исполня́яй, Сокрóвище благи́х и жи́зни Подáтелю, прiидѝ и всели́ся в ны, и очи́сти ны от вся́кiя сквéрны, и спасѝ, Блáже, Дýшы нáшя.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáшя, Влады́ко, простѝ беззакóнiя нáша, Святы́й, посетѝ и исцелѝ нéмощи нáшя и҆́мене Твоегò рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáшя, я́коже и мы оставля́ем должникóм нáшым. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 16
Услы́ши, Гóсподи, прáвду мою, вонмѝ молéнiю моемý, внушѝ моли́тву мою́ не во устнáх льсти́вых. От лицà Твоегò судьбà моя изы́дет, óчи моѝ да ви́дита правоты̀. Искуси́л есѝ сéрдце моè, посети́л есѝ нóщiю, искуси́л мя есѝ и не обрéтеся во мне непрáвда. Яко да не возглагóлют устà моя дел человéческих, за словесà устéн Твои́х аз сохрани́х путѝ жéстоки. Совершѝ стопы̀ моя во стезя́х Твои́х, да не подви́жутся стопы̀ моя́. Аз воззвáх, яко услы́шал мя есѝ, Бóже, приклонѝ ýхо Твоè мне, и услы́ши глагóлы моя́. Удивѝ ми́лости Твоя́, спасáяй уповáющiя на Тя от проти́вящихся десни́це Твоéй. Сохранѝ мя, Гóсподи, яко зéницу óка, в крóве крилý Твоéю покры́еши мя. От лицà нечести́вых острáстших мя, вразѝ моѝ дýшу мою́ одержáша. Тук свой затвори́ша, устà их глагóлаше горды́ню. Изгоня́щiи мя ны́не обыдóша мя, óчи своѝ возложи́ша уклони́ти на зéмлю. Объя́ша мя яко лев готóв на лов, и яко ски́мен обитáяй в тáйных. Воскреснѝ, Гóсподи, предварѝ я́ и запнѝ им, избáви дýшу мою́ от нечести́ваго, орýжiе Твоè от враг рукѝ Твоея́. Гóсподи, от мáлых от землѝ разделѝ я́ в животè их, и сокровéнных Твоих испóлнися чрéво и҆́х, насы́тишася сынóв, и остáвиша остáнки младéнцем свои́м. Аз же прáвдою явлю́ся лицý Твоемý, насы́щуся, внегдá яви́ти ми ся слáве Твоéй.
Псалом 24
К Тебè, Гóсподи, воздвигóх дýшу мою́, Бóже мой, на Тя уповáх, да не постыжýся во век, нижè да посмею́т ми ся вразѝ моѝ; И҆́бо вси терпя́щiи Тя не постыдя́тся. Да постыдя́тся беззакóннующiи вотщè. Путѝ Твоя, Гóсподи, скажѝ ми, и стезя́м Твоим научѝ мя. Настáви мя на и҆́стину Твою́ и научѝ мя, я́ко Ты есѝ Бог Спас мой, и Тебè терпéх весь день. Помянѝ щедрóты Твоя, Гóсподи, и ми́лости Твоя, я́ко от вéка суть. Грех юности моея́ и невéденiя моегò не помянѝ, по ми́лости Твоéй помянѝ мя Ты рáди блáгости Твоея́, Гóсподи. Благ и прав Госпóдь, сегò рáди законоположи́т согрешáющим на путѝ. Настáвит крóткiя на суд, научи́т крóткiя путéм Свои́м. Вси путiè Госпóдни ми́лость и и҆́стина, взыскáющым завéта Егò и свидéнiя Егò. Рáди и҆́мене Твоегò, Гóсподи, и очи́сти грех мой, мног бо есть. Кто есть человéк боя́йся Гóспода; законоположи́т емý на путѝ, егóже извóли. Душà егò во благи́х водвори́тся, и сéмя егò наслéдит зéмлю. Держáва Госпóдь боя́щихся Егò и завéт Егò яви́т им. Óчи моѝ вы́ну ко Гóсподу, яко Той истóргнет от сéти нóзе моѝ. При́зри на мя и поми́луй мя, яко единорóд и нищ есмь аз. Скóрби сéрдца моегò умнóжишася, от нужд мои́х изведѝ мя. Виждь смирéнiе моè и труд мой, и остáви вся грехѝ моя́. Виждь врагѝ моя́, я́ко умнóжишася, и ненавидéнiем непрáведным возненави́деша мя. Сохранѝ дýшу мою́ и избáви мя, да не постыжýся, я́ко уповáх на Тя. Незлóбивiи и прáвiи прилепля́хуся мне, я́ко потерпéх Тя, Гóсподи. Избáви, Бóже, Iзрáиля от всех скорбéй егò.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моè. Наипáче омы́й мя от беззакóнiя моегò, и от грехà моегò очи́сти мя. Яко беззакóнiе моè аз знáю и грех мой прéдо мнóю есть выну. Тебè Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдà суди́ти Ти. Се бо в беззакóнiих зачáт есмь, и во гресéх родѝ мя мáти моя. Се бо и҆́стину возлюби́л есѝ, безвéстная и тáйная премýдрости Твоея яви́л ми есѝ. Окропи́ши мя иссóпом и очи́щуся, омы́еши мя, и пáче снéга убелю́ся. Слýху моемý дáси рáдость и весéлiе, возрáдуются кóсти смирéнныя. Отвратѝ лицè Твоè от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обновѝ во утрóбе моéй. Не отвéржи менè от лицà Твоегò, и Дýха Твоегò Святáго не отымѝ от менè. Воздáждь ми рáдость спасéнiя Твоегò, и Дýхом Влады́чним утвердѝ мя. Научý беззакóнныя путéм Твоим, и нечести́вiи к Тебè обратятся. Избáви мя от кровéй, Бóже, Бóже спасéнiя моегò, возрáдуется язык мой прáвде Твоéй. Гóсподи, устнè мои отвéрзеши, и устà моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажѝ, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдà благоволи́ши жéртву прáвды, возношéнiе и всесожегáемая; тогдà возложáт на олтáрь Твой тельцы̀.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, помúлуй. (3 рáза)
Тропáрь воскрéсный, глас 5: Собезначáльное Слóво Отцý и Дýхови, от Дéвы рóждшееся на Спасéнiе нáше, воспои́м, вéрнiи, и поклони́мся; я́ко благоволѝ Плóтiю взы́ти на Крест, и смерть претерпéти, и воскреси́ти умéршiя слáвным воскресéнiем Свои́м.
Слáва Отцý и Сы́ну и Святóму Дýху.
Тропáрь равноап. Марíи Магдалúны, глас 1: Хрїстý, нас рáди от Дéвы рóждшемуся, честнáя Магдали́но Марíе, послéдовала есѝ, Тогò оправдáнiя и закóны храня́щи. Тéмже днесь всесвятýю твою́ пáмять прáзднующе, грехóв разрешéнiе моли́твами твои́ми прiéмлем.
И ны́не и прúсно и во вéки векóв. Амúнь.
Богорóдичен 3‑го часà: Богорóдице, Ты есѝ Лозà и҆́стинная, возрасти́вшая нам Плод Животà, Тебè мóлимся, моли́ся Влады́чице, со святы́ми Апóстолы, поми́ловати дýшы нáшя.
Госпóдь Бог благословéн, благословéн Госпóдь день дне, поспеши́т нам Бог спасéнiй нáших, Бог наш, Бог спасáти.(Пс.67:20-21)
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáшя, Влады́ко, простѝ беззакóнiя нáша, Святы́й, посетѝ и исцелѝ нéмощи нáшя и҆́мене Твоегò рáди.
Гóсподи, поми́луй. (3 рáза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáшя, я́коже и мы оставля́ем должникóм нáшым. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
КОНДAК
Кондáк воскрéсный, глас 5: Ко áду, Спáсе мой, сошéл есѝ, и вратà сокруши́вый я́ко всеси́лен, умéрших, я́ко Создáтель, совоскреси́л есѝ, и смéрти жáло сокруши́л есѝ, и Адáм от кля́твы избáвлен бысть, Человеколю́бче; тéмже вси зовéм: спасѝ нас, Гóсподи.
Гóсподи, помúлуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстè Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесà очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Моли́твами святых отéц нáших, Гóсподи Iисýсе Хрїстè, Бóже наш, поми́луй нас, ами́нь.
Молитва святаго Мардария
Владыко Бóже Ѻ́тче Вседержи́телю, Гóсподи Сыне Единорóдный Iисýсе Хрїстè, и Святы́й Дýше, Еди́но Божествò, Еди́на Си́ла, поми́луй мя грéшнаго, и и҆́миже вéси судьбáми спасѝ мя недостóйнаго рабà Твоегò, яко благословéн есѝ во вéки векóв, ами́нь.
ЧАС ШЕСТЫЙ
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 53
Бóже, во и҆́мя Твоè спасѝ мя, и в си́ле Твоéй судѝ ми. Бóже, услы́ши молитву мою, внушѝ глагóлы уст моих. Яко чýждiи востáша на мя и крéпцыи взыскáша дýшу мою, и не предложи́ша Бóга пред собóю. Се бо Бог помогáет ми, и Госпóдь застýпник душѝ моéй. Отврати́т злáя врагóм мои́м, и҆́стиною Твоéю потребѝ их. Вóлею пожрý Тебè, исповéмся и҆́мени Твоемý, Гóсподи, яко блáго; Яко от вся́кiя печáли избáвил мя есѝ, и на врагѝ моя воззрè óко моè.
Псалом 54
Внушѝ, Бóже, моли́тву мою и не прéзри молéнiя моегò. Вонмѝ ми и услы́ши мя: возскорбéх печáлiю моéю и смятóхся. От глáса врáжiя и от стужéнiя грéшнича, я́ко уклони́ша на мя беззакóнiе и во гнéве враждовáху ми. Сéрдце моè смятéся во мне и боя́знь смéрти нападè на мя. Страх и трéпет прiи́де на мя и покры̀ мя тьма. И рех: кто даст ми крилè, яко голуби́не, и полещý, и почíю; Се удали́хся бéгая и водвори́хся в пусты́ни. Чáях Бóга спасáющаго мя от малодýшiя и от бýри. Потопѝ Гóсподи, и разделѝ язы́ки и҆́х: я́ко ви́дех беззакóнiе и пререкáнiе во грáде. Днем и нóщiю обыдет и҆̀ по стенáм егò: беззакóнiе и труд посредè егò и непрáвда. И не оскудè от стогн егò ли́хва и лесть. Яко áще бы враг поносил ми, претерпéл бых ýбо, и áще бы ненави́дяй мя на мя велерéчевал, укрыл бых ся от негò. Ты же человéче равнодýшне, влады́ко мой и знáемый мой; И҆́же кýпно наслаждáлся есѝ со мнóю брáшен, в дoмý Бóжiи ходи́хом единомышлéнiем. Да прiидет же смерть на ня, и да сни́дут во ад жи́ви, яко лукáвство в жили́щах и҆́х, посредè и҆́х. Аз к Бóгу воззвáх, и Госпóдь услы́ша мя. Вéчер и заýтра, и полýдне повéм, и возвещý, и услышит глас мой. Избáвит миром дýшу мою от приближáющихся мне, я́ко во мнóзе бя́ху со мнóю. Услышит Бог и смири́т я, Сый прéжде век. Несть бо им изменéнiя, яко не убоя́шася Бóга. Прострè рýку свою на воздая́нiе, оскверни́ша завéт Егò. Раздели́шася от гнéва лицà Егò, и прибли́жишася сердцà их, умя́кнуша словесà их пáче елéа, и та суть стрéлы. Возвéрзи на Гóспода печáль твою, и Той тя препитáет, не даст в век молвы̀ прáведнику. Ты же, Бóже, низведéши их во студенéц истлéнiя, мýжiе кровéй и льсти не преполовя́т дней свои́х. Аз же, Гóсподи, уповáю на Тя.
Псалом 90
Живы́й в пóмощи Вы́шняго, в крóве Бóга Небéснаго водвори́тся. Речéт Гóсподеви: застýпник мой есѝ и прибéжище моè, Бог мой, и уповáю на Негò. Яко Той избáвит тя от сéти лóвчи, и от словесè мятéжна; Плещмà Свои́ма осени́т тя, и под крилè Егò надéешися: орýжiем обыдет тя и҆́стина Егò. Не убои́шися от стрáха нощнáго, от стрелы летя́щiя во дни; От вéщи во тме преходя́щiя, от сря́ща и бéса полýденнаго. Падéт от страны̀ твоея́ ты́сяща, и тма одеснýю тебè, к тебè же не прибли́жится; Обáче очи́ма твои́ма смóтриши, и воздаянiе грéшников ýзриши. Яко Ты, Гóсподи, уповáнiе моè, Вы́шняго положи́л есѝ прибéжище твоè. Не прiи́дет к тебè зло, и рáна не прибли́жится телесѝ твоемý; Яко Áнгелом Свои́м заповéсть о тебè, сохрани́ти тя во всех путéх твои́х. На рукáх вóзмут тя, да не когдà преткнéши о кáмень нóгу твою́; На áспiда и васiлíска настýпиши, и поперéши льва и змíя. Яко на Мя уповà, и избáвлю и҆̀: покры́ю и҆̀, я́ко познà и҆́мя Моè. Воззовéт ко Мне, и услышу егò: с ним есмь в скóрби, измý егò, и прослáвлю егò; Долготóю дней испóлню егò, и явлю́ емý спасéнiе Моè.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (трúжды)
Гóсподи, помúлуй. (3 рáза)
Тропáрь воскрéсный, глас 5: Собезначáльное Слóво Отцý и Дýхови, от Дéвы рóждшееся на Спасéнiе нáше, воспои́м, вéрнiи, и поклони́мся; я́ко благоволѝ Плóтiю взы́ти на Крест, и смерть претерпéти, и воскреси́ти умéршiя слáвным воскресéнiем Свои́м.
Слáва Отцý и Сы́ну и Святóму Дýху.
Тропáрь равноап. Марíи Магдалúны, глас 1: Хрїстý, нас рáди от Дéвы рóждшемуся, честнáя Магдали́но Марíе, послéдовала есѝ, Тогò оправдáнiя и закóны храня́щи. Тéмже днесь всесвятýю твою́ пáмять прáзднующе, грехóв разрешéнiе моли́твами твои́ми прiéмлем.
И ны́не и прúсно и во вéки векóв. Амúнь.
Богорóдичен 6‑го часà: Яко не и҆́мамы дерзновéнiя за премнóгiя грехѝ нáша, Ты И҆́же от Тебè Рóждшагося молѝ, Богорóдице Дéво: мнóго бо мóжет молéнiе Мáтернее ко благосéрдiю Владыки: не прéзри грéшных мольбы̀, Всечи́стая, яко ми́лостив есть и спастѝ могíй, И҆́же и страдáти о нас извóливый.
Скóро да предварят ны щедрóты Твоя, Гóсподи, яко обнищáхом зелò: помозѝ нам, Бóже Спáсе наш, слáвы рáди и҆́мене Твоегò; Гóсподи, избáви нас, и очи́сти грехѝ нáша, и҆́мене рáди Твоегò.
Посем Трисвятое по Отче наш
Свѧты́й Бóже, Свѧтый Крéпкїй, Свѧтый Безсмéртный, поми́луй нас. (3 рáза)
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Пресвѧтáѧ Трóице, помилуй нас, Гóсподи, очисти грехѝ нáшѧ, Владыко, простѝ беззакóнiя нáшѧ, Святы́й, посетѝ и исцелѝ нéмощи нáшѧ и҆́мене Твоегò рáди.
Гóсподи, поми́луй. (трúжды)
Слáва Ѻтцý и Сыну и Святóму Дýху, и ныне и при́сно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прїи́дет Цáрствїе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáшѧ, я́коже и мы оставля́ем должникóм нáшим. И не введѝ нас во искушéнїе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
КОНДAК
Кондáк Марíи Магдалúны, глас 3: Предстоя́щи, преслáвная, у Крестà Спáсова со ины́ми мнóгими, и Мáтери Госпóдни сострáждущи, и слéзы точáщи, сiè в похвалý приношáше, глагóлющи: что сiè есть стрáнное чýдо? Содержáй всю тварь пострадáти извóли. Слáва держáве Твоéй.
Гóсподи, помúлуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстè Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесà очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 рáза)
Слáва Ѻтцý и Сыну и Святóму Дýху, и ны́не и прúсно и во вéки векóв. Амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Таже молитва святаго Великаго Василия
Бóже и Гóсподи сил и всея́ твáри Содéтелю, И҆́же за милосéрдiе безприклáдныя ми́лости Твоея́ Единорóднаго Сы́на Твоегò, Гóспода нáшего Iисýса Хрїстà, низпослáвый на спасéнiе рóда нáшего, и честны́м Егò Крестóм рукописáнiе грех нáших растерзáвый, и победи́вый тем начáла и влáсти тьмы. Сам, Влады́ко Человеколю́бче, прiимѝ и нас, грéшных, благодáрственныя сiя и молéбныя моли́твы и избáви нас от вся́каго всегуби́тельнаго и мрáчнаго прегрешéнiя и всех озлóбити нас и҆́щущих ви́димых и неви́димых враг. Пригвоздѝ стрáху Твоемý плóти нáша и не уклонѝ сердéц нáших в словесà или помышлéнiя лукáвствiя, но любóвiю Твоéю уязвѝ дýши нáша, да, к Тебè всегдà взирáюще и éже от Тебè свéтом наставля́еми, Тебè, непристýпнаго и присносýщнаго зря́ще Свéта, непрестáнное Тебè исповéданiе и благодарéнiе возсылáем, Безначáльному Отцý со Единорóдным Твои́м Сы́ном и Всесвяты́м, и Благи́м, и Животворя́щим Твои́м Дýхом ны́не, и при́сно, и во вéки векóв, ами́нь.
И глагóлем зде изобрази́тельные. Áще кто хóщет глагóлет прéжде и девя́тый час.
ЧАС ДЕВЯТЫЙ
Прїиди́те, поклони́мся Царéви нáшему Бóгу.
Прїиди́те, поклони́мся и припадéм Хрїстý, Царéви нáшему Бóгу.
Прїиди́те, поклони́мся и припадéм Самомý Хрїстý, Царéви и Бóгу нáшему.
Псалом 83
Коль возлю́бленна селéнiя Твоя́, Гóсподи сил! Желáет и скончавáется душà моя́ во дворы̀ Госпóдни, сéрдце моè и плоть моя́ возрáдовастася о Бóзе жи́ве. И҆́бо пти́ца обрéте себè хрáмину, и гóрлица гнездò себè, идéже положи́т птенцы̀ своя́, олтарѝ Твоя́, Гóсподи сил, Царю́ мой и Бóже мой. Блажéни живýщiи в домý Твоéм, в вéки векóв восхвáлят Тя. Блажéн муж, емýже есть заступлéнiе егò у Тебè; восхождéнiя в сéрдце своéм положѝ, во юдóль плачéвную, в мéсто éже положѝ, и҆́бо благословéнiе даст законополагáяй. Пóйдут от си́лы в си́лу: яви́тся Бог богóв в Сióне. Гóсподи Бóже сил, услы́ши моли́тву мою́, внушѝ, Бóже Iáковль. Защи́тниче наш, виждь, Бóже, и при́зри на лицè хрiстà Твоегò. Я́ко лýчше день еди́н во двóрех Твои́х пáче ты́сящ: извóлих приметáтися в домý Бóга моегò пáче, нéже жи́ти ми в селéнiих грéшничих. Я́ко ми́лость и и҆́стину лю́бит Госпóдь Бог, благодáть и слáву даст, Госпóдь не лиши́т благи́х ходя́щих незлóбiем. Гóсподи Бóже сил, Блажéн человéк уповáяй на Тя.
Псалом 84
Благоволи́л есѝ, Гóсподи, зéмлю Твою́, возврати́л есѝ плен Iáковль: остáвил есѝ беззакóнiя людéй Твои́х, покрыл есѝ вся грехѝ и҆́х. Укроти́л есѝ весь гнев Твой, возврати́лся есѝ от гнéва я́рости Твоея́. Возвратѝ нас, Бóже спасéнiй нáших, и отвратѝ я́рость Твою́ от нас. Едà во вéки прогнéваешися на ны? Илѝ прострéши гнев Твой от рóда в род? Бóже, Ты обрáщься оживи́ши ны, и лю́дiе Твоѝ возвеселя́тся о Тебè. Явѝ нам, Гóсподи, ми́лость Твою, и спасéнiе Твоè даждь нам. Услышу, что речéт о мне Госпóдь Бог: яко речéт мир на люди Своя́, и на преподóбныя Своя́, и на обращáющыя сердцà к Немý. Обáче близ боя́щихся Егò спасéнiе Егò, всели́ти слáву в зéмлю нáшу. Ми́лость и и҆́стина сретóстеся, прáвда и мир облобызáстася. И҆́стина от землѝ возсiя́, и прáвда с Небесè прини́че, и҆́бо Госпóдь даст блáгость, и земля́ нáша даст плод свой. Прáвда пред Ним предъи́дет, и положи́т в путь стопы̀ своя́.
Псалом 85
Приклонѝ, Господи, ýхо Твоè, и услы́ши мя, яко нищ и убóг есмь аз. Сохранѝ дýшу мою, я́ко преподóбен есмь: спасѝ рабà Твоегò, Бóже мой, уповáющаго на Тя. Поми́луй мя, Гóсподи, яко к Тебè воззовý весь день. Возвесели дýшу рабà Твоегò, яко к Тебè взях дýшу мою. Яко Ты, Гóсподи, Благ и Крóток, и Многомилостив всем призывáющым Тя. Внуши, Гóсподи, молитву мою, и вонми глáсу молéнiя моегò. В день скóрби моея́ воззвáх к Тебè, я́ко услышал мя есѝ. Несть подóбен Тебè в бозéх, Гóсподи, и несть по делóм Твоим. Вси язы́цы, елики сотворил есѝ, прiидут и поклóнятся пред Тобóю, Гóсподи, и прослáвят имя Твоè, яко Вéлiй есѝ Ты, и творяй чудесà, Ты есѝ Бог един. Настáви мя, Гóсподи, на путь Твой, и пойдý во и҆́стине Твоéй; да возвеселится сéрдце моè боятися и҆́мене Твоегò. Исповéмся Тебè, Гóсподи Бóже мой, всем сéрдцем моим, и прослáвлю и҆́мя Твоè в век: яко милость Твоя вéлiя на мне, и избáвил еси дýшу мою́ от áда преиспóднейшаго. Бóже, законопрестýпницы востáша на мя, и сонм держáвных взыскáша дýшу мою́, и не предложи́ша Тебè пред собóю. И Ты, Гóсподи Бóже мой, Щéдрый и Ми́лостивый, Долготерпели́вый, и Многомилостивый и и҆́стинный, при́зри на мя и поми́луй мя, даждь держáву Твою óтроку Твоемý, и спасѝ сы́на рабы̀ Твоея́. Сотворѝ со мнóю знáменiе во блáго, и да ви́дят ненави́дящiи мя, и постыдя́тся, я́ко Ты, Гóсподи, помóгл ми и утéшил мя есѝ.
И пáки: Сотворѝ со мнóю знáменїе во блáго, и да ви́дят ненави́дящїи мя, и постыдя́тся, я́ко Ты, Гóсподи, помóгл ми и утéшил мя есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебѣ̀ Бóже. (трúжды)
Гóсподи, помúлуй. (3 рáза)
Тропáрь воскрéсный, глас 5: Собезначáльное Слóво Отцý и Дýхови, от Дéвы рóждшееся на Спасéнiе нáше, воспои́м, вéрнiи, и поклони́мся; я́ко благоволѝ Плóтiю взы́ти на Крест, и смерть претерпéти, и воскреси́ти умéршiя слáвным воскресéнiем Свои́м.
Слáва Отцý и Сы́ну и Святóму Дýху.
Тропáрь равноап. Марíи Магдалúны, глас 1: Хрїстý, нас рáди от Дéвы рóждшемуся, честнáя Магдали́но Марíе, послéдовала есѝ, Тогò оправдáнiя и закóны храня́щи. Тéмже днесь всесвятýю твою́ пáмять прáзднующе, грехóв разрешéнiе моли́твами твои́ми прiéмлем.
И ны́не и прúсно и во вéки векóв. Амúнь.
Богорóдичен 9‑го часà: И҆́же нас рáди рождéйся от Дéвы и распя́тiе претерпéв, Благíй, испровéргiй смéртiю смерть и воскресéнiе явлéй я́ко Бог, не прéзри, я́же создáл еси рукóю Твоéю. Явѝ человеколю́бiе Твоè, Ми́лостиве. Прiимѝ рóждшую Тя Богорóдицу, моля́щуюся за ны. И спасѝ, Спáсе наш, лю́ди отчáянныя.
Не предáждь нас до концà И҆́мене Твоегò рáди, и не разорѝ завéта Твоегò, и не отстáви ми́лости Твоея́ от нас Авраáма рáди, возлю́бленнаго от Тебè, и за Iсаáка, рабà Твоегò, и Iзрáиля, святáго Твоегò.
Посем Трисвятое по Отче наш
Свѧты́й Бóже, Свѧтый Крéпкїй, Свѧтый Безсмéртный, поми́луй нас. (3 рáза)
Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.
Пресвѧтáѧ Трóице, помилуй нас, Гóсподи, очи́сти грехѝ нáшѧ, Владыко, простѝ беззакóнiя нáшѧ, Святы́й, посетѝ и исцелѝ нéмощи нáшѧ и҆́мене Твоегò рáди.
Гóсподи, поми́луй. (трúжды)
Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.
Ѻ́тче нашъ, И҆́же есѝ на небесѣ́хъ. Да святи́тся И҆́мя Твоè, да прїи́детъ Цáрствїе Твоè, да бýдет вóля Твоѧ̀, ꙗ҆́ко на небесѝ и на землѝ. Хлѣбъ нашъ насýщный даждь намъ днесь, и остáви нам дóлги нáшѧ, я́коже и мы оставлѧ́емъ должникóмъ нáшимъ. И не введѝ нас во искушéнїе, но избáви нас от лукáваго.
Гóсподи, Iисýсе Хрїстè, Сыне Бóжїй, поми́луй нас. Ами́нь.
КОНДAК
Кондáк воскрéсный, глас 5: Ко áду, Спáсе мой, сошéл есù, и вратà сокрушúвый я́ко всесúлен, умéрших, я́ко Создáтель, совоскресúл есù, и смéрти жáло сокрушúл есù, и Адáм от кля́твы избáвлен бысть, Человеколю́бче; тéмже вси зовéм: спасù нас, Гóсподи.
Гóсподи, помúлуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстè Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесà очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословᴎ́.
Моли́твами святых отéц нáших, Гóсподи Iисýсе Хрїстè, Бóже наш, поми́луй нас, ами́нь.
И молитву сию Великаго Василия
Влады́ко Гóсподи, Iисýсе Хрїстè, Бóже наш, долготерпéвый о нáших согрешéнiих и дáже до ны́нешняго часá привeды́й нас, вóньже, на Животворя́щем Дрéве ви́ся, благоразýмному разбóйнику и҆́же в рай путесотвори́л есѝ вход и смéртiю смерть разруши́л есѝ: очи́сти нас, грéшных и недостóйных раб Твои́х, согреши́хом бо и беззакóнновахом и нéсмы достóйни возвестѝ очесà нáша и воззрéти на высотý Небéсную, занè остáвихом путь прáвды Твоея́ и ходи́хом в вóлях сердéц нáших. Но мóлим Твою́ безмéрную блáгость: пощадѝ нас, Гóсподи, по мнóжеству ми́лости Твоея́, и спасѝ нас И҆́мене Твоегò рáди святáго, яко исчезóша в суетè днíе нáши, измѝ нас из рукѝ сопроти́внаго, и остáви нам грехѝ нáша, и умертви́ плотскóе нáше мудровáнiе, да, вéтхаго отложи́вше человéка, в нóваго облецéмся и Тебè поживéм, нáшему Влады́це и Благодéтелю. И тáко, Твои́м послéдующе повелéнiем, в вéчный покóй дости́гнем, идéже есть всех веселя́щихся жили́ще. Ты бо есѝ вои́стинну и҆́стинное весéлiе и рáдость лю́бящих Тя, Хрїстè Бóже наш, и Тебè слáву возсылáем со Безначáльным Твои́м Отцéм, и Пресвяты́м, и Благи́м, и Животворя́щим Твои́м Дýхом, ны́не, и при́сно и во вéки векóв, ами́нь.
И глагóли обéдницу