Последование всенощного бдения для домашнего (келейного) совершения состоит из
Великой вечерни с литией,
утрени с
каноном и
первого часа. Вся служба праздника (по Триоди).
ВЕЛИКАЯ ВЕЧЕРНЯ
Часы и обедницу с ударениями посмотреть и скачать в формате
doc, в формате
pdf.
Молитвами святых отéц нáших, Гóсподи Иисусе Христé, Бóже наш, помилуй нас, аминь.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды)
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святóму Духу, и ныне и присно и во веки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
Гóсподи, помилуй, (12 раз.)
Слáва Отцу и Сыну и Святóму Духу, и ныне и присно и во вéки векóв, аминь.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды)
Псалом 103, предначинáтельный
Стихи избрáннии: Благослови, душé моя, Гóспода./ Благословéн еси, Гóсподи./ Гóсподи, Бóже мой, возвеличился еси зелó./ Благословéн еси, Гóсподи./ Вся премудростию сотворил еси./ Слáва Ти, Гóсподи, сотворившему вся.
Слáва Отцу и Сыну и Святóму Духу, и ныне и присно и во вéки векóв, аминь.
Аллилуиа, аллилуиа, аллилуиа, слáва Тебé Бóже. (3 раза)
Гóсподи, помилуй. (12 раз)
Слáва Отцу и Сыну и Святóму Духу, и ныне и присно и во вéки векóв, аминь.
БЛАЖЕН МУЖ
Чтец (или хор): Блажéн муж, иже не иде на совéт нечестивых.
Хор: Аллилуиа, аллилуиа, аллилуиа.
Чтец (или хор): Яко весть Госпóдь путь прáведных, и путь нечестивых погибнет.
Хор: Аллилуиа, аллилуиа, аллилуиа.
Чтец (или хор): Рабóтайте Гóсподеви со стрáхом и рáдуйтеся Ему с трéпетом.
Хор: Аллилуиа, аллилуиа, аллилуиа.
Чтец (или хор): Блажéни вси надéющиися Нань.
Хор: Аллилуиа, аллилуиа, аллилуиа.
Чтец (или хор): Воскресни, Гóсподи, спаси мя, Бóже мой.
Хор: Аллилуиа, аллилуиа, аллилуиа.
Чтец (или хор): Госпóдне есть спасéние, и на людех Твоих благословéние Твоé.
Хор: Аллилуиа, аллилуиа, аллилуиа.
Чтец: Слáва Отцу и Сыну и Святóму Духу.
Хор: Аллилуиа, аллилуиа, аллилуиа.
Хор: И ныне и присно и во вéки векóв, аминь.
Аллилуиа, аллилуиа, аллилуиа, слáва Тебé Бóже. (трижды)
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Го́споди, воззва́х, глас 1
Хор: Гóсподи, воззвáх к Тебé, услыши мя./ Услыши мя, Гóсподи./ Гóсподи, воззвáх к Тебé, услыши мя:/ вонми глáсу молéния моегó,/ внегдá воззвáти ми к Тебé./ Услыши мя, Гóсподи.
Хор: Да испрáвится молитва моя,/ яко кадило пред Тобóю,/ воздеяние руку моéю/ - жéртва вечéрняя./ Услыши мя, Гóсподи.
На 10 Чтец: Изведи из темницы душу мою,// исповéдатися имени Твоему.
Стихиры Триóди, глас 1, самоглáсны: Двéрем заключéнным,/ ученикóм собрáнным,/ вшел еси внезáпу всесильне Иисусе Бóже наш,/ и став посредé их/ мир дав, испóлнил еси Святáго Духа:/ ждáти же повелéл еси,/ и никáкоже разлучáтися от Иерусалима,/ дóндеже облекутся éже с высоты силою./ Тéмже вопиéм Ти:// просвещéние и Воскресéние и мире наш, слáва Тебé.
Менé ждут праведницы,// дондеже воздаси мне.
Стихира: Двéрем заключéнным,/ ученикóм собрáнным,/ вшел еси внезáпу всесильне Иисусе Бóже наш,/ и став посредé их/ мир дав, испóлнил еси Святáго Духа:/ ждáти же повелéл еси,/ и никáкоже разлучáтися от Иерусалима,/ дóндеже облекутся éже с высоты силою./ Тéмже вопиéм Ти:// просвещéние и Воскресéние и мире наш, слáва Тебé.
На 8. Стих: Из глубины воззвах к Тебé, Господи,// Господи, услыши глас мой.
Стихира: По днех осмих востáния Твоегó Гóсподи,/ явился еси ученикóм Твоим/ на мéсте, идéже бяху сóбрани,/ и возгласив им: мир вам,/ невéрующему ученику руце показáл еси,/ и пречистое ребрó./ Он же вéровав вопияше Тебé:// Госпóдь мой и Бог мой, слáва Тебé.
Да будут уши Твои// внéмлюще гласу молéния моего.
Стихира: По днех осмих востáния Твоегó Гóсподи,/ явился еси ученикóм Твоим/ на мéсте, идéже бяху сóбрани,/ и возгласив им: мир вам,/ невéрующему ученику руце показáл еси,/ и пречистое ребрó./ Он же вéровав вопияше Тебé:// Госпóдь мой и Бог мой, слáва Тебé.
На 6. Стих: Аще беззакония назриши, Господи, Господи, кто постоит?// Яко у Тебé очищéние есть.
Стихира: Фомá, глагóлемый Близнéц, не бе с ними,/ егдá вшел еси, Христé, заключéнным двéрем:/ тéмже и не вéроваше речéнным ему,/ от невéрия в вéру извествуя./ Не несподóбил же еси Блáже,/ показáти ему пречистое ребрó Твоé,/ и руку и ногу язвы:/ он же осязáв и видев,/ исповéда Тебé быти Бóга не нáга,/ и Человéка не прóста, и вопияше:// Госпóдь мой и Бог мой, слáва Тебé.
Имене ради Твоего потерпех Тя, Господи, потерпé душа моя в слово Твоé, упова душа моя на Господа.
Стихира: Фомá, глагóлемый Близнéц, не бе с ними,/ егдá вшел еси, Христé, заключéнным двéрем:/ тéмже и не вéроваше речéнным ему,/ от невéрия в вéру извествуя./ Не несподóбил же еси Блáже,/ показáти ему пречистое ребрó Твоé,/ и руку и ногу язвы:/ он же осязáв и видев,/ исповéда Тебé быти Бóга не нáга,/ и Человéка не прóста, и вопияше:// Госпóдь мой и Бог мой, слáва Тебé.
На 4. Стих: От стражи утренния до нощи, от стражи утренния,// да уповает Израиль на Господа.
Стихира: Ученикóм сомнящимся,/ во осмый день предстá Спас, идéже бяху сóбрани,/ и мир дав, Фомé возопи:/ прииди апóстоле,/ осяжи длáни, в нихже гвóздия вонзóша./ О дóброе невéрие Фоминó,/ вéрных сердцá в познáние приведé,// и со стрáхом возопи: Госпóдь мой и Бог мой, слáва Тебé.
Яко у Господа милость, и многое у Него избавлéние,// и Той избавит Израиля от всех беззаконий eго.
Стихира: Ученикóм сомнящимся,/ во осмый день предстá Спас, идéже бяху сóбрани,/ и мир дав, Фомé возопи:/ прииди апóстоле,/ осяжи длáни, в нихже гвóздия вонзóша./ О дóброе невéрие Фоминó,/ вéрных сердцá в познáние приведé,// и со стрáхом возопи: Госпóдь мой и Бог мой, слáва Тебé.
На 2. Стих: Хвалите Господа вси языцы, похвалите Его вси людие.
Глас 2, самоглáсны:: По востáнии Твоéм Гóсподи,/ собрáнным ученикóм Твоим, и двéрем заключéнным,/ посреде стал еси, мир подая им./ Вéровав же и Фомá зрéнием руку и ребр Твоих,/ Гóспода и Бóга Тя исповéда,// спасáющаго уповáющия на Тя Человеколюбче.
Яко утвердися милость Его на нас, и истина Господня пребывает во век.
Стихира: Двéрем заключéнным,/ предстáв Иисус ученикóм,/ безстрáшие и мир даяше,/ тáже глагóлет Фомé:/ почтó Мне не вéруеши, яко воскресóх из мéртвых?/ Принеси сéмо руку твою,/ и вложи в рéбра Моя, и виждь./ Тебé бо невéрующу,/ вси навыкóша стрáсти и Воскресéние Моé звáти с тобóю:// Госпóдь мой и Бог мой, слáва Тебé.
Слáва Отцу и Сыну и Святóму Духу, и ныне и присно и во вéки векóв, аминь.
Глас 6: Двéрем заключéнным,/ предстáв Иисус ученикóм,/ безстрáшие и мир даяше,/ тáже глагóлет Фомé:/ почтó Мне не вéруеши, яко воскресóх из мéртвых?/ Принеси сéмо руку твою,/ и вложи в рéбра Моя, и виждь./ Тебé бо невéрующу,/ вси навыкóша стрáсти и Воскресéние Моé звáти с тобóю:// Госпóдь мой и Бог мой, слáва Тебé.
СВЕТЕ ТИХИЙ
Хор: Свéте Тихий святыя слáвы Безсмéртнаго Отцá Небéснаго, Святáго, Блажéннаго, Иисусе Христé! Пришéдше на зáпад сóлнца, видевше свет вечéрний, поéм Отцá, Сына и Святáго Духа, Бóга. Достóин еси во вся временá пет быти глáсы преподóбными, Сыне Бóжий, живóт даяй; тéмже мир Тя слáвит.
Прокимен Триоди, глас 6:
Чтец: Прокимен, глас шестый: Госпóдь воцарися, в лéпоту облечéся.
Хор: Госпóдь воцарися,/ в лéпоту облечéся.
Чтец: Облечéся Госпóдь в силу и препоясася.
Хор: Госпóдь воцарися,/ в лéпоту облечéся.
Чтец: Ибо утверди вселéнную, яже не подвижится.
Хор: Госпóдь воцарися,/ в лéпоту облечéся.
Чтец: Дóму Твоему подобáет святыня, Гóсподи, в долготу дний.
Хор: Госпóдь воцарися,/ в лéпоту облечéся.
Гóсподи, помилуй. (40 раз)
Слáва Отцу и Сыну и Святóму Духу, и ныне и присно и во вéки векóв, аминь.
Сподоби, Господи
Хор: Сподóби, Гóсподи, в вéчер сей без грехá сохранитися нам./ Благословéн еси, Гóсподи Бóже отéц нáших,/ и хвáльно и прослáвлено имя Твоé во вéки, аминь.
Буди, Гóсподи, милость Твоя на нас, якоже уповáхом на Тя./ Благословéн еси, Гóсподи, научи мя оправдáнием Твоим./ Благословéн еси, Владыко, вразуми мя оправдáнием Твоим./ Благословéн еси, Святый, просвети мя оправдáнии Твоими.
Гóсподи, милость Твоя во век, дел руку Твоéю не прéзри./ Тебé подобáет хвалá. Тебé подобáет пéние,/ Тебé слáва подобáет, Отцу и Сыну и Свято́му Духу, ныне и присно и во вéки векóв. Аминь.
Гóсподи, помилуй. (12 раз)
Слáва Отцу и Сыну и Святóму Духу, и ныне и присно и во вéки векóв, аминь.
ЛИТИЯ
Глас 4: Гóсподи, нестерпи́мым Твоегó Божествá блистáнiем,/ двéрем пришéл есѝ заключéнным сýщим,/ и став посредé ученикóв./ Ребрó обнажи́л есѝ,/ и язв Твоéю рукý и ногý стрýпы явля́я:/ печáль же и скорбь разрешáя,/ я́ве возгласи́л есѝ:/ и́мже óбразом во Мне ви́дите, о дрýзи, плóти прiя́тiе,/ не дýха ношý естествó./ Сомня́щемуся же ученикý,/ повелевáл есѝ осязáти трéпетно, рек:/ испытáв вся, грядѝ, прóчее не сумни́ся./ Он же ощущáя рукóю Твоé сугýбое существó,/ со стрáхом вопия́ше вéрно, вéрою влекóмь:// Госпóдь мой и Бог мой, слáва Тебé.
Глас 8: Прикосни́ся Фомó ребрý рукóю, глагóлет Христóс,/ и óбразы гвоздéй прiидѝ осяжѝ,/ вéрою испытáй, и бýди Ми вéрен,/ и не бýди невéрен./ Фомá же пéрстом яко прикоснýся Влады́це, вельмѝ возопѝ:// Ты Бог мой и Госпóдь, благоутрóбне слáва Тебé.
Слáва Отцу и Сыну и Святóму Духу, и ныне и присно и во вéки векóв. Аминь.
Двéрем заключéнным,/ ученикóм собрáнным,/ предстá Спас, идéже бяху сóбрани,/ и став посредé их, глагóлет Фомé:/ прииди осяжи, и виждь óбразы гвоздéй,/ простри руку твою, и коснися ребру Моему,/ и не буди невéрен, но вéрою проповéждь,// éже из мéртвых Моé Воскресéние.
Гóсподи, помилуй. (40 раз)
Слáва Отцу и Сыну и Святóму Духу, и ныне и присно и во вéки векóв, аминь.
СТИХИРЫ НА СТИХОВНЕ
Чтец (стихиры Триоди, глас 4, самогласны): О преслáвнаго чудесé!/ Невéрие вéру извéстную роди./ Рек бо Фомá: áще не вижду, не иму вéры./ Осязáв же рéбра, богослóвит воплотившагося,/ Тогóжде Сына Бóжия познá,/ яко пострадáвша плóтию,/ проповéда воскрéсшаго Бóга,/ и возопи свéтлым глáсом:// Госпóдь мой и Бог мой, слáва Тебé.
Стих: Похвали Иерусалиме Гóспода хвали Бóга твоегó Сиóне.
О преслáвнаго чудесé!/ Невéрие вéру извéстную роди./ Рек бо Фомá: áще не вижду, не иму вéры./ Осязáв же рéбра, богослóвит воплотившагося,/ Тогóжде Сына Бóжия познá,/ яко пострадáвша плóтию,/ проповéда воскрéсшаго Бóга,/ и возопи свéтлым глáсом:// Госпóдь мой и Бог мой, слáва Тебé.
Стих: Яко укрепи вереи врат твоих, и благослови сыны твоя в тебé.
О преслáвнаго чудесé!/ Невéрие вéру извéстную роди./ Рек бо Фомá: áще не вижду, не иму вéры./ Осязáв же рéбра, богослóвит воплотившагося,/ Тогóжде Сына Бóжия познá,/ яко пострадáвша плóтию,/ проповéда воскрéсшаго Бóга,/ и возопи свéтлым глáсом:// Госпóдь мой и Бог мой, слáва Тебé.
Слáва Отцу и Сыну и Святóму Духу, и ныне и присно и во вéки векóв, аминь.
Глас 5: Человеколюбче, вéлие и безприклáдное мнóжество щедрóт Твоих:/ яко долготерпéл еси, от иудéй заушáемь,/ от апóстола осязáемь,/ и от отметáющихся Тебé многоиспытуемь,/ кáко воплотился еси?/ Кáко распялся еси безгрéшне?/ Но вразуми ны яко Фому вопити Тебé:// Госпóдь мой и Бог мой, слáва Тебé.
Молитва святаго Симеона Богоприимца
Ныне отпущáеши рабá Твоегó, Владыко,/ по глагóлу Твоему, с миром;/ яко видеста óчи мои спасéние Твоé,/ éже еси уготóвал пред лицéм всех людéй,/ свет во откровéние языков,// и слáву людéй Твоих Изрáиля.
Трисвятое по Отче наш
Святый Бóже, Святый Крéпкий, Святый Безсмéртный, помилуй нас. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Пресвятая Трóице, помилуй нас, Гóсподи, очисти грехи нáша, Владыко, прости беззакóния нáша, Святый, посети и исцели нéмощи нáша имене Твоегó рáди.
Гóсподи, помилуй. (3 раза)
Слáва Отцу и Сыну и Святóму Духу, и ныне и присно и во вéки векóв, аминь.
Отче наш, Иже еси на небесéх. Да святится Имя Твоé, да приидет Цáрствие Твоé, да будет вóля Твоя, яко на небеси и на земли. Хлеб наш насущный даждь нам днесь, и остáви нам дóлги нáша, якоже и мы оставляем должникóм нáшим. И не введи нас во искушéние, но избáви нас от лукáваго.
Гóсподи, Иисусе Христé, Сыне Бóжий, помилуй нас. Аминь.
Тропáрь праздника, глас 7: Запечáтану грóбу,/ Живóт от грóба возсиял еси, Христé Бóже,/ и двéрем заключéнным,/ ученикóм предстáл еси,/ всех Воскресéние,/ дух прáвый тéми обновляя нам,// по велицей Твоéй милости. (Трижды)
Буди имя Госпóдне благословéно от ныне и до вéка. (3 раза)
Псалом 33
Благословлю Гóспода на всякое врéмя,/ выну хвалá Его во устéх моих./ О Гóсподе похвáлится душá моя,/ да услышат крóтцыи и возвеселятся./ Возвеличите Гóспода со мнóю,/ и вознесéм имя Егó вкупе./ Взыскáх Гóспода и услыша мя,/ и от всех скорбéй моих избáви мя./ Приступите к Нему и просветитеся,/ и лицá вáша не постыдятся./ Сей нищий воззвá, и Госпóдь услыша и,/ и от всех скорбéй его спасé и./ Ополчится Ангел Госпóдень óкрест боящихся Егó,/ и избáвит их./ Вкусите и видите, яко благ Госпóдь;/ блажéн муж, иже уповáет нань./ Бóйтеся Гóспода, вси святии Егó,/ яко несть лишéния боящымся Его./ Богáтии обнищáша и взалкáша,/ взыскáющии же Гóспода не лишáтся всякаго блáга./ Приидите, чáда, послушайте менé,/ стрáху Госпóдню научу вас./ Кто есть человéк хотяй живóт,/ любяй дни видети блáги;/ Удержи язык твой от зла,/ и устнé твои, éже не глагóлати льсти./ Уклонися от зла и сотвори блáго,/ взыщи мира, и пожени и./ Очи Госпóдни на прáведныя,/ и уши Егó в молитву их./ Лицé же Госпóдне на творящия злáя,/ еже потребити от земли пáмять их./ Воззвáша прáведнии, и Госпóдь услыша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя духом спасéт./ Мнóги скóрби прáведным,/ и от всех их избáвит я Госпóдь./ Хранит Госпóдь вся кóсти их,/ ни едина от них сокрушится./ Смерть грéшников лютá,/ и ненавидящии прáведнаго прегрешáт./ Избáвит Госпóдь души раб Своих,/ и не прегрешáт вси уповáющии на Негó.
Христóс воскрéсе из мéртвых,/ смéртию смерть попрáв/ и сущим во гробéх живóт даровáв. (Трижды)
И глаголи
утреню