Среда четвертой седмицы по ПАСХЕ. ПРЕПОЛОВЕНИЕ ПЯТИДЕСЯТНИЦЫ. УТРЕНЯ. КАНОН. Служба мирским чином
29 мáя 2024 гóда. Средà 4-й седмúцы по Пáсхе. Преполовéнiе Пятидеся́тницы. Глас 3. Cлýжба для домáшнего (келéйнаго) совершéнiя. Слýжба совершáется по Трióди. Слýжба мiрскúм чúном. Послéдованiе ýтрени (канóн)
Начало зри здесь ( велúкая вечéрня) и здесь ( ýтреня)
Псалом 82
Бóже, кто уподóбится Тебè? Не премолчѝ нижè укротѝ, Бóже. Я́ко се вразѝ Твоѝ возшумéша, и ненави́дящiи Тя воздвигóша главý. На лю́ди Твоя́ лукáвноваша вóлею, и совещáша на святы́я Твоя́. Рéша: прiиди́те и потреби́м я́ от язы́к, и не помянéтся и́мя Iзрáилево ктомý. Я́ко совещáша единомышлéнiем вкýпе, на Тя завéт завещáша: селéнiя Iдумéйска, и Iсмáилiте, Моáв и Агáряне: Гевáл и Аммóн и Амали́к, иноплемéнницы с живýщими в Ти́ре, и́бо и Ассýр прiи́де с ни́ми, бы́ша в заступлéнiе сыновóм Лóтовым. Сотворѝ им я́ко Мадiáму и Сiсáре, я́ко Iавíму в потóце Кíссове. Потреби́шася во Аендóре, бы́ша я́ко гной земны́й. Положѝ кня́зи их, я́ко Ори́ва и Зи́ва, и Зевéа и Салмáна, вся кня́зи их, и́же рéша: да наслéдим себè святи́лище Бóжiе. Бóже мой, положѝ я́ я́ко кóло, я́ко трость пред лицéм вéтра. Я́ко огнь попаля́яй дубрáвы, я́ко плáмень пожигáяй гóры, тáко поженéши я́ бýрею Твоéю, и гнéвом Твои́м смятéши я́. Испóлни ли́ца их безчéстiя, и взы́щут и́мене Твоегò, Гóсподи. Да постыдя́тся и смятýтся в век вéка, и посрáмятся и поги́бнут. И да познáют, я́ко и́мя Тебè Госпóдь, Ты еди́н Вы́шнiй по всей землѝ.
Псалом 83
Коль возлюбленна селéнiя Твоя́, Гóсподи сил! Желáет и скончавáется душá моя́ во дворы́ Госпóдни, сéрдце моé и плоть моя́ возрáдовастася о Бóзе живе. И҆́бо птица обрéте себé хрáмину, и гóрлица гнездó себé, идéже положи́т птенцы своя́, олтарѝ Твоя, Гóсподи сил, Царю мой и Бóже мой. Блажéни живýщiи в домý Твоéм, в вéки векóв восхвáлят Тя. Блажéн муж, eмýже есть заступлéнiе eго у Тебé; восхождéнiя в сéрдце своéм положѝ, во юдóль плачéвную, в мéсто éже положѝ, и҆́бо благословéнiе даст законополагáяй. Пóйдут от си́лы в си́лу: яви́тся Бог богóв в Сióне. Гóсподи Бóже сил, услыши моли́тву мою, внушѝ, Бóже Iáковль. Защи́тниче наш, виждь, Бóже, и при́зри на лицé хрiстá Твоегó. Яко лýчше день еди́н во двóрех Твои́х пáче тысящ: извóлих приметáтися в домý Бóга моегó пáче, нéже жи́ти ми в селéнiих грéшничих. Яко ми́лость и и҆́стину любит Госпóдь, Бог благодáть и слáву даст, Госпóдь не лиши́т благих ходящих незлóбiем. Гóсподи Бóже сил, Блажéн человéк уповáяй на Тя.
Псалом 84
Благоволил есѝ, Гóсподи, зéмлю Твою, возврати́л есѝ плен Iáковль: остáвил есѝ беззакóнiя людéй Твоих, покрыл есѝ вся грехи и҆́х. Укротил есѝ весь гнев Твой, возвратился есѝ от гнéва я́рости Твоея́. Возвратѝ нас, Бóже спасéнiй нáших, и҆ отвратѝ я́рость Твою от нас. Едá во вéки прогнéваешися на ны? Илѝ прострéши гнев Твой от рóда в род? Бóже, Ты обрáщься оживи́ши ны, и҆ людiе Твои возвеселя́тся о Тебé. Явѝ нам, Гóсподи, ми́лость Твою, и҆ спасéнiе Твоé даждь нам. Услышу, что речéт о мне Госпóдь Бог: яко речéт мир на люди Своя́, и҆ на преподóбныя Своя́, и҆ на обращáющыя сердцá к Немý. Обáче близ боя́щихся Егó спасéнiе Егó, всели́ти слáву в зéмлю нáшу. Ми́лость и҆ и҆́стина сретóстеся, прáвда и҆ мир облобызáстася. И҆́стина от земли возсiя́, и҆ прáвда с Небесé прини́че, и҆́бо Госпóдь даст блáгость, и҆ земля́ нáша даст плод свой. Прáвда пред Ним предъи́дет, и҆ положи́т в путь стопы своя́.
Чтец: Слáва Отцý и Сы́ну и Святóму Дýху, и ны́не и при́сно и во вéки векóв, ами́нь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, поми́луй. (3 рáза)
Хор (по кафíсме седáлен Трióди, Преполовéнiя, глас 5): Влады́ка всех во хрáме стоя́, прáзднику преполови́вшуся Пятдеся́тницы честны́я, еврéем бесéдуя, обличáше я́ве в дерзновéнiи мнóзе, я́ко Царь сый и Бог, мучи́тельство тех дéрзостное: нам же всем дáрует за благоутрóбiе, вéлiю ми́лость.
Слáва Отцý и Сыну и Святóму Дýху, и ны́не и прúсно и во вéки векóв, амúнь.
Влады́ка всех во хрáме стоя́, прáзднику преполови́вшуся Пятдеся́тницы честны́я, еврéем бесéдуя, обличáше я́ве в дерзновéнiи мнóзе, я́ко Царь сый и Бог, мучи́тельство тех дéрзостное: нам же всем дáрует за благоутрóбiе, вéлiю ми́лость.
ВОСКРЕСНАЯ ПЕСНЬ, глас 6
Воскресéнiе Хрїстóво ви́девше, поклони́мся Святóму Гóсподу Iисýсу, еди́ному безгрéшному, Крестý Твоемý покланя́емся, Хрїстè, и святóе Воскресéнiе Твоè поéм и слáвим: Ты бо есѝ Бог наш, рáзве Тебè инóго не знáем, и҆́мя Твоè именýем. Прiиди́те вси вéрнiи, поклони́мся Святóму Хрїстóву Воскресéнiю: се бо прiи́де Крестóм рáдость всемý мíру. Всегдà благословя́ще Гóспода, поéм Воскресéнiе Егò: распя́тiе бо претерпéв, смéртiю смерть разрушѝ.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твоих очи́сти беззакóнiе моè. Наипáче омы́й мя от беззакóнiя моегò, и от грехà моегò очи́сти мя. Яко беззакóнiе моè аз знáю и грех мой прéдо мнóю есть выну. Тебè Единому согреши́х, и лукáвая пред Тобóю сотвори́х; яко да оправди́шися во словесéх Твоих и победи́ши, внегдà суди́ти Ти. Се бо в беззакóнiих зачáт есмь, и во гресéх родѝ мя мáти моя. Се бо и҆́стину возлюби́л есѝ, безвéстная и тáйная премýдрости Твоея яви́л ми есѝ. Окропи́ши мя иссóпом и очи́щуся, омы́еши мя, и пáче снéга убелю́ся. Слýху моемý дáси рáдость и весéлiе, возрáдуются кóсти смирéнныя. Отвратѝ лицè Твоè от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обновѝ во утрóбе моéй. Не отвéржи менè от лицà Твоегò, и Дýха Твоегò Святáго не отымѝ от менè. Воздáждь ми рáдость спасéнiя Твоегò, и Дýхом Влады́чним утвердѝ мя. Научý беззакóнныя путéм Твоим, и нечести́вiи к Тебè обратятся. Избáви мя от кровéй, Бóже, Бóже спасéнiя моегò, возрáдуется язык мой прáвде Твоéй. Гóсподи, устнè мои отвéрзеши, и устà моя возвестя́т хвалý Твою́. Яко áще бы восхотéл еси жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажѝ, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдà благоволи́ши жéртву прáвды, возношéнiе и всесожегáемая; тогдà возложáт на олтáрь Твой тельцы̀.
КАНОНЫ Праздника Триоди, ПРЕПОЛОВЕНИЯ, глас 4 и глас 8
ПЕСНЬ 1
Iрмóс: Iрмóс: Мóря чермнýю пучúну/ невлáжными стопáми/ дрéвнiй пешешéствовав Iзрáиль,/ крестообрáзныма Моисéовыма рукáма// Амалúкову сúлу в пусты́ни победúл есть.(2 раза)
Хор.Припéв: Слáва Тебè, Бóже наш, слáва Тебè.
Тропáрь: Вéлiя я́же пáче умà Влады́ко,/ Божéственнаго Твоегò воплощéнiя, благодея́нiя сiя́ют нам,/ дáрове же и благодáти, и Божéственныя свéтлости,/ благоподáтно истекáющыя.(2 раза)
Хор: Слáва Тебè, Бóже наш, слáва Тебè.
Чтец: Пришéл есѝ Хрїстè, свéтлости Божествà испущáя,/ прáздника посредè явлéнно:/ прáздник бо рáдостный спасáемых есѝ,/ и спасéнiя нáшего ходáтай.(2 раза)
Хор: Слáва Тебè, Бóже наш, слáва Тебè.
Чтец: Премýдрость, прáвда, Гóсподи,/ и избавлéнiе у Бóга Ты был есѝ нам,/ от землѝ к небéсной преводя́ высотè,/ и Дух Божéственный дáруя.
Хор: Слáва Тебè, Бóже наш, слáва Тебè.
Чтец: Плоть твоя́ истлѣ́нія во грóбѣ не ви́дѣ, Влады́ко,/ но я́ко состáвися кромѣ́ сѣ́мене, тлѣ́нія не прія́т,/ послѣ́дованію естествà, пресýщественно не рабóтавшая.
Канон Преполовения, глас 8 (второй)
Хор: Слáва Тебè, Бóже наш, слáва Тебè.
Чтец: Язы́цы восплещи́те, еврéи восплáчите,/ животодáвец бо Хрїстóс, ýзы áдовы растóрже,/ и мéртвыя воскресѝ, и недýги исцелѝ слóвом:// Сей есть Бог наш, дáвый жизнь вéрующим во и́мя Егò.
Хор: Слáва Тебè, Бóже наш, слáва Тебè.
Чтец: Чýдо показáл есѝ, вóду в винò прешéдшую,/ во Еги́пте рéки преложи́вый, Влады́ко, в кровь,/ и мéртвыя воскреси́л есѝ, знáменiе сiè вторóе скончáв./ Слáва, Спáсе, несказáнному Твоемý совéту:// слáва истощáнiю Твоемý, и́мже обнови́л есѝ нас.
Хор: Слáва Тебè, Бóже наш, слáва Тебè.
Чтец: Струя́ приснотекýщая сый, Гóсподи, жи́зни и́стинныя,/ Ты есѝ воскресéнiе нáше,/ хотя́ труди́лся есѝ, Спáсе мой,/ и вóлею вжадáлся есѝ, закóном естествà повинýяся,// и в Сихáрь шед плóтiю, воды̀ проси́л есѝ у самаряны́ни пи́ти.
Хор: Слáва Тебè, Бóже наш, слáва Тебè.
Чтец: Хлéбы благослови́л есѝ, ры́бы умнóжил есѝ, непостижи́мый Бóже,/ и лю́ди насы́тил есѝ незави́стно,/ и истóчник приснотекýщiй премýдрость, жáждущым обещáл есѝ./ Ты есѝ Спас Бог наш,/ дáвый живóт вéрующым во и́мя Твоè.
Слáва Ѻтцý и Сы́ну и Святóму Дýху.
Трóичен: Три собезначáльны слáвлю и сопрестóльны,/ Отцà безначáльна Бóга, и Сы́на собезначáльна, и Дýха соприсносýщна Сы́ну,/ еди́но трiипостáсное Существò:/ еди́но начáло пребезначáльное пою́,/ безначáльнаго Божествà и Существà чту.
И ны́не и прúсно и во вéки векóв. Амúнь.
Богорóдичен: Еди́на вмести́ла есѝ Зижди́теля Твоегò, Богороди́тельнице, во чрéве,/ и плóтiю родилà есѝ неизречéнно,/ и Дéва пребылà есѝ, ничтóже дéвству оскверни́вшуся.// Сегò, Чи́стая, я́ко Сы́на Твоегò и Бóга непрестáнно молѝ о стáде Твоéм при́сно.
Катавáсiя Преполовéнiя, глас 8: Мóре огустúл есù,/ погрузúвый со орýжiем гóрдаго фараóна,/ и лю́ди спасл есù немóкренно Гóсподи,/ и ввел есù я́ в гóру святы́ни, вопiю́щыя:/ поúм Тебè Бóгу нáшему песнь побéдную, я́ко прослáвися.
ПЕСНЬ 3
Iрмóс: Веселúтся о Тебè Цéрковь Твоя́, Хрїстè, зовýщи:/ Ты моя́ крéпость, Гóсподи,// и прибéжище, и утверждéнiе.(2 раза)
Хор: Слáва Тебè, Бóже наш, слáва Тебè.
Чтец: Вод животво́рных исто́чники отве́рзл есѝ Це́ркви,/ а́ще кто жа́ждет, усе́рдно да прихо́дит и пiе́т, вопiя́ Бла́же.(2 раза)
Хор: Слáва Тебè, Бóже наш, слáва Тебè.
Чтец: От землѝ у́бо на не́бо вознести́ся, проявле́нно глаго́лал есѝ:/ с небесè же Ду́ха посла́ти обеща́л есѝ Свята́го.(2 раза)
Хор: Слáва Тебè, Бóже наш, слáва Тебè.
Чтец: Естество́м животворя́й, и от Де́вы роди́выйся Госпо́дь,/ всем ве́рным дарова́ безсме́ртше,// я́ко Благоутро́бен.(2 раза)
Глас 8
Хор: Слáва Тебè, Бóже наш, слáва Тебè.
Чтец: Не и́же на лицé суд суди́те, iудéе, учá глагóлаше Влады́ка,/ егдá прiи́де во святи́лище, я́коже пи́сано есть,// преполови́вшуся закóнному прáзднику.
Хор: Слáва Тебè, Бóже наш, слáва Тебè.
Чтец: Не и́же на лицé суд суди́те, iудéе:/ Хрїстóс бо прiи́де,// Егóже нарицáху прорóцы от Сióна грядýща и мир взывáюща.
Хор: Слáва Тебè, Бóже наш, слáва Тебè.
Чтец: Áще и словесéм не вéруете, iудéе, делóм вéруйте Влады́ки:/ что прельщáетеся, отметáющеся Святáго,// Егóже написá в закóне Моисéй?
Хор: Слáва Тебè, Бóже наш, слáва Тебè.
Чтец: А́ще мессíи вся́ко подоба́ет прiити́ iуде́е,/ Хрїсто́с же прiи́де ны́не Мессíа:/ что́ прельща́етеся, отмета́ющеся Пра́веднаго,/ Его́же написа́ в зако́не Моисе́й?
Слáва Ѻтцý и Сы́ну и Святóму Дýху.
Трóичен: Тебè покланя́емся О́тче, безнача́льный Cущество́м,/ пое́м безнача́льнаго Сы́на Твоего́,/ и Ду́ха благоче́стно Всесвята́го,/ я́ко еди́наго три, естество́м Бо́га.
И ны́не и прúсно и во вéки векóв. Амúнь.
Богорóдичен: Еди́н от Трóицы сый быв, плоть ви́делся еси́,/ не прелóжь, Гóсподи, существá,/ нижé опали́в Рóждшiя нетлéнное чрéво,// Бог сый весь и огнь.
Катавáсiя Преполовéнiя, глас 8: Утвердúся сéрдце моè во Гóсподе,/ вознесéся рог мой в Бóзе моéм,/ разширúшася на врагù моя́ устà моя́,/ возвеселúхся о спасéнiи Твоéм.
Гóсподи, поми́луй. (3 рáза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Седáлен Преполовéнiя, глaс 8: Стоя́ посреде́ святи́лища, преполовля́ющуся боже́ственно пра́зднику,/ жа́ждай взыва́л еси́, да гряде́т ко Мне и пiе́т:/ пiя́й бо от сея́ Боже́ственныя Моея́ воды́,/ ре́ки из чре́ва источи́т веле́нiй Мои́х:/ а и́же ве́рует в Мя, по́сланнаго от Боже́ственнаго Роди́теля, со Мно́ю просла́вится./ Сего́ ра́ди вопiе́м Ти:/ сла́ва Тебе́ Хрїстè Бо́же,/ я́ко бога́тно излiя́л еси́ во́ды Твоего́ человеколю́бiя рабо́м Твои́м.
Слáва Ѻтцý и Сы́ну и Святóму Дýху, и ны́не и прúсно и во вéки векóв. Амúнь.
Ин седáлен Преполовéнiя, глaс 8: Прему́дрости во́ду и жи́зни, источа́я ми́рови,/ все́х Спа́се призыва́еши почерпсти́ спасе́нiя во́ды:/ Боже́ственный бо зако́н Тво́й прии́м челове́к,/ в себе́ угаша́ет пре́лести у́глiе,/ отону́дуже во ве́ки не вжа́ждет,/ ни преста́нет насыще́нiя Твоего́ Влады́ко Царю́ Пренебе́сный./ Сего́ ра́ди сла́вим держа́ву Твою́ Хрїстè Бо́же,/ прегреше́нiй оставле́нiе прося́ще низпосла́ти бога́тно рабо́м Твои́м.
ПЕСНЬ 4
Iрмóс: Вознесéна Тя вúдевши Цéрковь на Крестè,/ Сóлнце Прáведное,/ ста в чúне своéм,/ достóйно взывáющи:// слáва сúле Твоéй, Гóсподи.(2 раза)
Хор: Слáва Тебè, Бóже наш, слáва Тебè.
Чтец: Растерза́в сме́рти врата́ си́лою Твое́ю,/ пути́ жи́зни сказа́л еси́,/ безсме́ртiя же две́ри отве́рзл еси́, ве́рою зову́щым:/ сла́ва си́ле Твое́й Го́споди.(2 раза)
Хор: Слáва Тебè, Бóже наш, слáва Тебè.
Чтец: Преполове́нiе всех и коне́ц име́яй,/ и нача́ла я́ко безнача́лен обдержа́й,/ стал еси́ посреде́ вопiя́:/ Боже́ственных Богому́дрiи прiиди́те даро́в наслади́теся.(2 раза)
Хор: Слáва Тебè, Бóже наш, слáва Тебè.
Чтец: Я́ко Бог и всех име́яй власть,/ я́ко си́лен держа́ву низложи́в сме́рти,/ посла́ти обеща́лся еси́ Хрїстè Ду́ха Свята́го,/ от Отца́ происходя́щаго.
Хор: Пресвятáя Богорóдице, спасù нас.
Богорóдичен: Даéши богáтно благодáть Тебè пою́щым,/ и из Тебè рóждшагося превéчнаго Слóва, Мáти неискусобрáчная,/ прегрешéнiй оставлéнiе сим прося́щи, Пречи́стая.
Глас 8
Хор: Слáва Тебè, Бóже наш, слáва Тебè.
Чтец: Áще мессíи подобáет прiити́,/ Мессíа же Хрїстóс есть, беззакóннiи, что не вéруете Емý?/ Се прiи́де, и свидéтельствует, я́же Той твори́т:// вóду винó сотвори́, разслáбленнаго слóвом стягнý.
Хор: Слáва Тебè, Бóже наш, слáва Тебè.
Чтец: Не разумéюще писáнiй, прельщáетеся вси вы, еврéи беззакóннiи:/ вои́стинну бо прiи́де Хрїстóс, и всех просвети́,/ и в вас показà мнóгая знáменiя и чудесà,// и всýе отрицáетеся и́стиннаго животà.
Хор: Слáва Тебè, Бóже наш, слáва Тебè.
Чтец: Еди́но дéло показáх вам, и вси ужé диви́теся, взывáше iудéем Хрїстóс./ Вы обрéзуете и в суббóту человéка, речè,/ Менè же что оклеветáете прóчее,// воздви́гшаго слóвом разслáбленнаго?
Хор: Слáва Тебè, Бóже наш, слáва Тебè.
Чтец: Делá сотвори́х мнóгая, и кóего рáди дéла кáменiем бiетè Мя?/ Iудéем Хрїстóс, обличáя, взывáше:/ едà занè человéка здрáва всегó слóвом сотвори́х,// не суди́те на лицè человéцы.
Слáва Ѻтцý и Сы́ну и Святóму Дýху.
Трóичен: Тро́ице неразде́льная Еди́нице,/ безнача́льне О́тче, Сы́не и Ду́ше Святы́й,/ во Еди́нице Тро́ица равноче́стная, сопресто́льная, животворя́щая,/ несозда́нный Бо́же, спаса́й воспева́ющыя Тя,/ и изба́ви от бед и скорбе́й.
И ны́не и прúсно и во вéки векóв. Амúнь.
Богорóдичен: Во чре́ве Твое́м, Бо́га неопи́санно вмести́вшая,/ Богоневе́сто Де́во Ма́ти Чи́стая,/ не преста́й моля́щи о нас, я́ко да Тобо́ю изба́вимся от обстоя́нiй,/ к Тебè бо при́сно прибега́ем.
Катавáсiя Преполовéнiя, глaс 8: Прорóк Аввакýм ýмныма очúма провúде Гóсподи,/ пришéствiе Твоè, тем и вопiя́ше:/ от ю́га прiúдет Бог, слáва сúле Твоéй,/ слáва снизхождéнiю Твоемý.
ПЕСНЬ 5
Iрмóс: Ты, Гóсподи мой,/ Свет в мiр пришéл есù,/ Свет Святы́й, обращáяй из мрáчна невéденiя// вéрою воспевáющiя Тя.(2 раза)
Хор: Слáва Тебè, Бóже наш, слáва Тебè.
Чтец: Боже́ственных пра́здников преполове́ния дости́гше,/ соверше́нною боже́ственною доброде́телию обучи́тися потщи́мся Богому́дрiи.(2 раза)
Хор: Слáва Тебè, Бóже наш, слáва Тебè.
Чтец: Я́ко вои́стинну свяще́нное настоя́щее торжество́ преполове́нiе:/ превели́ких бо пра́здников ко́рень, и све́тится обою́ду.(2 раза)
Хор: Слáва Тебè, Бóже наш, слáва Тебè.
Чтец: У́м арха́нгельский не мо́жет разуме́ти/ Твое́ неизрече́нное из Де́вы и пречи́стое рождество́, Спа́се Многоми́лостиве.(2 раза)
Глас 8
Хор: Слáва Тебè, Бóже наш, слáва Тебè.
Чтец:Чудесы́ украси́л еси́ апóстолы Твоя́,/ дивесы́ возвели́чил еси́ ученики́,// во всем ми́ре прослáвил, Спáсе наш, и дав им Цáрствiе Твоé.(2 раза)
Хор: Слáва Тебè, Бóже наш, слáва Тебè.
Чтец: Вся просвети́ша земли́ концы́ ученицы́, чудесы́ и учéньми,// и разли́чными óбразы слóво проповéдавше, Хрїстè Спáсе, Цáрствiя Твоегó.
Хор: Слáва Тебè, Бóже наш, слáва Тебè.
Чтец:Хвалý возсылáем Цáрствiю Твоемý, пéнiе же Тебé принóсим,// нас рáди на земли́ яви́вшемуся, и мир просвети́вшему, и Адáма воззвáвшему.
Слáва Ѻтцý и Сы́ну и Святóму Дýху.
Трóичен: Сла́ва Тебè, О́тче Святы́й, Бо́же нерожде́нне:/ сла́ва Тебè, Сло́ве безле́тне единоро́дне:/ сла́ва Тебè, Ду́ше Боже́ственне и сопресто́льне,/ и единосу́щне Отцу́ и Сы́ну.
И ны́не и прúсно и во вéки векóв. Амúнь.
Богорóдичен: Бысть чрéво Твоè святáя трапéза, имýщая небéсный хлеб,/ от негóже всяк яды́й не умирáет,// я́коже речè всех, Богороди́тельнице, Питáтель.
Катавáсiя Преполовéнiя, глaс 8: Гóсподи Бóже наш,/ мир даждь нам:/ Гóсподи Бóже наш, стяжù ны:/ Гóсподи, рáзве Тебè инóго не вéмы,/ úмя Твоè именýем.
ПЕСНЬ 6
Iрмóс: Пожрý Ти со глáсом хвалéнiя, Гóсподи,/ Цéрковь вопiéт Ти,/ от бесóвскiя крóве очúщшися/ рáди мúлости от ребр Твоúх// истéкшею Крóвiю.(2 раза)
Хор: Слáва Тебè, Бóже наш, слáва Тебè.
Чтец: Преполове́нiе Пятдеся́тницы наста́ днесь,/ отсю́ду Боже́ственныя у́бо Па́схи,/ Боже́ственнейшею све́тлостiю озари́вшееся,/ отону́дуже Уте́шителевою благода́тiю сiя́ющее.(2 раза)
Хор: Слáва Тебè, Бóже наш, слáва Тебè.
Чтец: Глаго́лал еси́ в Хра́ме Христе́ предстоя́,/ иуде́йским собо́ром Свою́ сла́ву открыва́я,/ и предъявля́я сро́дство к Роди́телю.(2 раза)
Хор: Пресвятáя Богорóдице, спасù нас.
Богорóдичен: Бу́ди ми́ предста́тельница, и стена́ неруши́мая,/ от мирски́х мя́ собла́знов избавля́ющая, еди́на Богороди́тельнице,/ и боже́ственным светоли́тием освеща́ющая.(2 раза)
Глас 8
Хор: Слáва Тебè, Бóже наш, слáва Тебè.
Чтец: Вся содержáй концы́, возшéл еси́, Iисýсе,/ и учи́л еси́ во святи́лищи нарóды слóву и́стины,// прáзднику преполови́вшуся, я́коже Iоáнн вопiéт.
Хор: Слáва Тебè, Бóже наш, слáва Тебè.
Чтец: Отве́рзл еси́ устне́ Твои́ Влады́ко,/ пропове́дал еси́ ми́рови безле́тнаго Отца́, и Всесвята́го Ду́ха,/ сро́дное обо́их храня́ и по воплоще́нiи.
Хор: Слáва Тебè, Бóже наш, слáва Тебè.
Чтец: Дéло О́тчее соверши́л еси́,/ дéлы увéрил еси́ словесá Твоя́,/ исцелéнiя совершáя Спáсе, и знáменiя,// разслáбленнаго исправля́я, прокажéнныя очищáя, и мéртвыя воскрешáя.
Хор: Слáва Тебè, Бóже наш, слáва Тебè.
Чтец: Безначáльный Сын начáло бысть прiéм,/ éже по нам вочеловéчися,/ и посредé прáздника учáше, глагóля:// притецы́те ко истóчнику приснотекýщему, жизнь почерпи́те.
Слáва Ѻтцý и Сы́ну и Святóму Дýху.
Трóичен: Еди́но в Тро́ице Божество́,/ Существо́ триипоста́сное, несозда́нное, неразде́льное вси́ сла́вим,/ Отца́, и Сы́на, и Свята́го Ду́ха, я́ко три́ су́щее, и еди́но.
И ны́не и прúсно и во вéки векóв. Амúнь.
Богорóдичен: Дéву по рождествé поéм Тя,/ Дéву и Мáтерь слáвим Тебé еди́ну,/ Чи́стая Богоневéсто Отрокови́це,// из Тебé бо вои́стинну Бог воплоти́ся, обнови́в нас.
Катавáсiя Преполовéнiя, глaс 8: Я́ко вóды морскíя Человеколю́бче,/ волнáми житéйскими обуревáюся./ Тéмже я́ко Ióна, тáко вопiю́ Ти:/ возведù от тли живóт мой,/ благоутрóбне Гóсподи.
Гóсподи, поми́луй. (Трúжды)
Слáва Ѻтцý и Сыну и Святóму Дýху, и ны́не и присно и во вéки векóв, аминь.
Кондáк Преполовéнiя, глас 4: Прáзднику закóнному преполовля́ющуся,/ всех Твóрче и Влады́ко,/ к предстоя́щим глагóлал есù, Хрїстé Бóже:/ прiидúте и почерпúте вóду безсмéртiя./ Тéмже Тебé припáдаем и вéрно вопiéм:/ щедрóты Твоя́ дáруй нам,// Ты бо есù Истóчник жúзни нáшея.
Íкос: Оляденéвшую мою́ дýшу прегрешéнiй беззакóньми,/ течéньми Твои́х кровéй напóй,/ и покажи́ плодонóсну добродéтельми:/ Ты бо рекл еси́ всем, éже приходи́ти к Тебé, Слóве Бóжiй Всесвяты́й,/ и вóду нетлéнiя почерпáти, живýю же и очищáющую грехи́,/ пою́щих слáвное и Божéственное Твоé востáнiе,/ подая́, Благíй, с высоты́ сшéдшую вои́стинну ученикóм Твои́м Дýха крéпость,/ Тебé Бóга вéдущым:// Ты бо еси́ истóчник жи́зни нáшея.
ПЕСНЬ 7
Iрмóс: В пещù Авраáмстiи óтроцы персúдстей,/ любóвiю благочéстiя пáче,/ нéжели плáменем, опаля́еми, взывáху:// благословéн есù в хрáме слáвы Твоея́, Гóсподи.(2 раза)
Хор: Слáва Тебè, Бóже наш, слáва Тебè.
Чтец: Кре́постiю Спа́се сме́ртную разо́рь си́лу,/ стезю́ жи́зни показа́л еси́ челове́ком, благода́рно Тебе́ зову́щым/ благослове́н еси́ в хра́ме сла́вы Твоея́ Го́споди.(2 раза)
Хор: Слáва Тебè, Бóже наш, слáва Тебè.
Чтец: Плоть нося́ща ви́дяще,/ не разуме́ша собо́ри евре́йстiи, Сло́ве Тя́ Бо́жiй:/ но мы́ Тебе́ воспева́ем:/ благослове́н еси́ в хра́ме сла́вы Твоея́ Го́споди.(2 раза)
Хор: Пресвятáя Богорóдице, спасù нас.
Богорóдичен: Вы́шняго освяще́нное боже́ственное селе́нiе, ра́дуйся!/ Тобо́ю бо даде́ся ра́дость Богоро́дице, вопiю́щым:/ благослове́на Ты́ в жена́х еси́, Пренепоро́чная Влады́чице.(2 раза)
Глас 8
Хор: Слáва Тебè, Бóже наш, слáва Тебè.
Чтец: Плóтски потруди́лся еси́, упокоéнiе всех,/ вóлею вжадáлся еси́, истóчниче чудéс,// воды́ проси́л еси́, вóду жи́зни, Iисýсе, возвещáяй.
Хор: Слáва Тебè, Бóже наш, слáва Тебè.
Чтец: Самаряны́ни, Гóсподи, женé бесéдовал еси́,/ обличáя безýмiе беззакóнных еврéев,// онá ýбо вéрова Сы́на бы́ти Бóжiя, сíи же отвергóшася.
Хор: Слáва Тебè, Бóже наш, слáва Тебè.
Чтец: Во́ду живу́ю истека́ющую, во́ду безсме́ртия,/ исто́чник присноживу́щий пода́ти обеща́л еси́,/ ве́рою Ду́х Тво́й прие́млющым Спа́се, от Отца́ происходя́щiй.
Хор: Слáва Тебè, Бóже наш, слáва Тебè.
Чтец: Пятьми́ хле́бы препита́л еси́, ты́сящы а́лчущих,/ и насыще́нiя оста́нки, в други́я ты́сящы Спа́се умно́жил еси́,/ показу́я сла́ву Твою́ свяще́нным ученико́м.
Слáва Ѻтцý и Сы́ну и Святóму Дýху.
Трóичен: Покланя́емся Твоему́ Го́споди Пречи́стому Отцу́,/ и благода́ти Ду́ха, ю́же Твои́м апо́столом Бо́г сый разда́вый,/ посыла́я их на про́поведь.
И ны́не и прúсно и во вéки векóв. Амúнь.
Богорóдичен: Во чрéве Твоéм вмести́ла еси́ невмести́мое Слóво,/ от Твои́х сосéц дои́ла еси́ мíру Питáтеля,/ на объя́тiи носи́ла еси́ Содержи́теля нáшего, Богороди́тельнице Чи́стая.
Катавáсiя Преполовéнiя, глaс 8: Халдéйская пещь, огнéм распалáемая,/ орошáшеся Дýхом,/ Бóжiим предстоя́нiем,/ óтроцы поя́ху:// благословéн есù Бóже отéц нáших.
ПЕСНЬ 8
Iрмóс: Рýце распростéр Данiúл,/ львов зiя́нiя в рóве затчè,/ óгненную же сúлу угасúша,/ добродéтелiю препоя́савшеся,/ благочéстiя рачúтели, óтроцы, взывáюще:// благословúте, вся делá Госпóдня, Гóспода.(2 раза)
Хор: Слáва Тебè, Бóже наш, слáва Тебè.
Чтец: Красе́н из гро́ба воста́в, Божества́ сла́вою укра́шен,/ апо́столом Твои́м Го́споди яви́лся еси́,/ Ду́ха обеща́яся те́м посла́ти де́йство, вопию́щым:// благослови́те вся́ дела́ Госпо́дня Го́спода.(2 раза)
Хор: Слáва Тебè, Бóже наш, слáва Тебè.
Чтец: Умертви́в а́да я́ко Бо́г живонача́льнейшiй,/ все́м источи́л еси́ живо́т ве́чный,/ его́же ны́не вообража́ют я́вственнее,/ светоно́сных дне́й си́х ра́дости, вопию́щым:// благослови́те вся́ дела́ Госпо́дня Го́спода.(2 раза)
Хор: Слáва Тебè, Бóже наш, слáва Тебè.
Чтец: Лучы́, я́ко Со́лнце Христе́ пра́вды яви́вся,/ ми́ру посла́л еси́ апо́столы Твоя́,/ нося́щыя Тебе́ свет непостижи́мый,/ и неве́денiя мглу очища́ющыя и вопiю́щыя:/ благослови́те вся́ дела́ Госпо́дня Го́спода.
Хор: Пресвятáя Богорóдице, спасù нас.
Богорóдичен: Се́ ны́не оскуде́ я́ве от Иу́дина пле́мене кня́зь и во́ждь:/ Ты́ бо Всенепоро́чная родила́ еси́,/ пре́жде обеща́нное ча́яние язы́ков, Христа́ Бо́га,/ Ему́же пое́м: благослови́те вся́ дела́ Госпо́дня Го́спода.
Глас 8
Хор: Слáва Тебè, Бóже наш, слáва Тебè.
Чтец: Прiиди́те ви́дите, лю́дiе, на престóле слáвы воспевáемаго,/ от людéй беззакóнных хýлимаго,// и ви́дяще пóйте во прорóцех Мессíю предречéннаго.
Хор: Слáва Тебè, Бóже наш, слáва Тебè.
Чтец: Ты еси́ вои́стинну Хрiстóс, в мир сей пришéдый,/ из Негóже спасéнiе и оставлéнiе отéческих согрешéнiй:// Ты еси́ вои́стинну живóт, в Тя вéровавшим.
Хор: Слáва Тебè, Бóже наш, слáва Тебè.
Чтец: Премýдрость Бóжiя, преполови́вшуся прáзднику, я́коже пи́сано есть,/ во святи́лищи предстá и учáше,// я́ко вои́стинну Сей бя́ше Мессíа Хрiстóс, И́мже спасéнiе.
Хор: Слáва Тебè, Бóже наш, слáва Тебè.
Чтец: В суббо́тах Хрiсто́с, и по вся́ дни́ пока́зоваше зна́менiй дела́,/ исцеля́я су́щыя в неду́зех разли́чных:/ но прельще́ннiи лю́дiе я́ростiю распыха́хуся.
Благословúм Отцà, и Сы́на, и Святáго Дýха, Гóспода.
Трóичен: Еди́н Бог у́бо Тро́ица,/ Отцу́ не преступи́вшу в сыновство́,/ ниже́ Сы́ну прело́жшуся во исхожде́нiе:// но сво́йтвенная и обоя́, Све́т Бо́га, три прославля́ю во век.
И ны́не и прúсно и во вéки векóв. Амúнь.
Богорóдичен: Кáко родилá еси́, рцы, от Отцá безлéтно просiя́вшаго,/ и со Святы́м Дýхом воспевáемаго?// Или́ я́ко весть еди́н благоволи́вый из Тебé роди́тися, Богорóдице.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя Преполовéнiя, глaс 8: Áнгели и небесà/ на престóле слáвы седя́щаго,/ и я́ко Бóга непрестáнно слáвимаго,/ благословúте, пóйте и превозносúте во вся вéки.
ПЕСНЬ 9
Iрмóс: Кáмень нерукосéчный/ от несекóмыя горы̀ Тебè, Дéво,/ краеугóльный отсечéся,/ Хрїстóс, совокупúвый разстоя́щаяся естествà.// Тем веселя́щеся Тя, Богорóдице, величáем.(2 раза)
Хор: Слáва Тебè, Бóже наш, слáва Тебè.
Чтец: Но́вому и чи́стому жи́тельству, от Хрїста́ научи́вшеся,/ сiе́ да́же до конца́ сохрани́ти поле́зно вси́ потщи́мся я́ко да Свята́го Ду́ха прише́ствiе воспрiи́мем.(2 раза)
Хор: Слáва Тебè, Бóже наш, слáва Тебè.
Чтец: Ты мое́ сме́ртное Жизнода́вче,/ обложе́нiем безсме́ртiя, и нетле́нiя благода́тiю/ обле́к Спа́се, совоскреси́л еси́,/ и Отцу́ приве́л еси́, вре́менную мою́ разруши́в брань.(2 раза)
Хор: Слáва Тебè, Бóже наш, слáва Тебè.
Чтец: В небе́сное па́ки житiе́ зва́ни бы́вше,/ хода́тайства си́лою истощи́вшагося да́же и до ра́бiя о́браза, и нас возне́сшаго,/ Сего́ досто́йно возвели́чим.
Хор: Пресвятáя Богорóдице, спасù нас.
Богорóдичен: Я́ко ко́рень, исто́чник и вину́ нетле́iя,/ Тебе́ Де́во вси ве́рнiи уве́девше, похвала́ми почита́ем:/ Ты бо ипоста́сное безсме́ртiе нам источи́ла еси́.
Глас 8
Хор: Слáва Тебè, Бóже наш, слáва Тебè.
Чтец: Пра́зднику преполовля́ющуся иуде́йскому,/ возше́л еси́, Спа́се мой, во святи́лище Твое́, и науча́л еси́ всех:// чудя́хуся же иуде́е, и отку́ду Сей весть пи́смена не научи́вся, глаго́лаху.
Хор: Слáва Тебè, Бóже наш, слáва Тебè.
Чтец: Исцеле́нiя дарова́нiй Изба́витель мой источа́я,/ сотворя́ше чудеса́ и зна́менiя,/ прогоня́ неду́ги, целя́ немощству́ющыя:// но iуде́и беснова́хуся мно́жеством чуде́с Его́.
Хор: Слáва Тебè, Бóже наш, слáва Тебè.
Чтец: Непокори́выя iуде́и Изба́витель мо́й облича́я, вопiя́ше:/ не суди́те на лице́, но пра́веден су́д суди́те:/ и́бо зако́н и в суббо́ту обре́зоватися повелева́ет вся́кому челове́ку.
Хор: Слáва Тебè, Бóже наш, слáва Тебè.
Чтец: Бо́льшая чуде́с ученико́м Твои́м Спа́се,/ я́коже обеща́в пода́л еси́,/ посла́в в язы́ки пропове́дати сла́ву Твою́:/ они́ же ми́рови пропове́даху Твое́ Воскресе́нiе, благода́ть и воплоще́нiе.
Слáва Ѻтцý и Сы́ну и Святóму Дýху.
Трóичен: Чу́жде е́сть беззако́нным сла́вити безнача́льную Тро́ицу,/ Отца́, и Сы́на же, и Свята́го Ду́ха,/ несозда́нное вседержа́нiе,/ И́мже ве́сь ми́р созда́ся держа́вою кре́пости Ея́.
И ны́не и прúсно и во вéки векóв. Амúнь.
Богорóдичен: Вмести́ла еси́ во чре́ве Твое́м, Де́во Ма́ти,/ еди́наго от Трóицы Хрiста́ Жизнода́вца,/ Егóже пое́т вся тварь, и трепе́щут гóрнiи престóли:// Того́ моли́, Всеблаже́нная, спасти́ ду́ши на́ша.
Катавáсiя Преполовéнiя, глaс 8: Чýжде мáтерем дéвство,/ и стрáнно дéвам деторождéнiе:/ на Тебè Богорóдице, обоя́ устрóишася./ Тем Тя вся племенà земнáя// непрестáнно величáем.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Ексапостилáрiй Преполовéнiя: Чáшу имéяй неистощи́мых дарóв, даждь ми почерпстѝ вóду во оставлéнiе грехóв, я́ко содержи́мь есмь жáждею, Благоутрóбне еди́не Щéдре.
Слáва Отцý и Сы́ну и Святóму Дýху.
Чáшу имéяй неистощи́мых дарóв, даждь ми почерпстѝ вóду во оставлéнiе грехóв, я́ко содержи́мь есмь жáждею, Благоутрóбне еди́не Щéдре.
И ны́не и прúсно и во вéки векóв, амúнь.
Чáшу имéяй неистощи́мых дарóв, даждь ми почерпстѝ вóду во оставлéнiе грехóв, я́ко содержи́мь есмь жáждею, Благоутрóбне еди́не Щéдре.
ХВАЛИТНЫ
Хор, глас 4: Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егò в вы́шних.// Тебè подобáет песнь Бóгу.
Хвали́те Егò вси áнгели Егò,/ хвалите Егò вся си́лы Егò.// Тебè подобáет песнь Бóгу.
Хвали́те Егò, сóлнце и лунà, хвали́те Егò, вся звéзды и свет. Хвали́те Егò Небесà небéс и водà, я́же превы́ше небéс. Да восхвáлят и҆́мя Госпóдне: я́ко Той речè, и бы́ша, Той повелè, и создáшася. Постáви я́ в век и в век вéка, повелéнiе положѝ, и не ми́мо и҆́дет. Хвали́те Гóспода от землѝ, змíеве и вся бéздны: огнь, град, снег, гóлоть, дух бýрен, творя́щая слóво Егò, гóры и вси хóлми, древà плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiѝ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогò Еди́наго, исповéданiе Егò на землѝ и на небесѝ. И вознесéт рог людéй Свои́х, песнь всем преподóбным Егò, сыновóм Iзрáилевым, лю́дем, приближáющымся Емý.
Воспóйте Гóсподеви песнь нóву, хвалéнiе Егò в цéркви преподóбных. Да возвеселится Iзрáиль о сотвóршем Егò, и сы́нове Сióни возрáдуются о Царè своéм. Да восхвáлят и҆́мя Егò в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечѝ обою́ду острѝ в рукáх их: сотвори́ти отмщéнiе во языцех, обличéнiя в лю́дех, связáти царѝ их пýты, и слáвныя их ручными окóвы желéзными,
Сотвори́ти в них суд напи́сан:/ слáва сiя бýдет всем преподóбным Егò. Хвали́те Бóга во святых Егò,/ хвали́те Егò в утвержéнiи си́лы Егò.
Хвалúте Егò на сúлах Егò, хвалúте Егò по мнóжеству велúчествiя Егò.
Стiхúра: Премýдрость, и си́ла, О́тчее сия́ние, Сло́во присносýщное и Сын Бо́жий, во святи́лище прии́де пло́тию, и уча́ше иуде́йскiя лю́ди, жесто́кия и неблагода́рныя, и удивля́хуся прему́дрости бога́тству, вопию́ще: отку́ду ве́сть писмена́, ни от кого́же учи́вся?
Хвалúте Егò во глáсе трýбнем, хвалúте Егò во псалтúри и гýслех.
Стiхúра: Премýдрость, и си́ла, О́тчее сiя́нiе, Сло́во присносýщное и Сын Бо́жiй, во святи́лище прiи́де пло́тiю, и уча́ше iуде́йскiя лю́ди, жесто́кiя и неблагода́рныя, и удивля́хуся премýдрости бога́тству, вопiю́ще: откýду весть писмена́, ни от кого́же учи́вся?
На 4. Хвалúте Егò в тимпáне и лúце, хвалúте Егò во стрýнах и оргáне.
Стiхúра: Кни́жником затыка́ше уста́, iуде́и облича́ше Месси́а Госпо́дь, вопiя́ к ним: не на лице́ законопрестýпницы, я́ко непра́веднiи суди́те, в суббо́ту бо Аз разсла́бленнаго воздви́гнух. Те́мже Госпо́дь суббо́ты есмь и зако́на, что и́щете Мене́ уби́ти, уме́ршыя воздви́гшаго?
Хвалúте Егò в кимвáлех доброглáсных, хвалúте Егò в кимвáлех восклицáнiя. Всякое дыхáнiе да хвáлит Гóспода.
Стiхúра: Навуфе́а ка́менiем поби́ша, лю́тiи и законопрестýпнiи, iуде́йское собра́нiе неблагода́рное: Иса́iю же пило́ю древя́ною растро́ша, в кал мýдраго Iереми́ю вверго́ша, Го́спода же на Крест возне́сше взыва́ху: храм разоря́яй, спаси́ Себе́, и уве́руем.
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Глас 4: Просвети́вшеся бра́тiе, Воскресе́нiем Спа́са Хрiста́, и дости́гше преполове́нiя пра́здника Влады́чня, прiи́скренно сохрани́м за́поведи Бо́жiя, да досто́йни бýдем и Вознесе́нiе пра́здновати, и прише́ствiе получи́ти Свята́го Дýха.
Вóзглас: Слáва Тебè, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстè, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцà, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцà, ами́нь.
На всяк день благословлю́ Тя и восхвалю́ и҆́мя Твоè во вéки, и в век вéка.
Сподóби, Гóсподи, в день сей без грехà сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоè во вéки, ами́нь.
Продолжéнiе здесь