N

[bacharevic]

***
Да ўчорашняга дня ніколі не чытаў братоў Стругацкіх. І вось узяў учора дзьве кніжкі. Расчараваньне. Слаба, непераканаўча, шмат дыялёгаў, часта банальна, да канца так і не дацягнуў. Шкада. Ня ведаю: каб такая літаратура стала культавай, трэба вельмі доўга і жорстка мучыць культуру -- чым, уласна, і займаліся бальшавікі да прыходу Стругацкіх. І

Comments

[ilnur]

А што менавіта Стругацкіх? Бо яны, як на мяне, вельмі няроўныя.

[bacharevic]

"Пикник на обочине", "Второе нашествие марсиан", "Улитка на склоне", "Отель "У погибшего альпиниста", "Град обреченный".

[vidymus]

Агораў толькі “Панядзелак” ды й той з напругаю. Хоць і чыталася ўсё ў самую савецкую эпоху.

[bacharevic]

Тады вы мяне разумееце :)
Значыць, і савецкая эпоха не замінала адрозьніць моцную літаратуру ад слабой. Хаця, здавалася б, Стр. павінны былі быць тады глытком паветра...

[ex_krywal]

таксама слабая кніжка, яшчэ прасавецкая.
для падлеткаў.

[shupa]

А я Стругацкіх і не чытаў. Калі было актуальна - тады я не любіў “фантастыку”. А калі “палюбіў” - стала неактуальна (спрабаваў пару старонак...). І Вонэгута не чытаў раней, а нядаўна прачытаў Cat's Cradle дык уй як не спадабалася... Затое Ніла Стывэнсана абажаю :)

[bacharevic]

Напэўна, каб палюбіць Стр., трэба быць Іншым.

Вонэгут... Мне дык Cat's Cradle раней падабалася. У юнацтве.
А як жа "Бойня №5" у перакладзе Пашы Касьцюкевіча?))

Пачытаць Ніла Стывэнсана мне замінае тая акалічнасьць, што яго называюць "клясыкам кібэрпанку" :) Ад аднаго слова "кібэрпанк" дрыжыкі прабіраюць.

[shupa]

калі твая дачка стане хакерам - зразумееш :)

[bacharevic]

Ну тады можа быць :)

[ex_krywal]

бляааааа...
як можна меркаваць штосьці пра Стругацкіх, прачытаўшы самыя слабыя кнігі?
гатэль альпініста, камсамольцы на марсе - самы пачатак іх пісьменніцтва, самае слабое. яны яшчэ пісалі з вялікай аглядкай на крытыку.
добра было б меркаваць пра пісьменніка А.Б., прачытаўшы толькі першую кніжыцу? ;)

[bacharevic]

Прабач, калі закрануў твае чытацкія пачуцьці. Не хацеў нікога абразіць. Я пішу тое, што думаю. І пакідаю права кожнаму пісаць пра мяне тое самае. Але меркаваць пра мяне па адной першай кнізе, вядома, ня трэба :) Я тады пакрыўджуся))

Мне дык здавалася, што я ўзяў у бібліятэцы найлепшае з таго, што яны стварылі. Прынамсі, так піша "Таймс")

Параіш нешта лепшае - абавязкова пачытаем. Пакуль што застаюся пры сваім.

[ex_krywal]

"Отягощённые злом". Серыя аб прагрэсарах, пачынаецца з "Обитаемого острова".
Якімі б не былі Стругацкія для нашага часу, яны былі проста неверагодна выбітнымі для свайго часу і асяроддзя. Ў дадатак, яны прарокі. Тэхнічна-сацыяльныя.

[bacharevic]

Добра, дзякуй. Знайду - прачытаю.

Я ж і не спрачаюся, што яны прарокі і што яны выбітныя асобы. Я пра суб'ектыўнае ўспрыманьне літаратуры як мастацтва. Эстэцтвую, карацей.

[kanaj]

Стругацкія харошыя, як па мне. І "Град..." харошы, і "Улітка...", і "Пікнік..."

Самае смешнае, што яны... ну... пачытвалі сёе-тое ў замежных калегаў па жанры, да якіх не меў доступу просты савецкі чытач, і падчас фантастычнага буму на пачатку 80-х, калі заходніх аўтараў пачалі перакладаць амаль што без разбору, гэтае "сёе-тое" "дзе-нідзе" стала вельмі заўважна вытыркацца з тэкстаў. Але ў вельмі прыстойных, да гонару аўтараў, прапорцыях.

Галоўнае ні ў якім разе не чытаць онлайн-каментары Барыса Стругацкага пра тое, "з якога смецця" былі зробленыя тэксты, што было падставай для іх стварэння і іншую кухню. Мне было вельмі крыўдна за фундамент "Миллиарда лет до конца света", і я своечасова пакінуў вэб-старонку.

[bacharevic]

Можа, яны й харошыя, але ўсё адно нешта ў іх ня тое...

Ды прыхільніку Стругацкага, вядома, нічога не дакажаш :)Адразу відаць абазнанага чалавека.

На пісьменьніцкую кухню я зазіраць люблю, аднак цябе добра разумею. Ня варта аўтару самому камэнтаваць свае творы і бурыць самім створаныя ілюзіі. У мяне таксама так было - шмат зь якімі маімі ўлюбёнцамі.

[kanaj]

Там дыялогі накшталт

[bacharevic]

Файна :) Я гэтага нічога ня ведаю - прабел.

Ахвотна схадзіў бы на тваю лекцыю па Стругацкіх.