А тем временем, оказывается, озвучили некогда написанный мною канон
https://azbyka.ru/molitvoslov/molitvy-uznika-zaklyuchennogo.html#n10

( Read more... )

От земных в небесная Дево Богомати преставляяся, благодать Свою преподала апостолам еси, с ними же и аз вопию: Дево Пречистая, помози ми. Умоли и по моем преставлении, да возьмет Ангел Хранитель душу мою на руце свои и к чертогу Отца Небеснаго принесет и припаду ко Твоим пресвятым стопам в Царствии Небеснем.

Горе пред ученики Своя председя, заповедь новую любве, Творец, в плотяное облекшися, возгласи, аз же ни единыя сия заповеди исполних, молю,нищету мою духовную Ангелом Твоим во благое премени, да смирение плотское пременится на духовное, такового бо Царствие Небесное.

Молитва о некрещенном младенце ( Read more... )

Дивный Ангел в пустыне Предтеча Господень явихся, житием постническим и равноангельным прославихся, аз же сластолюбием душу свою погубляю, но хранителем моим Ангелом научи мя, сквернаго, ангельскому поревновав житию, вниду в Царствие Твое Небесное.

Маловерием своим яко несумненное Воскресение Твое Фома прославих, тако и мой маловерный глас приими, да блаженство веровавшим вкупе и знамения веры прииму, Ангелом Хранителем Твоим маловерие мое на веру несумненную премени, яве да узрю Тя, Владыку Своего, в Царствии Небеснем.

Слепотою телесною слепоту духовную Жизнодавец исцелих, верховнаго благовестника Павла сотворил еси, тако и мене исцели, грехми валяющагося. Ангела Хранителя моего научи, Господи, вразумити мя, окаяннаго, покаянием да очищуся и благовестити волею возмогу Царство Твое Небесное.

Господи Милостивый, Творче Небесе и земли, наставивый ученики Своя апостолы не в многословии и многопопечительстве молитву деяти но вся полагати на волю Святую Твою, прими молитву грешнаго раба Твоего ( Read more... )

Марфино служение приемля, неотъемлемую благость мариину Господь прослави, аз же ни поучением Твоим внимая, ниже благая творя, имение Твое с разбойники и блудники разорих. Ангела Твоего молю, да благому деланию научит мя, блаженным сестрам поревновах, стяжу в душе своей Царствие Небесное.