"Мусліны" - дуда ці нешта іншае?

[zmicierbielapol]

Амаль два гады таму на Барысаўшчыне запісаў расповяд пра музычны інструмент, які паставіў мяне ў тупік. Так і не ведаю, што гэта. Падобна на дуду, але не дуда ў класічным выглядзе. Мо зусім іншы інструмент. Вось Вам расшыфроўка запіса:

"- Як мех, а тады многа такіх палачак-трубачак такіх - ігралі дудачкі. Ой, забыла як называецца эты інструмент.

Comments

[uladzimer]

Ну дык чалавек жа ясна сказаў - мусліны. Чаго яшчэ?))

[zmicierbielapol]

Нават не паспрачаешся))))

Толькі хацелася б яшчэ пачуць, ці ведае хто такі інструмент, бо я, напрыклад, ніколі не чуў пра такі. Якія ёсць аналогіі і г.д.

[uladzimer]

Нажаль, не сьпец у розных гудзелках.

[zmicierbielapol]

Нават гугл не ведае). Піша толькі, што "муслін" - гэта "разновидность мелко-тканой хлопчатобумажной ткани, внесённой в Европу с Ближнего Востока в XVII веке. Он стал очень популярным в конце XVIII века во Франции".

І як тут не згадаць пра "абшыты трапачкай" інструмент).

[gedygold]

Можа гэта як з арх.знаходкамі - чалавек бачыў даўно, не ведае для чаго ён, але хочыць дапамагчы і таму нешта імкнецца апісаць. Тое, што ён сам дрэнна ўяўляе?

[zmicierbielapol]

А хто яго ведае. У любым выпадку назву інструмента наўрад ці прыдумала сама бабка. Усё іншае яна абсалютна нармальна апісвала.

[skepsys]

да і пасьля паказу "дуды" дакладна пра адзін інструмент вядзецца?

"Чатыры, пяць, толькі меншыя, па-меньшэ. Як мушкеты такія, трошкі большыя, каторыя кураць, во, толькі большыя велечыной"

ну нібыта мацянка, але назва…

на ўскідку такі ланцужок:
"мусліны" = тканіна.
"мультанкі" - трохбурдонная дуда ў чэхіі (этымалягічна - магчыма, ад мультанаў, то бок малдаванаў).
"мультан" - у слоўніку Станкевіча = бумазея (тканіна).
"мультанка" - коўдра з такой такніны, альбо турэцкая табака

калі, скажам, мацянка - ўсё ж запазычаньне з захаду, то маем трансфармацыю ад "мультанкі" да "муслінаў". вееееельмі асьцярожная гіпотэза, мутная, але…

[zmicierbielapol]

Тут безумоўна ўсё неяк цьмяна. Яна ўвесь час казала пра адзін і той жа інструмент. Мо гэта і дуда, ае ж нейкая спецыфічная атрымліваецца. Альбо ў вёсцы яны свой інструмент вынайшлі)

[skepsys]

трэба бабці мацянку паказаць ;)

[skepsys]

а ці пытаў наўпрост ці знаёмыя ёй назвы кшталту "дуда", "мацянка"?

[skepsys]

Дзядзя, а цяпер з улікам відоса, дзе дуды ў анучкі загорнутыя, больш-менш праясняеецца карціна, не? Ціпа мацянка ў чэхліку ;)

[zmicierbielapol]

У дадзеным выпадку тут можа быць што заўгодна))

[skepsys]

Дзядзя, а пра каго бабця казала?