Другая ноч на сушы. Страшэнная навальніца. Прачынаюся з думкай,што не памятаю,як зашвартавала яхту. Выбягаю на балкон з мэтай перавязаць швартовыя і мурэнгу. А за вакном Сопат. Толькі паклалася,з пытаннем,ці не сарвала нас з якара, прачынаецца муж. Выбягае на балкон і адтуль крычыць мне:"А ты ведаеш,што мы прышвартаваліся ля нейкага санаторыя ( Read more... )

Вялікі дзякуй Алене Церашковай за цудоўны вершык пра нашую Івонку-Восень.

ІВОНКА-СКАРБОНКА

Малая Івонка
паклала ў скарбонку
чатыры манеткі,
чатыры пярсцёнкі,
заколку ды гузік,
кавалак спружыны,
і татаву цацку -
ключы ад машыны!

Сёння на кухні надарылась невялічкае здарэнне, вынікам якога сталі клубы дыму. Мітусьня, мы з Агатай адчыняем форткі і дзьверы. І тут раптам відовішча:

( Read more... )

Седзячы з сяброўкай у кавярні прыгадалі адну смешную гісторыю.

( Read more... )

На Іслачы мы прастаялі зусім не доўга. А я дык ўвогуле налётам. Можна нават сказаць, так, каву сэру Лёху прывезла.
Дзень пачынаўся томна.

( Read more... )

Надарылась у нас тут з мужам размова пра сямейнае жыццё. І прыйшлі мы да высновы, што жывем мірна і весела толькі дзякуючы маёй безалабернасці і недамавітасці. Маглі бы і пасварыцца, і разысціся, але ж нехта павінен абараняць мяне, такую легкадумную. А тут сітуацыя -- трэба шукаць запчасткі для маёй машынкі.І адбываецца ў нас такая размова ( Read more... )

Сёння муж набыў маршруцізатар да мадэма -- цяперака ў нас вай-фай без дазвонкі. І з гэтай радаснай нагоды заразмаўляў мой Кіндл. Гэта штосьці. Ён каментуе любые мае аперацыі, прычым у разгорнутым выглядзе, дае парады, якія я ў яго не прашу, а самае страшнае, ён не перастае размаўляць нават калі яго выключаеш. Паляжыць-паляжыць, а пасля на чысцюткай ( Read more... )

Муж ляжыць на падлозе і вучыць ангельскую. Агата сядзіць і звязвае яму ногі, прыпяваючы:
 -- Эх, ты Юрачка, што ж не вучышся,
    Так да невукаў ты далучышся...
А вы кажаце свабода выбару, дзіцё павінна знайсці свой шлях. А тут, сказана -- вучыцца, значыць вучыцца.

Івона кладзецца ўчора спаць і кажа:
-- Я бы так хацела, каб хутчэй надыйшла зіма.
-- Чаму?
-- Тады прыйдзе Дзед Мароз з падарункамі. Бо зараз я малая, зубы ў мяне не выпадаюць, і да мяне не прыходзіць зубная фея з падарункамі. А так хочацца самы маленечкі падаруначак.

Двое маіх дзяцей самай распаўсюджанай пароды "шкоды звычайныя" ўзялі магнітную прышчэпку для фіранак, якая дапамагае без ўсялякік стужак ствараць і падтрымліваць прыгожую драпіроўку, выкалупалі адзін з магніцікаў, перавярнулі і прыклеілі  на месца клеем "Мамент". Цяпер мая выкшталцоная прышчэпка не злучаецца.
А ўчора, з нагоды маёй адсутнасці дома, ( Read more... )