Суббота пятой седмицы Великого поста. СУББОТА АКАФИСТА.ПОХВАЛА ПРЕСВЯТОЙ БОГОРОДИЦЫ.Окончание утрени
20 апрéля 2024 гóда. Суббóта 5-й седмúцы Велúкaго постà. Суббóта Акáфiста. Похвалà Пресвятóй Богорóдицы. Слýжба для домáшнего (келéйнаго) совершéнiя. Слýжба совершáется по Трióди. Слýжба мiрскúм чúном. Послéдованiе ýтрени (окончáнiе). Пéрвый час.
Окончáнiе ýтрени. Начáло здесь ( ýтреня) и здесь ( продолжéнiе ýтрени с канóном)
Слáва Отцý и Сы́ну и Святóму Дýху.
Трóичен: Благословéн есѝ, Бóже,/ еди́н ýбо Естествóм, Ли́цы же тремѝ познавáемый,// препéтый и препрослáвленный.
И ны́не и прúсно и во вéки векóв, амúнь.
Богорóдичен: Благословéн есѝ, Бóже,/ рождéйся безсéменно, и Рóждшую показáвый чистóтствующую,// препéтый и препрослáвленный.
Святы́м, úже суть на землù Егò, удивù Госпóдь вся хотéнiя Своя́ в них.
Мýченичен: Благословéн есѝ, Бóже,/ звéри укроти́вый и погаси́вый огнь,// в слáву святы́х Твои́х, препéтый и препрослáвленный.
Блажéни, я́же избрáл, и прiя́л есù Гóсподи.
Покóин: Благословéн есѝ, Бóже,/ от смéрти в безконéчный живóт преложи́вый,// вéрою в житiѝ послужи́вшыя Тебè.
Катавáсiя Трióди (глас 5): Благословéн есù, Бóже,/ вúдяй бéздны/ и на Престóле Слáвы седя́й,// препéтый и преслáвный.
ПЕСНЬ 8
Iрмóс: Óтроки благочестúвыя в пещù/ Рождествò Богорóдичо спаслò есть;/ тогдà ýбо образýемое,/ ны́не же дéйствуемое,/ вселéнную всю воздвизáет пéти Тебè:/ Гóспода пóйте, делà,// и превозносúте Егò во вся вéки.(Двáжды)
На 12.Хор: Благословúте, вся делà Госпóдня, Гóспода,/ пóйте и превозносúте Егò во вéки.
Чтец: Ложесны́ Сло́во прия́ла еси́,/ вся нося́щаго носи́ла еси́,/ млеко́м пита́ла еси́,/ ма́нием пита́ющаго вселе́нную всю, Чи́стая, Ему́же пое́м:// Го́спода по́йте дела́, и превозноси́те во вся ве́ки.
Хор: Благословúте, Áнгели Госпóдни, Небесà Госпóдня, Гóспода,/ пóйте и превозносúте Егò во вéки.
Чтец: Моисе́й уразуме́ в купине́ вели́кое та́инство Рождества́ Твоего́:/ о́троцы же прообрази́ша сие́ я́вственнее/ посреде́ огня́ стоя́ще, и не опаля́еми, нетле́нная свята́я Де́во.// Тем Тя почита́ем во вся ве́ки.
На 10: Благословúте, вóды вся, я́же превы́ше Небéс, вся сúлы Госпóдни, Гóспода,/ пóйте и превозносúте Егò во вéки.
Чтец: Пре́жде пре́лестию обнажи́вшиися/ в ри́зу нетле́ния облеко́хомся Рождество́м Твои́м:/ и седя́щии во тьме прегреше́ний, свет ви́дехом,/ све́та жили́ще, Отрокови́це.// Тем Тя пое́м во вся ве́ки.
Хор: Благословúте, сóлнце и мéсяц, звéзды небéсныя, Гóспода,/ пóйте и превозносúте Егò во вéки.
Чтец: Ме́ртвии Тобо́ю оживля́ются,/ Жизнь бо ипоста́сную родила́ еси́,/ неми́и пре́жде, благоглаго́ливи быва́ют,/ прокаже́ннии очища́ются, неду́зи отгоня́ются,/ духо́в возду́шных мно́жества побежда́ются,// Де́во, челове́ков спасе́ние.
Глас 6
На 8.Хор: Благословúте, вся птúцы небéсныя, звéрiе и вси скóти, Гóспода,/ пóйте и превозносúте Егò во вéки.
Чтец: Святы́х му́ченик исправле́нием,/ небе́снии у́мове преудиви́шася,// тех моли́твами, ми́лости Твоя́, Влады́ко, в нас бога́тно удиви́, Ще́дре.
Хор: Благословúте, сы́нове человéчестiи, да благословúт Iзрáиль Гóспода,/ пóйте и превозносúте Егò во вéки.
Чтец: Огнь Боже́ственною росо́ю попра́вшии,/ страда́льцы Госпо́дни досточу́днии,/ изба́вите нас огня́ му́чащаго,// ко Влады́це те́плыми ва́шими моли́твами.
На 6: Благословúте, свящéнницы Госпóдни, рабù Госпóдни, Гóспода,/ пóйте и превозносúте Егò во вéки.
Чтец: Преблаги́й Сло́ве,/ отше́дшия от нас правосла́вно,/ жи́зни сподо́би, я́же на небесе́х,/ и святы́я све́тлости,// добропобе́дных му́ченик моли́твами.
Благословúте, дýси и дýши прáведных,/ преподóбнiи и смирéннiи сéрдцем, Гóспода,/ пóйте и превозносúте Егò во вéки.
Богорóдичен: Моли́твами, Ще́дре, Ро́ждшия Тя,/ и святы́х му́ченик и апо́стол Твои́х,/ просвети́ на́ша ду́ши, е́же сла́вити Тя,// в весе́лии душе́внем во ве́ки.
Глас 5
На 4.Хор: Благословúте Анáнiя, Азáрiя, Мiсаúл, Гóспода,/ пóйте и превозносúте Егò во вéки.
Чтец: Ли́цы му́ченик святи́и,/ помяни́те любо́вию воспева́ющия вы// и превознося́щия Христа́ во ве́ки.
Хор: Благословúте, апóстоли, прорóцы и мýченицы Госпóдни, Гóспода,/ пóйте и превозносúте Егò во вéки.
Чтец: Мече́м усека́еми, ра́довахуся му́ченицы, пою́ще Христа́// и превознося́ще во вся ве́ки.
Благословúм Отцà, и Сы́на, и Святáго Дýха, Гóспода.
Трóичен: Странноле́пно разделя́ется Тро́ица/ и пребыва́ет неразде́льна, я́ко Бог,// Ю́же превозно́сим во вся ве́ки.
И ны́не и прúсно и во вéки векóв, амúнь.
Богорóдичен: Де́ва Младе́нца роди́,/ Бог бо из Нея́ вочелове́чися,// вся тварь да пое́т Его́ во ве́ки.
Дúвен Бог во святы́х Своúх, Бог Iзрáилев.(Пс.67:36А)
Мýченичен: Столпи́ му́жества яви́шася,/ паде́нием дiа́волим ра́дующеся му́ченицы,/ пою́ще Хрiста́ и превознося́ще во ве́ки.
Дýши их во благúх водворя́тся.
Покóин: У Авраа́ма вне́дритися сподо́би, Го́споди, рабы́ Твоя́,/ ве́рою преста́вльшияся к Тебе́, и наде́ждею.
Хор: Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiя Трióди (глас 5): Творцà твáри,/ Егóже ужасáются Áнгели,/ пóйте, лю́дiе,// и превозносúте во вся вéки.
Вóзглас: Богорóдицу и Мáтерь Свéта в пéснех возвелúчим.
Хор: Вели́чит душà Моя́ Гóспода,/ и возрáдовася дух Мой о Бóзе Спáсе Моéм.
Припéв: Честнéйшую Херувíм/ и Слáвнейшую без сравнéнiя Серафíм,/ без истлéнiя Бóга Слóва рóждшую,/ сýщую Богорóдицу, Тя величáем. (На кáждый стiх)
Я́ко призрè на смирéнiе рабы̀ Своея́,/ се бо от ны́не ублажáт Мя вси рóди.
Я́ко сотворѝ Мне вели́чiе Си́льный,/ и свя́то И҆́мя Егò, и ми́лость Егò в рóды родóв боя́щимся Егò.
Сотворѝ держáву мы́шцею Своéю,/ расточѝ гóрдыя мы́слiю сéрдца их.
Низложѝ си́льныя со престóл, и вознесè смирéнныя;/ áлчущiя испóлни благ, и богатя́щiяся отпустѝ тщи.
Воспрiя́т Iзрáиля óтрока Своегò, помянýти ми́лости,/ я́коже глагóла ко отцéм нáшим, Авраáму и сéмени егò, дáже до вéка.
ПЕСНЬ 9
Iрмóс: Всяк земнорóдный/ да взыгрáется, Дýхом просвещáемь,/ да торжествýет же Безплóтных умóв естествò,/ почитáющее свящéнное торжествò Богомáтере,/ и да вопiéт:/ рáдуйся, Всеблажéнная,// Богорóдице, Чúстая Приснодéво.(Двáжды)
На 12.Хор: Благословéн Госпóдь, Бог Iзрáилев,/ я́ко посетù и сотворù избавлéнiе лю́дем Своúм.
Чтец: Да Тебе́, ве́рнии, ра́дуйся зове́м,/ Тобо́ю ра́дости прича́стницы бы́вше присносу́щныя,/ изба́ви нас напа́стей, ва́рварскаго плене́ния, и вся́кия ины́я ра́ны,/ за мно́жество, Отрокови́це, прегреше́ний,// находя́щия челове́ком согреша́ющим.
Хор: И воздвúже рог спасéнiя нам/ в домý Давíдове, óтрока Своегò.
Чтец: Яви́лася еси́ просвеще́ние на́ше и утвержде́ние./ Те́мже вопие́м Ти:/ ра́дуйся, звездо́ незаходи́мая, вводя́щая в мир вели́кое Со́лнце./ Ра́дуйся, Еде́м отве́рзшая заключе́нный, Чи́стая.// Ра́дуйся, сосу́де, ми́ро неистощи́мое на Тя излия́нное прие́мший.
На 10: Я́коже глагóла усты̀ святы́х, сýщих от вéка прорóк Егò,/ спасéнiе от враг нáших/ и из рукù всех, ненавúдящих нас.
Чтец: Ста́нем благогове́йно в дому́ Бо́га на́шего, и возопии́м:/ ра́дуйся, ми́ру Влады́чице./ Ра́дуйся Мари́е, Госпоже́ всех нас./ Ра́дуйся, еди́на непоро́чная в жена́х и до́брая.// Ра́дуйся, сто́лпе о́гненный, вводя́щий в вы́шнюю жизнь челове́чество.
Хор: Сотворúти мúлость со отцы̀ нáшими/ и помянýти Завéт Святы́й Свой.
Богорóдичен: Голуби́це Ми́лостиваго ро́ждшая, ра́дуйся Присноде́во:/ преподо́бных всех, ра́дуйся, похвало́, страда́льцев венча́ние./ Ра́дуйся, всех пра́ведных Боже́ственное удобре́ние,// и нам ве́рным спасе́ние.
Глас 6
На 8.Хор: Кля́тву, éюже кля́тся ко Авраáму, отцý нáшему,/ дáти нам без стрáха, из рукù враг нáших избáвльшимся.
Чтец: Я́ко свет, я́ко со́лнце возсия́вше,/ всю зе́млю луча́ми благоче́стия, му́ченицы,/ и свети́лами чуде́с просвети́ша/ и многобо́жия тьму разгна́ша,// и́хже моли́твами, Бо́же, поми́луй нас.
Хор: Служúти Емý преподóбiем и прáвдою/ пред Ним вся дни животà нáшего.
Чтец: Во́инство му́чеников непобеди́мое,/ всех нас укрепи́ до́бре подвиза́тися/ и соверши́ти поста́ по́прище,/ я́ко да Боже́ственнаго жития́ де́ло соверши́вше,// прича́стницы бу́дем жи́зни, веселя́щеся.
На 6.Хор: И ты, отрочà, прорóк Вы́шняго наречéшися,/ преды́деши бо пред лицéм Госпóдним, уготóвати путù Егò.
Чтец: Твоя́ да предвари́т бла́гость, Го́споди,/ от нас стра́шным преста́вльшихся повеле́нием Твои́м,/ да окружи́т их Твоя́ ми́лость,// и да наста́вит к селе́нием, просвеще́нным све́том лица́ Твоего́.
Дáти рáзум спасéнiя лю́дем Егò/ во оставлéнiе грех их/ милосéрдiя рáди мúлости Бóга нáшего.
Богорóдичен: Гла́сом а́нгеловым сове́та О́тча А́нгела,/ неизрече́нно Богоро́дице родила́ еси́,/ гла́сы у́бо рабо́в Твои́х приими́,/ я́же во вре́мя поста́ прино́сим,// и сия́ принеси́ Бо́гу, я́коже кади́ло.
Глас 5
На 4: В нúхже посетù нас Востóк с высоты̀,/ явúтися во тьме и сéни смéртней седя́щим.
Чтец: Соверша́юще торжество́ му́ченическое,/ днесь лю́дие воскли́кнем пе́сньми,/ пою́ще Христу́ подвигополо́жнику/ и побе́ды на враги́ им пода́вшему,// Его́же в пе́снех велича́ем.
Хор: Напрáвити нóги нáша на путь мúрен.
Чтец: Ноготьми́ растерза́еми и усеца́еми мече́м на у́ды,/ совокупи́стеся Христу́ любе́зно, всехва́льнии му́ченицы.// Тем и ны́не на небесе́х веселя́щеся, о всех моли́теся.
Слáва Отцý и Сы́ну и Святóму Дýху.
Тропáрь: Еди́но Существо́м воспева́ю Тя, Безнача́льная Тро́ице,/ честна́я, живонача́льная, несеко́мая Еди́нице,/ О́тче нерожде́нный и рожде́нный Сло́ве и Сы́не, Ду́ше Святы́й,// нас спаси́, пою́щих Тя.
И ны́не и прúсно и во вéки векóв, амúнь.
Богорóдичен: Па́че ума́ рождество́ Твое́, Богома́ти,/ без му́жа бо зача́тие в Тебе́ и де́вственно рожде́ние бысть,/ и́бо Бог есть роди́выйся,// Его́же велича́юще, Тя, Де́во, ублажа́ем.
Святы́м, úже суть на землù Егò, удивù Госпóдь вся хотéнiя Своя́ в них.
Мýченичен: До́блее во́инство Царя́ всех и Бо́га,/ му́чеников пе́сньми венча́им, лю́дие,/ ти́и бо победи́ша бесо́вския полки́ я́ве,// я́же воспева́юще, Влады́ку велича́ем.
Блажéни, я́же избрáл, и прiя́л есù Гóсподи.
Покóин: Егда́ все созда́ние Твое́ возста́виши суди́тися, Христе, я́же прия́л еси́,/ и ны́не рабы́ Твоя́ ве́рныя поми́луй,/ прости́, я́же в житии́ прегреше́ния их,// и со святы́ми Твои́ми упоко́й я́ во ве́ки.
Катавáсiя Трióди (глас 5): Исáiе, ликýй,/ Дéва имè во чрéве/ и родù Сы́на Емманýила,/ Бóга же и Человéка,/ Востóк úмя Емý,/ Егò же величáюще,// Дéву ублажáем.
Гóсподи, поми́луй. (Трúжды)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Светúлен Трióди: Е́же от ве́ка днесь познава́ется та́инство:/ Бо́жие Бог Сло́во, Сын Де́вы Мари́и за милосе́рдие быва́ет./ И ра́дость Благове́щения Гаврии́л провещава́ет, с ни́мже возопии́м вси:// ра́дуйся, Ма́ти Госпо́дня.(Двáжды)
И ны́не и прúсно и во вéки векóв. Амúнь.
Е́же от ве́ка днесь познава́ется та́инство:/ Бо́жие Бог Сло́во, Сын Де́вы Мари́и за милосе́рдие быва́ет./ И ра́дость Благове́щения Гаврии́л провещава́ет, с ни́мже возопии́м вси:// ра́дуйся, Ма́ти Госпо́дня.
ХВАЛИТНЫ
Псалом 148
Вся́кое дыхáнiе да хвáлит Гóспода./ Хвали́те Гóспода с небéс,/ хвали́те Егò в вы́шних.// Тебè подобáет песнь Бóгу.
Хвали́те Егò вси áнгели Егò,/ хвалите Егò вся си́лы Егò.// Тебè подобáет песнь Бóгу.
Хвали́те Егò, сóлнце и лунà, хвали́те Егò, вся звéзды и свет. Хвали́те Егò Небесà небéс и водà, я́же превы́ше небéс. Да восхвáлят и҆́мя Госпóдне: я́ко Той речè, и бы́ша, Той повелè, и создáшася. Постáви я́ в век и в век вéка, повелéнiе положѝ, и не ми́мо и҆́дет. Хвали́те Гóспода от землѝ, змíеве и вся бéздны: огнь, град, снег, гóлоть, дух бýрен, творя́щая слóво Егò, гóры и вси хóлми, древà плодонóсна и вси кéдри, звéрiе и вси скóти, гáди и пти́цы пернáты. Цáрiе зéмстiи и вси лю́дiе, кня́зи и вси судiѝ зéмстiи, ю́ноши и дéвы, стáрцы с ю́нотами да восхвáлят и҆́мя Госпóдне, я́ко вознесéся и҆́мя Тогò Еди́наго, исповéданiе Егò на землѝ и на небесѝ. И вознесéт рог людéй Свои́х, песнь всем преподóбным Егò, сыновóм Iзрáилевым, лю́дем, приближáющымся Емý.
Псалом 149
Воспóйте Гóсподеви песнь нóву, хвалéнiе Егò в цéркви преподóбных. Да возвеселится Iзрáиль о сотвóршем Егò, и сы́нове Сióни возрáдуются о Царè своéм. Да восхвáлят и҆́мя Егò в ли́це, в тимпáне и псалти́ри да поют Емý. Яко благоволи́т Госпóдь в людех Свои́х, и вознесéт крóткiя во спасéнiе. Восхвáлятся преподóбнiи во слáве и возрáдуются на лóжах свои́х. Возношéнiя Бóжiя в гортáни их, и мечѝ обою́ду острѝ в рукáх их: сотвори́ти отмщéнiе во языцех, обличéнiя в лю́дех, связáти царѝ их пýты, и слáвныя их ручными окóвы желéзными: сотвори́ти в них суд напи́сан. Слáва сiя бýдет всем преподóбным Егò.
Псалом 150
Хвали́те Бóга во святы́х Егò, хвали́те Егò в утвержéнiи си́лы Егò.
На 6: Хвалúте Егò на сúлах Егò, хвалúте Егò по мнóжеству велúчествiя Егò.
Стихúры Трióди, (глас 4): Сокрове́нное та́инство/ и А́нгелом неве́домое,/ Гаврии́л уверя́ет Арха́нгел,/ и к Тебе́ ны́не прии́дет/ еди́ней нетле́нней и до́брей голуби́це,/ и ро́да на́шего воззва́нию,/ и возопие́т Тебе́ Пресвята́я, е́же ра́дуйся:/ угото́вися сло́вом, Бо́га Сло́ва,// Твои́ми ложесна́ми прия́ти.
Хвалúте Егò во глáсе трýбнем, хвалúте Егò во псалтúри и гýслех.
Стiхúра: Сокрове́нное та́инство/ и А́нгелом неве́домое,/ Гаврии́л уверя́ет Арха́нгел,/ и к Тебе́ ны́не прии́дет/ еди́ней нетле́нней и до́брей голуби́це,/ и ро́да на́шего воззва́нию,/ и возопие́т Тебе́ Пресвята́я, е́же ра́дуйся:/ угото́вися сло́вом, Бо́га Сло́ва,// Твои́ми ложесна́ми прия́ти.
На 4. Хвалúте Егò в тимпáне и лúце, хвалúте Егò во стрýнах и оргáне.
Стихúра: Светоно́сная пала́та/ угото́вася Тебе́, Влады́ко,/ утро́ба чи́стая Богоотрокови́цы,/ гряди́ к Сей и сни́ди, уще́дри созда́ние Твое́,/ зави́стно брань прии́мшее и рабо́тою удержа́нное льсти́ваго,/ и добро́ту пе́рвую погуби́вшее,// и Твоего́ спаси́тельнаго ча́ющее соше́ствия.
Хвалúте Егò в кимвáлех доброглáсных, хвалúте Егò в кимвáлех восклицáнiя. Всякое дыхáнiе да хвáлит Гóспода.
Гаврии́л Арха́нгел,/ к Тебе́, Всенепоро́чная,/ явле́нно прии́дет и возопие́т Тебе́:/ ра́дуйся, кля́твы разреше́ние,/ па́дших воста́ние./ Ра́дуйся, еди́на избра́нная Бо́гу бы́вшая./ Ра́дуйся, колесни́це со́лнца сла́вы:/ приими́ Безпло́тнаго,// во утро́бе Твое́й всели́тися хотя́щаго.
Слáва Отцý и Сыну и Святóму Дýху, и ныне и прúсно и во вéки векóв. Амúнь.
Глас 4: Язы́ка, его́же не ве́дяше,/ услы́ша Богоро́дица,/ глаго́лаше бо к Ней Арха́нгел Благове́щения глаго́лы:/ отню́дуже ве́рно прии́мши целова́ние,/ зача́т Тя, Преве́чнаго Бо́га./ Те́мже и мы ра́дующеся вопие́м Ти:/ из Нея́ воплоти́выйся непрело́жно, Бо́же,/ мир мирови да́руй// и душа́м на́шим ве́лию ми́лость.
Вóзглас: Слáва Тебè, показáвшему нам свет.
Славословие великое
Хор: Слáва в вы́шних Бóгу, и на землѝ мир, в человéцех благоволéнiе. Хвáлим Тя, благослови́м Тя, клáняем Ти ся, славослóвим Тя, благодари́м Тя вели́кiя рáди слáвы Твоея́. Гóсподи, Царю́ Небéсный, Бóже, Ѻ́тче Вседержи́телю, Гóсподи Сы́не Единорóдный, Iисýсе Хрїстè, и Святы́й Дýше. Гóсподи Бóже, Áгнче Бóжiй, Сы́не Ѻтéчь, взéмляй грех мíра, поми́луй нас. Взéмляй грехѝ мíра, прiимѝ молитву нáшу. Седя́й одеснýю Ѻтцà, поми́луй нас. Яко Ты есѝ Един Свят; Ты есѝ Един Госпóдь, Iисýс Хрїстóс, в слáву Бóга Отцà, ами́нь.
На всяк день благословлю́ Тя и восхвалю́ и҆́мя Твоè во вéки, и в век вéка.
Сподóби, Гóсподи, в день сей без грехà сохрани́тися нам. Благословéн есѝ, Гóсподи Бóже отéц нáших, и хвáльно и прослáвлено и҆́мя Твоè во вéки, ами́нь.
Бýди, Гóсподи, милость Твоя на нас, я́коже уповáхом на Тя.
Благословéн есѝ, Гóсподи, научѝ мя оправдáнiем Твои́м.
Благословéн есѝ, Влады́ко, вразумѝ мя оправдáнiем Твои́м.
Благословéн есѝ, Святы́й, просветѝ мя оправдáнiи Твои́ми.
Гóсподи, прибéжище был есѝ нам в род и род. Аз рех: Гóсподи, поми́луй мя, исцелѝ дýшу мою́, я́ко согреши́х Тебè. Гóсподи, к Тебè прибегóх, научѝ мя твори́ти вóлю Твою́, яко Ты есѝ Бог мой, яко у Тебè истóчник животà, во свéте Твоéм ýзрим свет. Пробáви ми́лость Твою́ вéдущим Тя.
Хор: Святы́й Бóже, Святы́й Крéпкiй, Святы́й Безсмéртный, помúлуй нас. (3 рáза)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкiй,/ Святы́й Безсмéртный, помúлуй нас.
Тропáрь Богорóдицы (Трióди), глас 8: Повелéнное тáйно прiéм в рáзуме,/ в крóве Ióсифове тщáнiем предстà Безплóтный, глагóля Неискусобрáчней:/ приклонúвый схождéнiем Небесà вмещáется неизмéнно весь в Тя,/ Егóже и вúдя в ложеснáх Твоúх прiéмша рáбiй зрак,/ ужасáюся звáти Тебè:// рáдуйся, Невéсто Неневéстная.
Гóсподи поми́луй (40 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи поми́луй (12 раз)
Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Утвердѝ, Бóже, святýю правослáвную вéру, правослáвных хрїстiáн во век вéка.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
Слáва Ѻтцý и Сыну и Святóму Дýху, и ныне и при́сно и во вéки векóв, ами́нь.
Гóсподи, поми́луй. (3 рáза)
Гóсподи, благословѝ.
Гóсподи, Iисýсе Хрїстè, Сыне Бóжій, моли́твами пречи́стыя Своея́ Мáтере, и всех святы́х, поми́лует и спасéт нас, я́ко Благ и Человеколю́бец.
МНОГОЛЕТИЕ
ПЕРВЫЙ ЧАС
Прiиди́те, поклони́мся Царéви нáшему Бóгу.
Прiиди́те, поклони́мся и припадéм Хрїстý, Царéви нáшему Бóгу.
Прiиди́те, поклони́мся и припадéм Самомý Хрїстý, Царéви и Бóгу нáшему.
Псалом 5
Глагóлы моя́ внушѝ, Гóсподи, разумéй звáнiе моè. Вонмѝ глáсу молéнiя моегò, Царю́ мой и Бóже мой, яко к Тебè помолю́ся, Гóсподи. Заýтра услы́ши глас мой, заýтра предстáну Ти, и ýзриши мя. Яко Бог не хотя́й беззакóнiя, Ты есѝ: не присели́тся к Тебè лукáвнуяй, нижè пребýдут беззакóнницы пред очи́ма Твои́ма: возненави́дел еси вся дéлающыя беззакóнiе. Погуби́ши вся глагóлющыя лжу: мýжа кровéй и льсти́ва гнушáется Госпóдь. Аз же мнóжеством ми́лости Твоея́, вни́ду в дом Твой, поклоню́ся ко хрáму святóму Твоемý, в стрáсе Твоéм. Гóсподи, настáви мя прáвдою Твоéю, враг моих рáди испрáви пред Тобóю путь мой. Яко несть во устéх их и҆́стины, сéрдце их сýетно, гроб отвéрст гортáнь их: язы́ки свои́ми льщáху. Судѝ им, Бóже, да отпадýт от мы́слей свои́х, по мнóжеству нечéстiя их изри́ни я́, яко преогорчи́ша Тя, Гóсподи. И да возвеселя́тся вси уповáющiи на Тя, во век возрáдуются, и всели́шися в них, и похвáлятся о Тебè лю́бящiи имя Твоè. Яко Ты благослови́ши прáведника, Гóсподи: яко орýжiем благоволéнiя венчáл есѝ нас.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты есѝ. Не отвратѝ человéка во смирéнiе, и рекл есѝ: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, и҆́же мимои́де, и стрáжа нощнáя. Уничижéнiя их лéта бýдут. Утро яко травà мимои́дет, ýтро процветéт и прéйдет: на вéчер отпадéт ожестéет и и҆́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л есѝ беззакóнiя нáша пред Тобóю: век наш в просвещéнiе лицà Твоегò. Яко вси днíе нáши оскудéша, и гнéвом Твоим исчезóхом, лéта нáша яко паучи́на поучáхуся. Днíе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегò, и от стрáха Твоегò, я́рость Твою исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы̀ Твоя́. Испóлнихомся заýтра ми́лости Твоея́, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны есѝ, лéта в ня́же ви́дехом злáя. И при́зри на рабы̀ Твоя́, и на делà Твоя́, и настáви сы́ны их. И бýди свéтлость Гóспода Бóга нáшего на нас, и делà рук нáших испрáви на нас, и дéло рук нáших испрáви.
Псалом 100
Ми́лость и суд воспою́ Тебè, Гóсподи. Пою́ и разумéю в путѝ непорóчне, когдà прiи́деши ко мне? Прехождáх в незлóбiи сéрдца моегò посредè дóму моегò. Не предлагáх пред очи́ма мои́ма вещь законопрестýпную: творя́щыя преступлéнiе возненави́дех. Не прильпè мне сéрдце стропти́во, уклоня́ющагося от менè лукáваго не познáх. Оклеветáющаго тай и҆́скренняго своегò, сегò изгоня́х: гóрдым óком, и несы́тым сéрдцем, с сим не ядя́х. Ѻ́чи моѝ на вéрныя землѝ, посаждáти я́ со мнóю: ходя́й по путѝ непорóчну, сей ми служáше. Не живя́ше посредè дóму моегò творя́й горды́ню, глагóляй непрáведная, не исправля́ше пред очи́ма мои́ма. Во ýтрiя избивáх вся грéшныя землѝ, еже потреби́ти от грáда Госпóдня вся дéлающыя беззакóнiе.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Тропáрь Богорóдицы (Трióди), глас 8: Повелéнное тáйно прiéм в рáзуме, в крóве Ióсифове тщáнiем предстà Безплóтный, глагóля Неискусобрáчней: приклони́вый схождéнiем Небесà вмещáется неизмéнно весь в Тя, Егóже и ви́дя в ложеснáх Твои́х прiéмша рáбiй зрак, ужасáюся звáти Тебè: рáдуйся, Невéсто Неневéстная.
И ны́не и прúсно и во вéки векóв. Амúнь.
Богорóдичен 1‑го часá: Что Тя наречéм, о Благодáтная? Нéбо, я́ко возсiя́ла есѝ Сóлнце Прáвды. Рай, я́ко прозяблà есѝ цвет нетлéнiя. Дéву, я́ко пребылà есѝ нетлéнна. Чи́стую Мáтерь, яко имéла есѝ на святы́х Твои́х объя́тiях Сы́на, всех Бóга. Тогò молѝ спасти́ся душáм нáшым.
Стопы̀ моя́ напрáви по словесѝ Твоемý и да не обладáет мнóю вся́кое беззакóнiе. Избáви мя от клеветы̀ человéческiя, и сохраню́ зáповеди Твоя́. Лицè Твоè просветѝ на рабà Твоегò и научѝ мя оправдáнiем Твои́м.
Да испóлнятся устà моя хвалéнiя Твоегò, Гóсподи, я́ко да воспою́ слáву Твою́, весь день великолéпiе Твоè.
Посем Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 рáза)
Слáва Отцý и Сыну и Святóму Дýху, и ныне и при́сно и во вéки векóв, ами́нь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегò рáди.
Гóсподи, поми́луй. (3 рáза)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же еси на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сыне Бóжїй, поми́луй нас. Ами́нь.
КОНДАК
Кондáк Трióди, глaс 8: Взбрáнной Воевóде победи́тельная, я́ко избáвльшеся от злых, благодáрственная восписýем Ти рабѝ Твоѝ, Богорóдице; но я́ко имýщая держáву непобеди́мую, от вся́ких нас бед свободѝ, да зовéм Ти: рáдуйся, Невéсто Неневéстная.
Гóсподи, помилуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстè Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýшы нáша освятѝ, телесà очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем их соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (3 рáза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословѝ.
Хрїстè, Свéте И҆́стинный, просвещáяй и освящáяй вся́каго человéка, грядýщаго в мiр, да знáменается на нас свет лицà Твоегò, да в нем ýзрим Свет Непристýпный: и испрáви стопы̀ нáша к дéланiю зáповедей Твои́х, моли́твами Пречи́стыя Твоея́ Мáтере, и всех Твои́х святы́х, ами́нь.
Кондáк, глас 8: Взбрáнной Воевóде победúтельная,/ я́ко избáвльшеся от злых,/ благодáрственная восписýем Ти рабù Твоù, Богорóдице;/ но я́ко имýщая держáву непобедúмую,/ от вся́ких нас бед свободù, да зовéм Ти:// рáдуйся, Невéсто Неневéстная.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 рáза)
Гóсподи, благословᴎ́.
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.
Хор: Гóсподи, помúлуй. (3 рáза)
И глаголи часы и обéдницу