Միտումնավոր հրդեհ, թե՞ սովորական պատահար...
Այսօր իմացա, որ Թբիլիսիի հայկական Սբ. Նշան եկեղեցում հրդեհ է բռնկվել: Ինչպես նշում է Times.am լրատվական կայքը, եկեղեցու մոտ ապրող մարդիկ հրդեհի վերաբերյալ ստույգ ոչինչ չեն կարողացել ասել, սակայն նշել են, որ հայկական եկեղեցին բարձիթողի վիճակում է եղել, որ այն ժամանակի ընթացքում դարձել է անօթևանների, հարբեցողների և թմրամոլների հավաքատեղի...
Վրացական հրշեջծառայությունը ժամանակին մարել է հրդեհը, կարծես թե պետք է ուրախանանք, սակայն նրանք փրփուրով հրդերը մարելու փոխարեն այն մարել են սովորական ջրով, ինչը և դարձել է տաճարի հարավարևելյան սյան փլուզման պատճառ:
Վրացիների կողմից լավ մտածված քայլ. նախ՝ հայկական եկեղեցին թողնում են անտեր՝ սարքելով այն անօթևանների, հարբեցողների և թմրամոլների հավաքատեղի, այնուհետև՝ «հրդեհում», իսկ դրանից հետո կրակը մարում ջրով՝ իմանալով, որ եկեղեցին այնքան հին է, որ եթե ոչ միանգամից, ապա որոշ ժամանակ հետո այն անպայման կքանդվի:
Հիշեցնեմ, որ 2009թ. նոյեմբերի 19-ին Թբիլիսիում փլուզվել է նաև 14-րդ դարում կառուցված Մուղնու Սբ. Գևորգ /1356թ./հայկական եկեղեցին: Եկեղեցու վթարային վիճակում գտնվելու մասին հայկական կողմը բազմիցս ահազանգել է Վրաստանի իշխանությանը:
Սակայն ո՞վ է հայկական կողմին շան տեղ դնում այնտեղ, որ...
Մի քանի տարի հետո հայկական եկեղեցի էլ չի մնա Վրաստանում, ու հայերն էլ, բնականաբար, ոչինչ չեն կարող պահանջել նրանցից...
Click to view