Неделя 6 по Пятидесятнице, равноап. Марии Магдалины. Глас 5. ВСЕНОЩНОЕ БДЕНИЕ ВЕЛИКАЯ ВЕЧЕРНЯ
4 áвгуста 2024 гóда. Недéля 6 по Пятидеся́тнице. Святы́я миронóсицы и равноапóстольныя Марíи Магдалúны. Глас 5. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездè сый и вся исполня́яй, Сокрóвище благи́х и жи́зни Подáтелю, прiидѝ и всели́ся в ны, и очи́сти ны от вся́кiя сквéрны, и спасѝ, Блáже, Дýшы нáшя.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáшя, Влады́ко, простѝ беззакóнiя нáша, Святы́й, посетѝ и исцелѝ нéмощи нáшя и҆́мене Твоегò рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáшя, я́коже и мы оставля́ем должникóм нáшым. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Стiхù избрáннiи: Благословѝ, душè моя́, Гóспода./ Благословéн есѝ, Гóсподи./ Гóсподи, Бóже мой, возвели́чился есѝ зелò./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредè гор прóйдут вóды./ Ди́вна делà Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благословѝ, душè моя, Гóспода. Гóсподи, Бóже мой, возвеличился есѝ зелò. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своè, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегò побéгнут, от глáса грóма Твоегò убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижè обратя́тся покры́ти зéмлю. Посылáяй истóчники в дéбрех, посредè гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды̀ кáменiя дадя́т глас. Напая́яй гóры от превы́спренних Свои́х, от плодà дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винò весели́т сéрдце человéка, умáстити лицè елéем, и хлеб сéрдце человéка укрепи́т. Насы́тятся древà польскáя, кéдри Лiвáнстiи, и҆́хже есѝ насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временà, сóлнце познà зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себè. Возсiя́ сóлнце и собрáшася и в лóжах свои́х ля́гут. Изы́дет человéк на дéло своè и на дéланiе своè до вéчера. Яко возвели́чишася делà Твоя́, Гóсподи, вся премýдростiю сотвори́л есѝ, испóлнися земля́ твáри Твоея́. Сiè мóре вели́кое и прострáнное, тáмо гáди, и҆́мже несть числà, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебè чáют, дáти пи́щу им во блáго врéмя. Дáвшу Тебè им соберýт, отвéрзшу Тебè рýку вся́ческая испóлнятся блáгости, отврáщшу же Тебè лицè, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегò, и сози́ждутся, и обнови́ши лицè землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животè моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душè моя́, Гóспода. Сóлнце познà зáпад свой. Положи́л есѝ тму, и бысть нощь. Яко возвели́чишася делà Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читáем кафíсму 1-ю лúбо 1-ю cтатiю(«Блажéн муж» - 1-й антiфóн.)
Псалом 1
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгò, и в закóне Егò поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своè, и лист eгò не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицà землѝ. Сегò рáди не воскрéснут нечести́вiи на суд, нижè грéшницы в совéт прáведных. Яко весть Госпóдь путь прáведных, и путь нечести́вых поги́бнет.
Псалом 2
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстà Егò. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдà возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негò над Сióном, горóю святóю Егò, возвещáяй повелéнiе Госпóдне. Госпóдь речè ко Мне: Сын Мой еси Ты, Аз днесь роди́х Тя. Просѝ от Менè, и дам Ти язы́ки достоя́нiе Твоè, и одержáнiе Твоè концы̀ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдà прогнéвается Госпóдь и поги́бнете от путѝ прáведнаго, егдà возгори́тся вскóре я́рость Егò. Блажéни вси надéющiися Нань.
Псалом 3
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгò. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы̀ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоè.
Чтец: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (3 рáза)
Псалом 4
[Псалом 4]Внегдà призвáти ми, услы́ша мя Бог прáвды моея́, в скóрби распространи́л мя есѝ, ущéдри мя и услы́ши моли́тву мою́. Сы́нове человéчестiи, докóле тяжкосéрдiи? Вскýю лю́бите суетý и и́щете лжи? И увéдите, я́ко удивѝ Госпóдь преподóбнаго Своегò: Госпóдь услы́шит мя, внегдà воззвáти ми к Немý. Гнéвайтеся, и не согрешáйте, я́же глагóлете в сердцáх вáших, на лóжах вáших умили́теся. Пожри́те жéртву прáвды и уповáйте на Гóспода. Мнóзи глагóлют: кто яви́т нам благáя? Знáменася на нас свет лицà Твоегò, Гóсподи. Дал есѝ весéлiе в сéрдце моéм: от плодà пшени́цы, винà и елéа своегò умнóжишася. В ми́ре вкýпе уснý и почíю, я́ко Ты, Гóсподи, еди́наго на уповáнiи всели́л мя есѝ.
Псалом 5
[Псалом 5]Глагóлы моя́ внушѝ, Гóсподи, разумéй звáнiе моè. Вонмѝ глáсу молéнiя моегò, Царю́ мой и Бóже мой, я́ко к Тебè помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Я́ко Бог не хотя́й беззакóнiя, Ты есѝ: не присели́тся к Тебè лукáвнуяй, нижè пребýдут беззакóнницы пред очи́ма Твои́ма: возненави́дел есѝ вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг мои́х рáди испрáви пред Тобóю путь мой. Я́ко несть во устéх их и́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, я́ко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебè лю́бящiи и́мя Твоè. Я́ко Ты благослови́ши прáведника, Гóсподи: я́ко орýжiем благоволéнiя венчáл есѝ нас.
Псалом 6
[Псалом 6]Гóсподи, да не яростiю Твоéю обличи́ши менè, нижè гнéвом Твои́м накáжеши менè. Поми́луй мя, Гóсподи, яко нéмощен есмь, исцелѝ мя, Гóсподи, я́ко смятóшася кóсти моя́. И душà моя́ смятéся зелò: и Ты, Гóсподи, докóле? Обрати́ся, Гóсподи, избáви дýшу мою́: спасѝ мя рáди ми́лости Твоея́. Яко несть в смéрти поминáяй Тебè: во áде же кто исповéстся Тебè? Утруди́хся воздыхáнiем мои́м, измы́ю на вся́ку нощь лóже моè, слезáми мои́ми постéлю мою́ омочý. Смятéся от я́рости óко моè, обетшáх во всех вразéх моих. Отступи́те от менè, вси дéлающiи беззакóнiе, я́ко услы́ша Госпóдь глас плáча моегò: услы́ша Госпóдь молéнiе моè, Госпóдь моли́тву мою́ прiя́т. Да постыдя́тся и смятýтся вси вразѝ моѝ, да возвратя́тся и устыдя́тся зелò вскóре.
Чтец: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (3 рáза)
Псалом 7
[Псалом 7]Гóсподи Бóже мой, на Тя уповáх, спасѝ мя от всех гоня́щих мя и избáви мя: да не когдà похи́тит я́ко лев дýшу мою́, не сýщу избавля́ющу, нижè спасáющу. Гóсподи Бóже мой, áще сотвори́х сiè, áще есть непрáвда в рукý моéю, áще воздáх воздаю́щим ми зла, да отпадý ýбо от враг мои́х тощ. Да поженéт ýбо враг дýшу мою́ и да пости́гнет, и поперéт в зéмлю живóт мой, и слáву мою́ в персть всели́т. Воскреснѝ, Гóсподи, гнéвом Твои́м, вознеси́ся в концáх враг Твои́х, и востáни, Гóсподи Бóже мой, повелéнiем, и́мже заповéдал есѝ. И сонм людéй обы́дет Тя, и о том на высотý обрати́ся. Госпóдь сýдит лю́дем: судѝ ми, Гóсподи, по прáвде моéй, и по незлóбе моéй на мя. Да скончáется злóба грéшных, и испрáвиши прáведнаго, испытáяй сердцà и утрóбы, Бóже, прáведно. Пóмощь моя́ от Бóга, спасáющаго прáвыя сéрдцем. Бог суди́тель прáведен и крéпок, и долготерпели́в, и не гнев наводя́й на всяк день. Áще не обратитéся, орýжiе Своè очи́стит, лук Свой напряжè и уготóва и́ и в нем уготóва сосýды смéртныя, стрéлы Своя́ сгарáемым содéла. Се болè непрáвдою, зачáт болéзнь, и роди́ беззакóнiе: ров изры̀, и ископà и҆̀, и падéт в я́му, ю́же содéла. Обрати́тся болéзнь eгò на главý eгò, и на верх eгò непрáвда eгò сни́дет. Исповéмся Гóсподеви по прáвде Егò и пою́ и́мени Гóспода Вы́шняго.
Псалом 8
[Псалом 8]Гóсподи, Госпóдь наш, я́ко чýдно и́мя Твоè по всей землѝ, я́ко взя́тся великолéпiе Твоè превы́ше небéс. Из уст младéнец и ссýщих соверши́л есѝ хвалý, враг Твои́х рáди, éже разруши́ти врагà и мéстника. Я́ко узрю́ небесà, делà перст Твои́х, лунý и звéзды, я́же Ты основáл есѝ. Что есть человéк, я́ко пóмниши eгò? илѝ сын человéчь, я́ко посещáеши eгò? Умáлил есѝ eгò мáлым чим от áнгел, слáвою и чéстiю венчáл есѝ eгò. И постáвил есѝ eгò над дéлы рукý Твоéю, вся покори́л есѝ под нóзе eгò. О́вцы и волы̀ вся, ещè же и скоты̀ польскíя, пти́цы небéсныя, и ры́бы морскíя, преходя́щiя стезѝ морскíя. Гóсподи, Госпóдь наш, я́ко чýдно и́мя Твоè по всей землѝ.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоè.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебè Бóже. (трúжды)
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 5
Хор: Гóсподи, воззвáх к Тебè, услы́ши мя./ Услы́ши мя, Гóсподи./ Гóсподи, воззвáх к Тебè, услы́ши мя:/ вонмѝ глáсу молéнія моегò,/ внегдà воззвáти ми к Тебè./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моè в словесà лукáвствiя, непщевáти вины̀ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы̀ моея́, я́ко ещè и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебè, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моè, печáль мою́ пред Ним возвещý. Внегдà исчезáти от менè дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менè: поги́бе бéгство от менè, и несть взыскáяй дýшу мою́. Воззвáх к Тебè, Гóсподи, рех: Ты есѝ уповáнiе моè, часть моя́ есѝ на землѝ живы́х. Вонмѝ молéнiю моемý, я́ко смири́хся зелò, избáви мя от гоня́щих мя, я́ко укрепи́шася пáче менè.
На 10 Чтец: Изведù из темнúцы дýшу мою́,// исповéдатися úмени Твоемý.
Стiхúры воскрéсные, глас 5: Честны́м Твои́м Крестóм, Хрїстè,/ дiáвола посрами́л есѝ,/ и Воскресéнiем Твои́м жáло грехóвное притупи́л есѝ,/ и спасл есѝ ны от врат смéртных:// слáвим Тя, Единорóдне.
Менè ждут прáведницы,// дóндеже воздáси мне.
Стiхúра: Воскресéнiе дая́й рóду человéческому,/ я́ко овчà на заколéнiе ведéся,/ устраши́шася сегò кня́зи áдстiи,/ и взя́шася вратà плачéвная./ Вни́де бо Царь слáвы Хрїстóс,/ глагóля сýщым во ýзах, изыди́те:// и сýщым во тьме, откры́йтеся.
На 8. Стiх: Из глубины̀ воззвáх к Тебè, Гóсподи,// Гóсподи, услы́ши глас мой.
Стiхúра: Вéлiе чýдо,/ неви́димых Содéтель, за человеколю́бiе плóтiю пострадáв,/ воскрéсе Безсмéртный./ Прiиди́те отéчествiя язы́к, Томý поклони́мся:/ благоутрóбiем бо Егò от прéлести избáвльшеся,// в Трiéх Ипостáсех Еди́наго Бóга пéти навыкóхом.
Да бýдут ýши Твоù// внéмлюще глáсу молéнiя моегò.
И҆́ны стiхúры анатóлiевы: Вечéрнее поклонéнiе/ принóсим Тебè, Невечéрнему Свéту,/ на конéц векóв, я́ко в зерцáле плóтiю возсiя́вшему мíрови,/ и дáже до áда низшéдшему,/ и тáмо сýщую тьму разруши́вшему,/ и свет Воскресéнiя язы́ком показáвшему:// Светодáвче Гóсподи, слáва Тебè.
На 6.Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.
Стiхúры Марíи Магдалúны, глас 8: Ми́ро со слезáми нося́щи,/ Магдали́ни Марíе,/ Божéственнаго грóба дости́гши,/ и слáвы Áнгела узрéла есѝ,/ возвещáющаго Животодáвца Божéственное востáнiе/ и всех избавлéнiе./ Тéмже единонáдесятим возвести́ти потщáлася есѝ,/ рáдостно глагóлющи:// взыгрáйте, Хрїстóс востáл есть.
И҆́мене рáди Твоегò потерпéх Тя, Гóсподи, потерпè душà моя́ в слóво Твоè,// уповà душà моя на Гóспода.
Стiхúра: Ми́ро со слезáми нося́щи,/ Магдали́ни Марíе,/ Божéственнаго грóба дости́гши,/ и слáвы Áнгела узрéла есѝ,/ возвещáющаго Животодáвца Божéственное востáнiе/ и всех избавлéнiе./ Тéмже единонáдесятим возвести́ти потщáлася есѝ,/ рáдостно глагóлющи:// взыгрáйте, Хрїстóс востáл есть.
На 4.Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Служáщи, прехвáльная,/ нас рáди по нам бы́вшему Хрїстý Бóгу/ и непрестáнными сiя́нiи/ дýшу и мысль разжéгши,/ свет былà есѝ./ Егóже ви́девши, на Крестè ви́сяща,/ стрáнное видéнiе, - глагóлала есѝ, слезя́щи, -/ кáко Жизнь смерть вóльную// ны́не прiéмлет?
Яко у Гóспода мúлость, и мнóгое у Негò избавлéнiе,// и Той избáвит Iзрáиля от всех беззакóнiй eгò.
Стiхúра: Служáщи, прехвáльная,/ нас рáди по нам бы́вшему Хрїстý Бóгу/ и непрестáнными сiя́нiи/ дýшу и мысль разжéгши,/ свет былà есѝ./ Егóже ви́девши, на Крестè ви́сяща,/ стрáнное видéнiе, - глагóлала есѝ, слезя́щи, -/ кáко Жизнь смерть вóльную// ны́не прiéмлет?
На 2.Стiх: Хвалúте Гóспода вси язы́цы, похвалúте Егò вси лю́дiе.
Пáмять твою́ свящéнную совершáем,/ учи́вшаяся у Хрїстà/ и Тогò повелéнiя/ проповéдавшая, всеслáвная,/ душáм на избавлéнiе,/ и мощéй твои́х рáку, Марíе, вéрою облобызáем,/ источáющую благодáть неоскýдную и просвещéнiе// любóвiю притекáющим, Богоблажéнная.
Яко утвердúся мúлость Егò на нас,// и и҆́стина Госпóдня пребывáет во век.
Пáмять твою́ свящéнную совершáем,/ учи́вшаяся у Хрїстà/ и Тогò повелéнiя/ проповéдавшая, всеслáвная,/ душáм на избавлéнiе,/ и мощéй твои́х рáку, Марíе, вéрою облобызáем,/ источáющую благодáть неоскýдную и просвещéнiе// любóвiю притекáющим, Богоблажéнная.
Слáва Отцý и Сы́ну и Святóму Дýху.
Глас 6 (Анатóлiево): Пéрвее ви́девши Божéственное воскресéнiе,/ Марíе Магдали́ни,/ Пéрваго благи́х Винóвника,/ нáше благосéрдно естествò обожи́вшаго,/ пéрвая и благовéстница яви́лася есѝ,/ вопiю́щи апóстолом:/ печáль отложи́вше,/ благодýшiе воспрiими́те/ и прiиди́те, узри́те Хрїстà воскрéсшаго// и мíру подаю́щаго вéлiю ми́лость.
И ны́не и прúсно и во вéки векóв, амúнь.
Догмáтик. Глас 5: В Чермнéм мóри,/ Неискусобрáчныя Невéсты óбраз написáся иногдà:/ тáмо Моисéй, раздели́тель воды̀:/ зде же Гаврiи́л, служи́тель чудесè./ Тогдà глубинý шéствова немóкренно Iзрáиль;/ ны́не же Хрїстà родѝ безсéменно Дéва./ Мóре по прошéствiи Iзрáилеве пребы́сть непрохóдно;/ Непорóчная по Рождествè Эмманýилеве пребы́сть Нетлéнна./ Сый, и прéжде Сый,/ явлéйся, я́ко Человéк,// Бóже поми́луй нас.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцà Небéснаго, Святáго, Блажéннаго, Iисýсе Хрїстè! Пришéдше на зáпад сóлнца, ви́девше свет вечéрнiй, поéм Ѻтцà, Сы́на и Святáго Дýха, Бóга. Достóин есѝ во вся временà пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утвердѝ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
ПАРИМИИ
Чтец: Собóрнаго послáнiя Iоáннова чтéнiе.
(Из глав 3 и 4): Возлю́бленнiи, áще сéрдце нáше не зáзрит нам, дерзновéнiе и҆́мамы к Бóгу. И Егóже áще прóсим, прiéмлем от Негó, я́ко зáповеди Егó соблюдáем и угóдная пред Ним твори́м. И сiя́ есть зáповедь Егó: да вéруем во И҆́мя Сы́на Егó Iисýса Хрiстá и лю́бим друг дрýга, я́коже дал есть зáповедь нам. И соблюдáяй зáповеди Егó, в Нем пребывáет, и Той в нем, и о сем разумéем, я́ко пребывáет в нас, от Дýха, Егóже дал есть нам. Возлю́бленнiи, не вся́кому дýху вéруйте, но искушáйте дýхи, áще от Бóга суть, я́ко мнóзи лжепрорóцы изыдóша в мiр. О сем познавáйте Дýха Бóжiя и дýха лéстча: всяк дух, и҆́же исповéдует Iисýса Хрiстá, во плóти пришéдша, от Бóга есть. И всяк дух, и҆́же не исповéдует Iисýса Хрiстá, во плóти пришéдша, от Бóга несть, и сей есть антíхрiстов, егóже слы́шасте, я́ко грядéт, и ны́не в мíре есть ужé. Вы от Бóга естé, чáдца, и победи́сте тех, я́ко бóлiй есть, и҆́же в вас, нéжели и҆́же в мíре. Они́ от мíра суть, сегó рáди от мíра глагóлют, и мiр тех послу́шает. Мы от Бóга есмы́: и҆́же знáет Бóга, послýшает нас, и и҆́же несть от Бóга, не послýшает нас.
[Cинодальный перевод]Возлюбленные! если сердце наше не осуждает нас, то мы имеем дерзновение к Богу, и, чего ни попросим, получим от Него, потому что соблюдаем заповеди Его и делаем благоугодное пред Ним. А заповедь Его та, чтобы мы веровали во имя Сына Его Иисуса Христа и любили друг друга, как Он заповедал нам. И кто сохраняет заповеди Его, тот пребывает в Нем, и Он в том. А что Он пребывает в нас, узнаем по духу, который Он дал нам. Возлюбленные! не всякому духу верьте, но испытывайте духов, от Бога ли они, потому что много лжепророков появилось в мире. Духа Божия и духа заблуждения узнавайте так: всякий дух, который исповедует Иисуса Христа, пришедшего во плоти, есть от Бога; а всякий дух, который не исповедует Иисуса Христа, пришедшего во плоти, не есть от Бога, но это дух антихриста, о котором вы слышали, что он придет и теперь есть уже в мире. Дети! вы от Бога, и победили их; ибо Тот, Кто в вас, больше того, кто в мире. Они от мира, потому и говорят по-мирски, и мир слушает их. Мы от Бога; знающий Бога слушает нас; кто не от Бога, тот не слушает нас.(1Ин.3:21-4:6)
Чтец: Собóрнаго послáнiя Iоáннова чтéнiе.
(Из главы 4) Возлю́бленнiи, áще си́це возлюби́л есть нас Бог, и мы дóлжны есмы́ друг дрýга люби́ти. Бóга никтóже нигдéже ви́де. Áще друг дрýга лю́бим, Бог в нас пребывáет, и любы́ Егó совершéнна есть в нас. О сем разумéем, я́ко в Нем пребывáем и Той в нас, я́ко от Дýха Своегó дал есть нам. И мы ви́дехом и свидéтельствуем, я́ко Отéц послá Сы́на Спаси́теля мíру. И́же áще исповéсть, я́ко Iисýс есть Сын Бóжiй, Бог в нем пребывáет, и той в Бóзе. И мы познáхом и вéровахом любóвь, ю́же и҆́мать Бог в нас Бог любы́ есть, и пребывáяй в любви́ в Бóзе пребывáет, и Бог в нем пребывáет.
[Cинодальный перевод]Возлюбленные! если так возлюбил нас Бог, то и мы должны любить друг друга. Бога никто никогда не видел. Если мы любим друг друга, то Бог в нас пребывает, и любовь Его совершенна есть в нас. Что мы пребываем в Нем и Он в нас, узнаем из того, что Он дал нам от Духа Своего. И мы видели и свидетельствуем, что Отец послал Сына Спасителем миру. Кто исповедует, что Иисус есть Сын Божий, в том пребывает Бог, и он в Боге. И мы познали любовь, которую имеет к нам Бог, и уверовали в нее. Бог есть любовь, и пребывающий в любви пребывает в Боге, и Бог в нем.(1Ин 4:11-16)
Чтец: Собóрнаго послáнiя Iоáннова чтéнiе.
(Из глав 4,5) Возлю́бленнiи, áще кто речéт, я́ко люблю́ Бóга, а брáта своегó ненави́дит, ложь есть: и҆́бо не любя́й брáта своегó, егóже ви́де, Бóга, Егóже не ви́де, кáко мóжет люби́ти? И сiю́ зáповедь и҆́мамы от Негó, да любя́й Бóга лю́бит и брáта своегó. Всяк, вéруяй, я́ко Iисýс есть Хрiстóс, от Бóга рождéн есть, и всяк, любя́й Рóждшаго, лю́бит и Рождéннаго от Негó. О сем вéмы, я́ко лю́бим чáда Бóжiя, егдá Бóга лю́бим и зáповеди Егó соблюдáем. Сiя́ бо есть любы́ Бóжiя, да зáповеди Егó соблюдáем, и зáповеди Егó тя́жки не суть. Я́ко всяк, рождéнный от Бóга, побеждáет мiр, и сiя́ есть побéда, побéждшая мiр, вéра нáша. Кто есть побеждáяй мiр, тóкмо вéруяй, я́ко Iисýс, есть Сын Бóжiй?
[Cинодальный перевод]Возлюбленные! если кто говорит: «я люблю Бога», а брата своего ненавидит, тот лжец: ибо не любящий брата своего, которого видит, как может любить Бога, Которого не видит? И мы имеем от Него такую заповедь, чтобы любящий Бога любил и брата своего. Всякий верующий, что Иисус есть Христос, от Бога рожден, и всякий, любящий Родившего, любит и Рожденного от Него. Что мы любим детей Божиих, узнаем из того, когда любим Бога и соблюдаем заповеди Его. Ибо это есть любовь к Богу, чтобы мы соблюдали заповеди Его; и заповеди Его нетяжки. Ибо всякий, рожденный от Бога, побеждает мир; и сия есть победа, победившая мир, вера наша. Кто побеждает мир, как не тот, кто верует, что Иисус есть Сын Божий? (1Ин.4:20-5:5)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехà сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоè во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебè подобáет хвалà. Тебè подобáет пéнiе,/ Тебè слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Богорóдичные стiхúры Пáвла Аморрéйскаго, глас 5: Престóл Херувíмскiй вои́стинну,/ я́ко Превы́шши твáрей бы́вши:/ в Тебé бо Бóжiе Слóво,/ наш зрак наздáти хотя́,/ всели́ся, и прошéд с плóтiю из Тебé, Всечи́стая:/ Крéстную же страсть нас рáди воспрiя́т,/ и Воскресéнiе я́ко Бог даровá измéншемуся нáшему осуждéнному естествý,/ тем, я́ко Содéтелю,/ Сы́ну Твоемý мóлимся, Богомáти,// улучи́ти прощéнiе и ми́лость в час сýдный.
Что Твою́, Богороди́тельнице Чи́стая, нарекý Цéрковь Богослáвную?/ Вертогрáд Едéмскiй именýю,/ и Нóев, Чи́стая, ковчéг прорекý,/ спáсшiй Бóгу цáрское свящéнiе,/ весь свят язы́к, Хрїстá Бóга нáшего собóр:/ Моисéову же кiвóту уподобля́ю Тя,/ в нéмже очисти́лище и жезл прозя́бшiй,/ в нéмже свéщник и рýчка, кади́льница всезлатáя,// вóньже прибегáет всяк вéрный и испрошáет вéлiю ми́лость.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Еди́на безнадéжных Надéждо,/ безпомóщным готóвая Пóмоще,/ ми́лости Рóждшая Воли́теля Iисýса,/ мою́ поми́луй ны́не нéмощь, Чи́стая,/ и подáждь ми помыслóм умилéнiе./ Струя́ми слез сáмых согрешéнiй мои́х,/ непобеди́мую потопи́ пучи́ну:/ отжени́ безмéрных мои́х страстéй бýрю:/ и испóлни тишины́ Божéственныя смущéнное сéрдце моé,/ Хрїстá моля́щи,// подáти ми согрешéнiй совершéнное оставлéнiе.
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúра воскрéсная, глас 5): Тебè, Воплощéннаго Спáса Хрїстà,/ и Небéс неразлучи́вшася,/ во глáсех пéнiй величáем,/ я́ко Крест и смерть прiя́л есѝ за род наш,/ я́ко Человеколю́бец Госпóдь,/ испровéргiй áдова вратà,/ триднéвно воскрéсл есѝ,// спасáя дýши нáша.
Стiх: Госпóдь воцарúся, в лéпоту облечéся.
И҆́ны по алфавúту, глас 5: Прободéным Твои́м рéбром, Жизнодáвче,/ тóки оставлéнiя всем источи́л есѝ,/ жи́зни и спасéнiя:/ плóтiю же смерть воспрiя́л есѝ,/ безсмéртiе нам дáруя./ Всели́в же ся во гроб нас свободи́л есѝ,/ совоскреси́в с Собóю слáвно, я́ко Бог./ Сегò рáди вопiéм:// Человеколю́бче Гóсподи, слáва Тебè.
Стiх: И҆́бо утвердù вселéнную,/ я́же не подвúжется.
Стрáнно Твоè распя́тiе,/ и éже во ад сошéствiе, Человеколю́бче, есть:/ плени́в бо егò, и дрéвнiя ю́зники совоскреси́в с Собóю слáвно, я́ко Бог,/ рай отвéрз, воспрiя́ти сегò сподóбил есѝ./ Тéмже и нам, слáвящим Твоè триднéвное Востáнiе,/ дáруй очищéнiе грехóв:/ рая́ жи́тели сподобля́я,// я́ко Еди́н Благоутрóбен.
Стiх: Дóму Твоемý подобáет святы́ня, Гóсподи,/ в долготý днiй.
Нас рáди плóтiю страсть прiи́мый,/ и триднéвен из мéртвых воскресы́й,/ плотскíя нáша стрáсти исцелѝ,/ и возстáви от прегрешéнiй лю́тых,// Человеколю́бче, и спасѝ нас.
Слáва Ѻтцý и Сы́ну и Святóму Дýху.
Стiхúра Марíи Магдалúны, глас 8 (византíево): Вóлею обнищáвшему нищетóю моéю/ премнóгим благоутрóбiем Хрiсту́ Бóгу,/ Магдали́ни Марíя, я́ко учени́ца вéрно послужи́вши,/ на Дрéве простéрта и во грóбе затворéна ви́девши,/ вопiя́ше, слéзы точáщи:/ что стрáнное видéнiе?/ И́же мéртвыя Животворя́й, ка́ко мертв вменя́ется?/ Кíя ми́ры принесу́ Измени́вшему мя смрáда дéмонскаго?/ Кíя слéзы пролiю́ от слез Измени́вшему мою́ прамáтерь?/ Но, о вся́ческих Царю́!/ Я́коже вертогрáда храни́тель яви́лся еси́,/ росóю Твои́х глагóл вар отъéм, рек к ней:/ к Мои́м брáтiям шéдши,/ благовéщенiя рáдость возопíй,/ восхожду́ бо ко Отцу́ и Бóгу Моему́ и Бóгу вáшему,// я́ко да подáм мíру вéлiю ми́лость.
И ны́не и прúсно и во вéки векóв, амúнь.
Богорóдичен воскрéсен, глас 8 (по глáсу «Слáвы»): Безневéстная Дéво,/ Я́же Бóга неизречéнно зачéнши плóтiю,/ Мáти Бóга Вы́шняго,/ Твои́х рабóв мольбы̀ прiимѝ, Всенепорóчная,/ всем подаю́щи очищéнiе прегрешéнiй:/ ны́не нáша молéнiя прiéмлющи,// молѝ спасти́ся всем нам.
Молитва святаго Симеона Богоприимца
Ны́не отпущáеши рабà Твоегò, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоè,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáшя, Влады́ко, простѝ беззакóнiя нáша, Святы́й, посетѝ и исцелѝ нéмощи нáшя и҆́мене Твоегò рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáшя, я́коже и мы оставля́ем должникóм нáшым. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегò,// яко Спáса родилà есù душ нáших.(Двáжды)
Тропáрь равноап. Марíи Магдалúны, глас 1: Хрїстý, нас рáди от Дéвы рóждшемуся,/ честнáя Магдалúно Марíе, послéдовала есù,/ Тогò оправдáнiя и закóны храня́щи./ Тéмже днесь всесвятýю твою́ пáмять прáзднующе,/ грехóв разрешéнiе/ молúтвами твоúми прiéмлем.
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практике пропускается]/ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
И глаголи ýтреню