Неделя четвертая Великаго поста, прп. Иоанна лествичника, глас 4. ОБЕДНИЦА (Изобразительные)
14 апрéля 2024 гóда. Недéля четвéртая Велúкaго постà. Преподóбнаго Iоáнна Лéствичника. Глас 4. Воскрéсная прáздничная слýжба для домáшнего (келéйнаго) совершéнiя. Вся слýжба прáздника по Октóиху и Трióди. Слýжба мiрскúм чúном. Послéдованiе изобразúтельных.
Прежде глагóли часы. Аще имаши произволéнiе то чти ýтреню с канóном и пéрвым чáсом, áще же ни, тóкмо часы.
ЧИН ОБЕДНИЦЫ
Глагóли сúце: Благословѝ, душè моя́, Гóспода,/ благословéн есѝ Гóсподи.
Псалом 102
Благословѝ, душè моя́, Гóспода,/ и вся внýтренняя моя и҆́мя святóе Егò./ Благословѝ, душè моя, Гóспода,/ и не забывáй всех воздая́нїй Егò,/ очищáющаго вся беззакóнїя твоя́,/ исцеля́ющаго вся недýги твоя́,/ избавля́ющаго от истлéнiя живóт твой,/ венчáющаго тя ми́лостїю и щедрóтами,/ исполня́ющаго во благи́х желáнїе твоè:/ обновится я́ко óрля ю́ность твоя́./ Творя́й ми́лостыни Госпóдь,/ и судьбý всем оби́димым./ Сказà путѝ Своя́ Моисéови,/ сыновóм Iзрáилевым хотéнїя Своя́:/ Щедр и Ми́лостив Госпóдь,/ Долготерпели́в и Многоми́лостив./ Не до концà прогнéвается,/ нижè во век враждýет,/ не по беззакóнїем нáшим сотвори́л есть нам,/ нижè по грехóм нáшым воздáл есть нам./ Я́ко по высотè небéсней от землѝ,/ утверди́л есть Госпóдь ми́лость Свою́ на боя́щихся Егò./ Ели́ко отстоят востóцы от зáпад,/ удáлил есть от нас беззакóнїя нáша./ Я́коже щéдрит отéц сы́ны,/ ущéдри Госпóдь боя́щихся Егò./ Я́ко Той познà создáнїе нáше,/ помянý, яко персть есмы̀./ Человéк, яко травà днíе eгò,/ яко цвет сéльный, тáко оцветéт,/ яко дух прóйде в нем,/ и не бýдет, и не познáет ктомý мéста своегò./ Ми́лость же Госпóдня от вéка и до вéка на боя́щихся Егò,/ и прáвда Егò на сынéх сынóв, храня́щих завéт Егò, и пóмнящих зáповеди Егò твори́ти я./ Госпóдь на Небесѝ уготóва Престóл Свой,/ и Цáрство Егò всéми обладáет./ Благослови́те Гóспода вси Áнгели Егò,/ си́льнїи крéпостїю, творя́щїи слóво Егò, услышати глас словéс Егò./ Благослови́те Гóспода вся Си́лы Егò,/ слýги Егò, творя́щїи вóлю Егò./ Благослови́те Гóспода вся делà Егò,/ на всяком мéсте влады́чества Егò.
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Благословѝ, душè моя, Гóспода,/ и вся внýтренняя моя и҆́мя святóе Егò./ Благословéн есѝ, Гóсподи.
Слáва Ѻтцý и Сы́ну и Святóму Дýху.
Псалом 145
Хвалѝ, душè моя, Гóспода./ Восхвалю́ Гóспода в животè моéм,/ пою Бóгу моемý, дóндеже есмь./ Не надéйтеся на кня́зи, на сы́ны человéческїя,/ в ни́хже несть спасéнїя./ Изы́дет дух eгò/ и возврати́тся в зéмлю свою́./ В той день поги́бнут вся помышлéнїя eгò./ Блажéн, eмýже Бог Iáковль Помóщник егò,/ уповáнiе eгò на Гóспода Бóга своегò,/ сотвóршаго нéбо и зéмлю,/ мóре и вся, я́же в них,/ храня́щаго и҆́стину в век,/ творя́щаго суд оби́димым,/ даю́щаго пи́щу áлчущим./ Госпóдь реши́т оковáнныя./ Госпóдь умудря́ет слепцы̀./ Госпóдь возвóдит низвéрженныя./ Госпóдь лю́бит прáведники./ Госпóдь храни́т пришéльцы,/ си́ра и вдову прїи́мет/ и путь грéшных погуби́т./ Воцари́тся Госпóдь во век,/ Бог твой, Сióне, в род и род.
И ны́не и прúсно и во вéки векóв. Амúнь.
ЕДИНОРОДНЫЙ СЫНЕ
Единорóдный Сы́не и Слóве Бóжiй, Безсмéртен Сый/ и извóливый спасéнїя нáшего рáди/ воплоти́тися от Святы́я Богорóдицы и Приснодéвы Марíи,/ непрелóжно вочеловéчивыйся,/ распны́йся же, Хрїстè Бóже, смéртїю смерть попрáвый,/ Един Сый Святы́я Трóицы,/ спрославля́емый Отцý и Святóму Дýху, спасѝ нас.
И поем Блаженны с тропарями из Октоиха
Хор: Во Цáрствiи Твоéм помянù нас, Гóсподи,/ егдà прiúдеши, во Цáрствiи Твоéм.
На 12. Хор: Блажéни нúщiи дýхом,/ я́ко тех есть Цáрство Небéсное.
Хор: Блажéни плáчущiи,/ я́ко тíи утéшатся.
На 10. Хор: Блажéни крóтцыи,/ я́ко тíи наслéдят зéмлю.
Хор: Блажéни áлчущiи и жáждущiи прáвды,/ я́ко тíи насы́тятся.
На 8. Хор: Блажéни мúлостивiи,/ я́ко тíи помúловани бýдут.
Чтец (стiхúры воскрéсные, глас 4): Дрéвом Адáм рая́ бысть изселéн;/ дрéвом же крéстным разбóйник в рай всели́ся./ Ов ýбо вкуш, зáповедь отвéрже Сотвóршаго;/ ов же сраспинáем, Бóга исповéда Тая́щагося,// помянѝ мя, вопiя́, во Цáрствiи Твоéм.
Хор: Блажéни чúстiи сéрдцем,/ я́ко тíи Бóга ýзрят.
Чтец: Вознесы́йся на Крест, смéртную разруши́вый си́лу,/ и заглáдивый, я́ко Бог, éже на ны рукописáнiе, Гóсподи,/ разбóйниче покая́нiе и нам подáждь, Еди́не Человеколю́бче,/ вéрою служáщим, Хрїстè Бóже наш, и вопiю́щим Ти:// помянѝ и нас во Цáрствiи Твоéм.
На 6. Хор: Блажéни миротвóрцы,/ яко тíи сы́нове Бóжiи нарекýтся.
Чтец: Рукописáнiе нáше на Крестè копiéм раздрáл есѝ,/ и вмени́вся в мéртвых, тáмошняго мучи́теля связáл есѝ,/ избáвивый всех от уз áдовых воскресéнiем Твои́м,/ и҆́мже просвети́хомся, Человеколю́бче Гóсподи, и вопiéм Ти:// помянѝ и нас во Цáрствiи Твоéм.
Хор: Блажéни изгнáни прáвды рáди,/ я́ко тех есть Цáрство Небéсное.
Чтец: Распны́йся и воскресы́й я́ко Си́лен из грóба триднéвен,/ и первоздáннаго Адáма воскреси́вый, Еди́не Безсмéртне:/ и менè на покая́нiе обрати́тися, Гóсподи, сподóби от всегó сéрдца моегó,/ и тéплою вéрою при́сно взывáти Ти:// помяни́ мя, Спáсе, во Цáрствiи Твоéм.
На 4. Хор: Блажéни естè, егдà понóсят вам,/ и изженýт, и рекýт всяк зол глагóл на вы лжýще Менè рáди.
Чтец: Нас рáди, И҆́же безстрáстен, стрáстный бысть человéк,/ и вóлею на Крестè пригвождéйся, нас совоскресѝ,/ тéмже и слáвим со Крестóм страсть и воскресéнiе,/ и҆́миже возсоздáхомся, и҆́миже и спасáемся, взывáюще:// помянѝ и нас во Цáрствiи Твоéм.
Хор: Рáдуйтеся и веселúтеся, я́ко мзда вáша мнóга на Небесéх.
Чтец: Воскрéсшаго из мéртвых, и áдову держáву плени́вшаго,/ и ви́дима женáми миронóсицами, рáдуйтеся, глагóлющаго,/ вéрнiи умóлим, от истлéнiя избáвити дýши нáша,/ зовýще всегдà разбóйника благоразýмнаго глáсом к Немý:// помянѝ и нас во Цáрствiи Твоéм.
Хор: Слáва Ѻтцý и Сы́ну и Святóму Дýху.
Трóичен: Отцà, и Сы́на, и Святáго Дýха,/ вси единомýдренно вéрнiи славослóвити достóйно помóлимся:/ Еди́нство Божествà, в Трiéх сýщее Ипостáсех, неслiя́нно пребывáющее,/ Прóсто, Нераздéльно и Непристýпно,// И́мже избавля́емся óгненнаго мучéнiя.
Хор: И ны́не и прúсно и во вéки векóв. Амúнь.
Богорóдичен: Мáтерь Твою́, Хрiстè,/ плóтiю без сéмене рóждшую Тя, и Дéву вои́стинну,/ и по Рождествè пребы́вшу Нетлéнну,/ Сiю́ Ти привóдим в моли́тву, Влады́ко Многоми́лостиве,/ прегрешéнiй прощéнiе дáруй, всегдà вопiю́щим Ти:// помянѝ и нас во Цáрствiи Твоéм.
Тропари и кондаки
Тропáрь воскрéсный, глас 4: Свéтлую Воскресéнiя прóповедь/ от Áнгела увéдевша Госпóдни ученúцы/ и прáдеднее осуждéнiе отвéргша,/ апóстолом хвáлящася глагóлаху:/ испровéржеся смерть,/ воскрéсе Хрїстóс Бог,// дáруяй мíрови вéлiю мúлость.
Тропáрь Трióди (прп. Iоáнна), глас 1: Пусты́нный жúтель и в телесù áнгел,/ и чудотвóрец явúлся есù Богонóсе óтче наш Iоáнне:/ постóм, бдéнiем, молúтвою небéсная даровáнiя прiúм,/ исцеля́еши недýжныя, и дýши вéрою притекáющих ти./ Слáва Дáвшему ти крéпость:/ слáва Венчáвшему тя:// слáва Дéйствующему тобóю всем исцелéнiя.
Слáва Ѻтцý и Сы́ну и Святóму Дýху.
Кондáк Трióди (прп. Iоáнна), глас 4: На высотè Госпóдь воздержáнiя úстинна тя положù,/ я́коже звездý нелéстную, световодя́щую концы̀, настáвниче Iоáнне óтче наш.
И ны́не и прúсно и во вéки векóв, амúнь.
Кондáк воскрéсный, глас 4: Спас и Избáвитель мой/ из грóба, я́ко Бог, воскресù от уз земнорóдныя,/ и вратà áдова сокрушù,/ и я́ко Влады́ка// воскрéсе триднéвен.
Трисвятое
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас. (3 рáза)
Хор: Слáва Отцý и Сы́ну и Святóму Дýху, и ны́не и прúсно и во вéки векóв, амúнь.
Хор: Святы́й Безсмéртный, помúлуй нас.
Хор: Святы́й Бóже,/ Святы́й Крéпкій,/ Святы́й Безсмéртный, помúлуй нас.
Прокимен воскресный, глас 4
Чтец: Прокíмен, глас четвéртый, псалóм Давíдов. Я́ко возвели́чишася делà Твоя́, Гóсподи, вся премýдростiю сотвори́л есѝ. (Пс.103:24А)
Хор: Я́ко возвелúчишася делá Твоя, Гóсподи,/ вся премýдростiю сотворúл есù.
Чтец: Вси язы́цы восплещи́те рукáми, воскли́кните Бóгу глáсом рáдованiя. (Пс.103:1А-1Б)
Хор: Я́ко возвелúчишася делà Твоя, Гóсподи,/ вся премýдростiю сотворúл есù.
Прокимен преподобнаго Иоанна
Чтец: Прокíмен, глас седьмы́й, псалóм Давíдов: Восхвáлятся преподóбнiи во слáве, и возрáдуются на лóжах свои́х. (Пс.149:5)
Хор: Восхвáлятся преподóбнiи во слáве,/ и возрáдуются на лóжах своúх.
АПОСТОЛ
Чтец: Ко Еврéем послáнiя святáго апóстола Пáвла чтéнiе.
(Евр.зач.314): Брáтiе, Авраáму обетовáя Бог, понéже ни eди́нем имя́ше бóльшим кля́тися, кля́тся Собóю, глагóля: вои́стинну благослóвствуя благословлю́ тя, и мнóжя умнóжу тя. И тáко долготерпéв, получѝ обетовáнiе. Человéцы ýбо бóльшим кленýтся, и вся́кому их прекослóвiю кончи́на во извещéнiе, кля́тва eсть. В нéмже ли́шше хотя́ Бог показáти наслéдником обетовáнiя непрелóжное совéта Своегò, ходáтайствова кля́твою. Я́ко да двемà вéщма непрелóжныма, в нéюже не возмóжно солгáти Бóгу, крéпкое утешéнiе и҆́мамы прибéгшiи, я́тися за предлежáщее уповáнiе. Éже áки кóтву и҆́мамы душѝ, твéрду же и извéстну, и входя́щую во внýтреннее завéсы. Идéже предтéча о нас вни́де Iисýс, по чи́ну Мелхiседéкову, Первосвящéнник быв во вéки.
[Синодальный перевод]Братия, Бог, давая обетование Аврааму, как не мог никем высшим клясться, клялся Самим Собою, говоря: истинно благословляя благословлю тебя и размножая размножу тебя. И так Авраам, долготерпев, получил обещанное. Люди клянутся высшим, и клятва во удостоверение оканчивает всякий спор их. Посему и Бог, желая преимущественнее показать наследникам обетования непреложность Своей воли, употребил в посредство клятву, дабы в двух непреложных вещах, в которых невозможно Богу солгать, твердое утешение имели мы, прибегшие взяться за предлежащую надежду, которая для души есть как бы якорь безопасный и крепкий, и входит во внутреннейшее за завесу, куда предтечею за нас вошел Иисус, сделавшись Первосвященником навек по чину Мелхиседека. (Евр.6:13-20)
(Еф.зач.229): Брáтiе, я́ко чáда свéта ходи́те, плод бо Духóвный eсть во вся́цей благосты́ни и прáвде и и҆́стине, искушáюще, что eсть благоугóдно Бóгови. И не приoбщáйтеся к делóм неплóдным тьмы, пáче же и обличáйте. Бывáeмая бо óтай от них, срáмно eсть и глагóлати. Вся же обличáeмая, от свéта явля́ются: все бо явля́емое свет eсть. Сегò рáди глагóлет: востáни, спяй, и воскреснѝ от мéртвых, и освети́т тя Хрїстóс. Блюди́те ýбо, кáко опáсно хóдите, не я́коже немýдри, но я́коже премýдри, искупýюще врéмя, я́ко днíе лукáви суть. Сегò рáди не бывáйте несмы́сленни, но разумевáйте, что eсть вóля Бóжiя. И не упивáйтеся винóм, в нéмже eсть блуд, но пáче исполня́йтеся Дýхом, глагóлюще себè во псалмéх и пéнiих, и пéснех духóвных, воспевáюще и пою́ще в сердцáх вáших Гóсподеви.
[Синодальный перевод]Братия, поступайте, как чада света, потому что плод Духа состоит во всякой благости, праведности и истине. Испытывайте, чтó благоугодно Богу, и не участвуйте в бесплодных делах тьмы, но и обличайте. Ибо о том, чтó они делают тайно, стыдно и говорить. Все же обнаруживаемое делается явным от света, ибо все, делающееся явным, свет есть. Посему сказано: «встань, спящий, и воскресни из мертвых, и осветит тебя Христос». Итак, смотри́те, поступайте осторожно, не как неразумные, но как мудрые, дорожа временем, потому что дни лукавы. Итак, не будьте нерассудительны, но познавайте, чтó есть воля Божия. И не упивайтесь вином, от которого бывает распутство; но исполняйтесь Духом, назидая самих себя псалмами и славословиями и песнопениями духовными, поя и воспевая в сердцах ваших Господу.(Еф.5:8-19)
Аллилуиарий воскресный, глас 4
Чтец: Аллилýїа, аллилýїа, аллилýїа, глас четвéртый, псалóм Давíдов. Наляцы̀, и успевáй, и цáрствуй и҆́стины рáди, и крóтости, и прáвды. (Пс.44:5Б)
Хор: Аллилýїа, аллилýїа, аллилýїа.
Чтец: Возлюби́л есѝ прáвду, и возненави́дел есѝ беззакóнiе. (Пс.44:8А)
Хор: Аллилýїа, аллилýїа, аллилýїа.
Аллилуарий прп. Иоанна
Чтец: Аллилýїа, глас тóйже, псалóм Давíдов: Насаждéни в домý Госпóдни во двóрех дóму Бóга нáшего процветýт. (Пс.91:14)
Хор: Аллилýїа, аллилýїа, аллилýїа.
ЕВАНГЕЛИЕ
Чтец: От Мáрка Святáго Евáнгелiя чтéнiе.
Хор: Слáва Тебè, Гóсподи, слáва Тебè.
(Мк.зач.40): Во врéмя óно, человéк нéкiй прiи́де ко Iисýсови, клáняяся Емý, и глагóля: Учи́телю, приведóх сы́на моегò к Тебè, имýща дýха нéма. И идéже коли́ждо и́мет eгò, разбивáет eгò, и пéны тещи́т, и скрежéщет зубы̀ свои́ми, и оцепеневáет, и рех ученикóм Твои́м, да изженýт eгò, и не возмогóша. Oн же отвещáв eмý, глагóла: о, рóде невéрен, докóле в вас бýду; докóле терплю́ вы? Приведи́те eгò ко Мне. И приведóша eгò к Немý. И ви́дев Eгò, áбiе дух стрясè eгò: и пад на землѝ, валя́шеся, пéны тещà. И вопросѝ oтцà eгò: коли́ко лет eсть, отнéлеже сiè бысть eмý? Oн же речè: издéтска. И мнóгажды во oгнь ввéрже eгò, и в вóды, да погуби́т eгò, но áще что мóжеши, помозѝ нам, милосéрдовав о нас. Iисýс же речè eмý: éже áще что мóжеши вéровати, вся возмóжна вéрующему. И áбiе возопи́в oтéц oтрочáте со слезáми, глагóлаше: вéрую, Гóсподи, помозѝ моемý невéрiю. Ви́дев же Iисýс, я́ко сри́щется нарóд, запретѝ дýху нечи́стому, глагóля eмý: дýше немы́й и глухíй, Аз ти повелевáю, изы́ди из негò, и ктомý не вни́де в негò. И возопи́в, и мнóго пружáвся, изы́де: и бысть я́ко мертв, я́коже мнóзем глагóлати, я́ко ýмре. Iисýс же eмь eгò за рýку, воздви́же eгò: и востà. И вшéдшу Eмý в дом, ученицы̀ Eгò вопрошáху Eгò eди́наго: я́ко мы не возмогóхом изгнáти eгò? И речè им: сей род ничи́мже мóжет изы́ти, тóкмо моли́твою и постóм. И оттýду изшéдше, идя́ху сквозé Галiлéю: и не хотя́ше, да кто увéсть. Учáше бо ученикѝ Своя́, и глагóлаше им, я́ко Сын Человéческiй прéдан бýдет в рýце человéчeсте, и убiю́т Eгò: и убiéн быв, в трéтiй день воскрéснет.
[Синодальный перевод]В те дни человек некий пришел к Иисусу, кланяясь Ему и говоря: Учитель! я привел к Тебе сына моего, одержимого духом немым: где ни схватывает его, повергает его на землю, и он испускает пену, и скрежещет зубами своими, и цепенеет. Говорил я ученикам Твоим, чтобы изгнали его, и они не могли. Отвечая ему, Иисус сказал: о, род неверный! доколе буду с вами? доколе буду терпеть вас? Приведите его ко Мне. И привели его к Нему. Как скоро бесноватый увидел Его, дух сотряс его; он упал на землю и валялся, испуская пену. И спросил Иисус отца его: как давно это сделалось с ним? Он сказал: с детства; и многократно дух бросал его и в огонь и в воду, чтобы погубить его; но, если что можешь, сжалься над нами и помоги нам. Иисус сказал ему: если сколько-нибудь можешь веровать, всё возможно верующему. И тотчас отец отрока воскликнул со слезами: верую, Господи! помоги моему неверию. Иисус, видя, что сбегается народ, запретил духу нечистому, сказав ему: дух немой и глухой! Я повелеваю тебе, выйди из него и впредь не входи в него. И, вскрикнув и сильно сотрясши его, вышел; и он сделался, как мертвый, так что многие говорили, что он умер. Но Иисус, взяв его за руку, поднял его; и он встал. И как вошел Иисус в дом, ученики Его спрашивали Его наедине: почему мы не могли изгнать его? И сказал им: сей род не может выйти иначе, как от молитвы и поста. Выйдя оттуда, проходили через Галилею; и Он не хотел, чтобы кто узнал. Ибо учил Своих учеников и говорил им, что Сын Человеческий предан будет в руки человеческие и убьют Его, и, по убиении, в третий день воскреснет. (Мк.9:17-31)
(Мф.зач.10А): Во врéмя óно, по Iисýсе идóша нарóди мнóзи от Галiлéи и десятѝ град, и от Iерусали́ма и Iудéи, и со óнаго пóлу Ioрдáна. Узрéв же нарóды, взы́де на горý: и сéдшу Eмý, приступи́ша к Немý ученицы̀ Eгò. И отвéрз устà Своя́, учáше их, глагóля: блажéни ни́щiи дýхом, я́ко тех eсть Цáрствiе Небéсное. Блажéни плáчущiи, я́ко тíи утéшатся. Блажéни крóтцiи, я́ко тíи наслéдят зéмлю. Блажéни áлчущiи и жáждущiи прáвды, я́ко тíи насы́тятся. Блажéни ми́лостивiи, я́ко тíи поми́ловани бýдут. Блажéни чи́стiи сéрдцем, я́ко тíи Бóга ýзрят. Блажéни миротвóрцы, я́ко тíи сы́нове Бóжiи нарекýтся. Блажéни изгнáни прáвды рáди, я́ко тех eсть Цáрствiе Небéсное. Блажéни eстè, eгдà понóсят вам, и ижденýт, и рекýт всяк зол глагóл на вы лжýще, Менè рáди. Рáдуйтеся и весели́теся, я́ко мзда вáша мнóга на небесéх.
[Синодальный перевод]В те дни следовало за Иисусом множество народа из Галилеи и Десятиградия, и Иерусалима, и Иудеи, и из-за Иордана. Увидев народ, Он взошел на гору; и, когда сел, приступили к Нему ученики Его. И Он, отверзши уста Свои, учил их, говоря: Блаженны нищие духом, ибо их есть Царство Небесное. Блаженны плачущие, ибо они утешатся. Блаженны кроткие, ибо они наследуют землю. Блаженны алчущие и жаждущие правды, ибо они насытятся. Блаженны милостивые, ибо они помилованы будут. Блаженны чистые сердцем, ибо они Бога узрят. Блаженны миротворцы, ибо они будут наречены сынами Божиими. Блаженны изгнанные за правду, ибо их есть Царство Небесное. Блаженны вы, когда будут поносить вас и гнать и всячески неправедно злословить за Меня. Радуйтесь и веселитесь, ибо велика ваша награда на небесах.(Мф.4:25-5:12А)
Хор: Слáва Тебè, Гóсподи, слáва Тебè.
Помянѝ нас, Гóсподи, егдà прїи́деши во Цáрствiи Твоéм.
Помянѝ нас, Влады́ко, егдà прїи́деши во Цáрствiи Твоéм.
Помянѝ нас, Святы́й, егдà прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицà вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцà, Вседержи́теля, Творцà нéбу и землѝ, ви́димым же всем и неви́димым. И во Еди́наго Гóспода Iисýса Хрїстà, Сы́на Бóжiя, Единорóднаго, И҆́же от Ѻтцà Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесà и седя́ща одеснýю Ѻтцà. И пáки грядýщаго со слáвою суди́ти живы́м и мéртвым, Егóже Цáрствiю не бýдет концà. И в Дýха Святáго, Гóспода, Животворя́щаго, И҆́же от Ѻтцà исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, простѝ Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умè и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоè, да прiи́дет Цáрствiе Твоè, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
КОНДАК
Кондáк воскрéсный, глас 4: Спас и Избáвитель мой/ из грóба, я́ко Бог, воскресù от уз земнорóдныя,/ и вратà áдова сокрушù,/ и я́ко Влады́ка// воскрéсе триднéвен.
Гóсподи, поми́луй. (12 раз)
И молúтву: Всесвятáя Трóице, Единосýщная Держáво, Нераздéльное Цáрство, всех благи́х Винà, благоволѝ же и о мне грéшнем, утвердѝ, вразумѝ сéрдце моè, и всю мою отымѝ сквéрну, просветѝ мою мысль, да вы́ну слáвлю, пою́, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Бýди и҆́мя Госпóдне благословéно от ны́не и до вéка. (3 рáза)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Псалом 33
Благословлю́ Гóспода на вся́кое врéмя,/ вы́ну хвалà Егò во устéх мои́х./ О Гóсподе похвáлится душà моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егò вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицà вáша не постыдя́тся./ Сей ни́щiй воззвà, и Госпóдь услы́ша и҆̀,/ и от всех скорбéй егò спасè и҆̀./ Ополчи́тся Áнгел Госпóдень óкрест боя́щихся Егò,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егò,/ яко несть лишéнiя боя́щымся Егò./ Богáтiи обнищáша и взалкáша,/ взыскáющiи же Гóспода не лишáтся вся́каго блáга./ Прiиди́те, чáда, послýшайте менè,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнè твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егò в моли́тву их./ Лицè же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша и҆́х,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютà,/ и ненави́дящiи прáведнаго прегрешáт./ Избáвит Госпóдь дýши раб Свои́х,/ и не прегрешáт вси уповáющiи на Негò.
Вместо Достойно есть (задостойник)
Хор: О Тебè рáдуется, Благодáтная вся́кая тварь,/ Áнгельскiй собóр и человéческiй род,/ освящéнный хрáме и раю́ словéсный,/ дéвственная похвалò,/ из Нея́же Бог воплотúся,/ и Младéнец бысть, прéжде век Сый Бог наш:/ ложеснà бо Твоя престóл сотворù/ и чрéво Твоè прострáннее Небéс содéла.// О Тебè рáдуется, Благодáтная, вся́кая тварь, слáва Тебè.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Гóсподи, помúлуй. (3 рáза)
Гóсподи, благословᴎ́.
ОТПУСТ
Гóсподи, Iисýсе Хрїстè, Сыне Бóжій, моли́твами Пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, яко Благ и Человеколю́бец. Ами́нь.