На гефсиманское моление Твое, еже мимоидет Тя чаша страстей, душевными очима зря, ужасаюся , обаче яко ученицы Христови в дремании и сне житие свое препровождаю. Обаче молю, да укреплен ангелом Твоим буду, нося крест свой безропотно тесными вратами в Царствие Небесное.

ГорЕ пред ученики Своя председя, заповеди новыя любви Творец, плотию облекохся, прорече, аз же, ни единыя сия заповеди исполних. Нищету мою духовную, молю, Ангелом Твоим исправи, да смирение плотское на духовное пременится, такового бо есть Царствие Небесное.

Дева Мария в сердце Своем Тебе служащая и девство Свое Тебе обетовавшая, гласа ангельского "Радуйся" сподобилася еси, по неизреченому Твоему милосердию по смерти моей Ангел Хранитель мой да послан на радость ми будет, праотцем Адамом затворенное и Тобою отверстое даруя Царствие Небесное.

На исхохшую смоковницу взирая, молю, Господи, потерпи на мне, не приносящего плода, милосердие неизреченное простри на окаяннейшего, внешним убранством кичащегося и праздным всякия добродетели явихся. Да не восхитит мя смерть неготоваго, обаче Ангелом Твоим наставляем, рожду наималейший плод смирения и покаяния, вводящий мя в Царствие Небесное.

Иеремиин плач приношу Господеви, обаче не о гибели иерусалимстей, но о погибели бесценныя души моея, ибо в вавилонстей гордыни до неба возвысися, во ад низверглся в падении своем, но на рамена Своя взях душу мою, безплотным хранителем умоляем, вознеси мя, Господи, во обители Отчи Царствия Небесного.

Жены своя умножая, любодейным идолослужением осквернихся Дома рукотворенного Твоего зиждитель Соломон, на конец живота принеся покаяние, прощение грехов получи. Тако и мене, Ангелом Хранителем понуждая к покаянию, поне к концу живота моего внутрь мене созижди Царствие Небесное.

На страдания вольная, нашего ради спасения грядый, осанну от лукавых иерусалимлян Господь приимаше, тако и мене, устами славящего Тя, а грехми распинающаго, помилуй, отрезви, настави на путь спасения и Ангела посли путевождя в Царствие Небесное.

Иисус путевождь в землю обетованную по преставлении Боговидца явивыйся, Святая Твоя нося, Иордан по суху прошед и Иерихон низверже, аз же грешный, Самаго Тебе, в Пречистых Тайнах Сущаго нося, чрез злоплетения диаволя не возмогаю прейти и стену вавилоню, окрест мене сущую, не сокрушаю, но Милостивый Господи, Ангела Твоего посли, да научит мя ( Read more... )

Несоделанное мое видесте очи Твои, Господи и попечение Божие со днех первых на мне есть, от дня крещения дадеся ми Ангел Божий, хранитель души и телу моему, сего молю, да его предстательством сподоблюсь аз, многогрешный, Царствия Небеснаго.

( Read more... )