кажу праўду

[ivansaj]

Дваццаць гадоў нашы дзеячы “дзеля паразуменьня” пераходзяць з народам на “русский изык”. А народ усё не разумее й не разумее. Дваццаць гадоў не прымае. І ніколі, думаю, ня прыме. Бо чамусьці ў большасьці працягвае лічыць роднай мовай беларускую. Таму нашы дзеячы яму як бы й ня нашы

Comments

[daroha]

я думаю, акрамя "памкненьня да разуменьня народам", пра якое ўсё вы слушна заўважылі, гэткімі абрасейшчанымі кандыдатамі рухае яшчэ прынамсі адзін момант:

усе яны спрабуюць гэткім чынам залагодзіць маскву: маўляў, хлопцы, ня бойцеся, што я нараблю ў беларусі нацыяналістычнага тлуму - дык падтрымайце мяне, а ня іншых!

толькі адно тады пытаньне да іх (а можа й не пытаньне): нах вылузвацца дзеля маскоўскае падтрымкі, калі галоўнае - падтрымка ўласным народам?

[ivansaj]

Ня думаю, што нацыяналіст Міхалевіч, напрыклад, ахвяраваў намі дзеля маскоўскае ласкі. У яго дэклярацыя расейшчыны прагучала ледзьве не як выклік дзейнага на дуэль. Маўляў, сьцеражыся, подлы трус, я іду на тваё поле. І... выйшаў за межы рынга.

[daroha]

я міхалевіча папросту наагул не разглядаў як кандыдата
дый мне чамусьці здаецца, што ён тут сябе таксама далей за радок у біяграфіі не разглядае

[ivansaj]

Дык тым і горш. Такі радок можа ўсю біяграфію папсаваць.

[siarhiejsalas]

Тут хутчэй іншае. За рафінаваную інтэлігенцыю наш народ масава не галасуе - ні за расейскамоўную, ні за беларускамоўную. Вось які-небудзь Рыгор Кастусёў, калі б ён вылучаўся не ад БНФ, мог бы быць цікавым і сапраўды народным кандыдатам :)

[ivansaj]

Падобна на праўду, хоць... Які-небудзь "улюбёнец народны" Машэраў з выгляду быў чысты "рафінаваны інтэлігент". І яшчэ я памятаю, як цётачкі з гонарам казалі "а ў нас прэзыдэнт прафэсар!" -- пра Шушкевіча. І Колас -- самы рафінаваны -- у сваёй акрузе лёгка набіраў 60 адсоткаў... Мабыць, справа не ў кастусёвасьці ППРБ, а ў ягоным аўтарытарызме. Вось чаго "захацелася ім", і няважна ў якім абліччы ён прыйшоў, калхозьніка ці інтэлігента.