Demando por esperantistoj

[mevamevo]

Jen peto-demando por esperantistoj. Bonvolu respondi al la sube prezentita demando. Se vi deziras, sentu vin libera priskribi vian vidpunkton pli detale en la komentoj. Mian vinpunkton mi preferus ne prezenti por ne influi la opinion de la pridemandatoj. Antaŭdankon!

Do, jen la demando: ĉu vi aprobas la formon «parkero» kaj, se jes, kiel vi pli

Comments

[ajvol2]

sen kunteksto mi komprenus gxin nur kiel "ero de parko"

[mevamevo]

Ho, tiu riĉa je vortludoj Esperanto! Kompreneble, mi celis la radikon parker-, sed ne la derivaĵon park-er-o! :)

[irjska]

Ankaŭ mi komprenis kiel ero de parko :))
Ne, kun parkeriĝo/parkerigado ne asocias

[mevamevo]

Ho, tiu riĉa je vortludoj Esperanto! Kompreneble, mi celis la radikon parker-, sed ne la derivaĵon park-er-o! :)

Re: parkero

[aandrejpe]

Sen kunteksto la vorto apenaŭ renkontiĝus. Mi unue, fundamentisme, konsiderus ĝin 'ero de [iu] parko', sed poste rememoros ke ekzistas la vorto 'parkere', do laŭ la reguloj de nia lingvo, 'parkero' plej eble povus esti 'io rilata al parkera kozo, ĉu parkere memorigata aĵo, ĉu la procezo de parkerigo mem'. Kaj se pensi plu, eblas veni al "Parkero" - speco de skribilo. Ĉiel, vortoj apenaŭ vivas sen siaj kuntekstoj...

Re: parkero

[mevamevo]

Dankon.

Nu, iel-tiel mi ja prezentis la kuntekston en la variantoj :).

[stephan_nn]

Mi scias kaj komprenas nur "parkere". Sed en e-o "ĉio eblas", do laŭ kunteksto povas esti "kaj-kaj", sed preferindas konkretigi per sufiksoj...

[mevamevo]

Ĝuste pro tio mi ja faris la demandon! :) La formo "parkere" elvokas neniujn dubojn, sed jam kiam temas pri la verbo "ellerni/memorfiksi ion parkere", aperas problemoj: NPIV insistas pri "parkerigi", dum troveblas kaj "parkeri" kaj "elparkeri"...

Kompreneble, en tiuj kondiĉoj la senco de "parkero" iĝas eĉ pli konfuza, tial do la demando!

[stephan_nn]

Interalie, ĉu estas adjektiva radiko? Mi ne tre komprenas, kio estas "parkera". Do, ŝajne, estas malofta situacio de "E-radiko"...

[mevamevo]

Temas pri interesa kaj relative malofta okazaĵo, kiam la radiko estas (en NPIV) prezentita kiel adverba: parkere. Alia simila ekzemplo estas nepre, sed ĝi, ŝajne, ne kaŭzas iujn problemojn.

> Mi ne tre komprenas, kio estas "parkera"
Nu, vi ja devas scii, ke la situacio, kiam tute naturaj E-derivaĵoj estas "nerekte" (kaj foje - eĉ malfacile) tradukeblaj al la rusa, ne estas tro malofta nek stranga :). Do, la formoj "parkera", "parkero" ja certe havas la sencon. Mi do penas sondi ĉe miaj E-amikoj, ĉu kaj kiun sencon ili "kaptas".

[vmel]

Tute nekomprenebla vorto por mi.
Por supre listigitaj sencoj mi dirus respektive: parkerigado, parker(ig)aĵo; la 3-an kaj 4-an sencojn mi tute ne komprenas.

Nu jes,

Tra l’ Reĝa Park’ vespere ni promenis,
sed vane ni nin orienti penis.
Jen park’ kun multaj eroj! Sed cetere,
la svedoj certe konas ĝin parkere!

Kaj se ni paŝis sur la herborandon
parkisto ia kriis tuj komandon.
Sed vane li admonis nin ĝistede,
neeble ja persvadi nin persvede!

[mevamevo]

Klaras, dankon.

> parkerigado, parker(ig)aĵo
Ĉu do, laŭ vi, la baza verbo por "lerni parkere" estas nur parkerIGi? Ja troveblas ankaŭ la formoj "parkeri" kaj "elparkeri"...

> Tra l’ Reĝa Park’ vespere ni promenis,
Ĉarme :). Kies amuzaĵo?

[vmel]

Mi diras parkerigi por memorfiksi, parkeri por teni en memoro.
"elparkeri" eble signifas reciti laŭmemore, sed mi ne uzus tiun vorton.

> Kies amuzaĵo?

Ja Reto Rossetti, klasikaĵo... Ĉu sendi al vi la tuton?

[mevamevo]

> Mi diras parkerigi por memorfiksi, parkeri por teni en memoro.
Hm... Interesa aliro. Ĉu do "en infanaĝo mi unufoje parkerigis la multiplik-tabelon kaj de tiam parkeras ĝin perfekte"?

> Ja Reto Rossetti, klasikaĵo... Ĉu sendi al vi la tuton?
La stilo diveneblas, sed mi ne legis tion. Sendu, se eblas.