СИМДИЗЕ ОЙМЕНЕК ПОЭТЭСЬ...
Истя лиссь эрямосонть, эрзятнень модамасторганть пек срадомадо мейле, вейсэндиця таркатнестэ вейкекс теевсь Самара ошось. Тесэ ютасть ламо революциядо мейлень эрзянь ломанень промкст, тесэ лиссть «Сятко» эрзянь журналонь васень лопатне, конатнень лангакстнэсэ муизь таркаст минек литературань васенце покш сёрмадовкстнэ. Сёрмадыцятнестэяк седе ламотне ульнесть секе Самара ёнксонь. Раптанов, Радаев, Моро, Люлякина - неть ансяк сех марявикс лемтне, конатнень казинзе Пазось эрзятнень превс путомга, келенек танстень марямга, тиринь раськентень вечкемачинь содамга. Эсь шкастонзо Самарань губерниясо Вишка Толкан велесэ теезель-пурназель эрзянь педтехникумоськак. Ки соды, мезес течи пачкодевель истякак лавшомгавтозь раськенек, бути аволь те ды сонзэ кондямо тонавтнема кудотне, конат нолдасть сядот келень питнейчинь мариця ды теньс тонавтыця ломанть.
Неть ломантнень ютксо сехте содавикс ломанекс умок уш теевсь поэтэсь, тонавтыцясь, радиокортамонь ветицясь Числав Журавлёв. Арсян, неень шкасто а муяткак ловныця эрзянь ломань, конань седейсэнзэ толгельнекс а липневель се эли тона валморостонзо строчкась, а мазылгавтоволь ледстнематнень ёвтнемастонзо саевкст, а уш нурька стихтензэ кортамскак а савкшны, эрьва эрямонь кончтневксэнть коряс ули поэтэнть пшти валозо, эсь варштавксозо ды превс путомазо. Стихензэ ловномсто, седеяк сетнестэ, конатнесэ ёвтневи-панжови вечкемань ёжось, зярдояк а арсезеват - те ломаненть аволь аламо иензэ. Сонензэ ней 77 иеть. Паро, улить Числав Григорьевичень ламо изнявксонзо, саты шумбрачись, улить ламо паро ялганзо, малавиксэнзэ ды седейпельксэнзэ, нурькасто меремс, пек ламо мизолдома тувталонзо.
Сеяк паро, ней монь туртов ульнесь тувтал таго неемс те ломаненть, токамс оймесэ сонзэ ойменть лембес ды тень теемантень паро лездыцякс ульнесь Самарань раськеютконь ялгаксчинь кудось ды Самара ёнксонь «Масторава» эрзянь-мокшонь вейсэндявксось. Сынст лездамост вельде панжиковонь 18-це чистэ, ялгаксчинь кудонь покшчинь ютавтома залсонть теезель-пурназель Числав Журавлёвонь поэзиянь ды музыкань чокшнесь.
Ушодовома шканть самс залось тыц пешксель, мик стядо аштицяткак ульнесть. Пек кенярдовтсть сельме вановтонть эрзянь аватнень лангсо эрьва кодамо тюссо цитниця оршамопельтне, зярыятнесэ содавсть умонь теевемань тешкстнэ, кедь викшневкстнэ. Ваныцятнень ютксо ульнесть зярыя од ломанть ды эйкакшткак, а дива, авторонть ламо сёрмадовксонзо алтазь сынст туртов.
Вастовоманть ветицязоль - Вера Алексеева (эряви меремс, те тейтерьавась весе седейстэ анокстызе чокшнень программанть), сон пшкадсь инжетненень васняяк эрзянь кельсэ ды мейле ютавтызе ёвтазенть рузонь кельс, истямо коесь поладозель весе мероприятиянь прядовомас. Нурькинестэ сон ёвтнизе поэтэнть эрямо кинзэ, изнявксонзо. Мезе вадряль, весе ёвтнемась кемекстазель мультимедия вельде экрансо фотографиянь невтемасо.
Седе тов валось ютась эстензэ поэтэнтень. Сон ламо ёвтась лембе валт, сехте пек тусть мелезэм истят валонзо: «Мон свал вечкинь улемс васенцекс». Те пек вадрясто невти сонзэ обуцянть, ды ули пек паро тонавтома ёнксокс весе эрзятнень туртов, седеяк сетненень, конат виздить седе, мезде а виздемаль ды кекшнить эсь пряст парсте невтемадо, седе ды седе верев касомадо. А изнявиксэнь сатстомадо тонавтнеде Числав лелянть пельде ды весемесь карми вадря! Сон зярдояк эзь пеле стакачиде, пингень кельмечи масторсо, Колыма леень чирева шлясь сырне, важодсь васоло Чилисема ёно радистэкс. Экшелямс савсь тензэ кода Сэтьме иневедьсэ (Тихой океансо) истя жо Амур леень пек бутрав ведьсэнть (раказь ёвтнесь, кода раужкадозекс лиссь экшелямодо мейле ине леенть чирес), Колыма леень кельментькак, мерсь, варчнизе! Паро мельсэ ёвтнесь Числав Григорьевич вадря ломань марто вастневемадонзо, мерсь, келя, пек ламо паро ломанть вастнесть эрямо кисэнзэ, ды те а дивавтыяк, бути эсензэ поэтэнть седей седейшка! Превс путыцякс ульнесь ине морыцянть - Вадим Козин марто вастневемадо ёвтнемась: зярыя таркань полавтнемадо мейле те ломанесь путызе превс а изнявикс обуця ломаненть. «Ардт Рав чирев, тосо тонь карми улеме весе», истя сон мерсь тензэ, ды Числав тусь тиринь мода ёнов. Кода видькстась, неть валтнэ ульнесть икелепелев содавтыцякс. Весе сех вадрясь лисськак сонзэ Рав чиресэ, тиринь таркатнеде а васоло. Тесэ сон уцяскавсто эрясь кудораськензэ марто, тесэ лиссть весе книганзо, тесэ весе ульнесь ды нейгак моли мелензэ коряс.
Кеняркс марто Числав Григорьевич пачтясь тенек Мордовиянь Литфондонь отделениянь лезкс вельде нолдазь «Эрямонь юр» од книгадонзо. Паро лангакс ало пурназь сонзэ нурька стихензэ кода эрзянь истя рузонь кельсэ, улить ламо фотографият. Икельце валонь сёрмадыцякс теевсь содавикс поэтэсь Николай Ишуткин. Книгатнеде туезельть зярыя ды вастовомань прядовомадо мейле эрьвась сайсь мартонзо книгань-книга, эрьва книгась ульнесь сёрмадстозь авторонь кедьсэ паро арсемасо.
Пек ламо лембе валт ёвтась тензэ Н.П.Осипова, конанть марто сынь комсте ламо иеть важодсть вейсэ ламонациональной радиосо, неень шкастонть сон важоди Самарань областень Правительствань этнической кевкстематнень коряс прявт консультантокс. Паро валонь ёвтамодо мейле сон кедьстэ кедьс максызе вейсэнь ялгаст Зиси Вейцманнэнь пельде Израильстэ кучозь поздоров марто сёрманть.
Седе тов ваствоманть поладызь морыцятне, конат морасть Числав Журавлёвонь валморонзо коряс морот. Самарань «Масторава» хорось, Покш Толкан велень коллективесь, Отрадной ошонь морамо курось, Борской райононь Коноваловка велень колллективесь кенярдовтызь кода эсензэ поэтэнть, истя сазь инжетненьгак аволь ансяк морамосо, истя жо прякасояк. Пек кенярдовтымизь секе тиринь Толкан велень Марухов Сергей ды Александр тетянть-цёранть морамост. Зяро вечкема тиринь келентень марявсь, кодамо эрзянь поэзиянь чарькодема содавсь, арсян, а ве седей каладсь сынст кунсоломстост, седеяк пек токавсь валтнэнь сёрмадыцясь… А кода ловнызе валморонзо 12 иесэ Даниил Алексеев! Ламо профессионалнэнь истя тонадомаль.
Вастовомань прядовома ёнов минек туртов теезель поэтэнть персональной сайтонзо невтемась. Весенень невтизь, кода сонзэ муемс, кода вешнемс эрявиксэнть сонзэ лопатнестэ. Те сайтонть теицякс кармась Алексей Лесных. Сон поэтэнть марто вейсэ пештясь эйзэнзэ аудио ды видеоматериалсо, путсь текстт, конат-конат мик цела книгань покшолмасо, нама, важодемась оште ламо, ансяк те - зярс, вейкине истя парсте теезь сайт эрзянь весе сёрмадейтнень ютксто. Кода свал, Самарань эрзятне - васенцеть! Мейле Алексей седейшкава морась тенек эрзянь морот гитара вельде…
Паро валт, казнеть, цецят максозельть Числав Григорьевичнень Похвистнева райононь прявтонть пельде - эряви меремс, сонгак минек, эрзянь ломанесь, ды ансяк мекс-бути кортась рузонь кельсэ…
Похвистнева райононь «Масторава» вейсэндявкссто О.Е. Журкина ды ламо-ламо ялгат, роднят-малавикст, лия ломанть. Поэтэнть кедензэ ульнесть пешксельть мазыйдеяк мазый цецядо. Кодамо паро, мекс минек ютксо ули истямо алкуксонь эрзянь ломань, эрзянь сёрмадыця! Числав леляй, валт седеень чивалдот, казть миненек оймень эждиця валморот седе куватьс, ды ульть свал шумбра!
(Дмитрий Таганов)
Неть ломантнень ютксо сехте содавикс ломанекс умок уш теевсь поэтэсь, тонавтыцясь, радиокортамонь ветицясь Числав Журавлёв. Арсян, неень шкасто а муяткак ловныця эрзянь ломань, конань седейсэнзэ толгельнекс а липневель се эли тона валморостонзо строчкась, а мазылгавтоволь ледстнематнень ёвтнемастонзо саевкст, а уш нурька стихтензэ кортамскак а савкшны, эрьва эрямонь кончтневксэнть коряс ули поэтэнть пшти валозо, эсь варштавксозо ды превс путомазо. Стихензэ ловномсто, седеяк сетнестэ, конатнесэ ёвтневи-панжови вечкемань ёжось, зярдояк а арсезеват - те ломаненть аволь аламо иензэ. Сонензэ ней 77 иеть. Паро, улить Числав Григорьевичень ламо изнявксонзо, саты шумбрачись, улить ламо паро ялганзо, малавиксэнзэ ды седейпельксэнзэ, нурькасто меремс, пек ламо мизолдома тувталонзо.
Сеяк паро, ней монь туртов ульнесь тувтал таго неемс те ломаненть, токамс оймесэ сонзэ ойменть лембес ды тень теемантень паро лездыцякс ульнесь Самарань раськеютконь ялгаксчинь кудось ды Самара ёнксонь «Масторава» эрзянь-мокшонь вейсэндявксось. Сынст лездамост вельде панжиковонь 18-це чистэ, ялгаксчинь кудонь покшчинь ютавтома залсонть теезель-пурназель Числав Журавлёвонь поэзиянь ды музыкань чокшнесь.
Ушодовома шканть самс залось тыц пешксель, мик стядо аштицяткак ульнесть. Пек кенярдовтсть сельме вановтонть эрзянь аватнень лангсо эрьва кодамо тюссо цитниця оршамопельтне, зярыятнесэ содавсть умонь теевемань тешкстнэ, кедь викшневкстнэ. Ваныцятнень ютксо ульнесть зярыя од ломанть ды эйкакшткак, а дива, авторонть ламо сёрмадовксонзо алтазь сынст туртов.
Вастовоманть ветицязоль - Вера Алексеева (эряви меремс, те тейтерьавась весе седейстэ анокстызе чокшнень программанть), сон пшкадсь инжетненень васняяк эрзянь кельсэ ды мейле ютавтызе ёвтазенть рузонь кельс, истямо коесь поладозель весе мероприятиянь прядовомас. Нурькинестэ сон ёвтнизе поэтэнть эрямо кинзэ, изнявксонзо. Мезе вадряль, весе ёвтнемась кемекстазель мультимедия вельде экрансо фотографиянь невтемасо.
Седе тов валось ютась эстензэ поэтэнтень. Сон ламо ёвтась лембе валт, сехте пек тусть мелезэм истят валонзо: «Мон свал вечкинь улемс васенцекс». Те пек вадрясто невти сонзэ обуцянть, ды ули пек паро тонавтома ёнксокс весе эрзятнень туртов, седеяк сетненень, конат виздить седе, мезде а виздемаль ды кекшнить эсь пряст парсте невтемадо, седе ды седе верев касомадо. А изнявиксэнь сатстомадо тонавтнеде Числав лелянть пельде ды весемесь карми вадря! Сон зярдояк эзь пеле стакачиде, пингень кельмечи масторсо, Колыма леень чирева шлясь сырне, важодсь васоло Чилисема ёно радистэкс. Экшелямс савсь тензэ кода Сэтьме иневедьсэ (Тихой океансо) истя жо Амур леень пек бутрав ведьсэнть (раказь ёвтнесь, кода раужкадозекс лиссь экшелямодо мейле ине леенть чирес), Колыма леень кельментькак, мерсь, варчнизе! Паро мельсэ ёвтнесь Числав Григорьевич вадря ломань марто вастневемадонзо, мерсь, келя, пек ламо паро ломанть вастнесть эрямо кисэнзэ, ды те а дивавтыяк, бути эсензэ поэтэнть седей седейшка! Превс путыцякс ульнесь ине морыцянть - Вадим Козин марто вастневемадо ёвтнемась: зярыя таркань полавтнемадо мейле те ломанесь путызе превс а изнявикс обуця ломаненть. «Ардт Рав чирев, тосо тонь карми улеме весе», истя сон мерсь тензэ, ды Числав тусь тиринь мода ёнов. Кода видькстась, неть валтнэ ульнесть икелепелев содавтыцякс. Весе сех вадрясь лисськак сонзэ Рав чиресэ, тиринь таркатнеде а васоло. Тесэ сон уцяскавсто эрясь кудораськензэ марто, тесэ лиссть весе книганзо, тесэ весе ульнесь ды нейгак моли мелензэ коряс.
Кеняркс марто Числав Григорьевич пачтясь тенек Мордовиянь Литфондонь отделениянь лезкс вельде нолдазь «Эрямонь юр» од книгадонзо. Паро лангакс ало пурназь сонзэ нурька стихензэ кода эрзянь истя рузонь кельсэ, улить ламо фотографият. Икельце валонь сёрмадыцякс теевсь содавикс поэтэсь Николай Ишуткин. Книгатнеде туезельть зярыя ды вастовомань прядовомадо мейле эрьвась сайсь мартонзо книгань-книга, эрьва книгась ульнесь сёрмадстозь авторонь кедьсэ паро арсемасо.
Пек ламо лембе валт ёвтась тензэ Н.П.Осипова, конанть марто сынь комсте ламо иеть важодсть вейсэ ламонациональной радиосо, неень шкастонть сон важоди Самарань областень Правительствань этнической кевкстематнень коряс прявт консультантокс. Паро валонь ёвтамодо мейле сон кедьстэ кедьс максызе вейсэнь ялгаст Зиси Вейцманнэнь пельде Израильстэ кучозь поздоров марто сёрманть.
Click to viewСеде тов ваствоманть поладызь морыцятне, конат морасть Числав Журавлёвонь валморонзо коряс морот. Самарань «Масторава» хорось, Покш Толкан велень коллективесь, Отрадной ошонь морамо курось, Борской райононь Коноваловка велень колллективесь кенярдовтызь кода эсензэ поэтэнть, истя сазь инжетненьгак аволь ансяк морамосо, истя жо прякасояк. Пек кенярдовтымизь секе тиринь Толкан велень Марухов Сергей ды Александр тетянть-цёранть морамост. Зяро вечкема тиринь келентень марявсь, кодамо эрзянь поэзиянь чарькодема содавсь, арсян, а ве седей каладсь сынст кунсоломстост, седеяк пек токавсь валтнэнь сёрмадыцясь… А кода ловнызе валморонзо 12 иесэ Даниил Алексеев! Ламо профессионалнэнь истя тонадомаль.
Вастовомань прядовома ёнов минек туртов теезель поэтэнть персональной сайтонзо невтемась. Весенень невтизь, кода сонзэ муемс, кода вешнемс эрявиксэнть сонзэ лопатнестэ. Те сайтонть теицякс кармась Алексей Лесных. Сон поэтэнть марто вейсэ пештясь эйзэнзэ аудио ды видеоматериалсо, путсь текстт, конат-конат мик цела книгань покшолмасо, нама, важодемась оште ламо, ансяк те - зярс, вейкине истя парсте теезь сайт эрзянь весе сёрмадейтнень ютксто. Кода свал, Самарань эрзятне - васенцеть! Мейле Алексей седейшкава морась тенек эрзянь морот гитара вельде…
Паро валт, казнеть, цецят максозельть Числав Григорьевичнень Похвистнева райононь прявтонть пельде - эряви меремс, сонгак минек, эрзянь ломанесь, ды ансяк мекс-бути кортась рузонь кельсэ…
Похвистнева райононь «Масторава» вейсэндявкссто О.Е. Журкина ды ламо-ламо ялгат, роднят-малавикст, лия ломанть. Поэтэнть кедензэ ульнесть пешксельть мазыйдеяк мазый цецядо. Кодамо паро, мекс минек ютксо ули истямо алкуксонь эрзянь ломань, эрзянь сёрмадыця! Числав леляй, валт седеень чивалдот, казть миненек оймень эждиця валморот седе куватьс, ды ульть свал шумбра!
(Дмитрий Таганов)