Первое и второе Обретение главы Иоанна Предтечи. Великопостные часы Час девятый и изобразительны
9 мáрта 2023 гóда. Четвéрг 2-й седмúцы Велúкaго постá. Пéрвое и вторóе Обретéнiе главы Iоáнна Предтéчи. Воскрéсная прáздничная слýжба для домáшнего (келéйнаго) совершéнiя. Послéдованiе великопóстных часóв (девятый)
Прежде глаголи третiй и шестый час
ЧАС ДЕВЯТЫЙ
Прїиди́те, поклони́мся Царéви нáшему Бóгу.
Прїиди́те, поклони́мся и припадéм Хрїстý, Царéви нáшему Бóгу.
Прїиди́те, поклони́мся и припадéм Самомý Хрїстý, Царéви и Бóгу нáшему.
Псалом 83
Коль возлюбленна селéнiя Твоя́, Гóсподи сил! Желáет и скончавáется душá моя́ во дворы́ Госпóдни, сéрдце моé и плоть моя́ возрáдовастася о Бóзе живе. И҆́бо птица обрéте себé хрáмину, и гóрлица гнездó себé, идéже положи́т птенцы своя́, олтарѝ Твоя, Гóсподи сил, Царю мой и Бóже мой. Блажéни живýщiи в домý Твоéм, в вéки векóв восхвáлят Тя. Блажéн муж, eмýже есть заступлéнiе eго у Тебé; восхождéнiя в сéрдце своéм положѝ, во юдóль плачéвную, в мéсто éже положѝ, и҆́бо благословéнiе даст законополагáяй. Пóйдут от си́лы в си́лу: яви́тся Бог богóв в Сióне. Гóсподи Бóже сил, услыши моли́тву мою, внушѝ, Бóже Iáковль. Защи́тниче наш, виждь, Бóже, и при́зри на лицé хрiстá Твоегó. Яко лýчше день еди́н во двóрех Твои́х пáче тысящ: извóлих приметáтися в домý Бóга моегó пáче, нéже жи́ти ми в селéнiих грéшничих. Яко ми́лость и и҆́стину любит Госпóдь, Бог благодáть и слáву даст, Госпóдь не лиши́т благих ходящих незлóбiем. Гóсподи Бóже сил, Блажéн человéк уповáяй на Тя.
Псалом 84
Благоволил есѝ, Гóсподи, зéмлю Твою, возврати́л есѝ плен Iáковль: остáвил есѝ беззакóнiя людéй Твоих, покрыл есѝ вся грехи и҆́х. Укротил есѝ весь гнев Твой, возвратился есѝ от гнéва я́рости Твоея́. Возвратѝ нас, Бóже спасéнiй нáших, и отвратѝ я́рость Твою от нас. Едá во вéки прогнéваешися на ны? Илѝ прострéши гнев Твой от рóда в род? Бóже, Ты обрáщься оживи́ши ны, и людiе Твои возвеселя́тся о Тебé. Явѝ нам, Гóсподи, ми́лость Твою, и спасéнiе Твоé даждь нам. Услышу, что речéт о мне Госпóдь Бог: яко речéт мир на люди Своя́, и на преподóбныя Своя́, и на обращáющыя сердцá к Немý. Обáче близ боя́щихся Егó спасéнiе Егó, всели́ти слáву в зéмлю нáшу. Ми́лость и и҆́стина сретóстеся, прáвда и мир облобызáстася. И҆́стина от земли возсiя́, и прáвда с Небесé прини́че, и҆́бо Госпóдь даст блáгость, и земля́ нáша даст плод свой. Прáвда пред Ним предъи́дет, и положи́т в путь стопы своя́.
Псалом 85
Приклонѝ, Господи, ýхо Твоé, и услыши мя, яко нищ и убóг есмь аз. Сохранѝ дýшу мою, яко преподóбен есмь: спаси́ рабá Твоегó, Бóже мой, уповáющаго на Тя. Поми́луй мя, Гóсподи, яко к Тебé воззовý весь день. Возвесели дýшу рабá Твоегó, яко к Тебé взях дýшу мою. Яко Ты, Гóсподи, Благ и Крóток, и Многомилостив всем призывáющым Тя. Внуши, Гóсподи, молитву мою, и вонми гласу молéнiя моегó. В день скóрби моея воззвáх к Тебé, яко услышал мя есѝ. Несть подóбен Тебé в бозéх, Гóсподи, и несть по делóм Твоим. Вси языцы, елики сотворил есѝ, прiидут и поклóнятся пред Тобóю, Гóсподи, и прослáвят имя Твоé, яко Вéлiй есѝ Ты, и творяй чудесá, Ты есѝ Бог един. Настáви мя, Гóсподи, на путь Твой, и пойдý во и҆́стине Твоéй; да возвеселится сéрдце моé боятися и҆́мене Твоегó. Исповéмся Тебé, Гóсподи Бóже мой, всем сéрдцем моим, и прослáвлю и҆́мя Твоé в век: яко милость Твоя вéлiя на мне, и избáвил еси дýшу мою от áда преиспóднейшаго. Бóже, законопрестýпницы востáша на мя, и сонм держáвных взыскáша дýшу мою, и не предложиша Тебé пред собóю. И Ты, Гóсподи Бóже мой, Щéдрый и Милостивый, Долготерпеливый, и Многомилостивый и и҆́стинный, призри на мя и помилуй мя, даждь держáву Твою óтроку Твоемý, и спасѝ сына рабы Твоея. Сотворѝ со мнóю знáменiе во блáго, и да видят ненавидящiи мя, и постыдятся, яко Ты, Гóсподи, помóгл ми и утéшил мя есѝ.
И паки: Сотворѝ со мнóю знáменїе во блáго, и да ви́дят ненави́дящїи мя, и постыдятся, яко Ты, Гóсподи, помóгл ми и утéшил мя есѝ.
Чтец: Слáва Ѻтцý и Сы́ну и Святóму Дýху, и ны́не и при́сно и во вéки векóв, ами́нь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, поми́луй. (3 раза)
Слáва Отцý и Сы́ну и Святóму Дýху.
Ин чтец: И ны́не и при́сно и во вéки векóв. Ами́нь.
КАФИСМА ДВЕНАДЦАТАЯ
Псалом 85
Приклони́, Гóсподи, ýхо Твоé, и услыши мя, яко нищ и убóг есмь аз. Сохрани́ дýшу мою, яко преподóбен есмь: спаси́ рабá Твоегó, Бóже мой, уповáющаго на Тя. Поми́луй мя, Гóсподи, яко к Тебé воззовý весь день. Возвесели дýшу рабá Твоегó, яко к Тебé взях дýшу мою. Яко Ты, Гóсподи, Благ и Крóток, и Многомилостив всем призывáющым Тя. Внуши, Гóсподи, молитву мою, и вонми гласу молéния моегó. В день скóрби моея воззвáх к Тебé, яко услышал мя еси. Несть подóбен Тебé в бозéх, Гóсподи, и несть по делóм Твоим. Вси языцы, елики сотворил еси, приидут и поклóнятся пред Тобóю, Гóсподи, и прослáвят имя Твоé, яко Вéлий еси Ты, и творяй чудесá, Ты еси Бог един. Настáви мя, Гóсподи, на путь Твой, и пойдý во истине Твоéй; да возвеселится сéрдце моé боятися имене Твоегó. Исповéмся Тебé, Гóсподи Бóже мой, всем сéрдцем моим, и прослáвлю имя Твоé в век: яко милость Твоя вéлия на мне, и избáвил еси дýшу мою от áда преиспóднейшаго. Бóже, законопрестýпницы востáша на мя, и сонм держáвных взыскáша дýшу мою, и не предложиша Тебé пред собóю. И Ты, Гóсподи Бóже мой, Щéдрый и Милостивый, Долготерпеливый, и Многомилостивый и истинный, призри на мя и помилуй мя, даждь держáву Твою óтроку Твоемý, и спаси сына рабы Твоея. Сотвори со мнóю знáмение во блáго, и да видят ненави́дящии мя, и постыдятся, яко Ты, Гóсподи, помóгл ми и утéшил мя еси.
Псалом 86
Основáнiя eгó на горáх святы́х; лю́бит Госпóдь вратá Сióня пáче всех селéнiй Iáковлих. Преслáвная глагóлашася о тебé, грáде Бóжiй. Помяну́ Раáв и Вавилóна вéдущим мя, и се иноплемéнницы, и Тир, и лю́дiе Ефióпстiи, си́и бы́ша тáмо. Мáти Сióн речéт: человéк, и человéк роди́ся в нем, и Той основá и́ Вы́шнiй. Госпóдь повéсть в писáнiи людéй, и князéй сих бы́вших в нем. Я́ко веселя́щихся всех жили́ще в тебé.
Псалом 87
Гóсподи Бóже спасéнiя моегó, во дни воззвáх, и в нощи́ пред Тобóю. Да вни́дет пред Тя моли́тва моя́: приклони́ ýхо Твоé к молéнию моемý, я́ко испóлнися зол душá моя́, и живóт мой аду прибли́жися. Привменéн бых с низходя́щими в ров, бых я́ко человéк без пóмощи, в мéртвых свобóдь, я́ко я́звеннии спя́щии во грóбе, и́хже не помянýл еси́ ктомý, и ти́и от руки́ Твоея́ отриновéни бы́ша. Положи́ша мя в рóве преиспóднем, в тéмных и сéни смéртней. На мне утверди́ся я́рость Твоя́, и вся вóлны Твоя́ навéл еси́ на мя. Удáлил еси́ знáемых мои́х от менé, положи́ша мя мéрзость себé: прéдан бых и не исхождáх. Очи мои́ изнемогóсте от нищеты́, воззвáх к Тебé, Гóсподи, весь день, воздéх к Тебé рýце мои́. Едá мéртвыми твори́ши чудесá? Или́ врáчеве воскреся́т, и исповéдятся Тебé? Едá повéсть кто во грóбе ми́лость Твою́, и и́стину Твою́ в поги́бели? Едá познáна бýдут во тьме чудесá Твоя́, и прáвда Твоя́ в земли́ забвéнней? И аз к Тебé, Гóсподи, воззвáх и ýтро моли́тва моя́ предвари́т Тя. Вскýю, Гóсподи, отрéеши дýшу мою́, отвращáеши лицé Твоé от менé? Нищ есмь аз, и в трудéх от ю́ности моея́; вознéс же ся, смири́хся, и изнемогóх. На мне преидóша гнéви Твои́, устрашéния Твоя́ возмути́ша мя, обыдóша мя я́ко водá, весь день одержáша мя вкýпе. Удáлил еси́ от менé дрýга и и́скренняго, и знáемых моих от страстéй.
Чтец: Слáва Отцý и Сы́ну и Святóму Дýху.
Хор: И ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
Псалом 88
Ми́лости Твоя́, Гóсподи, во век воспою́, в род и род возвещý и́стину Твою́ усты́ мои́ми. Занé рекл еси́: в век ми́лость сози́ждется, на Небесéх уготóвится и́стина Твоя́. Завещáх завéт избрáнным мои́м, кля́хся Дави́ду рабý Моемý: до вéка уготóваю сéмя твоé, и сози́жду в род и род престóл твой. Исповéдят Небесá чудесá Твоя́, Гóсподи, и́бо и́стину Твою́ в цéркви святы́х. Я́ко кто во óблацех уравни́тся Гóсподеви? Уподóбится Гóсподеви в сынéх Бóжiих? Бог прославля́емь в совéте святы́х, Вéлiй и Стрáшен есть над всéми окрéстными Егó. Гóсподи Бóже сил, кто подóбен Тебé? Си́лен еси́, Гóсподи, и и́стина Твоя́ óкрест Тебé. Ты влады́чествуеши держáвою морскóю: возмущéнiе же волн eгó Ты укрочáеши. Ты смири́л еси́ я́ко я́звена гóрдаго, мы́шцею си́лы Твоея́ расточи́л еси́ враги́ Твоя́. Твоя́ суть небесá, и Твоя́ есть земля́, вселéнную и исполнéнiе ея́ Ты основáл еси́. Сéвер и мóре Ты создáл еси́, Фавóр и Ермóн о и́мени Твоéм возрáдуетася. Твоя́ мы́шца с си́лою: да укрепи́тся рукá Твоя́, и вознесéтся десни́ца Твоя́. Прáвда и судьбá уготóванiе Престóла Твоегó: ми́лость и и́стина предъи́дете пред лицéм Твои́м. Блажéни лю́дiе вéдущiи воскликновéнiе: Гóсподи, во свéте лицá Твоегó пóйдут, и о и́мени Твоéм возрáдуются весь день, и прáвдою Твоéю вознесýтся. Я́ко похвалá си́лы их Ты еси́, и во благоволéнiи Твоéм вознесéтся рог наш. Я́ко Госпóдне есть заступлéнiе, и Святáго Iзрáилева Царя́ нáшего. Тогдá глагóлал еси́ в видéнiи сыновóм Твои́м, и рекл еси́: положи́х пóмошь на си́льнаго, вознесóх избрáннаго от людéй Мои́х, обретóх Дави́да рабá Moeгó, елéем святы́м Мои́м помáзах eгó. И́бо рукá Моя́ застýпит eгó, и мы́шца Моя́ укрепи́т eгó, ничтóже успéет враг на негó, и сын беззакóнiя не приложи́т озлóбити eгó: и ссекý от лица́ eгó враги́ eгó, и ненави́дящiя eгó побеждý. И и́стина Моя́ и ми́лость Моя́ с ним, и о и́мени Моéм вознесéтся рог eгó, и положý на мóри рýку eгó, и на рекáх десни́цу eгó. Той призовéт Мя: Отéц мой еси́ Ты, Бог мой и Застýпник спасéнiя моегó. И Аз пéрвенца положý eгó, высокá пáче царéй земны́х: в век сохраню́ eмý ми́лость Мою́, и завéт Мой вéрен eмý, и положý в век вéка сéмя eгó, и престóл eгó я́ко дни́е нéба. А́ще остáвят сы́нове eгó закóн Мой, и в судьбáх Мои́х не пóйдут, áще оправдáнiя Моя́ оскверня́т, и зáповедей Мои́х не сохраня́т, посещý жезлóм беззакóнiя их, и рáнами непрáвды их, ми́лость же Мою́ не разорю́ от них, ни превреждý во и́стине Моéй, нижé оскверню́ завéта Моегó, и исходя́щих от уст Мои́х не отвéргуся. Еди́ною кля́хся о святéм Моéм, áще Дави́ду солжý? Сéмя eгó во век пребýдет, и престóл eгó, я́ко сóлнце предó Мнóю, и я́ко лунá совершéна в век, и Свидéтель на Небеси́ вéрен. Ты же отри́нул еси́ и уничижи́л, негодовáл еси́ помáзаннаго Твоегó, разори́л еси́ завéт рабá Твоегó, оскверни́л еси́ на земли́ святы́ню eгó: разори́л еси́ вся оплóты eгó, положи́л еси́ твéрдая eгó страх. Расхищáху eгó вси мимоходя́щiи путéм, бысть поношéнiе сосéдом свои́м. Возвы́сил еси́ десни́цу стужáющих eмý, возвесели́л еси́ вся враги́ eгó: отврати́л еси́ пóмощь мечá eгó, и не заступи́л еси́ eгó во брáни. Разори́л еси́ от очищéнiя eгó, престóл eгó на зéмлю повéргл еси́, умáлил еси́ дни врéмене eгó, облiя́л еси́ eгó студóм. Докóле, Гóсподи, отвращáешися в конéц? Разжжéтся я́ко огнь гнев Твой? Помяни́, кiй мой состáв, едá бо всýе создáл еси́ вся сы́ны человéческiя? Кто есть человéк, и́же поживéт и не ýзрит смéрти, избáвит дýшу свою́ из руки́ áдовы? Где суть ми́лости Твоя́ дрéвнiя, Гóсподи, и́миже кля́лся еси́ Давiду во и́стине Твоéй? Помяни́, Гóсподи, поношéнiе раб Твои́х, éже удержа́х в нéдре моéм мнóгих язы́к, и́мже поноси́ша врази́ Твои, Гóсподи, и́мже поноси́ша изменéнiю хрiстá Твоегó. Благословéн Госпóдь во век, бýди, бýди.
Чтец: Слáва Отцý и Сы́ну и Святóму Дýху.
Хор: И ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (3 рáза)
Гóсподи, помúлуй. (3 рáза)
Слáва Отцý и Сы́ну и Святóму Дýху.
Чтец: И ны́не и при́сно и во вéки векóв. Ами́нь.
Псалом 89
Гóсподи, прибéжище был еси нам в род и род. Прéжде дáже горáм не бы́ти и создáтися землѝ и вселéнней, и от вéка и до вéка Ты еси. Не отвратѝ человéка во смирéнiе, и рекл еси: обрати́теся, сы́нове человéчестiи. Яко ты́сяща лет пред очи́ма Твои́ма, Гóсподи, яко день вчерáшнiй, иже мимои́де, и стрáжа нощнáя. Уничижéнiя их лéта бýдут. Утро яко травá мимои́дет, ýтро процветéт и прéйдет: на вéчер отпадéт ожестéет и и́зсхнет. Яко исчéзохом гнéвом Твоим, и я́ростiю Твоéю смути́хомся. Положи́л еси беззакóнiя нáша пред Тобóю: век наш в просвещéнiе лицá Твоегó. Яко вси днiе нáши оскудéша, и гнéвом Твоим исчезóхом, лéта нáша яко паучи́на поучáхуся. Днiе лет нáших, в ни́хже сéдмьдесят лет, áще же в си́лах, óсмьдесят лет, и мнóжае их труд и болéзнь: яко прiи́де крóтость на ны, и накáжемся. Кто весть держáву гнéва Твоегó, и от стрáха Твоегó, я́рость Твою́ исчестѝ? Десни́цу Твою́ тáко скажѝ ми, и оковáнныя сéрдцем в мýдрости. Обрати́ся, Гóсподи, докóле? И умолéн бýди на рабы́ Твоя. Испóлнихомся заýтра ми́лости Твоея́, Гóсподи, и возрáдовахомся, и возвесели́хомся, во вся дни нáша возвесели́хомся, за дни в ня́же смири́л ны еси, лéта в ня́же ви́дехом злáя. И при́зри на рабы́ Твоя, и на делá Твоя, и настáви сы́ны их. И бýди свéтлость Гóспода Бóга нáшего на нас, и делá рук нáших испрáви на нас, и дéло рук нáших испрáви.
Псалом 90
Живый в пóмощи Вышняго, в крóве Бóга Небéснаго водвори́тся. Речéт Гóсподеви: застýпник мой еси и прибéжище моé, Бог мой, и уповáю на Негó. Яко Той избáвит тя от сéти лóвчи, и от словесé мятéжна; Плещмá Свои́ма осени́т тя, и под крилé Егó надéешися: орýжием обыдет тя и́стина Егó. Не убои́шися от стрáха нощнáго, от стрелы летя́щiя во дни; От вéщи во тме преходя́щiя, от сря́ща и бéса полýденнаго. Падéт от страны твоея́ тысяща, и тма одеснýю тебé, к тебé же не прибли́жится; Обáче очи́ма твои́ма смóтриши, и воздаянiе грéшников ýзриши. Яко Ты, Гóсподи, уповáнiе моé, Вы́шняго положи́л еси прибéжище твоé. Не прiи́дет к тебé зло, и рáна не прибли́жится телеси́ твоемý; Яко Áнгелом Свои́м заповéсть о тебé, сохрани́ти тя во всех путéх твои́х. На рукáх вóзмут тя, да не когдá преткнéши о кáмень нóгу твою; На áспiда и васiлíска настýпиши, и поперéши льва и змíя. Яко на Мя уповá, и избáвлю и: покры́ю и, я́ко познá имя Моé. Воззовéт ко Мне, и услышу егó: с ним есмь в скóрби, измý егó, и прослáвлю егó; Долготóю дней испóлню егó, и явлю емý спасéнiе Моé.
Чтец: И ны́не и при́сно и во вéки векóв. Ами́нь.
Чтец: Слáва Отцý и Сыну и Святóму Дýху, и ныне и присно и во вéки векóв, аминь.
Аллилýїа, аллилýїа, аллилýїа, слáва Тебé Бóже. (3 раза)
Гóсподи, поми́луй. (3 раз)
Слáва Отцý и Сы́ну и Святóму Дýху.
Тропáрь Iоáнна Предтéчи, глас 4: От земли́ возсiя́вши, Предтéчева главá лучи́ испущáет нетлéнiя вéрным исцелéнiй свы́ше собирáет мнóжество Áнгел, дóле же созывáет человéческiй род, единоглáсную возсылáти слáву Хрїстý Бóгу.
И ны́не и прúсно и во вéки векóв. Амúнь.
Богорóдичен: И҆́же нас рáди рождéйся от Дéвы и распя́тiе претерпéв, Благíй, испровéргiй смéртiю смерть и воскресéнiе явлéй я́ко Бог, не прéзри, я́же создáл еси рукóю Твоéю. Яви́ человеколю́бiе Твоé, Ми́лостиве. Прiимѝ рóждшую Тя Богорóдицу, моля́щуюся за ны. И спасѝ, Спáсе наш, лю́ди отчáянныя.
Не предáждь нас до концá И҆́мене Твоегó рáди, и не разорѝ завéта Твоегó, и не отстáви ми́лости Твоея́ от нас Авраáма рáди, возлю́бленнаго от Тебé, и за Iсаáка, рабá Твоегó, и Iзрáиля, святáго Твоегó.
Посем Трисвятое по Отче наш
Свѧты́й Бóже, Свѧтый Крéпкїй, Свѧтый Безсмéртный, поми́луй нас. (3 раза)
Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.
Пресвѧтáѧ Трóице, помилуй нас, Гóсподи, очи́сти грехѝ нáшѧ, Владыко, простѝ беззакóнiя нáшѧ, Святы́й, посетѝ и исцелѝ нéмощи нáшѧ и҆́мене Твоегó рáди.
Гóсподи, поми́луй. (трúжды)
Слáва Отцý и Сыну и Свѧтóму Дýху, и ныне и при́сно и во вéки векóв, ами́нь.
Ѻ́тче нашъ, И҆́же есѝ на небесѣ́хъ. Да святи́тся И҆́мя Твоé, да прїи́детъ Цáрствїе Твоé, да бýдет вóля Твоѧ̀, ꙗ҆́ко на небесѝ и на землѝ. Хлѣбъ нашъ насýщный даждь намъ днесь, и остáви нам дóлги нáшѧ, я́коже и мы оставлѧ́емъ должникóмъ нáшимъ. И не введѝ нас во искушéнїе, но избáви нас от лукáваго.
Гóсподи, Iисýсе Хрїстé, Сыне Бóжїй, поми́луй нас. Ами́нь.
КОНДAК
Кондáк Iоáнна Предтéчи, глас 2: Прорóче Бóжiй и Предтéче благодáти, главý твою́, я́ко ши́пок свящéннейшiй, от земли́ обрéтше, исцелéнiя всегдá прiéмлем, и́бо пáки, я́коже прéжде, в мíре проповéдуеши покая́нiе.
Гóсподи, помúлуй. (40 раз)
И҆́же на вся́кое врéмя и на вся́кiй час, на небесѝ и на землѝ покланя́емый и слáвимый Хрїстé Бóже, долготерпели́ве, многоми́лостиве, многоблагоутрóбне, И҆́же прáведныя любя́й, и грéшныя ми́луяй, И҆́же вся зовы́й ко спасéнiю обещáнiя рáди бýдущих благ; Сам, Гóсподи, прiимѝ и нáша в час сей моли́твы, и испрáви живóт наш к зáповедем Твои́м; дýши нáша освятѝ, телесá очи́сти, помышлéнiя испрáви, мы́сли очи́сти, и избáви нас от вся́кiя скóрби, зол и болéзней; оградѝ нас святы́ми Твои́ми Áнгелы, да ополчéнiем и҆́х соблюдáеми и наставля́еми, дости́гнем в соединéнiе вéры, и в рáзум непристýпныя Твоея́ слáвы, я́ко благословéн есѝ во вéки векóв, ами́нь.
Гóсподи, поми́луй. (трúжды)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословᴎ́.
Моли́твами святых отéц нáших, Гóсподи Iисýсе Хрїстé, Бóже наш, поми́луй нас, ами́нь.
Молитва святаго Ефрема Сирина
Гóсподи и Влады́ко животá моегó, дух прáздности, уны́нiя, любоначáлiя, и празднослóвiя не даждь ми. (Земнóй поклóн.)
Дух же целомýдрiя, смиренномýдрiя, терпéнiя, и любвé, дáруй ми рабý Твоемý. (Земнóй поклóн.)
Ей, Гóсподи Царю́, дáруй ми зрéти моя прегрешéнiя, и не осуждáти брáта моегó, яко благословéн еси во вéки векóв, аминь. (Земнóй поклóн.)
И молитву сию Великаго Василия
Влады́ко Гóсподи, Iисýсе Хрїстé, Бóже наш, долготерпéвый о нáших согрешéнiих и дáже до ны́нешняго часá привeды́й нас, вóньже, на Животворя́щем Дрéве ви́ся, благоразýмному разбóйнику и҆́же в рай путесотвори́л есѝ вход и смéртiю смерть разруши́л есѝ: очи́сти нас, грéшных и недостóйных раб Твои́х, согреши́хом бо и беззакóнновахом и нéсмы достóйни возвестѝ очесá нáша и воззрéти на высотý Небéсную, занé остáвихом путь прáвды Твоея́ и ходи́хом в вóлях сердéц нáших. Но мóлим Твою́ безмéрную блáгость: пощади́ нас, Гóсподи, по мнóжеству ми́лости Твоея́, и спасѝ нас И҆́мене Твоегó рáди святáго, яко исчезóша в суетé днíе нáши, изми́ нас из рукѝ сопроти́внаго, и остáви нам грехѝ нáша, и умертви́ плотскóе нáше мудровáнiе, да, вéтхаго отложи́вше человéка, в нóваго облецéмся и Тебé поживéм, нáшему Влады́це и Благодéтелю. И тáко, Твои́м послéдующе повелéнiем, в вéчный покóй дости́гнем, идéже есть всех веселя́щихся жили́ще. Ты бо есѝ вои́стинну и҆́стинное весéлiе и рáдость лю́бящих Тя, Хрїстé Бóже наш, и Тебé слáву возсылáем со Безначáльным Твои́м Отцéм, и Пресвяты́м, и Благи́м, и Животворя́щим Твои́м Дýхом, ны́не, и при́сно и во вéки векóв, ами́нь.
ИЗОБРАЗИТЕЛЬНЫЕ
Изобразительны читаются скоро без пенiя.
Во Цáрствiи Твоéм помяни́ нас, Гóсподи, егдá прiи́деши, во Цáрствiи Твоéм.
Блажéни ни́щiи дýхом, яко тех есть Цáрство Небéсное.
Блажéни плáчущiи, яко тíи утéшатся.
Блажéни крóтцыи, яко тíи наслéдят зéмлю.
Блажéни áлчущiи и жáждущiи прáвды, яко тíи насытятся.
Блажéни ми́лостивiи, яко тíи поми́ловани бýдут.
Блажéни чи́стiи сéрдцем, яко тíи Бóга ýзрят.
Блажéни миротвóрцы, яко тíи сынове Бóжiи нарекýтся.
Блажéни изгнáни прáвды рáди, яко тех есть Цáрство Небéсное.
Блажéни естé, егдá понóсят вам, и изженýт, и рекýт всяк зол глагóл на вы лжýще Менé рáди.
Рáдуйтеся и весели́теся, яко мзда вáша мнóга на небесéх.
Помяни́ нас, Гóсподи, егдá прїи́деши во Цáрствiи Твоéм.
Помяни́ нас, Влады́ко, егдá прїи́деши во Цáрствiи Твоéм.
Помяни́ нас, Святы́й, егдá прїи́деши во Цáрствiи Твоéм.
Лик небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Стiх: Приступи́те к Немý и просвети́теся, и лицá вáша не постыдя́тся.
Лик Небéсный поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
Слáва Ѻтцý и Сы́ну и Святóму Дýху.
Лик святы́х Áнгел и Архáнгел со всéми Небéсными си́лами поéт Тя и глагóлет: Свят, Свят, Свят Госпóдь Саваóф, испóлнь Нéбо и земля́ слáвы Твоея́.
И ны́не и прúсно и во вéки векóв. Амúнь.
Символ веры
Вéрую во Еди́наго Бóга Ѻтцá, Вседержи́теля, Творцá нéбу и землѝ, ви́димым же всем и неви́димым. И во Еди́наго Гóспода Iисýса Хрїстá, Сы́на Бóжiя, Единорóднаго, И҆́же от Ѻтцá Рождéннаго прéжде всех век; Свéта от Свéта, Бóга И҆́стинна от Бóга И҆́стинна, рождéнна, несотворéнна, единосýщна Ѻтцý, И҆́мже вся бы́ша. Нас рáди человéк и нáшего рáди спасéнiя сшéдшаго с небéс и воплоти́вшагося от Дýха Свята и Марíи Дéвы и вочеловéчшася. Распя́таго же за ны при Понтíйстем Пiлáте, и страдáвша и погребéнна. И воскрéсшаго в трéтiй день по Писáнiем, и возшéдшаго на небесá и седя́ща одеснýю Ѻтцá. И пáки грядýщаго со слáвою суди́ти живы́м и мéртвым, Егóже Цáрствiю не бýдет концá. И в Дýха Святáго, Гóспода, Животворя́щаго, И҆́же от Ѻтцá исходя́щаго, И҆́же со Ѻтцéм и Сы́ном спокланя́ема и сслáвима, Глагóлавшего прорóки. Во еди́ну Святýю, Собóрную и Апóстольскую Цéрковь. Исповéдую еди́но крещéнiе во оставлéнiе грехóв. Чáю воскресéнiя мéртвых, и жи́зни бýдущаго вéка. Аминь.
Ослáби, остáви, прости Бóже, прегрешéнiя нáша, вóльная, и невóльная, я́же в слóве и в дéле, я́же в вéденiи и не в вéденiи, я́же во дни и в нощѝ, я́же во умé и помышлéнiи, вся нам простѝ, я́ко Благ и Человеколю́бец.
Ѻ́тче наш, И҆́же есѝ на небесéх. Да святи́тся И҆́мя Твоé, да прiи́дет Цáрствiе Твоé, да бýдет вóля Твоя, я́ко на небесѝ и на землѝ. Хлеб наш насýщный даждь нам днесь, и остáви нам дóлги нáша, я́коже и мы оставля́ем должникóм нáшим. И не введѝ нас во искушéнiе, но избáви нас от лукáваго.
Гóсподи, Iисýсе Хрїстé, Сы́не Бóжiй, поми́луй нас. Ами́нь.
КОНДАК
Кондáк Iоáнна Предтéчи, глас 2: Прорóче Бóжiй и Предтéче благодáти, главý твою́, я́ко ши́пок свящéннейшiй, от земли́ обрéтше, исцелéнiя всегдá прiéмлем, и́бо пáки, я́коже прéжде, в мíре проповéдуеши покая́нiе.
Гóсподи, поми́луй. (40 раз)
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Честнéйшую Херувíм и слáвнейшую без сравнéнiя Серафíм, без истлéнiя Бóга Слóва рóждшую, сýщую Богорóдицу, Тя величáем.
И҆́менем Госпóдним Гóсподи, благословᴎ́.
Моли́твами святых отéц нáших, Гóсподи Iисýсе Хрїстé, Бóже наш, поми́луй нас, ами́нь.
Молитва святаго Ефрема Сирина
Гóсподи и Влады́ко животá моегó, дух прáздности, уны́нiя, любоначáлiя, и празднослóвiя не даждь ми. (Земнóй поклóн.)
Дух же целомýдрiя, смиренномýдрiя, терпéнiя, и любвé, дáруй ми рабý Твоемý. (Земнóй поклóн.)
Ей, Гóсподи Царю́, дáруй ми зрéти моя прегрешéнiя, и не осуждáти брáта моегó, яко благословéн еси во вéки векóв, аминь. (Земнóй поклóн.)
И молитву: Всесвятáя Трóице, Единосýщная Держáво, Нераздéльное Цáрство, всех благи́х Винá, благоволи́ же и о мне грéшнем, утвердѝ, вразумѝ сéрдце моé, и всю мою отымѝ сквéрну, просветѝ мою мысль, да вы́ну слáвлю, пою, покланя́юся и глагóлю: Еди́н Свят, Един Госпóдь, Iисýс Хрїстóс, во слáву Бóга Ѻтцá, ами́нь.
Достойно есть
Хор: Достóйно есть я́ко вои́стинну блажи́ти Тя, Богорóдицу,/Присноблажéнную и Пренепорóчную и Мáтерь Бóга нáшего./ Честнéйшую Херувíм и слáвнeйшую без сравнéнiя Серафíм,/ без истлéнiя Бóга Слóва рóждшую, сýщую Богорóдицу Тя величáем.
Слáва Ѻтцý и Сы́ну и Святóму Дýху, и ны́не и прᴎ́сно и во вéки векóв, амᴎ́нь.
Гóсподи, поми́луй. (3 раза)
Гóсподи, благословᴎ́.
ОТПУСТ
Гóсподи, Iисýсе Хрїстé, Сыне Бóжїй, моли́твами пречи́стыя Своея́ Мáтере, святы́х слáвных и всехвáльных Апóстол, святы́х и прáведных богоотéц Iоакíма и Áнны, и всех святы́х, поми́лует и спасéт нас, я́ко Благ и Человеколю́бец.
Хор: Аминь. Гóсподи, поми́луй. (3 раза)
И глагóлем зде вечéрню