Неделя 7 по Пятидесятнице. Положение честной ризы Господни, глас 6 ВСЕНОЩНОЕ БДЕНИЕ. ВЕЛИКАЯ ВЕЧЕРНЯ
23 ию́ля 2023 гóда. Недéля 7 по Пятидеся́тнице. Положéнiе честны́я рúзы Гóспода нáшего Iисýса Хрїстá, яже есть хiтон, в цáрствующем грáде Москвé. Глас 6. Всeнóщное бдéнiе для домáшнего (келéйнаго) совершéнiя состоúт из Велúкой вечéрни, ýтрени, тáже канóна и пéрвого чáса. Слýжба мiрскúм чúном.
ВЕЛИКАЯ ВЕЧЕРНЯ
Моли́твами святы́х отéц нáших, Гóсподи Iисýсе Хрїстè, Бóже наш, поми́луй нас, ами́нь.
Слáва Тебè, Бóже наш, слáва Тебè.
Царю́ Небéсный, Утéшителю, Дýше И҆́стины, И҆́же вездé сый и вся исполня́яй, Сокрóвище благи́х и жи́зни Подáтелю, прiиди́ и всели́ся в ны, и очи́сти ны от вся́кiя сквéрны, и спаси́, Блáже, Дýши нáша.
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжїй, поми́луй нас. Ами́нь.
Гóсподи, поми́луй, (12 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
Пріиди́те, поклони́мся Царéви нáшему Бóгу.
Пріиди́те, поклони́мся и припадéм Хрїстý, Царéви нáшему Бóгу.
Пріиди́те, поклони́мся и припадéм Самомý Хрїстý, Царéви и Бóгу нáшему.
Псалом 103, предначинaтельный
Стiхù избрáннiи: Благословѝ, душé моя́, Гóспода./ Благословéн есѝ, Гóсподи./ Гóсподи, Бóже мой, возвели́чился еси́ зелó./ Благословéн есѝ, Гóсподи./ Во исповéданiе и в велелéпоту/ облéклся есѝ. Благословéн есѝ, Гóсподи./ Посредé гор прóйдут вóды./ Ди́вна делá Твоя́, Гóсподи./ Вся премýдростiю сотвори́л есѝ./ Слáва Ти, Гóсподи, сотвори́вшему вся.
[Псалом полностью]Благословѝ, душé моя, Гóспода. Гóсподи, Бóже мой, возвеличился есѝ зелó. Во исповéданiе и в велелéпоту облéклся есѝ. Одея́йся свéтом, яко ри́зою, простирáяй нéбо, яко кóжу. Покрывáяй водáми превы́спренняя Своя́, полагáяй óблаки на восхождéнiе Своé, ходя́й на крилý вéтреню. Творя́й Áнгелы Своя дýхи и слугѝ Своя плáмень óгненный. Основáяй зéмлю на твéрди ея́, не преклони́тся в век вéка. Бéздна, яко ри́за, одея́нiе ея́, на горáх стáнут вóды, от запрещéнiя Твоегó побéгнут, от глáса грóма Твоегó убоя́тся. Восхóдят гóры и нисхóдят поля́ в мéсто, éже основáл есѝ им. Предéл положи́л есѝ, eгóже не прéйдут, нижé обратя́тся покры́ти зéмлю. Посылáяй истóчники в дéбрех, посредé гор прóйдут вóды. Напая́ют вся звéри сéльныя, ждут онáгри в жáжду свою. На тых пти́цы небéсныя привитáют, от среды́ кáменiя дадя́т глас. Напая́яй гóры от превы́спренних Свои́х, от плодá дел Твоих насы́тится земля́. Прозябáяй травý скотóм, и злак на слýжбу человéком, известѝ хлеб от землѝ. И винó весели́т сéрдце человéка, умáстити лицé елéем, и хлеб сéрдце человéка укрепи́т. Насы́тятся древá польскáя, кéдри Лiвáнстiи, и҆́хже еси насади́л. Тáмо пти́цы вогнездя́тся, еродíево жили́ще предводи́тельствует и҆́ми. Гóры высóкiя елéнем, кáмень прибéжище зáяцем. Сотвори́л есть лунý во временá, сóлнце познá зáпад свой. Положи́л есѝ тму, и бысть нощь, в нéйже прóйдут вси звéрiе дубрáвнiи. Ски́мни рыкáющiи, восхи́тити и взыскáти от Бóга пи́щу себé. Возсiя́ сóлнце и собрáшася и в лóжах свои́х ля́гут. Изы́дет человéк на дéло своé и на дéланiе своé до вéчера. Яко возвели́чишася делá Твоя, Гóсподи, вся премýдростiю сотвори́л есѝ, испóлнися земля́ твáри Твоея́. Сié мóре вели́кое и прострáнное, тáмо гáди, и҆́мже несть числá, живóтная мáлая с вели́кими, тáмо кораблѝ преплáвают, змiй сей, eгóже создáл есѝ ругáтися eмý. Вся к Тебé чáют, дáти пи́щу им во блáго врéмя. Дáвшу Тебé им соберýт, отвéрзшу Тебé рýку вся́ческая испóлнятся блáгости, отврáщшу же Тебé лицé, возмятýтся, отъи́меши дух их, и исчéзнут, и в персть свою возвратя́тся. Пóслеши Дýха Твоегó, и сози́ждутся, и обнови́ши лицé землѝ. Бýди слáва Госпóдня во вéки, возвесели́тся Госпóдь о дéлех Свои́х, призирáяй на зéмлю, и творя́й ю́ трясти́ся, прикасáяйся горáм, и дымя́тся. Воспою́ Гóсподеви в животé моéм, пою́ Бóгу моемý, дóндеже есмь, да услади́тся Емý бесéда моя, аз же возвеселю́ся о Гóсподе. Да исчéзнут грéшницы от землѝ, и беззакóнницы, я́коже не бы́ти им. Благословѝ, душé моя́, Гóспода. Сóлнце познá зáпад свой. Положи́л еси тму, и бысть нощь. Яко возвели́чишася делá Твоя, Гóсподи, вся премýдростiю сотвори́л есѝ.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебè Бóже. (3 раза)
Гóсподи, поми́луй. (12 раз)
Слáва Отцý и Сы́ну и Святóму Дýху, и ны́не и присно и во вéки векóв, аминь.
Первая кафизма
Читáем кафíсму 1-ю лúбо 1-ю cтатiю(«Блажéн муж» - 1-й антiфóн.)
[Псалом 1]Блажéн муж, и҆́же не и҆́де на совéт нечести́вых и на путѝ грéшных не ста, и на седáлищи губи́телей не сéде, но в закóне Госпóдни вóля eгó, и в закóне Егó поучи́тся день и нощь. И бýдет яко дрéво насаждéнное при исхóдищих вод, éже плод свой даст во врéмя своé, и лист eгó не отпадéт, и вся, ели́ка áще твори́т, успéет. Не тáко нечести́вiи, не тáко, но яко прах, eгóже возметáет ветр от лицá землѝ. Сегó рáди не воскрéснут нечести́вiи на суд, нижé грéшницы в совéт прáведных. Яко весть Госпóдь путь прáведных, и путь нечести́вых поги́бнет.
[Псалом 2]Вскýю шатáшася язы́цы, и лю́дiе поучи́шася тщéтным? Предстáша цáрiе зéмстiи, и кня́зи собрáшася вкýпе на Гóспода и на Хрїстá Егó. Растóргнем ýзы их и отвéржем от нас и҆́го их. Живы́й на Небесéх посмеéтся им, и Госпóдь поругáется им. Тогдá возглагóлет к ним гнéвом свои́м и я́ростiю Своéю смятéт я́. Аз же постáвлен есмь Царь от Негó над Сióном, горóю святóю Егó, возвещáяй повелéнiе Госпóдне. Госпóдь речé ко Мне: Сын Мой еси Ты, Аз днесь роди́х Тя. Просѝ от Менé, и дам Ти язы́ки достоя́нiе Твоé, и одержáнiе Твоé концы́ землѝ. Упасéши я́ жезлóм желéзным, я́ко сосýды скудéльничи сокруши́ши я́. И ны́не, цáрiе, разумéйте, накажи́теся вси судя́щiи землѝ. Рабóтайте Гóсподеви со стрáхом и рáдуйтеся Емý с трéпетом. Прiими́те наказáнiе, да не когдá прогнéвается Госпóдь и поги́бнете от путѝ прáведнаго, егдá возгори́тся вскóре я́рость Егó. Блажéни вси надéющiися Нань.
[Псалом 3]Гóсподи, что ся умнóжиша стужáющiи ми? Мнóзи востаю́т на мя, мнóзи глагóлют душѝ моéй: несть спасéнiя eмý в Бóзе eгó. Ты же, Гóсподи, Застýпник мой есѝ, слáва моя́ и вознося́й главý мою́. Глáсом мои́м ко Гóсподу воззвáх, и услы́ша мя от горы́ святы́я Своея́. Аз уснýх, и спах, востáх, я́ко Госпóдь застýпит мя. Не убою́ся от тем людéй, óкрест напáдающих на мя. Воскреснѝ, Гóсподи, спасѝ мя, Бóже мой, я́ко Ты порази́л есѝ вся враждýющыя ми всýе: зýбы грéшников сокруши́л есѝ. Госпóдне есть спасéнiе, и на лю́дех Твои́х благословéнiе Твоé.
Лúбо поéм стiхù избрáннiи
БЛАЖЕН МУЖ
Чтец (или хор): Блажéн муж, и҆́же не и҆́де на совéт нечести́вых.
Хор: Аллилýїа, аллилýїа, аллилýїа.
Чтец (или хор): Яко весть Госпóдь путь прáведных, и путь нечести́вых поги́бнет.
Хор: Аллилýїа, аллилýїа, аллилýїа.
Чтец (или хор): Рабóтайте Гóсподеви со стрáхом и рáдуйтеся Емý с трéпетом.
Хор: Аллилýїа, аллилýїа, аллилýїа.
Чтец (или хор): Блажéни вси надéющiися Нань.
Хор: Аллилýїа, аллилýїа, аллилýїа.
Чтец (или хор): Воскреснѝ, Гóсподи, спасѝ мя, Бóже мой.
Хор: Аллилýїа, аллилýїа, аллилýїа.
Чтец (или хор): Госпóдне есть спасéнiе, и на лю́дех Твои́х благословéнiе Твоé.
Хор: Аллилýїа, аллилýїа, аллилýїа.
Чтец: Слáва Ѻтцý и Сы́ну и Святóму Дýху.
Хор: Аллилýїа, аллилýїа, аллилýїа.
Хор: И ны́не и при́сно и во вéки векóв, ами́нь.
Хор: Аллилýїа, аллилýїа, аллилýїа.
Аллилýїа, аллилýїа, аллилýїа, слáва Тебé Бóже. (трúжды)
Гóсподи, поми́луй. (3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
ГОСПОДИ ВОЗЗВАХ, ГЛАС 6
Хор: Гóсподи, воззвáх к Тебé, услы́ши мя./ Услы́ши мя, Гóсподи./ Гóсподи, воззвáх к Тебé, услы́ши мя:/ вонми́ глáсу молéнія моегó,/ внегдá воззвáти ми к Тебé./ Услы́ши мя, Гóсподи.
Хор: Да испрáвится моли́тва моя́,/ я́ко кади́ло пред Тобóю,/ воздея́ніе рукý моéю/ - жéртва вечéрняя./ Услы́ши мя, Гóсподи.
[В приходской практике пропускается до стихир]Положѝ, Гóсподи, хранéнiе устóм мои́м, и дверь ограждéнiя о устнáх мои́х. Не уклонѝ сéрдце моé в словесá лукáвствiя, непщевáти вины́ о гресéх, с человéки дéлающими беззакóнiе, и не сочтýся со избрáнными их. Накáжет мя прáведник ми́лостiю и обличи́т мя, елéй же грéшнаго да не намáстит главы́ моея́, я́ко ещé и моли́тва моя́ во благоволéнiих их. Пожéрты бы́ша при кáмени судiѝ их: услы́шатся глагóли моѝ, я́ко возмогóша. Я́ко тóлща землѝ просéдеся на землѝ, расточи́шася кóсти и҆́х при áде. Я́ко к Тебé, Гóсподи, Гóсподи, óчи моѝ: на Тя уповáх, не отымѝ дýшу мою́. Сохранѝ мя от сéти, ю́же состáвиша ми, и от соблáзн дéлающих беззакóнiе. Падýт во мрéжу свою́ грéшницы: еди́н есмь аз, дóндеже прейдý.
[В приходской практике пропускается до стихир]Глáсом мои́м ко Гóсподу воззвáх, глáсом мои́м ко Гóсподу помоли́хся. Пролiю́ пред Ним молéнiе моé, печáль мою́ пред Ним возвещý. Внегдá исчезáти от менé дýху моемý: и Ты познáл есѝ стезѝ моя́: на путѝ сем, по немýже хождáх, скры́ша сеть мне. Смотря́х одеснýю и возгля́дах, и не бе знáяй менé: поги́бе бéгство от менé, и несть взыскáяй дýшу мою́. Воззвáх к Тебé, Гóсподи, рех: Ты есѝ уповáнiе моé, часть моя́ есѝ на землѝ живы́х. Вонмѝ молéнiю моемý, я́ко смири́хся зелó, избáви мя от гоня́щих мя, я́ко укрепи́шася пáче менé.
На 10 Чтец: Изведù из темнúцы дýшу мою́,// исповéдатися и҆́мени Твоемý.
Стiхúры воскрéсные, глас 6: Побéду имéя, Хрїстé, ю́же на áда,/ на Крест возшéл еси́:/ да во тьме смéрти седя́щiя воскреси́ши с Собóю,/ И҆́же в мéртвых Свобóдь,/ Источáяй живóт от Своегó свéта,// Всеси́льне Спáсе, поми́луй нас.
Менè ждут прáведницы,// дóндеже воздáси мне.
Стiхúра: Днесь Хрїстóс смерть попрáв,/ я́коже речé, воскрéсе,/ и рáдованiе мíрови даровá,/ да вси взывáюще, песнь тáко рцем:/ Истóчниче жи́зни, Непристýпный Свéте,// Всеси́льне Спáсе, поми́луй нас.
На 8. Стiх: Из глубины́ воззвáх к Тебè, Гóсподи,// Гóсподи, услы́ши глас мой.
Стiхúра: Тебé, Гóсподи, Сýщаго по всей твáри,/ грéшнiи кáмо бежи́м;/ на Небеси́ Сам живéши,/ во áде попрáл еси́ смерть./ Во глубины́ морскíя;/ тáмо рукá Твоя́, Влады́ко./ К Тебé прибегáем,/ Тебé припáдающе мóлимся:// Воскресы́й из мéртвых, поми́луй нас.
Да бýдут ýши Твоù// внéмлюще глáсу молéнiя моегó.
И҆́ны стiхúры анатóлiевы: Крестóм Твои́м, Хрїстé, хвáлимся,/ и воскресéнiе Твоé поéм и слáвим:/ Ты бо еси́ Бог наш,// рáзве Тебé инáго не вéмы.
На 6. Стiх: Áще беззакóнiя нáзриши, Гóсподи, Гóсподи, кто постоúт?// Яко у Тебè очищéнiе есть.
Стiхúры рúзы, глас 1: Ри́за честнáя Твоя́, Влады́ко,/ я́же Твоé Божéственное и пречи́стое тéло покрывáющая,/ одéжду исцелéнiй даровá нам/ и истóчник, источáющи благодáти присноживóтныя воды́,/ тоя́ прáзднуем положéнiе,// воспевáюще Тя, всех Содéтеля.
И҆́мене рáди Твоегó потерпéх Тя, Гóсподи, потерпè душá моя́ в слóво Твоè,// уповá душá моя на Гóспода.
Стiхúра: Ри́за честнáя Твоя́, Влады́ко,/ я́же Твоé Божéственное и пречи́стое тéло покрывáющая,/ одéжду исцелéнiй даровá нам/ и истóчник, источáющи благодáти присноживóтныя воды́,/ тоя́ прáзднуем положéнiе,// воспевáюще Тя, всех Содéтеля.
На 4. Стiх: От стрáжи ýтреннiя до нóщи, от стрáжи ýтреннiя,// да уповáет Iзрáиль на Гóспода.
Стiхúра: Храм Твой, Влады́ко,/ Твою́ свящéнную ри́зу я́ко сокрóвище спасéнiя/ и исцелéнiя нося́, освящáет вся,/ и́же вéрою притекáющыя/ и Тя по дóлгу пою́щыя всегдá,/ уповáнiе душáм нáшым// и твéрдый покрóв и держáва.
Яко у Гóспода мúлость, и мнóгое у Негó избавлéнiе,// и Той избáвит Iзрáиля от всех беззакóнiй eгó.
Стiхúра: Храм Твой, Влады́ко,/ Твою́ свящéнную ри́зу я́ко сокрóвище спасéнiя/ и исцелéнiя нося́, освящáет вся,/ и́же вéрою притекáющыя/ и Тя по дóлгу пою́щыя всегдá,/ уповáнiе душáм нáшым// и твéрдый покрóв и держáва.
На 2. Стiх: Хвалúте Гóспода вси язы́цы, похвалúте Егó вси лю́дiе.
Стiхúра: Держáва непобеди́мая нам, хрїстiáном, даровáся/ - ри́за Твоя́, Iисýсе Спáсе наш,/ éюже иноплемéнных язы́цы при́сно побеждáются,/ и мир Цéркви Твоéй, Хрїстé, осеня́ет./ Сегó рáди вéрою целýюще ю́,/ покланя́емся Тебé, Человеколю́бче, и мóлим// чáсти сподóбити нас святы́х Твои́х.
Яко утвердúся мúлость Егó на нас,// и и҆́стина Госпóдня пребывáет во век.
Стiхúра: Держáва непобеди́мая нам, хрїстiáном, даровáся/ - ри́за Твоя́, Iисýсе Спáсе наш,/ éюже иноплемéнных язы́цы при́сно побеждáются,/ и мир Цéркви Твоéй, Хрїстé, осеня́ет./ Сегó рáди вéрою целýюще ю́,/ покланя́емся Тебé, Человеколю́бче, и мóлим// чáсти сподóбити нас святы́х Твои́х.
Слáва Отцý и Сыну и Святóму Дýху.
Глас 8: Крестý Твоемý Честнóму/ и ри́зе святéй покланя́емся, Преблагíй,/ и любóвiю облобызáем,/ слáвяще Твоé éже пáче умá сошéствiе,/ и безмéрную ми́лость, и богáтую благосты́ню,/ и́миже исцелéнiя подавáеши боля́щим/ и спасáеши человéческое естествó,/ содержи́мо бы́вшее во тьмé прегрешéнiй,// я́ко Человеколю́бец.
И ны́не и прúсно и во вéки векóв, амúнь.
Догмáтик. Глас 6: Кто Тебé не ублажи́т, Пресвятáя Дéво?/ Кто ли не воспоéт Твоегó Пречи́стаго Рождествá?/ Безлéтно бо от Отцá возсiя́вый Сын Единорóдный,/ Тóйже от Тебé Чи́стыя прóйде,/ неизречéнно воплóщься,/ естествóм Бог сый,/ и естествóм быв Человéк нас рáди,/ не во двою́ лицý разделя́емый,/ но во двою́ естествý/ несли́тно познавáемый./ Тогó моли́ Чи́стая Всеблажéнная,// поми́ловатися душáм нáшим.
СВЕТЕ ТИХИЙ
Хор: Свéте Ти́хiй святы́я слáвы Безсмéртнаго Ѻтцá Небéснаго, Святáго, Блажéннаго, Iисýсе Хрїстé! Пришéдше на зáпад сóлнца, ви́девше свет вечéрнiй, поéм Ѻтцá, Сы́на и Святáго Дýха, Бóга. Достóин есѝ во вся временá пет бы́ти глáсы преподóбными, Сы́не Бóжiй, живóт дая́й; тéмже мiр Тя слáвит.
ПРОКИМЕН ВОСКРЕСНЫЙ
Чтец: Прокíмен, глас шесты́й: Госпóдь воцари́ся, в лéпоту облечéся.
Хор: Госпóдь воцарúся,/ в лéпоту облечéся. (Пс.92:1А)
Чтец: Облечéся Госпóдь в си́лу и препоя́сася. (Пс.92:1Б)
Хор: Госпóдь воцарúся,/ в лéпоту облечéся.
Чтец: И҆́бо утверди́ вселéнную, я́же не подви́жится. (Пс.92:1В)
Хор: Госпóдь воцарúся,/ в лéпоту облечéся.
Чтец: Дóму Твоемý подобáет святы́ня, Гóсподи, в долготý днiй.(Пс.92:2Б)
Хор: Госпóдь воцарúся,/ в лéпоту облечéся.
Чтец: Госпóдь воцари́ся.
Хор: В лéпоту облечéся.
ПАРЕМИИ РИЗЫ ГОСПОДА
Чтец: Исхóда чтéнiе.
(Из главы 15): Поя́т Моисéй сы́ны Iзрáилевы от мóря Чермнáго и ведé ты́я в пусты́ню Сур, и идя́ху три дни в пусты́ни, и не обретáху воды́, да бы́ша пи́ли. Прiидóша же в Мéрру и не можáху пи́ти воды́ от Мéрры, горькá бо бе; сегó рáди наречéся и́мя мéсту томý: гóресть. И роптáху лю́дiе на Моисéя, глагóлюще: что пiéм? Возопи́ же Моисéй ко Гóсподу, и показá емý Госпóдь дрéво, и вложи́ é в вóду, и сладкá бысть водá; тáмо положи́ емý Бог оправдáнiя и суды́. И тáмо искушáше егó и речé: Áще слýхом услы́шиши глас Гóспода Бóга твоегó, и угóдная пред Ним сотвори́ши, и внуши́ши зáповеди Егó, и сохрани́ши вся оправдáнiя Егó, вся́ку болéзнь, ю́же наведóх еги́птяны, не наведý на тя. Аз бо есмь Госпóдь, исцеля́яй тя. И прiидóша во Ели́м, и бя́ху тáмо дванáдесять истóчник вод, и сéдмьдесят стéбль фíнiковых, и ополчи́шася тáмо при водáх. И воздви́гшеся от Ели́ма, и прiи́де весь сонм сынóв Iзрáилевых в пусты́ню Сiн, я́же есть междý Ели́мом и междý Сíною.
[Русский синодальный перевод]Повел Моисей Израильтян от Красного моря, и они вступили в пустыню Сур; и шли они три дня по пустыне и не находили воды. Пришли в Мерру - и не могли пить воды в Мерре, ибо она была горька, почему и наречено тому месту имя: "Горечь". И возроптал народ на Моисея, говоря: что нам пить? Моисей возопил к Господу, и Господь показал ему дерево, и он бросил его в воду, и вода сделалась сладкою. Там Бог дал народу устав и закон и там испытывал его. И сказал: если ты будешь слушаться гласа Господа, Бога твоего, и делать угодное пред очами Его, и внимать заповедям Его, и соблюдать все уставы Его, то не наведу на тебя ни одной из болезней, которые навел Я на Египет, ибо Я Господь Бог твой, целитель твой. И пришли в Елим; там было двенадцать источников воды и семьдесят финиковых деревьев, и расположились там станом при водах. И двинулись из Елима, и пришло всё общество сынов Израилевых в пустыню Син, что между Елимом и между Синаем. (Исх.15:22-27;16:1)
Чтец: При́тчей чтéнiе.
(Из главы 3): Сы́не, не пренебрегáй наказáнiя Госпóдня, нижé ослабевáй, от Негó обличáемый. Егóже бо лю́бит Госпóдь, наказýет, бiéт же вся́каго сы́на, егóже прiéмлет. Блажéн человéк, и́же обрéте премýдрость, и смéртен, и́же уведé рáзум. Лýчше бо сiю́ куповáти, нéжели злáта и сребрá сокрóвища. Честнéйшая же есть кáменiй многоцéнных, не сопротивля́ется ей ничтóже лукáвое, благоразýмна есть всем лю́бящим ю, и вся́кое же честнóе недостóйно ея́ есть. Долготá бо житiя́, и лéта жи́зни в десни́це ея́. В шýйце же ея́ богáтство и слáва, от уст ея́ исхóдит прáвда, закóн же и ми́лость на язы́це нóсит. Путié ея́, путié добры́, и вся стези́ ея́ с ми́ром. Дрéво животá есть всем держáщимся ея́ и восклоня́ющимся на ню, я́ко на Гóспода, твердá.
[Русский синодальный перевод]Сын мой, наказания Господня не отвергай, и не тяготись обличением Его; ибо кого любит Господь, того наказывает и благоволит к тому, как отец к сыну своему. Блажен человек, который снискал мудрость, и человек, который приобрел разум, - потому что приобретение её лучше приобретения серебра, и прибыли от неё больше, нежели от золота: она дороже драгоценных камней; никакое зло не может противиться ей; она хорошо известна всем, приближающимся к ней, и ничто из желаемого тобою не сравнится с нею. Долгоденствие - в правой руке её, а в левой у неё - богатство и слава; из уст её выходит правда; закон и милость она на языке носит; пути её - пути приятные, и все стези её - мирные. Она - древо жизни для тех, которые приобретают её, и для опирающихся на неё, как на Господа, - тверда!(Притч.3:11-18)
Чтец: Прорóчества Исáiина чтéнiе.
(Из главы 60): Тáко глагóлет Госпóдь: отвéрзутся вратá твоя́, Iерусали́ме, вы́ну день и нощь и не затворя́тся, éже ввести́ к тебé си́лу язы́ков и цари́ их ведóмыя. Язы́цы бо и цáрiе, и́же тебé не порабóтают, поги́бнут, и язы́цы запустéнiем запустéют. И слáва Лiвáнова к тебé прiи́дет, в кипарíсе, и пéвке и кéдре вкýпе, прослáвити мéсто святóе Моé, и мéсто ног Мои́х прослáвлю. И пóйдут к тебé, боя́щiися, сы́нове смири́вших тя и прогнéвавших тя и поклóнятся следáм ног твои́х вси прогнéвавшiи тя, и наречéшися град Госпóдень, Сióн Святáго Iзрáилева, за éже бы́ти тебé остáвлену и возненави́дену, и не бе помогáяй тебé. И положý тя в рáдость вéчную, весéлiе родóм родóв. И изссéши млекó язы́ков, и богáтство царéй снéси, и разумéеши, я́ко Аз Госпóдь, спасáяй тя и избавля́яй тя, Бог Iзрáилев.
[Русский синодальный перевод]Так говорит Господь: будут всегда отверсты врата твои, Иерусалим, не будут затворяться ни днем ни ночью, чтобы приносимо было к тебе достояние народов и приводимы были цари их. Ибо народ и царства, которые не захотят служить тебе, - погибнут, и такие народы совершенно истребятся. Слава Ливана придет к тебе, кипарис и певг и вместе кедр, чтобы украсить место святилища Моего, и Я прославлю подножие ног Моих. И придут к тебе с покорностью сыновья угнетавших тебя, и падут к стопам ног твоих все, презиравшие тебя, и назовут тебя городом Господа, Сионом Святого Израилева. Вместо того, что ты был оставлен и ненавидим, так что никто не проходил чрез тебя, Я соделаю тебя величием навеки, радостью в роды родов. Ты будешь насыщаться молоком народов, и груди царские сосать будешь, и узнаешь, что Я Господь - Спаситель твой и Искупитель твой, Сильный Иаковлев.(Ис.60:11-16)
Гóсподи, поми́луй. (40 раз)
Слáва Ѻтцý и Сыну и Святóму Дýху, и ны́не и при́сно и во вéки векóв, аминь.
СПОДОБИ ГОСПОДИ
Хор: Сподóби, Гóсподи, в вéчер сей без грехá сохрани́тися нам./ Благословéн есѝ, Гóсподи Бóже ѻтéц нáших,/ и хвáльно и прослáвлено и҆́мя Твоé во вéки, ами́нь.
Бýди, Гóсподи, ми́лость Твоя́ на нас, я́коже уповáхом на Тя./ Благословéн есѝ, Гóсподи, научѝ мя оправдáнiем Твои́м./ Благословéн есѝ, Влады́ко, вразумѝ мя оправдáнiем Твои́м./ Благословéн есѝ, Святы́й, просветѝ мя оправдáнiи Твои́ми.
Гóсподи, ми́лость Твоя́ во век, дел рукý Твоéю не прéзри./ Тебé подобáет хвалá. Тебé подобáет пéнiе,/ Тебé слáва подобáет, Ѻтцý и Сы́ну и Святóму Дýху, ны́не и при́сно и во вéки векóв. Ами́нь.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
ЛИТИЯ
Стiхúры рúзы Гóспода, глас 4, самоглáсны: Град Москвý, почитáющiй Тя, Спáсе,/ и по дóлгу слáвящiй,/ ограждáеши, Человеколю́бче,/ и лю́ди ри́зою Божéственною Твоéю/ от безбóжных иноплемéнник, от глáда же, и трýса,/ и междоусóбныя брáни при́сно/ и боля́щим исцелéнiя подавáеши, приходя́щим с вéрою,/ и́же земны́х нéмощь свéдый,// Гóсподи, слáва Тебé.
Ри́зу Твою́ Божéственную, Влады́ко Хрїстé,/ даровáл еси́ грáду Твоемý Москвé, богáтство неотъéмлемое,/ покрóв же, и слáву, и необори́мую стéну,/ и исцелéнiй сокрóвище,/ и чудéс истóчник приснотекýщ,/ пристáнище же спаси́тельное обуревáемым всегдá./ Сегó рáди поéм Ти:// Гóсподи, слáва Тебé.
Почерпи́те, человéцы,/ спасéнiе душáм и исцелéнiе телесéм,/ рáка бо всем днесь предлежи́т,/ в нéйже положи́ся архiерéйскими рукáми/ честнáя ри́за Хрїстá Бóга нáшего,/ éже есть хiтóн,/ источáющи нам чудéс струи́ оби́льно,/ и отмывáющи сердéц омрачéнiя,// и страстéй отъéмлющи сквéрну Божéственною благодáтiю.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Глас 6: Одея́йся свéтом, яко ри́зою,/ наг на судé стои́т/ и в лани́ту ударéнiе прiéмлет от рук, я́же создá,/ беззакóнiю лю́дiе на Крестé пригвозди́ша Гóспода слáвы./ Тогдá и завéса церкóвная распадéся,/ сóлнце помéрче, не терпя́ зрéти Бóгу досаждáему,/ Егóже трепéщут вся́ческая./ Томý поклони́мся, глагóлюще:// Долготерпели́ве Гóсподи, слáва Тебé.
Гóсподи, поми́луй. (40 раз)
Слáва Отцý и Сыну и Святóму Дýху, и ны́не и при́сно и во вéки векóв, аминь.
СТИХИРЫ НА СТИХОВНЕ
Чтец (Стiхúры воскрéсные, глас 6): Воскресéнiе Твоé, Хрїстé Спáсе,/ Áнгели пою́т на Небесéх,/ и нас на земли́ сподóби,/ чи́стым сéрдцем// Тебé слáвити.
Стiх: Госпóдь воцарúся, в лéпоту облечéся.
И҆́ны по алфавúту, глас 6: Вратá сокруши́в мéдная,/ и вереи́ áдовы сотры́й,/ я́ко Бог всеси́лен,/ род человéческiй пáдшiй воскреси́л еси́./ Сегó рáди и мы соглáсно вопiéм:// Воскресы́й из мéртвых, Гóсподи, слáва Тебé.
Стiх: И҆́бо утвердú вселéнную,/ я́же не подвúжется.
Тлéнiя нас дрéвняго Хрїстóс испрáвити хотя́,/ на Крестé пригвождáется,/ и во грóбе полагáется./ Егóже мvронóсицы жены́ со слезáми искáху, плáчуща глагóлаху:/ увы́ нам, Спáсе всех,/ кáко извóлил еси́ во грóбе всели́тися;/ Всели́выйся же хотя́, кáко укрáден был еси́;/ кáко преложи́лся еси́;/ кóе же мéсто Твоé Живонóсное сокры́ Тéло;/ но, Влады́ко, я́ко обещáлся еси́ нам яви́ся,/ и утоли́ от нас рыдáнiе слез./ Плáчущимся же им, Áнгел к ним возопи́:/ от плáча престáвша Апóстолом рцы́те, я́ко воскрéсе Госпóдь,// мíрови дáруя очищéнiе и вéлiю ми́лость.
Стiх: Дóму Твоемý подобáет святы́ня, Гóсподи,/ в долготý днiй.
Распны́йся я́ко восхотéл еси́, Хрїстé,/ и смерть погребéнiем Твои́м Плени́вый,/ триднéвен воскрéсл еси́, я́ко Бог, со слáвою,/ мíрови дáруя безконéчную жизнь,// и вéлiю ми́лость.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Глас 8: Прéжде Честнáго Твоегó Крестá/ вóином ругáющимся Тебé, Гóсподи,/ у́мная вóинства дивля́хуся:/ обложи́лся бо еси́ венцéм поругáнiя,/ зéмлю живописáвый цвéты,/ багряни́цею поругáнiя одéялся еси́,/ облакáми одевáяй твердь./ Таковы́м бо смотрéнiем разумéся Твоé благоутрóбiе, Хрїстé,// вéлiя Твоя́ ми́лость, слáва Тебé.
Молитва святаго Симеона Богоприимца
Ны́не отпущáеши рабá Твоегó, Влады́ко,/ по глагóлу Твоемý, с ми́ром;/ я́ко ви́деста óчи моѝ спасéнiе Твоé,/ éже есѝ уготóвал пред лицéм всех людéй,/ свет во откровéнiе язы́ков,// и слáву людéй Твои́х Iзрáиля.
Трисвятое по Отче наш
Святы́й Бóже, Святый Крéпкiй, Святый Безсмéртный, поми́луй нас.(3 раза)
Слáва Ѻтцý и Сы́ну и Святóму Дýху, и ныне и при́сно и во вéки векóв, аминь.
Пресвятáя Трóице, поми́луй нас, Гóсподи, очи́сти грехѝ нáша, Влады́ко, простѝ беззакóнiя нáша, Святы́й, посетѝ и исцелѝ нéмощи нáша и҆́мене Твоегó рáди.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и присно и во вéки векóв, аминь.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя́, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстè, Сы́не Бóжiй, поми́луй нас. Ами́нь.
Тропáрь, глас 4: Богорóдице Дéво, рáдуйся,/ Благодáтная Марíе, Госпóдь с Тобóю:/ благословéна Ты в женáх/ и благословéн Плод чрéва Твоегó,// яко Спáса родилá есѝ душ нáших. (Трúжды)
Бýди и҆́мя Госпóдне благословéно от ны́не и до вéка. (Трúжды)
Псалом 33
Благословлю́ Гóспода на вся́кое врéмя,/ вы́ну хвалá Егó во устéх мои́х./ О Гóсподе похвáлится душá моя́,/ да услы́шат крóтцыи и возвеселя́тся./ Возвели́чите Гóспода со мнóю,/ и вознесéм и҆́мя Егó вкýпе./ Взыскáх Гóспода и услы́ша мя,/ и от всех скорбéй мои́х избáви мя./ Приступи́те к Немý и просвети́теся,/ и лицá вáша не постыдя́тся./ Сей ни́щiй воззвá, и Госпóдь услы́ша и҆̀,/ и от всех скорбéй егó спасè и҆̀./ Ополчи́тся Áнгел Госпóдень óкрест боя́щихся Егó,/ и избáвит их./ Вкуси́те и ви́дите, я́ко благ Госпóдь;/ блажéн муж, и҆́же уповáет нань./ Бóйтеся Гóспода, вси святíи Егó,/ яко несть лишéнiя боя́щымся Егó./ Богáтiи обнищáша и взалкáша,/ взыскáющiи же Гóспода не лишáтся вся́каго блáга.[В приходской практитке пропускается]/ Прiиди́те, чáда, послýшайте менé,/ стрáху Госпóдню научý вас./ Кто есть человéк хотя́й живóт,/ любя́й дни ви́дети блáги;/ Удержѝ язык твой от зла,/ и устнé твоѝ, éже не глагóлати льсти./ Уклони́ся от зла и сотворѝ блáго,/ взыщѝ ми́ра, и поженѝ и҆̀./ Óчи Госпóдни на прáведныя,/ и ýши Егó в моли́тву их./ Лицé же Госпóдне на творя́щiя злáя,/ еже потреби́ти от землѝ пáмять их./ Воззвáша прáведнiи, и Госпóдь услы́ша их,/ и от всех скорбéй их избáви их./ Близ Госпóдь сокрушéнных сéрдцем,/ и смирéнныя дýхом спасéт./ Мнóги скóрби прáведным,/ и от всех их избáвит я́ Госпóдь./ Храни́т Госпóдь вся кóсти их,/ ни еди́на от них сокруши́тся./ Смерть грéшников лютá,/ и ненави́дящiи прáведнаго прегрешáт./ Избáвит Госпóдь дýши раб Своих,/ и не прегрешáт вси уповáющiи на Негó.
И глаголи ýтреню