СВЯТОЕ БОГОЯВЛЕНИЕ. КРЕЩЕНИЕ Господа Бога и Спаса нашего Иисуса Христа. УТРЕНЯ. КАНОН
19 января́ 2023 гóда. Святóе Богоявлéнiе. Крещéнiе Гóспода и Бóга и Спáса нáшего Iисýса Хрїстá. Прáздничная слýжба для домáшнего (келéйнаго) совершéнiя. Послéдованiе ýтрени (канóн)
начало здесь ( великое повечерiе) и здесь ( утреня)
ПСАЛОМ ИЗБРАННЫЙ
Бóже, уще́дри ны, и благослови́ ны./ Просвети́ лице́ Твое́ на ны, поми́луй ны./ Приступи́те к Нему́ и просвети́теся,/ И ли́ца ва́ша не постыдя́тся./ Ре́чная устремле́нiя веселя́т град Бóжiй./ Глас Госпóдень на вода́х./ Госпóдь на вода́х мнóгих./ Взя́ша ре́ки, Гóсподи, взя́ша ре́ки гла́сы своя́,/ От гласóв вод мнóгих./ Сегó ра́ди помяну́х Тя от земли́ Iорда́нски и Ермонiи́мски./ Я́ко у Тебе́ истóчник живота́, во све́те Твое́м у́зрим свет./ Мóре ви́де и побеже́, Iорда́н возврати́ся вспять./ Ты утверди́л еси́ си́лою Твое́ю мóре./ Ты стерл еси́ главы́ змiе́в в воде́./ Ты растóргл еси́ истóчники и потóки./ Ви́деша Тя вóды, Бóже, ви́деша Тя вóды, и убоя́шася./ В мóри путiе́ Твои́, и стези́ Твоя́ в вода́х мнóгих.// Я́ко возвели́чишася дела́ Твоя́, Гóсподи, вся прему́дростiю сотвори́л еси́.
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Аллилýїа, аллилýїа, аллилýїа, слáва Тебé Бóже. (Трúжды)
Хор: Величáем Тя,/ Живодáвче Хрїстé,/ нас рáди ныне плóтiю крестúвшагося// от Iоáнна в водáх Iордáнских.
Гóсподи, поми́луй. (12 раз)
СЕДАЛЕН
Седáлен прáздника по полiелéи, глас 4: Прiиди́те, ви́дим, вéрнiи, где крести́ся Хрїстóс,/ да после́дуим прóчее ко Iорда́ну реце́,/ ко гла́су вопiю́щаго в пусты́ни,/ и уви́дим та́мо Соде́теля Ада́мова,/ дла́нiю ра́бскою рукополага́ема за благоутрóбiе неизрече́нное,/ и к Нему́ велегла́сно возопiи́м:// прише́л еси́ и яви́лся еси́ во Iорда́не освяти́ти вóды.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Прiиди́те, ви́дим, вéрнiи, где крести́ся Христо́с,/ да после́дуим про́чее ко Иорда́ну реце́,/ ко гла́су вопию́щаго в пусты́ни,/ и уви́дим та́мо Соде́теля Ада́мова,/ дла́нию ра́бскою рукополага́ема за благоутро́бие неизрече́нное,/ и к Нему́ велегла́сно возопии́м:// прише́л еси́ и яви́лся еси́ во Иорда́не освяти́ти во́ды.
СТЕПЕННА, ГЛАС 4
1 АНТИФОН
Хор: От ю́ности моея́/ мнóзи бóрют мя стрáсти,/ но Сам мя заступú// и спасú, Спáсе мой. (Двáжды)
Ненави́дящiи Сióна,/ посрами́теся от Гóспода,/ я́ко травá бо огнéм// бýдете изсóхше. (Двáжды)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Святы́м Дýхом/ вся́ка душá живи́тся,/ и чистотóю возвышáется,// светлéется Трóйческим еди́нством, священнотáйне. (Двáжды)
ПРОКИМЕН И ЧТЕНИЕ ЕВАНГЕЛИЯ
Чтец: Прокíмен, глас четвéртый. Мóре ви́де и побежé, Iордáн возврати́ся вспять. (Пс.113:3)
Хор: Мóре вúде и побежé,/ Iордáн возвратúся вспять.
Чтец: Что ти есть, мóре, я́ко побéгло еси́, и тебé, Iордáне, я́ко возврати́лся еси́ вспять? (Пс.Пс.113:5)
Хор: Мóре вúде и побежé,/ Iордáн возвратúся вспять.
Чтец: Мóре ви́де и побежé.
Хор: Iордáн возвратúся вспять.
Чтец: Гóсподу помóлимся.
Хор: Гóсподи, помúлуй.
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Вся́кое дыхáнiе да хвáлит Гóспода.(Пс.150:6)
Хор: Всякое дыхáнiе да хвáлит Гóспода.
Чтец: Хвали́те Бóга во святы́х Егó, хвали́те Егó во утвержéнiи си́лы Егó.
Хор: Всякое дыхáнiе да хвáлит Гóспода.
Чтец:Вся́кое дыхáнiе.
Хор: Да хвáлит Гóспода.
Гóсподи, помилуй. (3раза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
ЕВАНГЕЛИЕ
Чтец: От Мáрка Святáго Евáнгелiя чтéнiе.
Слáва Тебé, Гóсподи, слáва Тебé.
(Мк.зач.2): Во вре́мя о́но прии́де Иису́с от Назаре́та Галиле́йскаго и крестися от Иоанна во Иордане. И а́бие восходя́ от воды́, ви́де разводя́щася Небеса́ и Дух, я́ко го́лубь, сходя́щ Нань. И глас бысть с Небесе́: Ты еси́ Сын Мой возлю́бленный, о Не́мже благоволи́х.
[Русский синодальный перевод]В те дни пришел Иисус из Назарета Галилейского и крестился от Иоанна в Иордане. И когда выходил из воды, тотчас увидел Иоанн разверзающиеся небеса и Духа, как голубя, сходящего на Него. И глас был с небес: Ты Сын Мой возлюбленный, в Котором Мое благоволение. (Мк 1:9-11)
Слáва Тебé, Гóсподи, слáва Тебé.
Псалом 50
Поми́луй мя, Бóже, по вели́цей ми́лости Твоéй, и по мнóжеству щедрóт Твои́х очи́сти беззакóнiе моé. Наипáче омы́й мя от беззакóнiя моегó, и от грехá моегó очи́сти мя. Яко беззакóнiе моé аз знáю и грех мой прéдо мнóю есть выну. Тебе Еди́ному согреши́х, и лукáвая пред Тобóю сотвори́х; яко да оправди́шися во словесéх Твои́х и победи́ши, внегдá суди́ти Ти. Се бо в беззакóнiих зачáт есмь, и во гресéх родѝ мя мáти моя́. Се бо и҆́стину возлюби́л есѝ, безвéстная и тáйная премýдрости Твоея яви́л ми есѝ. Окропи́ши мя иссóпом и очи́щуся, омы́еши мя, и пáче снéга убелю́ся. Слýху моемý дáси рáдость и весéлiе, возрáдуются кóсти смирéнныя. Отвратѝ лицé Твоé от грех мои́х, и вся беззакóнiя моя очи́сти. Сéрдце чи́сто сози́жди во мне, Бóже, и дух прав обновѝ во утрóбе моéй. Не отвéржи менé от лицá Твоегó, и Дýха Твоегó Святáго не отымѝ от менé. Воздáждь ми рáдость спасéнiя Твоегó, и Дýхом Влады́чним утверди́ мя. Научý беззакóнныя путéм Твои́м, и нечести́вiи к Тебé обратя́тся. Избáви мя от кровéй, Бóже, Бóже спасéнiя моегó, возрáдуется язык мой прáвде Твоéй. Гóсподи, устнé мои отвéрзеши, и устá моя возвестя́т хвалý Твою. Яко áще бы восхотéл есѝ жéртвы, дал бых ýбо, всесожжéнiя не благоволи́ши. Жéртва Бóгу дух сокрушéн, сéрдце сокрушéнно и смирéнно Бог не уничижи́т. Ублажѝ, Гóсподи, благоволéнiем Твои́м Сióна, и да сози́ждутся стéны Iерусали́мскiя. Тогдá благоволи́ши жéртву прáвды, возношéнiе и всесожегáемая; тогдá возложáт на олтáрь Твой тельцы́.
Слáва Отцý и Сы́ну и Святóму Дýху.
Глас 2: Вся́ческая днесь да возра́дуются,// Христу́ я́вльшуся во Иорда́не.
И ны́не и прúсно и во вéки векóв. Амúнь.
Вся́ческая днесь да возра́дуются,// Христу́ я́вльшуся во Иорда́не.
Таже, глас 6: Поми́луй мя, Бóже,/ по вели́цей ми́лости Твоéй, / и по мнóжеству щедрóт Твои́х,/ очи́сти беззакóнiе моé. (Пс.50:3)
Стiхúра Рождествá, глас 6: Бог Сло́во яви́ся пло́тию ро́ду челове́ческому,/ стоя́ше крести́тися во Иорда́не,/ и глаго́лаше к Нему́ Предте́ча:/ ка́ко простру́ ру́ку/ и прикосну́ся верху́ Держа́щаго вся́ческая?/ А́ще и от Мари́и еси́ Младе́нец,/ но вем Тя, Бо́га Преве́чнаго,/ по земли́ хо́диши, пева́емый от Серафи́м,/ и раб Влады́ку креща́ти не научи́хся.// Непостижи́ме Го́споди, сла́ва Тебе́.
Гóсподи, поми́луй. (12 раз)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
ПЕРВЫЙ КАНОН ПРАЗДНИКА, ГЛАС 2
ПЕСНЬ 1
Iрмóс: Глубины́ откры́л есть дно/ и сýшею Своя́ влечéт,/ в ней покры́в проти́вныя,/ крéпкiй во бранéх Госпóдь,// я́ко прослáвися. (Двáжды)
Хор (припéв): Слáва Тебé, Бóже наш, слáва Тебé.
Чтец (тропáрь): Ада́ма истле́вшаго обновля́ет струя́ми Иорда́нскими/ и змие́в главы́ гнездя́щихся сокруша́ет Царь веко́в, Госпо́дь,// я́ко просла́вися. (Двáжды)
Хор: Слáва Тебé, Бóже наш, слáва Тебé.
Чтец: Огне́м Божества́ Невеще́ственным/ в плоть веще́ственну оде́явся, Иорда́нскою облага́ется водо́ю// воплоще́йся от Де́вы Госпо́дь, я́ко просла́вися.(Двáжды)
Хор: Слáва Тебé, Бóже наш, слáва Тебé.
Чтец: Скве́рну омыва́яй челове́ков, сим очи́щся во Иорда́не,/ и́мже, восхоте́в, уподо́бися, е́же бе пребы́в,// су́щия во тьме просвеща́яй Госпо́дь, я́ко просла́вися. (Двáжды)
ВТОРОЙ КАНОН ПРАЗДНИКА, ГЛАС 2
Iрмóс: Шéствует морскýю волня́щуюся бýрю,/ сýшу áбiе Iзрáиль я́вльшуюся./ Чермны́й же понт тристáты еги́петскiя покры́ кýпно,/ водостлáнен гроб,// си́лою крéпкою десни́цы Влады́чни. (Двáжды)
Хор: Слáва Тебé, Бóже наш, слáва Тебé.
Чтец: У́тру я́вльшуся челове́ком светоно́сну/ ны́не из пусты́ни, к вода́м Иорда́нским преклони́л еси́, Царю́ со́лнца, Твою́ вы́ю,/ ли́ка мра́чна родонача́льника исхи́тити,// скве́рны же вся́кия очи́стити тварь. (Трúжды)
Хор: Слáва Тебé, Бóже наш, слáва Тебé.
Чтец: Безнача́льне, струя́м спогре́бшася Тебе́, Сло́ве,/ но́ваго прево́диши, истле́вшаго ле́стию,/ Сего́ несказа́нно от Отца́ прие́м глас держа́вен:// Сей возлю́бленный, ра́вен же Мне О́трок естество́м. (Трúжды)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Катавáсiи Богоявлéнiя (глас 2): Глубины́ откры́л есть дно/ и сýшею Своя́ влечéт,/ в ней покры́в проти́вныя,/ крéпкiй во бранéх Госпóдь,// я́ко прослáвися.
Шéствует морскýю волня́щуюся бýрю,/ сýшу áбiе Iзрáиль я́вльшуюся./ Чермны́й же понт тристáты еги́петскiя покры́ кýпно,/ водостлáнен гроб,// си́лою крéпкою десни́цы Влады́чни.
ПЕСНЬ 3
Iрмóс: Крéпость дая́й царéм нáшим Госпóдь/ и рог помáзанных Свои́х вознося́й/ от Дéвы раждáется, грядéт же ко Крещéнiю./ Томý, вéрнiи, возопiéм:// несть свят, я́ко Бог наш. (Двáжды)
Хор: Слáва Тебé, Бóже наш, слáва Тебé.
Чтец: Непло́дная дре́вле и безча́дная лю́те, днесь весели́ся, Христо́ва Це́рковь:/ водо́ю бо и Ду́хом сы́нове тебе́ роди́шася, ве́рою взыва́юще:// несть свят, я́коже Бог наш.(Трúжды)
Хор: Слáва Тебé, Бóже наш, слáва Тебé.
Чтец: Ве́лиим гла́сом в пусты́ни вопие́т Предте́ча:/ Христу́ угото́вайте пути́/ и стези́ Бо́гу на́шему пра́вы соде́лайте, ве́рою взыва́юще:// несть свят, я́коже Бог наш.(Трúжды)
Ин.
Iрмóс: Ели́цы дрéвних изреши́хомся сéтей/ брáшен львов, сотрéнных членóвными,/ рáдуимся и разшири́м устá, слóво плетýще от словéс сладкопéнiя,// и́мже к нам наслаждáется даровáнiй.(Двáжды)
Хор: Слáва Тебé, Бóже наш, слáва Тебé.
Чтец: Умерщвле́ние пе́рвее насади́вый тва́ри,/ зве́ря злоде́йственнаго вообра́жься в естество́,/ омрача́ется плотски́м прише́ствием:// у́тру я́вльшуся, прирази́вся Влады́це сокруши́ти свою́ вражде́бную главу́.(Трúжды)
Хор: Слáва Тебé, Бóже наш, слáва Тебé.
Чтец: Влече́т к себе́ Богозда́нное естество́, утро́бы мучи́теля, погребе́нное преде́лы;/ ражда́ется па́ки земноро́дных Обновле́ние,/ де́ло держа́вно соверша́я Влады́ка:// прии́де бо, то́е очи́стити хотя́.(Трúжды)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Катавáсiи Богоявлéнiя (глас 2): Крéпость дая́й царéм нáшим Госпóдь/ и рог помáзанных Свои́х вознося́й/ от Дéвы раждáется, грядéт же ко Крещéнiю./ Томý, вéрнiи, возопiéм:// несть свят, я́ко Бог наш.
Ели́цы дрéвних изреши́хомся сéтей/ брáшен львов, сотрéнных членóвными,/ рáдуимся и разшири́м устá, слóво плетýще от словéс сладкопéнiя,// и́мже к нам наслаждáется даровáнiй.
Гóсподи, поми́луй (3 рáза)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Ипакоú Богоявлéнiя, глас 5: Егда́ явле́нием Твои́м просвети́л еси́ вся́ческая,/ тогда́ сла́ное неве́рия мо́ре побеже́,/ и Иорда́н, до́ле теки́й, возврати́ся,/ к Небеси́ возвыша́я нас./ Но высото́ю Боже́ственных за́поведей Твои́х// соблюди́, Христе́ Бо́же, моли́твами Богоро́дицы и поми́луй нас.
ПЕСНЬ 4
Iрмóс: Услы́шах, Гóсподи, глас Твой, егóже рекл еси́,/ глас вопiю́щаго в пусты́ни,/ я́ко возгремéл еси́ над водáми мнóгими,/ Твоемý свидéтельствуяй Сы́ну,/ весь быв сошéдшаго Дýха, возопи́:// Ты еси́ Хрiстóс, Бóжiя мýдрость и си́ла.(Двáжды)
Хор: Слáва Тебé, Бóже наш, слáва Тебé.
Чтец: Очища́емо со́лнце кто ви́де, -/ пропове́дник вопие́т, - пресве́тлое естество́м?/ Да Тебе́ вода́ми, сия́ние Сла́вы, Отца́ о́браз Присносу́щнаго, омы́ю/ и, се́но сый, Огню́ прикосну́ся Твоего́ Божества́?// Ты бо еси́ Христо́с, Бо́жия му́дрость и си́ла.(Двáжды)
Хор: Слáва Тебé, Бóже наш, слáва Тебé.
Чтец: Яви́ Боже́ственное, е́же име́, благогове́ние Моисе́й, прилучи́вся Тебе́,/ я́ко бо из купины́ Тя, возгласи́вша, разуме́, а́бие отврати́ лице́./ Аз же ка́ко Тя уви́жу я́сно?/ Или́ ка́ко руку́ положу́ на Тя?// Ты бо еси́ Христо́с, Бо́жия му́дрость и си́ла. (Двáжды)
Хор: Слáва Тебé, Бóже наш, слáва Тебé.
Чтец: Душе́вное соверша́я му́дре и сло́вом почте́нный, безду́шных стыжду́ся./ А́ще бо крещу́ Тя, клеве́тна ми есть огне́м дымя́щаяся гора́,/ побе́гшее же мо́ре на дво́е и Иорда́н сей, возврати́выйся:// Ты бо еси́ Христо́с, Бо́жия му́дрость и си́ла.(Двáжды)
Ин
Iрмóс: Огнéм очи́щся тáйнаго зрéнiя,/ поя́ прорóк человéков новодéйство,/ возглашáет глас, Дýхом плéщущ,/ воплощéнiе явля́ющ Неизречéнна Слóва,// И́мже си́льных держáвы сотрóшася. (Двáжды)
Хор: Слáва Тебé, Бóже наш, слáва Тебé.
Чтец: По́слан от Отца́, всесве́тлое Сло́во, но́щи отгна́ти зломра́чное стремле́ние,/ и искорени́ти гряде́ши челове́ков грехи́,/ сы́ны же привлещи́, Твои́м Креще́нием, Бла́же,// све́тлы от струй Иорда́нских.(Двáжды)
Хор: Слáва Тебé, Бóже наш, слáва Тебé.
Чтец: Са́мое прови́дев нарече́нное Сло́во, я́сно пропове́дник вопие́т тва́ри:/ Сей пре́жде мене́, вторы́й пло́тию сообра́зен,// просия́ Боже́ственною си́лою вражде́бный наш отъя́ти грех.(Двáжды)
Хор: Слáва Ѻтцý и Сы́ну и Святóму Дýху.
Чтец: Па́жить у Себе́ животво́рну нося́, уловля́ет змие́в,/ гне́здам натека́я мно́гими сетьми́, низлага́я, Бог Сло́во,/ запина́ет же уязви́вшаго всеми́рный род,// сего́ потре́бль, избавля́ет тварь.
и ны́не и прúсно и во вéки векóв, амúнь.
Чтец: Па́жить у Себе́ животво́рну нося́, уловля́ет змие́в,/ гне́здам натека́я мно́гими сетьми́, низлага́я, Бог Сло́во,/ запина́ет же уязви́вшаго всеми́рный род,// сего́ потре́бль, избавля́ет тварь.
Катавáсiи Богоявлéнiя (глас 2): Услы́шах, Гóсподи, глас Твой, егóже рекл еси́,/ глас вопiю́щаго в пусты́ни,/ я́ко возгремéл еси́ над водáми мнóгими,/ Твоемý свидéтельствуяй Сы́ну,/ весь быв сошéдшаго Дýха, возопи́:// Ты еси́ Хрiстóс, Бóжiя мýдрость и си́ла.
Огнéм очи́щся тáйнаго зрéнiя,/ поя́ прорóк человéков новодéйство,/ возглашáет глас, Дýхом плéщущ,/ воплощéнiе явля́ющ Неизречéнна Слóва,// И́мже си́льных держáвы сотрóшася.
ПЕСНЬ 5
Iрмóс: Iисýс, животá Начáльник,/ разреши́ти осуждéнiе грядéт Адáма первоздáннаго,/ очищéнiй же, я́ко Бог, не трéбуя,/ пáдшаго очищáет во Iордáне,/ в нéмже враждý уби́в,// преимýщ всяк ум мир дáрует.(Двáжды)
Хор: Слáва Тебé, Бóже наш, слáва Тебé.
Чтец: Сше́дшимся без числа́ лю́дем от Иоа́нна крести́тися, сам посреде́ их ста./ Провозгласи́ же предстоя́щим:/ кто показа́, непокори́вии, гне́ва вам уклони́тися, хотя́щаго бы́ти?/ Плоды́ досто́йны Христу́ сотвори́те:// Предстоя́й бо ны́не мир да́рует.(Трúжды)
Хор: Слáва Тебé, Бóже наш, слáва Тебé.
Чтец: Де́латель и Зижди́тель, посреде́ стоя́й, я́ко Еди́н всех сердца́ испыту́ет,/ чисти́тельную же лопа́ту руко́ю прие́м,/ всеми́рное гумно́ всему́дре разлуча́ет, непло́дие паля́,// благопло́дным ве́чный живо́т да́рует.(Трúжды)
Ин
Iрмóс: Врагá тéмнаго и осквернéннаго я́да очищéнiем Дýха измовéни,/ к нóвой пристáхом неблáзненной стези́,/ водя́щей в непристýпную рáдость, еди́нем пристýпну,// и́мже Бог примири́ся.(Двáжды)
Хор: Слáва Тебé, Бóже наш, слáва Тебé.
Чтец: Ви́дев Зижди́тель во мра́це прегреше́ний плени́цами неизбе́жными/ его́же вообрази́ персты́, поставля́ет на обою́ ра́му, воздвиг горе́, ны́не во многотеку́щих вода́х омыва́я студа́ дре́вняго// Ада́мова зла́го нра́ва.(Трúжды)
Хор: Слáва Тебé, Бóже наш, слáва Тебé.
Чтец: Со благоче́стием притеце́м приле́жно ко исто́чником пречи́стым тече́ния спаси́тельнаго,/ Сло́во усмотря́юще от Нетле́нныя,/ почерпа́ла принося́ще жа́жди Боже́ственныя,// ми́ра сла́достне исцеля́я неду́г.(Трúжды)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Катавáсiи Богоявлéнiя (глас 2): Iисýс, животá Начáльник,/ разреши́ти осуждéнiе грядéт Адáма первоздáннаго,/ очищéнiй же, я́ко Бог, не трéбуя,/ пáдшаго очищáет во Iордáне,/ в нéмже враждý уби́в,// преимýщ всяк ум мир дáрует.
Врагá тéмнаго и осквернéннаго я́да очищéнiем Дýха измовéни,/ к нóвой пристáхом неблáзненной стези́,/ водя́щей в непристýпную рáдость, еди́нем пристýпну,// и́мже Бог примири́ся.
ПЕСНЬ 6
Iрмóс: Глас Словесé, свети́льник Свéта,/ денни́ца Сóлнца, Предтéча в пусты́ни, -/ покáйтеся! - всем вопiéт лю́дем, - и предочи́ститеся:/ се бо предстои́т Хрiстóс,// от тли мiр избавля́яй.(Двáжды)
Хор: Слáва Тебé, Бóже наш, слáва Тебé.
Чтец: Ро́ждься нетле́нно от Бо́га и Отца́,/ от Де́вы кроме́ скве́рны воплоща́ется Христо́с,/ Ему́же реме́нь, я́же от нас Сло́ва сочта́ния, разреши́ти неудо́б, учи́т Предте́ча,// земноро́дныя от ле́сти избавля́я.(Трúжды)
Хор: Слáва Тебé, Бóже наш, слáва Тебé.
Чтец: Огне́м крести́т коне́чным Христо́с проти́вныя,/ а не Бо́га му́дрствующих Его́,/ Ду́хом же обновля́ет водо́ю благода́ти разумли́выя Божества́ Его́,// от прегреше́ний избавля́я.(Трúжды)
Ин
Iрмóс: Вожделéннаго я́вствова со всеблажéнным глáсом Отéц,/ Егóже из чрéва отры́гну./ Ей, - глагóлет, - Сей соестéствен Сын,/ Сый светозáрен, произни́че из человéча рóда,// Слóво же моé жи́во, и Человéк промышлéнiем.(Двáжды)
Хор: Слáва Тебé, Бóже наш, слáва Тебé.
Чтец: От глуби́ннаго льва, тревече́рний стра́нне проро́к во вну́тренних валя́яся,/ а́бие произы́де, пакибытия́ спасе́ние// от зми́я человекоуби́йцы всем предъявля́я в после́дняя ле́та.(Трúжды)
Хор: Слáва Тебé, Бóже наш, слáва Тебé.
Чтец: Отве́рсту Не́бу всесве́тлых писа́ний, учени́к зрит от Отца́ посыла́емый,/ пребыва́ющ же Дух на Пречи́стем Сло́ве,/ наше́д я́ко го́лубь неизрече́нным о́бразом,// лю́дем же явля́ется, прише́дшим ко Влады́це.(Трúжды)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Катавáсiи Богоявлéнiя (глас 2): Глас Словесé, свети́льник Свéта,/ денни́ца Сóлнца, Предтéча в пусты́ни, -/ покáйтеся! - всем вопiéт лю́дем, - и предочи́ститеся:/ се бо предстои́т Хрiстóс,// от тли мiр избавля́яй.
Вожделéннаго я́вствова со всеблажéнным глáсом Отéц,/ Егóже из чрéва отры́гну./ Ей, - глагóлет, - Сей соестéствен Сын,/ Сый светозáрен, произни́че из человéча рóда,// Слóво же моé жи́во, и Человéк промышлéнiем.
Гóсподи, помилуй (раза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Кондáк прáздника, глас 4: Яви́лся еси́ днесь вселéнней,/ и свет Твой, Гóсподи, знáменася на нас,/ в рáзуме пою́щих Тя:/ пришéл еси́ и яви́лся еси́,// Свет Непристýпный.
Íкос: Галiле́и язы́честей, Завуло́нстей стране́ и Неффали́мстей земли́,/ я́коже рече́ проро́к, Свет вели́к возсия́, Хрiсто́с./ Омраче́нным све́тла яви́ся Заря́, из Вифлее́ма облиста́ющая,/ па́че же из Мари́и Госпо́дь, всей вселе́нней возсиява́ет лучи́ Со́лнце пра́вды./ Те́мже, и́же от Ада́ма нази́и, прiиди́те вси, облече́мся в Него́, да согре́емся,/ покрыва́ет бо наги́я и просвеща́ет те́мныя.// Прише́л еси́ и яви́лся еси́, Свет Непристу́пный.
Песнь 7
Iрмóс: Ю́ноши благочести́выя, пéщи óгненней приобщи́вшiяся,/ шумя́щ дух рóсный невреди́мы сохрани́/ и Бóжiя А́нгела снизхождéнiе./ Тéмже, в плáмени орошáеми, благодáрственно воспевáху:// препéтый отéц Гóсподи и Бóже, благословéн еси́. (Двáжды)
Хор: Слáва Тебé, Бóже наш, слáва Тебé.
Чтец:Я́коже на Небеси́, с тре́петом и чу́дом предстоя́ху/ во Иорда́не си́лы А́нгельския, смотря́юще толи́ка Бо́жия схожде́ния:/ я́ко Держа́й превы́шних вод соста́в, в вода́х Плотоно́сец стоя́ше,// Бог отце́в на́ших.(Двáжды)
Хор: Слáва Тебé, Бóже наш, слáва Тебé.
Чтец: О́блак дре́вле и мо́ре Боже́ственнаго прообража́ху Креще́ния чу́до,/ в ни́хже дре́внии крести́шася, исходя́ще зако́ннии лю́дие./ Мо́ре же бе о́браз воды́, и о́блак - Ду́ха.// И́миже соверша́еми, - благослове́н еси́, - зове́м, - Го́споди Бо́же, во ве́ки.(Двáжды)
Хор: Слáва Тебé, Бóже наш, слáва Тебé.
Чтец: Вси ве́рнии, в Не́мже соверше́ние прия́хом,/ богосло́вяще немо́лчно со А́нгелы, просла́вим Отца́, и Сы́на, и Ду́ха Свята́го:/ се бо - Тро́ица, Ипоста́сьми Единосу́щная, Еди́н же Бог.// Ему́же пое́м: благослове́н еси́, Го́споди Бо́же, во ве́ки.(Двáжды)
Ин
Iрмóс: Опали́ струéю змíевы главы́ пéщный высóкiй плáмень,/ ю́ноши нося́щ благочести́выя,/ Ути́шивый, неудободержи́мую мглу из грехá// всю же омывáет росóю Дýха.(Двáжды)
Хор: Слáва Тебé, Бóже наш, слáва Тебé.
Чтец: Тебе́ живопису́ющий ассири́йский пла́мень ужа́сен поставля́еши, в ро́су преведе́н;/ те́мже вода́ ны́не, я́коже пла́мень, одева́яй, вре́дную зло́бу, Христе́, прикрове́нную опаля́ет,// от поползнове́нныя стези́ призыва́ющи.(Двáжды)
Хор: Слáва Тебé, Бóже наш, слáва Тебé.
Чтец: Разде́льшуся Иорда́ну дре́вле, по су́ху прехо́дят лю́дие Изра́ильтестии,/ Тебе́, Держа́внейшаго, содержа́ща тварь некосни́тельне,// ны́не в вода́х напису́ющии, к нетле́нней и поле́зней стези́.(Двáжды)
Хор: Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
Чтец: Ве́мы, пе́рвее всепа́губный пото́п/ ми́лостивно Тя всех во тлю привести́,/ о, тревели́кая сотворя́я и стра́нная!// Ны́не же пото́пльша, Христе́, грех за благосе́рдие и челове́ческое спасе́ние.(Двáжды)
Катавáсiи Богоявлéнiя (глас 2): Ю́ноши благочести́выя, пéщи óгненней приобщи́вшiяся,/ шумя́щ дух рóсный невреди́мы сохрани́/ и Бóжiя А́нгела снизхождéнiе./ Тéмже, в плáмени орошáеми, благодáрственно воспевáху:// препéтый отéц Гóсподи и Бóже, благословéн еси́.
Опали́ струéю змíевы главы́ пéщный высóкiй плáмень,/ ю́ноши нося́щ благочести́выя,/ Ути́шивый, неудободержи́мую мглу из грехá// всю же омывáет росóю Дýха.
Песнь 8
Iрмóс: Тáйну преслáвную вавилóнская показá пещь, источи́вшая рóсу,/ я́ко струя́ми имя́ше Невещéственный Огнь воспрiя́ти Iордáн/ и объя́ти плóтiю крещáема Зижди́теля,// Егóже благословя́т лю́дiе и превознóсят во вся вéки.(Двáжды)
Хор: Слáва Тебé, Бóже наш, слáва Тебé.
Чтец: Отложи́ страх весь, - Изба́витель Предте́чи рече́,/ - Мне же повини́ся, я́ко Благо́му,/ Мне приступи́, сие́ бо естество́м бых,/ Мои́м повеле́нием покори́ся и крести́ Мя, соше́дшаго,// Его́же благословя́т лю́дие и превозно́сят во вся ве́ки.(Двáжды)
Хор: Слáва Тебé, Бóже наш, слáва Тебé.
Чтец: Глаго́лы я́коже услы́ша Крести́тель Влады́чни, с тре́петом длань простира́ет,/ оба́че же, руко́ю косну́вся верху́ Зижди́теля своего́, Кре́щшемуся вопия́ше:/ освяти́ мя, Ты бо еси Бог мой,// Его́же благословя́т лю́дие и превозно́сят во вся ве́ки.(Двáжды)
Хор: Слáва Тебé, Бóже наш, слáва Тебé.
Чтец: Тро́ицы явле́ние во Иорда́не бысть,/ са́мое бо Пребоже́ственное Естество́, Оте́ц, возгласи́:/ Сей креща́емый - Сын возлю́бленный Мой,/ Дух же прии́де к Подо́бному,// Его́же благословя́т лю́дие и превозно́сят во вся ве́ки. (Двáжды)
Ин
Iрмóс: Свобóдна ýбо тварь познавáется/ и сы́нове Свéта, прéжде омрачéннiи,/ еди́н стенéт тьмы предстáтель./ Ны́не да благослови́т усéрдно Винóвнаго// прéжде окая́нное язы́ков всенаслéдiе.(Двáжды)
Хор: Слáва Тебé, Бóже наш, слáва Тебé.
Чтец: Трие́ Богови́днии, во огни́ ороша́еми, озаря́ющеся треми́ всесве́тле святы́нями,/ я́ве показова́ху Превы́шнее Естество́ смеше́нием челове́ческим,// огнепаля́щее росо́ю ми́лостивно вся́ку па́губную лесть.(Трúжды)
Хор: Слáва Тебé, Бóже наш, слáва Тебé.
Чтец: Да убели́тся вся́кое земно́е естество́,/ от паде́ния ны́не на Не́бо возводи́мо,/ И́мже бо вся соблюда́ются, Сло́вом, теку́щими струя́ми омы́вшеся,// прегреше́ний пре́жних убеже́, пресве́тло измове́но.(Трúжды)
Хор: Благословúм Отцá, и Сы́на, и Святáго Дýха, Гóспода, и ны́не и прúсно и во вéки векóв, амúнь.
Хвáлим, благословúм, покланя́емся Гóсподеви, пою́ще и превознося́ще во вся вéки.
Катавáсiи Богоявлéнiя (глас 2): Тáйну преслáвную вавилóнская показá пещь, источи́вшая рóсу,/ я́ко струя́ми имя́ше Невещéственный Огнь воспрiя́ти Iордáн/ и объя́ти плóтiю крещáема Зижди́теля,// Егóже благословя́т лю́дiе и превознóсят во вся вéки.
Свобóдна ýбо тварь познавáется/ и сы́нове Свéта, прéжде омрачéннiи,/ еди́н стенéт тьмы предстáтель./ Ны́не да благослови́т усéрдно Винóвнаго// прéжде окая́нное язы́ков всенаслéдiе.
Песнь 9
Вóзглас: Величáй, душé моя́,// Честнéйшую Гóрних вóинств, Дéву Пречúстую, Богорóдицу.
Iрмóс: Недоумéет всяк язы́к благохвали́ти по достоя́нiю,/ изумевáет же ум и преми́рный пéти Тя, Богорóдице,/ обáче Благáя сýщи, вéру прiими́,/ и́бо любóвь вéси Божéственную нáшу:// Ты бо хрiстiáн еси́ Предстáтельница, Тя величáем.
Хор: Величáй, душé моя́,// Честнéйшую Гóрних вóинств, Дéву Пречúстую, Богорóдицу.
Iрмóс: Недоумéет всяк язы́к благохвали́ти по достоя́нiю,/ изумевáет же ум и преми́рный пéти Тя, Богорóдице,/ обáче Благáя сýщи, вéру прiими́,/ и́бо любóвь вéси Божéственную нáшу:// Ты бо хрiстiáн еси́ Предстáтельница, Тя величáем.
Хор: Величáй, душé моя́,/ от Предте́чи Креще́нiя Прося́ща.
Чтец: Дави́де, прииди́ Ду́хом к просвеще́нным, -/ ны́не приступи́те, - пой к Бо́гу, -/ ве́рою, - глаго́ля, - просвети́теся!/ Сей ни́щий воззва́ Ада́м в паде́нии, и́бо Того́ услы́ша Госпо́дь,// прише́д, струя́ми Иорда́нскими тле́ннаго же обнови́.
Хор: Величáй, душé моя́,/ во Iорда́не Прише́дшаго крести́тися.
Чтец: Дави́де, прииди́ Ду́хом к просвеще́нным, -/ ны́не приступи́те, - пой к Бо́гу, -/ ве́рою, - глаго́ля, - просвети́теся!/ Сей ни́щий воззва́ Ада́м в паде́нии, и́бо Того́ услы́ша Госпо́дь,// прише́д, струя́ми Иорда́нскими тле́ннаго же обнови́.
Хор: Величáй, душé моя́,/ от Оте́ческаго гла́са Свиде́тельствованна.
Чтец: Иса́ия, - измы́йтеся, очи́ститеся! - глаго́лет,/ - лука́вствия пред Го́сподем оста́вите./ Жа́ждущии, на во́ду жи́ву иди́те:/ кропи́т бо водо́ю, обновля́я, Христо́с приступа́ющия к Нему́ ве́рою// и к животу́ нестаре́емому креща́ет Ду́хом.
Хор: Величáй, душé моя́,/ Еди́наго от Тро́ицы, прекло́ньшаго вы́ю и Креще́нiе прiе́мша.
Чтец: Иса́ия, - измы́йтеся, очи́ститеся! - глаго́лет,/ - лука́вствия пред Го́сподем оста́вите./ Жа́ждущии, на во́ду жи́ву иди́те:/ кропи́т бо водо́ю, обновля́я, Христо́с приступа́ющия к Нему́ ве́рою// и к животу́ нестаре́емому креща́ет Ду́хом.
Хор: Проро́че, прiиди́ ко Мне,/ простри́ рýку и крести́ Мя ско́ро.
Чтец: Соблюда́емся благода́тию, ве́рнии, и печа́тию./ Я́ко бо губи́теля, бежа́ша пра́га евре́и, дре́вле окрова́влена,/ та́ко и нам исхо́дное Боже́ственное сие́ пакибытия́ ба́ня бу́дет.// Отсю́ду и Тро́ицы у́зрим Свет Незаходи́мый.
Хор: Проро́че, оста́ви ны́не и крести́ Мя, хотя́ща:/ испо́лнити бо прiидо́х вся́ку пра́вду.
Чтец: Соблюда́емся благода́тию, ве́рнии, и печа́тию./ Я́ко бо губи́теля, бежа́ша пра́га евре́и, дре́вле окрова́влена,/ та́ко и нам исхо́дное Боже́ственное сие́ пакибытия́ ба́ня бу́дет.// Отсю́ду и Тро́ицы у́зрим Свет Незаходи́мый.
Ин
Хор: Днесь Влады́ка/ преклоня́ет вы́ю под рýку Предтéчеву.
Iрмóс: О, пáче умá Рождествá Твоегó чудéс!/ Невéсто Всечи́стая,/ Мáти Благословéнная,/ Éюже получи́вше всесовершéнное спасéнiе,// достóйно хвáлим я́ко Благодéтеля, дар нося́ще песнь благодарéнiя.
Хор: Днесь Влады́ка/ преклоня́ет вы́ю под ру́ку Предтéчеву.
Iрмóс: О, пáче умá Рождествá Твоегó чудéс!/ Невéсто Всечи́стая,/ Мáти Благословéнная,/ Éюже получи́вше всесовершéнное спасéнiе,// достóйно хвáлим я́ко Благодéтеля, дар нося́ще песнь благодарéнiя.
Хор: Днесь Iоа́нн креща́ет Влады́ку,/ во струя́х Iорда́нских.
Чтец: Уве́дехом Моисе́ю купино́ю явле́нная, гряди́, стра́нными уста́вы соде́ланная:/ я́ко бо спасе́ся, Огнь нося́щи, Де́ва, Светоно́сна ро́ждши Благоде́теля,// во Иорда́нских же струя́х явле́нна.
Хор: Днесь Iоа́нн креща́ет Влады́ку,/ во струя́х Iорда́нских.
Чтец: Уве́дехом Моисе́ю купино́ю явле́нная, гряди́, стра́нными уста́вы соде́ланная:/ я́ко бо спасе́ся, Огнь нося́щи, Де́ва, Светоно́сна ро́ждши Благоде́теля,// во Иорда́нских же струя́х явле́нна.
Хор: Днесь Влады́ка/ вода́ми погреба́ет челове́ческий грех.
Чтец: Уве́дехом Моисе́ю купино́ю явле́нная, гряди́, стра́нными уста́вы соде́ланная:/ я́ко бо спасе́ся, Огнь нося́щи, Де́ва, Светоно́сна ро́ждши Благоде́теля,// во Иорда́нских же струя́х явле́нна.
Хор: Днесь Влады́ка свы́ше свиде́тельствуется,/ Сын возлю́бленный.
Чтец: Помазу́еши, соверша́я челове́ческое существо́, Царю́ Безнача́льне,/ Ду́ха обще́нием, струя́ми чи́стыми отмы́в/ и тьмы кре́пость же посра́мль возвы́шенную,// ны́не в безпреста́ннем возда́ти житии́.
Хор: Днесь Влады́ка/ прии́де освяти́ти естество́ водно́е.
Чтец: Помазу́еши, соверша́я челове́ческое существо́, Царю́ Безнача́льне,/ Ду́ха обще́нием, струя́ми чи́стыми отмы́в/ и тьмы кре́пость же посра́мль возвы́шенную,// ны́не в безпреста́ннем возда́ти житии́.
Хор: Днесь Влады́ка/ Креще́ние прие́млет руко́ю Предте́чевою.
Чтец: Помазу́еши, соверша́я челове́ческое существо́, Царю́ Безнача́льне,/ Ду́ха обще́нием, струя́ми чи́стыми отмы́в/ и тьмы кре́пость же посра́мль возвы́шенную,// ны́не в безпреста́ннем возда́ти житии́.
Величáй, душé моя́,// Честнéйшую Гóрних вóинств, Дéву Пречúстую, Богорóдицу.
Катавáсiя Богоявлéнiя (глас 2): Недоумéет всяк язы́к благохвали́ти по достоя́нiю,/ изумевáет же ум и преми́рный пéти Тя, Богорóдице,/ обáче Благáя сýщи, вéру прiими́,/ и́бо любóвь вéси Божéственную нáшу:// Ты бо хрiстiáн еси́ Предстáтельница, Тя величáем.
Днесь Влады́ка/ преклоня́ет вы́ю под ру́ку Предте́чеву.
Ин катавáсiя Богоявлéнiя (глас 2): О, пáче умá Рождествá Твоегó чудéс!/ Невéсто Всечи́стая,/ Мáти Благословéнная,/ Éюже получи́вше всесовершéнное спасéнiе,// достóйно хвáлим я́ко Благодéтеля, дар нося́ще песнь благодарéнiя.
Гóсподи, помилуй (3 раза)
Слáва Ѻтцý и Сы́ну и Святóму Дýху, и ны́не и прúсно и во вéки векóв, амúнь.
СВЕТИЛЕН ПРАЗДНИКА
Чтец: Яви́ся Спас, благода́ть и и́стина, во струя́х Иорда́нских/ и су́щия во тьме и се́ни спя́щия просвети́л есть,// и́бо прии́де и яви́ся Свет Непристу́пный.
Слáва Ѻтцý и Сы́ну и Святóму Дýху.
Яви́ся Спас, благода́ть и и́стина, во струя́х Иорда́нских/ и су́щия во тьме и се́ни спя́щия просвети́л есть,// и́бо прии́де и яви́ся Свет Непристу́пный.
И ны́не и прúсно и во вéки векóв, амúнь.
Яви́ся Спас, благода́ть и и́стина, во струя́х Иорда́нских/ и су́щия во тьме и се́ни спя́щия просвети́л есть,// и́бо прии́де и яви́ся Свет Непристу́пный.
Продолжение здесь